ᠳᠣᠲᠣᠭᠰᠢ ᠪᠠᠨ ᠤᠷᠤᠰᠬᠤ ᠲᠣᠷᠭᠠᠨ ᠴᠠᠭᠠᠨ ᠠᠶᠠᠯᠭᠤДотогшоо урсах турган цагаан аялгуу
882ᠳᠣᠲᠣᠭᠰᠢ ᠪᠠᠨ ᠤᠷᠤᠰᠬᠤ ᠲᠣᠷᠭᠠᠨ ᠴᠠᠭᠠᠨ ᠠᠶᠠᠯᠭᠤ
ᠬᠥᠲᠥᠯᠦᠭᠡ ᠰᠢᠯᠦᠭ(1)
ᠠᠯᠲᠠᠨᠴᠡᠴᠡᠭ
ᠠᠪᠤ ᠠ᠋
ᠥᠲᠡᠯᠦᠭᠡᠳ ᠢᠷᠡᠬᠦ ᠪᠡᠷ ᠲᠠ ᠮᠢᠨᠢ ᠭᠠᠭᠴᠠᠭᠠᠷᠳᠠᠳᠠᠭ ᠪᠣᠯᠤᠭᠰᠠᠨ ᠤᠤ
ᠥᠷᠭᠥᠭᠡ ᠴᠠᠩᠭᠢᠨᠠᠭᠰᠠᠨ ᠬᠡᠦᠬᠡᠳ ᠦ᠋ᠨ ᠢᠨᠢᠶᠡᠳᠦ ᠵᠠᠮᠬᠠᠷᠠᠭᠰᠠᠭᠠᠷ
ᠥᠪᠡᠷ ᠥᠪᠡᠷᠲᠡᠭᠡᠨ ᠡᠷᠦᠬᠡ ᠰᠡᠬᠦᠵᠦ ᠬᠣᠯᠠᠳᠠᠭᠠᠳ ᠯᠠ᠁
ᠥᠩᠭᠡᠷᠡᠦ ᠶᠠᠭᠠᠷᠠᠤ ᠶᠤᠮ ᠠ᠋ ᠭᠡᠵᠦ ᠬᠡᠳᠦᠨ ᠬᠡᠦᠬᠡᠳ ᠢ᠋ᠶ᠋ᠡᠨ ᠥᠪᠡᠷ ᠡᠴᠡ ᠪᠡᠨ ᠴᠤ᠌
ᠥᠮᠥᠭᠡᠷᠡᠵᠦ ᠲᠠᠢᠳᠬᠤᠷᠠᠳᠠᠭ ᠪᠠᠢᠪᠠ ᠤᠤ
ᠳᠡᠩᠳᠡᠭᠦᠦ ᠳᠧ ᠲᠡᠨᠡᠭᠬᠡᠨ ᠦᠷᠡ ᠴᠢᠨᠢ ᠪᠢ
ᠲᠡᠮᠡᠦᠯᠵᠦ ᠬᠠᠷᠢᠭᠠᠳ ᠦᠨᠦᠰᠦᠭᠦᠯᠬᠦ ᠪᠠᠢᠲᠤᠭᠠᠢ
ᠲᠡᠩᠬᠡᠭᠡ ᠶ᠋ᠢ ᠴᠢᠨᠢ ᠠᠰᠠᠭᠤᠵᠤ ᠤᠲᠠᠰᠤᠳᠠᠬᠤ ᠪᠠᠨ ᠴᠤ᠌ ᠮᠠᠷᠲᠠᠭᠠᠳ ᠯᠠ
ᠠᠪᠤ ᠠ᠋
ᠥᠲᠡᠯᠬᠦ ᠲᠣᠰᠤᠮ ᠢ᠋ᠶ᠋ᠠᠨ ᠲᠠ ᠮᠢᠨᠢ ᠭᠠᠭᠴᠠᠭᠠᠷᠳᠠᠳᠠᠭ ᠶᠤᠮ ᠪᠣᠯᠪᠠ ᠤᠤ
ᠦᠶᠡ ᠶ᠋ᠢᠨ ᠰᠠᠢᠬᠠᠨ ᠬᠥᠮᠦᠰ ᠴᠢᠨᠢ
ᠠᠭᠤᠯᠠ ᠶ᠋ᠢᠨ ᠴᠠᠭᠠᠨᠠ ᠠᠭᠤᠯᠠ ᠪᠣᠯᠤᠨ ᠬᠥᠬᠡᠷᠡᠭᠡᠳ ᠯᠡ
ᠥᠨᠢᠷ ᠰᠠᠢᠬᠠᠨ ᠦᠷᠡᠰ ᠴᠢᠨᠢ
ᠦᠢᠷᠡᠨ ᠲᠣᠭᠣᠷᠢᠨ ᠠ᠋ᠴᠠ ᠴᠢᠨᠢ ᠬᠣᠯᠠᠳᠠᠭᠠᠳ ᠯᠠ
ᠡᠪᠬᠡᠷᠡᠵᠦ ᠪᠠᠭᠤᠭᠰᠠᠨ ᠰᠡᠳᠬᠢᠯ ᠦ᠋ᠨ ᠭᠤᠨᠢᠭ ᠢ᠋ᠶ᠋ᠠᠨ
ᠡᠵᠢ ᠶ᠋ᠢ ᠮᠢᠨᠢ ᠵᠣᠪᠠᠭᠠᠬᠤ ᠦᠭᠡᠢ ᠭᠡᠵᠦ ᠨᠢᠭᠤᠭᠠᠳ ᠯᠠ᠁
ᠨᠠᠭᠠᠨᠠ ᠪᠠᠨ ᠨᠢᠭᠡᠯᠡ ᠰᠦᠷ ᠲᠡᠢ ᠴᠦ᠍
ᠨᠠᠰᠤᠵᠢᠬᠤ ᠳᠣᠳᠣᠮ ᠢ᠋ᠶ᠋ᠠᠨ ᠡᠮᠵᠡᠭᠬᠡᠨ ᠪᠣᠯᠵᠤ
ᠤᠶᠠᠷᠠᠵᠤ ᠥᠪᠡᠷ ᠢ᠋ᠶ᠋ᠡᠨ ᠭᠤᠨᠢᠬᠤ ᠪᠠᠷ
ᠤᠯᠠᠮ ᠴᠠᠰᠢ ᠪᠠᠨ ᠳᠠᠭᠤ ᠦᠭᠡᠢ ᠪᠣᠯᠤᠭᠠᠳ ᠯᠠ
ᠡᠮᠪᠦᠷᠢᠵᠦ ᠳᠣᠲᠣᠭᠰᠢ ᠪᠠᠨ ᠨᠤᠷᠠᠳᠠᠭ ᠪᠠᠢᠪᠠᠤ
ᠳᠡᠩᠳᠡᠭᠦᠦ ᠳᠧ ᠲᠡᠨᠡᠭᠬᠡᠨ ᠦᠷᠡ ᠴᠢᠨᠢ ᠪᠢ
ᠳᠤᠷᠠᠰᠤᠮᠵᠢ ᠬᠦᠪᠦᠷᠡᠭᠦᠯᠦᠨ ᠲᠤᠬᠠᠲᠠᠢᠬᠠᠨ ᠰᠠᠭᠤᠵᠤ
ᠠᠪᠤ ᠶ᠋ᠢ ᠪᠡᠨ ᠠᠷᠭᠠᠳᠠᠩᠬᠠᠨ ᠳᠠᠭᠤᠯᠠᠭᠰᠠᠨ ᠢ᠋ᠶ᠋ᠠᠨ
ᠶᠠᠭ ᠬᠡᠵᠢᠶᠡ ᠭᠡᠵᠦ ᠰᠠᠨᠠᠬᠤ ᠦᠭᠡᠢ ᠯᠡ ᠪᠠᠢᠨᠠ ᠠ᠋
ᠠᠳᠤᠭᠤᠨ ᠳ᠋ᠤ᠌ ᠶᠠᠪᠤᠭᠰᠠᠨ ᠠᠪᠤ ᠶ᠋ᠢᠨ ᠢ᠋ᠶ᠋ᠡᠨ ᠬᠣᠢᠨᠠ ᠠ᠋ᠴᠠ
ᠳᠡᠪᠬᠡᠴᠡᠨ ᠭᠦᠶᠦᠳᠡᠭ ᠢ᠋ᠶ᠋ᠡᠨ ᠮᠠᠷᠲᠠᠴᠢᠬᠠᠭᠰᠠᠨ ᠪᠠᠢᠨᠠ
ᠠᠮᠢᠳᠤᠷᠠᠯ ᠠᠬᠤᠢ ᠭᠡᠳ ᠡᠭᠦᠷᠲᠦᠵᠦ ᠮᠤᠩᠭᠠᠨᠢᠬᠤ ᠳ᠋ᠤ᠌ ᠨᠢ
ᠠᠭᠠᠯᠢᠭᠦᠢᠳᠡᠵᠦ ᠡᠷᠬᠡᠯᠡᠳᠡᠭ ᠢ᠋ᠶ᠋ᠡᠨ ᠤᠮᠠᠷᠲᠠᠴᠢᠬᠠᠭᠰᠠᠨ ᠪᠠᠢᠨᠠ
ᠵᠢᠷᠭᠠᠯ ᠲᠠᠢ ᠲᠡᠨᠢᠭᠦᠨ ᠠᠮᠢᠳᠤᠷᠠᠯ ᠮᠢᠨᠢ
ᠲᠠᠨ ᠠ᠋ᠴᠠ ᠡᠬᠢᠯᠡᠳᠡᠭ ᠪᠠᠢᠭᠰᠠᠨ ᠢ᠋
ᠰᠠᠶᠢ ᠯᠠ ᠣᠳᠣ ᠤᠬᠠᠭᠠᠷᠠᠵᠤ ᠪᠠᠢᠨᠠ
ᠬᠠᠶᠠ ᠨᠢᠯᠪᠤᠰᠤ ᠲᠠᠨᠢ ᠭᠠᠳᠠᠭᠰᠢᠯᠠᠳᠠᠭ ᠢ᠋
ᠬᠠᠷᠢ ᠳ᠋ᠤ᠌ ᠮᠣᠷᠳᠠᠬᠤ ᠳ᠋ᠤ᠌ ᠪᠠᠨ ᠯᠠ ᠬᠠᠷᠠᠭᠰᠠᠨ ᠢ᠋ᠶ᠋ᠠᠨ
ᠶᠠᠭ ᠯᠠ ᠣᠳᠣ ᠰᠠᠨᠠᠵᠤ ᠪᠠᠢᠨᠠ
ᠦᠷᠡ ᠪᠡᠨ ᠡᠷᠬᠡᠯᠡᠭᠦᠯᠦᠭᠡᠳ ᠲᠡᠪᠡᠷᠢᠳᠡᠭ
ᠨᠦᠮᠵᠦᠭ ᠳᠤᠯᠠᠭᠠᠨ ᠡᠪᠦᠷ ᠢ᠋ ᠴᠢᠨᠢ
ᠳᠤᠲᠠᠭᠤ ᠪᠦᠬᠦᠨ ᠢ᠋ ᠮᠢᠨᠢ ᠨᠥᠬᠥᠬᠦ
ᠭᠡᠰᠡᠨ
ᠲᠣᠷᠭᠠᠨ ᠡᠮᠵᠡᠭᠬᠡᠨ ᠰᠡᠳᠬᠢᠯ ᠢ᠋ ᠴᠢᠨᠢ
ᠲᠣᠮᠣᠭᠠ ᠦᠭᠡᠢ ᠠᠯᠳᠠᠭᠠ ᠶ᠋ᠢ ᠮᠢᠨᠢ ᠵᠠᠯᠠᠷᠠᠭᠤᠯᠵᠤ
ᠳᠠᠭᠤ ᠦᠭᠡᠢ ᠵᠢᠮᠡᠯᠡᠳᠡᠭ ᠰᠤᠷᠭᠠᠯ ᠢ᠋ ᠴᠢᠨᠢ
ᠰᠠᠪᠠᠭᠠ ᠦᠭᠡᠢ ᠨᠠᠰᠤ ᠶ᠋ᠢ ᠮᠢᠨᠢ ᠥᠷᠥᠪᠳᠦᠵᠦ
ᠰᠠᠨᠠᠭᠠ ᠴᠢᠨᠢ ᠵᠥᠭᠡᠯᠡᠷᠡᠳᠡᠭ ᠪᠠᠢᠭᠰᠠᠨ ᠢ᠋ ᠴᠢᠨᠢ
ᠳᠠᠬᠢᠨ ᠮᠡᠳᠡᠷᠡᠵᠦ ᠪᠠᠢᠨᠠ᠂ ᠠᠪᠤ ᠠ᠋
ᠲᠦᠰᠢᠭ ᠲᠡᠢ ᠶᠦ᠍ᠮ ᠪᠢᠯᠡ
ᠤᠭᠤᠷᠠᠭ ᠰᠡᠪᠡᠯᠭᠡ ᠶ᠋ᠢ ᠮᠢᠨᠢ ᠦᠨᠦᠷᠲᠦᠭᠡᠳ
ᠤᠷᠭᠠ ᠪᠠᠨ ᠲᠤᠯᠤᠭᠠᠳ ᠮᠣᠷᠳᠠᠳᠠᠭ ᠢ᠋ ᠴᠢᠨᠢ
ᠰᠠᠯᠬᠢᠨ ᠤ᠋ ᠦᠵᠦᠭᠦᠷ ᠴᠡᠩᠬᠡᠷᠲᠦᠬᠦ ᠪᠡᠷ
ᠰᠡᠩᠰᠡᠨ ᠪᠣᠷᠣᠭᠠᠨ ᠳᠠᠭᠠᠭᠤᠯᠵᠤ ᠢᠷᠡᠳᠡᠭ ᠢ᠋ ᠴᠢᠨᠢ
ᠤᠢᠳᠬᠠᠷ ᠭᠤᠨᠢᠭ᠂ ᠡᠪᠡᠳᠴᠢᠨ ᠵᠣᠪᠠᠯᠠᠩ ᠢ᠋
ᠤᠷᠤᠭᠤᠯ ᠳᠠᠪᠠᠭᠤᠯᠳᠠᠭ ᠦᠭᠡᠢ
ᠠᠤᠭᠠ ᠤᠬᠠᠭᠠᠨ ᠢ᠋ ᠴᠢᠨᠢ
ᠲᠠᠩᠰᠤᠭ ᠪᠠᠢᠭᠠᠯᠢ ᠲᠠᠢ ᠪᠠᠨ ᠠᠭᠤᠵᠢᠷᠠᠲᠠᠯᠠ ᠶᠠᠷᠢᠯᠴᠠᠵᠤ
ᠲᠠᠯᠠ ᠶ᠋ᠢᠨ ᠡᠪᠡᠰᠦ ᠶ᠋ᠢ ᠰᠡᠪᠡᠯᠵᠡᠲᠡᠯᠡ ᠢᠰᠬᠡᠷᠳᠡᠭ ᠢ᠋ ᠴᠢᠨᠢ
ᠨᠡᠷᠡᠲᠦ ᠳ᠋ᠦ᠍ ᠨᠠᠷᠭᠢᠭᠤᠯᠵᠤ ᠶᠠᠪᠤᠭᠰᠠᠨ
ᠨᠠᠢᠷᠠᠭ ᠰᠢᠭ᠋ ᠵᠠᠯᠠᠭᠤ ᠨᠠᠰᠤ ᠶ᠋ᠢ ᠴᠢᠨᠢ
ᠨᠠᠢᠷ ᠤ᠋ᠨ ᠳᠡᠨᠵᠢ ᠶ᠋ᠢ ᠠᠢᠷᠠᠭ ᠢ᠋ᠶ᠋ᠠᠷ ᠮᠢᠯᠢᠶᠠᠭᠰᠠᠨ
ᠨᠠᠮᠪᠠᠯᠢᠭ ᠤᠶᠠᠭᠠᠴᠢᠨ ᠤ᠋ ᠵᠢᠪᠬᠤᠭᠠ ᠶ᠋ᠢ ᠴᠢᠨᠢ
ᠨᠡᠬᠡᠨ ᠰᠠᠨᠠᠵᠤ ᠪᠠᠢᠨᠠ᠂ ᠠᠪᠤ ᠠ᠋
ᠬᠡᠢᠮᠣᠷᠢ ᠲᠠᠢ ᠶᠤᠮ ᠪᠢᠯᠡ
ᠬᠠᠶᠠ ᠨᠢᠭᠡ ᠥᠭᠦᠯᠡᠬᠦ ᠳ᠋ᠦ᠍ ᠪᠡᠨ ᠦᠨᠡᠨ ᠢ᠋ ᠵᠠᠩᠭᠢᠳᠴᠤ
ᠬᠠᠷᠠᠴᠠ ᠪᠠᠷ ᠢ᠋ᠶ᠋ᠠᠨ ᠠᠮᠢᠳᠤᠷᠠᠯ ᠢ᠋
ᠤᠬᠠᠭᠠᠷᠠᠭᠤᠯᠤᠭᠰᠠᠨ ᠠᠪᠤ ᠮᠢᠨᠢ ᠠ᠋
ᠠᠳᠤᠭᠤ ᠪᠠᠷ ᠢ᠋ᠶ᠋ᠠᠨ ᠬᠠᠨᠢᠰᠠᠵᠤ ᠲᠠ ᠮᠢᠨᠢ ᠥᠲᠡᠯᠦᠯᠡ
ᠠᠲᠠᠷ ᠲᠠᠯᠠ ᠶ᠋ᠢᠨ ᠢ᠋ᠶ᠋ᠡᠨ ᠭᠦᠨ ᠳ᠋ᠦ᠍ ᠳᠠᠭᠤᠯᠠᠭᠰᠠᠭᠠᠷ
ᠥᠪᠡᠷ ᠢ᠋ᠶ᠋ᠡᠨ ᠥᠪᠡᠷ ᠲᠡᠢ ᠪᠡᠨ ᠥᠲᠡᠯᠦᠯᠡ
ᠠᠭᠤᠯᠠ ᠬᠠᠩᠭᠠᠢ ᠳᠠᠮᠵᠢᠭᠠᠳ
ᠠᠶᠠᠯᠭᠤ ᠡᠭᠡᠰᠢᠭᠯᠡᠭᠡᠳ ᠪᠠᠢᠨᠠ
ᠤᠷᠤᠰᠴᠤ ᠥᠩᠭᠡᠷᠡᠬᠦ ᠨᠢᠯᠪᠤᠰᠤᠨ ᠠ᠋ᠴᠠ ᠮᠢᠨᠢ
ᠳᠤᠷᠠᠰᠤᠮᠵᠢ ᠰᠡᠷᠭᠦᠭᠡᠳ ᠪᠠᠢᠨᠠ ᠳᠠ
ᠰᠢᠯᠦᠭ ᠢ᠋ᠶ᠋ᠡᠷ ᠢ᠋ᠶ᠋ᠡᠨ ᠲᠠᠨ ᠢ᠋ ᠰᠢᠳᠦᠨ ᠠᠷᠭᠠᠳᠠᠶᠠ
ᠨᠠᠢᠷᠠᠭ ᠢ᠋ᠶ᠋ᠠᠷ ᠢ᠋ᠶ᠋ᠠᠨ ᠲᠠᠨ ᠳ᠋ᠤ᠌ ᠨᠠᠰᠤ ᠭᠤᠶᠤᠶᠠ
ᠠᠪᠤ ᠮᠢᠨᠢ ᠲᠠ ᠤᠷᠲᠤ ᠨᠠᠰᠤᠯᠠᠭᠠᠷᠠᠢ
ᠠᠯᠠᠭ ᠦᠷᠡ ᠪᠡᠨ ᠳᠠᠭᠠᠭᠤᠯᠤᠭᠠᠳ ᠲᠠᠨ ᠳ᠋ᠤ᠌ ᠪᠠᠨ ᠣᠴᠢᠨᠠ
ᠦᠯᠢᠭᠡᠷ ᠦ᠋ᠨ ᠶᠦᠮ ᠰᠢᠭ ᠵᠠᠯᠠᠭᠤ ᠨᠠᠰᠤ ᠶ᠋ᠢ ᠴᠢᠨᠢ ᠰᠣᠨᠣᠰᠴᠤ
ᠦᠷ ᠰᠥᠨᠢ ᠶ᠋ᠢ ᠴᠠᠢᠯᠭᠠᠵᠤ ᠨᠢᠭᠡ ᠦᠵᠡᠬᠦ ᠶᠤᠮᠰᠠᠨ
ᠬᠡᠢᠮᠤᠷᠯᠢᠭ᠌ ᠶᠤᠮ ᠳᠠ ᠮᠢᠨᠦ ᠠᠪᠤ
ᠵᠣᠬᠢᠶᠠᠭᠴᠢ᠄ ᠠᠯᠲᠠᠨᠴᠡᠴᠡᠭ
ᠤᠶᠠᠩᠭᠠᠯᠠᠭᠴᠢ᠄ ᠬᠣᠩᠭᠤᠷᠵᠤᠯᠠ
ᠦᠰᠦᠭ ᠠᠮᠢᠯᠠᠭᠤᠯᠤᠭᠴᠢ᠄ ᠴᠢᠮᠡᠳ ᠵᠠᠯᠭᠠᠬᠦᠦ
ᠦᠰᠦᠭ ᠬᠠᠳᠠᠭᠴᠢ᠄ ᠪᠣᠷᠵᠢᠭᠢᠨ ᠠᠵᠠᠵᠠᠶᠠᠭᠠ
ᠵᠢᠷᠤᠭ ᠳᠦᠷᠰᠦ ᠲᠣᠬᠢᠷᠠᠭᠤᠯᠤᠭᠴᠢ᠄ ᠬᠣᠨᠢᠴᠢᠨ ᠪᠦᠰᠡᠭᠦᠢ
ᠬᠢᠨᠠᠭᠴᠢ᠄ ᠰᠡᠴᠡᠨᠲᠤᠶᠠᠭᠠ
ᠡᠭᠡᠯᠭᠡᠨ ᠡᠨᠡ ᠬᠠᠢᠷᠠ
ᠬᠥᠲᠥᠯᠦᠭᠡ(2)
— ᠠᠯᠲᠠᠨᠴᠡᠴᠡᠭ
ᠪᠢ ᠬᠠᠷᠠᠩᠭᠤᠢ ᠠ᠋ᠴᠠ ᠰᠢᠷᠬᠡᠢᠳᠡᠭ
ᠬᠠᠭᠠᠴᠠᠢᠯᠠᠬᠤ ᠬᠥᠮᠦᠨ ᠦᠭᠡᠢ ᠡᠴᠡ ᠵᠢᠷᠦᠬᠡᠰᠢᠶᠡᠳᠡᠭ
ᠭᠠᠭᠴᠠᠭᠠᠷᠳᠠᠬᠤ ᠠ᠋ᠴᠠ ᠨᠡᠩ ᠠᠶᠤᠳᠠᠭ
ᠭᠠᠭᠴᠠᠬᠠᠨ ᠡᠵᠢ ᠮᠢᠨᠢ ᠪᠠᠢᠬᠤ ᠳ᠋ᠤ᠌ ᠥᠭᠡᠷᠡ ᠶᠦᠮ ᠪᠢᠯᠡ
ᠪᠢ
ᠡᠩᠭᠡᠷ ᠲᠦ᠍ ᠨᠢ ᠨᠢᠯᠬᠠᠷᠠᠭᠰᠠᠨ ᠡᠵᠢ ᠶ᠋ᠢᠨ ᠢ᠋ᠶ᠋ᠡᠨ
ᠡᠯᠢᠭᠡᠨ ᠡᠴᠡ ᠨᠢ ᠵᠡᠭᠦᠭᠳᠡᠭᠰᠡᠨ ᠥᠬᠢᠨ ᠵᠠᠶᠠᠭᠠ
ᠰᠠᠢᠬᠠᠨ ᠪᠤᠭᠤᠷᠤᠯ ᠡᠵᠢ ᠶ᠋ᠢᠨ ᠢ᠋ᠶ᠋ᠡᠨ
ᠰᠠᠨᠴᠢᠭ ᠲᠤ᠌ ᠨᠢ ᠭᠢᠯᠠᠯᠵᠠᠭᠰᠠᠨ ᠣᠨ ᠰᠠᠷᠠ ᠠ᠋
ᠪᠢ ᠡᠵᠢ ᠲᠡᠢ ᠬᠥᠮᠦᠨ
ᠭᠤᠨᠳᠠᠵᠤ ᠪᠣᠯᠤᠮᠠ ᠦᠭᠡᠢ ᠶᠠᠭᠠᠬᠠᠨ ᠴᠡᠴᠡᠭ
ᠭᠤᠨᠢᠭ ᠢ᠋ ᠨᠢ ᠦᠷᠭᠦᠭᠡᠬᠦ ᠡᠷᠬᠡ ᠢᠨᠢᠶᠡᠳᠦ
ᠶᠠᠪᠤᠬᠤ ᠵᠠᠮ ᠢ᠋ ᠮᠢᠨᠢ ᠰᠦ ᠪᠡᠷ ᠳᠡᠪᠢᠰᠴᠦ
ᠬᠢᠬᠦ ᠦᠢᠯᠡ ᠶ᠋ᠢ ᠮᠢᠨᠢ ᠬᠠᠢᠷᠠ ᠪᠠᠷ ᠵᠦᠭᠯᠡᠭᠦᠯᠵᠦ
ᠠᠮᠢ ᠬᠠᠢᠷᠠ ᠬᠣᠶᠠᠷ ᠢ᠋ᠶ᠋ᠠᠨ ᠨᠠᠳᠠ ᠳ᠋ᠤ᠌ ᠥᠭᠴᠦ
ᠠᠢᠳᠠᠰ ᠠᠯᠳᠠᠭᠠ ᠬᠣᠶᠠᠷ ᠢ᠋ ᠮᠢᠨᠢ
ᠵᠥᠭᠡᠯᠡᠯᠡᠵᠦ ᠠᠷᠭᠠᠳᠠᠳᠠᠭ ᠪᠣᠯᠬᠣᠷ
ᠥᠩᠭᠡ ᠮᠥᠩᠭᠥᠨ ᠦ᠌ ᠶᠢᠷᠲᠢᠨᠴᠦ ᠳ᠋ᠦ᠍ ᠵᠥᠪ ᠠᠯᠬᠤᠬᠤ ᠶ᠋ᠢ ᠪᠣᠳᠣᠵᠤ
ᠦᠨᠡᠨ ᠵᠥᠪ ᠬᠣᠶᠠᠷ ᠢ᠋ ᠢᠯᠭᠠᠨ ᠲᠠᠨᠢᠬᠤ ᠶ᠋ᠢ ᠬᠢᠴᠢᠶᠡᠳᠡᠭ
ᠡᠵᠢ ᠶ᠋ᠢᠨ ᠪᠦᠪᠡᠢ ᠶ᠋ᠢᠨ ᠪᠦᠳᠡᠭᠢᠬᠡᠨ ᠴᠠᠭᠠᠨ ᠠᠶᠠᠯᠭᠤ
ᠡᠳᠦᠷ ᠬᠣᠨᠣᠭ ᠢ᠋ᠶ᠋ᠠᠷ ᠠᠯᠤᠰᠷᠠᠨ ᠠᠯᠤᠰᠷᠠᠭᠰᠠᠭᠠᠷ
ᠡᠷᠬᠡ ᠬᠣᠩᠭᠣᠷᠬᠠᠨ ᠰᠡᠳᠬᠢᠯ ᠢ᠋ ᠮᠢᠨᠢ ᠠᠷᠭᠠᠳᠠᠭᠠᠳ
ᠡᠩᠬᠦᠷᠡᠢ ᠪᠠᠭᠠ ᠨᠠᠰᠤᠨ ᠤ᠋ ᠮᠢᠨᠢ ᠰᠦ ᠲᠡᠢ ᠳᠤᠷᠠᠰᠤᠮᠵᠢ ᠪᠣᠯᠤᠯᠠ
ᠡᠵᠢ ᠡᠴᠡ ᠪᠡᠨ ᠰᠤᠷᠤᠭᠰᠠᠨ ᠲᠡᠷᠡ ᠯᠠ ᠬᠥᠭᠡᠷᠦᠬᠦᠨ ᠠᠶᠠᠯᠭᠤ
ᠡᠨᠡᠷᠢᠬᠦ ᠬᠣᠷᠸᠠ ᠶ᠋ᠢ ᠤᠶᠠᠷᠠᠭᠠᠨ ᠵᠥᠭᠡᠯᠡᠷᠡᠭᠦᠯᠵᠦ
ᠡᠷᠭᠢᠭᠡᠳ ᠰᠦ ᠪᠡᠷ ᠮᠢᠨᠢ ᠳᠠᠮᠵᠢᠨ ᠤᠶᠠᠩᠭᠠᠷᠠᠵᠤ
ᠡᠷᠪᠡᠢ ᠪᠠᠯᠴᠢᠷ ᠦᠷᠡ ᠶ᠋ᠢ ᠮᠢᠨᠢ ᠪᠥᠭᠡᠴᠡᠢᠯᠡᠨᠡ
ᠪᠢ
ᠦᠷᠡ ᠮᠢᠨᠢ ᠬᠥᠮᠦᠨ ᠪᠣᠯᠬᠤ ᠠ᠋ᠴᠠ ᠡᠮᠦᠨᠡ
ᠦᠨᠡᠨ ᠦ᠌ ᠮᠥᠷ ᠢ᠋ᠶ᠋ᠡᠷ ᠶᠠᠪᠤᠭᠠᠳ ᠥᠭᠴᠢᠬᠡᠬᠦ ᠡᠴᠡ ᠪᠡᠨ ᠠᠶᠤᠳᠠᠭ
ᠦᠭᠡᠢ ᠶᠡᠷᠦ ᠨᠢ ᠲᠡᠭᠡᠭᠡᠳ ᠡᠪᠡᠳᠬᠦ ᠡᠴᠡ ᠪᠡᠨ ᠪᠠᠰᠠ ᠵᠢᠷᠦᠬᠡᠰᠢᠶᠡᠳᠡᠭ
ᠦᠷᠡ ᠲᠡᠢ ᠪᠣᠯᠤᠭᠰᠠᠨ ᠠ᠋ᠴᠠ ᠬᠣᠢᠰᠢ ᠥᠭᠡᠷᠡ ᠶᠦᠮ ᠪᠢᠯᠡ
ᠪᠢ
ᠬᠠᠯᠠᠭᠤᠨ ᠡᠪᠦᠷ ᠲᠦ᠍ ᠮᠢᠨᠢ ᠥᠶᠥᠭᠰᠢᠵᠦ
ᠬᠠᠶᠠ ᠨᠢᠭᠡ ᠦᠨᠡᠭᠡᠴᠢᠯᠡᠵᠦ ᠵᠡᠭᠦᠳᠦᠯᠡᠬᠦ
ᠬᠠᠢᠷᠠᠲᠠᠢ ᠬᠥᠭᠡᠷᠦᠬᠦᠨ ᠦᠷᠡ ᠶ᠋ᠢᠨ ᠢ᠋ᠶ᠋ᠡᠨ
ᠬᠠᠮᠤᠭ ᠵᠢᠷᠭᠠᠯ ᠲᠠᠢ ᠶᠢᠷᠲᠢᠨᠴᠦ ᠨᠢ ᠠ᠋
ᠪᠢ ᠵᠢᠭᠠᠬᠠᠨ ᠨᠢᠯᠵᠠᠷᠠᠢ ᠦᠷᠡ ᠶ᠋ᠢᠨ ᠢ᠋ᠶ᠋ᠡᠨ
ᠵᠥᠪ ᠬᠥᠮᠦᠨ ᠪᠣᠯᠵᠤ
ᠵᠥᠭᠡᠯᠡᠨ ᠲᠡᠭᠰᠢ ᠠᠯᠬᠤᠬᠤ ᠳ᠋ᠤ᠌ ᠨᠢ
ᠵᠥᠪᠯᠡᠵᠦ ᠰᠤᠷᠭᠠᠬᠤ ᠡᠵᠢ ᠬᠥᠮᠦᠨ
ᠪᠢ ᠦᠷᠡ ᠲᠡᠢ ᠬᠥᠮᠦᠨ
ᠡᠭᠰᠢᠵᠦ ᠪᠣᠯᠤᠮᠠ ᠦᠭᠡᠢ ᠴᠠᠭᠠᠨ ᠰᠦ
ᠡᠨᠡᠭᠰᠢᠵᠦ ᠬᠣᠷᠭᠣᠳᠠᠬᠤ ᠬᠠᠢᠷᠠ ᠶ᠋ᠢᠨ ᠨᠥᠮᠥᠷᠢ
ᠨᠣᠢᠲᠠᠨ ᠰᠡᠪᠡᠯᠭᠡ ᠶ᠋ᠢ ᠨᠢ ᠰᠦ ᠪᠡᠷ ᠮᠢᠯᠢᠶᠠᠵᠤ
ᠨᠣᠢᠷ ᠵᠡᠭᠦᠳᠦ ᠶ᠋ᠢ ᠨᠢ ᠦᠯᠢᠭᠡᠷ ᠢ᠋ᠶ᠋ᠡᠷ ᠮᠠᠨᠠᠵᠤ
ᠤᠬᠢᠯᠠᠬᠤ ᠢᠨᠢᠶᠡᠬᠦ ᠬᠣᠶᠠᠷ ᠢ᠋ ᠨᠢ ᠠᠷᠭᠠᠳᠠᠵᠤ ᠡᠩᠬᠦᠷᠡᠢᠯᠡᠨ ᠲᠡᠪᠡᠷᠢᠬᠦ ᠳ᠋ᠦ᠍
ᠤᠨᠠᠵᠤ ᠪᠣᠰᠬᠤ ᠶ᠋ᠢᠨ ᠠᠯᠢᠨ ᠳ᠋ᠤ᠌ ᠴᠤ᠌ ᠨᠢᠷᠤᠭᠤ ᠲᠠᠢ ᠥᠰᠳᠡᠭ ᠪᠠᠢᠬᠤ ᠳᠠ
ᠵᠢᠷᠭᠠᠯ ᠵᠣᠪᠠᠯᠠᠩ ᠤ᠋ᠨ ᠥᠩᠭᠡ ᠶ᠋ᠢ ᠲᠡᠭᠰᠢᠯᠡᠵᠦ ᠪᠠᠢᠭᠠᠳ ᠬᠠᠢᠷᠠᠯᠠᠬᠤ ᠳ᠋ᠤ᠌
ᠵᠠᠶᠠᠭᠠ ᠨᠢ ᠲᠦᠰᠢᠭᠡᠳ ᠬᠣᠵᠢᠮ ᠵᠥᠪ ᠠᠯᠬᠤᠬᠤ ᠪᠠᠢᠬᠤ ᠳᠠ
ᠪᠢ ᠡᠵᠢ ᠲᠡᠢ ᠬᠥᠮᠦᠨ
ᠪᠢ ᠦᠷᠡ ᠲᠡᠢ ᠬᠥᠮᠦᠨ
ᠡᠷᠭᠢᠬᠦ ᠬᠣᠷᠸᠠ ᠶ᠋ᠢᠨ ᠬᠠᠮᠤᠭ ᠤ᠋ᠨ ᠰᠠᠢᠬᠠᠨ
ᠡᠭᠡᠯᠭᠡᠨ ᠡᠨᠡ ᠬᠠᠢᠷᠠ ᠶ᠋ᠢ
ᠡᠩᠭᠡᠷ ᠲᠦ᠍ ᠪᠡᠨ ᠲᠣᠰᠴᠤ ᠢᠷᠡᠭᠰᠡᠨ ᠪᠤᠶᠠᠨ ᠵᠠᠶᠠᠭᠠ
ᠪᠤᠳᠠᠩ ᠲᠠᠲᠠᠬᠤ ᠪᠠᠷᠠᠭᠠᠨ ᠴᠠᠭ ᠤ᠋ᠨ ᠬᠢᠷᠠ ᠶ᠋ᠢ ᠳᠡᠮᠵᠢᠵᠦ
ᠪᠤᠷᠬᠠᠨ ᠲᠠᠢ ᠶᠠᠷᠢᠯᠴᠠᠭᠰᠠᠨ ᠮᠥᠷᠭᠥᠯᠴᠢᠨ ᠠ᠋
ᠵᠣᠬᠢᠶᠠᠵᠤ ᠤᠩᠰᠢᠭᠰᠠᠨ ᠨᠢ᠄ ᠠᠯᠲᠠᠨᠴᠡᠴᠡᠭ
ᠦᠰᠦᠭ ᠠᠮᠢᠯᠠᠭᠤᠯᠤᠭᠴᠢ᠄ ᠪᠠᠶᠠᠡᠠᠭᠤᠯᠠ
ᠵᠢᠷᠤᠭ ᠳᠦᠷᠰᠦ ᠲᠣᠬᠢᠷᠠᠭᠤᠯᠤᠭᠴᠢ᠄ ᠬᠣᠨᠢᠴᠢᠨ ᠪᠦᠰᠡᠭᠦᠢ
ᠦᠰᠦᠭ ᠬᠠᠲᠠᠭᠴᠢ᠄ ᠡᠩᠬᠡᠮᠡᠡᠳᠦ
ᠬᠢᠨᠠᠭᠴᠢ᠄ ᠥᠨᠢᠮᠥ᠋ᠩᠬᠡ