34ᠠᠯᠲᠠᠨ ᠬᠠᠭᠠᠨАлтан хаан01 ᠲᠡᠥᠬᠡ ᠰᠣᠶᠣᠯ

  ᠲᠦᠮᠡᠳ ᠦᠨ ᠠᠯᠲᠠᠨ ᠬᠠᠭᠠᠨ (1507 - 1582) ᠨᠢ ᠲᠦᠮᠡᠳ ᠦᠨ ᠵᠠᠬᠢᠷᠤᠭᠴᠢ ᠪᠥᠭᠡᠳ ᠮᠣᠩᠭᠣᠯ ᠤᠨ ᠪᠠᠷᠠᠭᠤᠨ ᠲᠦᠮᠡᠨ ᠢ ᠤᠳᠤᠷᠢᠳᠴᠤ ᠪᠠᠢᠭᠰᠠᠨ ᠠᠯᠲᠠᠨ ᠤᠷᠤᠭ ᠤᠨ ᠬᠠᠭᠠᠨ ᠶᠤᠮ᠃ ᠲᠡᠷᠡ ᠪᠡᠷ ᠪᠠᠲᠤᠮᠥᠶᠩᠬᠡ ᠳᠠᠶᠠᠩ ᠬᠠᠭᠠᠨ ᠤ ᠠᠴᠢ᠂ ᠪᠠᠷᠰᠪᠣᠯ ᠳᠤ ᠬᠠᠭᠠᠨ ᠤ ᠬᠣᠶᠠᠷ ᠳᠠᠬᠢ ᠬᠦᠦ ᠲᠡᠳᠦᠢ ᠦᠭᠡᠢ ᠮᠥᠩᠭᠥᠨ ᠬᠡᠮᠡᠬᠦ ᠢᠬᠡᠷ᠎ᠡ ᠥᠬᠢᠨ ᠳᠡᠭᠦᠦ ᠲᠡᠢ᠃ ᠵᠢᠩᠬᠢᠨᠢ ᠨᠡᠷ᠎ᠡ ᠶᠢ ᠨᠢ ᠠᠨᠳᠠ ᠭᠡᠳᠡᠭ᠃ 

  ᠲᠡᠭᠦᠨ ᠦ ᠠᠬ᠎ᠠ ᠭᠦᠨᠪᠢᠯᠢᠭ ᠨᠢ ᠣᠷᠳᠣᠰ ᠢ  ᠵᠠᠬᠢᠷᠴᠤ ᠪᠠᠢᠵᠠᠢ᠃ ᠠᠬ᠎ᠠ ᠨᠢ 1542 ᠣᠨ ᠳᠤ ᠨᠠᠰᠤ ᠨᠥᠭᠴᠢᠭᠰᠡᠨ ᠦ ᠳᠠᠷᠠᠭ᠎ᠠ ᠠᠯᠲᠠᠨ ᠪᠠᠷᠠᠭᠤᠨ ᠲᠦᠮᠡᠨ ᠢ ᠶᠡᠷᠦᠩᠬᠡᠢ ᠳᠦ ᠨᠢ ᠤᠳᠤᠷᠢᠳᠬᠤ ᠪᠣᠯᠵᠤ᠂ 《ᠲᠦᠰᠢᠶᠡᠲᠦ ᠰᠡᠴᠡᠨ ᠬᠠᠭᠠᠨ》 ᠴᠣᠯᠠ ᠲᠠᠢ ᠪᠣᠯᠤᠭᠰᠠᠨ ᠪᠠᠢᠨ᠎ᠠ᠃
ᠴᠠᠬᠠᠷ ᠲᠤ ᠰᠠᠭᠤᠵᠤ ᠪᠠᠢᠭᠰᠠᠨ ᠪᠣᠳᠢ ᠠᠯᠠᠭ ᠬᠠᠭᠠᠨ 1547 ᠣᠨ ᠳᠤ ᠨᠠᠰᠤ ᠪᠠᠷᠠᠬᠤ ᠳᠤ᠂ ᠲᠡᠭᠦᠨ ᠦ ᠣᠷᠣ ᠶᠢ ᠵᠠᠯᠭᠠᠭᠰᠠᠨ ᠳᠠᠷᠠᠢᠰᠦᠨ ᠭᠦᠳᠦᠩ ᠬᠠᠭᠠᠨ ᠳᠤ ᠠᠯᠲᠠᠨ ᠰᠢᠬᠠᠯᠲᠠ ᠦᠵᠡᠭᠦᠯᠦᠭᠰᠡᠭᠡᠷ 《ᠭᠡᠭᠡᠨ ᠬᠠᠭᠠᠨ》 ᠴᠣᠯᠠ ᠲᠠᠢ ᠪᠣᠯᠵᠤ ᠴᠢᠳᠠᠵᠠᠢ᠃ ᠲᠡᠭᠦᠨ ᠦ  ᠵᠠᠬᠢᠷᠴᠤ ᠪᠠᠢᠭᠰᠠᠨ ᠣᠷᠳᠣᠰ ᠪᠤᠶᠤ ᠰᠢᠷ᠎ᠠ ᠮᠥᠷᠡᠨ ᠦ ᠡᠷᠭᠢ ᠬᠠᠪᠢ ᠨᠢ ᠣᠢᠷ᠎ᠠ ᠳᠤ᠂ ᠬᠢᠲᠠᠳ᠂ ᠲᠥᠪᠡᠳ ᠲᠡᠢ ᠬᠠᠷᠢᠯᠴᠠᠬᠤ ᠵᠠᠩᠭᠢᠯᠠᠭ᠎ᠠ ᠪᠣᠯᠵᠤ ᠪᠠᠢᠭᠰᠠᠨ ᠤ ᠪᠠᠨ ᠬᠤᠪᠢ ᠳᠤ ᠲᠡᠭᠦᠨ ᠦ ᠨᠡᠷ᠎ᠡ ᠨᠥᠯᠦᠭᠡ ᠶᠢ ᠶᠡᠬᠡᠰᠬᠡᠵᠦ ᠪᠠᠢᠭᠰᠠᠨ ᠠᠴᠠ ᠭᠠᠳᠠᠨ᠎ᠠ ᠶᠠᠩᠵᠤ ᠪᠦᠷᠢ ᠶᠢᠨ ᠰᠣᠶᠣᠯ ᠤᠳ ᠲᠠᠢ ᠬᠠᠷᠢᠴᠠᠬᠤ ᠪᠣᠯᠤᠮᠵᠢ ᠶᠢ ᠣᠯᠭᠤᠵᠤ ᠪᠠᠢᠪᠠ᠃
ᠲᠡᠷᠡ ᠪᠡᠷ ᠣᠳᠣ ᠶᠢᠨ ᠥᠪᠥᠷ ᠮᠣᠩᠭᠣᠯ ᠤᠨ ᠨᠡᠢᠰᠯᠡᠯ ᠬᠥᠬᠡᠬᠣᠲᠠ ᠶᠢ ᠦᠨᠳᠦᠰᠦᠯᠡᠨ ᠪᠠᠢᠭᠤᠯᠤᠭᠰᠠᠨ ᠶᠤᠮ᠃ ᠮᠥᠨ ᠲᠡᠷᠡ ᠪᠡᠷ ᠲᠥᠪᠡᠳ ᠦᠨ ᠪᠤᠳ᠋ᠳ᠋ᠬᠠ ᠶᠢᠨ ᠱᠠᠰᠢᠨ ᠢ ᠮᠣᠩᠭᠣᠯ ᠳᠤ ᠨᠡᠪᠲᠡᠷᠡᠬᠦ ᠳᠦ ᠴᠢᠬᠤᠯᠠ ᠡᠭᠦᠷᠭᠡ ᠭᠦᠢᠴᠡᠳᠭᠡᠭᠰᠡᠨ ᠢᠶᠡᠷ ᠢᠶᠡᠨ ᠮᠣᠩᠭᠣᠯ ᠤᠨ ᠲᠡᠦᠬᠡᠨ ᠳᠦ ᠦᠯᠡᠳᠡᠭᠰᠡᠨ᠃ ᠮᠣᠩᠭᠣᠯ ᠤᠨ ᠠᠩᠬᠠᠭᠠᠨ ᠤ ᠪᠤᠳ᠋ᠳ᠋ᠬᠠ ᠶᠢᠨ ᠰᠦᠮ᠎ᠡ ᠬᠡᠢᠳ ᠪᠣᠯᠬᠤ ᠲᠡᠭᠴᠢᠨ ᠴᠣᠩᠬᠣᠷ ᠢ ᠬᠥᠬᠡ ᠬᠣᠲᠠᠳ ᠴᠤᠬᠤᠮ ᠠᠯᠲᠠᠨ ᠬᠠᠭᠠᠨ ᠪᠠᠢᠭᠤᠯᠤᠭᠰᠠᠨ ᠠᠵᠢ᠃ ᠮᠥᠨ 1586 ᠣᠨ ᠳᠤ ᠠᠪ ᠲᠠᠢ ᠰᠠᠢᠨ ᠬᠠᠭᠠᠨ ᠤ ᠳᠡᠮᠵᠢᠯᠭᠡ ᠲᠡᠢ ᠪᠡᠷ ᠬᠠᠭᠤᠴᠢᠨ ᠶᠡᠬᠡ ᠮᠣᠩᠭᠣᠯ ᠤᠯᠤᠰ ᠤᠨ ᠨᠡᠢᠰᠯᠡᠯ ᠬᠠᠷᠠᠬᠣᠷᠣᠮ ᠤᠨ ᠣᠢᠷᠠᠯᠴᠠᠭ᠎ᠠ ᠡᠷᠳᠡᠨᠢ-ᠵᠤᠤ ᠬᠡᠢᠳ ᠢ ᠪᠠᠢᠭᠤᠯᠵᠠᠢ᠃
 ᠠᠯᠲᠠᠨ ᠬᠠᠭᠠᠨ ᠵᠠᠬᠢᠷᠴᠤ ᠪᠠᠢᠭᠰᠠᠨ ᠭᠠᠵᠠᠷ
ᠴᠡᠷᠢᠭ ᠵᠡᠪᠰᠡᠭ ᠦᠨ ᠬᠤᠪᠢ ᠳᠤ ᠠᠯᠲᠠᠨ ᠬᠠᠭᠠᠨ ᠨᠢ ᠮᠢᠩ ᠤᠯᠤᠰ ᠢ ᠰᠠᠨᠳᠠᠷᠠᠭᠠᠬᠤ ᠬᠦᠴᠦᠲᠡᠢ ᠪᠠᠢᠪᠠ᠃ ᠲᠡᠷᠡ ᠪᠡᠷ 1529᠂ 1530᠂ 1542 ᠣᠨ ᠨᠤᠭᠤᠳ ᠲᠤ ᠬᠢᠲᠠᠳ ᠤᠷᠤᠭᠤ ᠳᠣᠪᠲᠣᠯᠵᠤ ᠶᠡᠬᠡᠬᠡᠨ ᠣᠯᠵᠠ ᠲᠠᠢ ᠪᠤᠴᠠᠵᠤ ᠪᠠᠢᠭᠰᠠᠨ ᠪᠥᠭᠡᠳ 1550 ᠣᠨ ᠳᠤ ᠴᠠᠭᠠᠨ ᠬᠡᠷᠡᠮ ᠢ ᠳᠠᠪᠠᠵᠤ᠂ ᠪᠡᠭᠡᠵᠢᠩ ᠳᠦ ᠨᠡᠪᠲᠡᠷᠡᠴᠢ ᠵᠠᠷᠢᠮ ᠳᠦᠭᠦᠷᠭᠡ ᠨᠦᠭᠦᠳ ᠢ ᠰᠢᠲᠠᠭᠠᠵᠤ ᠲᠤᠬᠠᠢ ᠶᠢᠨ ᠦᠶ᠎ᠡ ᠳᠦ ᠬᠣᠷᠢᠭ᠎ᠠ ᠲᠠᠢ ᠬᠣᠲᠣ ᠳᠤ ᠪᠠᠨ ᠰᠠᠭᠤᠭ᠎ᠠ ᠬᠠᠭᠠᠨ ᠳᠤ ᠨᠢ ᠪᠢᠴᠢᠭ ᠬᠦᠷᠭᠡᠭᠦᠯᠵᠦ ᠪᠠᠭᠤᠯᠲᠠ ᠬᠢᠯᠭᠡᠵᠦ ᠲᠣᠬᠢᠷᠠᠯᠴᠠᠭᠠᠨ ᠳᠤ ᠬᠦᠷᠴᠦ ᠪᠠᠢᠵᠠᠢ᠃ᠥᠪᠡᠷ ᠦᠨ ᠬᠠᠷᠢᠶᠠᠲᠤ ᠬᠠᠷᠢᠴᠠᠩᠭᠤᠢ ᠴᠥᠭᠡᠨ ᠴᠡᠷᠢᠭ ᠢ ᠤᠳᠤᠷᠢᠳᠤᠨ ᠨᠠᠩᠬᠢᠶᠠᠳ ᠲᠠᠢ ᠪᠠᠢᠯᠳᠤᠬᠤ ᠪᠦᠷᠢ ᠳᠦ ᠪᠡᠨ ᠢᠯᠠᠯᠲᠠ ᠪᠠᠢᠭᠤᠯᠵᠤ ᠪᠠᠢᠭᠰᠠᠨ ᠢ ᠨᠢ ᠪᠣᠳᠣᠬᠤ ᠳᠤ ᠴᠡᠷᠢᠭ ᠳᠠᠢᠨ ᠤ ᠡᠷᠳᠡᠮ ᠳᠦ ᠭᠠᠷᠭᠠᠭᠤᠳ ᠨᠢᠭᠡᠨ ᠪᠠᠢᠵᠠᠢ᠃ ᠲᠡᠭᠦᠨ ᠦ ᠴᠡᠷᠢᠭ ᠲᠤᠬᠠᠢ ᠶᠢᠨ ᠦᠶ᠎ᠡ ᠶᠢᠨ ᠨᠡᠢᠲᠡ ᠮᠣᠩᠭᠣᠯ ᠤᠨ ᠴᠡᠷᠢᠭ ᠦᠨ ᠬᠦᠴᠦᠨ ᠦ ᠳᠥᠷᠪᠡᠨ ᠦ ᠨᠢᠭᠡ ᠳᠦ ᠴᠤ ᠬᠦᠷᠬᠦ ᠦᠭᠡᠢ ᠪᠠᠢᠭᠰᠠᠨ ᠪᠢᠯᠡ᠃ ᠠᠯᠲᠠᠨ ᠬᠠᠭᠠᠨ ᠪᠡᠭᠡᠵᠢᠩ ᠢ ᠡᠵᠡᠯᠡᠭᠰᠡᠨ ᠪᠣᠯᠪᠠᠴᠤ ᠲᠣᠬᠢᠷᠠᠯᠴᠠᠭᠠᠨ ᠳᠤ ᠰᠠᠢᠨ ᠬᠥᠷᠥᠭᠡ ᠦᠭᠡᠢ ᠮᠥᠷᠲᠡᠯ᠎ᠡ ᠨᠤᠲᠤᠭ ᠤᠨ ᠵᠦᠭ ᠵᠣᠯ ᠢᠶᠠᠨ ᠵᠠᠯᠠᠭᠰᠠᠨ ᠨᠢ ᠣᠳᠣ ᠬᠦᠷᠲᠡᠯ᠎ᠡ ᠲᠣᠳᠣᠷᠬᠠᠢ ᠦᠭᠡᠢ ᠪᠠᠢᠳᠠᠭ᠃ ᠮᠠᠭᠠᠳ ᠦᠭᠡᠢ ᠥᠪᠡᠷ ᠦᠨ ᠴᠥᠭᠡᠨ ᠴᠡᠷᠢᠭ ᠢᠶᠡᠷ ᠤᠷᠠᠨ ᠠᠷᠭ᠎ᠠ ᠪᠠᠷ ᠢᠯᠠᠯᠲᠠ ᠪᠠᠢᠭᠤᠯᠤᠭᠰᠠᠨ ᠪᠣᠯᠬᠣᠷ ᠬᠡᠲᠦ ᠴᠥᠭᠡᠬᠡᠨ ᠴᠡᠷᠢᠭ ᠲᠡᠢ ᠪᠡᠨ ᠮᠡᠳᠡᠭᠳᠡᠬᠦ ᠡᠴᠡ ᠪᠣᠯᠭᠣᠮᠵᠢᠯᠠᠵᠤ ᠮᠥᠨ ᠳᠠᠪᠠᠭᠤ ᠲᠠᠯ᠎ᠠ ᠪᠠᠨ ᠤᠳᠠᠭᠠᠨ ᠬᠠᠳᠠᠭᠠᠯᠠᠵᠤ ᠴᠢᠳᠠᠬᠤ ᠦᠭᠡᠢ ᠪᠡᠨ ᠥᠪᠡᠷ ᠢᠶᠡᠨ ᠰᠠᠢᠨ ᠮᠡᠳᠡᠵᠦ ᠪᠠᠢᠭᠰᠠᠨ ᠪᠣᠯᠬᠣᠷ ᠲᠡᠢᠮᠦ ᠰᠢᠢᠳᠪᠦᠷᠢ ᠭᠠᠷᠭᠠᠭᠰᠠᠨ ᠪᠠᠢᠬᠤ᠃ ᠬᠢᠲᠠᠳ ᠤᠨ ᠬᠠᠭᠠᠨ 1571 ᠣᠨ ᠳᠤ ᠲᠡᠭᠦᠨ ᠲᠡᠢ ᠨᠠᠢᠷᠠᠮᠳᠠᠯ ᠤᠨ ᠭᠡᠷ᠎ᠡ ᠪᠠᠢᠭᠤᠯᠵᠤ᠂ ᠠᠳᠤᠭᠤ ᠪᠠᠷ ᠲᠣᠷᠭ᠎ᠠ ᠳᠤᠷᠳᠤᠩ ᠰᠣᠯᠢᠵᠤ ᠠᠪᠬᠤ ᠨᠠᠢᠮᠠᠭ᠎ᠠ ᠶᠢ ᠵᠥᠪᠰᠢᠶᠡᠷᠡᠵᠦ ᠪᠠᠢᠭᠰᠠᠨ ᠲᠡᠦᠬᠡ ᠲᠡᠢ᠃ ᠲᠡᠭᠦᠨ ᠦ ᠬᠢᠭᠰᠡᠨ ᠤᠳᠠᠭ᠎ᠠ ᠳᠠᠷᠠᠭ᠎ᠠ ᠶᠢᠨ ᠠᠮᠵᠢᠯᠲᠠᠲᠠᠢ ᠳᠣᠪᠲᠣᠯᠭ᠎ᠠ ᠨᠢ ᠴᠢᠨᠠᠭᠰᠢᠳᠠ ᠮᠢᠩ ᠤᠯᠤᠰ ᠢ ᠮᠥᠬᠥᠯ ᠳᠤ ᠬᠦᠷᠭᠡᠵᠦ᠂ ᠮᠠᠨᠵᠤ ᠨᠠᠷ ᠲᠤ ᠢᠯᠠᠭᠳᠠᠬᠤ ᠭᠣᠣᠯ ᠤᠷᠢᠳᠠᠵᠤ ᠨᠥᠬᠥᠴᠡᠯ ᠢ ᠪᠦᠷᠢᠳᠦᠭᠦᠯᠵᠡᠢ᠃
1582 ᠣᠨ ᠳᠤ ᠠᠯᠲᠠᠨ ᠬᠠᠭᠠᠨ ᠲᠠᠭᠠᠯᠠᠯ ᠲᠡᠭᠦᠰᠬᠦ ᠳᠦ ᠲᠡᠭᠦᠨ ᠢ ᠬᠦᠦ ᠰᠡᠩᠭᠡ ᠳᠦᠭᠦᠷᠡᠩ ᠨᠢ ᠵᠠᠯᠭᠠᠮᠵᠢᠯᠠᠵᠠᠢ᠃ ᠮᠥᠨ ᠠᠴᠢ ᠬᠦᠦ ᠶᠣᠨᠳᠣᠩᠵᠠᠮᠰᠤ ᠨᠢ 4 ᠳ᠋ᠦᠭᠡᠷ ᠳᠠᠯᠠᠢ ᠯᠠᠮ᠎ᠠ ᠪᠠᠷ ᠲᠣᠳᠣᠷᠠᠵᠤ ᠪᠠᠢᠭᠰᠠᠨ ᠲᠡᠦᠬᠡ ᠲᠡᠢ᠃