ᠶᠢᠷᠲᠢᠨᠴᠦ ᠶᠢᠨ ᠭᠤᠷᠪᠠ ᠥᠩᠭᠡ ᠨᠦᠭᠦᠳЕртөнцийн гурав өнгөнүүд
581ᠶᠢᠷᠲᠢᠨᠴᠦ ᠶᠢᠨ ᠭᠤᠷᠪᠠ ᠥᠩᠭᠡ ᠨᠦᠭᠦᠳ
ᠶᠢᠷᠲᠢᠨᠴᠦ ᠶ᠋ᠢᠨ ᠭᠤᠷᠪᠠᠨ ᠴᠠᠭᠠᠨ
ᠥᠰᠬᠦ ᠳ᠋ᠦ᠍ ᠰᠢᠳᠦ ᠴᠠᠭᠠᠨ
ᠦᠲᠡᠯᠬᠦ ᠳ᠋ᠦ᠍ ᠦᠰᠦ ᠴᠠᠭᠠᠨ
ᠦᠬᠦᠬᠦ ᠳ᠋ᠦ᠍ ᠶᠠᠰᠤ ᠴᠠᠭᠠᠨ
ᠶᠢᠷᠲᠢᠨᠴᠦ ᠶ᠋ᠢᠨ ᠭᠤᠷᠪᠠᠨ ᠤᠯᠠᠭᠠᠨ
ᠵᠢᠪᠠᠷ ᠲᠠᠢ ᠲᠩᠷᠢ ᠶ᠋ᠢᠨ ᠬᠠᠶᠠᠭᠠ ᠨᠢᠭᠡ ᠤᠯᠠᠭᠠᠨ
ᠵᠢᠷᠭᠠᠯᠲᠠᠢ ᠬᠠᠲᠤᠨ ᠤ᠋ ᠬᠠᠴᠠᠷ ᠨᠢᠭᠡ ᠤᠯᠠᠭᠠᠨ
ᠵᠢᠯᠠᠭᠠᠨ ᠳ᠋ᠤ᠌ ᠤᠷᠭᠤᠭᠰᠠᠨ ᠰᠤᠬᠠᠢ ᠨᠢᠭᠡ ᠤᠯᠠᠭᠠᠨ
ᠶᠢᠷᠲᠢᠨᠴᠦ ᠶ᠋ᠢᠨ ᠭᠤᠷᠪᠠᠨ ᠨᠣᠭᠣᠭᠠᠨ
ᠲᠠᠭ ᠲᠤ᠌ ᠤᠷᠭᠤᠭᠰᠠᠨ ᠠᠷᠴᠠ ᠨᠣᠭᠣᠭᠠᠨ
ᠲᠠᠢᠭᠠ ᠳ᠋ᠤ᠌ ᠤᠷᠭᠤᠭᠰᠠᠨ ᠬᠤᠰᠢ ᠨᠣᠭᠣᠭᠠᠨ
ᠲᠠᠯᠠ ᠳ᠋ᠤ᠌ ᠤᠷᠭᠤᠭᠰᠠᠨ ᠵᠡᠭᠡᠷᠭᠡᠨᠡ ᠨᠣᠭᠣᠭᠠᠨ
ᠶᠢᠷᠲᠢᠨᠴᠦ ᠶ᠋ᠢᠨ ᠭᠤᠷᠪᠠᠨ ᠰᠢᠷᠠ
ᠡᠷᠳᠡᠨᠢ ᠳ᠋ᠦ᠍ ᠠᠯᠲᠠ ᠨᠢᠭᠡ ᠰᠢᠷᠠ
ᠡᠳ᠋ ᠵᠠᠩᠴᠢ ᠨᠢᠭᠡ ᠰᠢᠷᠠ
ᠢᠳᠡᠭᠡᠨ ᠳ᠋ᠦ᠍ ᠤᠭᠤᠷᠠᠭ ᠨᠢᠭᠡ ᠰᠢᠷᠠ
ᠶᠢᠷᠲᠢᠨᠴᠦ ᠶ᠋ᠢᠨ ᠭᠤᠷᠪᠠᠨ ᠬᠥᠬᠡ
ᠠᠭᠤᠳᠠᠮ ᠲᠩᠷᠢ ᠶ᠋ᠢᠨ ᠬᠠᠶᠠᠭᠠ ᠨᠢᠭᠡ ᠬᠥᠬᠡ
ᠤᠨᠲᠠᠷᠠᠬᠤ ᠭᠠᠯ ᠤ᠋ᠨ ᠳᠥᠯᠥ ᠨᠢᠭᠡ ᠬᠥᠬᠡ
ᠤᠷᠤᠰᠬᠤ ᠭᠣᠣᠯ ᠤ᠋ᠨ ᠤᠰᠤ ᠨᠢᠭᠡ ᠬᠥᠬᠡ
ᠶᠢᠷᠲᠢᠨᠴᠦ ᠶ᠋ᠢᠨ ᠭᠤᠷᠪᠠᠨ ᠴᠡᠩᠬᠡᠷ
ᠬᠣᠯᠠ ᠡᠴᠡ ᠬᠠᠷᠠᠭᠳᠠᠵᠤ ᠪᠠᠢᠭᠠ ᠠᠭᠤᠯᠠ ᠨᠢᠭᠡ ᠴᠡᠩᠬᠡᠷ
ᠬᠣᠩᠬᠣᠷ ᠲᠤ᠌ ᠲᠣᠭᠲᠠᠭᠰᠠᠨ ᠤᠰᠤ ᠨᠢᠭᠡ ᠴᠡᠩᠬᠡᠷ
ᠬᠣᠷᠸᠠ ᠳ᠋ᠤ᠌ ᠪᠠᠢᠭᠠ ᠲᠩᠷᠢ ᠨᠢᠭᠡ ᠴᠡᠩᠬᠡᠷ
ᠶᠢᠷᠲᠢᠨᠴᠦ ᠶ᠋ᠢᠨ ᠭᠤᠷᠪᠠᠨ ᠬᠠᠷᠠ
ᠲᠣᠰᠣ ᠲᠠᠢ ᠡᠴᠡ ᠲᠣᠭᠣᠭᠠ ᠬᠠᠷᠠ
ᠪᠢᠯᠢᠭ ᠲᠡᠢ ᠡᠴᠡ ᠪᠡᠬᠡ ᠬᠠᠷᠠ
ᠠᠮᠲᠠᠲᠠᠢ ᠡᠴᠡ ᠠᠷᠢᠬᠢ ᠬᠠᠷᠠ
ᠶᠢᠷᠲᠢᠨᠴᠦ ᠶ᠋ᠢᠨ ᠭᠤᠷᠪᠠᠨ ᠪᠥᠬᠡ
ᠠ/ᠬᠦᠷᠭᠡᠨ ᠬᠦᠦ ᠶ᠋ᠢᠨ ᠬᠥᠵᠦᠭᠦᠦ ᠪᠥᠬᠡ
ᠬᠦᠷᠡᠯ ᠴᠢᠯᠠᠭᠤᠨ ᠤ᠋ ᠠᠮᠢ ᠪᠥᠬᠡ
ᠬᠥᠮᠦᠨ ᠦ᠌ ᠮᠠᠯ ᠤ᠋ᠨ ᠨᠢᠷᠤᠭᠤ ᠪᠥᠬᠡ
ᠪ/ᠨᠣᠢᠲᠠᠨ ᠳ᠋ᠤ᠌ ᠴᠠᠪᠠᠤ ᠪᠥᠬᠡ
ᠮᠢᠬᠠᠨ ᠳ᠋ᠤ᠌ ᠡᠯᠢᠭᠡ ᠪᠥᠬᠡ
ᠠᠮᠢᠲᠠᠨ ᠳ᠋ᠤ᠌ ᠵᠠᠭᠠᠨ ᠪᠥᠬᠡ
ᠶᠢᠷᠲᠢᠨᠴᠦ ᠶ᠋ᠢᠨ ᠭᠤᠷᠪᠠᠨ ᠬᠠᠷᠠᠩᠭᠤᠢ
ᠨᠣᠮ ᠦᠭᠡᠢ ᠪᠠᠨᠳᠢ ᠶ᠋ᠢᠨ ᠴᠡᠭᠡᠵᠢ ᠬᠠᠷᠠᠩᠭᠤᠢ
ᠬᠣᠨᠢ ᠦᠭᠡᠢ ᠠᠢᠯ ᠤ᠋ᠨ ᠬᠣᠲᠠ ᠬᠠᠷᠠᠩᠭᠤᠢ
ᠬᠣᠢᠰᠢ ᠪᠠᠨ ᠬᠠᠷᠠᠭᠰᠠᠨ ᠨᠦᠬᠡ ᠬᠠᠷᠠᠩᠭᠤᠢ
ᠶᠢᠷᠲᠢᠨᠴᠦ ᠶ᠋ᠢᠨ ᠭᠤᠷᠪᠠᠨ ᠴᠡᠮᠴᠡᠭᠡᠷ
ᠡᠭᠦᠯᠡ ᠪᠡᠨ ᠬᠥᠭᠡᠰᠦᠨ ᠲᠩᠷᠢ ᠨᠢᠭᠡ ᠴᠡᠮᠴᠡᠭᠡᠷ
ᠦᠨᠡᠰᠦ ᠪᠡᠨ ᠭᠠᠷᠭᠠᠭᠰᠠᠨ ᠲᠤᠯᠭᠠ ᠨᠢᠭᠡ ᠴᠡᠮᠴᠡᠭᠡᠷ
ᠦᠰᠦ ᠪᠡᠨ ᠰᠠᠮᠨᠠᠭᠰᠠᠨ ᠠᠪᠠᠭᠠᠢ ᠨᠢᠭᠡ ᠴᠡᠮᠴᠡᠭᠡᠷ
ᠶᠢᠷᠲᠢᠨᠴᠦ ᠶ᠋ᠢᠨ ᠭᠤᠷᠪᠠᠨ ᠪᠠᠶᠠᠨ
ᠠ/ᠭᠠᠵᠠᠷ ᠦᠨᠳᠦᠰᠦ ᠪᠡᠷ ᠪᠠᠶᠠᠨ
ᠲᠩᠷᠢ ᠣᠳᠣ ᠪᠠᠷ ᠪᠠᠶᠠᠨ
ᠳᠠᠯᠠᠢ ᠤᠰᠤ ᠪᠠᠷ ᠪᠠᠶᠠᠨ
ᠪ/ᠡᠷᠳᠡᠮᠲᠡᠨ ᠬᠥᠮᠦᠨ ᠡᠷᠬᠢᠮ ᠪᠠᠶᠠᠨ
ᠦᠷᠡ ᠲᠡᠢ ᠬᠥᠮᠦᠨ ᠥᠨᠢᠷ ᠪᠠᠶᠠᠨ
ᠥᠷᠢ ᠦᠭᠡᠢ ᠬᠥᠮᠦᠨ ᠥᠭᠡᠳᠡᠯᠡᠬᠦ ᠪᠠᠶᠠᠨ
ᠶᠢᠷᠲᠢᠨᠴᠦ ᠶ᠋ᠢᠨ ᠭᠤᠷᠪᠠᠨ ᠬᠣᠭᠣᠰᠣᠨ
ᠪᠠᠷᠢᠵᠤ ᠲᠠᠯᠪᠢᠵᠤ ᠪᠠᠢᠪᠠᠴᠤ ᠵᠡᠭᠦᠳᠦ ᠨᠢᠭᠡ ᠬᠣᠭᠣᠰᠣᠨ
ᠪᠠᠷᠤᠢᠵᠤ ᠲᠣᠷᠣᠢᠵᠤ ᠪᠠᠢᠪᠠᠴᠤ ᠵᠡᠷᠭᠡᠯᠭᠡ ᠨᠢᠭᠡ ᠬᠣᠭᠣᠰᠣᠨ
ᠪᠠᠷᠬᠢᠷᠠᠵᠤ ᠴᠠᠷᠬᠢᠷᠠᠵᠤ ᠪᠠᠢᠪᠠᠴᠤ ᠴᠤᠤᠷᠢᠶᠠ ᠨᠢᠭᠡ ᠬᠣᠭᠣᠰᠣᠨ
ᠶᠢᠷᠲᠢᠨᠴᠦ ᠶ᠋ᠢᠨ ᠭᠤᠷᠪᠠᠨ ᠦᠨᠡᠨ
ᠲᠥᠷᠦᠭᠰᠡᠨ ᠦ᠌ ᠡᠴᠦᠰ ᠲᠦ᠍ ᠦᠬᠦᠬᠦ ᠦᠨᠡᠨ
ᠬᠤᠷᠢᠶᠠᠭᠰᠠᠨ ᠤ᠋ ᠡᠴᠦᠰ ᠲᠦ᠍ ᠳᠠᠭᠤᠰᠬᠤ ᠦᠨᠡᠨ
ᠬᠤᠷᠠᠭᠰᠠᠨ ᠤ᠋ ᠡᠴᠦᠰ ᠲᠦ᠍ ᠲᠠᠷᠠᠬᠤ ᠦᠨᠡᠨ
ᠶᠢᠷᠲᠢᠨᠴᠦ ᠶ᠋ᠢᠨ ᠭᠤᠷᠪᠠᠨ ᠬᠥᠭᠡᠷᠦᠬᠦᠨ
ᠪᠣᠢ ᠨᠢ ᠠᠷᠢᠯᠤᠭᠰᠠᠨ ᠬᠡᠦᠬᠡᠳ ᠨᠢᠭᠡ ᠬᠥᠭᠡᠷᠦᠬᠦᠨ
ᠪᠣᠷᠪᠢ ᠪᠠᠨ ᠨᠡᠭᠡᠭᠡᠭᠰᠡᠨ ᠭᠥᠯᠥᠭᠡ ᠨᠢᠭᠡ ᠬᠥᠭᠡᠷᠦᠬᠦᠨ
ᠪᠣᠰᠴᠤ ᠲᠡᠩᠴᠡᠵᠦ ᠪᠠᠢᠭᠠ ᠪᠣᠲᠣᠭᠣ ᠨᠢᠭᠡ ᠬᠥᠭᠡᠷᠦᠬᠦᠨ
ᠶᠢᠷᠲᠢᠨᠴᠦ ᠶ᠋ᠢᠨ ᠭᠤᠷᠪᠠᠨ ᠰᠠᠢᠬᠠᠨ
ᠵᠢᠭᠳᠡᠷᠡᠭᠰᠡᠨ ᠣᠳᠣᠳ ᠤ᠋ᠨ ᠳᠤᠮᠳᠠ ᠰᠠᠷᠠ ᠰᠠᠢᠬᠠᠨ
ᠵᠢᠭᠦᠷᠲᠡᠨ ᠰᠢᠪᠠᠭᠤᠳ ᠤ᠋ᠨ ᠳᠤᠮᠳᠠ ᠲᠣᠭᠣᠰ ᠰᠠᠢᠬᠠᠨ
ᠵᠢᠭᠳᠡᠯᠡᠭᠰᠡᠨ ᠮᠣᠳᠣᠳ ᠤ᠋ᠨ ᠳᠤᠮᠳᠠ ᠭᠠᠯᠪᠠᠷᠠᠨᠽᠠ ᠰᠠᠢᠬᠠᠨ
ᠶᠢᠷᠲᠢᠨᠴᠦ ᠶ᠋ᠢᠨ ᠭᠤᠷᠪᠠᠨ ᠮᠠᠭᠤᠬᠠᠢ
ᠬᠤᠷᠠᠭᠠᠨ ᠮᠠᠯᠠᠭᠠᠢ ᠳ᠋ᠤ᠌ ᠴᠢᠬᠢᠪᠴᠢ ᠮᠠᠭᠤᠬᠠᠢ
ᠬᠤᠪᠠᠬᠠᠢ ᠡᠮᠡᠭᠡᠯ ᠳ᠋ᠦ᠍ ᠬᠤᠳᠠᠷᠭᠠ ᠮᠠᠭᠤᠬᠠᠢ
ᠬᠤᠯᠤᠰᠤᠨ ᠲᠠᠰᠢᠭᠤᠷ ᠲᠤ᠌ ᠶᠠᠩᠭᠢᠶᠠ ᠮᠠᠭᠤᠬᠠᠢ
ᠶᠢᠷᠲᠢᠨᠴᠦ ᠶ᠋ᠢᠨ ᠭᠤᠷᠪᠠᠨ ᠠᠷᠢᠭᠤᠨ
ᠤᠷᠭᠤᠵᠤ ᠪᠠᠢᠭᠠ ᠠᠷᠴᠠ ᠨᠢᠭᠡ ᠠᠷᠢᠭᠤᠨ
ᠤᠭᠤᠭᠢᠵᠤ ᠪᠠᠢᠭᠠ ᠬᠥᠵᠢ ᠨᠢᠭᠡ ᠠᠷᠢᠭᠤᠨ
ᠤᠷᠤᠰᠴᠤ ᠪᠠᠢᠭᠠ ᠤᠰᠤ ᠨᠢᠭᠡ ᠠᠷᠢᠭᠤᠨ
ᠶᠢᠷᠲᠢᠨᠴᠦ ᠶ᠋ᠢᠨ ᠭᠤᠷᠪᠠᠨ ᠪᠠᠬᠠ
ᠠᠵᠢᠷᠭᠠ ᠤᠨᠤᠭᠰᠠᠨ ᠬᠥᠮᠦᠨ ᠡᠳᠦᠷ ᠦ᠋ᠨ ᠪᠠᠬᠠ
ᠡᠮᠡᠭᠡᠯ ᠠᠪᠤᠭᠰᠠᠨ ᠬᠥᠮᠦᠨ ᠰᠠᠷᠠ ᠶ᠋ᠢᠨ ᠪᠠᠬᠠ
ᠡᠬᠡᠨᠡᠷ ᠠᠪᠤᠭᠰᠠᠨ ᠬᠥᠮᠦᠨ ᠵᠢᠯ ᠦ᠋ᠨ ᠪᠠᠬᠠ
ᠶᠢᠷᠲᠢᠨᠴᠦ ᠶ᠋ᠢᠨ ᠳᠥᠷᠪᠡᠨ ᠪᠠᠷᠳᠠᠮ
ᠬᠠᠳᠠ ᠰᠠᠢᠲᠤ ᠶ᠋ᠢᠨ ᠦᠨᠡᠭᠡ ᠪᠠᠷᠳᠠᠮ
ᠬᠠᠳᠠᠮ ᠰᠠᠢᠲᠤ ᠶ᠋ᠢᠨ ᠬᠦᠷᠭᠡᠨ ᠪᠠᠷᠳᠠᠮ
ᠨᠣᠶᠠᠨ ᠰᠠᠢᠲᠤ ᠶ᠋ᠢᠨ ᠠᠯᠪᠠᠲᠤ ᠪᠠᠷᠳᠠᠮ
ᠨᠣᠬᠠᠢ ᠰᠠᠢᠲᠤ ᠶ᠋ᠢᠨ ᠬᠣᠲᠠ ᠪᠠᠷᠳᠠᠮ
ᠶᠢᠷᠲᠢᠨᠴᠦ ᠶ᠋ᠢᠨ ᠭᠤᠷᠪᠠᠨ ᠢᠨᠠᠭ
ᠪᠠᠶᠠᠨ ᠬᠥᠮᠦᠨ ᠬᠤᠳᠠᠯᠳᠤᠭᠠᠴᠢᠨ ᠢᠨᠠᠭ
ᠪᠠᠭᠠᠷᠠᠩ ᠬᠥᠮᠦᠨ ᠨᠣᠬᠠᠢ ᠢᠨᠠᠭ
ᠪᠢᠯᠳᠠᠤᠴᠢ ᠬᠥᠮᠦᠨ ᠨᠣᠶᠠᠨ ᠢᠨᠠᠭ
ᠶᠢᠷᠲᠢᠨᠴᠦ ᠶ᠋ᠢᠨ ᠭᠤᠷᠪᠠᠨ ᠳᠡᠭᠦᠦ
ᠪᠠᠶᠠᠨ ᠬᠥᠮᠦᠨ ᠨᠣᠶᠠᠨ ᠬᠥᠮᠦᠨ ᠦ᠌ ᠳᠡᠭᠦᠦ
ᠬᠤᠳᠠᠯᠴᠢ ᠬᠥᠮᠦᠨ ᠬᠤᠯᠠᠭᠠᠢᠴᠢ ᠬᠥᠮᠦᠨ ᠦ᠌ ᠳᠡᠭᠦᠦ
ᠤᠨᠲᠠᠭᠰᠠᠨ ᠬᠥᠮᠦᠨ ᠦᠬᠦᠭᠰᠡᠨ ᠬᠥᠮᠦᠨ ᠦ᠌ ᠳᠡᠭᠦᠦ
ᠶᠢᠷᠲᠢᠨᠴᠦ ᠶ᠋ᠢᠨ ᠭᠤᠷᠪᠠᠨ ᠬᠤᠷᠳᠤᠨ
ᠰᠠᠯᠬᠢ ᠲᠠᠢ ᠲᠩᠷᠢ ᠶ᠋ᠢᠨ ᠡᠭᠦᠯᠡ ᠬᠤᠷᠳᠤᠨ
ᠰᠠᠷᠠᠭᠤᠯ ᠤᠬᠠᠭᠠᠨᠲᠠᠨ ᠤ᠋ ᠰᠠᠨᠠᠬᠤ ᠬᠤᠷᠳᠤᠨ
ᠰᠠᠢᠨ ᠮᠣᠷᠢᠨ ᠤ᠋ ᠶᠠᠪᠤᠳᠠᠯ ᠬᠤᠷᠳᠤᠨ
ᠶᠢᠷᠲᠢᠨᠴᠦ ᠶ᠋ᠢᠨ ᠭᠤᠷᠪᠠᠨ ᠰᠢᠷᠦᠭᠦᠨ
ᠠ/ᠲᠥᠷᠥ ᠳ᠋ᠦ᠍ ᠡᠯᠴᠢ ᠰᠢᠷᠦᠭᠦᠨ
ᠲᠡᠮᠦᠷ ᠲᠦ᠍ ᠬᠠᠤᠷᠠᠢ ᠰᠢᠷᠦᠭᠦᠨ
ᠲᠥᠬᠥᠮ ᠳ᠋ᠦ᠍ ᠵᠠᠷᠠᠭᠠ ᠰᠢᠷᠦᠭᠦᠨ
ᠪ/ᠬᠥᠭᠰᠢᠷᠡᠭᠰᠡᠨ ᠦᠬᠡᠷ ᠦ᠋ᠨ ᠬᠡᠯᠡ ᠨᠢᠭᠡ ᠰᠢᠷᠦᠭᠦᠨ
ᠬᠠᠳᠠᠨ ᠡᠴᠡ ᠭᠠᠷᠤᠭᠰᠠᠨ ᠬᠠᠢᠷᠭᠤ ᠨᠢᠭᠡ ᠰᠢᠷᠦᠭᠦᠨ
ᠬᠠᠭᠠᠨ ᠤ᠋ ᠲᠣᠭᠲᠠᠭᠠᠭᠰᠠᠨ ᠬᠠᠤᠯᠢ ᠨᠢᠭᠡ ᠰᠢᠷᠦᠭᠦᠨ
ᠶᠢᠷᠲᠢᠨᠴᠦ ᠶ᠋ᠢᠨ ᠭᠤᠷᠪᠠᠨ ᠳᠣᠭᠰᠢᠨ
ᠡᠷᠭᠢ ᠪᠡᠨ ᠬᠠᠯᠢᠭᠰᠠᠨ ᠤᠰᠤ ᠳᠣᠭᠰᠢᠨ
ᠡᠮᠡᠭᠡᠯ ᠢ᠋ᠶ᠋ᠡᠨ ᠬᠥᠭᠯᠡᠭᠦᠯᠦᠭᠰᠡᠨ ᠮᠣᠷᠢ ᠳᠣᠭᠰᠢᠨ
ᠡᠷᠡ ᠪᠡᠨ ᠭᠣᠯᠣᠭᠰᠠᠨ ᠡᠮᠡ ᠳᠣᠭᠰᠢᠨ
ᠶᠢᠷᠲᠢᠨᠴᠦ ᠶ᠋ᠢᠨ ᠭᠤᠷᠪᠠᠨ ᠰᠢᠪᠰᠢᠭ
ᠮᠠᠭᠤ ᠡᠮᠡᠭᠡᠯ ᠮᠣᠷᠢᠨ ᠤ᠋ ᠰᠢᠪᠰᠢᠭ
ᠮᠠᠭᠤ ᠡᠮᠡ ᠭᠡᠷ ᠦ᠋ᠨ ᠰᠢᠪᠰᠢᠭ
ᠮᠠᠭᠤ ᠨᠣᠬᠠᠢ ᠬᠣᠲᠠ ᠶ᠋ᠢᠨ ᠰᠢᠪᠰᠢᠭ
ᠶᠢᠷᠲᠢᠨᠴᠦ ᠶ᠋ᠢᠨ ᠭᠤᠷᠪᠠᠨ ᠭᠡᠮᠰᠢᠯ
ᠨᠤᠮᠤ ᠦᠭᠡᠢ ᠶᠠᠪᠤᠪᠠᠯ ᠠᠪᠠ ᠳᠡᠭᠡᠷᠡ ᠭᠡᠮᠰᠢᠯ
ᠨᠣᠮ ᠦᠭᠡᠢ ᠯᠠᠮᠠ ᠬᠤᠷᠠᠯ ᠳᠡᠭᠡᠷᠡ ᠭᠡᠮᠰᠢᠯ
ᠦᠢᠯᠡ ᠦᠭᠡᠢ ᠬᠡᠦᠬᠡᠨ ᠥᠭᠭᠦᠭᠰᠡᠨ ᠭᠠᠵᠠᠷ ᠲᠤ᠌ ᠭᠡᠮᠰᠢᠯ
ᠶᠢᠷᠲᠢᠨᠴᠦ ᠶ᠋ᠢᠨ ᠭᠤᠷᠪᠠᠨ ᠪᠡᠷᠬᠡ
ᠴᠢᠯᠠᠭᠤᠨ ᠳᠡᠭᠡᠷᠡ ᠨᠣᠭᠣᠭᠠ ᠤᠷᠭᠤᠭᠤᠯᠬᠤ ᠨᠢᠭᠡ ᠪᠡᠷᠬᠡ
ᠤᠰᠤᠨ ᠳᠡᠭᠡᠷᠡ ᠭᠠᠯ ᠲᠦᠯᠡᠬᠦ ᠨᠢᠭᠡ ᠪᠡᠷᠬᠡ
ᠦᠬᠡᠷ ᠦ᠋ᠨ ᠡᠪᠡᠷ ᠳᠡᠭᠡᠷᠡ ᠴᠠᠰᠤ ᠲᠣᠭᠲᠠᠬᠤ ᠨᠢᠭᠡ ᠪᠡᠷᠬᠡ
ᠶᠢᠷᠲᠢᠨᠴᠦ ᠶ᠋ᠢᠨ ᠭᠤᠷᠪᠠᠨ ᠵᠢᠭᠲᠡᠢᠬᠡᠨ
ᠯᠤᠤ ᠶ᠋ᠢᠨ ᠠᠭᠤᠰᠬᠢ ᠰᠢᠯᠢᠨ ᠳ᠋ᠦ᠍ ᠪᠡᠨ ᠪᠠᠢᠳᠠᠭ ᠨᠢᠭᠡ ᠵᠢᠭᠲᠡᠢᠬᠡᠨ
ᠠᠷᠰᠯᠠᠨ ᠤ᠋ ᠳᠠᠯᠠᠩ ᠲᠠᠪᠠᠭ ᠲᠤ᠌ ᠪᠠᠨ ᠪᠠᠢᠳᠠᠭ ᠨᠢᠭᠡ ᠵᠢᠭᠲᠡᠢᠬᠡᠨ
ᠵᠠᠭᠠᠨ ᠤ᠋ ᠠᠮᠠ ᠬᠡᠩᠬᠦᠳᠡᠭ ᠲᠦ᠍ ᠪᠡᠨ ᠪᠠᠢᠳᠠᠭ ᠨᠢᠭᠡ ᠵᠢᠭᠲᠡᠢᠬᠡᠨ
ᠶᠢᠷᠲᠢᠨᠴᠦ ᠶ᠋ᠢᠨ ᠭᠤᠷᠪᠠᠨ ᠣᠯᠠᠳᠬᠤ ᠦᠭᠡᠢ
ᠬᠠᠳᠠᠨ ᠡᠴᠡ ᠬᠠᠯᠲᠤᠷᠢᠵᠤ ᠤᠨᠠᠭᠰᠠᠨ ᠱᠠᠭᠠᠵᠠᠭᠠᠢ ᠶ᠋ᠢᠨ ᠮᠢᠬᠠ ᠣᠯᠠᠳᠬᠤ ᠦᠭᠡᠢ
ᠮᠣᠳᠣᠨ ᠡᠴᠡ ᠬᠠᠯᠢᠵᠤ ᠤᠨᠠᠭᠰᠠᠨ ᠮᠣᠷᠢᠨ ᠰᠢᠷᠭᠤᠯᠵᠢᠨ ᠤ᠋ ᠮᠢᠬᠠ ᠣᠯᠠᠳᠬᠤ ᠦᠭᠡᠢ
ᠤᠰᠤᠨ ᠡᠴᠡ ᠴᠠᠴᠤᠵᠤ ᠦᠬᠦᠭᠰᠡᠨ ᠵᠢᠭᠠᠰᠤᠨ ᠤ᠋ ᠮᠢᠬᠠ ᠣᠯᠠᠳᠬᠤ ᠦᠭᠡᠢ
ᠶᠢᠷᠲᠢᠨᠴᠦ ᠶ᠋ᠢᠨ ᠭᠤᠷᠪᠠᠨ ᠬᠡᠴᠡᠭᠦᠦ
ᠦᠶᠡᠷᠯᠡᠨ ᠱᠤᠤᠭᠢᠬᠤ ᠨᠢ ᠤᠰᠤ ᠬᠡᠴᠡᠭᠦᠦ
ᠳᠦᠷᠡᠯᠵᠡᠨ ᠠᠰᠠᠬᠤ ᠨᠢ ᠲᠦᠢᠮᠡᠷ ᠬᠡᠴᠡᠭᠦᠦ
ᠡᠷᠴᠢᠯᠡᠨ ᠬᠡᠢᠰᠬᠦ ᠨᠢ ᠰᠠᠯᠬᠢ ᠬᠡᠴᠡᠭᠦᠦ
ᠲᠠᠭᠤᠬᠤ ᠳ᠋ᠤ᠌ ᠭᠠᠬᠠᠢ ᠨᠢᠭᠡ ᠬᠡᠴᠡᠭᠦᠦ
ᠲᠤᠭᠤᠯᠬᠤ ᠳ᠋ᠤ᠌ ᠲᠠᠯᠠ ᠨᠢᠭᠡ ᠬᠡᠴᠡᠭᠦᠦ
ᠲᠣᠭᠠᠯᠠᠬᠤ ᠳ᠋ᠤ᠌ ᠣᠳᠣ ᠨᠢᠭᠡ ᠬᠡᠴᠡᠭᠦᠦ
ᠶᠢᠷᠲᠢᠨᠴᠦ ᠶ᠋ᠢᠨ ᠭᠤᠷᠪᠠᠨ ᠬᠠᠴᠢᠨ
ᠠᠯᠠᠭᠠᠨ ᠳ᠋ᠤ᠌ ᠪᠠᠨ ᠬᠥᠬᠥ ᠲᠡᠢ ᠵᠠᠭᠠᠨ ᠨᠢᠭᠡ ᠬᠠᠴᠢᠨ
ᠠᠮᠠ ᠪᠠᠨ ᠪᠠᠢᠲᠠᠯᠠ ᠰᠢᠯᠢ ᠪᠡᠷ ᠢ᠋ᠶ᠋ᠡᠨ ᠳᠤᠤᠭᠠᠷᠳᠠᠭ ᠭᠣᠯᠢᠶᠠ ᠨᠢᠭᠡ ᠬᠠᠴᠢᠨ
ᠠᠮᠠᠷᠠᠭ ᠤ᠋ᠨ ᠳᠡᠭᠡᠳᠦ ᠠᠪᠤ᠂ ᠡᠵᠢ ᠬᠣᠶᠠᠷ ᠵᠣᠯᠭᠠᠳᠠᠭ ᠦᠭᠡᠢ ᠨᠢᠭᠡ ᠬᠠᠴᠢᠨ
ᠶᠢᠷᠲᠢᠨᠴᠦ ᠶ᠋ᠢᠨ ᠭᠤᠷᠪᠠᠨ ᠬᠡᠪᠡᠷᠡᠭ
ᠡᠭᠡᠨᠡᠭᠲᠡ ᠪᠠᠲᠤ ᠦᠭᠡᠢ ᠶ᠋ᠢᠨ ᠲᠤᠯᠠ ᠡᠨᠡ ᠨᠠᠰᠤ ᠬᠡᠪᠡᠷᠡᠭ
ᠡᠭᠦᠷᠢᠳᠡ ᠬᠠᠨᠢᠯᠠᠬᠤ ᠦᠭᠡᠢ ᠶ᠋ᠢᠨ ᠲᠤᠯᠠ ᠠᠮᠠᠷᠠᠭ ᠰᠠᠳᠤᠨ ᠬᠡᠪᠡᠷᠡᠭ
ᠡᠴᠦᠰ ᠲᠡᠬᠡᠨ ᠪᠠᠷᠠᠭᠳᠠᠬᠤ ᠶ᠋ᠢᠨ ᠲᠤᠯᠠ ᠡᠳ᠋ ᠬᠥᠷᠥᠩᠭᠡ ᠬᠡᠪᠡᠷᠡᠭ
ᠶᠢᠷᠲᠢᠨᠴᠦ ᠶ᠋ᠢᠨ ᠭᠤᠷᠪᠠᠨ ᠲᠤᠰᠠ
ᠥᠰᠬᠦ ᠳ᠋ᠦ᠍ ᠥᠷᠥᠪᠳᠦᠬᠦ ᠶ᠋ᠢᠨ ᠲᠤᠰᠠ
ᠦᠲᠡᠯᠬᠦ ᠳ᠋ᠦ᠍ ᠡᠷᠭᠦᠬᠦ ᠶ᠋ᠢᠨ ᠲᠤᠰᠠ
ᠦᠬᠦᠬᠦ ᠳ᠋ᠦ᠍ ᠶᠠᠰᠤ ᠪᠠᠷᠢᠬᠤ ᠶ᠋ᠢᠨ ᠲᠤᠰᠠ
ᠶᠢᠷᠲᠢᠨᠴᠦ ᠶ᠋ᠢᠨ ᠭᠤᠷᠪᠠᠨ ᠳᠤᠲᠠᠭᠤ
ᠲᠩᠷᠢ ᠪᠠᠭᠠᠨᠠ ᠦᠭᠡᠢ ᠨᠢᠭᠡ ᠳᠤᠲᠠᠭᠤ
ᠠᠭᠤᠯᠠ ᠪᠦᠰᠡᠯᠡᠭᠦᠷ ᠦᠭᠡᠢ ᠨᠢᠭᠡ ᠳᠤᠲᠠᠭᠤ
ᠳᠠᠯᠠᠢ ᠪᠦᠯᠢᠭᠦᠷ ᠦᠭᠡᠢ ᠨᠢᠭᠡ ᠳᠤᠲᠠᠭᠤ
ᠶᠢᠷᠲᠢᠨᠴᠦ ᠶ᠋ᠢᠨ ᠭᠤᠷᠪᠠᠨ ᠲᠡᠨᠡᠭ
ᠡᠷᠬᠢᠮ ᠲᠡᠨᠡᠭ ᠮᠣᠷᠢ ᠪᠠᠨ ᠮᠠᠭᠲᠠᠨᠠ
ᠳᠤᠮᠳᠠ ᠲᠡᠨᠡᠭ ᠡᠬᠡᠨᠡᠷ ᠢ᠋ᠶ᠋ᠡᠨ ᠮᠠᠭᠲᠠᠨᠠ
ᠠᠳᠠᠭ ᠤ᠋ᠨ ᠲᠡᠨᠡᠭ ᠪᠡᠶᠡ ᠪᠡᠨ ᠮᠠᠭᠲᠠᠨᠠ
ᠶᠢᠷᠲᠢᠨᠴᠦ ᠶ᠋ᠢᠨ ᠭᠤᠷᠪᠠᠨ ᠬᠣᠯᠠ
ᠦᠬᠡᠷ ᠲᠡᠢ ᠬᠥᠮᠦᠨ ᠭᠠᠵᠠᠷ ᠬᠣᠯᠠ
ᠦᠬᠦᠭᠰᠡᠨ ᠬᠥᠮᠦᠨ ᠳᠡᠷᠡ ᠬᠣᠯᠠ
ᠦᠭᠡᠢᠷᠡᠭᠰᠡᠨ ᠬᠥᠮᠦᠨ ᠶᠠᠭᠤᠮᠠ ᠬᠣᠯᠠ
ᠶᠢᠷᠲᠢᠨᠴᠦ ᠶ᠋ᠢᠨ ᠭᠤᠷᠪᠠᠨ ᠳᠠᠪᠬᠤᠷᠭᠠ ᠲᠠᠢ
ᠥᠨᠳᠥᠷ ᠲᠩᠷᠢ ᠡᠭᠦᠯᠡᠨ ᠳᠠᠪᠬᠤᠷᠭᠠ ᠲᠠᠢ
ᠡᠪᠡᠰᠦᠨ ᠳᠡᠯᠡᠬᠡᠢ ᠴᠠᠰᠤᠨ ᠳᠠᠪᠬᠤᠷᠭᠠ ᠲᠠᠢ
ᠥᠷᠭᠡᠨ ᠳᠠᠯᠠᠢ ᠮᠥᠰᠥᠨ ᠳᠠᠪᠬᠤᠷᠭᠠ ᠲᠠᠢ
ᠶᠢᠷᠲᠢᠨᠴᠦ ᠶ᠋ᠢᠨ ᠭᠤᠷᠪᠠᠨ ᠪᠣᠯᠳᠠᠭ ᠦᠭᠡᠢ
ᠰᠢᠷᠠ ᠲᠣᠰᠣ ᠶ᠋ᠢ ᠰᠢᠷᠠᠵᠤ ᠪᠣᠯᠳᠠᠭ ᠦᠭᠡᠢ
ᠬᠠᠷᠠ ᠤᠰᠤ ᠶ᠋ᠢ ᠥᠷᠥᠮᠡᠲᠦᠭᠦᠯᠵᠦ ᠪᠣᠯᠳᠠᠭ ᠦᠭᠡᠢ
ᠬᠠᠢᠷ ᠡᠯᠡᠰᠦ ᠶ᠋ᠢ ᠨᠦᠬᠡᠯᠡᠵᠦ ᠪᠣᠯᠳᠠᠭ ᠦᠭᠡᠢ
ᠶᠢᠷᠲᠢᠨᠴᠦ ᠶ᠋ᠢᠨ ᠭᠤᠷᠪᠠᠨ ᠭᠤᠲᠤᠮᠰᠢᠭ
ᠦᠬᠡᠷ ᠦᠭᠡᠢ ᠬᠥᠮᠦᠨ ᠨᠠᠮᠤᠷ ᠤ᠋ᠨ ᠴᠠᠭ ᠭᠤᠲᠤᠮᠰᠢᠭ
ᠦᠷᠡ ᠦᠭᠡᠢ ᠬᠥᠮᠦᠨ ᠦᠬᠦᠬᠦ ᠶ᠋ᠢᠨ ᠴᠠᠭ ᠭᠤᠲᠤᠮᠰᠢᠭ
ᠡᠷᠳᠡᠮ ᠦᠭᠡᠢ ᠬᠥᠮᠦᠨ ᠨᠣᠮ ᠤ᠋ᠨ ᠭᠠᠵᠠᠷ ᠭᠤᠲᠤᠮᠰᠢᠭ
ᠶᠢᠷᠲᠢᠨᠴᠦ ᠶ᠋ᠢᠨ ᠭᠤᠷᠪᠠᠨ ᠭᠠᠳᠠᠨᠠ
ᠬᠠᠷᠢ ᠳ᠋ᠤ᠌ ᠣᠴᠢᠳᠠᠭ ᠢ᠋ᠶ᠋ᠠᠷ ᠬᠡᠦᠬᠡᠨ ᠭᠠᠳᠠᠨᠠ
ᠬᠠᠯᠠ ᠦᠵᠡᠳᠡᠭ ᠢ᠋ᠶ᠋ᠡᠷ ᠭᠠᠷ ᠭᠠᠳᠠᠨᠠ
ᠬᠠᠷᠠ ᠨᠢᠳᠦᠨ ᠡᠴᠡ ᠬᠥᠮᠥᠰᠬᠡ ᠭᠠᠳᠠᠨᠠ
ᠶᠢᠷᠲᠢᠨᠴᠦ ᠶ᠋ᠢᠨ ᠭᠤᠷᠪᠠᠨ ᠬᠡᠯᠲᠡᠭᠡᠢ
ᠡᠷᠬᠡᠲᠡᠨ ᠡᠴᠡ ᠴᠢᠬᠢ ᠬᠡᠯᠲᠡᠭᠡᠢ
ᠡᠳ᠋ᠯᠡᠯ ᠡᠴᠡ ᠳᠣᠩᠪᠣ ᠬᠡᠯᠲᠡᠭᠡᠢ
ᠡᠷᠳᠡᠨᠢ ᠡᠴᠡ ᠳᠤᠩ ᠬᠡᠯᠲᠡᠭᠡᠢ
ᠶᠢᠷᠲᠢᠨᠴᠦ ᠶ᠋ᠢᠨ ᠭᠤᠷᠪᠠᠨ ᠬᠥᠩᠭᠡᠨ
ᠤᠷᠤᠰᠬᠤ ᠳ᠋ᠤ᠌ ᠪᠠᠨ ᠤᠰᠤ ᠬᠥᠩᠭᠡᠨ
ᠬᠡᠢᠰᠬᠦ ᠳ᠋ᠦ᠍ ᠪᠡᠨ ᠥᠳᠥ ᠬᠥᠩᠭᠡᠨ
ᠡᠷᠭᠦᠬᠦ ᠳ᠋ᠦ᠍ ᠡᠪᠡᠰᠦ ᠬᠥᠩᠭᠡᠨ
ᠶᠢᠷᠲᠢᠨᠴᠦ ᠶ᠋ᠢᠨ ᠭᠤᠷᠪᠠᠨ ᠣᠯᠠᠨ
ᠥᠷᠢ ᠲᠡᠢ ᠬᠥᠮᠦᠨ ᠦ᠌ ᠮᠠᠷᠭᠠᠰᠢ ᠣᠯᠠᠨ
ᠡᠳᠦᠷ ᠦ᠋ᠨ ᠬᠣᠭᠣᠯᠠᠨ ᠤ᠋ ᠥᠮᠴᠢ ᠣᠯᠠᠨ
ᠥᠨᠥᠴᠢᠨ ᠬᠥᠮᠦᠨ ᠦ᠌ ᠨᠣᠶᠠᠨ ᠣᠯᠠᠨ
ᠶᠢᠷᠲᠢᠨᠴᠦ ᠶ᠋ᠢᠨ ᠭᠤᠷᠪᠠᠨ ᠠᠮᠠᠷᠠᠳᠠᠭ ᠦᠭᠡᠢ
ᠬᠣᠪᠴᠢ ᠬᠥᠮᠦᠨ ᠦ᠌ ᠬᠣᠰᠢᠭᠤ ᠠᠮᠠᠷᠠᠳᠠᠭ ᠦᠭᠡᠢ
ᠬᠣᠷᠭᠣᠯ ᠲᠦᠯᠡᠭᠰᠡᠨ ᠬᠥᠮᠦᠨ ᠦ᠌ ᠬᠤᠷᠤᠭᠤ ᠠᠮᠠᠷᠠᠳᠠᠭ ᠦᠭᠡᠢ
ᠬᠣᠨᠢ ᠬᠠᠷᠢᠭᠤᠯᠳᠠᠭ ᠬᠥᠮᠦᠨ ᠦ᠌ ᠰᠡᠳᠬᠢᠯ ᠠᠮᠠᠷᠠᠳᠠᠭ ᠦᠭᠡᠢ
ᠶᠢᠷᠲᠢᠨᠴᠦ ᠶ᠋ᠢᠨ ᠭᠤᠷᠪᠠᠨ ᠪᠠᠢᠳᠠᠭ ᠦᠭᠡᠢ
ᠬᠥᠮᠦᠨ ᠵᠠᠯᠠᠭᠤ ᠪᠠᠷ ᠢ᠋ᠶ᠋ᠠᠨ ᠪᠠᠢᠳᠠᠭ ᠦᠭᠡᠢ
ᠬᠦᠯᠢᠶᠡᠰᠦ ᠴᠢᠩᠭᠠ ᠪᠠᠷ ᠢ᠋ᠶ᠋ᠠᠨ ᠪᠠᠢᠳᠠᠭ ᠦᠭᠡᠢ
ᠬᠥᠪᠳᠥ ᠨᠣᠭᠣᠭᠠᠨ ᠢ᠋ᠶ᠋ᠠᠷ ᠢ᠋ᠶ᠋ᠠᠨ ᠪᠠᠢᠳᠠᠭ ᠦᠭᠡᠢ
ᠶᠢᠷᠲᠢᠨᠴᠦ ᠶ᠋ᠢᠨ ᠭᠤᠷᠪᠠᠨ ᠬᠦᠢᠲᠡᠨ
ᠡᠵᠡᠨ ᠮᠠᠭᠤᠲᠤ ᠶ᠋ᠢᠨ ᠬᠣᠷᠢᠶᠠ ᠬᠦᠢᠲᠡᠨ
ᠡᠵᠢ ᠮᠠᠭᠤᠲᠤ ᠶ᠋ᠢᠨ ᠬᠣᠭᠣᠯᠠ ᠬᠦᠢᠲᠡᠨ
ᠡᠪ ᠮᠠᠭᠤᠲᠤ ᠶ᠋ᠢᠨ ᠰᠠᠨᠠᠭᠠ ᠬᠦᠢᠲᠡᠨ
ᠶᠢᠷᠲᠢᠨᠴᠦ ᠶ᠋ᠢᠨ ᠭᠤᠷᠪᠠᠨ ᠲᠠᠲᠠᠤ
ᠳᠡᠭᠡᠪᠦᠷ ᠬᠣᠭᠣᠯᠠᠢ ᠪᠠᠷ ᠢ᠋ᠶ᠋ᠠᠨ ᠲᠠᠲᠠᠤ
ᠳᠡᠪᠡᠯ ᠵᠠᠬᠠ ᠪᠠᠷ ᠢ᠋ᠶ᠋ᠠᠨ ᠲᠠᠲᠠᠤ
ᠠᠭᠤᠯᠠ ᠣᠷᠣᠢ ᠪᠠᠷ ᠢ᠋ᠶ᠋ᠠᠨ ᠲᠠᠲᠠᠤ
ᠶᠢᠷᠲᠢᠨᠴᠦ ᠶ᠋ᠢᠨ ᠭᠤᠷᠪᠠᠨ ᠡᠬᠡ
ᠢᠳᠡᠭᠡᠨ ᠦ᠌ ᠡᠬᠢ ᠴᠠᠢ
ᠡᠳ᠋ ᠦ᠋ᠨ ᠡᠬᠢ ᠬᠠᠳᠠᠭ
ᠠᠮᠢᠲᠠᠨ ᠤ᠋ ᠡᠬᠢ ᠵᠢᠭᠠᠰᠤ
ᠶᠢᠷᠲᠢᠨᠴᠦ ᠶ᠋ᠢᠨ ᠭᠤᠷᠪᠠᠨ ᠬᠦᠰᠡᠯᠡᠩ
ᠬᠣᠵᠢᠭᠢᠷ ᠲᠣᠯᠣᠭᠠᠢ ᠳ᠋ᠤ᠌ ᠦᠰᠦ ᠬᠦᠰᠡᠯᠡᠩ
ᠬᠤᠪᠠᠬᠠᠢ ᠮᠣᠳᠣᠨ ᠳ᠋ᠤ᠌ ᠮᠥᠴᠢᠷ ᠬᠦᠰᠡᠯᠡᠩ
ᠬᠠᠭᠤᠷᠠᠢ ᠴᠠᠢᠨ ᠳ᠋ᠤ᠌ ᠤᠰᠤ ᠬᠦᠰᠡᠯᠡᠩ
ᠶᠢᠷᠲᠢᠨᠴᠦ ᠶ᠋ᠢᠨ ᠳᠥᠷᠪᠡᠨ ᠰᠢᠯᠲᠠᠭᠠᠨ
ᠡᠪᠡᠳᠴᠢᠨ ᠪᠠᠭᠠ ᠴᠤ᠌ ᠦᠬᠦᠯ ᠦ᠋ᠨ ᠰᠢᠯᠲᠠᠭᠠᠨ
ᠪᠤᠳᠤᠭ ᠪᠠᠭᠠ ᠴᠤ᠌ ᠥᠩᠭᠡᠯᠡᠬᠦ ᠶ᠋ᠢᠨ ᠰᠢᠯᠲᠠᠭᠠᠨ
ᠪᠤᠶᠠᠨ ᠪᠠᠭᠠ ᠴᠤ᠌ ᠲᠤᠰᠯᠠᠬᠤ ᠶ᠋ᠢᠨ ᠰᠢᠯᠲᠠᠭᠠᠨ
ᠭᠠᠯ ᠪᠠᠭᠠ ᠴᠤ᠌ ᠲᠦᠯᠡᠬᠦ ᠶ᠋ᠢᠨ ᠰᠢᠯᠲᠠᠭᠠᠨ
ᠶᠢᠷᠲᠢᠨᠴᠦ ᠶ᠋ᠢᠨ ᠳᠥᠷᠪᠡᠨ ᠵᠠᠩ
ᠠᠭᠤᠯᠠ ᠪᠠᠷ ᠶᠠᠪᠤᠳᠠᠭ ᠤᠭᠠᠯᠵᠠ ᠶ᠋ᠢᠨ ᠵᠠᠩ
ᠠᠭᠤᠯᠵᠠᠭᠠᠳ ᠶᠠᠪᠤᠳᠠᠭ ᠬᠥᠮᠦᠨ ᠦ᠌ ᠵᠠᠩ
ᠦᠦᠷ ᠢ᠋ᠶ᠋ᠡᠷ ᠶᠠᠪᠤᠳᠠᠭ ᠦᠬᠡᠷ ᠦ᠋ᠨ ᠵᠠᠩ
ᠦᠶᠡᠷᠬᠡᠵᠦ ᠶᠠᠪᠤᠳᠠᠭ ᠪᠠᠭᠠ ᠶ᠋ᠢᠨ ᠵᠠᠩ
ᠡᠬᠢ ᠰᠤᠷᠪᠤᠯᠵᠢ
https://kidstoy.mn/yrtsontsiin-gurav/