ᠠᠬᠠ ᠳᠡᠭᠦᠦ ᠭᠤᠷᠪᠠ -ᠯ ∙ ᠮᠢᠰᠢᠶᠡᠯ-ᠦᠯᠢᠭᠡᠷ ᠦ᠋ᠨ ᠴᠠᠭAkh düü gurav L.MisheelҮлгэрийн цаг - Ах дүү гурав Л.Мишээл
2101ᠠᠬᠠ ᠳᠡᠭᠦᠦ ᠭᠤᠷᠪᠠ
ᠮᠣᠩᠭᠣᠯ ᠠᠷᠠᠳ ᠤ᠋ᠨ ᠦᠯᠢᠭᠡᠷ
ᠡᠷᠲᠡ ᠤᠷᠢᠳᠤ ᠴᠠᠭ ᠲᠤ᠌ ᠨᠢᠭᠡᠨ ᠠᠢᠯ ᠭᠤᠷᠪᠠᠨ ᠬᠦᠦ ᠲᠡᠢ᠂ ᠲᠠᠪᠤᠨ ᠠᠮᠠ ᠪᠦᠯᠢ ᠠᠮᠢᠳᠤᠷᠠᠵᠤ ᠪᠠᠢᠵᠠᠢ᠃ ᠭᠡᠲᠡᠯᠡ ᠭᠤᠷᠪᠠᠨ ᠬᠦᠦ ᠨᠢ ᠲᠣᠮᠣ ᠪᠣᠯᠵᠤ ᠡᠷᠡ ᠶ᠋ᠢᠨ ᠴᠡᠭᠡᠯ ᠳ᠋ᠦ᠍ ᠬᠦᠷᠪᠡ ᠭᠡᠨᠡ᠃
ᠡᠴᠢᠭᠡ ᠡᠬᠡ ᠨᠢ᠄《ᠭᠤᠷᠪᠠᠨ ᠬᠦᠦ ᠪᠡᠨ ᠶᠠᠮᠠᠷ ᠬᠤᠪᠢ ᠵᠠᠶᠠᠭᠠ ᠲᠠᠢ ᠬᠥᠮᠦᠰ ᠪᠣᠯᠬᠤ ᠶ᠋ᠢ ᠥᠪᠡᠷᠰᠡᠳ ᠢ᠋ᠶ᠋ᠡᠨ ᠰᠢᠢᠳᠪᠦᠷᠢᠯᠡ ᠭᠡᠳ ᠠᠳᠠᠯᠢ ᠲᠡᠭᠰᠢ ᠬᠡᠮᠵᠢᠶᠡᠨ ᠦ᠌ ᠨᠡᠯᠢᠶᠡᠳ ᠶᠡᠬᠡ ᠮᠥᠩᠭᠥ ᠶ᠋ᠢ ᠬᠤᠪᠢᠶᠠᠨ ᠥᠭᠭᠦᠭᠡᠳ᠂ ᠡᠨᠡ ᠮᠥᠩᠭᠥ ᠪᠡᠨ ᠠᠪᠤᠭᠠᠳ ᠭᠤᠷᠪᠠᠨ ᠵᠢᠯ ᠦ᠋ᠨ ᠬᠤᠭᠤᠴᠠᠭᠠ ᠪᠠᠷ ᠶᠠᠪᠤᠵᠤ᠂ ᠬᠥᠮᠦᠨ ᠲᠡᠢ ᠲᠠᠨᠢᠯᠴᠠᠵᠤ᠂ ᠭᠠᠵᠠᠷ ᠦᠵᠡᠭᠡᠳ᠂ ᠳᠤᠷᠠᠲᠠᠢ ᠶᠠᠭᠤᠮᠠᠰ ᠢ᠋ᠶ᠋ᠠᠨ ᠠᠪᠤᠭᠠᠳ ᠢᠷᠡ! ᠲᠠ ᠭᠤᠷᠪᠠ ᠶ᠋ᠢ ᠶᠠᠮᠠᠷ ᠠᠵᠠ ᠲᠠᠪᠢᠯᠠᠩ ᠲᠠᠢ ᠤᠯᠤᠰ ᠪᠣᠯᠬᠤ ᠶ᠋ᠢ ᠦᠵᠡᠶᠡ 》ᠭᠡᠵᠡᠢ᠃
ᠢᠩᠭᠢᠭᠡᠳ ᠭᠤᠷᠪᠠᠨ ᠬᠦᠦ ᠨᠢ ᠶᠠᠪᠤᠭᠰᠠᠭᠠᠷ ᠭᠤᠷᠪᠠᠨ ᠵᠢᠯ ᠦ᠋ᠨ ᠳᠠᠷᠠᠭᠠ᠂ ᠡᠨᠡ ᠭᠠᠵᠠᠷ ᠠ᠋ᠴᠠ ᠰᠠᠯᠤᠭᠠᠳ ᠬᠠᠷᠢᠨᠠ ᠭᠡᠵᠦ ᠣᠪᠣᠭᠠ ᠪᠣᠰᠬᠠᠭᠠᠳ ᠭᠤᠷᠪᠠᠨ ᠵᠦᠭ ᠲᠦ᠍ ᠲᠠᠷᠠᠬᠤ ᠪᠣᠯᠪᠠ᠃
ᠬᠣᠶᠠᠷ ᠳᠡᠭᠦᠦ ᠨᠢ ᠠᠬᠠ ᠠ᠋ᠴᠠ ᠪᠠᠨ ᠨᠢᠭᠤᠵᠤ᠂ ᠮᠠᠨ ᠤ᠋ ᠮᠠᠭᠤ ᠲᠡᠨᠡᠭ ᠠᠬᠠ ᠴᠤ᠌ ᠠᠪᠤ ᠶ᠋ᠢᠨ ᠪᠠᠭᠠᠬᠠᠨ ᠮᠥᠩᠭᠥ ᠶ᠋ᠢ ᠡᠭᠦᠷᠦᠭᠡᠳ ᠶᠠᠭᠤ ᠴᠤ᠌ ᠣᠯᠵᠤ ᠢᠷᠡᠵᠦ ᠴᠢᠳᠠᠬᠤ ᠦᠭᠡᠢ ᠭᠡᠵᠦ ᠱᠣᠣᠯᠠᠵᠤ᠂ ᠠᠬᠠ ᠨᠢ ᠶᠠᠪᠤᠭᠰᠠᠭᠠᠷ ᠬᠥᠮᠦᠨ ᠠᠮᠢᠲᠠᠨ ᠭᠠᠷᠴᠤ ᠴᠢᠳᠠᠮᠠ ᠦᠭᠡᠢ ᠲᠣᠮᠣ ᠭᠣᠣᠯ ᠲᠠᠢ ᠲᠠᠭᠠᠷᠠᠯᠳᠤᠵᠠᠢ ᠃ ᠲᠡᠷᠡ ᠭᠣᠣᠯ ᠢ᠋ᠶ᠋ᠠᠷ ᠬᠥᠮᠦᠨ ᠠᠮᠢᠲᠠᠨ ᠭᠠᠷᠭᠠᠳᠠᠭ ᠪᠣᠯᠭᠠᠶᠠ ᠭᠡᠵᠦ ᠰᠢᠢᠳᠴᠦ᠂ ᠭᠦᠦᠷ ᠲᠠᠯᠪᠢᠵᠤ ᠡᠬᠢᠯᠡᠪᠡ᠂ ᠭᠣᠣᠯ ᠳ᠋ᠤ᠌ ᠭᠦᠦᠷ ᠲᠠᠯᠪᠢᠭᠠᠳ ᠳᠠᠭᠤᠰᠴᠠᠢ᠃ ᠬᠥᠮᠦᠨ ᠠᠮᠢᠲᠠᠨ ᠨᠠᠭᠠᠰᠢ ᠴᠠᠭᠠᠰᠢ ᠭᠠᠷᠳᠠᠭ ᠪᠣᠯᠵᠠᠢ ᠭᠡᠨᠡ᠃ ᠮᠥᠩᠭᠥ ᠪᠡᠨ ᠶᠠᠭ ᠳᠠᠭᠤᠰᠬᠠᠵᠤ᠂ ᠭᠤᠷᠪᠠᠨ ᠵᠢᠯ ᠦ᠋ᠨ ᠬᠤᠭᠤᠴᠠᠭᠠ ᠴᠤ᠌ ᠳᠠᠭᠤᠰᠴᠤ ᠭᠡᠨᠡ᠃ ᠵᠠ᠂ ᠲᠡᠭᠡᠭᠡᠳ ᠭᠦᠦᠷ ᠦ᠋ᠨ ᠳᠡᠷᠭᠡᠳᠡ ᠡᠴᠦᠰ ᠦ᠋ᠨ ᠰᠥᠨᠢ ᠬᠣᠨᠣᠬᠤ ᠪᠠᠷ ᠰᠢᠢᠳᠴᠦ ᠰᠥᠨᠢ ᠵᠡᠭᠦᠳᠦᠯᠡᠵᠡᠢ᠃
ᠵᠡᠭᠦᠳᠦᠨ ᠳ᠋ᠦ᠍ ᠨᠢ ᠨᠢᠭᠡ ᠲᠣᠮᠣ ᠬᠠᠷᠠ ᠬᠥᠮᠦᠨ ᠢᠷᠡᠭᠡᠳ᠂
ᠮᠠᠢ! ᠡᠨᠡ ᠮᠥᠩᠭᠥᠨ ᠦ᠌ ᠰᠠᠪᠠ᠂ ᠡᠷᠳᠡᠨᠢ ᠶ᠋ᠢᠨ ᠰᠠᠪᠠ ᠶᠤᠮ ᠰᠢᠦ! ᠲᠣᠩᠭᠣᠢᠯᠭᠠᠬᠤ ᠪᠦᠷᠢ ᠠᠯᠲᠠᠨ ᠵᠣᠭᠣᠰ ᠭᠠᠷᠳᠠᠭ ᠶᠤᠮ᠃
ᠮᠠᠢ! ᠡᠨᠡ ᠪᠢᠴᠢᠬᠠᠨ ᠳᠣᠩᠪᠣ᠂ ᠡᠨᠡ ᠡᠷᠳᠡᠨᠢ ᠶ᠋ᠢᠨ ᠳᠣᠩᠪᠣ ᠶ᠋ᠢ ᠲᠣᠩᠭᠣᠢᠯᠭᠠᠬᠤ ᠪᠦᠷᠢ ᠳᠠᠷᠠᠰᠤ ᠭᠣᠭᠣᠵᠢᠳᠠᠭ᠃
ᠮᠠᠢ! ᠡᠨᠡ ᠱᠦᠭᠦᠷ ᠢ᠋ᠶ᠋ᠡᠷ ᠬᠥᠮᠦᠨ ᠦ᠌ ᠨᠢᠷᠤᠭᠤᠨ ᠳᠤᠮᠳᠠ ᠨᠢ ᠴᠣᠬᠢᠭᠠᠳ ᠲᠡᠷᠡ ᠬᠥᠮᠦᠨ ᠦ᠌ ᠪᠡᠶᠡ᠂ ᠨᠠᠰᠤᠨ ᠤ᠋ ᠪᠠᠨ ᠲᠠᠯᠠ ᠬᠤᠪᠢ ᠪᠠᠢᠭᠰᠠᠨ ᠰᠢᠭ᠋ ᠵᠠᠯᠠᠭᠤ ᠪᠣᠯᠤᠨᠠ᠃ ᠭᠡᠬᠦ ᠳ᠋ᠡᠭᠡᠨ ᠨᠢᠭᠡ ᠬᠥᠮᠦᠨ ᠢ᠋ ᠭᠤᠷᠪᠠ ᠠ᠋ᠴᠠ ᠢᠯᠡᠭᠦᠦ ᠴᠣᠬᠢᠵᠤ ᠪᠣᠯᠬᠤ ᠦᠭᠡᠢ ᠰᠢᠦ ᠭᠡᠵᠦ ᠬᠡᠯᠡᠭᠡᠳ᠂ ᠥᠭᠴᠦ ᠪᠠᠢᠭᠠ ᠪᠠᠷ ᠢ᠋ᠶ᠋ᠠᠨ ᠵᠡᠭᠦᠳᠦᠯᠡᠵᠡᠢ᠃
ᠥᠷᠯᠥᠭᠡ ᠰᠡᠷᠡᠬᠦ ᠳ᠋ᠦ᠍ ᠳᠡᠷᠭᠡᠳᠡ ᠨᠢ᠂ ᠮᠥᠩᠭᠥᠨ ᠦ᠌ ᠴᠥᠬᠥ᠂ ᠪᠢᠴᠢᠬᠠᠨ ᠳᠣᠩᠪᠣ᠂ᠪᠤᠷᠭᠠᠰᠤᠨ ᠱᠦᠭᠦᠷ ᠪᠠᠢᠪᠠ᠃
ᠮᠥᠩᠭᠥᠨ ᠦ᠌ ᠰᠠᠪᠠ ᠶ᠋ᠢ ᠲᠣᠩᠭᠣᠢᠯᠭᠠᠭᠰᠠᠨ ᠴᠢᠨᠢ ᠠᠯᠲᠠᠨ ᠵᠣᠭᠣᠰ ᠭᠠᠷᠴᠤ ᠢᠷᠡᠪᠡ᠃ ᠪᠢᠴᠢᠬᠠᠨ ᠳᠣᠩᠪᠣ ᠶ᠋ᠢ ᠲᠣᠩᠭᠣᠢᠯᠭᠠᠭᠰᠠᠨ ᠴᠢᠨᠢ ᠬᠠᠴᠢᠨ ᠰᠠᠢᠬᠠᠨ ᠳᠠᠷᠠᠰᠤ ᠭᠤᠤᠵᠢᠵᠤ ᠪᠠᠢᠨᠠ ᠭᠡᠨᠡ᠂ ᠲᠡᠭᠡᠭᠡᠳ ᠴᠥᠬᠥ᠂ ᠳᠣᠩᠪᠣ ᠬᠣᠶᠠᠷ ᠢ᠋ᠶ᠋ᠠᠨ ᠡᠪᠦᠷᠯᠡᠭᠡᠳ᠂ ᠱᠦᠭᠦᠷ ᠢ᠋ᠶ᠋ᠡᠨ ᠡᠭᠦᠷᠦᠭᠡᠳ ᠭᠡᠷ ᠯᠦ᠍ᠭᠡ ᠪᠡᠨ ᠪᠤᠴᠠᠵᠠᠢ᠃
ᠬᠣᠶᠠᠷ ᠳᠡᠭᠦᠦ ᠲᠡᠢ ᠪᠡᠨ ᠪᠣᠯᠵᠣᠭᠰᠠᠨ ᠭᠠᠵᠠᠷ ᠢᠷᠡᠭᠰᠡᠨ ᠴᠢᠨᠢ ᠬᠣᠶᠠᠷ ᠳᠡᠭᠦᠦ ᠨᠢ ᠬᠡᠳᠦ ᠬᠡᠳᠦᠨ ᠦᠬᠡᠷ᠂ ᠲᠡᠷᠭᠡ᠂ ᠠᠴᠢᠶᠠ ᠲᠠᠢ ᠢᠷᠡᠭᠰᠡᠨ ᠪᠠᠢᠨᠠ᠃
ᠠᠮᠤᠷ ᠮᠡᠨᠳᠦ ᠠ᠋! ᠮᠡᠨᠳᠦᠴᠢᠯᠡᠭᠡᠳ᠂ ᠬᠣᠶᠠᠷ ᠳᠡᠭᠦᠦ ᠨᠢ ᠮᠠᠨ ᠤ᠋ ᠲᠡᠨᠡᠭ ᠠᠬᠠ᠂ ᠲᠡᠭᠡᠨᠡ ᠠ᠋! ᠲᠡᠷᠡ ! ᠪᠠᠭᠠᠬᠠᠨ ᠮᠥᠩᠭᠥ ᠡᠪᠦᠷᠯᠡᠭᠡᠳ᠂ ᠨᠢᠭᠡ ᠮᠠᠭᠤ ᠬᠣᠭ ᠤ᠋ᠨ ᠱᠦᠭᠦᠷ ᠡᠭᠦᠷᠦᠭᠡᠳ ᠢᠷᠡᠴᠢᠬᠡᠯᠡ ᠭᠡᠵᠦ ᠬᠣᠭᠣᠷᠣᠨᠳᠣ ᠪᠠᠨ ᠠᠶᠠᠷᠬᠠᠨ ᠶᠠᠷᠢᠯᠴᠠᠪᠠ᠃
ᠭᠤᠷᠪᠠᠭᠤᠯᠠ ᠭᠡᠷ ᠲᠡᠭᠡᠨ ᠢᠷᠡᠵᠡᠢ᠃ ᠠᠪᠤ ᠨᠢ ᠭᠤᠷᠪᠠᠨ ᠢᠵᠢᠯᠢ ᠪᠠᠢᠰᠢᠩ ᠪᠠᠷᠢᠵᠤ᠂ ᠠᠬᠠ ᠳᠡᠭᠦᠦ ᠪᠡᠨ ᠴᠤᠭᠯᠠᠭᠤᠯᠤᠭᠰᠠᠨ ᠪᠠᠢᠨᠠ᠃ ᠢᠩᠭᠢᠭᠡᠳ ᠪᠠᠭᠠ ᠬᠦᠦ ᠶ᠋ᠢᠨ ᠠᠴᠢᠶᠠ ᠶ᠋ᠢ ᠪᠠᠭᠤᠯᠭᠠᠨ᠂ ᠡᠬᠢᠨ ᠦ᠌ ᠪᠠᠢᠰᠢᠩ ᠳ᠋ᠤ᠌ ᠣᠷᠣᠭᠤᠯᠬᠤ ᠳ᠋ᠤ᠌ ᠳᠠᠩ ᠴᠠᠭᠠᠨ ᠪᠤᠳᠠᠭᠠ ᠪᠠᠢᠨᠠ᠃ ᠳᠤᠮᠳᠠ ᠬᠦᠦ ᠪᠡᠨ ᠬᠣᠶᠠᠳᠠᠬᠢ ᠪᠠᠢᠰᠢᠩ ᠳ᠋ᠤ᠌ ᠶᠠᠭᠤᠮᠠ ᠪᠠᠨ ᠤᠷᠤᠭᠤᠯ ᠭᠡᠪᠡ᠃ ᠳᠤᠮᠳᠠ ᠬᠦᠦ ᠨᠢ ᠲᠣᠷᠭᠠ ᠳᠤᠷᠳᠤᠩ ᠪᠠᠭᠤᠯᠭᠠᠵᠤ ᠭᠡᠨᠡ᠃ ᠦᠨᠡᠲᠡᠢ ᠰᠠᠢᠬᠠᠨ ᠡᠳ᠋ ᠠᠪᠴᠢᠷᠠᠴᠢᠬᠠᠭᠠᠳ ᠭᠡᠷ ᠲᠡᠭᠡᠨ ᠣᠷᠣᠭᠤᠯᠵᠤ ᠭᠡᠨᠡ᠃ ᠲᠣᠮᠣ ᠬᠦᠦ ᠨᠢ᠄ ᠵᠠ! ᠲᠠ ᠨᠠᠳᠠ ᠳ᠋ᠤ᠌ ᠶᠠᠭᠤᠨ ᠳ᠋ᠤ᠌ ᠪᠠᠢᠰᠢᠩ ᠣᠩᠭᠣᠢᠯᠭᠠᠭᠰᠠᠨ ᠦᠭᠡᠢ ᠪᠣᠢ ᠭᠡᠬᠦ ᠳ᠋ᠦ᠍᠂ ᠬᠣᠭ ᠤ᠋ᠨ ᠱᠦᠭᠦᠷ ᠡᠴᠡ ᠥᠭᠡᠷᠡ ᠶᠠᠭᠤ ᠴᠤ᠌ ᠦᠭᠡᠢ ᠪᠠᠢᠵᠤ᠂ᠶᠠᠭᠠᠬᠢᠬᠤ ᠶᠤᠮ! ᠳᠠᠭᠤ ᠦᠭᠡᠢ ᠭᠡᠷ ᠲᠡᠭᠡᠨ ᠣᠷᠣ! ᠲᠠ ᠣᠩᠭᠣᠢᠯᠭᠠ ᠭᠡᠬᠦ ᠳ᠋ᠦ᠍ᠨᠢ᠂ ᠠᠪᠤ ᠨᠢ ᠳᠤᠷᠠᠲᠠᠢ ᠳᠤᠷᠠ ᠦᠭᠡᠢ ᠣᠩᠭᠣᠢᠯᠭᠠᠵᠤ ᠭᠡᠨᠡ᠂ ᠲᠣᠮᠣ ᠬᠦᠦ ᠮᠥᠩᠭᠥᠨ ᠦ᠌ ᠪᠡᠨ ᠰᠠᠪᠠ ᠶ᠋ᠢ ᠣᠩᠭᠣᠢᠯᠭᠠᠵᠤ ᠠᠯᠲᠠᠨ ᠵᠣᠭᠣᠰ ᠭᠠᠷᠭᠠᠭᠰᠠᠨ ᠳ᠋ᠤ᠌᠂ ᠨᠥᠭᠦᠭᠡ ᠴᠤᠭᠯᠠᠷᠠᠭᠰᠠᠨ ᠤᠯᠤᠰ ᠨᠢ ᠨᠢᠳᠦ ᠭᠢᠯᠪᠠᠵᠤ ᠭᠡᠨᠡ᠂ ᠲᠣᠮᠣ ᠬᠦᠦ᠄ ᠲᠠ ᠨᠠᠷ ᠡᠨᠡ ᠠᠯᠲᠠᠨ ᠠ᠋ᠴᠠ ᠴᠥᠮ ᠠᠳᠬᠤᠵᠤ ᠠᠪᠴᠠᠭᠠ ᠭᠡᠵᠦ ᠥᠭᠭᠦᠭᠡᠳ᠂ᠪᠠᠢᠰᠢᠩ ᠳᠦᠭᠦᠷᠭᠡᠵᠦ ᠬᠠᠭᠠᠯᠭᠠ ᠶ᠋ᠢ ᠬᠠᠭᠠᠯᠭᠠᠭᠠᠳ ᠭᠡᠷ ᠲᠦ᠍ ᠣᠷᠣᠵᠤ ᠢᠷᠡᠵᠡᠢ᠃
ᠭᠡᠷ ᠲᠦ᠍ ᠪᠠᠢᠬᠤ ᠬᠥᠮᠦᠰ ᠲᠦ᠍ ᠴᠠᠢ ᠬᠣᠭᠣᠯᠠ ᠥᠭᠭᠦᠭᠰᠡᠨ ᠦ᠌ ᠳᠠᠷᠠᠭᠠ᠂ ᠪᠢᠴᠢᠬᠠᠨ ᠳᠣᠩᠪᠣ ᠪᠠᠨ ᠭᠠᠷᠭᠠᠵᠤ ᠳᠠᠷᠠᠰᠤ ᠬᠢᠵᠦ ᠪᠠᠷᠢᠭᠰᠠᠨ ᠳ᠋ᠤ᠌ ᠪᠦᠬᠦ ᠬᠥᠮᠦᠰ ᠰᠣᠭᠲᠣᠵᠠᠢ᠃
ᠲᠡᠭᠡᠭᠰᠡᠨ ᠴᠢᠨᠢ ᠠᠪᠤ ᠨᠢ ᠡᠭᠦᠨ ᠡᠴᠡ ᠨᠢ ᠵᠢᠭᠠᠬᠠᠨ ᠵᠠᠯᠠᠭᠤ ᠪᠣᠯ ᠳᠠᠭᠤᠤ ᠠᠶᠠᠯᠠᠵᠤ ᠭᠠᠷᠤᠮᠠᠷ ᠪᠠᠢᠨᠠ ᠳᠠ ᠭᠡᠵᠡᠢ᠂ ᠲᠡᠷᠡ ᠦᠭᠡ ᠶ᠋ᠢ ᠰᠣᠨᠣᠰᠤᠭᠠᠳ ᠲᠣᠮᠣ ᠬᠦᠦ ᠨᠥᠭᠦᠭᠡ ᠱᠦᠭᠦᠷ ᠢ᠋ᠶ᠋ᠡᠷ ᠢ᠋ᠶ᠋ᠡᠨ ᠠᠪᠤ ᠶ᠋ᠢᠨ ᠢ᠋ᠶ᠋ᠡᠨ ᠨᠢᠷᠤᠭᠤᠨ ᠳᠤᠮᠳᠠᠭᠤᠷ ᠨᠢᠭᠡ ᠤᠳᠠᠭᠠ ᠴᠣᠬᠢᠭᠰᠠᠨ ᠳ᠋ᠤ᠌ ᠠᠪᠤ ᠨᠢ ᠢᠳᠡ ᠵᠠᠯᠠᠭᠤ ᠪᠣᠯᠵᠤ᠂ ᠪᠤᠰᠤᠳ ᠬᠥᠭᠰᠢᠨ ᠬᠥᠮᠦᠰ ᠨᠠᠮᠠ ᠶ᠋ᠢ᠂ ᠨᠠᠮᠠ ᠶ᠋ᠢ ᠭᠡᠬᠦ ᠪᠡᠷ᠂ ᠨᠢᠭᠡ᠂ ᠨᠢᠭᠡ ᠤᠳᠠᠭᠠ ᠴᠣᠬᠢᠵᠤ ᠵᠠᠯᠠᠭᠤ ᠪᠣᠯᠭᠠᠵᠠᠢ᠃ ᠴᠤᠭᠯᠠᠷᠠᠭᠰᠠᠨ ᠬᠥᠮᠦᠰ ᠳᠠᠷᠠᠰᠤ ᠤᠤᠭᠤᠵᠤ ᠴᠥᠮ ᠰᠣᠭᠲᠣᠭᠰᠠᠨ ᠳ᠋ᠤ᠌᠂ ᠬᠣᠶᠠᠷ ᠮᠠᠭᠤ ᠰᠠᠨᠠᠭᠠᠲᠤ ᠪᠠᠢᠬᠤ ᠦᠭᠡᠢ ᠪᠣᠯᠤᠭᠰᠠᠨ ᠭᠡᠨᠡ᠃ ᠭᠠᠳᠠᠭᠤᠷ ᠲᠡᠳᠡᠨ ᠢ᠋ ᠬᠠᠢᠬᠤ ᠳ᠋ᠤ᠌᠂ ᠬᠣᠶᠠᠷ ᠳᠡᠭᠦᠦ ᠨᠢ ᠨᠥᠭᠦᠭᠡ ᠱᠦᠭᠦᠷ ᠢ᠋ ᠨᠢ ᠠᠪᠴᠤ᠂ ᠥᠪᠡᠷᠰᠡᠳ ᠢ᠋ᠶ᠋ᠡᠨ ᠬᠡᠳᠦ ᠬᠡᠳᠦ ᠳᠠᠬᠢᠨ ᠴᠣᠬᠢᠵᠤ᠂ ᠳᠡᠪᠡᠯ ᠲᠡᠢ ᠨᠢᠷᠠᠢ ᠬᠡᠦᠬᠡᠳ ᠪᠣᠯᠴᠢᠬᠠᠭᠰᠠᠨ ᠤᠬᠢᠯᠠᠭᠠᠳ ᠬᠡᠪᠲᠡᠵᠦ ᠪᠠᠢᠭᠰᠠᠨ ᠭᠡᠳᠡᠭ᠃
ᠦᠰᠦᠭ ᠬᠠᠳᠠᠭᠴᠢ᠄ ᠵᠢᠷᠠᠨᠲᠠᠢ
ᠦᠰᠦᠭ ᠠᠮᠢᠯᠠᠭᠤᠯᠤᠭᠴᠢ᠄ ᠤᠤᠭᠠᠨᠵᠢᠳ
ᠬᠢᠨᠠᠭᠴᠢ᠄ ᠨᠠᠷᠠᠨᠲᠣᠭᠣᠰ᠂ ᠳᠠᠯᠠᠨᠲᠠᠢ