ᠪᠠᠶᠠᠨᠪᠤᠯᠠᠭ ᠤ᠋ᠨ ᠮᠠᠭᠲᠠᠭᠠᠯ -ᠪᠠᠶᠠᠨ᠌ᠠᠡᠭᠤᠯᠠ Баянбулагийн магтаал-- Баян-уул
1495ᠪᠠᠶᠠᠨᠪᠤᠯᠠᠭ ᠤ᠋ᠨ ᠮᠠᠭᠲᠠᠭᠠᠯ
— ᠪᠠᠶᠠᠨ᠌ᠠᠡᠭᠤᠯᠠ
ᠪᠠᠷᠢᠭᠰᠠᠨ ᠬᠤᠭᠤᠷ ᠮᠢᠨᠢ ᠬᠦᠩᠭᠢᠨᠡᠭᠡᠳ ᠪᠠᠢᠨᠠ
ᠪᠠᠳᠠᠭ ᠰᠢᠯᠦᠭ ᠬᠡᠯᠡᠬᠦ ᠤᠤ ᠳᠠ
ᠪᠠᠶᠠᠷᠯᠠᠭᠰᠠᠨ ᠰᠡᠳᠬᠢᠯ ᠢ᠋ᠶ᠋ᠡᠨ ᠳᠠᠷᠤᠵᠤ ᠶᠠᠳᠠᠨ
ᠪᠠᠶᠠᠨᠪᠤᠯᠠᠭ ᠢ᠋ᠶ᠋ᠠᠨ ᠮᠠᠭᠲᠠᠶᠠ ᠳᠠ
ᠭᠣᠭᠣᠰᠤᠲᠠᠢ ᠬᠠᠨ ᠤ᠋ ᠲᠦᠰᠢᠯᠭᠡ ᠲᠡᠢ
ᠭᠤᠷᠪᠠᠨ ᠪᠣᠳᠢ ᠶ᠋ᠢᠨ ᠨᠥᠮᠥᠷᠢ ᠲᠡᠢ
ᠭᠣᠣᠯ ᠭᠣᠷᠣᠬᠠ ᠪᠠᠷ ᠡᠯᠪᠡᠭ ᠲᠡᠢ
ᠭᠣᠯᠣᠮᠲᠠ ᠪᠠᠨ ᠪᠠᠳᠠᠷᠠᠭᠠᠭᠰᠠᠨ ᠲᠦᠮᠡᠨ ᠲᠡᠢ
ᠪᠠᠬᠠᠷᠤᠮᠠ ᠰᠠᠢᠬᠠᠨ ᠨᠤᠲᠤᠭ
ᠪᠠᠶᠠᠨᠪᠤᠯᠠᠭ ᠢ᠋ᠶ᠋ᠠᠨ ᠮᠠᠭᠲᠠᠶᠠ
ᠪᠠᠶᠠᠨ ᠮᠣᠩᠭᠣᠯ ᠬᠡᠯᠡ ᠪᠡᠷ ᠢ᠋ᠶ᠋ᠡᠨ
ᠪᠠᠬᠠᠳᠤᠵᠤ ᠪᠦᠬᠦᠨ ᠢ᠋ ᠬᠣᠯᠪᠣᠶᠠ
ᠵᠢᠪᠲᠦ ᠪᠤᠷᠭᠠᠰᠤ ᠬᠣᠶᠠᠷ ᠢ᠋ ᠨᠢ
ᠵᠡᠷᠭᠡᠴᠡᠭᠦᠯᠵᠦ ᠡᠨᠳᠡ ᠪᠡᠨ ᠲᠡᠮᠳᠡᠭᠯᠡᠶᠡ
ᠵᠢᠷᠦᠬᠡᠨ ᠡᠴᠡ ᠤᠶᠠᠭᠠᠲᠠᠢ ᠭᠠᠵᠠᠷ ᠢ᠋ᠶ᠋ᠠᠨ
ᠵᠢᠷᠭᠢᠭᠡ ᠬᠣᠯᠪᠣᠭᠠ ᠪᠠᠷ ᠳᠠᠭᠤᠷᠢᠰᠤᠭᠤᠯᠤᠶᠠ
ᠠᠤᠭᠠ ᠰᠦᠷᠲᠦ ᠠᠮᠢᠨ ᠰᠢᠲᠦᠭᠡᠨ
ᠠᠭᠤᠢ ᠶ᠋ᠢᠨ ᠣᠪᠣᠭᠠᠨ ᠳ᠋ᠤ᠌ ᠳᠠᠭᠠᠳᠬᠠᠨᠠᠮ
ᠠᠷᠤ ᠬᠤᠯᠤᠰᠤᠲᠠᠢ᠂ ᠥᠪᠥᠷ ᠤᠰᠤᠲᠠᠢ
ᠠᠳᠤᠭᠤᠨ ᠪᠡᠯᠴᠢᠭᠡᠷ᠂ ᠠᠲᠠᠷ ᠬᠡᠭᠡᠷᠡ ᠪᠡᠨ ᠪᠢᠴᠢᠭᠯᠡᠶᠡ
ᠴᠠᠬᠢᠯᠭᠠᠨ ᠬᠤᠷᠳᠤ ᠬᠦᠯᠦᠭ ᠦ᠋ᠳ ᠲᠡᠢ
ᠴᠠᠭᠠᠨ ᠣᠪᠣᠭᠠᠨ ᠤ᠋ ᠮᠠᠯᠴᠢᠳ
ᠴᠠᠢᠯᠭᠠᠨ ᠰᠡᠳᠬᠢᠯᠲᠦ ᠬᠥᠮᠦᠰ ᠢ᠋ᠶ᠋ᠡᠨ
ᠴᠠᠬᠢᠮ ᠬᠠᠭᠤᠳᠠᠰᠤᠨᠠ ᠲᠡᠮᠳᠡᠭᠯᠡᠶᠡ
ᠬᠤᠪᠢᠳᠠᠵᠤ ᠬᠤᠪᠢᠶᠠᠭᠰᠠᠨ ᠤ᠋ ᠳᠠᠷᠠᠭᠠ
ᠬᠣᠨᠢ ᠡᠷᠳᠡᠨᠢ ᠪᠡᠨ ᠥᠰᠬᠡᠭᠰᠡᠨ
ᠬᠣᠢᠨᠠ ᠡᠮᠦᠨᠡ ᠪᠡᠨ ᠵᠠᠯᠭᠠᠯᠳᠤᠭᠰᠠᠨ
ᠬᠣᠶᠠᠷ ᠨᠠᠵᠠᠢ ᠶ᠋ᠢ ᠪᠠᠬᠠᠷᠬᠠᠶᠠ!
ᠬᠠᠮᠤᠭ ᠤ᠋ᠨ ᠳᠠᠭᠤᠷᠢᠶᠠᠯ ᠪᠣᠯᠤᠭᠰᠠᠨ
ᠬᠠᠮᠲᠤᠷᠠᠯ ᠤ᠋ᠨ ᠬᠦᠴᠦᠨ ᠪᠢᠯᠬᠠᠭᠰᠠᠨ
ᠬᠠᠷᠠ ᠱᠣᠷᠣᠩ ᠢ᠋ᠶ᠋ᠠᠨ ᠲᠣᠭᠣᠷᠢᠭᠰᠠᠨ
ᠬᠠᠷᠠᠨᠠᠭᠤᠷ᠂ ᠬᠠᠳᠠᠡᠡᠩᠭᠡᠷ ᠲᠡᠢ
ᠤᠳᠤᠮᠲᠤ ᠮᠣᠩᠭᠣᠯ ᠤ᠋ᠨ ᠵᠠᠩᠰᠢᠯ ᠢ᠋ᠶ᠋ᠠᠨ
ᠤᠯᠠᠮᠵᠢᠯᠠᠵᠤ ᠬᠥᠭᠵᠢᠭᠦᠯᠵᠦ ᠢᠷᠡᠭᠰᠡᠨ
ᠤᠷᠤᠭᠰᠢᠯᠠᠵᠤ ᠳᠠᠪᠰᠢᠬᠤ ᠪᠡᠯᠭᠡᠳᠡᠯ ᠲᠡᠢ
ᠤᠰᠤᠡᠡᠬᠢ ᠪᠡᠨ ᠮᠠᠭᠲᠠᠮᠤ
ᠠᠭᠤᠷᠬᠠᠢ ᠶ᠋ᠢᠨ ᠪᠠᠶᠠᠯᠢᠭ ᠢ᠋ ᠬᠠᠳᠠᠭᠠᠯᠠᠭᠰᠠᠨ
ᠠᠯᠲᠠᠡᠡᠦᠶ᠋ᠡᠳᠦᠷ ᠭᠠᠴᠠᠭᠠ ᠲᠠᠢ
ᠠᠷᠠᠳ ᠤ᠋ᠨ ᠤᠷᠠᠯᠢᠭ ᠢ᠋ᠶ᠋ᠠᠨ ᠬᠥᠭᠵᠢᠭᠦᠯᠦᠭᠰᠡᠨ
ᠠᠮᠠᠰᠠᠷ ᠤ᠋ᠨ ᠠᠢᠯ ᠤ᠋ᠨ ᠬᠢᠨ ᠢ᠋ ᠮᠠᠭᠲᠠᠮᠤ
ᠮᠣᠩᠭᠣᠯ ᠰᠣᠶᠣᠯ ᠢ᠋ᠶ᠋ᠠᠨ ᠳᠡᠭᠡᠳᠦᠯᠡᠭᠰᠡᠨ
ᠮᠣᠬᠤᠯᠠᠭᠲᠦ ᠶ᠋ᠢᠨ ᠠᠢᠯ ᠢ᠋ ᠵᠢᠷᠤᠭᠯᠠᠶᠠ
ᠮᠣᠷᠢᠨ ᠬᠤᠭᠤᠷ ᠢ᠋ᠶ᠋ᠠᠷ ᠢ᠋ᠶ᠋ᠠᠨ ᠠᠯᠳᠠᠷᠰᠢᠭᠰᠠᠨ
ᠮᠤᠬᠤᠷ ᠭᠠᠴᠠᠭᠠ ᠶ᠋ᠢ ᠪᠠᠬᠠᠷᠬᠠᠶᠠ
ᠨᠠᠩᠭᠢᠶᠠᠳ ᠤ᠋ᠨ ᠲᠠᠷᠢᠶᠠᠯᠠᠬᠤ ᠰᠣᠶᠣᠯ ᠢ᠋
ᠨᠡᠪᠲᠡ ᠡᠵᠡᠮᠰᠢᠭᠰᠡᠨ ᠯᠠᠭᠰᠠᠢᠬᠤᠸᠠ
ᠨᠠᠷᠠ ᠲᠠᠢ ᠬᠤᠷᠠ ᠲᠠᠢ ᠨᠤᠲᠤᠭ
ᠨᠠᠷᠠᠰᠤᠲᠠᠢ ᠰᠢᠷᠠ ᠵᠠᠮ ᠢ᠋ ᠮᠠᠭᠲᠠᠶᠠ
ᠣᠢ ᠰᠠᠬᠤᠯᠢᠭ ᠬᠠᠪᠴᠢᠯ ᠵᠢᠯᠠᠭᠠ
ᠣᠷᠭᠢᠯᠵᠤ ᠪᠠᠢᠭᠠ ᠷᠠᠰᠢᠶᠠᠨ ᠪᠤᠯᠠᠭ
ᠣᠩᠭᠣᠨ ᠪᠠᠢᠭᠠᠯᠢ ᠶ᠋ᠢᠨ ᠤᠨᠠᠭᠠᠨ ᠲᠥᠷᠬᠦ
ᠤᠳᠤᠮ ᠳᠠᠮᠵᠢᠭᠰᠠᠨ ᠳᠠᠷᠬᠠᠨ ᠥᠯᠥᠭᠡᠢ
ᠤᠤᠭᠠᠯ ᠰᠣᠶᠣᠯ ᠳ᠋ᠠᠭᠠᠨ ᠬᠠᠢᠷᠠᠲᠠᠢ
ᠤᠷᠲᠤ ᠶ᠋ᠢᠨ ᠳᠠᠭᠤᠨ ᠤ᠋ ᠰᠢᠷᠤᠩᠬᠠᠢ ᠲᠠᠢ
ᠤᠬᠠᠭᠠᠨᠲᠤ ᠲᠦᠮᠡᠨ ᠨᠢ ᠨᠠᠢᠷᠲᠠᠢ
ᠤᠯᠠᠮ ᠮᠠᠨᠳᠤᠬᠤ ᠶ᠋ᠢᠨ ᠵᠣᠯᠪᠣᠭᠠ ᠲᠠᠢ
ᠪᠣᠳᠣᠯ ᠰᠡᠳᠬᠢᠯ ᠳ᠋ᠦ᠍ ᠬᠣᠨᠣᠭᠰᠢᠭᠰᠠᠨ
ᠪᠤᠷᠬᠠᠨ ᠪᠤᠮᠪᠠ ᠶ᠋ᠢᠨ ᠣᠷᠣᠨ
ᠪᠤᠭᠤᠷᠤᠯ ᠠᠪᠤ ᠶ᠋ᠢᠨ ᠨᠤᠲᠤᠭ
ᠪᠣᠷᠤᠬᠤᠲᠠ ᠪᠠᠨ ᠪᠢᠴᠢᠭᠯᠡᠶᠡ
ᠥᠰᠴᠦ ᠲᠥᠷᠥᠭᠰᠡᠨ ᠭᠠᠵᠠᠷ
ᠥᠨᠳᠥᠷ ᠴᠠᠭᠠᠨ ᠮᠠᠩᠬᠠ
ᠦᠯᠢᠭᠡᠷᠲᠦ ᠪᠦᠭᠡᠮᠬᠡ ᠬᠠᠳᠠ
ᠥᠨᠢ ᠮᠥᠩᠬᠡ ᠶ᠋ᠢᠨ ᠬᠠᠪᠲᠠᠭᠠᠢ
ᠠᠪᠤ ᠶ᠋ᠢᠨ ᠳᠦᠷᠢ ᠪᠡᠷ ᠰᠦᠨᠳᠡᠷᠯᠡᠭᠰᠡᠨ
ᠠᠰᠬᠠ ᠴᠠᠪᠴᠢᠶᠠᠯ ᠶᠣᠯᠣᠲᠤ
ᠡᠵᠢ ᠶ᠋ᠢᠨ ᠰᠦ ᠰᠢᠭ ᠠᠷᠢᠭᠤᠬᠠᠨ
ᠡᠭᠡᠰᠢᠭᠯᠡᠨ ᠤᠷᠤᠰᠬᠤ ᠳ᠋ᠠᠯᠠᠷ
ᠭᠠᠳᠠᠭᠠᠳᠤ ᠳᠣᠲᠣᠭᠠᠳᠤ ᠳ᠋ᠤ᠌ ᠠᠯᠳᠠᠷ ᠲᠠᠢ
ᠭᠠᠷᠤᠳᠢ ᠶ᠋ᠢᠨ ᠳᠠᠪᠠᠭᠠ ᠂ ᠭᠧᠮᠫᠢ ᠶ᠋ᠢᠨ ᠬᠡᠢᠳ
ᠭᠠᠵᠠᠷ ᠤᠰᠤ ᠨᠢ ᠨᠠᠪᠲᠠᠭ ᠲᠠᠢ
ᠭᠠᠨᠵᠤᠤᠷ ᠣᠪᠣᠭᠠᠨ ᠤ᠋ ᠰᠢᠲᠦᠯᠭᠡ ᠲᠡᠢ
ᠠᠰᠢᠳᠠ ᠵᠢᠷᠭᠠᠬᠤ ᠶ᠋ᠢᠨ ᠰᠠᠭᠤᠴᠠ
ᠠᠮᠢᠨ ᠬᠠᠢᠷᠠᠲᠠᠢ ᠭᠠᠵᠠᠷ ᠮᠢᠨᠢ
ᠠᠮᠤᠷ ᠪᠠᠶᠠᠰᠬᠤᠯᠠᠩᠲᠤ ᠪᠠᠭᠤᠴᠠ
ᠠᠷᠤ ᠬᠣᠷᠴᠢᠨ ᠪᠠᠶᠠᠨᠪᠤᠯᠠᠭ ᠮᠢᠨᠢ
ᠰᠤᠮᠤᠨ ᠵᠠᠰᠠᠭ ᠨᠢ ᠨᠡᠭᠦᠭᠰᠡᠨ ᠴᠤ᠌
ᠰᠤᠷᠭᠠᠭᠤᠯᠢ ᠰᠣᠶᠣᠯ ᠲᠠᠢ ᠪᠠᠨ ᠦᠯᠡᠳᠡᠭᠰᠡᠨ
ᠰᠣᠶᠣᠭᠠᠯᠠᠵᠤ ᠪᠠᠢᠭᠠ ᠰᠦᠶᠦᠭᠡ
ᠰᠣᠳᠣᠨ ᠪᠠᠭᠠᠴᠤᠳ ᠨᠢ ᠬᠥᠭᠵᠢᠯᠳᠦᠭᠰᠡᠨ
ᠰᠣᠩᠭᠣᠳᠠᠭ ᠵᠣᠬᠢᠶᠠᠯ ᠳ᠋ᠤ᠌ ᠪᠢᠴᠢᠭᠳᠡᠭᠡ ᠦᠭᠡᠢ ᠴᠤ᠌
ᠰᠤᠳᠤᠷ ᠲᠡᠦᠬᠡ ᠪᠡᠨ ᠲᠠᠮᠠᠭᠠᠯᠠᠭᠰᠠᠨ
ᠰᠤᠤ ᠪᠢᠯᠢᠭᠲᠡᠳ ᠭᠡᠵᠦ ᠦᠨᠡᠯᠡᠭᠳᠡᠭᠡ ᠦᠭᠡᠢ ᠴᠤ᠌
ᠰᠣᠶᠣᠯ ᠠᠷᠠᠨᠰᠢᠨ ᠢ᠋ᠶ᠋ᠠᠨ ᠬᠠᠮᠠᠭᠠᠯᠠᠭᠰᠠᠨ
ᠬᠥᠭᠵᠢᠵᠦ ᠪᠠᠢᠭᠠ ᠨᠤᠲᠤᠭ ᠤ᠋ᠨ
ᠬᠥᠮᠦᠨ ᠠᠷᠠᠳ ᠨᠢ ᠳᠠᠷᠤᠤᠬᠠᠨ
ᠬᠥᠳᠡᠭᠡ ᠬᠡᠭᠡᠷᠡ ᠪᠡᠯᠴᠢᠭᠡᠷ ᠨᠢ
ᠬᠥᠬᠡᠷᠡᠵᠦ ᠬᠠᠷᠠᠭᠳᠠᠭᠠᠳ ᠲᠠᠷᠠᠤᠬᠠᠨ
ᠬᠤᠭᠤᠷ ᠬᠥᠭᠵᠢᠮ ᠦ᠋ᠨ ᠡᠭᠡᠰᠢᠭ ᠨᠢ
ᠬᠣᠣᠰ ᠴᠢᠪᠬᠠᠳᠠᠰᠤ ᠪᠠᠷ ᠢᠷᠠᠭᠤᠬᠠᠨ
ᠬᠣᠯᠪᠣᠭᠠ᠂ ᠰᠢᠯᠦᠭ ᠂ ᠢᠷᠦᠭᠡᠯᠴᠢ ᠨᠢ
ᠬᠣᠲᠠᠯᠠ ᠪᠦᠭᠦᠳᠡ ᠡᠴᠡ ᠠᠷᠤᠤᠬᠠᠨ
ᠨᠠᠮᠢᠷᠠᠭᠠ ᠬᠤᠷᠠ ᠨᠢ ᠲᠡᠩᠴᠡᠭᠦᠬᠡᠨ
ᠨᠠᠢᠷᠲᠠᠢ ᠰᠠᠢᠬᠠᠨ ᠣᠷᠣᠨ ᠮᠢᠨᠢ
ᠨᠠᠰᠤᠲᠠᠨ ᠪᠤᠭᠤᠷᠤᠯ ᠤ᠋ᠳ ᠤ᠋ᠨ ᠢᠷᠦᠭᠡᠯ ᠲᠡᠢ
ᠨᠠᠷᠠᠨ ᠤ᠋ ᠪᠣᠷᠣᠬᠠᠨ ᠮᠠᠯᠴᠢᠳ ᠮᠢᠨᠢ
ᠨᠠᠮᠤᠷ ᠤ᠋ᠨ ᠨᠠᠪᠴᠢᠰ ᠰᠢᠭ᠋ ᠪᠤᠳᠠᠷᠠᠭᠠ ᠦᠭᠡᠢ
ᠨᠠᠢᠷᠠᠭ ᠰᠢᠯᠦᠭ ᠢ᠋ᠶ᠋ᠡᠨ ᠬᠠᠶᠠᠭᠠ ᠦᠭᠡᠢ
ᠨᠠᠩᠵᠢᠳ ᠤ᠋ᠨ ᠠᠮᠲᠠ ᠳ᠋ᠤ᠌ ᠪᠠᠯᠠᠷᠠᠭᠠ ᠦᠭᠡᠢ
ᠨᠠᠮᠲᠠᠷ ᠲᠡᠦᠬᠡ ᠪᠡᠨ ᠮᠠᠷᠲᠠᠭᠠ ᠦᠭᠡᠢ
ᠨᠡᠷᠡᠲᠦ ᠬᠣᠷᠸᠠ ᠶ᠋ᠢᠨ ᠵᠠᠢ ᠳ᠋ᠤ᠌
ᠨᠡᠭᠦᠳᠡᠯ ᠰᠣᠶᠣᠯ ᠨᠢ ᠳᠡᠯᠭᠡᠷᠡᠭ
ᠨᠠᠷᠮᠠᠢ ᠮᠣᠩᠭᠣᠯ ᠤ᠋ᠨ ᠬᠣᠢᠴᠢᠰ
ᠨᠡᠷᠡ ᠪᠡᠨ ᠡᠷᠭᠦᠵᠦ ᠶᠠᠪᠤᠭ ᠠ᠋!
ᠬᠥᠷᠥᠰᠥᠲᠦ ᠳᠡᠯᠡᠬᠡᠢ ᠶ᠋ᠢᠨ ᠥᠷᠥᠴᠡᠨ ᠳ᠋ᠦ᠍
ᠬᠥᠭᠵᠢᠨ ᠪᠠᠳᠠᠷᠠᠵᠤ ᠳᠡᠯᠭᠡᠷᠡᠭᠡᠰᠡᠢ
ᠬᠥᠬᠡ ᠲᠣᠯᠪᠣᠲᠤ ᠲᠦᠮᠡᠨ ᠮᠢᠨᠢ
ᠬᠦᠴᠦᠷᠬᠡᠭᠵᠢᠨ ᠲᠠᠪᠰᠢᠵᠤ ᠮᠠᠨᠳᠤᠭᠠᠰᠠᠢ
ᠬᠣᠯᠪᠣᠭᠰᠠᠨ ᠨᠢ᠄ ᠰᠠᠩᠪᠤᠷᠢᠨᠴᠢᠨ
ᠦᠰᠦᠭ ᠬᠠᠳᠠᠭᠴᠢ᠄ ᠪᠣᠷᠵᠢᠭᠢᠨ ᠰᠠᠷᠠᠨᠠ
ᠬᠢᠨᠠᠭᠴᠢ᠄ ᠠᠯᠲᠠᠨᠴᠡᠴᠡᠭ