ᠲᠠᠩᠰᠤᠭ ᠢᠪᠡᠭᠡᠯᠲᠦ ᠲᠠᠪᠢᠨ ᠰᠦᠮᠡ-ᠳᠥᠷᠪᠡᠳ ᠡᠷᠳᠡᠨᠢᠪᠠᠶᠠᠷ Тансаг ивээлт тавин сүм-Дөрвөд Эрдэнэбаяр
425ᠲᠠᠩᠰᠤᠭ ᠢᠪᠡᠭᠡᠯᠲᠦ ᠲᠠᠪᠢᠨ ᠰᠦᠮᠡ
ᠳᠥᠷᠪᠡᠳ ᠡᠷᠳᠡᠨᠢᠪᠠᠶᠠᠷ
ᠠᠯᠲᠠᠨ ᠬᠠᠳᠠᠭ ᠮᠡᠲᠦ ᠠᠯᠲᠠᠢ ᠶ᠋ᠢᠨ ᠮᠠᠩᠬᠠ ᠢᠷᠦᠭᠡᠯ ᠶᠡᠬᠡ
ᠠᠯᠲᠠᠨ ᠭᠡᠷᠡᠯ ᠮᠡᠲᠦ ᠰᠠᠢᠨ ᠬᠠᠭ ᠥᠷᠲᠡᠭᠡ ᠢᠪᠡᠭᠡᠯ ᠶᠡᠬᠡ
ᠠᠯᠲᠠᠨ ᠡᠯᠡᠰᠦᠨ ᠦ᠌ ᠰᠢᠷᠭᠠᠯ ᠲᠤᠶᠠᠭᠠ ᠰᠤᠳᠤᠷ ᠤ᠋ᠨ ᠭᠡᠷᠡᠯ
ᠠᠯᠲᠠᠨ ᠡᠯᠡᠰᠦᠨ ᠦ᠌ ᠰᠢᠷᠭᠠᠯ ᠲᠤᠶᠠᠭᠠ ᠮᠣᠳᠣᠷ ᠤ᠋ᠨ ᠭᠡᠷᠡᠯ
ᠰᠣᠯᠢᠮᠠᠯ ᠸᠴᠢᠷ ᠮᠡᠲᠦ ᠪᠠᠲᠤ ᠠᠮᠤᠭᠤᠯᠠᠩ ᠲᠠᠪᠢᠨ ᠰᠦᠮᠡ
ᠰᠤᠪᠤᠳ ᠡᠷᠳᠡᠨᠢ ᠮᠡᠲᠦ ᠡᠩᠬᠡ ᠠᠮᠤᠭᠤᠯᠠᠩ ᠲᠠᠪᠤᠨ ᠣᠪᠣᠭᠠ
ᠰᠣᠨᠣᠷ ᠤ᠋ᠨ ᠴᠢᠮᠡᠭ ᠥᠯᠵᠡᠢᠲᠦ ᠨᠣᠮ ᠪᠤᠷᠬᠠᠨ ᠤ᠋ ᠠᠪᠤᠷᠠᠯ
ᠰᠣᠨᠣᠷ ᠤ᠋ᠨ ᠴᠢᠮᠡᠭ ᠪᠡᠯᠭᠡᠲᠦ ᠢᠷᠦᠭᠡᠯ ᠪᠤᠷᠬᠠᠨ ᠤ᠋ ᠡᠨᠡᠷᠢᠯ
ᠵᠥᠪ ᠰᠡᠳᠬᠢᠯ ᠢ᠋ᠶ᠋ᠡᠷ ᠠᠪᠤᠷᠠᠯ ᠣᠲᠣᠭᠤᠯᠬᠤ ᠳ᠋ᠤ᠌ ᠪᠤᠷᠬᠠᠨ ᠢᠪᠡᠭᠡᠨᠡ
ᠵᠥᠪ ᠪᠡᠶᠡ ᠪᠡᠷ ᠠᠪᠤᠷᠠᠯ ᠣᠲᠣᠭᠤᠯᠬᠤ ᠳ᠋ᠤ᠌ ᠪᠤᠷᠬᠠᠨ ᠢᠪᠡᠭᠡᠨᠡ
ᠵᠥᠪ ᠬᠡᠯᠡ ᠪᠡᠷ ᠠᠪᠤᠷᠠᠯ ᠣᠲᠣᠭᠤᠯᠬᠤ ᠳ᠋ᠤ᠌ ᠪᠤᠷᠬᠠᠨ ᠢᠪᠡᠭᠡᠨᠡ
ᠵᠥᠪ ᠦᠢᠯᠡ ᠪᠡᠷ ᠠᠪᠤᠷᠠᠯ ᠤᠲᠤᠭᠤᠯᠬᠤ ᠳ᠋ᠤ᠌ ᠪᠤᠷᠬᠠᠨ ᠢᠪᠡᠭᠡᠨᠡ
ᠲᠦᠮᠡᠨ ᠢ᠋ ᠢᠪᠡᠭᠡᠭᠴᠢ ᠲᠡᠭᠦᠰ ᠪᠠᠶᠠᠰᠬᠤᠯᠠᠩᠲᠤ ᠨᠣᠮ ᠤ᠋ᠨ ᠬᠦᠷᠳᠦᠲᠦ ᠰᠦᠮᠡ
ᠲᠦᠪᠡᠭ ᠢ᠋ ᠠᠷᠢᠯᠭᠠᠭᠴᠢ ᠲᠦᠷᠭᠡᠨ ᠪᠦᠲᠦᠭᠡᠭᠴᠢ ᠨᠣᠭᠣᠭᠠᠨ ᠳᠡᠷᠡ ᠡᠬᠡ
ᠲᠡᠦᠬᠡ ᠨᠢ ᠦᠨᠡᠨ ᠰᠢᠳᠢ ᠨᠢ ᠭᠠᠢᠬᠠᠯᠲᠠᠢ ᠠᠪᠤᠷᠠᠯᠲᠤ ᠵᠣᠣ ᠪᠤᠷᠬᠠᠨ
ᠲᠥᠷᠥ ᠱᠠᠰᠢᠨ ᠢ᠋ ᠬᠡᠵᠢᠶᠡᠳᠡ ᠬᠠᠮᠠᠭᠠᠯᠠᠭᠴᠢ ᠠᠪᠤᠷᠠᠯᠲᠤ ᠭᠣᠮᠪᠣ ᠪᠤᠷᠬᠠᠨ
ᠨᠣᠮ ᠤ᠋ᠨ ᠤᠳᠬᠠ ᠰᠡᠳᠬᠢᠯ ᠳ᠋ᠦ᠍ ᠰᠢᠩᠭᠡᠪᠡᠯ ᠠᠪᠤᠷᠠᠯ ᠲᠡᠷᠡ ᠮᠥᠨ
ᠨᠣᠮ ᠤ᠋ᠨ ᠤᠳᠬᠠ ᠪᠡᠶᠡ ᠳ᠋ᠦ᠍ ᠰᠢᠩᠭᠡᠪᠡᠯ ᠠᠪᠤᠷᠠᠯ ᠲᠡᠷᠡ ᠮᠥᠨ
ᠨᠣᠮ ᠤ᠋ᠨ ᠤᠳᠬᠠ ᠬᠡᠯᠡᠨ ᠳ᠋ᠦ᠍ ᠰᠢᠩᠭᠡᠪᠡᠯ ᠠᠪᠤᠷᠠᠯ ᠲᠡᠷᠡ ᠮᠥᠨ
ᠨᠣᠮ ᠤ᠋ᠨ ᠤᠳᠬᠠ ᠲᠦᠮᠡᠨ ᠳ᠋ᠦ᠍ ᠰᠢᠩᠭᠡᠪᠡᠯ ᠠᠪᠤᠷᠠᠯ ᠲᠡᠷᠡ ᠮᠥᠨ
ᠲᠠᠩᠰᠤᠭ ᠡᠳ᠋ ᠢ᠋ ᠬᠠᠢᠷᠠᠯᠠᠨ ᠲᠦᠭᠡᠭᠡᠭᠴᠢ ᠨᠠᠮᠰᠠᠷᠠᠢ ᠪᠤᠷᠬᠠᠨ
ᠲᠠᠩᠰᠤᠭ ᠡᠷᠳᠡᠨᠢ ᠶ᠋ᠢ ᠬᠠᠢᠷᠠᠯᠠᠨ ᠲᠦᠭᠡᠭᠡᠭᠴᠢ ᠨᠠᠮᠰᠠᠷᠠᠢ ᠪᠤᠷᠬᠠᠨ
ᠲᠠᠩᠰᠤᠭ ᠪᠤᠶᠠᠨ ᠢ᠋ ᠬᠠᠢᠷᠠᠯᠠᠨ ᠲᠦᠭᠡᠭᠡᠭᠴᠢ ᠨᠠᠮᠰᠠᠷᠠᠢ ᠪᠤᠷᠬᠠᠨ
ᠲᠠᠩᠰᠤᠭ ᠰᠡᠳᠬᠢᠯ ᠢ᠋ ᠬᠠᠢᠷᠠᠯᠠᠨ ᠲᠦᠭᠡᠭᠡᠭᠴᠢ ᠨᠠᠮᠰᠠᠷᠠᠢ ᠪᠤᠷᠬᠠᠨ
ᠨᠣᠮ ᠤ᠋ᠨ ᠳᠠᠭᠤᠨ ᠰᠠᠩ ᠤᠭᠤᠭᠢᠨ ᠬᠡᠢᠮᠣᠷᠢ ᠰᠡᠷᠭᠦᠬᠦᠢ
ᠨᠣᠮ ᠤ᠋ᠨ ᠳᠠᠭᠤᠨ ᠳ᠋ᠤ᠌ ᠴᠠᠩ ᠴᠠᠩᠭᠢᠨᠠᠨ ᠬᠡᠢᠮᠣᠷᠢ ᠰᠡᠷᠭᠦᠬᠦᠢ
ᠨᠣᠮ ᠤ᠋ᠨ ᠳᠠᠭᠤᠨ ᠳ᠋ᠤ᠌ ᠵᠤᠯᠠ ᠭᠡᠷᠡᠯᠲᠦᠨ ᠬᠡᠢᠮᠣᠷᠢ ᠰᠡᠷᠭᠦᠬᠦᠢ
ᠨᠣᠮ ᠤ᠋ᠨ ᠳᠠᠭᠤᠨ ᠳ᠋ᠤ᠌ ᠰᠡᠳᠬᠢᠯ ᠭᠡᠷᠡᠯᠲᠦᠨ ᠬᠡᠢᠮᠣᠷᠢ ᠰᠡᠷᠭᠦᠬᠦᠢ
ᠨᠠᠰᠤᠨ ᠠᠶᠤᠰᠢ ᠶ᠋ᠢᠨ ᠴᠢᠯᠠᠭᠤᠨ ᠰᠤᠳᠤᠷ ᠮᠢᠩᠭᠠᠨ ᠨᠠᠰᠤ ᠬᠠᠢᠷᠠᠯᠠᠬᠤᠢ
ᠨᠠᠰᠤᠨ ᠠᠶᠤᠰᠢ ᠶ᠋ᠢᠨ ᠴᠢᠯᠠᠭᠤᠨ ᠰᠤᠳᠤᠷ ᠮᠢᠩᠭᠠᠨ ᠢᠪᠡᠭᠡᠯ ᠬᠦᠷᠲᠡᠭᠡᠬᠦᠢ
ᠨᠠᠰᠤᠨ ᠠᠶᠤᠰᠢ ᠶ᠋ᠢᠨ ᠴᠢᠯᠠᠭᠤᠨ ᠰᠤᠳᠤᠷ ᠮᠢᠩᠭᠠᠨ ᠥᠯᠵᠡᠢ ᠢᠪᠡᠭᠡᠬᠦᠢ
ᠨᠠᠰᠤᠨ ᠠᠶᠤᠰᠢ ᠶ᠋ᠢᠨ ᠴᠢᠯᠠᠭᠤᠨ ᠰᠤᠳᠤᠷ ᠮᠢᠩᠭᠠᠨ ᠣᠨ ᠰᠦᠨᠳᠡᠷᠯᠡᠬᠦᠢ
ᠮᠢᠨᠦ ᠭᠡᠰᠡᠨ ᠶᠠᠭᠤᠮᠠ ᠣᠷᠴᠢᠯᠠᠩ ᠳ᠋ᠤ᠌ ᠶᠡᠷᠦ ᠪᠠᠢᠬᠤ ᠦᠭᠡᠢ
ᠮᠢᠨᠦ ᠭᠡᠰᠡᠨ ᠣᠷᠴᠢᠯᠠᠩ ᠣᠷᠴᠢᠵᠤ ᠴᠥ᠍ ᠶᠡᠷᠦ ᠴᠢᠳᠠᠬᠤ ᠦᠭᠡᠢ
ᠮᠢᠨᠦ ᠭᠡᠰᠡᠨ ᠰᠡᠳᠬᠢᠯ ᠮᠢᠨᠦ ᠯᠡ ᠰᠡᠳᠬᠢᠯ ᠦ᠋ᠨ ᠵᠣᠪᠠᠯᠠᠩ
ᠮᠢᠨᠦ ᠭᠡᠰᠡᠨ ᠰᠡᠳᠬᠢᠯ ᠬᠡᠨ ᠦ᠌ ᠴᠥ᠍ ᠰᠡᠳᠬᠢᠯ ᠦ᠋ᠨ ᠵᠣᠪᠠᠯᠠᠩ
ᠪᠢ ᠭᠡᠰᠡᠨ ᠰᠡᠳᠬᠢᠯ ᠪᠡᠶᠡ ᠪᠡᠨ ᠲᠣᠭᠣᠨ ᠰᠣᠬᠣᠷ ᠪᠤᠯᠬᠤᠢ
ᠪᠢ ᠭᠡᠰᠡᠨ ᠰᠡᠳᠬᠢᠯ ᠪᠡᠶᠡ ᠪᠡᠨ ᠲᠣᠭᠣᠨ ᠳᠦᠯᠡᠢ ᠪᠤᠯᠬᠤᠢ
ᠪᠢ ᠭᠡᠰᠡᠨ ᠰᠡᠳᠬᠢᠯ ᠪᠡᠶᠡ ᠪᠡᠨ ᠲᠣᠭᠣᠨ ᠪᠠᠯᠠᠢ ᠪᠤᠯᠬᠤᠢ
ᠪᠢ ᠭᠡᠰᠡᠨ ᠰᠡᠳᠬᠢᠯ ᠪᠡᠶᠡ ᠪᠡᠨ ᠲᠣᠭᠣᠨ ᠪᠡᠶᠡ ᠪᠡᠨ ᠪᠠᠷᠠᠬᠤᠢ
ᠮᠠᠨᠢ ᠶ᠋ᠢᠨ ᠦᠷᠡ ᠰᠢᠮᠡ ᠲᠠᠪᠢᠨ ᠰᠦᠮᠡ ᠡᠴᠡ ᠤᠨᠳᠤᠷᠬᠤᠢ
ᠮᠠᠨᠢ ᠶ᠋ᠢᠨ ᠷᠢᠳᠢ ᠰᠢᠳᠢ ᠲᠠᠪᠢᠨ ᠰᠦᠮᠡ ᠡᠴᠡ ᠰᠠᠴᠤᠷᠠᠬᠤᠢ
ᠮᠠᠨᠢ ᠶ᠋ᠢᠨ ᠥᠯᠵᠡᠢ ᠬᠤᠲᠤᠭ ᠲᠠᠪᠢᠨ ᠰᠦᠮᠡ ᠡᠴᠡ ᠢᠪᠢᠯᠬᠦᠢ
ᠮᠠᠨᠢ ᠶ᠋ᠢᠨ ᠬᠠᠢᠷᠠ ᠡᠨᠡᠷᠢᠯ ᠲᠠᠪᠢᠨ ᠰᠦᠮᠡ ᠡᠴᠡ ᠠᠰᠬᠠᠷᠠᠬᠤᠢ
ᠨᠣᠮ ᠤ᠋ᠨ ᠡᠬᠡᠰᠢᠭ ᠭᠠᠵᠠᠷ ᠲᠤ᠌ ᠰᠢᠩᠭᠡᠨ ᠳᠡᠯᠡᠬᠡᠢ ᠠᠷᠢᠭᠤᠰᠬᠤᠢ
ᠨᠣᠮ ᠤ᠋ᠨ ᠡᠭᠡᠰᠢᠭ ᠤᠰᠤᠨ ᠳ᠋ᠤ᠌ ᠰᠢᠩᠭᠡᠨ ᠳᠠᠯᠠᠢ ᠠᠷᠢᠭᠤᠰᠬᠤᠢ
ᠨᠣᠮ ᠤ᠋ᠨ ᠡᠭᠡᠰᠢᠭ ᠭᠠᠯ ᠳ᠋ᠤ᠌ ᠰᠢᠩᠭᠡᠨ ᠨᠠᠷᠠᠨ ᠠᠷᠢᠭᠤᠰᠬᠤᠢ
ᠨᠣᠮ ᠤ᠋ᠨ ᠡᠬᠡᠰᠢᠭ ᠠᠭᠠᠷ ᠲᠤ᠌ ᠰᠢᠩᠭᠡᠨ ᠣᠷᠴᠢᠯᠠᠩ ᠠᠷᠢᠭᠤᠰᠬᠤᠢ ᠃
ᠦᠰᠦᠭ ᠠᠮᠢᠯᠠᠭᠤᠯᠤᠭᠴᠢ ᠄ ᠤᠷᠢᠶᠠᠩᠬᠠᠢ ᠨᠠᠷᠠᠨᠮᠠᠨᠳᠠ