ᠬᠣᠷᠴᠢᠨ ᠠᠷᠠᠳ ᠤ᠋ᠨ ᠳᠠᠭᠤᠤ ᠶ᠋ᠢᠨ DJ ᠴᠥᠬᠥᠷᠡᠯᠭᠡХорчин ардын дуугийн DJ цөхрөлгө
1775ᠬᠣᠷᠴᠢᠨ ᠠᠷᠠᠳ ᠤ᠋ᠨ ᠳᠠᠭᠤᠤ ᠶ᠋ᠢᠨ DJ ᠴᠥᠬᠥᠷᠡᠯᠭᠡ
ᠬᠥᠭᠵᠢᠮ ᠨᠠᠢᠷᠠᠭᠤᠯᠤᠭᠴᠢ᠄ ᠲᠤᠩᠭᠠᠯᠠᠭ
ᠭᠣᠣ ᠰᠢᠶᠣᠤ ᠵᠢᠶᠧ
ᠳᠠᠭᠤᠴᠢᠨ᠄ ᠬᠦᠰᠡᠯ
ᠠᠯᠲᠠᠨ ᠭᠠᠷᠤᠳᠢ ᠶ᠋ᠢᠨ ᠵᠤᠯᠵᠠᠭᠠ ᠴᠢᠨᠢ ᠡᠭᠦᠷᠯᠡᠭᠰᠡᠨ ᠭᠠᠵᠠᠷ ᠠ᠋ ᠬᠦᠢ
ᠠᠯᠲᠠᠨ ᠯᠤᠤ ᠶ᠋ᠢᠨ ᠵᠤᠯᠵᠠᠭᠠ ᠴᠢᠨᠢ ᠢᠴᠡᠭᠡᠯᠡᠭᠰᠡᠨ ᠭᠠᠵᠠᠷ ᠠ᠋ ᠬᠦᠢ
ᠠᠯᠲᠠᠨ ᠠᠰᠠᠷ ᠤ᠋ᠨ ᠯᠦᠩ ᠪᠤᠤ ᠳ᠋ᠢᠶᠠᠨ ᠢ᠋ ᠪᠠᠢᠭᠤᠯᠤᠭᠰᠠᠨ ᠭᠠᠵᠠᠷ ᠠ᠋ ᠬᠦᠢ
ᠠᠩᠭᠠ ᠪᠠᠭᠠ ᠭᠣᠣ ᠰᠢᠶᠣᠤ ᠵᠢᠶᠧ ᠶ᠋ᠢ ᠮᠡᠨᠳᠦᠯᠡᠭᠰᠡᠨ ᠭᠠᠵᠠᠷ ᠠ᠋ ᠬᠦᠢ
ᠡᠷᠳᠡᠨᠢ ᠶ᠋ᠢᠨ ᠯᠤᠤ ᠶ᠋ᠢᠨ ᠵᠤᠯᠵᠠᠭᠠ ᠴᠢᠨᠢ ᠢᠴᠡᠭᠡᠯᠡᠭᠰᠡᠨ ᠭᠠᠵᠠᠷ ᠠ᠋ ᠬᠦᠢ
ᠡᠷᠳᠡᠨᠢ ᠶ᠋ᠢᠨ ᠦᠰᠦᠲᠦ ᠭᠠᠷᠤᠳᠢ ᠰᠢᠪᠠᠭᠤ ᠶ᠋ᠢᠨ ᠳᠡᠪᠳᠡᠷᠢᠭᠰᠡᠨ ᠭᠠᠵᠠᠷ ᠠ᠋ ᠬᠦᠢ
ᠡᠷᠳᠡᠨᠢ ᠶ᠋ᠢᠨ ᠬᠠᠷᠰᠢ ᠶ᠋ᠢᠨ ᠯᠤᠸᠠᠨ ᠳ᠋ᠢᠶᠠᠨ ᠢ᠋ ᠪᠠᠢᠭᠤᠯᠤᠭᠰᠠᠨ ᠭᠠᠵᠠᠷ ᠠ᠋ ᠬᠦᠢ
ᠥᠬᠢᠨ ᠪᠠᠭᠠ ᠭᠣᠣ ᠰᠢᠶᠣᠤ ᠵᠢᠶᠧ ᠶ᠋ᠢ ᠲᠡᠷᠡ ᠭᠠᠵᠠᠷ ᠮᠡᠨᠳᠦᠯᠡᠵᠦ ᠪᠠ( ᠪᠢᠵᠡ) ᠬᠦᠢ
ᠰᠢᠨ ᠰᠢᠶᠣᠤ( ᠰᠢᠨᠱᠣᠸᠠᠷ)
ᠳᠠᠭᠤᠴᠢᠨ᠄ ᠵᠠᠩ ᠯᠢᠶᠠᠩ
ᠦᠷᠢᠯ ᠦ᠋ᠨ ᠮᠣᠳᠣ ᠪᠠᠨ ᠲᠠᠷᠢᠬᠤ ᠯᠠᠢ( ᠳ᠋ᠤ᠌) ᠬᠦᠢ
ᠦᠷᠢᠯ ᠢ᠋ ᠨᠢ ᠢᠳᠡᠶᠡ ᠰᠠᠨᠠᠭᠰᠠᠨ ᠶᠤᠮ ᠠ᠋ ᠬᠦᠢ
ᠦᠷᠡ ᠪᠠᠭᠠ ᠰᠢᠨ ᠰᠢᠶᠣᠤ ᠶ᠋ᠢ ᠥᠰᠬᠡᠬᠦ ᠯᠠᠢ( ᠳ᠋ᠤ᠌) ᠬᠦᠢ
ᠬᠦᠴᠦ ᠶ᠋ᠢ ᠨᠢ ᠢᠳᠡᠶᠡ ᠰᠠᠨᠠᠭᠰᠠᠨ ᠶᠤᠮ ᠠ᠋ ᠬᠦᠢ
ᠠᠯᠢᠮᠠ ᠶ᠋ᠢᠨ ᠮᠣᠳᠣ ᠪᠠᠨ ᠲᠠᠷᠢᠬᠤ ᠯᠠᠢ( ᠳ᠋ᠤ᠌) ᠬᠦᠢ
ᠠᠯᠢᠮᠠ ᠶ᠋ᠢ ᠨᠢ ᠢᠳᠡᠶᠡ ᠰᠠᠨᠠᠭᠰᠠᠨ ᠶᠤᠮ ᠠ᠋ ᠬᠦᠢ
ᠠᠩᠭᠠ ᠪᠠᠭᠠ ᠰᠢᠨ ᠰᠢᠶᠣᠤ ᠶ᠋ᠢ ᠥᠰᠬᠡᠬᠦ ᠯᠠᠢ( ᠳ᠋ᠤ᠌) ᠬᠦᠢ
ᠰᠠᠢᠨ ᠢ᠋ ᠨᠢ ᠦᠵᠡᠶᠡ ᠰᠠᠨᠠᠭᠰᠠᠨ ᠶᠤᠮ ᠠ᠋ ᠬᠦᠢ
ᠭᠡᠷᠡᠯ ᠠᠩᠭᠠ
ᠳᠠᠭᠤᠴᠢᠨ᠄ ᠤᠶᠠᠩᠭᠠ
ᠨᠠᠷᠠᠰᠤᠨ ᠮᠣᠳᠣ ᠴᠢᠨᠢ ᠨᠠᠷᠠᠨ ᠤ᠋ ᠪᠠᠨ ᠴᠢᠮᠡᠭ ᠠ᠋ ᠬᠦᠢ
ᠨᠠᠮᠠᠭᠠ ᠯᠢᠩᠬᠤᠠ ᠴᠡᠴᠡᠭ ᠴᠢᠨᠢ ᠨᠠᠭᠤᠷ ᠤ᠋ᠨ ᠢ᠋ᠶ᠋ᠠᠨ ᠴᠢᠮᠡᠭ ᠠ᠋ ᠬᠦᠢ
ᠨᠠᠮᠤᠭᠤᠬᠠᠨ ᠲᠥᠷᠥᠭᠰᠡᠨ ᠭᠡᠷᠡᠯ ᠠᠩᠭᠠ ᠬᠦᠢ
ᠨᠠᠢᠨᠠᠢ ᠪᠣᠯᠤᠨ ᠶᠧᠶᠧ ᠶ᠋ᠢᠨ ᠢ᠋ᠶ᠋ᠡᠨ ᠨᠢᠳᠦᠨ ᠦ᠌ ᠬᠢᠨᠢ ᠴᠢᠮᠡᠭ ᠠ᠋ ᠬᠦᠢ
ᠽᠠᠨᠳᠠᠨ ᠮᠣᠳᠣ ᠴᠢᠨᠢ ᠰᠠᠷᠠᠨ ᠤ᠋ ᠪᠠᠨ ᠴᠢᠮᠡᠭ ᠬᠦᠢ
ᠰᠠᠮᠠᠭᠠ ᠯᠢᠩᠬᠤᠠ ᠴᠡᠴᠡᠭ ᠴᠢᠨᠢ ᠨᠠᠭᠤᠷ ᠤ᠋ᠨ ᠢ᠋ᠶ᠋ᠠᠨ ᠴᠢᠮᠡᠭ ᠬᠦᠢ
ᠰᠠᠢᠬᠠᠨ ᠲᠥᠷᠥᠭᠰᠡᠨ ᠭᠡᠷᠡᠯ ᠠᠩᠭᠠ ᠬᠦᠢ
ᠠᠪᠤ ᠪᠣᠯᠤᠨ ᠮᠥᠮᠥ ᠶ᠋ᠢᠨ ᠢ᠋ᠶ᠋ᠡᠨ ᠵᠢᠷᠦᠬᠡᠨ ᠦ᠌ ᠬᠢᠨᠢ ᠴᠢᠮᠡᠭ ᠬᠦᠢ
ᠡᠮᠦᠨᠡ ᠠᠭᠤᠯᠠᠨ ᠳᠡᠭᠡᠷᠡ ᠨᠢ ᠭᠠᠷᠤᠭᠠᠳ ᠦᠵᠡᠬᠦᠯᠡ ᠬᠦᠢ
ᠤᠷᠤᠭ ᠤ᠋ᠨ ᠲᠡᠷᠭᠡ ᠴᠢᠨᠢ ᠢᠷᠡᠯᠡ ᠰᠢᠶ ( ᠰᠢᠦ) ᠬᠦᠢ
ᠤᠷᠠᠯᠢᠭ ᠲᠥᠷᠥᠭᠰᠡᠨ ᠭᠡᠷᠡᠯ ᠠᠩᠭᠠ ᠬᠦᠢ
ᠤᠷᠤᠭᠯᠠᠬᠤ ᠴᠠᠭ ᠨᠢ ᠲᠤᠯᠤᠭᠠᠳ ᠯᠠ ᠢᠷᠡᠯᠡ ᠬᠦᠢ
ᠬᠣᠢᠲᠤ ᠠᠭᠤᠯᠠᠨ ᠳᠡᠭᠡᠷᠡ ᠨᠢ ᠭᠠᠷᠤᠭᠠᠳ ᠦᠵᠡᠬᠦᠯᠡ ᠬᠦᠢ
ᠬᠤᠷᠢᠮ ᠤ᠋ᠨ ᠲᠡᠷᠭᠡ ᠴᠢᠨᠢ ᠢᠷᠡᠯᠡ ᠰᠢᠶᠡ( ᠰᠢᠦ) ᠬᠦᠢ
ᠬᠠᠢᠷᠠᠬᠠᠨ ᠲᠥᠷᠥᠭᠰᠡᠨ ᠭᠡᠷᠡᠯ ᠠᠩᠭᠠ ᠬᠦᠢ
ᠬᠤᠷᠢᠮᠯᠠᠬᠤ ᠴᠠᠭ ᠨᠢ ᠲᠤᠯᠤᠭᠠᠳ ᠯᠠ ᠢᠷᠡᠯᠡ ᠬᠦᠢ
ᠸᠧᠢ ᠬᠤ᠌ ᠰᠦᠢ ᠯᠢᠩ
ᠳᠠᠭᠤᠴᠢᠨ ᠄ ᠰᠤᠷᠤᠨᠠ
ᠰᠡᠷ ᠰᠡᠷ ᠰᠠᠯᠬᠢ ᠨᠢ ᠭᠠᠷᠪᠠᠯ ᠠ᠋
ᠰᠡᠩᠰᠡᠨ ᠳᠡᠪᠡᠯ ᠮᠢᠨᠢ ᠰᠠᠨᠠᠭᠳᠠᠨᠠ ᠬᠦᠢ
ᠰᠡᠳᠬᠢᠯ ᠲᠠᠭᠠᠷᠠᠭᠠᠳ ᠬᠡᠯᠡᠯᠴᠡᠭᠡᠳ ᠰᠠᠭᠤᠬᠤ ᠯᠠᠢ( ᠳ᠋ᠤ᠌)
ᠰᠦᠢ ᠯᠢᠩ ᠠᠩᠭᠠ ᠰᠠᠨᠠᠭᠳᠠᠨᠠ ᠸᠠᠰᠢ ᠳᠠ ᠰᠦᠢ ᠯᠢᠩ ᠬᠦᠢ
ᠥᠷᠪᠥᠰ ᠥᠷᠪᠥᠰ ᠵᠢᠪᠠᠷ ᠨᠢ ᠭᠠᠷᠪᠠᠯ ᠠ᠋
ᠦᠨᠡᠭᠡᠨ ᠳᠡᠪᠡᠯ ᠮᠢᠨᠢ ᠰᠠᠨᠠᠭᠳᠠᠨᠠ ᠬᠦᠢ
ᠦᠶᠡ ᠪᠡᠷ ᠢ᠋ᠶ᠋ᠡᠨ ᠲᠠᠭᠠᠷᠠᠭᠠᠳ ᠬᠡᠯᠡᠯᠴᠡᠭᠡᠳ ᠰᠠᠭᠤᠬᠤ ᠯᠠᠢ( ᠳ᠋ᠤ᠌)
ᠰᠦᠢ ᠯᠢᠩ ᠠᠩᠭᠠ ᠰᠠᠨᠠᠭᠳᠠᠨᠠ ᠸᠠᠰᠢ ᠳᠠ ᠰᠦᠢ ᠯᠢᠩ ᠬᠦᠢ
ᠤᠯᠠᠭᠠᠨ ᠲᠣᠷᠭᠠᠨ ᠤᠭᠤᠲᠠ ᠶ᠋ᠢ ᠪᠡᠨ
ᠤᠷᠠᠯᠢᠭ ᠴᠢᠮᠠ ᠳ᠋ᠤ᠌ ᠪᠠᠨ ᠬᠠᠶᠠᠵᠤ ᠥᠭᠭᠦᠶᠡ ᠬᠦᠢ
ᠤᠷᠲᠤ ᠲᠠᠯᠠ ᠳ᠋ᠤ᠌ ᠪᠠᠨ ᠲᠠᠯᠪᠢᠭᠠᠳ ᠤᠨᠲᠠᠬᠤ ᠶ᠋ᠢᠨ ᠦᠶᠡ ᠳ᠋ᠦ᠍ ᠪᠡᠨ
ᠤᠷᠠᠯᠢᠭ ᠰᠦᠢ ᠯᠢᠩ ᠢ᠋ᠶ᠋ᠡᠨ ᠪᠤᠤ ᠮᠠᠷᠲᠠ ᠸᠠᠰᠢ ᠳᠠ ᠬᠡ ᠬᠡ ᠮᠢᠨᠢ ᠬᠦᠢ
ᠬᠠᠷᠠ ᠲᠣᠷᠭᠠᠨ ᠤᠭᠤᠲᠠ ᠶ᠋ᠢ ᠪᠡᠨ
ᠬᠠᠢᠷᠠᠬᠠᠨ ᠴᠢᠮᠠ ᠳ᠋ᠤ᠌ ᠪᠠᠨ ᠬᠠᠶᠠᠵᠤ ᠥᠭᠭᠦᠶᠡ ᠬᠦᠢ
ᠬᠠᠪᠢᠷᠭᠠ ᠳ᠋ᠤ᠌ ᠪᠠᠨ ᠲᠠᠯᠪᠢᠭᠠᠳ ᠤᠨᠲᠠᠬᠤ ᠶ᠋ᠢᠨ ᠦᠶᠡ ᠳ᠋ᠦ᠍ ᠪᠡᠨ
ᠬᠠᠢᠷᠠᠬᠠᠨ ᠰᠦᠢ ᠯᠢᠩ ᠢ᠋ᠶ᠋ᠡᠨ ᠪᠤᠤ ᠮᠠᠷᠲᠠ ᠸᠠᠰᠢ ᠳᠠ ᠬᠡ ᠬᠡ ᠮᠢᠨᠢ ᠬᠦᠢ
ᠤᠭᠤᠲᠠ ᠶ᠋ᠢᠨ ᠮᠠᠭᠲᠠᠭᠠᠯ
ᠳᠠᠭᠤᠴᠢᠨ᠄ ᠪᠤᠤ ᠬᠣᠩ ᠬᠤᠸᠠ
ᠵᠢᠩ ᠶᠧ ᠬᠣᠲᠠ ᠶ᠋ᠢᠨ ᠵᠢᠩᠬᠢᠨᠢ ᠲᠣᠷᠭᠠ ᠬᠦᠢ
ᠵᠢᠨᠲ᠋ᠧᠦ (ᠳᠡᠷᠡ ) ᠶ᠋ᠢᠨ ᠢ᠋ᠶ᠋ᠡᠨ ᠨᠢᠭᠤᠷ ᠢ᠋ ᠨᠢ ᠨᠠᠭᠠᠭᠠᠳ ᠯᠠ ᠣᠶᠣᠭᠰᠠᠨ ᠶᠤᠮ ᠠ᠋ ᠬᠦᠢ
ᠵᠢᠨᠲ᠋ᠧᠦ ᠶ᠋ᠢᠨ ᠢ᠋ᠶ᠋ᠡᠨ ᠨᠢᠭᠤᠷ ᠳᠡᠭᠡᠷᠡ ᠨᠢ ᠣᠶᠣᠭᠠᠳ ᠲᠡᠭᠡᠭᠰᠡᠨ ᠬᠤᠸᠠᠷ ᠨᠢ ᠬᠦᠢ
ᠵᠢᠩ ᠳᠧ ᠪᠣᠯᠤᠨ ᠴᠢᠨ ᠴᠢᠶᠦ᠋ᠩ ᠬᠣᠶᠠᠭᠤᠯᠠ ᠶ᠋ᠢ ᠪᠦᠷᠢᠨ ᠢ᠋ᠶ᠋ᠡᠷ ᠨᠢ ᠣᠶᠣᠭᠰᠠᠨ ᠶᠤᠮ ᠠ᠋ ᠬᠦᠢ
ᠬᠠᠭᠠᠯᠭᠠ ᠶ᠋ᠢᠨ ᠬᠣᠲᠠᠨ ᠤ᠋ ᠬᠠᠷᠠ ᠴᠤ᠌ ᠲᠣᠷᠭᠠ ᠬᠦᠢ
ᠬᠠᠪᠲᠠᠭᠠ ᠶ᠋ᠢᠨ ᠢ᠋ᠶ᠋ᠡᠨ ᠢᠷᠣᠭᠠᠷ ᠢ᠋ ᠨᠢ ᠨᠠᠭᠠᠭᠠᠳ ᠯᠠ ᠣᠶᠣᠭᠰᠠᠨ ᠶᠤᠮ ᠠ᠋ ᠬᠦᠢ
ᠬᠠᠪᠲᠠᠭᠠ ᠶ᠋ᠢᠨ ᠢ᠋ᠶ᠋ᠡᠨ ᠳᠡᠭᠡᠷᠡ ᠨᠢ ᠬᠠᠳᠬᠤᠭᠠᠳ ᠣᠶᠣᠭᠰᠠᠨ ᠬᠤᠸᠠᠷ ᠨᠢ ᠬᠦᠢ
ᠬᠠᠨ ᠲᠦᠩ ᠲᠦ ᠳᠢ ᠵᠠᠮ ᠢ᠋ᠶ᠋ᠠᠨ ᠬᠥᠭᠡᠭᠡᠵᠦ ᠪᠠᠢᠬᠤ ᠪᠠᠷ ᠨᠢ ᠣᠶᠣᠭᠰᠠᠨ ᠶᠤᠮ ᠠ᠋ ᠬᠦᠢ
ᠤᠷᠲᠤ ᠬᠣᠲᠠ ᠶ᠋ᠢᠨ ᠤᠯᠠᠪᠲᠤᠷ ᠲᠣᠷᠭᠠ ᠬᠦᠢ
ᠤᠭᠤᠲᠠᠨ ᠤ᠋ ᠪᠠᠨ ᠢᠷᠣᠭᠠᠷ ᠢ᠋ ᠨᠢ ᠨᠠᠭᠠᠭᠠᠳ ᠯᠠ ᠣᠶᠣᠭᠰᠠᠨ ᠶᠤᠮ ᠠ᠋ ᠬᠦᠢ
ᠤᠭᠤᠲᠠᠨ ᠤ᠋ ᠪᠠᠨ ᠳᠡᠭᠡᠷᠡ ᠨᠢ ᠤᠷᠠᠯᠠᠭᠠᠳ ᠣᠶᠣᠭᠰᠠᠨ ᠬᠤᠸᠠᠷ ᠨᠢ ᠬᠦᠢ
ᠤᠯᠤᠰ ᠤ᠋ᠨ ᠴᠧᠩᠰᠢᠶᠠᠩ ᠰᠢᠦᠢ ᠮᠠᠤ ᠬᠦᠩ ᠢ᠋ ᠪᠦᠷᠢᠨ ᠢ᠋ᠶ᠋ᠡᠷ ᠨᠢ ᠣᠶᠣᠭᠰᠠᠨ ᠶᠤᠮ ᠠ᠋ ᠬᠦᠢ
ᠴᠠᠭᠠᠲᠠᠢ ᠬᠣᠲᠠ ᠶ᠋ᠢᠨ ᠴᠠᠭᠠᠪᠲᠤᠷ ᠲᠣᠷᠭᠠ ᠬᠦᠢ
ᠴᠢᠨᠳᠠᠰᠤ ᠶ᠋ᠢᠨ ᠢ᠋ᠶ᠋ᠡᠨ ᠢᠷᠣᠭᠠᠷ ᠢ᠋ ᠨᠢ ᠨᠠᠭᠠᠭᠠᠳ ᠯᠠ ᠣᠶᠣᠭᠰᠠᠨ ᠶᠤᠮ ᠠ᠋ ᠬᠦᠢ
ᠴᠢᠨᠳᠠᠰᠤ ᠶ᠋ᠢᠨ ᠢ᠋ᠶ᠋ᠡᠨ ᠳᠡᠭᠡᠷᠡ ᠨᠢ ᠰᠡᠢᠯᠦᠭᠡᠳ ᠣᠶᠣᠭᠰᠠᠨ ᠬᠤᠸᠠᠷ ᠨᠢ ᠬᠦᠢ
ᠰᠠᠢᠳ ᠪᠣᠯᠤᠨ ᠲᠦᠰᠢᠮᠡᠯ ᠢ᠋ ᠪᠦᠷᠢᠨ ᠢ᠋ᠶ᠋ᠡᠷ ᠨᠢ ᠣᠶᠣᠭᠰᠠᠨ ᠶᠤᠮ ᠠ᠋ ᠬᠦᠢ
ᠶ᠋ᠢᠨ ᠮᠧᠢ
ᠳᠠᠭᠤᠴᠢᠨ᠄ ᠰᠡᠷᠭᠦᠯᠡᠩ
ᠲᠠᠯᠠ ᠶ᠋ᠢᠨ ᠠᠢᠯ ᠤ᠋ᠨ᠂ ᠶ᠋ᠢᠨ ᠮᠧᠢ ᠭᠣᠯᠣᠣ ᠪᠠᠨ
ᠲᠠᠪᠤ ᠯᠠ ᠬᠣᠨᠣᠭ ᠢ᠋ᠶ᠋ᠠᠷ ᠡᠷᠭᠢᠶᠡ ᠬᠦᠢ
ᠲᠠᠯᠠ ᠳ᠋ᠤ᠌ ᠪᠠᠨ ᠤᠷᠭᠤᠭᠰᠠᠨ ᠲᠠᠪᠤᠨ ᠥᠩᠭᠡ ᠶ᠋ᠢᠨ ᠬᠤᠸᠠᠷ ᠢ᠋
ᠲᠠᠰᠤᠯᠵᠤ ᠠᠪᠤᠭᠠᠳ ᠬᠦᠷᠭᠡᠶᠡ ᠬᠦᠢ
ᠠᠷᠤ ᠶ᠋ᠢᠨ ᠠᠢᠯ ᠤ᠋ᠨ᠂ ᠶ᠋ᠢᠨ ᠮᠧᠢ ᠭᠣᠯᠣᠣ ᠪᠠᠨ
ᠠᠷᠪᠠ ᠯᠠ ᠬᠣᠨᠣᠭ ᠢ᠋ᠶ᠋ᠠᠷ ᠡᠷᠭᠢᠶᠡ ᠬᠦᠢ
ᠠᠭᠤᠯᠠᠨ ᠳ᠋ᠤ᠌ ᠪᠠᠨ ᠤᠷᠭᠤᠭᠰᠠᠨ ᠤᠯᠠᠭᠠᠨ ᠯᠢᠩᠬᠤᠠ ᠬᠤᠸᠠᠷ ᠢ᠋
ᠤᠭ ᠢ᠋ᠶ᠋ᠠᠷ ᠨᠢ ᠠᠪᠤᠭᠠᠳ ᠬᠦᠷᠭᠡᠶᠡ ᠬᠦᠢ
ᠬᠥᠬᠡ ᠭᠠᠳᠠᠷ ᠲᠠᠢ ᠬᠤᠷᠠᠭᠠ ᠶ᠋ᠢᠨ ᠠᠷᠠᠰᠤᠨ ᠳᠡᠪᠡᠯ ᠢ᠋ ᠴᠢᠨᠢ
ᠬᠥᠪᠡᠭᠡ ᠶ᠋ᠢ ᠨᠢ ᠪᠠᠷᠠᠲᠠᠯᠠ ᠡᠮᠦᠰᠦᠶᠡ ᠬᠦᠢ
ᠬᠥᠭᠡᠷᠦᠬᠦᠨ ᠲᠥᠷᠥᠭᠰᠡᠨ ᠶ᠋ᠢᠨ ᠮᠧᠢ ᠭᠣᠯᠣᠣ ᠪᠠᠨ
ᠬᠥᠭᠰᠢᠨ ᠪᠣᠯᠲᠠᠯᠠ ᠬᠦᠯᠢᠶᠡᠶᠡ ᠬᠦᠢ
ᠪᠣᠷᠣ ᠭᠠᠳᠠᠷ ᠲᠠᠢ ᠪᠤᠯᠠᠭᠠ ᠶ᠋ᠢᠨ ᠠᠷᠠᠰᠤᠨ ᠳᠡᠪᠡᠯ ᠢ᠋ ᠴᠢᠨᠢ
ᠪᠣᠳᠣᠭ ᠢ᠋ ᠨᠢ ᠤᠨᠠᠲᠠᠯᠠ ᠡᠮᠦᠰᠦᠶᠡ ᠬᠦᠢ
ᠪᠤᠯᠪᠠᠷᠠᠢᠬᠠᠨ ᠲᠥᠷᠥᠭᠰᠡᠨ ᠦ᠌ ᠮᠧᠢ ᠭᠣᠯᠣᠣ ᠪᠠᠨ
ᠪᠤᠭᠤᠷᠤᠯ ᠪᠣᠯᠲᠠᠯᠠ ᠬᠦᠯᠢᠶᠡᠶᠡ ᠬᠦᠢ
ᠬᠠᠨ ᠰᠢᠦ ᠶᠢᠩ
ᠳᠠᠭᠤᠴᠢᠨ᠄ ᠴᠢᠦᠸᠠᠨ ᠶᠢᠩ
ᠱᠠᠭᠠᠵᠠᠭᠠᠢ ᠪᠣᠯᠤᠨ ᠰᠢᠪᠠᠭᠤ ᠲᠠᠢ ᠪᠠᠨ ᠬᠣᠶᠠᠭᠤᠯᠠ ᠪᠠᠨ ᠱᠠᠭᠰᠢᠵᠤ ᠪᠠᠢᠬᠤ ᠨᠢ ᠣᠨᠳᠣᠣ ᠬᠦᠢ
ᠰᠠᠭᠰᠤᠨ ᠳ᠋ᠤ᠌ ᠪᠠᠢᠬᠤ ᠮᠢᠬᠠᠨ ᠳ᠋ᠤ᠌ ᠴᠢᠨᠢ ᠳᠤᠷᠠᠯᠠᠵᠤ ᠪᠠᠢᠬᠤ ᠨᠢ ᠯᠠᠪᠳᠠᠭᠤᠨ ᠪᠠ( ᠪᠢᠵᠡ) ᠬᠦᠢ
ᠴᠠᠭᠠᠲᠠᠢ ᠨᠠᠭᠠᠲᠠᠢ ᠠᠢᠯ ᠤ᠋ᠨ ᠵᠠᠯᠠᠭᠤᠴᠤᠳ ᠴᠠᠭᠠᠭᠤᠷ ᠨᠠᠭᠠᠭᠤᠷ ᠨᠢ ᠭᠦᠶᠦᠯᠴᠡᠭᠡᠳ ᠬᠦᠢ
ᠴᠠᠭᠠᠪᠤᠷ ᠲᠥᠷᠥᠭᠰᠡᠨ ᠰᠢᠦ ᠶᠢᠩ ᠴᠢᠮᠠ ᠳ᠋ᠤ᠌ ᠳᠤᠷᠠᠯᠠᠵᠤ ᠪᠠᠢᠬᠤ ᠨᠢ ᠯᠠᠪᠳᠠᠭᠤᠨ ᠪᠠ( ᠪᠢᠵᠡ) ᠬᠦᠢ
ᠡᠯᠢᠶᠡ ᠪᠣᠯᠤᠨ ᠰᠢᠪᠠᠭᠤ ᠲᠠᠢ ᠪᠠᠨ ᠬᠣᠶᠠᠭᠤᠯᠠ ᠪᠠᠨ ᠡᠷᠭᠢᠴᠡᠴᠦ ᠪᠠᠢᠬᠤ ᠨᠢ ᠣᠨᠳᠣᠣ ᠬᠦᠢ
ᠡᠯᠭᠦᠵᠦ ᠪᠠᠢᠬᠤ ᠥᠷᠥᠮᠡᠨ ᠳ᠋ᠦ᠍ ᠴᠢᠨᠢ ᠳᠤᠷᠠᠯᠠᠵᠤ ᠪᠠᠢᠬᠤ ᠨᠢ ᠯᠠᠪᠳᠠᠭᠤᠨ ᠪᠠ ( ᠪᠢᠵᠡ) ᠬᠦᠢ
ᠡᠨᠡᠲᠡᠢ ᠲᠡᠨᠲᠡᠢ ᠠᠢᠯ ᠤ᠋ᠨ ᠵᠠᠯᠠᠭᠤᠴᠤᠳ ᠡᠨᠡᠭᠦᠷ ᠲᠡᠨᠡᠭᠦᠷ ᠨᠢ ᠭᠦᠶᠦᠯᠴᠡᠭᠡᠳ ᠬᠦᠢ
ᠡᠪᠯᠢᠭ ᠲᠥᠷᠥᠭᠰᠡᠨ ᠰᠢᠦ ᠶᠢᠩ ᠴᠢᠮᠠ ᠳ᠋ᠤ᠌ ᠳᠤᠷᠠᠯᠠᠵᠤ ᠪᠠᠢᠬᠤ ᠨᠢ ᠯᠠᠪᠳᠠᠭᠤᠨ ᠪᠠ( ᠪᠢᠵᠡ) ᠬᠦᠢ
ᠱᠠᠭᠠᠵᠠᠭᠠᠢ ᠪᠣᠯᠤᠨ ᠰᠢᠪᠠᠭᠤ ᠲᠠᠢ ᠪᠠᠨ ᠬᠣᠶᠠᠭᠤᠯᠠ ᠪᠠᠨ ᠱᠠᠭᠰᠢᠬᠤ ᠪᠠᠷ ᠢ᠋ᠶ᠋ᠠᠨ ᠱᠠᠭᠰᠢᠭ ᠳᠠ ᠬᠦᠢ
ᠰᠠᠭᠰᠤᠨ ᠳ᠋ᠤ᠌ ᠪᠠᠢᠬᠤ ᠮᠢᠬᠠᠨ ᠳ᠋ᠤ᠌ ᠮᠢᠨᠢ ᠳᠤᠷᠠᠯᠠᠬᠤ ᠪᠠᠷ ᠢ᠋ᠶ᠋ᠠᠨ ᠳᠤᠷᠠᠯᠠᠭ ᠳᠠ ᠬᠦᠢ
ᠴᠠᠭᠠᠲᠠᠢ ᠨᠠᠭᠠᠲᠠᠢ ᠠᠢᠯ ᠤ᠋ᠨ ᠵᠠᠯᠠᠭᠤᠴᠤᠳ ᠭᠦᠶᠦᠯᠴᠡᠬᠦ ᠪᠡᠷ ᠢ᠋ᠶ᠋ᠡᠨ ᠭᠦᠶᠦᠯᠴᠡᠭ ᠳᠡ ᠬᠦᠢ
ᠴᠠᠭᠠᠨᠠ ᠠ᠋ᠴᠠ ᠨᠢ ᠲᠠᠯᠪᠢᠭᠰᠠᠨ ᠢᠷᠦᠭᠡᠯ ᠨᠢ ᠦᠭᠡᠢ ᠪᠣᠯ ᠴᠢᠩᠭᠠᠭᠠᠭᠠᠳ ᠠᠪᠠᠴᠢᠵᠤ ᠶᠣᠯᠣᠭᠣᠨᠠ ᠤᠤ ᠳᠠ ᠬᠦᠢ
ᠡᠯᠢᠶᠡ ᠪᠣᠯᠤᠨ ᠰᠢᠪᠠᠭᠤ ᠲᠠᠢ ᠪᠠᠨ ᠬᠣᠶᠠᠭᠤᠯᠠ ᠪᠠᠨ ᠡᠷᠭᠢᠴᠡᠬᠦ ᠪᠡᠷ ᠢ᠋ᠶ᠋ᠡᠨ ᠡᠷᠭᠢᠴᠡᠭ ᠳᠡ ᠬᠦᠢ
ᠡᠯᠭᠦᠵᠦ ᠪᠠᠢᠬᠤ ᠥᠷᠥᠮᠡᠨ ᠳ᠋ᠦ᠍ ᠮᠢᠨᠢ ᠳᠤᠷᠠᠯᠠᠬᠤ ᠪᠠᠷ ᠢ᠋ᠶ᠋ᠠᠨ ᠳᠤᠷᠠᠯᠠᠭ ᠳᠠ ᠬᠦᠢ
ᠡᠨᠡᠲᠡᠢ ᠲᠡᠨᠲᠡᠢ ᠠᠢᠯ ᠤ᠋ᠨ ᠵᠠᠯᠠᠭᠤᠴᠤᠳ ᠡᠷᠭᠢᠯᠳᠦᠬᠦ ᠪᠡᠷ ᠢ᠋ᠶ᠋ᠡᠨ ᠡᠷᠭᠢᠯᠳᠦᠭ ᠳᠡ ᠬᠦᠢ
ᠡᠨᠡ ᠲᠥᠷᠥᠯ ᠦ᠋ᠨ ᠢᠷᠦᠭᠡᠯ ᠨᠢ ᠦᠭᠡᠢ ᠪᠣᠯ ᠡᠷᠡ ᠡᠮᠡ ᠪᠣᠯᠤᠨᠠ ᠭᠡᠳ ᠶᠣᠯᠣᠭᠣᠨᠠ ᠤᠤ ᠳᠠ ᠬᠦᠢ
ᠰᠠᠩᠵᠠᠢ ᠮᠠᠮᠠ
ᠳᠠᠭᠤᠴᠢᠨ᠄ ᠴᠡᠯᠮᠡᠭ
ᠰᠠᠭᠠᠷᠠᠯ ᠮᠣᠷᠢ ᠲᠠᠢ ᠰᠠᠩᠵᠠᠢ ᠮᠠᠮᠠ ᠬᠦᠢ
ᠰᠢᠷᠠ ᠬᠤᠸᠠ ᠶ᠋ᠢᠨ ᠵᠠᠮ ᠢ᠋ᠶ᠋ᠠᠷ ᠢ᠋ᠶ᠋ᠠᠨ ᠰᠠᠵᠢᠯᠠᠭᠤᠯᠵᠤ ᠶᠠᠪᠤᠨᠠ ᠬᠦᠢ
ᠰᠠᠢᠬᠠᠨ ᠲᠥᠷᠥᠭᠰᠡᠨ ᠰᠦᠮᠦᠷᠦᠦ ᠠᠩᠭᠠ ᠬᠦᠢ
ᠱᠠᠮᠫᠠᠨ ᠭᠡᠷ ᠦ᠋ᠨ ᠢ᠋ᠶ᠋ᠡᠨ ᠣᠷᠣᠢ ᠳᠡᠭᠡᠷᠡ ᠵᠣᠭᠰᠣᠭᠠᠳ ᠰᠠᠷᠠᠪᠴᠢᠯᠠᠵᠤ ᠪᠠᠢᠨᠠ ᠬᠦᠢ
ᠪᠤᠭᠤᠷᠤᠯ ᠮᠣᠷᠢ ᠲᠠᠢ ᠰᠠᠩᠵᠠᠢ ᠮᠠᠮᠠ ᠬᠦᠢ
ᠪᠣᠷᠣ ᠬᠤᠸᠠ ᠶ᠋ᠢᠨ ᠵᠠᠮ ᠢ᠋ᠶ᠋ᠠᠷ ᠢ᠋ᠶ᠋ᠠᠨ ᠪᠤᠲᠠᠷᠠᠭᠤᠯᠵᠤ ᠶᠠᠪᠤᠨᠠ ᠬᠦᠢ
ᠪᠤᠯᠪᠠᠷᠠᠢᠬᠠᠨ ᠲᠥᠷᠥᠭᠰᠡᠨ ᠰᠦᠮᠦᠷᠦᠦ ᠠᠩᠭᠠ ᠬᠦᠢ
ᠪᠣᠰᠤᠭᠠ ᠭᠡᠷ ᠦ᠋ᠨ ᠢ᠋ᠶ᠋ᠡᠨ ᠣᠷᠣᠢ ᠳᠡᠭᠡᠷᠡ ᠵᠣᠭᠰᠣᠭᠠᠳ ᠪᠠᠷᠠᠯᠠᠵᠤ ᠶᠠᠪᠤᠨᠠ ᠬᠦᠢ
ᠳ᠋ᠦᠩ ᠱᠠᠨ ᠬᠡ ᠬᠡ
ᠳᠠᠭᠤᠴᠢᠨ᠄ ᠭᠦᠦᠳᠠᠭᠤᠯᠠ
ᠵᠥᠪ ᠵᠦᠭᠡᠷ ᠰᠠᠭᠤᠶᠠ ᠭᠡᠬᠦᠯᠡᠷ ᠵᠦᠢᠯ ᠦ᠋ᠨ ᠬᠣᠶᠠᠷ ᠢ᠋ ᠪᠣᠳᠣᠨᠠ ᠬᠦᠢ
ᠵᠡᠭᠦᠨ ᠠᠭᠤᠯᠠᠨ ᠤ᠋ ᠳ᠋ᠦᠩ ᠱᠠᠨ ᠬᠡ ᠬᠡ ᠪᠣᠳᠣᠭᠳᠠᠭᠠᠳ ᠪᠠᠢᠨᠠ ᠬᠦᠢ
ᠵᠡᠭᠦᠨ ᠠᠭᠤᠯᠠᠨ ᠤ᠋ ᠳ᠋ᠦᠩ ᠱᠠᠨ ᠬᠡ ᠬᠡ ᠪᠡᠨ ᠪᠣᠳᠣᠭᠠᠳ ᠢᠷᠡᠪᠡᠯ ᠬᠦᠢ
ᠵᠢᠷᠦᠬᠡᠨ ᠦ᠌ ᠭᠤᠷᠪᠠᠨ ᠰᠤᠳᠠᠰᠤ ᠮᠢᠨᠢ ᠲᠤᠭ ᠲᠤᠭ ᠴᠣᠬᠢᠨᠠ ᠬᠦᠢ
ᠡᠪ ᠡᠮᠡᠷᠬᠡᠨ ᠰᠠᠭᠤᠶᠠ ᠭᠡᠬᠦᠯᠡᠷ ᠡᠯᠳᠡᠪ ᠬᠣᠶᠠᠷ ᠢ᠋ ᠪᠣᠳᠣᠨᠠ ᠬᠦᠢ
ᠡᠮᠦᠨᠡ ᠠᠭᠤᠯᠠᠨ ᠤ᠋ ᠳ᠋ᠦᠩ ᠱᠠᠨ ᠬᠡ ᠬᠡ ᠪᠣᠳᠣᠭᠳᠠᠭᠠᠳ ᠪᠠᠢᠨᠠ ᠬᠦᠢ
ᠡᠮᠦᠨᠡ ᠠᠭᠤᠯᠠᠨ ᠤ᠋ ᠳ᠋ᠦᠩ ᠱᠠᠨ ᠬᠡ ᠬᠡ ᠪᠡᠨ ᠪᠣᠳᠣᠭᠠᠳ ᠢᠷᠡᠪᠡᠯ ᠬᠦᠢ
ᠡᠯᠢᠭᠡᠨ ᠦ᠌ ᠭᠤᠷᠪᠠᠨ ᠰᠤᠳᠠᠰᠤ ᠮᠢᠨᠢ ᠲᠤᠭ ᠲᠤᠭ ᠴᠣᠬᠢᠨᠠ ᠬᠦᠢ
ᠠᠭᠠᠷ ᠳᠡᠭᠡᠷᠡ ᠡᠴᠡ ᠠᠭᠠᠯᠵᠢ ᠶ᠋ᠢᠨ ᠵᠤᠯᠵᠠᠭᠠ ᠪᠠᠭᠤᠭᠠᠳ ᠯᠠ ᠢᠷᠡᠯᠡ ᠬᠦᠢ
ᠠᠪᠤ ᠳᠡᠭᠡᠳᠦ ᠶ᠋ᠢᠨ ᠲᠥᠷᠥᠯ ᠰᠠᠳᠤᠨ ᠮᠢᠨᠢ ᠬᠦᠷᠦᠭᠡᠳ ᠢᠷᠡᠬᠦ ᠶᠦᠮ ᠪᠠ( ᠪᠢᠵᠡ) ᠬᠦᠢ
ᠠᠯᠠᠭ ᠬᠣᠶᠠᠷ ᠨᠢᠳᠦ ᠮᠢᠨᠢ ᠵᠢᠷᠪᠢᠯᠵᠡᠵᠦ ᠲᠠᠲᠠᠨᠠ ᠬᠦᠢ
ᠠᠷᠤ ᠶ᠋ᠢᠨ ᠠᠭᠤᠯᠠᠨ ᠤ᠋ ᠳ᠋ᠦᠩ ᠱᠠᠨ ᠬᠡ ᠬᠡ ᠮᠢᠨᠢ ᠢᠷᠡᠬᠦ ᠴᠦ᠍ ᠶᠦᠮ ᠤᠤ ᠳᠠ ᠬᠦᠢ
ᠥᠨᠳᠥᠷ ᠳᠡᠭᠡᠷᠡ ᠡᠴᠡ ᠠᠭᠠᠯᠵᠢ ᠶ᠋ᠢᠨ ᠵᠤᠯᠵᠠᠭᠠ ᠪᠠᠭᠤᠭᠠᠳ ᠯᠠ ᠢᠷᠡᠯᠡ ᠬᠦᠢ
ᠡᠴᠢᠭᠡ ᠳᠡᠭᠡᠳᠦ ᠶ᠋ᠢᠨ ᠲᠥᠷᠥᠯ ᠰᠠᠳᠤᠨ ᠮᠢᠨᠢ ᠬᠦᠷᠦᠭᠡᠳ ᠢᠷᠡᠬᠦ ᠶᠦᠮ ᠪᠠ( ᠪᠢᠵᠡ) ᠬᠦᠢ
ᠡᠷᠢᠶᠡᠨ ᠠᠯᠠᠭ ᠨᠢᠳᠦ ᠮᠢᠨᠢ ᠵᠢᠷᠪᠢᠯᠵᠡᠵᠦ ᠲᠠᠲᠠᠨᠠ ᠬᠦᠢ
ᠡᠷᠳᠡᠨᠢ ᠶ᠋ᠢᠨ ᠠᠭᠤᠯᠠᠨ ᠤ᠋ ᠳ᠋ᠦᠩ ᠱᠠᠨ ᠬᠡ ᠬᠡ ᠮᠢᠨᠢ ᠢᠷᠡᠬᠦ ᠴᠦ᠍ ᠶᠦᠮ ᠤᠤ ᠳᠠ ᠬᠦᠢ
ᠳᠠᠨᠠᠪᠠᠯ
ᠳᠠᠭᠤᠴᠢᠨ᠄ ᠵᠢᠨᠫᠢᠩ᠂ ᠰᠡᠷᠭᠦᠯᠡᠩ
ᠡᠦ ᠲᠦᠩ ᠱᠤ᠌ ᠮᠣᠳᠣ ᠴᠢᠨᠢ ᠦᠵᠢᠷᠡᠭᠡᠳ ᠤᠨᠠᠪᠠᠯ ᠬᠦᠢ
ᠥᠲᠥᠨ ᠵᠢᠭᠦᠷ ᠲᠡᠢ ᠶᠢᠩᠭᠧᠷ ᠰᠢᠪᠠᠭᠤ ᠴᠢᠨᠢ ᠬᠠᠮᠢᠭᠠ ᠪᠠᠨ ᠰᠠᠭᠤᠭᠠᠳ ᠳᠣᠩᠭᠣᠳᠤᠶᠠ ᠬᠦᠢ
ᠦᠶᠡᠷᠬᠡᠵᠦ ᠰᠠᠨᠠᠭᠰᠠᠨ ᠳᠠᠨᠠᠪᠠᠯ ᠬᠡ ᠬᠡ ᠮᠢᠨᠢ ᠡᠦ ᠵᠤᠸᠠᠩ ᠤ᠋ᠨ ᠴᠡᠷᠢᠭ ᠲᠦ᠍ ᠪᠡᠨ ᠮᠣᠷᠳᠠᠪᠠᠯ ᠠ ᠬᠠ ᠬᠦ ᠬᠦᠢ
ᠦᠯᠡᠳᠡᠵᠦ ᠰᠠᠭᠤᠭᠰᠠᠨ ᠵᠢᠨ ᠰᠢᠶᠠᠩ ᠴᠢᠨᠢ ᠬᠡᠨ ᠢ᠋ᠶ᠋ᠡᠨ ᠬᠠᠷᠠᠭᠠᠳ ᠰᠠᠭᠤᠬᠤᠢ ᠶᠠ ᠬᠦᠢ
ᠬᠠᠢᠯᠠᠰᠤ ᠮᠠᠢᠯᠠᠰᠤ ᠮᠣᠳᠣ ᠴᠢᠨᠢ ᠬᠤᠪᠠᠬᠠᠢᠷᠠᠭᠠᠳ ᠤᠨᠠᠪᠠᠯ ᠬᠦᠢ
ᠬᠠᠢᠴᠢᠨ ᠵᠢᠭᠦᠷ ᠲᠡᠢ ᠶᠢᠩᠭᠧᠷ ᠰᠢᠪᠠᠭᠤ ᠴᠢᠨᠢ ᠬᠠᠮᠢᠭᠠ ᠪᠠᠨ ᠰᠠᠭᠤᠭᠠᠳ ᠳᠣᠩᠭᠣᠳᠤᠶᠠ ᠬᠦᠢ
ᠬᠠᠢᠷᠠᠯᠠᠵᠤ ᠰᠠᠨᠠᠭᠰᠠᠨ ᠳᠠᠨᠠᠪᠠᠯ ᠬᠡ ᠬᠡ ᠮᠢᠨᠢ ᠬᠠᠭᠠᠨ ᠤ᠋ ᠴᠡᠷᠢᠭ ᠲᠦ᠍ ᠪᠡᠨ ᠮᠣᠷᠳᠠᠪᠠᠯ ᠠ ᠬᠠ ᠬᠦ ᠬᠦᠢ
ᠡᠷᠭᠢᠬᠦ ᠵᠢᠯ ᠦ᠋ᠨ ᠭᠤᠷᠪᠠᠨ ᠰᠠᠷᠠ ᠳ᠋ᠤ᠌ ᠪᠠᠨ ᠴᠢᠯᠥᠭᠡ ᠭᠤᠶᠤᠭᠠᠳ ᠢᠷᠡᠬᠦ ᠦᠭᠡᠢ ᠤᠤ ᠶᠠ ᠬᠦᠢ
ᠡᠦ ᠲᠦᠩ ᠱᠤ᠌ ᠮᠣᠳᠣ ᠴᠢᠨᠢ ᠦᠵᠢᠷᠡᠭᠡᠳ ᠤᠨᠠᠪᠠᠯ ᠬᠦᠢ
ᠥᠲᠥᠨ ᠵᠢᠭᠦᠷ ᠲᠡᠢ ᠶᠢᠩᠭᠧᠷ ᠰᠢᠪᠠᠭᠤ ᠴᠢᠨᠢ ᠠᠭᠤᠯᠠᠨ ᠤ᠋ ᠪᠠᠨ ᠳᠡᠭᠡᠷᠡ ᠨᠢ ᠳᠣᠩᠭᠣᠳᠤᠨᠠ ᠬᠦᠢ
ᠦᠶᠡᠷᠬᠡᠵᠦ ᠳᠠᠰᠤᠭᠰᠠᠨ ᠳᠠᠨᠠᠪᠠᠯ ᠪᠡᠶᠡ ᠮᠢᠨᠢ ᠡᠦ ᠵᠤᠸᠠᠩ ᠤ᠋ᠨ ᠴᠡᠷᠢᠭ ᠲᠦ᠍ ᠪᠡᠨ ᠮᠣᠷᠳᠠᠪᠠᠯ ᠠ ᠬᠠ ᠬᠦ ᠬᠦᠢ
ᠡᠷᠭᠢᠬᠦ ᠵᠢᠯ ᠦ᠋ᠨ ᠭᠤᠷᠪᠠᠨ ᠰᠠᠷᠠ ᠳ᠋ᠤ᠌ ᠴᠢᠯᠥᠭᠡ ᠭᠤᠶᠤᠭᠠᠳ ᠢᠷᠡᠬᠦ ᠦᠭᠡᠢ ᠤᠤ ᠳᠠ ᠬᠦᠢ
ᠬᠠᠢᠯᠠᠰᠤ ᠮᠠᠢᠯᠠᠰᠤ ᠮᠣᠳᠣ ᠴᠢᠨᠢ ᠬᠠᠯᠪᠠᠷᠠᠭᠠᠳ ᠤᠨᠠᠪᠠᠯ ᠬᠦᠢ
ᠬᠠᠢᠴᠢᠨ ᠵᠢᠭᠦᠷ ᠲᠡᠢ ᠶᠢᠩᠭᠧᠷ ᠰᠢᠪᠠᠭᠤ ᠴᠢᠨᠢ ᠬᠠᠳᠠᠨ ᠤ᠋ ᠪᠠᠨ ᠳᠡᠭᠡᠷᠡ ᠨᠢ ᠳᠣᠩᠭᠣᠳᠤᠨᠠ ᠬᠦᠢ
ᠬᠠᠢᠷᠠᠯᠠᠵᠤ ᠰᠠᠨᠠᠭᠰᠠᠨ ᠳᠠᠨᠠᠪᠠᠯ ᠪᠡᠶᠡ ᠮᠢᠨᠢ ᠬᠠᠭᠠᠨ ᠤ᠋ ᠴᠡᠷᠢᠭ ᠲᠦ᠍ ᠪᠡᠨ ᠮᠣᠷᠳᠠᠪᠠᠴᠤ ᠠ ᠬᠠ ᠬᠦ ᠬᠦᠢ
ᠬᠣᠢᠲᠤ ᠶ᠋ᠢᠨ ᠵᠢᠯ ᠦ᠋ᠨ ᠭᠤᠷᠪᠠᠨ ᠰᠠᠷᠠ ᠳ᠋ᠤ᠌ ᠴᠢᠯᠥᠭᠡ ᠭᠤᠶᠤᠭᠠᠳ ᠢᠷᠡᠬᠦ ᠦᠭᠡᠢ ᠤᠤ ᠳᠠ ᠬᠦᠢ
ᠪᠠᠯᠵᠢᠨᠢᠮᠠ ᠵᠠᠭᠠᠨᠠ
ᠳᠠᠭᠤᠴᠢᠨ᠄ ᠮᠥᠴᠢᠷ
ᠠᠩᠬᠠᠨ ᠠ᠋ᠴᠠ ᠪᠠᠨ ᠠᠪᠤᠭᠠᠳ ᠠᠯᠳᠠᠷ ᠨᠡᠷᠡ ᠲᠡᠢ ᠭᠤᠷᠭᠤᠤᠯᠳᠠᠢ ᠬᠦᠢ
ᠠᠯᠲᠠᠨ ᠥᠳᠥ ᠲᠡᠢ ᠭᠤᠷᠭᠤᠤᠯᠳᠠᠢ ᠶ᠋ᠢᠨ ᠠᠶᠠᠯᠭᠤᠯᠠᠵᠤ ᠳᠣᠩᠭᠣᠳᠤᠭᠰᠠᠨ ᠭᠠᠵᠠᠷ ᠠ᠋ ᠬᠦᠢ
ᠠᠯᠲᠠᠨ ᠵᠢᠭᠦᠷ ᠲᠡᠢ ᠭᠤᠷᠭᠤᠤᠯᠳᠠᠢ ᠶ᠋ᠢᠨ ᠨᠠᠪᠳᠠᠭ ᠰᠠᠪᠳᠠᠭ ᠢ᠋ ᠳᠠᠷᠤᠨᠠ ᠭᠡᠳ ᠠ ᠬᠠ ᠬᠦᠢ
ᠠᠷᠪᠠᠨ ᠭᠤᠷᠪᠠᠨ ᠦᠶᠡ ᠲᠡᠢ ᠠᠯᠲᠠᠨ ᠰᠤᠪᠤᠷᠭᠠ ᠶ᠋ᠢ ᠱᠣᠩᠬᠣᠷ ᠤ᠋ᠨ ᠠᠭᠤᠯᠠᠨ ᠳ᠋ᠤ᠌ ᠪᠤᠰᠬᠠᠵᠠᠢ ᠬᠦᠢ
ᠡᠷᠲᠡᠨ ᠡᠴᠡ ᠪᠡᠨ ᠠᠪᠤᠭᠠᠳ ᠡᠷᠡᠯᠬᠡᠭ ᠴᠣᠯᠠ ᠲᠠᠢ ᠭᠤᠷᠭᠤᠤᠯᠳᠠᠢ ᠬᠦᠢ
ᠡᠷᠳᠡᠨᠢ ᠶ᠋ᠢᠨ ᠥᠳᠥ ᠲᠡᠢ ᠭᠤᠷᠭᠤᠤᠯᠳᠠᠢ ᠶ᠋ᠢᠨ ᠡᠭᠡᠰᠢᠭᠯᠡᠵᠦ ᠳᠣᠩᠭᠣᠳᠤᠭᠰᠠᠨ ᠭᠠᠵᠠᠷ ᠠ᠋ ᠬᠦᠢ
ᠡᠷᠳᠡᠨᠢ ᠶ᠋ᠢᠨ ᠵᠢᠭᠦᠷ ᠲᠡᠢ ᠭᠤᠷᠭᠤᠤᠯᠳᠠᠢ ᠶ᠋ᠢᠨ ᠨᠠᠪᠲᠠᠭ ᠰᠠᠪᠳᠠᠭ ᠢ ᠳᠠᠷᠤᠨᠠ ᠭᠡᠳ ᠠ ᠬᠠ ᠬᠦᠢ
ᠶᠢᠰᠦᠨ ᠦᠶᠡ ᠲᠡᠢ ᠡᠷᠳᠡᠨᠢ ᠶ᠋ᠢᠨ ᠰᠤᠪᠤᠷᠭᠠ ᠶ᠋ᠢ ᠱᠣᠩᠬᠣᠷ ᠤ᠋ᠨ ᠠᠭᠤᠯᠠᠨ ᠳ᠋ᠤ᠌ ᠴᠣᠭᠴᠠᠯᠠᠵᠠᠢ ᠬᠦᠢ
ᠵᠢᠨᠵᠤᠤᠷ
ᠳᠠᠭᠤᠴᠢᠨ᠄ ᠬᠥᠭᠵᠢᠯᠲᠦ
ᠵᠢᠶᠠᠩᠰᠠᠨ ᠳ᠋ᠤ᠌ ᠪᠠᠨ ᠲᠠᠷᠢᠭᠠᠳ ᠲᠡᠭᠡᠭᠰᠡᠨ ᠵᠢᠶᠠᠩᠰᠧᠯᠠᠢ ᠬᠤᠸᠠᠷ ᠢ᠋ ᠪᠡᠨ
ᠵᠠᠳᠠᠷᠠᠭᠠᠳ ᠳᠡᠯᠭᠡᠷᠡᠬᠦ ᠶ᠋ᠢ ᠨᠢ ᠬᠦᠯᠢᠶᠡᠶᠡ ᠠ ᠬᠠ ᠠ ᠬᠠ ᠬᠦ ᠬᠦᠢ
ᠵᠢᠶᠠᠩᠨᠠᠨ ᠳ᠋ᠤ᠌ ᠪᠠᠨ ᠮᠣᠷᠳᠠᠭᠰᠠᠨ ᠵᠢᠨᠵᠤᠤᠷ ᠭᠣᠯᠣᠣ ᠪᠠᠨ
ᠵᠢᠭᠡᠯᠡᠭᠡᠨ ᠳ᠋ᠦ᠍ ᠰᠠᠭᠤᠬᠤ ᠶ᠋ᠢ ᠨᠢ ᠬᠦᠯᠢᠶᠡᠶᠡ ᠬᠦᠢ
ᠵᠦᠢᠲᠡᠢ ᠵᠢᠨᠵᠤᠤᠷ ᠤ᠋ᠨ ᠮᠢᠨᠢ ᠣᠶᠣᠭᠠᠳ ᠥᠭᠭᠦᠭᠰᠡᠨ ᠬᠠᠨᠲᠠᠭᠠᠰᠤ
ᠵᠤᠨ ᠤ᠋ ᠨᠠᠷᠠᠨ ᠳ᠋ᠤ᠌ ᠪᠠᠨ ᠨᠡᠪᠲᠡᠷᠡᠬᠦ ᠦᠭᠡᠢ ᠠ ᠬᠠ ᠠ ᠬᠠ ᠬᠦ ᠬᠦᠢ
ᠵᠢᠨᠲ᠋ᠧᠦ ᠶ᠋ᠢᠨ ᠢ᠋ᠶ᠋ᠡᠨ ᠬᠠᠵᠠᠭᠤ ᠳ᠋ᠤ᠌ ᠪᠠᠨ ᠲᠠᠯᠪᠢᠭᠠᠳ ᠤᠨᠲᠠᠬᠤ ᠶ᠋ᠢᠨ ᠦᠶᠡᠰ ᠲᠦ᠍
ᠵᠡᠭᠦᠳᠦᠨ ᠳ᠋ᠦ᠍ ᠣᠷᠣᠮᠠᠷ ᠬᠠᠨᠲᠠᠭᠠᠰᠤ ᠠ᠋ ᠬᠦᠢ
ᠬᠠᠰᠢᠶᠠᠨ ᠳ᠋ᠤ᠌ ᠪᠠᠨ ᠲᠠᠷᠢᠭᠠᠳ ᠲᠡᠭᠡᠭᠰᠡᠨ ᠬᠠᠢᠲᠠᠩ ᠯᠢᠩᠬᠤᠠ ᠴᠡᠴᠡᠭ ᠢ᠋ᠶ᠋ᠡᠨ
ᠬᠠᠭᠠᠷᠠᠭᠠᠳ ᠳᠡᠯᠭᠡᠷᠡᠬᠦ ᠶ᠋ᠢ ᠨᠢ ᠬᠦᠯᠢᠶᠡᠶᠡ
ᠠ ᠬᠠ ᠠ ᠬᠠ ᠬᠦ ᠬᠦᠢ
ᠬᠠᠢᠨᠠᠨ ᠳ᠋ᠤ᠌ ᠪᠠᠨ ᠮᠣᠷᠳᠠᠭᠰᠠᠨ ᠵᠢᠨᠵᠤᠤᠷ ᠭᠣᠯᠣᠣ ᠪᠠᠨ
ᠬᠠᠷᠢᠭᠠᠳ ᠢᠷᠡᠬᠦ ᠶ᠋ᠢ ᠨᠢ ᠬᠦᠯᠢᠶᠡᠶᠡ ᠬᠦᠢ
ᠪᠢᠩᠲᠦ ᠸᠠᠩ
ᠳᠠᠭᠤᠴᠢᠨ᠄ ᠰᠡᠴᠡᠨᠪᠢᠯᠢᠭ
ᠲᠥᠷᠥᠭᠡᠳ ᠲᠡᠭᠡᠭᠰᠡᠨ ᠭᠠᠵᠠᠷ ᠶᠤᠭᠠᠨ ᠬᠡᠯᠡᠪᠡᠯ ᠳᠡ ᠬᠦᠢ
ᠲᠡᠭᠰᠢ ᠰᠠᠢᠬᠠᠨ ᠰᠠᠭᠤᠭᠰᠠᠨ ᠪᠢᠩᠲᠦ ᠶᠡᠬᠡ ᠬᠣᠰᠢᠭᠤ ᠶᠤᠮ ᠠ᠋ ᠬᠦᠢ
ᠲᠢᠪ ᠣᠯᠠᠨ ᠳᠡᠯᠡᠬᠡᠢ ᠳ᠋ᠦ᠍ ᠠᠯᠳᠠᠷ ᠢ᠋ᠶ᠋ᠠᠨ ᠮᠠᠨᠳᠤᠭᠤᠯᠤᠭᠰᠠᠨ ᠢ᠋ᠶ᠋ᠠᠨ ᠪᠣᠳᠣᠪᠠᠯ ᠳᠠ ᠸᠠᠰᠢ ᠳᠠ ᠶᠠᠭᠠᠬᠢᠬᠤᠪ ᠳᠠ
ᠲᠡᠭᠷᠢᠯᠢᠭ ᠪᠣᠭᠳᠠ ᠴᠢᠩᠭᠢᠰ ᠦ᠋ᠨ ᠦᠶᠡ ᠡᠴᠡ ᠪᠠᠭᠠᠲᠤᠷ ᠨᠡᠷᠡ ᠲᠡᠢ ᠪᠢᠳᠡ ᠨᠠᠷ ᠠ᠋ ᠬᠦᠢ
ᠤᠤᠭᠤᠭᠠᠳ ᠲᠡᠭᠡᠭᠰᠡᠨ ᠤᠰᠤ ᠶᠤᠭᠠᠨ ᠬᠡᠯᠡᠪᠡᠯ ᠳᠡ ᠬᠦᠢ
ᠤᠷᠤᠰᠬᠠᠯ ᠲᠤᠩᠭᠠᠯᠠᠭ ᠴᠦᠩᠬᠦᠯ ᠦ᠋ᠨ ᠭᠣᠣᠯ ᠤ᠋ᠨ ᠤᠰᠤ ᠶᠤᠮ ᠠ᠋ ᠬᠦᠢ
ᠣᠷᠴᠢᠯᠠᠩ ᠳᠡᠯᠡᠬᠡᠢ ᠳ᠋ᠦ᠍ ᠠᠯᠳᠠᠷ ᠢ᠋ᠶ᠋ᠠᠨ ᠮᠠᠨᠳᠤᠭᠤᠯᠤᠭᠰᠠᠨ ᠢ᠋ᠶ᠋ᠠᠨ ᠪᠣᠳᠣᠪᠠᠯ ᠳᠠ ᠸᠠᠰᠢ ᠳᠠ ᠶᠠᠭᠠᠬᠢᠬᠤᠪ ᠳᠠ
ᠤᠷᠢᠳᠤ ᠶ᠋ᠢᠨ ᠡᠪᠦᠭᠡ ᠴᠢᠩᠭᠢᠰ ᠦ᠋ᠨ ᠦᠶᠡ ᠡᠴᠡ ᠦᠨᠡᠨ ᠲᠡᠦᠬᠡ ᠲᠡᠢ ᠪᠢᠳᠡ ᠨᠠᠷ ᠠ᠋ ᠬᠦᠢ
ᠠᠳᠤᠭᠤ ᠮᠠᠯ ᠢ᠋ᠶ᠋ᠠᠨ ᠠᠷᠪᠢᠨ ᠪᠠᠢᠨᠠ ᠭᠡᠵᠦ ᠠᠰᠤᠷᠤ ᠪᠤᠤ ᠯᠠ ᠪᠠᠶᠠᠷᠯᠠᠭᠠᠳ ᠪᠠᠢ ᠬᠦᠢ
ᠠᠯᠲᠠᠨ ᠭᠠᠨᠵᠤᠤᠷ ᠢ᠋ᠶ᠋ᠠᠨ ᠤᠩᠰᠢᠭᠤᠯᠴᠢᠬᠠᠭᠠᠳ ᠠᠰᠤᠷᠤ ᠪᠤᠤ ᠯᠠ ᠪᠠᠶᠠᠷᠯᠠᠭᠠᠳ ᠪᠠᠢ ᠬᠦᠢ
ᠠᠳᠤᠭᠤᠰᠤ ᠶ᠋ᠢᠨ ᠵᠤᠯᠵᠠᠭᠠ ᠶᠤᠸᠠᠨ ᠱᠢ ᠺᠠᠢ ᠠᠪᠤ ᠶ᠋ᠢᠨ ᠨᠤᠲᠤᠭ ᠢ᠋ ᠴᠢᠨᠢ ᠡᠵᠡᠯᠡᠴᠢᠬᠡᠵᠡᠢ ᠸᠠᠰᠢ ᠳᠠ ᠶᠠᠭᠠᠬᠢᠬᠤᠪ ᠳᠠ
ᠠᠷᠪᠠ ᠲᠠᠪᠤᠨ ᠬᠣᠰᠢᠭᠤ ᠪᠠᠷ ᠢ᠋ᠶ᠋ᠠᠨ ᠪᠦᠯᠬᠦᠮᠳᠡᠵᠡᠭᠡᠶᠡ ᠪᠣᠯᠬᠤ ᠤᠤ ᠳᠠ ᠬᠦᠢ
ᠦᠬᠡᠷ ᠮᠠᠯ ᠢ᠋ᠶ᠋ᠠᠨ ᠡᠯᠳᠡᠩ ᠪᠠᠢᠨᠠ ᠭᠡᠵᠦ ᠥᠩᠭᠡᠷᠡᠦ ᠪᠦᠦ ᠯᠡ ᠪᠠᠶᠠᠷᠯᠠᠭᠠᠳ ᠪᠠᠢ ᠬᠦᠢ
ᠡᠷᠳᠡᠨᠢ ᠶ᠋ᠢᠨ ᠭᠠᠨᠵᠤᠤᠷ ᠢ᠋ᠶ᠋ᠠᠨ ᠤᠩᠰᠢᠭᠤᠯᠴᠢᠬᠠᠭᠠᠳ ᠥᠩᠭᠡᠷᠡᠦ ᠪᠦᠦ ᠯᠡ ᠪᠠᠶᠠᠷᠯᠠᠭᠠᠳ ᠪᠠᠢ ᠬᠦᠢ
ᠥᠰᠢᠶᠡᠲᠡᠨ ᠬᠤᠯᠠᠭᠠᠢ ᠶᠤᠸᠠᠨ ᠱᠢ ᠺᠠᠢ ᠡᠴᠢᠭᠡ ᠶ᠋ᠢᠨ ᠨᠤᠲᠤᠭ ᠢ᠋ ᠴᠢᠨᠢ ᠡᠵᠡᠯᠡᠴᠢᠬᠡᠵᠡᠢ ᠸᠠᠰᠢ ᠳᠠ ᠶᠠᠭᠠᠬᠢᠬᠤᠪ ᠳᠠ
ᠥᠷᠭᠡᠨ ᠣᠯᠠᠨ ᠮᠣᠩᠭᠣᠯᠴᠤᠳ ᠢ᠋ᠶ᠋ᠠᠷ ᠢ᠋ᠶ᠋ᠠᠨ ᠡᠶᠡ ᠲᠡᠢ ᠰᠠᠭᠤᠶᠠ ᠪᠣᠯᠬᠤ ᠤᠤ ᠳᠠ ᠬᠦᠢ
ᠪᠠᠢ ᠬᠡᠦ ᠬᠡ ᠬᠡ
ᠳᠠᠭᠤᠴᠢᠨ᠄ ᠲᠡᠬᠦᠤᠢ᠋ᠷᠠ ᠂ ᠵᠠᠩ ᠭᠦᠸᠧ ᠵᠢᠶᠦ᠋ᠨ
ᠵᠢᠷᠭᠤᠭᠠᠨ ᠴᠤ᠌ ᠫᠢᠶᠤᠤᠳᠠᠢ ᠲᠠᠢ ᠤᠭᠤᠲᠠ ᠯᠠ ᠶᠤᠮ ᠠ᠋ ᠪᠠᠢ ᠬᠡᠦ ᠬᠡ ᠬᠦᠢ
ᠵᠢᠷᠭᠤᠭᠠᠨ ᠰᠠᠷᠠ ᠶ᠋ᠢᠨ ᠨᠠᠷᠠᠨ ᠤ᠋ ᠬᠠᠯᠠᠭᠤᠨ ᠳ᠋ᠤ᠌ ᠪᠠᠨ ᠰᠠᠭᠤᠵᠤ ᠯᠠ ᠪᠠᠢᠭᠠᠳ ᠣᠶᠣᠭᠰᠠᠨ ᠶᠤᠮ ᠠ᠋ ᠬᠦᠢ
ᠵᠦᠢᠲᠡᠢ ᠬᠥᠮᠦᠨ ᠪᠠᠢ ᠬᠡᠦ ᠬᠡ ᠬᠡ ᠳ᠋ᠦ᠍ ᠪᠡᠨ ᠵᠡᠭᠦᠯᠭᠡᠶᠡ ᠭᠡᠮᠡᠨ ᠣᠶᠣᠬᠤ ᠯᠠᠢ( ᠳ᠋ᠤ᠌) ᠬᠦᠢ
ᠵᠠᠭᠤᠷᠮᠠᠭ ᠨᠠᠰᠤᠯᠠᠭᠰᠠᠨ ᠠᠯᠲᠠᠨᠪᠠᠭᠠᠨᠠ ᠳ᠋ᠤ᠌ ᠪᠠᠨ ᠵᠡᠭᠦᠯᠭᠡᠴᠢᠬᠡᠵᠡᠢ ᠮᠠᠨ ᠤ᠋ ᠮᠥᠮᠥ ᠬᠦᠢ
ᠨᠠᠢ᠍ᠮᠠᠨ ᠴᠤ᠌ ᠫᠢᠶᠤᠤᠳᠠᠢ ᠲᠠᠢ ᠤᠭᠤᠲᠠ ᠯᠠ ᠶᠤᠮ ᠠ᠋ ᠪᠠᠢ ᠬᠡᠦ ᠬᠡ ᠬᠦᠢ
ᠨᠠᠢ᠍ᠮᠠᠨ ᠰᠠᠷᠠ ᠶ᠋ᠢᠨ ᠨᠠᠷᠠᠨ ᠤ᠋ ᠬᠠᠯᠠᠭᠤᠨ ᠳ᠋ᠤ᠌ ᠪᠠᠨ ᠰᠠᠭᠤᠵᠤ ᠯᠠ ᠪᠠᠢᠭᠠᠳ ᠣᠶᠣᠭᠰᠠᠨ ᠶᠤᠮ ᠠ᠋ ᠬᠦᠢ
ᠨᠠᠢᠷᠲᠠᠢ ᠬᠥᠮᠦᠨ ᠪᠠᠢ ᠬᠡᠦ ᠬᠡ ᠬᠡ ᠳ᠋ᠦ᠍ ᠪᠡᠨ ᠵᠡᠭᠦᠯᠭᠡᠶᠡ ᠭᠡᠮᠡᠨ ᠣᠶᠣᠬᠤ ᠯᠠᠢ( ᠳ᠋ᠤ᠌) ᠬᠦᠢ
ᠨᠠᠰᠤ ᠪᠠᠨ ᠠᠯᠳᠠᠭᠰᠠᠨ ᠠᠯᠲᠠᠨᠪᠠᠭᠠᠨᠠ ᠳ᠋ᠤ᠌ ᠪᠠᠨ ᠵᠡᠭᠦᠯᠭᠡᠴᠢᠬᠡᠵᠡᠢ ᠮᠠᠨ ᠤ᠋ ᠮᠥᠮᠥ ᠬᠦᠢ
ᠨᠣᠭᠣᠭᠠᠨ ᠲᠣᠷᠭᠠᠨ ᠤᠭᠤᠲᠠ ᠶ᠋ᠢ ᠴᠢᠨᠢ ᠳᠡ ᠿᠦᠶᠧᠮᠠ ᠬᠦᠢ
ᠨᠤᠨᠲᠠᠰᠤ ᠪᠣᠯᠲᠠᠯᠠ ᠥᠭᠡᠳᠡᠰᠦ ᠪᠣᠯᠲᠠᠯᠠ ᠵᠡᠭᠦᠭᠡᠳ ᠶᠠᠪᠤᠶᠠ ᠬᠡ ᠬᠡ ᠨᠢ ᠠ᠋ ᠬᠦᠢ
ᠨᠢᠭᠤᠵᠤ ᠯᠠ ᠪᠠᠢᠭᠠᠳ ᠰᠢᠪᠡᠨᠡᠵᠦ ᠪᠠᠢᠭᠠᠳ ᠬᠡᠯᠡᠭᠰᠡᠨ ᠬᠣᠶᠠᠷᠬᠠᠨ ᠦᠭᠡ ᠶ᠋ᠢ ᠴᠢᠨᠢ ᠠ᠋ ᠬᠦᠢ
ᠨᠣᠭᠣᠭᠠᠨ ᠳ᠋ᠠᠷᠠ ᠶ᠋ᠢᠨ ᠬᠠᠨᠳᠠᠨ ᠳ᠋ᠤ᠌ ᠠᠳᠠᠯᠢ ᠴᠡᠭᠡᠵᠢᠯᠡᠵᠦ ᠶᠠᠪᠤᠶᠠ ᠬᠡ ᠬᠡ ᠨᠢ ᠠ᠋ ᠬᠦᠢ
ᠰᠢᠷᠠ ᠲᠣᠷᠭᠠᠨ ᠤᠭᠤᠲᠠ ᠶ᠋ᠢ ᠴᠢᠨᠢ ᠳᠡ ᠿᠦᠶᠧᠮᠠ ᠬᠦᠢ
ᠰᠢᠨᠳᠠᠰᠤ ᠪᠣᠯᠲᠠᠯᠠ ᠥᠭᠡᠳᠡᠰᠦ ᠪᠣᠯᠲᠠᠯᠠ ᠵᠡᠭᠦᠭᠡᠳ ᠶᠠᠪᠤᠶᠠ ᠬᠡ ᠬᠡ ᠨᠢ ᠠ᠋ ᠬᠦᠢ
ᠰᠢᠪᠡᠨᠡᠵᠦ ᠪᠠᠢᠭᠠᠳ ᠨᠢᠭᠤᠵᠤ ᠯᠠ ᠪᠠᠢᠭᠠᠳ ᠬᠡᠯᠡᠭᠰᠡᠨ ᠬᠣᠶᠠᠷᠬᠠᠨ ᠦᠭᠡ ᠶ᠋ᠢ ᠴᠢᠨᠢ ᠠ᠋ ᠬᠦᠢ
ᠴᠠᠭᠠᠨ ᠳ᠋ᠠᠷᠠ ᠶ᠋ᠢᠨ ᠬᠠᠨᠳᠠᠨ ᠳ᠋ᠤ᠌ ᠠᠳᠠᠯᠢ ᠴᠡᠭᠡᠵᠢᠯᠡᠵᠦ ᠶᠠᠪᠤᠶᠠ ᠬᠡ ᠬᠡ ᠨᠢ ᠠ᠋ ᠬᠦᠢ
ᠪᠠᠢ ᠢᠦᠢ ᠯᠠᠨ
ᠳᠠᠭᠤᠴᠢᠨ᠄ ᠪᠠᠢ ᠰᠢᠦ ᠮᠧᠢ
ᠬᠠᠰ ᠤ᠋ᠨ ᠰᠢᠯᠪᠢ ᠲᠡᠢ ᠢᠦᠢᠱ᠌ᠢ ᠳ᠋ᠠᠢ ᠪᠠᠨ ᠨᠠᠭᠠᠰᠢ ᠪᠠᠨ ᠥᠭ ᠳᠡ ᠠᠬᠠ ᠮᠢᠨᠢ ᠠ᠋ ᠬᠦᠢ
ᠬᠠᠢᠨᠠᠨ ᠭᠠᠵᠠᠷ ᠤ᠋ᠨ ᠬᠠᠢᠶᠠᠨ ᠲᠠᠮᠠᠬᠢ ᠶ᠋ᠢ ᠪᠡᠨ ᠨᠣᠴᠣᠭᠠᠭᠠᠳ ᠥᠭᠭᠦᠶᠡ ᠴᠢᠮᠠ ᠳ᠋ᠤ᠌ ᠪᠠᠨ ᠬᠦᠢ
ᠬᠠᠷᠠᠩᠭᠤᠢ ᠰᠥᠨᠢ ᠶ᠋ᠢᠨ ᠵᠡᠭᠦᠳᠦᠯᠡᠭᠡᠳ ᠲᠡᠭᠡᠭᠰᠡᠨ ᠵᠡᠭᠦᠳᠦ ᠶ᠋ᠢ ᠪᠡᠨ ᠬᠠᠭᠠᠰ ᠢ᠋ ᠨᠢ ᠴᠢᠮᠠ ᠳ᠋ᠤ᠌ ᠪᠠᠨ ᠬᠡᠯᠡᠵᠦ ᠥᠭᠭᠦᠶᠡ ᠬᠦᠢ
ᠬᠠᠢᠷᠠ ᠶ᠋ᠢᠨ ᠰᠡᠳᠬᠢᠯ ᠬᠠᠯᠠᠭᠤᠨ ᠰᠠᠨᠠᠭᠠ ᠪᠠᠨ ᠬᠡ ᠬᠡ ᠴᠢᠮᠠ ᠳ᠋ᠤ᠌ ᠪᠠᠨ ᠲᠠᠯᠪᠢᠭᠰᠠᠨ ᠶᠤᠮ ᠠ᠋ ᠬᠦᠢ
ᠥᠨᠳᠥᠷ ᠰᠢᠯᠪᠢ ᠲᠡᠢ ᠢᠦᠢᠱ᠌ᠢ ᠳ᠋ᠠᠢ ᠪᠠᠨ ᠡᠢᠰᠢ ᠪᠡᠨ ᠥᠭ ᠳᠡ ᠠᠬᠠ ᠮᠢᠨᠢ ᠠ᠋ ᠬᠦᠢ
ᠸᠧᠢᠨᠠᠨ ᠭᠠᠵᠠᠷ ᠤ᠋ᠨ ᠤᠯᠠᠭᠠᠨ ᠲᠠᠮᠠᠬᠢ ᠶ᠋ᠢ ᠪᠡᠨ ᠨᠣᠴᠣᠭᠠᠭᠠᠳ ᠥᠭᠭᠦᠶᠡ ᠴᠢᠮᠠ ᠳ᠋ᠤ᠌ ᠪᠠᠨ ᠬᠦᠢ
ᠥᠴᠥᠭᠡᠳᠦᠷ ᠰᠥᠨᠢ ᠶ᠋ᠢᠨ ᠵᠡᠭᠦᠳᠦᠯᠡᠭᠡᠳ ᠲᠡᠭᠡᠭᠰᠡᠨ ᠵᠡᠭᠦᠳᠦ ᠶ᠋ᠢ ᠪᠡᠨ ᠦᠵᠦᠭᠦᠷ ᠡᠴᠡ ᠨᠢ ᠴᠢᠮᠠ ᠳ᠋ᠤ᠌ ᠪᠠᠨ ᠬᠡᠯᠡᠵᠦ ᠥᠭᠭᠦᠶᠡ ᠬᠦᠢ
ᠦᠨᠡᠨ ᠰᠠᠨᠠᠭᠠ ᠬᠠᠢᠷᠠ ᠶ᠋ᠢᠨ ᠰᠡᠳᠬᠢᠯ ᠢ᠋ᠶ᠋ᠡᠨ ᠬᠡ ᠬᠡ ᠴᠢᠮᠠ ᠳ᠋ᠤ᠌ ᠪᠠᠨ ᠲᠠᠯᠪᠢᠭᠰᠠᠨ ᠶᠤᠮ ᠠ᠋ ᠬᠦᠢ
ᠳᠠᠭᠤᠯᠠ
ᠳᠠᠭᠤᠴᠢᠨ᠄ ᠵᠢᠷᠠᠨᠲᠠᠢ
ᠪᠠᠷᠠᠭᠤᠨ ᠬᠣᠢᠨᠠ ᠠ᠋ᠴᠠ ᠡᠭᠦᠯᠡ ᠨᠢ ᠭᠠᠷᠤᠯᠠ ᠳᠠ
ᠪᠠᠰᠠ ᠴᠤ᠌ ᠪᠣᠷᠣᠭᠠᠨ ᠣᠷᠣᠬᠤ ᠶᠤᠮ ᠪᠠ( ᠪᠢᠵᠡ) ᠬᠦᠢ
ᠪᠣᠳᠣᠯᠭᠠᠨ ᠤ᠋ ᠳᠣᠲᠣᠷᠠ ᠳᠠᠩ ᠲᠤᠩ ᠪᠠᠢᠨᠠ
ᠪᠠᠭᠠᠬᠠᠨ ᠳᠠᠭᠤᠯᠠ ᠠ᠋ᠴᠠ ᠰᠠᠯᠬᠤ ᠶᠤᠮ ᠪᠠ( ᠪᠢᠵᠡ) ᠬᠦᠢ
ᠵᠡᠭᠦᠨ ᠬᠣᠢᠨᠠ ᠠ᠋ᠴᠠ ᠡᠭᠦᠯᠡ ᠨᠢ ᠭᠠᠷᠤᠯᠠ ᠳᠠ
ᠵᠦᠰᠡᠷ ᠪᠣᠷᠣᠭᠠᠨ ᠣᠷᠣᠬᠤ ᠶᠤᠮ ᠪᠠ( ᠪᠢᠵᠡ) ᠬᠦᠢ
ᠵᠢᠷᠦᠬᠡᠨ ᠦ᠌ ᠳᠣᠲᠣᠷᠠ ᠳᠠᠩ ᠲᠤᠩ ᠪᠠᠢᠨᠠ
ᠵᠦᠢᠲᠡᠢ ᠳᠠᠭᠤᠯᠠ ᠠ᠋ᠴᠠ ᠰᠠᠯᠬᠤ ᠶᠤᠮ ᠪᠠ( ᠪᠢᠵᠡ) ᠬᠦᠢ
ᠣᠭ᠌ᠶᠣᠲᠠᠢ
ᠳᠠᠭᠤᠴᠢᠨ᠄ ᠤᠷᠢᠬᠠᠨ
ᠪᠠᠷᠠᠭᠤᠨ ᠭᠣᠣᠯ ᠤ᠋ᠨ ᠪᠤᠷᠭᠠᠰᠤ ᠴᠢᠨᠢ ᠳᠡ ᠤᠷᠭᠤᠵᠠᠢ ᠤᠤ ᠳᠠ ᠵᠤᠭᠤᠷᠠᠵᠠᠢ ᠠ ᠬᠦᠢ ᠣᠭ᠌ᠶᠣᠲᠠᠢ ᠬᠦᠢ
ᠪᠠᠭᠠᠬᠠᠨ ᠲᠥᠷᠥᠭᠰᠡᠨ ᠣᠭ᠌ᠶᠣᠲᠠᠢ ᠠᠩᠭᠠ ᠶ᠋ᠢ ᠲᠥᠷᠥᠵᠡᠢ ᠤᠤ ᠳᠠ ᠵᠢᠷᠤᠴᠢᠬᠠᠵᠠᠢ ᠬᠦᠢ
ᠵᠡᠭᠦᠨ ᠭᠣᠣᠯ ᠤ᠋ᠨ ᠪᠤᠷᠭᠠᠰᠤ ᠴᠢᠨᠢ ᠳᠡ ᠤᠷᠭᠤᠵᠠᠢ ᠤᠤ ᠳᠠ ᠵᠤᠭᠤᠷᠠᠵᠠᠢ ᠠ ᠬᠦᠢ ᠣᠭ᠌ᠶᠣᠳᠠᠢ ᠬᠦᠢ
ᠵᠦᠢᠲᠡᠢ ᠲᠥᠷᠥᠭᠰᠡᠨ ᠣᠭ᠌ᠶᠣᠳᠠᠢ ᠠᠩᠭᠠ ᠶ᠋ᠢ ᠲᠥᠷᠥᠵᠡᠢ ᠤᠤ ᠳᠠ ᠵᠢᠷᠤᠴᠢᠬᠠᠵᠠᠢ ᠬᠦᠢ
ᠲᠤᠭᠤᠯᠵᠢᠨ ᠠᠭᠤᠯᠠ
ᠳᠠᠭᠤᠴᠢᠨ᠄ ᠴᠢ ᠯᠢᠨ
ᠪᠠᠷᠠᠭᠤᠨ ᠲᠠᠯᠠ ᠠ᠋ᠴᠠ ᠨᠢ ᠬᠠᠷᠠᠬᠤᠯᠠᠷ ᠬᠦᠢ
ᠪᠠᠬᠠᠷᠤᠯᠲᠠᠢ ᠰᠠᠢᠬᠠᠨ ᠲᠤᠭᠤᠯᠵᠢᠨ ᠠᠭᠤᠯᠠ ᠬᠦᠢ
ᠪᠠᠷᠰ ᠪᠣᠯᠤᠨ ᠢᠷᠪᠢᠰ ᠬᠣᠶᠠᠷ ᠨᠢ ᠬᠦᠢ
ᠪᠠᠢᠷᠢᠯᠠᠵᠤ ᠰᠠᠭᠤᠮᠠᠷ ᠲᠤᠭᠤᠯᠵᠢᠨ ᠠᠭᠤᠯᠠ ᠬᠦᠢ
ᠵᠡᠭᠦᠨ ᠲᠠᠯᠠ ᠠ᠋ᠴᠠ ᠨᠢ ᠬᠠᠷᠠᠬᠤᠯᠠᠷ ᠬᠦᠢ
ᠵᠦᠢᠲᠡᠢ ᠰᠠᠢᠬᠠᠨ ᠲᠤᠭᠤᠯᠵᠢᠨ ᠠᠭᠤᠯᠠ ᠬᠦᠢ
ᠵᠦᠢᠯ ᠪᠦᠷᠢ ᠶ᠋ᠢᠨ ᠪᠣᠯᠵᠣᠮᠣᠷ ᠰᠢᠪᠠᠭᠤᠳ ᠬᠦᠢ
ᠵᠦᠢᠴᠡᠵᠦ ᠰᠠᠭᠤᠮᠠᠷ ᠲᠤᠭᠤᠯᠵᠢᠨ ᠠᠭᠤᠯᠠ ᠬᠦᠢ
ᠶ᠋ᠢᠨ ᠯᠢᠶᠠᠩ
ᠳᠠᠭᠤᠴᠢᠨ᠄ ᠴᠧᠨ ᠰᠢᠶᠣᠤ ᠯᠢᠩ
ᠠᠯᠲᠠᠨ ᠪᠠᠭᠤᠤ ᠭᠠᠷ ᠲᠤ᠌ ᠴᠢᠨᠢ
ᠠᠪᠤ ᠶ᠋ᠢᠨ ᠴᠢᠨᠢ ᠰᠤᠷᠭᠠᠯ ᠴᠡᠭᠡᠵᠢᠨ ᠳ᠋ᠦ᠍ ᠴᠢᠨᠢ
ᠠᠰᠬᠠᠷᠠᠲᠠᠯᠠ ᠤᠬᠢᠯᠠᠭᠠᠳ ᠶᠠᠭᠤ ᠪᠠᠨ ᠬᠢᠨᠡ ᠳᠡ ᠠ ᠬᠦᠢ ᠶ᠋ᠢᠨ ᠯᠢᠶᠠᠩ
ᠠᠪᠤ ᠨᠢ ᠪᠡᠶᠡ ᠪᠡᠷ ᠢ᠋ᠶ᠋ᠡᠨ ᠬᠦᠷᠭᠡᠶᠡ ᠬᠦᠢ
ᠮᠥᠩᠭᠥᠨ ᠪᠠᠭᠤᠤ ᠭᠠᠷ ᠲᠤ᠌ ᠴᠢᠨᠢ
ᠮᠥᠮᠥ ᠶ᠋ᠢᠨ ᠴᠢᠨᠢ ᠰᠤᠷᠭᠠᠯ ᠴᠡᠭᠡᠵᠢᠨ ᠳ᠋ᠦ᠍ ᠴᠢᠨᠢ
ᠮᠡᠯᠮᠡᠯᠵᠡᠭᠦᠯᠵᠦ ᠤᠬᠢᠯᠠᠭᠠᠳ ᠶᠠᠭᠤ ᠪᠠᠨ ᠬᠢᠨᠡ ᠳᠡ ᠠ ᠬᠦᠢ ᠶ᠋ᠢᠨ ᠯᠢᠶᠠᠩ
ᠮᠥᠮᠥ ᠨᠢ ᠪᠡᠶᠡ ᠪᠡᠷ ᠢ᠋ᠶ᠋ᠡᠨ ᠬᠦᠷᠭᠡᠶᠡ ᠬᠦᠢ
ᠳ᠋ᠠᠯᠢᠶᠠᠩ ᠰᠦᠢᠬᠡ ᠨᠢ ᠴᠢᠬᠢᠨ ᠳ᠋ᠦ᠍ ᠴᠢᠨᠢ
ᠳ᠋ᠠᠶᠧ ᠶ᠋ᠢᠨ ᠴᠢᠨᠢ ᠰᠤᠷᠭᠠᠯ ᠴᠡᠭᠡᠵᠢᠨ ᠳ᠋ᠦ᠍ ᠴᠢᠨᠢ
ᠳᠠᠪᠰᠢᠨ ᠤᠬᠢᠯᠠᠭᠠᠳ ᠶᠠᠭᠤ ᠪᠠᠨ ᠬᠢᠨᠡ ᠳᠡ ᠠ ᠬᠦᠢ ᠶ᠋ᠢᠨ ᠯᠢᠶᠠᠩ
ᠳ᠋ᠠᠶᠧ ᠨᠢ ᠪᠡᠶᠡ ᠪᠡᠷ ᠢ᠋ᠶ᠋ᠡᠨ ᠬᠦᠷᠭᠡᠶᠡ ᠬᠦᠢ
ᠰᠠᠢᠬᠠᠨ ᠰᠦᠢᠬᠡ ᠨᠢ ᠴᠢᠬᠢᠨ ᠳ᠋ᠦ᠍ ᠴᠢᠨᠢ
ᠰᠢᠨᠰᠧ ᠶ᠋ᠢᠨ ᠴᠢᠨᠢ ᠰᠤᠷᠭᠠᠯ ᠴᠡᠭᠡᠵᠢᠨ ᠳ᠋ᠦ᠍ ᠴᠢᠨᠢ
ᠰᠢᠪᠰᠢᠷᠡᠲᠡᠯᠡ ᠤᠬᠢᠯᠠᠭᠠᠳ ᠶᠠᠭᠤ ᠪᠠᠨ ᠬᠢᠨᠡ ᠳᠡ ᠠ ᠬᠦᠢ ᠶ᠋ᠢᠨ ᠯᠢᠶᠠᠩ
ᠰᠢᠨᠰᠧ ᠨᠢ ᠪᠡᠶᠡ ᠪᠡᠷ ᠢ᠋ᠶ᠋ᠡᠨ ᠬᠦᠷᠭᠡᠶᠡ ᠬᠦᠢ
ᠠᠷᠤ ᠳᠡᠯᠡᠬᠡᠢ
ᠳᠠᠭᠤᠴᠢᠨ᠄ ᡁᠢ ᠾᠦᠢ
ᠠᠷᠤ ᠳᠡᠯᠡᠬᠡᠢ ᠭᠡᠳᠡᠭ ᠴᠢᠨᠢ ᠬᠦᠢ
ᠠᠩᠲᠤ ᠲᠣᠷᠭᠠ ᠥᠭᠡᠷᠡ ᠤᠤ ᠳᠠ ᠬᠦᠢ
ᠠᠪᠤ ᠮᠥᠮᠥ ᠬᠣᠶᠠᠷ ᠭᠡᠳᠡᠭ ᠴᠢᠨᠢ ᠠ ᠬᠠ ᠬᠦᠢ
ᠠᠮᠢᠳᠤ ᠪᠤᠷᠬᠠᠨ ᠥᠭᠡᠷᠡ ᠤᠤ ᠳᠠ ᠬᠦᠢ
ᠡᠩ ᠳᠡᠯᠡᠬᠡᠢ ᠭᠡᠳᠡᠭ ᠴᠢᠨᠢ ᠬᠦᠢ
ᠥᠩᠭᠡᠲᠡᠢ ᠲᠣᠷᠭᠠ ᠥᠭᠡᠷᠡ ᠤᠤ ᠳᠠ ᠬᠦᠢ
ᠡᠮᠧ ᠠᠪᠤ ᠬᠣᠶᠠᠷ ᠭᠡᠳᠡᠭ ᠴᠢᠨᠢ ᠠ ᠬᠠ ᠬᠦᠢ
ᠡᠪᠦᠭᠡᠨ ᠪᠤᠷᠬᠠᠨ ᠥᠭᠡᠷᠡ ᠤᠤ ᠳᠠ ᠬᠦᠢ
ᠲᠤᠤ ᠨᠢᠩ ᠾᠧ
ᠳᠠᠭᠤᠴᠢᠨ᠄ ᠠᠯᠮᠠᠰ
ᠲᠤᠤ ᠨᠠᠨ ᠹᠦ ᠶ᠋ᠢᠨ ᠭᠠᠵᠠᠷ ᠠ᠋ᠴᠠ ᠲᠤᠤᠱᠤᠤ ᠪᠢᠴᠢᠭ ᠨᠢ ᠪᠠᠭᠤᠵᠤ ᠢᠷᠡᠯᠡ ᠬᠦᠢ
ᠲᠣᠭᠣᠷᠢᠭᠠᠳ ᠰᠠᠭᠤᠭᠰᠠᠨ ᠬᠣᠰᠢᠭᠤ ᠨᠤᠲᠤᠭ ᠢ᠋ᠶ᠋ᠠᠨ ᠬᠠᠮᠢᠶᠠᠷ ᠠ᠋ ᠭᠡᠵᠦ ᠲᠤᠰᠢᠶᠠᠯᠠ ᠬᠦᠢ
ᠲᠣᠭᠣᠷᠢᠭᠠᠳ ᠰᠠᠭᠤᠭᠰᠠᠨ ᠬᠣᠰᠢᠭᠤ ᠨᠤᠲᠤᠭ ᠢ᠋ᠶ᠋ᠠᠨ ᠬᠠᠮᠢᠶᠠᠷᠤᠨᠠ ᠭᠡᠭᠰᠡᠭᠡᠷ ᠪᠠᠢᠭᠠᠳ ᠬᠦᠢ
ᠲᠤᠨᠤᠭᠠ ᠶ᠋ᠢᠨ ᠲᠦᠷᠦᠭᠦᠦ ᠵᠢᠦ ᠵᠢᠶᠠᠩ ᠾᠦᠩ ᠲᠡᠢ ᠲᠦᠭ( ᠵᠦᠭ) ᠦᠭᠡᠢ ᠥᠰᠢᠶᠡ ᠲᠡᠢ ᠪᠣᠯᠤᠯᠠ ᠰᠢᠦ ᠬᠦᠢ
ᠵᠠᠩ ᠢ ᠰᠢᠶᠠᠨ ᠤ᠋ ᠭᠠᠵᠠᠷ ᠠ᠋ᠴᠠ ᠵᠠᠬᠢᠶᠠ ᠪᠢᠴᠢᠭ ᠨᠢ ᠪᠠᠭᠤᠵᠤ ᠢᠷᠡᠯᠡ ᠬᠦᠢ
ᠵᠠᠬᠠ ᠳ᠋ᠤ᠌ ᠪᠠᠨ ᠪᠠᠢᠬᠤ ᠬᠠᠷᠠ ᠭᠠᠩᠭᠠ ᠶ᠋ᠢ ᠵᠠᠬᠢᠷ ᠠ᠋ ᠭᠡᠵᠦ ᠲᠤᠰᠢᠶᠠᠯᠠ ᠬᠦᠢ
ᠵᠠᠬᠠ ᠳ᠋ᠤ᠌ ᠪᠠᠨ ᠪᠠᠢᠬᠤ ᠬᠠᠷᠠ ᠭᠠᠩᠭᠠ ᠶ᠋ᠢ ᠵᠠᠬᠢᠷᠤᠨᠠ ᠭᠡᠭᠰᠡᠭᠡᠷ ᠪᠠᠢᠭᠠᠳ ᠬᠦᠢ
ᠵᠠᠯᠢᠬᠠᠢ ᠶ᠋ᠢᠨ ᠲᠦᠷᠦᠭᠦᠦ ᠵᠢᠦ ᠵᠢᠶᠠᠩ ᠾᠦᠩ ᠲᠡᠢ ᠲᠦᠭ( ᠵᠦᠭ) ᠦᠭᠡᠢ ᠥᠰᠢᠶᠡ ᠲᠡᠢ ᠪᠣᠯᠤᠯᠠ ᠰᠢᠦ ᠬᠦᠢ
ᠰᠧᠨᠳᠡᠷ ᠬᠡᠦᠬᠡᠨ
ᠳᠠᠭᠤᠴᠢᠨ᠄ ᠴᠦᠨ ᠷᠦᠩ
ᠰᠧ ᠸᠠᠩ ᠤ᠋ᠨ ᠬᠤᠰᠢᠭᠤᠨ ᠤ᠋ ᠰᠡᠴᠡᠨ ᠵᠠᠯᠠᠨ ᠤ᠋ ᠬᠡᠦᠬᠡᠨ ᠰᠧᠨᠳᠡᠷ ᠬᠦᠢ
ᠠᠷᠪᠠᠨ ᠨᠠᠢ᠍ᠮᠠᠨ ᠨᠠᠰᠤᠨ ᠳ᠋ᠤ᠌ ᠪᠠᠨ ᠠᠯᠢᠶᠠ ᠰᠧᠨᠳᠡᠷ ᠨᠡᠷᠡ ᠲᠡᠢ ᠳᠡ ᠬᠦᠢ
ᠪᠦᠸᠧ ᠸᠠᠩ ᠤ᠋ᠨ ᠬᠤᠰᠢᠭᠤᠨ ᠤ᠋ ᠪᠤᠲᠠᠷᠠᠨ ᠵᠠᠯᠠᠨ ᠤ᠋ ᠬᠡᠦᠬᠡᠨ ᠰᠧᠨᠳᠡᠷ ᠬᠦᠢ
ᠪᠠᠭᠠ ᠶ᠋ᠢᠨ ᠦᠶᠡ ᠡᠴᠡ ᠪᠡᠨ ᠠᠪᠤᠭᠠᠳ ᠪᠣᠯᠬᠤ ᠦᠭᠡᠢ ᠰᠧᠨᠳᠡᠷ ᠨᠡᠷᠡ ᠲᠡᠢ ᠳᠡ ᠬᠦᠢ
ᠴᠠᠭᠠᠨ ᠲᠣᠷᠭᠠᠨ ᠴᠠᠮᠴᠠ ᠶ᠋ᠢ ᠪᠡᠨ ᠬᠡᠨ ᠳ᠋ᠦ᠍ ᠪᠡᠨ ᠴᠦ᠍ ᠭᠡᠳ ᠣᠶᠣᠯᠠ ᠳᠠ ᠬᠦᠢ
ᠴᠠᠭᠠᠨ ᠪᠤᠭᠤᠷᠤᠯ ᠪᠠᠶᠠᠨ ᠲᠠᠢ ᠴᠠᠭ ᠢ᠋ ᠶᠠᠭᠠᠬᠢᠵᠤ ᠴᠤ᠌ ᠥᠩᠭᠡᠷᠡᠭᠡᠶᠡ ᠬᠦᠢ
ᠬᠥᠬᠡ ᠲᠣᠷᠭᠠᠨ ᠴᠠᠮᠴᠠ ᠶ᠋ᠢ ᠪᠡᠨ ᠬᠡᠨ ᠳ᠋ᠦ᠍ ᠪᠡᠨ ᠴᠦ᠍ ᠭᠡᠳ ᠣᠶᠣᠯᠠ ᠳᠠ ᠬᠦᠢ
ᠬᠥᠭᠰᠢᠨ ᠪᠤᠭᠤᠷᠤᠯ ᠪᠠᠶᠠᠨ ᠲᠠᠢ ᠠᠮᠢᠳᠤᠷᠠᠯ ᠢ ᠶᠠᠭᠠᠬᠢᠵᠤ ᠴᠤ᠌ ᠥᠩᠭᠡᠷᠡᠭᠡᠶᠡ ᠬᠦᠢ
ᠦᠰᠦᠭ ᠠᠮᠢᠯᠠᠭᠤᠯᠤᠭᠰᠠᠨ ᠨᠢ᠄ ᠣᠯᠬᠣᠨᠤᠳ ᠠᠶᠤᠰᠢ
ᠦᠰᠦᠭ ᠬᠠᠲᠠᠭᠰᠠᠨ ᠨᠢ ᠄ ᠭᠠᠸᠠ
ᠬᠢᠨᠠᠭᠴᠢ ᠪᠠᠭᠰᠢ ᠄ᠮᠥᠴᠢᠷ
ᠪᠢᠴᠢᠯᠭᠡ ᠵᠢᠷᠤᠭ ᠨᠠᠢᠷᠠᠭᠤᠯᠤᠭᠰᠠᠨ ᠨᠢ ᠄ ᠣᠯᠬᠣᠨᠤᠳ ᠠᠶᠤᠰᠢ