ᠠᠪᠤᠷᠠᠯ ᠶᠡᠬᠡᠲᠦ ᠠᠷᠢᠭᠤᠨ ᠭᠧᠮᠫᠢ-ᠳᠥᠷᠪᠡᠳ ᠡᠷᠳᠡᠨᠢᠪᠠᠶᠠᠷ Аврал ихт аригун гемпи-Дөрвөд Эрдэнэбаяр
406ᠠᠪᠤᠷᠠᠯ ᠶᠡᠬᠡᠲᠦ ᠠᠷᠢᠭᠤᠨ ᠭᠧᠮᠫᠢ
ᠳᠥᠷᠪᠡᠳ ᠡᠷᠳᠡᠨᠢᠪᠠᠶᠠᠷ
ᠬᠥᠬᠡ ᠲᠡᠭᠷᠢ ᠶ᠋ᠢᠨ ᠳᠣᠣᠷᠠ ᠨᠣᠮ ᠤ᠋ᠨ ᠭᠡᠷᠡᠯ ᠲᠠᠲᠠᠭᠠᠳ
ᠬᠥᠬᠡ ᠬᠠᠳᠠᠨ ᠤ᠋ ᠳᠡᠷᠭᠡᠳᠡ ᠨᠣᠮ ᠤ᠋ᠨ ᠭᠡᠷᠡᠯ ᠲᠠᠲᠠᠭᠠᠳ
ᠬᠥᠬᠡ ᠰᠢᠭᠤᠢ ᠶ᠋ᠢᠨ ᠳᠤᠮᠳᠠ ᠨᠣᠮ ᠤ᠋ᠨ ᠭᠡᠷᠡᠯ ᠲᠠᠲᠠᠭᠠᠳ
ᠬᠥᠬᠡ ᠠᠭᠤᠯᠠᠰ ᠤ᠋ᠨ ᠣᠷᠣᠨ ᠭᠧᠮᠫᠢ ᠭᠡᠷᠡᠯ ᠲᠠᠲᠠᠭᠠᠳ
ᠰᠢᠷᠠ ᠭᠡᠷᠡᠯ ᠪᠠᠷᠢᠨᠲᠠᠭ ᠢ᠋ᠶ᠋ᠠᠨ ᠨᠡᠪᠲᠡᠯᠦᠨ ᠰᠠᠴᠤᠷᠠᠭᠠᠳ
ᠰᠢᠷᠠ ᠭᠡᠷᠡᠯ ᠰᠦᠮᠡ ᠪᠡᠨ ᠨᠡᠪᠲᠡᠯᠦᠨ ᠰᠠᠴᠤᠷᠠᠭᠠᠳ
ᠰᠢᠷᠠ ᠭᠡᠷᠡᠯ ᠬᠢᠵᠠᠭᠠᠷ ᠢ᠋ ᠨᠡᠪᠲᠡᠯᠦᠨ ᠰᠠᠴᠤᠷᠠᠭᠠᠳ
ᠰᠢᠷᠠ ᠭᠡᠷᠡᠯ ᠬᠣᠷᠸᠠ ᠶ᠋ᠢ ᠨᠡᠪᠲᠡᠯᠦᠨ ᠰᠠᠴᠤᠷᠠᠭᠠᠳ
ᠴᠠᠭᠠᠨ ᠯᠠᠪᠠᠢ ᠶ᠋ᠢᠨ ᠡᠭᠡᠰᠢᠭ ᠬᠠᠳᠠᠨ ᠳ᠋ᠤ᠌ ᠰᠢᠩᠭᠡᠭᠡᠳ
ᠴᠠᠭᠠᠨ ᠰᠦᠨ ᠦ᠌ ᠡᠷᠭᠦᠯ ᠡᠭᠦᠯᠡᠨ ᠳ᠋ᠦ᠍ ᠰᠢᠩᠭᠡᠭᠡᠳ
ᠴᠠᠭᠠᠨ ᠰᠡᠳᠬᠢᠯ ᠦ᠋ᠨ ᠦᠷᠡ ᠳᠡᠯᠡᠬᠡᠢ ᠳ᠋ᠦ᠍ ᠲᠦᠭᠡᠭᠡᠳ
ᠴᠠᠭᠠᠨ ᠪᠤᠶᠠᠨ ᠤ᠋ ᠦᠷᠡ ᠣᠷᠴᠢᠯᠠᠩ ᠳ᠋ᠤ᠌ ᠳᠡᠯᠭᠡᠷᠡᠭᠡᠳ ᠨ
ᠣᠭᠣᠭᠠᠨ ᠣᠢ ᠳᠣᠲᠣᠷᠠ ᠴᠠᠭᠠᠨ ᠰᠤᠪᠤᠷᠭᠠ ᠬᠡᠷᠡᠯᠳᠦᠭᠡᠳ
ᠨᠣᠭᠣᠭᠠᠨ ᠳᠠᠷᠠ ᠡᠬᠡ ᠴᠠᠭᠠᠨ ᠠᠪᠤᠷᠠᠯ ᠠᠢᠯᠠᠳᠤᠭᠠᠳ
ᠨᠣᠭᠣᠭᠠᠨ ᠲᠣᠭᠣᠰ ᠰᠢᠪᠠᠭᠤ ᠴᠠᠭ ᠤ᠋ᠨ ᠰᠠᠶᠢᠨ ᠢ᠋ ᠳᠠᠭᠤᠳᠠᠭᠠᠳ
ᠨᠣᠭᠣᠭᠠᠨ ᠡᠪᠡᠰᠦᠨ ᠡᠮ ᠨᠢ ᠴᠠᠭ ᠤ᠋ᠨ ᠬᠣᠣᠷ ᠢ᠋ ᠲᠠᠢᠯᠤᠭᠠᠳ
ᠤᠯᠠᠭᠠᠨ ᠣᠷᠬᠢᠮᠵᠢ ᠠ᠋ᠴᠠ ᠳᠤᠯᠠᠭᠠᠨ ᠠᠰᠠᠷᠠᠯ ᠢᠪᠢᠯᠦᠭᠡᠳ
ᠤᠯᠠᠭᠠᠨ ᠭᠣᠣᠯ ᠠ᠋ᠴᠠ ᠰᠠᠶᠢᠬᠠᠨ ᠰᠡᠳᠬᠢᠯ ᠥᠨᠳᠡᠯᠵᠡᠭᠡᠳ
ᠤᠯᠠᠭᠠᠨ ᠵᠢᠷᠦᠬᠡ ᠠᠮᠢᠲᠠᠨ ᠤ᠋ ᠲᠥᠯᠥᠭᠡ ᠴᠣᠬᠢᠯᠠᠭᠠᠳ
ᠤᠯᠠᠭᠠᠨ ᠲᠣᠭᠣᠰᠣᠨ ᠳ᠋ᠤ᠌ ᠰᠠᠶᠢᠨ ᠦᠢᠯᠡ ᠳᠡᠯᠭᠡᠷᠡᠭᠡᠳ
ᠤᠨᠲᠠᠷᠠᠰᠢ ᠦᠭᠡᠢ ᠮᠥᠩᠬᠡ ᠶ᠋ᠢᠨ ᠵᠤᠯᠠ ᠭᠧᠮᠫᠢ ᠶ᠋ᠢᠨ ᠰᠦᠮᠡ ᠡᠴᠡ ᠮᠠᠨᠳᠤᠭᠠᠳ
ᠤᠨᠠᠰᠢ ᠦᠭᠡᠢ ᠮᠥᠩᠬᠡ ᠶ᠋ᠢᠨ ᠰᠦᠵᠢᠭ ᠭᠧᠮᠫᠢ ᠶ᠋ᠢᠨ ᠰᠦᠮᠡ ᠡᠴᠡ ᠲᠥᠷᠥᠭᠡᠳ
ᠴᠥᠬᠥᠷᠡᠰᠢ ᠦᠭᠡᠢ ᠮᠥᠩᠬᠡ ᠶ᠋ᠢᠨ ᠢᠲᠡᠭᠡᠯ ᠭᠧᠮᠫᠢ ᠶ᠋ᠢᠨ ᠰᠦᠮᠡ ᠡᠴᠡ ᠣᠷᠭᠣᠭᠠᠳ
ᠴᠤᠴᠠᠰᠢ ᠦᠭᠡᠢ ᠮᠥᠩᠬᠡ ᠶ᠋ᠢᠨ ᠠᠪᠤᠷᠠᠯ ᠭᠧᠮᠫᠢ ᠶ᠋ᠢᠨ ᠰᠦᠮᠡ ᠡᠴᠡ ᠤᠨᠳᠤᠷᠤᠭᠠᠳ
ᠰᠠᠢᠨ ᠰᠡᠳᠬᠢᠯ ᠣᠷᠣᠰᠢᠵᠤ ᠯᠠ ᠪᠠᠢᠪᠠᠯ ᠪᠤᠷᠬᠠᠨ ᠨᠣᠮ ᠮᠥᠩᠬᠡ
ᠰᠠᠢᠨ ᠢᠲᠡᠭᠡᠯ ᠣᠷᠣᠰᠢᠵᠤ ᠯᠠ ᠪᠠᠢᠪᠠᠯ ᠪᠠᠭᠰᠢ ᠳᠡᠭᠡᠳᠦᠰ ᠮᠥᠩᠬᠡ
ᠰᠠᠢᠨ ᠦᠢᠯᠡ ᠣᠷᠣᠰᠢᠵᠤ ᠯᠠ ᠪᠠᠢᠪᠠᠯ ᠰᠠᠢᠨ ᠨᠡᠢᠭᠡᠮ ᠮᠥᠩᠬᠡ
ᠰᠠᠢᠨ ᠴᠠᠭ ᠣᠷᠣᠰᠢᠵᠤ ᠯᠠ ᠪᠠᠢᠪᠠᠯ ᠰᠠᠢᠨ ᠳᠡᠯᠡᠬᠡᠢ ᠮᠥᠩᠬᠡ
ᠨᠣᠮ ᠢ᠋ ᠳᠥᠭᠥᠮ ᠲᠤᠩᠭᠠᠪᠠᠰᠤ ᠰᠡᠳᠬᠢᠯ ᠲᠡᠷᠡ ᠳᠠᠷᠤᠤ ᠣᠮᠣᠷᠬᠠᠭ
ᠨᠣᠮ ᠢ᠋ ᠳᠥᠭᠥᠮ ᠲᠤᠩᠭᠠᠪᠠᠰᠤ ᠰᠡᠳᠬᠢᠯ ᠲᠡᠷᠡ ᠥᠭᠯᠢᠭᠡᠴᠢ ᠬᠣᠪᠳᠣᠭ
ᠨᠣᠮ ᠢ᠋ ᠳᠥᠭᠥᠮ ᠲᠤᠩᠭᠠᠪᠠᠰᠤ ᠰᠡᠳᠬᠢᠯ ᠲᠡᠷᠡ ᠨᠣᠮᠣᠬᠠᠨ ᠲᠣᠭᠰᠢᠨ
ᠨᠣᠮ ᠢ᠋ ᠳᠥᠭᠥᠮ ᠲᠤᠩᠭᠠᠪᠠᠰᠤ ᠰᠡᠳᠬᠢᠯ ᠲᠡᠷᠡ ᠮᠡᠷᠭᠡᠨ ᠮᠤᠩᠬᠠᠭ
ᠰᠤᠳᠤᠷ ᠤ᠋ᠨ ᠠᠯᠲᠠᠨ ᠬᠠᠭᠤᠳᠠᠰᠤᠨ ᠠ᠋ᠴᠠ ᠣᠶᠤᠨ ᠪᠢᠯᠢᠭ ᠬᠡᠷᠡᠯᠳᠦᠭᠡᠳ
ᠰᠣᠯᠣᠩᠭᠠᠨ ᠰᠠᠶᠢᠬᠠᠨ ᠲᠤᠶᠠᠭᠠ ᠨᠢ ᠨᠠᠪᠴᠢ ᠪᠦᠬᠦᠨ ᠳ᠋ᠦ᠍ ᠲᠣᠰᠤᠭᠠᠳ
ᠨᠠᠪᠴᠢ ᠪᠦᠬᠦᠨ ᠦ᠌ ᠲᠠᠯᠪᠢᠨ ᠳ᠋ᠤ᠌ ᠪᠤᠷᠬᠠᠨ ᠤ᠋ ᠬᠥᠷᠥᠭ ᠲᠣᠳᠣᠷᠠᠭᠠᠳ
ᠨᠠᠪᠴᠢ ᠪᠦᠬᠦᠨ ᠦ᠌ ᠪᠤᠷᠬᠠᠳ ᠨᠡᠢᠭᠡᠮ ᠢ᠋ ᠪᠦᠬᠦᠨ ᠢ᠋ᠶ᠋ᠡᠷ ᠠᠪᠤᠷᠠᠭᠠᠳ
ᠶᠢᠰᠦᠨ ᠡᠷᠳᠡᠨᠢ ᠪᠡᠷ ᠦᠨᠡᠯᠡᠰᠢ ᠦᠭᠡᠢ ᠨᠣᠮ ᠤ᠋ᠨ ᠣᠷᠣᠨ ᠭᠧᠮᠫᠢ
ᠶᠢᠰᠦᠨ ᠭᠠᠯᠪᠠ ᠪᠠᠷ ᠳᠠᠭᠤᠰᠤᠰᠢ ᠦᠭᠡᠢ ᠪᠤᠷᠬᠠᠨ ᠤ᠋ ᠣᠷᠣᠨ ᠭᠧᠮᠫᠢ
ᠶᠢᠰᠦᠨ ᠲᠥᠷᠥᠯ ᠢ᠋ᠶ᠋ᠡᠷ ᠳᠤᠮᠳᠠᠷᠠᠰᠢ ᠦᠭᠡᠢ ᠰᠢᠳᠢ ᠶ᠋ᠢᠨ ᠣᠷᠣᠨ ᠭᠧᠮᠫᠢ
ᠶᠢᠰᠦᠨ ᠪᠤᠶᠠᠨ ᠢ᠋ᠶ᠋ᠠᠷ ᠲᠠᠲᠠᠷᠠᠰᠢ ᠦᠭᠡᠢ ᠠᠪᠤᠷᠠᠯ ᠤ᠋ᠨ ᠣᠷᠣᠨ ᠭᠧᠮᠫᠢ ᠃
ᠦᠰᠦᠭ ᠠᠮᠢᠯᠠᠭᠤᠯᠤᠭᠴᠢ ᠄ ᠤᠷᠢᠶᠠᠩᠬᠠᠢ ᠨᠠᠷᠠᠨᠮᠠᠨᠳᠠ