ᠣᠯᠠᠨ ᠢ᠋ ᠠᠪᠤᠷᠠᠭᠴᠢ ᠣᠪᠣᠬᠠᠨ ᠰᠦᠮᠡ-ᠳᠥᠷᠪᠡᠳ ᠡᠷᠳᠡᠨᠢᠪᠠᠶᠠᠷ Олныг аврагч овоохон сүм-Дөрвөд Эрдэнэбаяр
334
ᠣᠯᠠᠨ ᠢ᠋ ᠠᠪᠤᠷᠠᠭᠴᠢ ᠣᠪᠣᠬᠠᠨ ᠰᠦᠮᠡ
ᠳᠥᠷᠪᠡᠳ ᠡᠷᠳᠡᠨᠢᠪᠠᠶᠠᠷ
ᠭᠠᠵᠠᠷ ᠤ᠋ᠨ ᠵᠢᠷᠦᠬᠡ ᠮᠡᠲᠦ ᠣᠪᠣᠬᠠᠨ ᠣᠪᠣᠭᠠ ᠭᠠᠢᠬᠠᠮᠰᠢᠭ ᠤ᠋ᠨ ᠲᠤᠢᠯ
ᠭᠠᠢᠬᠠᠮᠰᠢᠭᠲᠤ ᠸᠴᠢᠷ ᠮᠡᠲᠦ ᠣᠪᠣᠬᠠᠨ ᠣᠪᠣᠭᠠ ᠶᠥᠭᠡᠵᠡᠷᠢ ᠶ᠋ᠢᠨ ᠲᠤᠢᠯ
ᠶᠥᠭᠡᠵᠡᠷᠢ ᠶᠡᠬᠡ ᠣᠪᠣᠬᠠᠨ ᠰᠦᠮᠡ ᠬᠣᠶᠢᠮᠣᠷ ᠭᠣᠣᠯ ᠳ᠋ᠤ᠌ ᠨᠢ ᠵᠠᠯᠠᠷᠠᠭᠠᠳ
ᠶᠢᠷᠲᠢᠨᠴᠦ ᠶ᠋ᠢᠨ ᠭᠣᠣᠯ ᠪᠤᠷᠬᠠᠨ ᠨᠣᠮ ᠲᠦᠮᠡᠨ ᠠᠮᠢᠲᠠᠨ ᠢ᠋ ᠠᠪᠤᠷᠠᠬᠤᠢ
ᠮᠣᠩᠭᠣᠯ ᠠᠯᠲᠠᠨ ᠭᠠᠨᠵᠤᠤᠷᠲᠤ ᠥᠯᠵᠡᠢᠲᠦ ᠨᠣᠮ ᠲᠡᠭᠦᠰᠦᠭᠰᠡᠨ ᠰᠦᠮᠡ
ᠮᠣᠩᠭᠣᠯ ᠲᠥᠷᠥ ᠶ᠋ᠢᠨ ᠮᠠᠾᠬᠠᠯᠲᠤ ᠥᠯᠵᠡᠢᠲᠦ ᠨᠣᠮ ᠲᠡᠭᠦᠰᠦᠭᠰᠡᠨ ᠰᠦᠮᠡ
ᠮᠣᠩᠭᠣᠯ ᠲᠥᠷᠥ ᠶ᠋ᠢᠨ ᠬᠥᠭᠵᠢᠮᠲᠦ ᠥᠯᠵᠡᠢᠲᠦ ᠨᠣᠮ ᠲᠡᠭᠦᠰᠦᠭᠰᠡᠨ ᠰᠦᠮᠡ
ᠮᠣᠩᠭᠣᠯ ᠬᠠᠭᠠᠳ ᠤ᠋ᠨ ᠰᠢᠲᠦᠭᠡᠨᠲᠦ ᠥᠯᠵᠡᠢᠲᠦ ᠨᠣᠮ ᠲᠡᠭᠦᠰᠦᠭᠰᠡᠨ ᠰᠦᠮᠡ
ᠪᠤᠷᠬᠠᠨ ᠤ᠋ ᠵᠠᠷᠯᠢᠭ ᠢ᠋ ᠥᠪᠡᠷ ᠦ᠋ᠨ ᠬᠡᠯᠡ ᠪᠡᠷ ᠤᠩᠰᠢᠬᠤ ᠨᠢ ᠭᠠᠢᠬᠠᠮᠰᠢᠭ
ᠪᠤᠷᠬᠠᠨ ᠤ᠋ ᠵᠠᠷᠯᠢᠭ ᠢ᠋ ᠥᠪᠡᠷ ᠦ᠋ᠨ ᠪᠡᠶᠡ ᠳ᠋ᠦ᠍ ᠰᠢᠩᠭᠡᠭᠡᠬᠦ ᠨᠢ ᠭᠠᠢᠬᠠᠮᠰᠢᠭ
ᠪᠤᠷᠬᠠᠨ ᠤ᠋ ᠵᠠᠷᠯᠢᠭ ᠢ᠋ ᠥᠪᠡᠷ ᠦ᠋ᠨ ᠣᠶᠤᠨ ᠳ᠋ᠤ᠌ ᠠᠰᠠᠭᠠᠬᠤ ᠨᠢ ᠭᠠᠢᠬᠠᠮᠰᠢᠭ
ᠪᠤᠷᠬᠠᠨ ᠤ᠋ ᠵᠠᠷᠯᠢᠭ ᠢ᠋ ᠥᠪᠡᠷ ᠦ᠋ᠨ ᠨᠤᠲᠤᠭ ᠲᠤ᠌ ᠲᠠᠬᠢᠬᠤ ᠨᠢ ᠭᠠᠢᠬᠠᠮᠰᠢᠭ
ᠪᠡᠶᠡ ᠠᠷᠢᠭᠤᠰᠤᠨ ᠪᠤᠷᠬᠠᠨ ᠪᠦᠲᠦᠭᠡᠭᠰᠡᠨ ᠣᠪᠣᠬᠠᠨ ᠭᠡᠭᠡᠨ ᠶᠥᠭᠡᠵᠡᠷᠢ
ᠬᠡᠯᠡ ᠠᠷᠢᠭᠤᠰᠤᠨ ᠪᠤᠷᠬᠠᠨ ᠪᠦᠲᠦᠭᠡᠭᠰᠡᠨ ᠣᠪᠣᠬᠠᠨ ᠭᠡᠭᠡᠨ ᠰᠢᠳᠢᠲᠦ
ᠰᠡᠳᠬᠢᠯ ᠠᠷᠢᠭᠤᠰᠤᠨ ᠪᠤᠷᠬᠠᠨ ᠪᠦᠲᠦᠭᠡᠭᠰᠡᠨ ᠣᠪᠣᠬᠠᠨ ᠭᠡᠭᠡᠨ ᠠᠭᠤᠤ
ᠨᠣᠮ ᠪᠣᠯᠤᠨ ᠪᠤᠷᠬᠠᠨ ᠪᠦᠲᠦᠭᠡᠭᠰᠡᠨ ᠣᠪᠣᠬᠠᠨ ᠭᠡᠭᠡᠨ ᠪᠤᠷᠬᠠᠨ ᠠ᠋
ᠰᠠᠢᠨ ᠴᠠᠭ ᠢ᠋ ᠳᠠᠭᠠᠳᠬᠠᠨ ᠣᠪᠣᠬᠠᠨ ᠭᠡᠭᠡᠨ ᠳ᠋ᠦ᠍ ᠵᠠᠯᠪᠠᠷᠢᠮᠤ
ᠰᠠᠢᠨ ᠨᠣᠮ ᠢ᠋ ᠳᠠᠭᠠᠳᠬᠠᠨ ᠣᠪᠣᠬᠠᠨ ᠭᠡᠭᠡᠨ ᠳ᠋ᠦ᠍ ᠰᠥᠭᠥᠳᠦᠮᠦ
ᠰᠠᠢᠨ ᠥᠯᠵᠡᠢ ᠶ᠋ᠢ ᠳᠠᠭᠠᠳᠬᠠᠨ ᠣᠪᠣᠬᠠᠨ ᠭᠡᠭᠡᠨ ᠳ᠋ᠦ᠍ ᠮᠥᠷᠭᠥᠮᠦ
ᠰᠠᠢᠨ ᠪᠤᠶᠠᠨ ᠢ᠋ ᠳᠠᠭᠠᠳᠬᠠᠨ ᠣᠪᠣᠬᠠᠨ ᠭᠡᠭᠡᠨ ᠳ᠋ᠦ᠍ ᠰᠦᠵᠢᠭᠯᠡᠮᠦ
ᠪᠤᠶᠠᠨ ᠤ᠋ ᠲᠥᠯᠥᠭᠡ ᠠᠮᠢᠳᠤᠷᠠᠬᠤ ᠣᠷᠴᠢᠯᠠᠩ ᠤ᠋ᠨ ᠵᠥᠪ ᠵᠠᠮ
ᠪᠤᠰᠤᠳ ᠤ᠋ᠨ ᠲᠥᠯᠥᠭᠡ ᠠᠮᠢᠳᠤᠷᠠᠬᠤ ᠬᠣᠷᠸᠠ ᠶ᠋ᠢᠨ ᠵᠥᠪ ᠵᠠᠮ
ᠪᠤᠷᠬᠠᠨ ᠨᠣᠮ ᠳ᠋ᠤ᠌ ᠰᠢᠲᠦᠬᠦ ᠠᠮᠢᠲᠠᠨ ᠤ᠋ ᠵᠥᠪ ᠵᠠᠮ
ᠪᠤᠷᠬᠠᠨ ᠨᠣᠮ ᠢ᠋ ᠳᠡᠯᠭᠡᠷᠡᠭᠦᠯᠬᠦ ᠬᠥᠮᠦᠨ ᠦ᠌ ᠵᠥᠪ ᠵᠠᠮ
ᠪᠤᠷᠤᠭᠤ ᠦᠵᠡᠯ ᠢ᠋ ᠳᠠᠷᠤᠬᠤ ᠳ᠋ᠤ᠌ ᠪᠤᠷᠬᠠᠨ ᠨᠣᠮ ᠶᠡᠷᠦᠨᠳᠡᠭ
ᠪᠤᠷᠤᠭᠤ ᠮᠠᠭᠤ ᠶ᠋ᠢ ᠳᠠᠷᠤᠬᠤ ᠳ᠋ᠤ᠌ ᠪᠤᠷᠬᠠᠨ ᠨᠣᠮ ᠶᠡᠷᠦᠨᠳᠡᠭ
ᠪᠤᠶᠠᠨ ᠨᠢᠭᠦᠯ ᠢ᠋ ᠢᠯᠭᠠᠬᠤ ᠳ᠋ᠤ᠌ ᠪᠤᠷᠬᠠᠨ ᠨᠣᠮ ᠳᠡᠭᠡᠳᠦ
ᠪᠦᠪᠡᠢ ᠳᠡᠯᠡᠬᠡᠢ ᠶ᠋ᠢ ᠡᠨᠡᠷᠢᠬᠦ ᠳ᠋ᠦ᠍ ᠪᠤᠷᠬᠠᠨ ᠨᠣᠮ ᠳᠡᠭᠡᠳᠦ
ᠯᠠᠮᠠ ᠨᠣᠮ ᠪᠠᠷᠢᠯᠳᠤᠬᠤ ᠨᠢ ᠢᠯᠠᠭᠤᠭᠰᠠᠨ ᠲᠡᠭᠦᠯᠳᠡᠷ
ᠯᠠᠮᠠ ᠪᠤᠷᠬᠠᠨ ᠪᠠᠷᠢᠯᠳᠤᠬᠤ ᠨᠢ ᠢᠯᠠᠭᠤᠭᠰᠠᠨ ᠲᠡᠭᠦᠯᠳᠡᠷ
ᠨᠣᠮ ᠬᠥᠮᠦᠨ ᠪᠠᠷᠢᠯᠳᠤᠬᠤ ᠨᠢ ᠢᠯᠠᠭᠤᠭᠰᠠᠨ ᠲᠡᠭᠦᠯᠳᠡᠷ
ᠨᠣᠮ ᠳᠡᠯᠡᠬᠡᠢ ᠪᠠᠷᠢᠯᠳᠤᠬᠤ ᠨᠢ ᠢᠯᠠᠭᠤᠭᠰᠠᠨ ᠲᠡᠭᠦᠯᠳᠡᠷ
ᠭᠤᠷᠪᠠᠨ ᠡᠷᠳᠡᠨᠢ ᠳ᠋ᠦ᠍ ᠵᠠᠯᠪᠠᠷᠢᠬᠤ ᠨᠢ ᠠᠪᠤᠷᠠᠯ ᠤ᠋ᠨ ᠳᠡᠭᠡᠳᠦ
ᠭᠤᠷᠪᠠᠨ ᠡᠷᠳᠡᠨᠢ ᠳ᠋ᠦ᠍ ᠰᠢᠲᠦᠬᠦ ᠨᠢ ᠡᠷᠳᠡᠮ ᠦ᠋ᠨ ᠦᠨᠳᠦᠰᠦ
ᠭᠤᠷᠪᠠᠨ ᠡᠷᠳᠡᠨᠢ ᠳ᠋ᠦ᠍ ᠰᠦᠰᠦᠭᠯᠡᠬᠦ ᠨᠢ ᠨᠣᠮ ᠤ᠋ᠨ ᠰᠠᠭᠤᠷᠢ
ᠭᠤᠷᠪᠠᠨ ᠡᠷᠳᠡᠨᠢ ᠳ᠋ᠦ᠍ ᠳᠠᠭᠠᠳᠬᠠᠬᠤ ᠨᠢ ᠰᠢᠳᠢ ᠶ᠋ᠢᠨ ᠡᠬᠢ
ᠠᠬᠤᠢ ᠠᠮᠢᠳᠤᠷᠠᠯ ᠳ᠋ᠤ᠌ ᠪᠤᠶᠠᠨ ᠨᠢᠭᠦᠯ ᠢ᠋ ᠤᠬᠠᠭᠠᠷᠠᠬᠤᠢ
ᠠᠬᠤᠢ ᠠᠮᠢᠳᠤᠷᠠᠯ ᠳ᠋ᠤ᠌ ᠨᠣᠮ ᠡᠷᠳᠡᠮ ᠢ᠋ ᠤᠬᠠᠭᠠᠷᠠᠬᠤᠢ
ᠠᠬᠤᠢ ᠠᠮᠢᠳᠤᠷᠠᠯ ᠳ᠋ᠤ᠌ ᠪᠣᠳᠢ ᠰᠡᠳᠬᠢᠯ ᠢ᠋ ᠤᠬᠠᠭᠠᠷᠠᠬᠤᠢ
ᠠᠬᠤᠢ ᠠᠮᠢᠳᠤᠷᠠᠯ ᠳ᠋ᠤ᠌ ᠬᠣᠭᠣᠰᠣᠨ ᠴᠢᠨᠠᠷ ᠢ᠋ ᠤᠬᠠᠭᠠᠷᠠᠬᠤᠢ
ᠮᠢᠩᠭᠠᠨ ᠣᠨ ᠴᠢᠯᠠᠭᠤᠨ ᠠᠷᠰᠯᠠᠨ ᠪᠤᠷᠬᠠᠨ ᠨᠣᠮ ᠢ᠋ ᠰᠠᠬᠢᠬᠤᠢ
ᠮᠢᠩᠭᠠᠨ ᠣᠨ ᠭᠥᠷᠳᠡᠮ ᠦ᠋ᠨ ᠣᠪᠣᠭᠠ ᠪᠤᠷᠬᠠᠨ ᠨᠣᠮ ᠢ᠋ ᠬᠠᠮᠠᠭᠠᠯᠠᠬᠤᠢ
ᠮᠢᠩᠭᠠᠨ ᠣᠨ ᠣᠪᠣᠬᠠᠨ ᠰᠦᠮᠡ ᠲᠦᠮᠡᠨ ᠪᠤᠶᠠᠨ ᠢ᠋ ᠬᠤᠷᠢᠶᠠᠬᠤᠢ
ᠮᠢᠩᠭᠠᠨ ᠣᠨ ᠣᠪᠣᠬᠠᠨ ᠭᠡᠭᠡᠨ ᠪᠣᠮᠠᠨ ᠪᠤᠶᠠᠨ ᠢ᠋ ᠬᠤᠷᠢᠶᠠᠬᠤᠢ
ᠠᠯᠲᠠᠨ ᠨᠠᠷᠠ ᠠᠭᠤᠳᠠᠮ ᠣᠷᠴᠢᠯᠠᠩ ᠳ᠋ᠤ᠌ ᠠᠯᠲᠠᠨ ᠭᠡᠷᠡᠯ ᠢ᠋ᠶ᠋ᠡᠨ ᠲᠦᠭᠡᠭᠡᠬᠦᠢ
ᠠᠯᠲᠠᠨ ᠨᠣᠮ ᠠᠭᠤᠳᠠᠮ ᠣᠷᠴᠢᠯᠠᠩ ᠳ᠋ᠤ᠌ ᠠᠯᠲᠠᠨ ᠭᠡᠷᠡᠯ ᠢ᠋ᠶ᠋ᠡᠨ ᠬᠠᠢᠷᠠᠯᠠᠬᠤᠢ
ᠣᠪᠣᠬᠠᠨ ᠰᠦᠮᠡ ᠶ᠋ᠢᠨ ᠠᠯᠲᠠᠨ ᠭᠡᠷᠡᠯ ᠠᠭᠤᠳᠠᠮ ᠣᠷᠴᠢᠯᠠᠩ ᠢ᠋ ᠭᠡᠢᠭᠦᠯᠬᠦᠢ
ᠣᠪᠣᠬᠠᠨ ᠭᠡᠭᠡᠨ ᠦ᠌ ᠠᠯᠲᠠᠨ ᠭᠡᠷᠡᠯ ᠠᠭᠤᠳᠠᠮ ᠣᠷᠴᠢᠯᠠᠩ ᠢ᠋ ᠬᠡᠷᠡᠯᠳᠦᠭᠦᠯᠬᠦᠢ ᠃
ᠦᠰᠦᠭ ᠠᠮᠢᠯᠠᠭᠤᠯᠤᠭᠴᠢ ᠄ ᠤᠷᠢᠶᠠᠩᠬᠠᠢ ᠨᠠᠷᠠᠨᠮᠠᠨᠳᠠ