ᠮᠣᠷᠢᠨ ᠬᠤᠭᠤᠷ - ᠭᠦᠩᠭᠠᠷ Морин хоор– Гүнгар
795ᠮᠣᠷᠢᠨ ᠬᠤᠭᠤᠷ
— ᠭᠦᠩᠭᠠᠷ
ᠮᠣᠷᠢᠨ ᠬᠤᠭᠤᠷ——
ᠢᠰᠡᠭᠡᠢ ᠴᠠᠭᠠᠨ ᠭᠡᠷ ᠦ᠋ᠨ ᠲᠣᠭᠣᠨᠣᠨ ᠠ᠋ᠴᠠ
ᠰᠤᠪᠤᠷᠠᠨ ᠰᠣᠯᠣᠩᠭᠠᠷᠠᠭᠰᠠᠨ ᠲᠡᠭᠷᠢᠯᠢᠭ ᠠᠶᠠᠰ
ᠡᠬᠡ ᠬᠡᠯᠡᠨ ᠦ᠌ ᠡᠯᠸᠮᠸᠨ᠋ᠲ ᠢ᠋ ᠲᠡᠮᠳᠡᠭᠯᠡᠭᠰᠡᠨ
ᠰᠣᠳᠣᠨ ᠦᠨᠳᠦᠰᠦᠲᠡᠨ ᠦ᠌ ᠠᠪᠢᠶᠠᠨ ᠤ᠋ ᠨᠤᠭᠤᠯᠤᠭᠠ
ᠮᠣᠷᠢᠨ ᠬᠤᠭᠤᠷ——
ᠮᠣᠳᠣ ᠪᠠᠷ ᠰᠡᠢᠯᠦᠭᠰᠡᠨ ᠤᠷᠠᠯᠠᠯ ᠤ᠋ᠨ ᠭᠠᠢᠬᠠᠮᠰᠢᠭ
ᠮᠣᠷᠢ ᠪᠠᠷ ᠳᠦᠷᠰᠦᠯᠡᠭᠰᠡᠨ ᠳᠠᠷᠬᠠᠨ ᠬᠡᠢ ᠮᠣᠷᠢ
ᠰᠡᠳᠬᠢᠯ ᠢ᠋ ᠴᠢᠪᠬᠠᠳᠠᠭᠰᠠᠨ ᠤᠶᠠᠩᠭᠠ ᠶ᠋ᠢᠨ ᠴᠤᠤᠷᠢᠶᠠ
ᠵᠢᠷᠦᠬᠡᠨ ᠡᠴᠡ ᠤᠨᠳᠤᠷᠤᠭᠰᠠᠨ ᠪᠤᠯᠠᠭ ᠤ᠋ᠨ ᠱᠤᠤᠭᠢᠶᠠ
ᠮᠣᠷᠢᠨ ᠬᠤᠭᠤᠷ——
ᠬᠠᠩᠭᠠᠢ ᠲᠠᠯᠠ ᠳ᠋ᠤ᠌ ᠳᠣᠪᠲᠣᠯᠭᠠᠭᠰᠠᠨ ᠠᠳᠤᠭᠤᠳ ᠤ᠋ᠨ ᠲᠦᠪᠡᠷᠭᠡᠨ
ᠬᠠᠷᠠᠭᠠ ᠴᠠᠯᠭᠢᠭᠤᠯᠤᠭᠰᠠᠨ ᠪᠠᠶᠠᠰᠤᠯ ᠤ᠋ᠨ ᠳᠠᠭᠤᠨ
ᠬᠠᠪᠤᠷ ᠢ᠋ᠶ᠋ᠠᠨ ᠤᠭᠲᠤᠭᠰᠠᠨ ᠨᠠᠮᠢᠷᠠᠭᠠ ᠬᠤᠷᠠ
ᠬᠠᠢᠷᠠ ᠪᠠᠷ ᠲᠡᠳᠬᠦᠭᠰᠡᠨ ᠠᠮᠢᠯᠠᠯ ᠤ᠋ᠨ ᠬᠦᠴᠦᠨ
ᠮᠣᠷᠢᠨ ᠬᠤᠭᠤᠷ——
ᠡᠷᠭᠦᠨᠡ ᠬᠤᠨ ᠠ᠋ᠴᠠ ᠳᠣᠮᠣᠭᠴᠢᠯᠠᠭᠰᠠᠨ ᠤᠷᠲᠤ ᠶ᠋ᠢᠨ ᠳᠠᠭᠤᠤ
ᠡᠷᠭᠢᠬᠦ ᠬᠣᠷᠸᠠ ᠳ᠋ᠤ᠌ ᠨᠣ᠌ᠲ᠋ᠴᠢᠯᠠᠭᠰᠠᠨ ᠴᠣᠭᠣᠷ ᠤ᠋ᠨ ᠡᠭᠡᠰᠢᠭ
ᠲᠡᠭᠷᠢᠯᠢᠭ ᠦᠰᠦᠭ ᠢ᠋ᠶ᠋ᠡᠷ ᠲᠠᠮᠠᠭᠠᠯᠠᠭᠰᠠᠨ ᠮᠥᠩᠬᠡ ᠭᠠᠯ
ᠳᠡᠯᠡᠬᠡᠢᠵᠢᠬᠦ ᠰᠣᠶᠣᠯ ᠤ᠋ᠨ ᠡᠷᠳᠡᠨᠢᠲᠦ ᠥᠪ
ᠮᠣᠷᠢᠨ ᠬᠤᠭᠤᠷ——
ᠬᠥᠮᠦᠨ ᠢ᠋ᠶ᠋ᠡᠨ ᠳᠠᠭᠤᠷᠢᠶᠠᠭᠰᠠᠨ ᠶᠢᠷᠲᠢᠨᠴᠦ ᠶ᠋ᠢᠨ ᠪᠣᠰᠤᠭᠠ
ᠬᠥᠭᠵᠢᠵᠦ ᠮᠠᠨᠳᠤᠬᠤ ᠥᠨᠢᠳᠡ ᠶ᠋ᠢᠨ ᠳᠤᠷᠠᠳᠬᠠᠯ
ᠲᠤᠤᠯᠢᠰ ᠲᠤ᠌ ᠬᠠᠳᠠᠩᠰᠢᠭᠰᠠᠨ ᠠᠯᠲᠠᠨ ᠪᠢᠴᠢᠭᠡᠰᠦ
ᠳᠠᠭᠤᠨ ᠢ᠋ᠶ᠋ᠠᠷ ᠮᠥᠩᠬᠡᠵᠢᠬᠦ ᠬᠥᠭᠵᠢᠮ ᠦ᠋ᠨ ᠰᠦᠯᠳᠡ ᠠ᠋!
ᠦᠰᠦᠭ ᠠᠮᠢᠯᠠᠭᠤᠯᠤᠭᠴᠢ᠄ ᠭᠦᠩᠭᠠᠷ
ᠬᠢᠨᠠᠭᠴᠢ᠄ ᠠᠯᠲᠠᠨᠴᠢᠮᠡᠭ