ᠬᠥᠳᠡᠯᠮᠦᠷᠢᠴᠢᠳ ᠦ᠋ᠨ ᠠᠯᠳᠠᠷ -ᠭᠦᠩᠭᠠᠷ Хөдөлмөрчдийн алдар– Гүнгар
972ᠬᠥᠳᠡᠯᠮᠦᠷᠢᠴᠢᠳ ᠦ᠋ᠨ ᠠᠯᠳᠠᠷ
— ᠭᠦᠩᠭᠠᠷ
ᠬᠤᠷᠳᠤᠨ ᠬᠦᠯᠦᠭ ᠲᠦ᠍ ᠲᠠᠰᠢᠭᠤᠷ ᠨᠡᠮᠡᠬᠦ ᠠᠯᠤᠰ ᠢ᠋ ᠵᠣᠷᠢᠬᠤ ᠬᠦᠰᠡᠯᠲᠡ ᠪᠢᠯᠡ
ᠬᠣᠶᠠᠷ ᠭᠠᠷ ᠤ᠋ᠨ ᠤᠷᠠᠨ ᠪᠦᠲᠦᠭᠡᠮᠵᠢ ᠰᠢᠷᠭᠠᠭᠤ ᠬᠥᠳᠡᠯᠮᠦᠷᠢ ᠶ᠋ᠢᠨ ᠭᠠᠢᠬᠠᠮᠰᠢᠭ ᠪᠢᠯᠡ
ᠬᠣᠰᠢᠭᠤᠷᠠᠵᠤ ᠲᠡᠮᠡᠴᠡᠬᠦ ᠡᠷᠴᠢ ᠬᠦᠴᠦᠨ ᠡᠷᠬᠢᠮ ᠰᠠᠢᠬᠠᠨ ᠤ᠋ ᠳᠡᠮᠪᠡᠷᠢᠯ ᠪᠢᠯᠡ
ᠬᠣᠷᠸᠠ ᠶ᠋ᠢᠨ ᠡᠯᠢᠭᠡᠨ ᠦ᠌ ᠤᠷᠤᠰᠬᠤ ᠬᠥᠯᠥᠰᠥ ᠠᠭᠤᠤ ᠬᠥᠳᠡᠯᠮᠦᠷᠢᠴᠢᠳ ᠦ᠋ᠨ ᠠᠯᠳᠠᠷ ᠪᠢᠯᠡ ᠠ᠋!
ᠪᠢᠷ ᠦ᠋ᠨ ᠦᠵᠦᠭᠦᠷ ᠲᠦ᠍ ᠰᠢᠳᠢ ᠣᠷᠣᠰᠢᠬᠤ ᠤᠬᠠᠭᠠᠨ ᠰᠠᠨᠠᠭᠠᠨ ᠤ᠋ ᠰᠡᠳᠬᠢᠮᠵᠢ ᠪᠢᠯᠡ
ᠪᠢᠯᠢᠭ ᠣᠶᠤᠨ ᠤ᠋ ᠬᠤᠷᠴᠠ ᠮᠡᠳᠡᠷᠡᠮᠵᠢ ᠪᠡᠬᠡᠰ ᠢ᠋ᠶ᠋ᠡᠷ ᠰᠤᠪᠤᠷᠠᠬᠤ ᠤᠶᠠᠩᠭᠠ ᠪᠢᠯᠡ
ᠪᠡᠶᠡ ᠳ᠋ᠦ᠍ ᠭᠦᠷᠪᠡᠯᠵᠢᠬᠦ ᠬᠦᠷᠡᠩ ᠴᠢᠰᠤ ᠲᠡᠮᠡᠦᠯᠬᠦ ᠦᠢᠯᠡᠰ ᠦ᠋ᠨ ᠴᠢᠪᠬᠠᠳᠠᠰᠤ ᠪᠢᠯᠡ
ᠪᠡᠷᠬᠡ ᠶ᠋ᠢ ᠲᠤᠭᠤᠯᠤᠨ ᠰᠢᠷᠭᠠᠭᠤ ᠠᠵᠢᠯᠯᠠᠬᠤ ᠬᠥᠳᠡᠯᠮᠦᠷᠢᠴᠢᠨ ᠲᠦᠮᠡᠨ ᠦ᠌ ᠣᠮᠣᠭᠰᠢᠯ ᠪᠢᠯᠡ ᠠ᠋!
ᠲᠥᠯ ᠢ᠋ᠶ᠋ᠡᠨ ᠲᠣᠰᠤᠭᠠᠳ ᠮᠣᠩᠬᠢᠨᠠᠵᠤ ᠲᠡᠷᠪᠡᠬᠦ ᠮᠠᠯᠴᠢᠨ ᠲᠦᠮᠡᠨ ᠦ᠌ ᠪᠠᠶᠠᠰᠤᠯ ᠪᠢᠯᠡ
ᠲᠦᠭᠡᠮᠡᠯ ᠠᠷᠠᠳ ᠳ᠋ᠦ᠍ ᠪᠠᠨ ᠦᠨᠡᠨᠴᠢ ᠦᠢᠯᠡᠴᠢᠯᠡᠬᠦ ᠬᠥᠮᠦᠨ ᠵᠤᠨ ᠤ᠋ ᠮᠥᠰᠥ ᠪᠢᠯᠡ
ᠲᠥᠭᠡᠷᠢᠯ ᠦᠭᠡᠢ ᠨᠠᠮ ᠢ᠋ᠶ᠋ᠠᠨ ᠳᠠᠭᠠᠬᠤ ᠤᠭ ᠰᠠᠨᠠᠭᠠᠨ ᠤ᠋ ᠲᠠᠩᠭᠠᠷᠢᠭ ᠪᠢᠯᠡ
ᠲᠥᠷᠥ ᠭᠦᠷᠦᠨ ᠳ᠋ᠦ᠍ ᠪᠡᠨ ᠬᠦᠴᠦᠯᠡᠨ ᠵᠢᠳᠬᠦᠬᠦ ᠢᠷᠭᠡᠳ ᠪᠦᠬᠦᠨ ᠦ᠌ ᠬᠠᠨᠳᠢᠪ ᠪᠢᠯᠡ ᠠ᠋!
ᠨᠠᠪᠴᠢ ᠴᠡᠴᠡᠭ ᠥᠩᠭᠡ ᠪᠡᠷ ᠢᠯᠭᠠᠷᠠᠬᠤ ᠤᠰᠤ ᠬᠥᠷᠥᠰᠥᠨ ᠦ᠌ ᠰᠢᠮᠡ ᠪᠢᠯᠡ
ᠨᠠᠯᠠᠭᠠᠷ ᠦᠢᠯᠡᠰ ᠥᠭᠡᠳᠡ ᠠᠬᠢᠬᠤ ᠳᠣᠷᠪᠢᠯᠢᠭ ᠤᠬᠠᠭᠠᠨ ᠤ᠋ ᠴᠢᠳᠠᠮᠵᠢ ᠪᠢᠯᠡ
ᠨᠠᠰᠤᠨ ᠬᠤᠲᠤᠭ ᠲᠤ᠌ ᠵᠢᠷᠭᠠᠯ ᠨᠡᠮᠡᠷᠢᠯᠡᠬᠦ ᠬᠥᠮᠦᠨ ᠵᠠᠶᠠᠭᠠᠨ ᠤ᠋ ᠪᠤᠶᠠᠨ ᠪᠢᠯᠡ
ᠨᠠᠮᠤᠷ ᠨᠠᠮᠤᠷ ᠤ᠋ᠨ ᠲᠠᠩᠰᠤᠭ ᠬᠤᠷᠢᠶᠠᠯᠲᠠ ᠠᠰᠬᠠᠷᠠᠬᠤ ᠬᠥᠯᠥᠰᠥᠨ ᠦ᠌ ᠬᠠᠷᠢᠭᠤ ᠪᠢᠯᠡ ᠠ᠋!
ᠡᠪᠡᠰᠦ ᠬᠤᠯᠤᠰᠤᠨ ᠤ᠋ ᠬᠠᠯᠢᠭᠤᠷᠠᠯᠲᠠ ᠭᠡᠭᠴᠢ ᠬᠤᠷᠠ ᠪᠣᠷᠣᠭᠠᠨ ᠤ᠋ ᠰᠢᠮᠡ ᠪᠢᠯᠡ
ᠡᠰᠡᠨᠢᠯ ᠬᠥᠭᠵᠢᠯ ᠦ᠋ᠨ ᠬᠦᠴᠦᠷᠬᠡᠭ ᠭᠡᠭᠴᠢ ᠠᠰᠠᠷ ᠬᠥᠳᠡᠯᠮᠦᠷᠢ ᠶ᠋ᠢᠨ ᠠᠮᠵᠢᠯᠲᠠ ᠪᠢᠯᠡ
ᠡᠷᠢᠨ ᠵᠠᠭᠤᠨ ᠤ᠋ ᠴᠣᠭᠴᠠᠯᠠᠯᠲᠠ ᠭᠡᠭᠴᠢ ᠬᠥᠮᠦᠨ ᠠᠷᠠᠳ ᠤ᠋ᠨ ᠴᠢᠷᠮᠠᠢᠯᠲᠠ ᠪᠢᠯᠡ
ᠡᠨᠳᠡ ᠡᠴᠡ ᠴᠢᠨᠠᠭᠰᠢᠯᠠᠬᠤ ᠠᠯᠬᠤᠭᠠ ᠭᠡᠭᠴᠢ ᠢᠲᠡᠭᠡᠯ ᠰᠡᠳᠬᠢᠯ ᠦ᠋ᠨ ᠬᠥᠪᠴᠢᠯᠡᠭᠡ ᠪᠢᠯᠡ ᠠ᠋!
ᠵᠣᠭᠣᠰᠤᠨ ᠤ᠋ ᠤᠭᠤᠲᠠ ᠳᠦᠭᠦᠷᠡᠩ ᠪᠠᠢᠬᠤ ᠨᠢ ᠠᠵᠢᠯ ᠦᠢᠯᠡᠰᠴᠢᠳ ᠦ᠋ᠨ ᠰᠢᠮᠳᠠᠯᠭᠠ ᠪᠢᠯᠡ
ᠵᠣᠪᠠᠯ ᠵᠦᠳᠡᠭᠦᠷᠢ ᠶ᠋ᠢ ᠲᠡᠰᠪᠦᠷᠢᠯᠡᠨ ᠤᠷᠤᠭᠰᠢᠯᠠᠬᠤ ᠨᠢ ᠠᠮᠵᠢᠯᠲᠠ ᠳ᠋ᠤ᠌ ᠬᠦᠷᠬᠦ ᠶ᠋ᠢᠨ ᠪᠠᠲᠤᠯᠠᠭᠠ ᠪᠢᠯᠡ
ᠵᠣᠷᠢᠭᠰᠠᠨ ᠦᠢᠯᠡᠰ ᠢ᠋ᠶ᠋ᠡᠨ ᠪᠦᠲᠦᠭᠡᠵᠦ ᠶᠠᠪᠤᠬᠤ ᠨᠢ ᠠᠯᠬᠤᠮ ᠪᠦᠷᠢ ᠶ᠋ᠢᠨ ᠬᠠᠷᠢᠭᠤᠯᠲᠠ ᠪᠢᠯᠡ
ᠵᠤᠭᠠᠯᠠᠬᠤ ᠰᠠᠢᠬᠠᠨ ᠣᠷᠴᠢᠨ ᠭᠡᠵᠦ ᠨᠣᠮᠢᠨ ᠨᠣᠭᠣᠭᠠᠨ ᠤ᠋ ᠦᠵᠡᠮᠵᠢ ᠪᠢᠯᠡ ᠠ᠋!
ᠢᠯᠴᠢᠲᠦ ᠨᠠᠷᠠᠨ ᠤ᠋ ᠥᠭᠰᠥᠬᠦ ᠲᠤᠶᠠᠭᠠᠨ ᠳ᠋ᠤ᠌ ᠲᠦᠮᠡᠨ ᠪᠣᠳᠠᠰ ᠠᠮᠢᠯᠠᠨᠠ ᠪᠢᠯᠡ
ᠢᠲᠡᠭᠡᠯ ᠰᠡᠳᠬᠢᠯ ᠦ᠋ᠨ ᠥᠭᠡᠳᠡᠷᠬᠡᠭ ᠤᠬᠠᠭᠠᠨ ᠳ᠋ᠤ᠌ ᠡᠨᠡᠬᠡᠨ ᠠᠮᠢᠳᠤᠷᠠᠯ ᠳᠡᠭᠵᠢᠷᠡᠨᠡ ᠪᠢᠯᠡ
ᠢᠯᠡᠳᠲᠡ ᠬᠦᠴᠦᠷᠬᠡᠭᠵᠢᠬᠦ ᠤᠯᠤᠰ ᠬᠦᠷᠦᠨᠡ ᠠᠷᠠᠳ ᠢᠷᠭᠡᠳ ᠵᠢᠷᠭᠠᠨᠠ ᠪᠢᠯᠡ
ᠢᠯᠠᠭᠤᠭᠰᠠᠨ ᠳᠠᠭᠤᠨ ᠤ᠋ ᠤᠷᠠᠢ ᠴᠤᠤᠷᠢᠶᠠᠨ ᠳ᠋ᠤ᠌ ᠲᠠᠪᠤᠨ ᠲᠢᠪ ᠳᠣᠯᠭᠢᠰᠤᠨᠠ ᠪᠢᠯᠡ ᠠ᠋!
ᠪᠠᠲᠤ ᠢᠲᠡᠭᠡᠯᠲᠦ ᠦᠨᠳᠦᠰᠦᠲᠡᠨ ᠶᠠᠰᠤᠲᠠᠨ ᠨᠢᠭᠲᠠᠷᠠᠯ ᠤ᠋ᠨ ᠳᠠᠭᠤᠨ ᠢ᠋ᠶ᠋ᠠᠷ ᠤᠷᠤᠭᠰᠢᠯᠠᠨᠠ ᠪᠢᠯᠡ
ᠪᠠᠳᠠᠷᠠᠨ ᠬᠥᠭᠵᠢᠬᠦ ᠮᠠᠨ ᠤ᠋ ᠬᠦᠷᠦ ᠲᠤᠤᠯᠢᠮᠠ ᠬᠣᠷᠸᠠ ᠳ᠋ᠤ᠌ ᠠᠯᠳᠠᠷᠰᠢᠨᠠ ᠪᠢᠯᠡ
ᠲᠠᠩᠰᠤᠭ ᠪᠠᠶᠠᠨ ᠡᠨᠡᠬᠡᠨ ᠨᠡᠢᠭᠡᠮ ᠵᠠᠭᠤᠨ ᠵᠠᠭᠤᠨ ᠢ᠋ᠶ᠋ᠠᠷ ᠦᠷᠭᠦᠯᠵᠢᠯᠡᠨᠡ ᠪᠢᠯᠡ
ᠳᠠᠷᠬᠠᠨ ᠬᠥᠳᠡᠯᠮᠦᠷᠢᠴᠢᠳ ᠦ᠋ᠨ ᠤᠯᠠ ᠮᠥᠷ ᠲᠤᠤᠯᠢᠰ ᠤ᠋ᠨ ᠲᠤᠤᠯᠢᠰ ᠲᠤ᠌ ᠳᠤᠷᠠᠢᠨᠠ ᠪᠢᠯᠡ ᠠ᠋!
ᠡᠭᠡᠯᠵᠢᠯᠡᠬᠦ ᠣᠨ ᠤ᠋ ᠲᠡᠷᠭᠡᠨ ᠬᠦᠷᠳᠦ ᠳ᠋ᠦ᠍ ᠲᠣᠰᠣ ᠪᠢᠰᠢ ᠤᠬᠠᠭᠠᠨ ᠨᠡᠮᠡᠷᠢᠯᠡᠶᠡ ᠪᠢᠳᠡᠨ
ᠡᠷᠭᠢᠬᠦ ᠮᠠᠷᠭᠠᠰᠢ ᠶ᠋ᠢᠨ ᠭᠠᠢᠬᠠᠮᠰᠢᠭᠲᠤ ᠦᠢᠯᠡᠰ ᠲᠦ᠍ ᠳᠠᠭᠤᠨ ᠪᠢᠰᠢ ᠬᠦᠴᠦᠨ ᠨᠡᠮᠡᠷᠢᠯᠡᠶᠡ ᠪᠢᠳᠡᠨ
ᠡᠭᠡᠯ ᠪᠣᠷᠣᠭᠵᠢᠭᠤᠨ ᠤ᠋ ᠨᠠᠨᠳᠢᠨ ᠰᠤᠷᠲᠠᠯ ᠳ᠋ᠤ᠌ ᠦᠭᠡ ᠪᠢᠰᠢ ᠢᠲᠡᠭᠡᠯ ᠨᠡᠮᠡᠷᠢᠯᠡᠶᠡ ᠪᠢᠳᠡᠨ
ᠡᠴᠢᠨᠡ ᠬᠣᠯᠠ ᠶ᠋ᠢᠨ ᠰᠢᠨᠡ ᠠᠶᠠᠨ ᠳ᠋ᠤ᠌ ᠤᠷᠢᠶᠠ ᠪᠢᠰᠢ ᠦᠢᠯᠡᠰ ᠨᠡᠮᠡᠷᠢᠯᠡᠶᠡ ᠪᠢᠳᠡᠨ!
ᠦᠰᠦᠭ ᠠᠮᠢᠯᠠᠭᠤᠯᠤᠭᠴᠢ᠄ ᠭᠦᠩᠭᠠᠷ
ᠦᠰᠦᠭ ᠬᠠᠳᠠᠭᠴᠢ᠄ ᠠᠯᠲᠠᠨᠴᠢᠮᠡᠭ
ᠬᠢᠨᠠᠭᠴᠢ᠄ ᠠᠯᠲᠠᠨᠴᠢᠮᠡᠭ᠂ ᠤᠤᠭᠠᠨᠵᠢᠳ