ᠵᠠᠩᠭᠠᠷ ᠤ᠋ᠨ ᠳᠦᠷᠢ ᠶ᠋ᠢᠨ ᠮᠠᠭᠲᠠᠭᠠᠯ- ᠪᠠᠭᠠᠲᠤᠷᠯᠢᠭ ᠲᠤᠤᠯᠢЗангарын дүрийн магтаал-Баатарлаг дооли
909ᠵᠠᠩᠭᠠᠷ ᠤ᠋ᠨ ᠳᠦᠷᠢ ᠶ᠋ᠢᠨ ᠮᠠᠭᠲᠠᠭᠠᠯ
ᠪᠠᠭᠠᠲᠤᠷᠯᠢᠭ ᠲᠤᠤᠯᠢ
ᠪᠠᠶᠠᠨᠨᠠᠭᠤᠷ ᠬᠣᠲᠠ ᠶ᠋ᠢᠨ ᠨᠠᠰᠤᠲᠠᠢᠴᠤᠳ ᠤ᠋ᠨ ᠶᠡᠬᠡ ᠰᠤᠷᠭᠠᠭᠤᠯᠢ ᠶ᠋ᠢᠨ ᠲᠣᠪᠰᠢᠭᠤᠷ ᠤ᠋ᠨ ᠠᠩᠭᠢ ᠠ᠋ᠴᠠ ᠬᠠᠢᠯᠠᠪᠠ
ᠵᠢᠯᠣᠭᠣᠳᠤᠭᠴᠢ ᠪᠠᠭᠰᠢ᠄ ᠤᠴᠠᠷᠠᠯ
ᠵᠠᠩᠭᠠᠷ ᠤ᠋ᠨ ᠳᠦᠷᠢ
ᠲᠠᠬᠢᠯ ᠵᠤᠯᠠ ᠬᠠᠭᠠᠨ ᠤ᠋ ᠦᠯᠡᠳᠡᠯ
ᠲᠠᠩᠰᠤᠭ ᠪᠤᠮᠪᠠ ᠬᠠᠭᠠᠨ ᠤ᠋ ᠠᠴᠢ
ᠦᠵᠥᠩ ᠠᠯᠳᠠᠷ ᠬᠠᠭᠠᠨ ᠤ᠋ ᠬᠥᠪᠡᠭᠦᠨ
ᠦᠶᠡ ᠶ᠋ᠢᠨ ᠥᠨᠥᠴᠢᠨ ᠵᠠᠩᠭᠠᠷ ᠢ᠋ ᠬᠡᠯᠡᠭᠡᠳ ᠦᠵᠡᠳᠡᠭ ᠪᠣᠯᠬᠤᠯᠠ᠃
ᠭᠠᠩᠭᠠ ᠮᠥᠷᠡᠨ ᠳᠠᠯᠠᠢ ᠴᠢᠨᠢ
ᠴᠠᠯᠴᠢᠭ ᠪᠠᠢᠭᠰᠠᠨ ᠴᠠᠭ ᠳᠤ ᠲᠥᠷᠥᠭᠰᠡᠨ
ᠭᠠᠯᠪᠠᠷ ᠽᠠᠨᠳᠠᠨ ᠮᠣᠳᠣᠨ ᠴᠢᠨᠢ ᠪᠤᠷᠠᠭᠠ ᠨᠠᠢᠳᠠᠭ ᠴᠠᠭ ᠳᠤ ᠲᠥᠷᠥᠭᠰᠡᠨ
ᠭᠠᠷᠤᠭᠰᠠᠨ ᠠ᠋ᠴᠠ ᠪᠠᠨ ᠨᠠᠭᠠᠰᠢ ᠪᠠᠨ
ᠭᠠᠵᠠᠷ ᠤᠰᠤ ᠪᠠᠨ ᠠᠯᠳᠠᠭᠠᠳ ᠦᠭᠡᠢ᠃
ᠭᠠᠵᠢᠳ ᠤ᠋ᠨ ᠭᠤᠷᠪᠠᠨ ᠬᠠᠭᠠᠳ ᠤ᠋ᠨ ᠳᠣᠲᠣᠷᠠ
ᠨᠡᠷᠡ ᠴᠣᠯᠠ ᠪᠠᠨ ᠠᠯᠳᠠᠭᠠᠳ ᠦᠭᠡᠢ
ᠲᠥᠷᠥᠭᠰᠡᠨ ᠡᠴᠡ ᠪᠡᠨ ᠨᠠᠭᠠᠰᠢ ᠪᠠᠨ ᠲᠥᠷᠥ ᠱᠠᠵᠢᠨ ᠢ᠋ᠶ᠋ᠠᠨ ᠠᠯᠳᠠᠭᠠᠳ ᠦᠭᠡᠢ
ᠲᠥᠷᠥ ᠶ᠋ᠢᠨ ᠳᠥᠷᠪᠡᠨ ᠬᠠᠭᠠᠨ ᠤ᠋ ᠳᠣᠲᠣᠷᠠ
ᠨᠡᠷᠡ ᠲᠥᠷᠥ ᠪᠡᠨ ᠠᠯᠳᠠᠭᠠᠳ ᠦᠭᠡᠢ᠃
ᠠᠯᠳᠠᠷ ᠨᠣᠶᠠᠨ ᠵᠠᠩᠭᠠᠷ ᠭᠡᠵᠦ ᠬᠡᠯᠡᠳᠡᠭ ᠰᠠᠨᠵᠢ ᠭᠡᠨᠡ ᠯᠡ᠃
ᠠᠪᠠᠢ ᠭᠡᠷᠡᠯ ᠬᠠᠲᠤᠨ ᠤ᠋ ᠳᠦᠷᠢ
ᠠᠯᠳᠠᠷ ᠨᠣᠶᠠᠨ ᠪᠣᠭᠳᠠ ᠵᠠᠩᠭᠠᠷ ᠤ᠋ᠨ ᠠᠪᠠᠢ ᠭᠡᠷᠡᠯ ᠬᠠᠲᠤᠨ ᠤ᠋ ᠳᠦᠷᠢ ᠶ᠋ᠢ
ᠡᠨᠳᠡ ᠰᠠᠭᠤᠭᠠ ᠲᠠᠨᠠᠷ ᠲᠠᠭᠠᠨ ᠡᠭᠡᠰᠢᠭ ᠳᠠᠭᠤᠤ ᠪᠠᠷ ᠤᠶᠠᠩᠭᠠᠯᠠᠭᠠᠳ
ᠬᠡᠯᠡᠭᠡᠳ ᠦᠵᠡᠳᠡᠭ ᠪᠣᠯᠬᠤᠯᠠ᠃
ᠤᠷᠭᠤᠬᠤ ᠨᠠᠷᠠᠨ ᠤ᠋ ᠳᠦᠷᠢ ᠲᠡᠢ ᠭᠡᠨᠡ
ᠤᠯᠠᠪᠠᠷ ᠤᠯᠠᠭᠠᠨ ᠬᠠᠴᠠᠷ ᠲᠠᠢ ᠭᠡᠨᠡ
ᠭᠠᠷᠬᠤ ᠨᠠᠷᠠᠨ ᠤ᠋ ᠳᠦᠷᠢ ᠲᠡᠢ ᠭᠡᠨᠡ
ᠭᠠᠯᠪᠢᠷ ᠤᠯᠠᠭᠠᠨ ᠬᠠᠴᠠᠷ ᠲᠠᠢ ᠭᠡᠨᠡ
ᠦᠬᠦᠭᠰᠡᠨ ᠬᠥᠮᠦᠨ ᠢ᠋ ᠠᠮᠢᠳᠤᠷᠠᠭᠤᠯᠳᠠᠭ
ᠦᠭᠡᠢᠷᠡᠭᠰᠡᠨ ᠬᠥᠮᠦᠨ ᠢ᠋ ᠪᠠᠶᠠᠵᠢᠭᠤᠯᠳᠠᠭ
ᠰᠣᠬᠣᠷ ᠬᠥᠮᠦᠨ ᠳ᠋ᠦ᠍ ᠨᠢᠳᠦ ᠣᠷᠣᠭᠤᠯᠳᠠᠭ
ᠰᠤᠳᠤᠷ ᠬᠥᠮᠦᠨ ᠳ᠋ᠦ᠍ ᠤᠬᠠᠭᠠ ᠣᠷᠣᠭᠤᠯᠳᠠᠭ
ᠭᠡᠷ ᠨᠡᠪᠲᠡ ᠭᠡᠷᠡᠯ ᠲᠡᠢ
ᠭᠡᠭᠡᠨ ᠨᠡᠪᠲᠡ ᠲᠣᠯᠢ ᠲᠠᠢ
ᠭᠡᠷᠡᠯ ᠳ᠋ᠦ᠍ᠨᠢ ᠦᠢᠯᠡ ᠪᠠᠷᠢᠮᠠ
ᠭᠡᠭᠡᠨ ᠳ᠋ᠦ᠍ᠨᠢ ᠠᠳᠤᠭᠤ ᠮᠡᠨᠡᠮᠡ
ᠡᠢᠮᠦ ᠰᠠᠢᠬᠠᠨ ᠢᠳᠡ ᠲᠡᠢ ᠰᠢᠲᠠ ᠲᠠᠢ ᠬᠠᠲᠤᠨ ᠭᠡᠵᠦ ᠬᠡᠯᠡᠳᠡᠭ ᠰᠠᠨᠵᠢ ᠭᠡᠨᠡ ᠯᠡ᠃
ᠠᠷᠠᠭ ᠤᠯᠠᠭᠠᠨ ᠬᠣᠩᠭᠣᠷ ᠤ᠋ᠨ ᠳᠦᠷᠢ
ᠠᠯᠳᠠᠷ ᠨᠣᠶᠠᠨ ᠪᠣᠭᠳᠠ ᠵᠠᠩᠭᠠᠷ ᠤ᠋ᠨ ᠠᠷᠪᠠᠨ ᠬᠣᠶᠠᠷ ᠪᠠᠭᠠᠲᠤᠷ ᠤ᠋ᠨ ᠠᠬᠠᠯᠠᠭᠴᠢ
ᠠᠷᠠᠭ ᠤᠯᠠᠭᠠᠨ ᠬᠣᠩᠭᠣᠷ ᠢ᠋ ᠠᠶᠠᠯᠠᠭᠤᠯᠤᠨ ᠳᠠᠭᠤᠯᠠᠭᠠᠳ ᠬᠡᠯᠡᠭᠡᠳ ᠦᠵᠡᠳᠡᠭ ᠪᠣᠯᠬᠤᠯᠠ᠃
ᠮᠠᠩᠨᠠᠢ ᠶ᠋ᠢᠨ ᠬᠣᠭᠣᠷᠣᠨᠳᠣ ᠨᠢ ᠮᠠᠩᠬᠡᠸᠠ ᠶ᠋ᠢᠨ ᠭᠡᠭᠡᠨ ᠪᠦᠷᠢᠯᠳᠦᠭᠰᠡᠨ
ᠵᠤᠯᠠᠢ ᠶ᠋ᠢᠨ ᠬᠣᠭᠣᠷᠣᠨᠳᠣ ᠨᠢ ᠽᠦᠩᠬᠡᠸᠠ ᠶ᠋ᠢᠨ ᠭᠡᠭᠡᠨ ᠪᠦᠷᠢᠯᠳᠦᠭᠰᠡᠨ
ᠳᠠᠯᠤ ᠡᠭᠡᠮ ᠢ᠋ ᠴᠣᠬᠢᠬᠤᠯᠠᠷ
ᠦᠭᠡ ᠠᠯᠳᠠᠳᠠᠭ ᠶᠣᠰᠣᠨ ᠦᠭᠡᠢ
ᠳᠠᠪᠤᠰᠠᠩ ᠤ᠋ᠨ ᠡᠬᠢ ᠪᠡᠷ ᠳᠡᠪᠢᠰᠬᠦᠯᠡᠷ ᠰᠢᠭᠡᠰᠦ ᠠᠯᠳᠠᠳᠠᠭ ᠶᠣᠰᠣᠨ ᠦᠭᠡᠢ
ᠪᠥᠬᠡ ᠪᠥᠬᠡ ᠪᠥᠭᠡᠯᠲᠡᠢ ᠪᠥᠬᠡ ᠮᠥᠩᠭᠥᠨ ᠰᠢᠭᠰᠢᠷᠡᠭᠡ ᠶ᠋ᠢᠨ ᠤᠤᠭᠠᠨ ᠭᠠᠭᠴᠠ ᠬᠥᠪᠡᠭᠦᠨ ᠠᠷᠤ ᠪᠤᠮᠪᠠ ᠶ᠋ᠢᠨ ᠣᠷᠣᠨ ᠤ᠋ ᠠᠷᠠᠭ ᠤᠯᠠᠭᠠᠨ ᠬᠣᠩᠭᠣᠷ ᠭᠡᠵᠦ ᠬᠡᠯᠡᠳᠡᠭ ᠰᠠᠨᠵᠢ ᠭᠡᠨᠡ ᠯᠡ᠃
ᠭᠤᠷᠪᠠᠨ ᠪᠠᠭᠠᠲᠤᠷ
ᠲᠦᠪᠰᠢᠨ ᠰᠢᠷᠢᠬᠢ ᠶ᠋ᠢᠨ ᠠᠴᠢ ᠲᠡᠮᠦᠷᠯᠢᠭ ᠲᠡᠮᠦᠷ ᠬᠠᠭᠠᠨ ᠤ᠋ ᠬᠥᠪᠡᠭᠦᠨ
ᠪᠥᠬᠡ ᠮᠥᠩᠭᠥᠨ ᠰᠢᠭᠰᠢᠷᠭᠡ ᠶ᠋ᠢᠨ ᠤᠤᠭᠠᠨ ᠭᠠᠭᠴᠠ ᠬᠥᠪᠡᠭᠦᠨ
ᠠᠷᠪᠠᠨ ᠬᠣᠶᠠᠷ ᠪᠠᠭᠠᠲᠤᠷ ᠢ᠋ᠶ᠋ᠠᠨ ᠠᠯᠠᠭ ᠨᠢᠳᠦᠨ ᠦ᠌ ᠡᠷᠭᠢᠴᠡ ᠪᠡᠷ ᠪᠠᠢᠯᠭᠠᠳᠠᠭ
ᠠᠷᠤ ᠪᠤᠮᠪᠠ ᠶ᠋ᠢᠨ ᠣᠷᠣᠨ ᠤ᠋
ᠠᠷᠠᠭ ᠤᠯᠠᠭᠠᠨ ᠬᠣᠩᠭᠣᠷ ᠭᠡᠨᠡ ᠯᠦ᠍᠃
ᠨᠠᠶᠠᠨ ᠨᠢᠭᠡᠨ ᠠᠯᠲᠠ ᠡᠰᠢ ᠲᠡᠢ ᠨᠠᠢ᠍ᠮᠠᠨ ᠠᠯᠲᠠ ᠢᠷ ᠲᠡᠢ
ᠬᠤᠷᠴᠠ ᠴᠠᠭᠠᠨ ᠰᠢᠲᠦ ᠲᠡᠢ ᠬᠤᠷᠳᠤᠨ ᠬᠠᠯᠵᠠᠨ ᠬᠦᠯᠦᠭ ᠲᠡᠢ
ᠬᠦᠢᠲᠡᠨ ᠴᠢᠯᠠᠭᠤᠨ ᠵᠢᠷᠦᠬᠡ ᠲᠡᠢ ᠬᠦᠷᠦᠭᠡ ᠭᠠᠵᠠᠷ ᠢᠳᠡ ᠲᠡᠢ ᠬᠥᠮᠦᠨ ᠦ᠌ ᠨᠠᠴᠢᠨ ᠱᠣᠩᠬᠣᠷ ᠬᠦᠨᠳᠦ ᠭᠠᠷᠲᠤ ᠰᠠᠪᠠᠷ ᠭᠡᠨᠡ ᠯᠦ᠍᠃
ᠲᠡᠮᠦᠷ ᠰᠦᠮᠡ ᠶ᠋ᠢᠨ ᠡᠭᠦᠳᠡ ᠶ᠋ᠢ ᠪᠠᠲᠤᠯᠠᠨ ᠰᠠᠬᠢᠳᠠᠭ ᠠᠯᠲᠠᠨ ᠴᠡᠭᠡᠵᠢ
ᠲᠥᠷᠥ ᠱᠠᠵᠢᠨ ᠬᠣᠶᠠᠷ ᠢ᠋ ᠨᠣᠮᠯᠠᠨ ᠰᠠᠬᠢᠳᠠᠭ ᠠᠯᠲᠠᠨ ᠴᠡᠭᠡᠵᠢ
ᠠᠷᠠᠭ ᠵᠤᠯᠠ ᠬᠠᠭᠠᠨ ᠤ᠋ ᠬᠥᠪᠡᠭᠦᠨ ᠠᠭᠰᠤᠮ ᠤᠯᠠᠭᠠᠨ ᠬᠦᠯᠦᠭ ᠲᠡᠢ ᠠᠶᠠᠭᠠ ᠶ᠋ᠢᠨ ᠴᠢᠨᠡᠭᠡᠨ ᠠᠯᠠᠭ ᠨᠢᠳᠦ ᠲᠡᠢ
ᠠᠯᠲᠠᠨ ᠴᠡᠭᠡᠵᠢ ᠪᠠᠪᠤ ᠭᠡᠨᠡ ᠯᠦ᠍᠃
ᠦᠰᠦᠭ ᠬᠠᠳᠠᠭᠴᠢ᠄ ᠲᠣᠳᠤᠭᠡᠷᠡᠯ
ᠦᠰᠦᠭ ᠠᠮᠢᠯᠠᠭᠤᠯᠤᠭᠠᠴᠢ᠄ ᠨᠠᠷᠠᠨᠲᠣᠭᠣᠰ᠂ ᠨᠡ᠊· ᠴᠠᠭᠠᠨ
ᠬᠢᠨᠠᠭᠴᠢ᠄ ᠤᠤᠭᠠᠨᠵᠢᠳ᠂ ᠣᠳᠬᠠᠨᠰᠣᠠ᠂ ᠤᠴᠠᠷᠠᠯ᠂ ᠨᠠᠷᠠᠨᠲᠣᠭᠣᠰ