ᠬᠥᠬᠡ ᠰᠤᠳᠤᠷ ᠢ᠋ᠶ᠋ᠠᠨ ᠤᠩᠰᠢᠨᠠ-ᠲᠤᠭᠴᠢ ᠯᠤᠪᠰᠠᠩХөх судраа уншина-Тугч Лувсан
15190ᠬᠥᠬᠡ ᠰᠤᠳᠤᠷ ᠢ᠋ᠶ᠋ᠠᠨ ᠤᠩᠰᠢᠨᠠ
ᠵᠣᠬᠢᠶᠠᠭᠴᠢ᠄ ᠲᠤᠭᠴᠢ ᠯᠤᠪᠰᠠᠩ
ᠤᠶᠠᠩᠭᠠᠯᠠᠭᠴᠢ᠄ ᠵᠤᠭᠠ
ᠪᠢ ᠬᠥᠬᠡ ᠰᠤᠳᠤᠷ ᠢ᠋ᠶ᠋ᠠᠨ ᠤᠩᠰᠢᠨᠠ
ᠤᠨᠤᠨ ᠮᠥᠷᠡᠨ ᠦ᠌ ᠤᠷᠤᠰᠬᠠᠯ ᠰᠢᠭ᠋
ᠤᠷᠤᠰᠲᠠᠯᠠ ᠤᠩᠰᠢᠨᠠ᠂
ᠣᠯᠪᠣᠭ ᠳᠡᠭᠡᠷᠡ ᠰᠥᠭᠥᠳᠴᠢᠬᠡᠭᠡᠳ
ᠤᠶᠠᠷᠠᠲᠠᠯᠠ ᠤᠩᠰᠢᠨᠠ᠃
ᠪᠢ ᠬᠥᠬᠡ ᠰᠤᠳᠤᠷ ᠢ᠋ᠶ᠋ᠠᠨ ᠤᠩᠰᠢᠨᠠ
ᠪᠤᠷᠬᠠᠨ ᠬᠠᠯᠳᠤᠨ ᠤ᠋ ᠡᠭᠦᠯᠡᠨ ᠡᠴᠡ
ᠪᠣᠷᠣᠭᠠᠯᠠᠲᠠᠯᠠ ᠤᠩᠰᠢᠨᠠ᠂
ᠪᠤᠭᠤᠷᠤᠯ ᠠᠶᠠᠰ ᠲᠠᠲᠠᠭᠤᠯᠤᠨ
ᠪᠤᠷᠤᠭᠤ ᠦᠭᠡᠢ ᠤᠩᠰᠢᠨᠠ᠃
ᠪᠢ ᠬᠥᠬᠡ ᠰᠤᠳᠤᠷ ᠢ᠋ᠶ᠋ᠠᠨ ᠤᠩᠰᠢᠨᠠ
ᠡᠷᠡ ᠬᠣᠶᠠᠷ ᠵᠠᠭᠠᠯ ᠢ᠋ᠶ᠋ᠠᠨ
ᠦᠦᠷᠰᠡᠲᠡᠯᠡ ᠤᠩᠰᠢᠨᠠ᠂
ᠡᠪᠦᠭᠡ ᠳᠡᠭᠡᠳᠦᠰ ᠲᠦ᠍ ᠪᠡᠨ ᠥᠴᠢᠭᠯᠡᠨ
ᠦᠶᠡ ᠶ᠋ᠢᠨ ᠦᠶᠡ ᠪᠡᠷ ᠤᠩᠰᠢᠨᠠ᠃
ᠪᠢ ᠬᠥᠬᠡ ᠰᠤᠳᠤᠷ ᠢ᠋ᠶ᠋ᠠᠨ ᠤᠩᠰᠢᠨᠠ
ᠨᠠᠢ᠍ᠮᠠᠨ ᠴᠠᠭᠠᠨ ᠣᠷᠳᠣᠨ ᠢ᠋ᠶ᠋ᠠᠨ
ᠪᠥᠮᠪᠥᠢᠯᠭᠡᠲᠡᠯᠡ ᠤᠩᠰᠢᠨᠠ᠂
ᠪᠡᠷᠬᠡ ᠶ᠋ᠢᠨ ᠥᠨᠳᠥᠷᠯᠢᠭ ᠪᠠᠭᠤᠴᠠᠨᠠ᠋ᠴᠠ
ᠪᠡᠬᠡ ᠳᠣᠯᠢᠶᠠᠵᠤ ᠤᠩᠰᠢᠨᠠ᠃
ᠪᠢ ᠬᠥᠬᠡ ᠰᠤᠳᠤᠷ ᠢ᠋ᠶ᠋ᠠᠨ ᠤᠩᠰᠢᠨᠠ
ᠨᠠᠢ᠍ᠮᠠᠨ ᠵᠠᠭᠤᠨ ᠤ᠋ ᠲᠡᠦᠬᠡ ᠪᠡᠨ
ᠳᠤᠷᠠᠢᠯᠭᠠᠲᠠᠯᠠ ᠤᠩᠰᠢᠨᠠ᠂
ᠨᠢᠯᠪᠤᠰᠤᠨ ᠨᠢᠳᠦ ᠪᠡᠨ ᠠᠷᠴᠢᠴᠢᠬᠠᠭᠠᠳ
ᠳᠠᠭᠤ ᠲᠠᠢ ᠤᠩᠰᠢᠨᠠ᠃
ᠪᠢ ᠥᠭᠡᠯᠦᠨ ᠦᠵᠢᠨ ᠦ᠌ ᠵᠠᠬᠢᠶᠠ ᠶ᠋ᠢ
ᠡᠯᠢᠭᠡ ᠰᠢᠮᠰᠢᠷᠡᠲᠡᠯᠡ ᠤᠩᠰᠢᠨᠠ᠂
ᠶᠢᠰᠦᠭᠡᠢ ᠪᠠᠭᠠᠲᠤᠷ ᠤ᠋ᠨ ᠭᠡᠷᠢᠶᠡᠰ ᠢ᠋
ᠥᠷᠥᠴᠡᠨ ᠳ᠋ᠡᠭᠡᠨ ᠰᠡᠢᠯᠲᠡᠯᠡ ᠤᠩᠰᠢᠨᠠ᠃
ᠪᠢ ᠬᠥᠬᠡ ᠲᠡᠦᠬᠡ ᠪᠡᠨ ᠤᠩᠰᠢᠨᠠ
ᠳᠡᠯᠡᠬᠡᠢ ᠶ᠋ᠢ ᠲᠠᠮᠠᠭᠠᠯᠠᠭᠰᠠᠨ ᠠᠭᠲᠠᠳ ᠢ᠋ᠶ᠋ᠠᠨ
ᠳᠡᠯ ᠪᠣᠰᠬᠠᠲᠠᠯᠠ ᠤᠩᠰᠢᠨᠠ᠂
ᠲᠩᠷᠢ ᠶ᠋ᠢᠨ ᠬᠡᠯᠡ ᠲᠡᠢ ᠰᠤᠳᠤᠷ ᠢ᠋ᠶ᠋ᠠᠨ
ᠳᠡᠭᠡᠳᠦᠯᠡᠨ ᠳᠡᠭᠡᠳᠦᠯᠡᠨ ᠤᠩᠰᠢᠨᠠ᠃
ᠦᠰᠦᠭ ᠠᠮᠢᠯᠠᠭᠤᠯᠤᠭᠴᠢ᠄ ᠰᠣᠳᠣ
ᠦᠰᠦᠭ ᠬᠠᠲᠠᠭᠴᠢ᠄ ᠰᠣᠳᠣ
ᠬᠢᠨᠠᠭᠴᠢ᠄ ᠣᠳᠬᠠᠨᠰᠣᠠ