ᠨᠤᠲᠤᠭ ᠲᠠᠭᠠᠨ ᠣᠴᠢᠭᠠᠳ ᠢᠷᠡᠯᠡ – ᠪᠠᠪᠤᠤ ᠶ᠋ᠢᠨ ᡀᠬᠠᠪᠠᠰᠥ᠋ᠷᠦᠩ Нутагтаа очоод ирлээ – Бавуугийн Лхагвасүрэн
379ᠨᠤᠲᠤᠭ ᠲᠠᠭᠠᠨ ᠣᠴᠢᠭᠠᠳ ᠢᠷᠡᠯᠡ
ᠨᠠᠭᠤᠷ ᠤ᠋ᠨ ᠤᠰᠤᠨ ᠳ᠋ᠤ᠌ ᠬᠤᠷᠠᠵᠤ
ᠠᠳᠤᠭᠤ ᠲᠡᠭᠡᠷᠡᠬᠦ ᠬᠠᠯᠠᠭᠤᠨ ᠢ᠋ᠶ᠋ᠠᠷ
ᠨᠤᠲᠤᠭ ᠲᠠᠭᠠᠨ ᠣᠴᠢᠭᠠᠳ ᠢᠷᠡᠯᠡ ᠁
ᠳᠥᠮᠥᠨ ᠳᠥᠮᠥᠨ ᠰᠠᠯᠬᠢᠨ ᠳ᠋ᠤᠨᠢ
ᠪᠡᠶᠡ ᠪᠡᠨ ᠰᠦᠪᠡᠯᠡᠭᠡᠳ ᠢᠷᠡᠯᠡ᠁
ᠳᠦᠩᠭᠡᠷ ᠳᠦᠩᠭᠡᠷ ᠴᠢᠯᠠᠭᠤᠨ ᠳ᠋ᠤᠨᠢ
ᠪᠡᠲᠡᠭᠢ ᠪᠡᠨ ᠬᠠᠭᠠᠯᠤᠭᠠᠳ ᠢᠷᠡᠯᠡ᠁
ᠡᠷᠡ ᠳ᠋ᠡᠭᠡᠨ ᠲᠤᠨᠢᠬᠰᠠᠨ ᠲᠣᠭᠣᠷᠤᠤ
ᠬᠦᠵᠦᠭᠦᠦ ᠰᠤᠩᠭᠠᠨ ᠳᠣᠩᠰᠢᠬᠤ ᠴᠠᠭ ᠢ᠋ᠶ᠋ᠠᠷ
ᠢᠵᠢᠢ ᠨᠤᠲᠤᠭ ᠲᠠᠭᠠᠨ ᠣᠴᠢᠭᠠᠳ ᠢᠷᠡᠯᠡ᠁
ᠲᠡᠷᠭᠡᠨ ᠲᠡᠷᠭᠡᠨ ᠵᠡᠷᠭᠡᠯᠭᠡᠨ ᠳ᠋ᠦ᠍ᠨᠢ
ᠳᠦᠷᠰᠦ ᠪᠡᠨ ᠰᠡᠮᠡᠯᠦᠭᠡᠳ ᠢᠷᠡᠯᠡ᠁
ᠳᠡᠨᠵᠢᠨ ᠲᠣᠨᠵᠢᠨ ᠴᠡᠴᠡᠭᠡᠨ ᠳ᠋ᠦ᠍ᠨᠢ
ᠬᠥᠯ ᠢ᠋ᠶ᠋ᠡᠨ ᠠᠳᠢᠰᠯᠠᠭᠠᠳ ᠢᠷᠡᠯᠡ᠃
ᠳᠠᠭᠠᠨᠠ ᠶ᠋ᠢᠨ ᠲᠣᠯᠣᠭᠠᠢ ᠵᠠᠮᠪᠠᠭᠠᠯᠠᠵᠦ
ᠲᠠᠯᠠ ᠪᠢᠯᠠᠭᠤᠷᠠᠬᠤ ᠦᠶᠡ ᠪᠡᠷ
ᠲᠣᠭᠣᠨᠣᠲᠤ ᠳ᠋ᠠᠭᠠᠨ ᠣᠴᠢᠭᠠᠳ ᠢᠷᠡᠯᠡ᠃
ᠪᠠᠳᠠᠭ ᠪᠠᠳᠠᠭ ᠡᠭᠦᠯᠡ ᠪᠡᠷ ᠨᠢ
ᠨᠢᠯᠪᠤᠰᠤ ᠪᠠᠨ ᠠᠷᠴᠢᠭᠠᠳ ᠢᠷᠡᠯᠡ᠁
ᠪᠣᠷᠭᠢᠯ ᠬᠠᠷᠭᠢᠯ ᠤᠰᠤ ᠪᠠᠷ ᠨᠢ
ᠨᠢᠭᠦᠯ ᠢ᠋ᠶ᠋ᠡᠨ ᠰᠦᠯᠡᠭᠡᠳ ᠢᠷᠡᠯᠡ᠁
2004.6.17 —24
ᠳᠥᠯᠭᠡᠨ ᠪᠠᠶᠠᠨ ᠤ᠋ ᠠᠭᠤᠯᠠ
ᠦᠰᠦᠭ ᠠᠮᠢᠯᠠᠭᠤᠯᠤᠭᠴᠢ᠄ ᠡᠩᠬᠡᠪᠠᠲᠤ
ᠦᠰᠦᠭ ᠬᠢᠨᠠᠭᠴᠢ᠄ ᠪᠠᠶᠠᠷᠴᠡᠴᠡᠭ