ᠵᠣᠷᠢᠭᠲᠤ ᠨᠣᠬᠠᠢ-ᠬᠡᠦᠬᠡᠯᠳᠡᠢ ᠶ᠋ᠢᠨ ᠺᠢᠨᠣ᠋Зоригт нохой-Хүүхэлдэйн Кино
991ᠵᠣᠷᠢᠭᠲᠤ ᠨᠣᠬᠠᠢ
ᠡᠷᠲᠡ ᠤᠷᠢᠳᠤ ᠶ᠋ᠢᠨ ᠨᠢᠭᠡᠨ ᠴᠠᠭ ᠲᠤ᠌᠂ ᠵᠤᠵᠠᠭᠠᠨ ᠨᠣᠣᠰᠣᠨ ᠨᠥᠮᠥᠷᠭᠡ ᠲᠡᠢ ᠵᠢᠷᠭᠤᠭᠠᠨ ᠵᠠᠭᠤ ᠭᠠᠷᠤᠢ ᠬᠣᠨᠢ ᠲᠠᠢ ᠴᠡᠪᠡᠷ ᠠᠭᠠᠷ ᠲᠤ᠌ ᠠᠮᠤᠷ ᠲᠠᠢᠪᠤᠩ ᠴᠡᠩᠭᠡᠯ ᠵᠢᠷᠭᠠᠯ ᠢ᠋ᠶ᠋ᠠᠷ ᠳᠦᠭᠦᠷᠡᠩ ᠰᠠᠢᠬᠠᠨ ᠠᠵᠤ ᠲᠥᠷᠥᠨ ᠠᠮᠢᠳᠤᠷᠠᠨ ᠰᠠᠭᠤᠳᠠᠭ ᠠᠷᠠᠳ ᠲᠦᠮᠡᠨ ᠪᠠᠢᠵᠠᠢ ᠭᠡᠨᠡ᠃
ᠬᠠᠪ ᠬᠠᠪ ᠭᠡᠵᠦ ᠬᠤᠴᠠᠬᠤ ᠳ᠋ᠤ᠌ ᠬᠠᠪᠢ ᠶ᠋ᠢᠨ ᠠᠮᠢᠲᠠᠳ ᠦᠷᠭᠦᠳᠡᠭ ᠬᠣᠪ ᠬᠣᠪ ᠭᠡᠵᠦ ᠬᠤᠴᠠᠬᠤ ᠳ᠋ᠤ᠌ ᠬᠠᠮᠤᠭ ᠣᠯᠠᠨ ᠢ᠋ᠶ᠋ᠠᠷ ᠢ᠋ᠶ᠋ᠠᠨ ᠰᠣᠴᠢᠳᠠᠭ ᠡᠯᠳᠡᠪ ᠮᠠᠭᠤ ᠶ᠋ᠢ ᠬᠥᠭᠡᠭᠡᠨ ᠵᠠᠢᠯᠠᠭᠤᠯᠳᠠᠭ ᠡᠷᠡ ᠡᠮᠡ ᠬᠣᠶᠠᠷ ᠪᠠᠩᠬᠤᠷ ᠨᠠᠢ᠍ᠮᠠᠨ ᠥᠬᠥᠭᠡᠷᠳᠡᠮᠡ ᠭᠥᠯᠥᠭᠡ ᠲᠡᠢ ᠪᠣᠯᠵᠠᠢ᠃ ᠨᠢᠭᠡ ᠨᠢ ᠪᠤᠰᠤᠳ ᠠ᠋ᠴᠠ ᠪᠠᠨ ᠵᠢᠵᠢᠭᠬᠡᠨ ᠲᠥᠷᠥᠵᠡᠢ ᠭᠡᠨᠡ᠃ ᠠᠪᠤ ᠡᠵᠢ ᠬᠣᠶᠠᠷ ᠨᠣᠬᠠᠢ ᠠᠷᠠᠳ ᠣᠯᠠᠨ ᠢ᠋ᠶ᠋ᠠᠨ ᠦᠷᠡᠰ ᠲᠦ᠍ ᠪᠡᠨ ᠳᠠᠭᠠᠳᠬᠠᠭᠠᠳ ᠠᠴᠢᠯᠠᠯᠲᠤ ᠡᠵᠡᠳ ᠲᠡᠢ ᠪᠡᠨ ᠬᠠᠮᠲᠤ ᠶᠠᠪᠤᠵᠠᠢ᠃ ᠠᠬᠠᠨ ᠳᠡᠭᠦᠦᠰ ᠭᠡᠷ ᠢ᠋ᠶ᠋ᠡᠨ ᠰᠠᠬᠢᠬᠤ ᠠᠮᠠᠯᠠᠯᠲᠠ ᠥᠭᠭᠦᠨ ᠲᠡᠨᠳᠡ ᠪᠡᠨ ᠦᠯᠡᠳᠡᠵᠡᠢ᠃
ᠬᠥᠭᠡᠷᠦᠬᠦᠨ ᠪᠢᠴᠢᠬᠠᠨ ᠭᠥᠯᠥᠭᠡ ᠨᠦ᠍ᠭᠦᠳ ᠬᠥᠭᠡᠭᠡᠴᠡᠯᠳᠦᠵᠦ ᠬᠣᠭᠣᠷᠣᠨᠳᠣ ᠪᠠᠨ ᠲᠣᠭᠯᠠᠨᠠ᠃ ᠬᠥᠭᠡᠷᠦᠬᠦᠢ ᠪᠢᠴᠢᠬᠠᠨ ᠳᠡᠭᠦᠦ ᠨᠢ ᠬᠠᠮᠤᠭ ᠤ᠋ᠨ ᠰᠡᠭᠦᠯ ᠳ᠋ᠦ᠍ ᠬᠣᠴᠣᠷᠤᠨᠠ᠃
ᠲᠣᠮᠣ ᠠᠬᠠ᠄ ᠬᠠᠲᠤᠨ ᠡᠵᠢ ᠬᠠᠭᠠᠨ ᠠᠪᠤ ᠶ᠋ᠢᠨ ᠢ᠋ᠶ᠋ᠡᠨ ᠬᠠᠮᠤᠭ ᠰᠠᠢᠨ ᠢ᠋ ᠨᠢ ᠰᠢᠩᠭᠡᠭᠡᠵᠦ ᠲᠥᠷᠥᠭᠰᠡᠨ ᠪᠢᠯᠡ ᠪᠢ ᠪᠢᠷᠠ ᠴᠢᠳᠠᠯ ᠪᠡᠶᠡ ᠪᠢᠯᠳᠠᠷ ᠢ᠋ᠶ᠋ᠠᠷ ᠢ᠋ᠶ᠋ᠠᠨ ᠪᠢ ᠲᠠ ᠨᠠᠷ ᠡᠴᠡ ᠮᠤᠨᠳᠠᠭ ᠪᠢᠯᠡ᠃
ᠵᠣᠷᠢᠭᠲᠤ ᠨᠣᠬᠠᠢ᠄ ᠠᠬᠠ ᠮᠢᠨᠢ ! ᠲᠠ ᠬᠡᠳᠦᠢ ᠪᠢᠳᠡᠨ ᠡᠴᠡ ᠲᠣᠮᠣ ᠴᠤ᠌ ᠭᠡᠯᠡ ᠠᠳᠠᠯᠢᠬᠠᠨ ᠡᠴᠢᠭᠡ ᠡᠬᠡ ᠶ᠋ᠢᠨ ᠦᠷᠡᠰ ᠪᠢᠯᠡ ᠪᠢᠳᠡ ᠠᠯᠠᠭᠯᠠᠵᠤ ᠪᠤᠰᠤᠳ ᠲᠤ᠌ ᠪᠠᠨ ᠣᠩᠭᠢᠷᠠᠵᠤ ᠠᠷᠢᠶᠠᠲᠠᠨ ᠰᠢᠭ᠋ ᠵᠠᠩ ᠭᠠᠷᠭᠠᠬᠤ ᠬᠡᠷᠡᠭ ᠶᠠᠭᠤ?
ᠬᠠᠢ᠁ ᠠᠶᠤᠮᠠᠬᠠᠢ ᠪᠢᠴᠢᠬᠠᠨ ᠳᠡᠭᠦᠦ ᠮᠢᠨᠢ ᠴᠢ ᠠᠬᠠ ᠶ᠋ᠢᠨ ᠢ᠋ᠶ᠋ᠡᠨ ᠥᠭᠡᠳᠡ ᠡᠴᠡ ᠶᠠᠭᠤᠨ ᠳ᠋ᠤ᠌ ᠬᠤᠴᠠᠨᠠᠮ? ᠲᠡᠢᠮᠦ ᠮᠤᠨᠳᠠᠭ ᠰᠦᠷᠡᠬᠡᠢ ᠶᠤᠮ ᠪᠣᠯ ᠴᠢ ᠲᠩᠷᠢ ᠳᠣᠷᠭᠢᠵᠤ ᠭᠠᠵᠠᠷ ᠴᠡᠴᠡᠷᠡᠲᠡᠯᠡ ᠲᠡᠢᠮᠦ ᠴᠢᠩᠭᠠ ᠪᠠᠷ ᠬᠤᠴᠠᠭᠠᠳ ᠠᠯᠢ! ᠲᠡᠭᠡᠪᠡᠯ ᠪᠢ ᠴᠢᠮᠠ ᠶ᠋ᠢ ᠠᠬᠠ ᠪᠠᠨ ᠭᠡᠵᠦ ᠬᠦᠨᠳᠦᠯᠡᠶᠡ! ᠭᠡᠮᠡᠨ ᠲᠣᠮᠣ ᠠᠬᠠ ᠨᠢ ᠰᠦᠷᠲᠡᠢ ᠬᠡᠯᠡᠬᠦ ᠳ᠋ᠦ᠍ ᠲᠣᠮᠣᠭᠠ ᠦᠭᠡᠢ ᠳᠡᠭᠦᠦ ᠨᠢ ᠠᠬᠠ ᠳ᠋ᠤ᠌ ᠪᠠᠨ ᠵᠥᠪᠰᠢᠶᠡᠷᠡᠭᠡᠳ ᠬᠠᠮᠠᠷ ᠠᠮᠠ ᠪᠠᠨ ᠢᠷᠪᠠᠢᠯᠭᠠᠵᠤ ᠬᠠᠪᠢᠷᠭᠠ ᠴᠡᠭᠡᠵᠢ ᠪᠡᠨ ᠲᠥᠪᠥᠢᠯᠭᠡᠵᠦ ᠬᠠᠮᠤᠭ ᠪᠠᠢᠳᠠᠭ ᠢ᠋ᠶ᠋ᠠᠷ ᠢ᠋ᠶ᠋ᠠᠨ ᠬᠤᠴᠠᠲᠠᠯᠠ ᠬᠠᠷᠢᠭᠤ ᠦᠭᠡᠢ ᠠᠪᠢᠶᠠ ᠭᠠᠷᠪᠠ᠃ ᠠᠬᠠ ᠡᠭᠡᠴᠢ ᠨᠢ ᠲᠡᠭᠦᠨ ᠢ᠋ ᠱᠣᠣᠯᠠᠵᠤ ᠠᠬᠢᠨ ᠳᠠᠬᠢᠨ ᠴᠢᠩᠭᠠ ᠪᠠᠷ ᠢᠨᠢᠶᠡᠯᠳᠦᠪᠡ᠃
ᠪᠢᠴᠢᠬᠠᠨ ᠭᠥᠯᠥᠭᠡ ᠲᠡᠳᠡᠨ ᠳ᠋ᠦ᠍ ᠳᠤᠷᠠ ᠦᠭᠡᠢᠯᠡᠬᠢᠵᠦ ᠪᠤᠷᠤᠭᠤ ᠭᠡᠳᠡᠭ ᠢ᠋ ᠪᠠᠲᠤᠯᠠᠬᠤ ᠶ᠋ᠢ ᠬᠦᠰᠡᠵᠡᠢ᠃ ᠪᠡᠶᠡ ᠮᠢᠨᠢ ᠵᠢᠵᠢᠭ ᠴᠦ᠍ ᠪᠡᠯᠴᠢᠭᠡᠷ ᠮᠢᠨᠢ ᠲᠣᠮᠣ ᠰᠢᠦ! ᠨᠢᠭᠡ ᠯᠡ ᠡᠳᠦᠷ ᠪᠢ ᠲᠠ ᠨᠠᠷ ᠲᠤ᠌ ᠬᠦᠴᠦᠲᠡᠢ ᠭᠡᠳᠡᠭ ᠢ᠋ᠶ᠋ᠡᠨ ᠬᠠᠷᠠᠭᠤᠯᠤᠨᠠ ᠳᠠ ! ᠲᠡᠭᠡᠲᠡᠯᠡ ᠲᠡᠷᠲᠡᠭᠡ ᠬᠣᠯᠠ ᠡᠴᠡ ᠬᠠᠷᠠ ᠤᠲᠤᠭᠠ ᠲᠡᠳᠡᠨ ᠢ᠋ ᠴᠢᠭᠯᠡᠨ ᠨᠠᠭᠠᠰᠢᠯᠠᠨ ᠢᠷᠡᠪᠡ᠃ ᠬᠣᠷᠣᠨ ᠰᠠᠨᠠᠭᠠᠲᠠᠨ ᠤ᠋ ᠬᠣᠣᠷᠯᠠᠨ ᠲᠣᠨᠢᠯᠬᠤ ᠬᠣᠣᠷᠲᠤ ᠤᠲᠤᠭᠠᠨ ᠳᠤᠮᠳᠠ ᠡᠴᠡ ᠰᠦᠷᠳᠡᠵᠦ ᠬᠤᠨᠳᠠᠨ ᠴᠠᠭᠠᠨ ᠬᠣᠨᠢ ᠨᠤᠭᠤᠳ ᠢ᠋ ᠨᠢ ᠬᠠᠤ ᠬᠠᠮᠤᠭᠠᠳ ᠠᠯᠠᠭᠠ ᠪᠣᠯᠪᠠ᠃
ᠵᠣᠷᠢᠭᠲᠤ ᠨᠣᠬᠠᠢ᠄ ᠪᠠᠭᠠᠲᠤᠷ ᠵᠣᠷᠢᠭ ᠲᠠᠢ ᠭᠡᠳᠡᠭ ᠢ᠋ᠶ᠋ᠡᠨ ᠪᠠᠲᠤᠯᠠᠨ ᠬᠠᠷᠠᠭᠤᠯᠬᠤ ᠴᠠᠭ ᠮᠢᠨᠢ ᠪᠣᠯᠤᠯᠠ ᠭᠡᠳ ᠬᠠᠷᠠ ᠤᠲᠤᠭᠠ ᠬᠣᠯᠠᠳᠠᠨ ᠣᠳᠬᠤ ᠳ᠋ᠤ᠌ ᠬᠠᠮᠤᠭ ᠤ᠋ᠨ ᠪᠠᠭᠠ ᠨᠢ ᠠᠷᠤ ᠡᠴᠡ ᠨᠢ ᠬᠥᠭᠡᠭᠡᠯᠡ᠃
ᠬᠥᠭᠡᠷᠦᠬᠦᠢ ᠭᠥᠯᠥᠭᠡ ᠬᠥᠳᠡᠭᠰᠡᠨ ᠬᠠᠯᠲᠠᠷ ᠣᠢ ᠪᠠᠷ ᠬᠥᠭᠡᠭᠡᠵᠦ ᠬᠤᠴᠠᠵᠤ ᠨᠡᠯᠢᠶᠡᠳ ᠡᠷᠢᠪᠡ᠃ ᠪᠠᠷᠠᠭᠠᠨ ᠬᠠᠷᠠ ᠤᠲᠤᠭᠠ ᠳ᠋ᠤᠨᠢ ᠪᠠᠷᠠ ᠰᠤᠷᠠᠭ ᠦᠭᠡᠢ ᠠᠯᠠᠭᠠ ᠪᠣᠯᠤᠭᠰᠠᠨ ᠪᠠᠢᠯᠠ᠃ ᠬᠤᠨᠳᠠᠨ ᠴᠠᠭᠠᠨ ᠬᠣᠨᠢ ᠨᠤᠭᠤᠳ ᠢ᠋ᠶ᠋ᠠᠨ ᠬᠤᠯᠠᠭᠠᠢᠴᠢ ᠡᠴᠡ ᠵᠠᠪᠠᠯ ᠪᠤᠴᠠᠭᠠᠵᠤ ᠠᠪᠤᠨᠠ ᠳᠠ ᠪᠢ ᠭᠡᠳ ᠬᠠᠮᠠᠷ ᠠᠮᠠ ᠪᠠᠨ ᠰᠠᠷᠲᠠᠢᠯᠭᠠᠨ ᠬᠣᠵᠤᠤᠯᠠ ᠮᠥᠴᠢᠷ ᠦ᠋ᠨ ᠳᠡᠭᠡᠭᠦᠷ ᠳᠣᠣᠭᠤᠷ ᠦᠨᠦᠷᠲᠦᠵᠦ ᠬᠠᠢᠵᠤ ᠶᠠᠪᠤᠭᠰᠠᠭᠠᠷ ᠪᠦᠷ ᠭᠡᠷ ᠢ᠋ ᠨᠢ ᠣᠯᠵᠤ ᠬᠠᠷᠠᠪᠠ᠃ ᠬᠥᠮᠦᠨ ᠠᠮᠢᠲᠠᠨ ᠠᠮᠢᠳᠤᠷᠠᠬᠤ ᠳ᠋ᠤ᠌ ᠪᠡᠷᠬᠡ ᠬᠦᠢᠲᠡᠨ ᠬᠥᠨᠳᠡᠢ ᠭᠠᠵᠠᠷ ᠠᠳᠠᠭ ᠤ᠋ᠨ ᠬᠤᠯᠠᠭᠠᠢᠴᠢ ᠬᠣᠣᠷᠲᠤ ᠠᠮᠢᠲᠠᠨ ᠤ᠋ ᠠᠬᠤᠢ ᠭᠡᠷ ᠨᠢ ᠮᠥᠨ ᠠᠵᠠᠢ᠃ ᠲᠠᠢᠰᠢ ᠪᠠᠨ ᠶᠠᠪᠤᠭᠠᠳ ᠣᠷᠣᠲᠠᠯᠠ ᠲᠦᠮᠡᠨ ᠶᠠᠩᠵᠤ ᠶ᠋ᠢᠨ ᠠᠷᠠᠭᠠ ᠡᠷᠭᠢᠯᠳᠦᠵᠦ ᠪᠠᠢᠯᠠ᠃ ᠬᠦ ᠲᠣᠷᠲᠣᠭᠲᠤ ᠬᠠᠷᠠ ᠬᠤᠯᠠᠭᠠᠢᠴᠢ ᠬᠤᠨᠳᠠᠨ ᠴᠠᠭᠠᠨ ᠬᠣᠨᠢ ᠨᠤᠭᠤᠳ ᠡᠴᠡ ᠨᠢᠭᠡ ᠶ᠋ᠢ ᠠᠪᠴᠤ ᠠᠷᠵᠠᠢᠵᠤ ᠰᠠᠷᠵᠠᠢᠭᠰᠠᠨ ᠲᠡᠮᠦᠷ ᠠᠮᠪᠠᠷᠠ ᠤᠷᠤᠭᠤ ᠠᠯᠪᠠᠲᠠᠨ ᠲᠠᠭᠤᠵᠤ ᠬᠥᠭᠡᠭᠡᠨ ᠣᠷᠣᠭᠤᠯᠪᠠ᠃ ᠦᠢᠯᠡ ᠶᠠᠪᠤᠳᠠᠯ ᠢ᠋ ᠭᠥᠯᠥᠭᠡ ᠬᠠᠷᠠᠭᠠᠳ ᠥᠮᠥᠭᠯᠡᠨ ᠬᠠᠮᠠᠭᠠᠯᠠᠬᠤ ᠪᠠᠷ ᠦᠰᠦᠷᠦᠨ ᠣᠴᠢᠯᠠ᠃
ᠵᠣᠷᠢᠭᠲᠤ ᠨᠣᠬᠠᠢ᠄ ᠭᠬᠢᠷ ᠲᠣᠷᠲᠣᠭ ᠲᠤ᠌ ᠪᠠᠨ ᠳᠠᠷᠤᠭᠳᠠᠭᠰᠠᠨ ᠬᠡᠢ ᠲᠡᠢ ᠬᠠᠷᠠ ᠬᠤᠯᠠᠭᠠᠢᠴᠢ ᠴᠢᠮᠠ ᠡᠴᠡ ᠬᠤᠨᠳᠠᠨ ᠴᠠᠭᠠᠨ ᠬᠣᠨᠢ ᠨᠤᠭᠤᠳ ᠢ᠋ᠶ᠋ᠠᠨ ᠪᠤᠴᠠᠭᠠᠵᠤ ᠠᠪᠬᠤ ᠪᠠᠷ ᠢᠷᠡᠯᠡ᠃ ᠬᠤᠷᠳᠤᠨ ᠲᠦᠷᠭᠡᠨ ᠲᠡᠳᠡᠨ ᠢ᠋ ᠰᠤᠯᠠᠯᠠ ᠭᠡᠵᠦ ᠠᠷᠬᠢᠷᠠᠨ ᠲᠦᠷᠬᠢᠷᠡᠨ ᠬᠤᠴᠠᠬᠤ ᠳ᠋ᠤ᠌ ᠬᠤᠯᠠᠭᠠᠢᠴᠢ᠄ ᠬᠠ ᠬᠠ᠁᠁ ᠶᠠᠭᠠᠬᠢᠯᠠ ᠶᠠᠭᠠᠬᠢᠯᠠ ᠭᠡᠨᠡ? ᠶᠠᠭᠠᠬᠢᠭᠰᠠᠨ ᠡᠭᠳᠡᠭᠦᠦ ᠲᠡᠢ ᠭᠥᠯᠥᠭᠡ ᠪᠣᠢ? ᠪᠣᠯᠵᠣᠮᠣᠷ ᠰᠢᠪᠠᠭᠤ ᠴᠤ᠌ ᠦᠷᠭᠦᠬᠦ ᠪᠡᠷ ᠦᠭᠡᠢ ᠪᠣᠭᠣᠨᠢ ᠠᠶᠠᠳᠠᠭᠤ ᠳᠠᠭᠤ ᠪᠠᠷ ᠢ᠋ᠶ᠋ᠠᠨ ᠠᠶᠤᠯᠭᠠᠵᠤ ᠨᠠᠮᠠ ᠶ᠋ᠢ ᠳᠥᠩᠭᠡᠨᠡ ᠭᠡᠵᠦ ᠠᠷᠠᠢ ᠴᠤ᠌ ᠴᠢ ᠪᠣᠳᠣᠭᠠ ᠦᠭᠡᠢ ᠪᠢᠵᠡ ᠳᠡ? ᠭᠡᠮᠡᠨ ᠱᠣᠣᠯᠠᠨ ᠢᠨᠢᠶᠡᠯᠡ᠃
ᠭᠥᠯᠥᠭᠡ ᠬᠡᠳᠦᠢ ᠳᠠᠪᠵᠠ ᠴᠤ᠌ ᠪᠠᠶᠠᠨ ᠳ᠋ᠤ᠌ ᠪᠠᠨ ᠪᠠᠢᠮᠠᠷ ᠦᠭᠡᠢ ᠵᠣᠷᠢᠭᠲᠠᠢ ᠪᠠᠢᠯᠠ᠃ ᠡᠷᠡ ᠵᠣᠷᠢᠭ ᠶᠠᠭᠤᠨ ᠡᠴᠡ ᠬᠦᠴᠦᠲᠡᠢ ᠶ᠋ᠢ ᠡᠯᠡᠭᠯᠡᠨ ᠱᠣᠣᠯᠠᠪᠠᠴᠤ ᠮᠡᠳᠡᠳᠡᠭ ᠦᠭᠡᠢ ᠠᠵᠠᠢ᠃ ᠠᠪᠤ ᠡᠵᠢ ᠶ᠋ᠢᠨ ᠵᠠᠬᠢᠶᠠᠰᠤ ᠶ᠋ᠢ ᠰᠠᠨᠠᠵᠤ ᠠᠬᠠ ᠡᠭᠡᠴᠢ ᠶ᠋ᠢᠨ ᠢ᠋ᠶ᠋ᠡᠨ ᠦᠭᠡ ᠶ᠋ᠢ ᠪᠣᠳᠣᠵᠤ ᠬᠠᠮᠠᠷ ᠠᠮᠠ ᠪᠠᠨ ᠢᠷᠪᠠᠢᠯᠭᠠᠵᠤ ᠪᠠᠢᠭᠠᠳ ᠬᠠᠪᠢᠷᠭᠠ ᠴᠡᠭᠡᠵᠢ ᠪᠡᠨ ᠲᠥᠪᠥᠢᠯᠭᠡᠭᠡᠳ ᠤᠷᠲᠤ ᠠᠮᠢᠰᠤᠭᠠ ᠠᠪᠤᠨ ᠠᠭᠤᠷᠲᠠᠢ ᠬᠡᠳᠦ ᠬᠤᠴᠠᠵᠤ ᠣᠷᠬᠢᠯᠠ᠃ ᠬᠥᠨᠳᠡᠢ ᠴᠤᠤᠷᠢᠶᠠ ᠡᠭᠦᠪᠡᠷ ᠲᠠᠲᠠᠵᠤ ᠬᠦᠴᠦᠲᠡᠢ ᠳᠠᠭᠤ ᠡᠨᠳᠡ ᠲᠡᠨᠳᠡ ᠰᠠᠷᠬᠢᠵᠤ ᠬᠠᠮᠤᠭ ᠶᠠᠭᠤᠮᠠᠰ ᠲᠠᠵᠢᠭᠢᠨᠠᠨ ᠴᠡᠴᠡᠷᠡᠵᠦ ᠬᠠᠷᠠ ᠬᠥᠮᠦᠨ ᠠᠶᠤᠵᠤ ᠰᠦᠷᠳᠡᠪᠡ᠃ ᠳᠠᠬᠢᠨ ᠨᠢᠭᠡ ᠴᠢᠩᠭᠠ ᠪᠠᠷ ᠬᠤᠴᠠᠬᠤ ᠳ᠋ᠤ᠌ ᠲᠡᠢᠨ ᠳᠠᠵᠢᠨ ᠳᠡᠭᠳᠡᠭᠰᠡᠨ ᠠᠶᠠᠲᠠᠢ ᠲᠡᠮᠦᠷ ᠳᠥᠷᠪᠡᠯᠵᠢᠨ ᠴᠠᠮᠬᠠᠭ ᠨᠢ ᠲᠦᠵᠢᠭᠢᠨᠡᠨ ᠨᠤᠷᠠᠵᠤ ᠰᠦᠢᠳ ᠪᠣᠯᠤᠯᠠ᠃
ᠬᠤᠯᠠᠭᠠᠢᠴᠢ᠄ ᠪᠢᠴᠢᠬᠠᠨ ᠭᠡᠵᠦ ᠪᠢ ᠴᠢᠮᠠ ᠶ᠋ᠢ ᠪᠤᠷᠤᠭᠤ ᠬᠡᠯᠡᠵᠡᠢ᠃ ᠲᠡᠮᠦᠷ ᠪᠠᠢᠰᠢᠩ ᠢ᠋ ᠮᠢᠨᠢ ᠨᠤᠷᠠᠭᠠᠴᠢᠬᠠᠬᠤ ᠯᠠ ᠦᠭᠡᠢ ᠲᠣᠭᠲᠠᠭᠠᠵᠤ ᠬᠠᠢᠷᠠᠯᠠᠭᠠᠴᠢ ᠳᠠ! ᠣᠯᠠᠨ ᠵᠢᠯ ᠵᠢᠳᠬᠦᠵᠦ ᠪᠠᠢᠵᠤ ᠪᠠᠷᠢᠭᠰᠠᠨ ᠶᠤᠮ᠃ ᠣᠢᠯᠠᠭᠠᠵᠤ ᠨᠠᠮᠠ ᠶ᠋ᠢ ᠦᠷᠦ ᠡᠪᠡᠳᠦᠭᠡᠴᠢ ᠴᠢ!
ᠵᠣᠷᠢᠭᠲᠤ ᠭᠥᠯᠥᠭᠡ᠄ ᠤᠤᠬᠠᠢᠰ᠂ ᠴᠢ ᠣᠳᠣ ᠯᠠ ᠨᠢᠭᠡ ᠤᠬᠠᠭᠠ ᠣᠷᠣᠵᠤ ᠪᠠᠢᠨᠠ ᠤᠤ? ᠬᠥᠮᠦᠨ ᠦ᠌ ᠬᠥᠳᠡᠯᠮᠦᠷᠢ ᠶ᠋ᠢ ᠬᠤᠯᠠᠭᠠᠢᠯᠠᠴᠢᠬᠠᠭᠠᠳ ᠥᠪᠡᠷ ᠦ᠋ᠨ ᠢ᠋ᠶ᠋ᠡᠨ ᠦᠭᠡᠢ ᠬᠠᠷᠢᠨ ᠬᠠᠷᠠᠮᠨᠠᠵᠤ ᠪᠠᠢᠬᠤ ᠰᠢᠪ!
ᠬᠤᠯᠠᠭᠠᠢᠴᠢ᠄ ᠦᠭᠡᠢ ᠳᠡ᠂ ᠦᠭᠡᠢ ᠦᠭᠡᠢ᠂ ᠦᠨᠡᠨ ᠳ᠋ᠦ᠍ ᠪᠡᠨ ᠡᠨᠡ ᠬᠤᠯᠠᠭᠠᠢ ᠪᠢᠰᠢ ᠦᠰᠦ ᠶ᠋ᠢ ᠨᠢ ᠠᠪᠴᠢᠬᠠᠭᠠᠳ ᠯᠠ ᠥᠭᠬᠦ ᠭᠡᠵᠦ ᠪᠠᠢᠭᠰᠠᠨ ᠶᠤᠮ ᠪᠠᠢᠬᠤ ᠦᠭᠡᠢ ᠤᠤ! ᠬᠦᠢᠲᠡᠨ ᠲᠡᠮᠦᠷ ᠦ᠋ᠨ ᠭᠣᠣᠯ ᠳ᠋ᠤ᠌ ᠠᠮᠢᠳᠤᠷᠠᠭᠠᠳ ᠬᠥᠯᠳᠡᠵᠦ ᠦᠬᠦᠬᠦ ᠨᠢ ᠪᠠᠢᠨᠠ ᠰᠢᠦ ᠳᠡ ᠪᠢ ᠴᠢᠨᠢ!
ᠵᠣᠷᠢᠭᠲᠤ ᠭᠥᠯᠥᠭᠡ᠄ ᠲᠡᠭᠡᠪᠡᠯ ᠴᠢ ᠨᠠᠳᠠ ᠲᠠᠢ ᠴᠣᠭ ᠶᠠᠪᠤ ᠲᠠᠷᠢᠭᠰᠠᠨ ᠪᠠᠯᠠᠭ ᠢ᠋ᠶ᠋ᠠᠨ ᠪᠤᠰᠢᠭᠤ ᠶᠠᠩᠵᠤᠯᠠ᠃ ᠠᠵᠢᠯ ᠲᠥᠷᠥᠯ ᠬᠢᠵᠦ ᠪᠠᠢᠭᠠᠳ ᠠᠵᠤ ᠲᠥᠷᠥᠨ ᠲᠡᠨᠳᠡ ᠪᠡᠨ ᠰᠠᠭᠤᠷᠢᠰᠢ᠃
ᠬᠤᠯᠠᠭᠠᠢᠴᠢ᠄ ᠵᠠ᠂ ᠪᠢ ᠴᠢᠨᠦ ᠦᠭᠡ ᠶ᠋ᠢ ᠣᠢᠯᠠᠭᠠᠯᠠ᠃ ᠵᠠᠰᠠᠷᠠᠵᠤ ᠪᠢ ᠰᠠᠢᠨ ᠬᠥᠮᠦᠨ ᠪᠣᠯᠤᠨᠠ ᠭᠡᠳ ᠵᠣᠯᠢᠭ ᠤ᠋ᠨ ᠮᠠᠭᠤ ᠬᠥᠮᠦᠨ ᠵᠣᠷᠢᠭᠲᠤ ᠪᠢᠴᠢᠬᠠᠨ ᠨᠣᠬᠠᠢ ᠲᠠᠢ ᠬᠠᠮᠲᠤ ᠵᠤᠨ ᠣᠯᠠᠨ ᠤᠷᠤᠭᠤ ᠶᠠᠪᠤᠵᠠᠢ ᠭᠡᠨᠡ᠃
ᠥᠴᠦᠬᠡᠨ ᠵᠢᠵᠢᠭᠬᠡᠨ ᠪᠡᠶᠡ ᠲᠡᠢ ᠥᠪᠡᠷ ᠲᠦ᠍ ᠪᠡᠨ ᠪᠠᠢᠮᠠᠷ ᠦᠭᠡᠢ ᠲᠡᠩᠬᠡᠭᠡ ᠲᠡᠢ ᠵᠣᠪᠠᠭᠰᠠᠨ ᠣᠯᠠᠨ ᠳ᠋ᠤ᠌ ᠲᠤᠰᠠᠲᠠᠢ ᠵᠣᠷᠢᠭᠲᠤ ᠨᠣᠬᠠᠢ ᠶ᠋ᠢᠨ ᠦᠯᠢᠭᠡᠷ ᠡᠨᠡ ᠪᠥᠯᠥᠭᠡ᠃
ᠦᠰᠦᠭ ᠠᠮᠢᠯᠠᠭᠤᠯᠤᠭᠰᠠᠨ ᠨᠢ᠄ ᠪᠦᠷᠢᠨᠴᠡᠴᠡᠭ
ᠬᠢᠨᠠᠭᠴᠢ᠄ ᠱᠤᠳᠤᠷᠭᠤ᠂ ᠪᠥᠬᠡᠴᠢᠯᠠᠭᠤ᠂ ᠮᠥᠴᠢᠷ᠂ ᠰᠣᠶᠣᠯ