ᠬᠠᠮᠤᠭ ᠢ᠋ ᠠᠪᠤᠷᠠᠭᠴᠢ ᠬᠠᠭᠠᠨ ᠰᠦᠮᠡ -ᠳᠥᠷᠪᠡᠳ ᠡᠷᠳᠡᠨᠢᠪᠠᠶᠠᠷ Хамгийг аврагч хаан сүм-Дөрвөд Эрдэнэбаяр
959ᠬᠠᠮᠤᠭ ᠢ᠋ ᠠᠪᠤᠷᠠᠭᠴᠢ ᠬᠠᠭᠠᠨ ᠰᠦᠮᠡ
ᠳᠥᠷᠪᠡᠳ ᠡᠷᠳᠡᠨᠢᠪᠠᠶᠠᠷ
ᠬᠠᠨ ᠠᠭᠤᠯᠠ ᠶ᠋ᠢᠨ ᠬᠣᠷᠮᠣᠢ ᠡᠨᠳᠡ ᠠᠮᠤᠷᠯᠠᠬᠤᠢ ᠴᠠᠭᠠᠨ ᠳᠡᠪᠰᠡᠭᠲᠦ
ᠬᠣᠶᠠᠷ ᠯᠤᠤ ᠶ᠋ᠢᠨ ᠷᠠᠰᠢᠶᠠᠨ ᠡᠨᠳᠡ ᠰᠦᠯᠡᠯᠳᠦᠬᠦᠢ ᠬᠠᠬᠢᠷ ᠳ᠋ᠠᠯᠠᠷ
ᠬᠣᠷᠸᠠ ᠳ᠋ᠤ᠌ ᠬᠣᠣᠰ ᠦᠭᠡᠢ ᠪᠠᠢᠭᠠᠯᠢ ᠶ᠋ᠢᠨ ᠬᠣᠪᠣᠷ ᠨᠢᠭᠡᠨ ᠲᠣᠭᠲᠠᠴᠠ
ᠬᠠᠮᠤᠭ ᠢ᠋ ᠠᠪᠤᠷᠠᠭᠴᠢ ᠬᠠᠭᠠᠨ ᠰᠦᠮᠡ ᠪᠤᠷᠬᠠᠨ ᠤ᠋ ᠠᠷᠢᠭᠤᠨ ᠣᠷᠣᠨ
ᠪᠤᠷᠬᠠᠨ ᠤ᠋ ᠠᠢᠯᠠᠳᠤᠭᠰᠠᠨ ᠵᠠᠷᠯᠢᠭ ᠢ᠋ ᠬᠡᠰᠢᠭ ᠢ᠋ᠶ᠋ᠡᠷ ᠰᠢᠲᠦᠭᠴᠢ ᠰᠦᠮᠡ
ᠪᠤᠷᠬᠠᠨ ᠤ᠋ ᠨᠣᠮᠯᠠᠭᠰᠠᠨ ᠵᠠᠷᠯᠢᠭ ᠢ᠋ ᠬᠡᠰᠢᠭ ᠢ᠋ᠶ᠋ᠡᠷ ᠰᠢᠲᠦᠭᠴᠢ ᠰᠦᠮᠡ
ᠪᠤᠷᠬᠠᠨ ᠤ᠋ ᠰᠤᠷᠭᠠᠭᠰᠠᠨ ᠵᠠᠷᠯᠢᠭ ᠢ᠋ ᠬᠡᠰᠢᠭ ᠢ᠋ᠶ᠋ᠡᠷ ᠰᠢᠲᠦᠭᠴᠢ ᠰᠦᠮᠡ
ᠪᠤᠷᠬᠠᠨ ᠤ᠋ ᠪᠠᠭᠤᠯᠭᠠᠭᠰᠠᠨ ᠵᠠᠷᠯᠢᠭ ᠢ᠋ ᠬᠡᠰᠢᠭ ᠢ᠋ᠶ᠋ᠡᠷ ᠰᠢᠲᠦᠭᠴᠢ ᠰᠦᠮᠡ
ᠠᠯᠲᠠᠨ ᠭᠠᠨᠵᠤᠤᠷ ᠣᠷᠴᠢᠭᠤᠯᠤᠭᠰᠠᠨ ᠬᠤᠲᠤᠭᠲᠤ ᠭᠡᠭᠡᠨ ᠨᠢ ᠠᠯᠳᠠᠷᠲᠠᠢ
ᠠᠯᠲᠠᠨ ᠠᠮᠢ ᠶ᠋ᠢ ᠲᠡᠳᠬᠦᠭᠰᠡᠨ ᠮᠠᠷᠠᠮᠪᠠ ᠶᠥᠭᠡᠵᠡᠷᠢ ᠨᠢ ᠠᠯᠳᠠᠷᠲᠠᠢ
ᠠᠯᠲᠠᠨ ᠰᠤᠷᠭᠠᠯ ᠢ᠋ᠶ᠋ᠠᠨ ᠠᠢᠯᠠᠳᠤᠭᠰᠠᠨ ᠭᠤᠷᠪᠠᠨ ᠭᠡᠭᠡᠨ ᠨᠢ ᠠᠯᠳᠠᠷᠲᠠᠢ
ᠠᠯᠲᠠᠨ ᠪᠤᠷᠬᠠᠨ ᠨᠢ ᠭᠡᠷᠡᠯᠲᠦᠭᠰᠡᠨ ᠠᠪᠤᠷᠠᠯ ᠨᠣᠮ ᠨᠢ ᠠᠯᠳᠠᠷᠲᠠᠢ
ᠬᠣᠷᠢᠨ ᠳᠥᠷᠪᠡᠨ ᠰᠦᠮᠡ ᠨᠢ ᠴᠤᠭᠯᠠᠵᠤ ᠬᠤᠷᠠᠳᠠᠭ ᠬᠠᠭᠠᠨ ᠰᠦᠮᠡ
ᠬᠣᠷᠢᠨ ᠳᠥᠷᠪᠡᠨ ᠰᠦᠮᠡ ᠨᠢ ᠨᠡᠢᠯᠡᠵᠦ ᠬᠤᠷᠠᠳᠠᠭ ᠬᠠᠭᠠᠨ ᠰᠦᠮᠡ
ᠠᠷᠤ ᠬᠣᠷᠴᠢᠨ ᠰᠦᠮᠡ ᠬᠡᠢᠳ ᠵᠤᠨ ᠳ᠋ᠤ᠌ ᠪᠠᠨ ᠨᠢᠭᠡ ᠡᠨᠳᠡ ᠬᠤᠷᠠᠳᠠᠭ
ᠠᠷᠤ ᠬᠣᠷᠴᠢᠨ ᠰᠦᠮᠡ ᠬᠡᠢᠳ ᠵᠢᠯ ᠳ᠋ᠦ᠍ ᠪᠡᠨ ᠨᠢᠭᠡ ᠡᠨᠳᠡ ᠬᠤᠷᠠᠳᠠᠭ
ᠭᠤᠷᠪᠠᠨ ᠡᠷᠳᠡᠨᠢ ᠪᠡᠨ ᠬᠠᠮᠠᠭᠠᠯᠠᠭᠰᠠᠨ ᠭᠣᠮᠪᠣ ᠴᠣᠢᠵᠣᠩ ᠢᠯᠠᠭᠤᠭᠰᠠᠨ
ᠭᠤᠷᠪᠠᠨ ᠡᠷᠳᠡᠨᠢ ᠪᠡᠨ ᠲᠡᠳᠬᠦᠭᠰᠡᠨ ᠶᠠᠮᠠᠨᠳᠠᠭ ᠴᠣᠢᠵᠣᠩ ᠢᠯᠠᠭᠤᠭᠰᠠᠨ
ᠭᠤᠷᠪᠠᠨ ᠡᠷᠳᠡᠨᠢ ᠪᠡᠨ ᠰᠠᠬᠢᠭᠰᠠᠨ ᠵᠠᠮᠰᠡᠷᠡᠩ ᠴᠣᠢᠵᠣᠩ ᠢᠯᠠᠭᠤᠭᠰᠠᠨ
ᠭᠤᠷᠪᠠᠨ ᠡᠷᠳᠡᠨᠢ ᠪᠡᠨ ᠡᠷᠭᠦᠭᠰᠡᠨ ᠰᠡᠷᠡᠪ ᠴᠣᠢᠵᠣᠩ ᠢᠯᠠᠭᠤᠭᠰᠠᠨ
ᠥᠪᠡᠷ ᠦ᠋ᠨ ᠪᠡᠶᠡ ᠶ᠋ᠢ ᠨᠠᠮᠠᠨᠴᠢᠯᠠᠪᠠᠯ ᠪᠤᠷᠬᠠᠨ ᠤ᠋ ᠠᠪᠤᠷᠠᠯ ᠲᠡᠷᠡ ᠮᠥᠨ
ᠥᠪᠡᠷ ᠦ᠋ᠨ ᠬᠡᠯᠡ ᠶ᠋ᠢ ᠨᠠᠮᠠᠨᠴᠢᠯᠠᠪᠠᠯ ᠪᠤᠷᠬᠠᠨ ᠤ᠋ ᠠᠪᠤᠷᠠᠯ ᠲᠡᠷᠡ ᠮᠥᠨ
ᠥᠪᠡᠷ ᠦ᠋ᠨ ᠰᠡᠳᠬᠢᠯ ᠢ᠋ ᠨᠠᠮᠠᠨᠴᠢᠯᠠᠪᠠᠯ ᠪᠤᠷᠬᠠᠨ ᠤ᠋ ᠠᠪᠤᠷᠠᠯ ᠲᠡᠷᠡ ᠮᠥᠨ
ᠥᠪᠡᠷ ᠦ᠋ᠨ ᠦᠢᠯᠡ ᠶ᠋ᠢ ᠨᠠᠮᠠᠨᠴᠢᠯᠠᠪᠠᠯ ᠪᠤᠷᠬᠠᠨ ᠤ᠋ ᠠᠪᠤᠷᠠᠯ ᠲᠡᠷᠡ ᠮᠥᠨ
ᠨᠣᠮ ᠤ᠋ᠨ ᠳᠠᠭᠤᠨ ᠢ᠋ ᠲᠠᠨᠠᠷ ᠵᠠᠯᠪᠠᠷᠢᠵᠤ ᠬᠢᠴᠢᠶᠡᠵᠦ ᠰᠣᠨᠣᠰᠤᠭᠲᠤᠨ
ᠨᠣᠮ ᠤ᠋ᠨ ᠤᠳᠬᠠ ᠶ᠋ᠢ ᠲᠠᠨᠠᠷ ᠵᠠᠯᠪᠠᠷᠢᠵᠤ ᠰᠢᠨᠵᠢᠯᠡᠵᠦ ᠰᠣᠨᠣᠰᠤᠭᠲᠤᠨ
ᠨᠣᠮ ᠤ᠋ᠨ ᠦᠢᠯᠡ ᠶ᠋ᠢ ᠲᠠᠨᠠᠷ ᠵᠠᠯᠪᠠᠷᠢᠵᠤ ᠬᠢᠴᠢᠶᠡᠵᠦ ᠬᠢᠭᠲᠦᠨ
ᠨᠣᠮ ᠤ᠋ᠨ ᠴᠢᠨᠠᠷ ᠢ᠋ ᠲᠠᠨᠠᠷ ᠵᠠᠯᠪᠠᠷᠢᠵᠤ ᠰᠢᠩᠭᠡᠭᠡᠵᠦ ᠠᠪᠤᠭᠲᠤᠨ
ᠵᠣᠪᠠᠯᠠᠩ ᠲᠠᠨ ᠳ᠋ᠤ᠌ ᠢᠷᠡᠪᠡᠯ ᠥᠪᠡᠷ ᠦ᠋ᠨ ᠪᠡᠶᠡ ᠶ᠋ᠢ ᠰᠢᠨᠵᠢᠭᠡᠷᠡᠢ
ᠵᠣᠪᠠᠯᠠᠩ ᠲᠠᠨ ᠳ᠋ᠤ᠌ ᠲᠠᠭᠠᠷᠠᠪᠠᠯ ᠤᠴᠢᠷ ᠰᠢᠯᠲᠠᠭᠠᠨ ᠢ᠋ ᠡᠷᠢᠭᠡᠷᠡᠢ
ᠵᠣᠪᠠᠯᠠᠩ ᠲᠠᠨ ᠳ᠋ᠤ᠌ ᠤᠴᠠᠷᠠᠪᠠᠯ ᠥᠪᠡᠷ ᠦ᠋ᠨ ᠰᠡᠳᠬᠢᠯ ᠢ᠋ ᠰᠢᠨᠵᠢᠭᠡᠷᠡᠢ
ᠵᠣᠪᠠᠯᠠᠩ ᠲᠠᠨ ᠳ᠋ᠤ᠌ ᠪᠠᠢᠪᠠᠯ ᠪᠤᠷᠬᠠᠨ ᠤ᠋ ᠰᠤᠷᠭᠠᠯ ᠢ᠋ ᠰᠣᠨᠣᠰᠤᠭᠠᠷᠠᠢ
ᠡᠷᠲᠡ ᠳᠡᠭᠡᠳᠦ ᠲᠡᠦᠬᠡᠨ ᠡᠴᠡ ᠪᠤᠷᠬᠠᠨ ᠵᠠᠯᠠᠷᠠᠭᠰᠠᠨ ᠬᠠᠭᠠᠨ ᠰᠦᠮᠡ
ᠡᠷᠲᠡ ᠳᠡᠭᠡᠳᠦ ᠲᠡᠦᠬᠡᠨ ᠡᠴᠡ ᠨᠣᠮ ᠵᠠᠯᠠᠷᠠᠭᠰᠠᠨ ᠬᠠᠭᠠᠨ ᠰᠦᠮᠡ
ᠡᠷᠲᠡ ᠳᠡᠭᠡᠳᠦ ᠲᠡᠦᠬᠡᠨ ᠡᠴᠡ ᠯᠠᠮᠠ ᠵᠠᠯᠠᠷᠠᠭᠰᠠᠨ ᠬᠠᠭᠠᠨ ᠰᠦᠮᠡ
ᠡᠷᠲᠡ ᠳᠡᠭᠡᠳᠦ ᠲᠡᠦᠬᠡᠨ ᠡᠴᠡ ᠰᠢᠲᠦᠭᠡᠨ ᠪᠣᠯᠤᠭᠰᠠᠨ ᠬᠠᠭᠠᠨ ᠰᠦᠮᠡ
ᠠᠮᠢᠲᠠᠨ ᠪᠦᠬᠦᠨ ᠢ᠋ ᠡᠬᠡ ᠮᠡᠲᠦ ᠰᠠᠨᠠᠬᠤ ᠠᠪᠤᠷᠠᠯ ᠤ᠋ᠨ ᠳᠡᠭᠡᠳᠦ ᠮᠥᠨ
ᠠᠮᠢᠲᠠᠨ ᠪᠦᠬᠦᠨ ᠢ᠋ ᠡᠬᠡ ᠮᠡᠲᠦ ᠬᠠᠢᠷᠠᠯᠠᠬᠤ ᠠᠪᠤᠷᠠᠯ ᠤ᠋ᠨ ᠳᠡᠭᠡᠳᠦ ᠮᠥᠨ
ᠠᠮᠢᠲᠠᠨ ᠪᠦᠬᠦᠨ ᠢ᠋ ᠡᠬᠡ ᠮᠡᠲᠦ ᠬᠦᠨᠳᠦᠯᠡᠬᠦ ᠠᠪᠤᠷᠠᠯ ᠤ᠋ᠨ ᠳᠡᠭᠡᠳᠦ ᠮᠥᠨ
ᠠᠮᠢᠲᠠᠨ ᠪᠦᠬᠦᠨ ᠢ᠋ ᠡᠬᠡ ᠮᠡᠲᠦ ᠳᠡᠭᠡᠳᠦᠯᠡᠬᠦ ᠠᠪᠤᠷᠠᠯ ᠤ᠋ᠨ ᠳᠡᠭᠡᠳᠦ ᠮᠥᠨ
ᠪᠤᠰᠤᠳ ᠤ᠋ᠨ ᠪᠡᠶᠡ ᠶ᠋ᠢ ᠥᠪᠡᠷ ᠦ᠋ᠨ ᠬᠢ ᠮᠡᠲᠦ ᠡᠨᠡᠷᠢᠬᠦ ᠳᠡᠭᠡᠳᠦ ᠨᠣᠮ
ᠪᠤᠰᠤᠳ ᠤ᠋ᠨ ᠬᠡᠯᠡ ᠶ᠋ᠢ ᠥᠪᠡᠷ ᠦ᠋ᠨ ᠬᠢ ᠮᠡᠲᠦ ᠡᠨᠡᠷᠢᠬᠦ ᠳᠡᠭᠡᠳᠦ ᠨᠣᠮ
ᠪᠤᠰᠤᠳ ᠤ᠋ᠨ ᠰᠡᠳᠬᠢᠯ ᠢ᠋ ᠥᠪᠡᠷ ᠦ᠋ᠨ ᠬᠢ ᠮᠡᠲᠦ ᠡᠨᠡᠷᠢᠬᠦ ᠳᠡᠭᠡᠳᠦ ᠨᠣᠮ
ᠪᠤᠰᠤᠳ ᠤ᠋ᠨ ᠦᠢᠯᠡ ᠶ᠋ᠢ ᠥᠪᠡᠷ ᠦ᠋ᠨ ᠬᠢ ᠮᠡᠲᠦ ᠡᠨᠡᠷᠢᠬᠦ ᠳᠡᠭᠡᠳᠦ ᠨᠣᠮ
ᠪᠤᠷᠬᠠᠨ ᠤ᠋ ᠵᠠᠷᠯᠢᠭ ᠢ᠋ ᠬᠡᠰᠢᠭ ᠢ᠋ᠶ᠋ᠡᠷ ᠰᠣᠶᠣᠷᠬᠠᠭᠴᠢ ᠬᠠᠭᠠᠨ ᠰᠦᠮᠡ ᠬᠡᠷᠡᠯᠳᠦᠬᠦᠢ
ᠪᠤᠷᠬᠠᠨ ᠤ᠋ ᠵᠠᠷᠯᠢᠭ ᠢ᠋ ᠬᠡᠰᠢᠭ ᠢ᠋ᠶ᠋ᠡᠷ ᠢᠪᠡᠭᠡᠭᠴᠢ ᠬᠠᠭᠠᠨ ᠰᠦᠮᠡ ᠰᠠᠴᠤᠷᠠᠬᠤᠢ
ᠪᠤᠷᠬᠠᠨ ᠤ᠋ ᠵᠠᠷᠯᠢᠭ ᠢ᠋ ᠬᠡᠰᠢᠭ ᠢ᠋ᠶ᠋ᠡᠷ ᠲᠦᠭᠡᠭᠡᠭᠴᠢ ᠬᠠᠭᠠᠨ ᠰᠦᠮᠡ ᠲᠤᠶᠠᠭᠠᠷᠠᠬᠤᠢ
ᠪᠤᠷᠬᠠᠨ ᠤ᠋ ᠵᠠᠷᠯᠢᠭ ᠢ᠋ ᠬᠡᠰᠢᠭ ᠢ᠋ᠶ᠋ᠡᠷ ᠰᠢᠲᠦᠭᠴᠢ ᠬᠠᠭᠠᠨ ᠰᠦᠮᠡ ᠮᠠᠨᠳᠤᠬᠤᠢ ᠃
ᠦᠰᠦᠭ ᠬᠥᠷᠪᠡᠭᠦᠯᠦᠭᠴᠢ ᠄ ᠤᠷᠢᠶᠠᠩᠬᠠᠢ ᠨᠠᠷᠠᠨᠮᠠᠨᠳᠠ