ᠰᠢᠷᠤᠳ ᠨᠤᠲᠤᠭᠴᠢᠳ ᠤ᠋ᠨ ᠠᠨᠳᠠᠭᠠᠢ -ᠬᠣᠷᠴᠢᠨ Шарууд нутагчдийн андгай-Хорчин
172ᠰᠢᠷᠤᠳ ᠨᠤᠲᠤᠭᠴᠢᠳ ᠤ᠋ᠨ ᠠᠨᠳᠠᠭᠠᠢ
ᠬᠣᠷᠴᠢᠨ
ᠾᠦᠩᠨᠦ ᠰᠢᠶᠦ᠋ᠩᠨᠦ ᠶ᠋ᠢᠨ ᠦᠯᠡᠳᠡᠭᠳᠡᠯ ᠨᠦ᠍ᠭᠦᠳ
ᠬᠢᠶᠠᠨ ᠶᠠᠰᠤᠲᠠᠨ ᠤ᠋ ᠲᠠᠰᠤᠷᠬᠠᠢ ᠨᠤᠭᠤᠳ
ᠬᠠᠪᠤᠯ ᠬᠠᠭᠠᠨ ᠤ᠋ ᠬᠣᠢᠴᠢᠰ ᠤ᠋ᠳ
ᠬᠠᠪᠤᠲᠤ ᠬᠠᠰᠠᠷ ᠤ᠋ᠨ ᠦᠷᠡᠰ ᠦ᠋ᠳ
ᠬᠣᠷᠴᠢᠨ ᠠᠢᠮᠠᠭ ᠤ᠋ᠨ ᠡᠷᠡᠯᠬᠡᠭ ᠡᠷᠡᠰ
ᠬᠤᠷᠠᠨ ᠴᠤᠭᠯᠠᠷᠠᠭᠰᠠᠨ ᠬᠤᠷᠠᠯᠲᠠᠢ ᠪᠢᠯᠡ
ᠠᠮᠪᠠᠭᠠᠢ ᠬᠠᠭᠠᠨ ᠤ᠋ ᠤᠳᠤᠮ ᠤᠭᠰᠠᠭᠠ
ᠠᠭᠤᠤ ᠮᠣᠩᠭᠣᠯ ᠤ᠋ᠨ ᠠᠴᠢᠨᠠᠷ
ᠠᠯᠲᠠᠨ ᠣᠷᠣᠭᠳᠠᠨ ᠤ᠋ ᠨᠢᠭᠡᠨ ᠰᠠᠯᠠᠭᠠ
ᠠᠪᠤᠷᠭᠤ ᠬᠣᠷᠴᠢᠨ ᠤ᠋ ᠨᠢᠭᠡᠨ ᠪᠦᠷᠢᠯᠳᠦᠬᠦᠨ
ᠠᠭᠤᠳᠠᠮ ᠨᠤᠲᠤᠭ ᠤ᠋ᠨ ᠡᠵᠡᠨ ᠨᠣᠶᠠᠨᠲᠠᠨ
ᠤᠤᠭᠠᠯ ᠰᠢᠷᠤᠳ ᠭᠡᠷ ᠦ᠋ᠨ ᠦᠷᠡᠰ
ᠲᠡᠨᠢᠭᠡᠷ ᠰᠠᠢᠬᠠᠨ ᠬᠣᠷᠴᠢᠨ ᠨᠤᠲᠤᠭ ᠤ᠋ᠨ ᠡᠵᠡᠳ
ᠲᠡᠭᠷᠢᠯᠢᠭ ᠦᠵᠡᠯᠲᠡᠨ ᠰᠢᠷᠤᠳ ᠲᠠᠢᠵᠢ ᠨᠤᠭᠤᠳ
ᠲᠡᠷᠲᠡᠭᠡ ᠵᠠᠭᠤᠨ ᠢ᠋ ᠡᠯᠡᠭᠡᠭᠰᠡᠨ ᠬᠣᠷᠴᠢᠨ ᠨᠤᠭᠤᠳ
ᠲᠠᠬᠢᠮᠳᠠᠭᠤ ᠣᠷᠣᠨ ᠳ᠋ᠠᠭᠠᠨ ᠨᠤᠲᠤᠭᠰᠢᠭᠰᠠᠳ
ᠲᠠᠩᠰᠤᠭ ᠲᠡᠦᠬᠡ ᠪᠡᠨ ᠥᠪᠯᠡᠨ ᠤᠯᠠᠮᠵᠢᠯᠠᠭᠰᠠᠳ
ᠲᠠᠷᠠᠬᠠᠢ ᠪᠤᠲᠠᠷᠬᠠᠢ ᠪᠠᠨ ᠡᠪᠯᠡᠨ ᠪᠦᠯᠬᠦᠮᠳᠡᠭᠦᠯᠦᠭᠴᠢᠳ
ᠠᠪᠤ ᠳᠡᠭᠡᠳᠦ ᠶ᠋ᠢᠨ ᠦᠯᠡᠳᠡᠭᠡᠵᠦ ᠥᠭᠭᠦᠭᠰᠡᠨ
ᠠᠰᠤᠷᠤ ᠰᠠᠢᠬᠠᠨ ᠪᠦᠸᠧ ᠸᠠᠩ ᠤ᠋ᠨ ᠬᠤᠰᠢᠭᠤᠨ ᠳ᠋ᠤ᠌
ᠠᠬᠠ ᠳᠡᠭᠦᠦ ᠶ᠋ᠢᠨ ᠵᠢᠷᠤᠮ ᠢ᠋ ᠪᠠᠲᠤᠳᠬᠠᠵᠤ
ᠠᠩᠬᠠᠨ ᠤ᠋ ᠠᠭᠤᠯᠵᠠᠯᠲᠠ ᠪᠠᠨ ᠪᠠᠲᠤ ᠪᠡᠯᠡᠳᠬᠡᠨ
ᠠᠨᠳᠠᠭᠠᠢ ᠳᠦᠷᠢᠮ ᠢ᠋ᠶ᠋ᠡᠷ ᠪᠡᠬᠢ ᠲᠠᠨᠢᠯᠴᠠᠨ
ᠠᠮᠤᠭᠤᠯᠠᠩ ᠨᠠᠢᠷᠯᠠᠬᠤ ᠶ᠋ᠢᠨ ᠵᠥᠩᠨᠡᠯ ᠢ᠋ ᠰᠢᠲᠦᠶᠦ
ᠮᠢᠩᠭᠠᠨ ᠮᠢᠩᠭᠠᠨ ᠤ᠋ ᠠᠯᠤᠰ ᠤ᠋ᠨ ᠬᠦᠰᠡᠯ ᠳ᠋ᠦ᠍
ᠮᠢᠨᠲᠠᠷᠰᠢ ᠦᠭᠡᠢ ᠵᠣᠷᠢᠭ ᠢ᠋ᠶ᠋ᠠᠨ ᠬᠥᠪᠴᠢᠯᠡᠵᠦ
ᠮᠣᠬᠣᠰᠢ ᠦᠭᠡᠢ ᠵᠣᠷᠢᠯᠲᠠ ᠶ᠋ᠢᠨ ᠮᠥᠷ ᠲᠦ᠍
ᠮᠥᠬᠥᠰᠢ ᠦᠭᠡᠢ ᠡᠭᠦᠷᠭᠡ ᠪᠡᠨ ᠪᠡᠶᠡᠯᠡᠭᠦᠯᠵᠦ
ᠮᠥᠩᠬᠡ ᠬᠥᠮᠦᠨ ᠦ᠌ ᠪᠣᠳᠣᠯ ᠢ᠋ᠶ᠋ᠠᠨ ᠴᠢᠩᠭᠠᠯᠠᠶᠤ
ᠵᠠᠭᠤᠨ ᠵᠠᠭᠤᠨ ᠤ᠋ ᠦᠨᠡᠨ ᠶᠣᠰᠣᠨ ᠳ᠋ᠤ᠌
ᠵᠢᠷᠠᠨ ᠵᠢᠷᠠᠨ ᠤ᠋ ᠵᠢᠷᠤᠬᠠᠢ ᠶ᠋ᠢᠨ ᠤᠬᠠᠭᠠᠨ ᠢ᠋ ᠪᠢᠰᠢᠯᠭᠠᠵᠤ
ᠵᠢᠪᠬᠤᠭᠠ ᠲᠡᠭᠦᠯᠳᠡᠷ ᠦᠢᠯᠡᠰ ᠢ᠋ᠶ᠋ᠡᠨ ᠪᠠᠳᠠᠷᠠᠭᠤᠯᠬᠤ ᠳ᠋ᠤ᠌
ᠵᠢᠩᠰᠡ ᠵᠠᠯᠠᠭᠠ ᠤᠯᠠᠯᠵᠠᠭᠤᠯᠤᠨ ᠶᠠᠪᠤᠵᠤ
ᠵᠢᠳᠬᠦᠯ ᠪᠦᠲᠦᠭᠡᠬᠦ ᠴᠢᠳᠠᠯ ᠳ᠋ᠠᠭᠠᠨ ᠲᠦᠰᠢᠭᠯᠡᠶᠦ
ᠥᠩᠭᠡᠲᠦ ᠶᠢᠷᠲᠢᠨᠴᠦ ᠶ᠋ᠢᠨ ᠬᠣᠭᠣᠰᠣᠨ ᠢ᠋ ᠲᠡᠪᠴᠢᠵᠦ
ᠦᠨᠡᠨ ᠶᠣᠰᠣᠨ ᠢ᠋ ᠡᠷᠡᠰ ᠪᠠᠷᠢᠮᠲᠠᠯᠠᠵᠤ
ᠥᠨᠳᠥᠷ ᠡᠪᠦᠭᠡ ᠶ᠋ᠢᠨ ᠰᠤᠷᠭᠠᠯ ᠳ᠋ᠤ᠌ ᠭᠡᠭᠡᠷᠡᠵᠦ
ᠦᠨᠳᠦᠰᠦᠲᠡᠨ ᠪᠦᠬᠦᠨ ᠲᠡᠢ ᠨᠢᠭᠲᠠᠷᠠᠨ ᠪᠦᠯᠬᠦᠮᠳᠡᠵᠦ
ᠤᠮᠠᠷᠠᠲᠤ ᠬᠢᠯᠢ ᠶ᠋ᠢᠨ ᠬᠠᠮᠲᠤ ᠶ᠋ᠢᠨ ᠴᠣᠭᠴᠠ ᠶ᠋ᠢ ᠪᠠᠷᠢᠮᠲᠠᠯᠠᠵᠤ
ᠤᠯᠠᠮ ᠡᠷᠴᠢᠲᠡᠢ ᠤᠷᠤᠭᠰᠢᠯᠠᠨ ᠲᠡᠮᠡᠴᠡᠶᠦ
ᠡᠬᠡ ᠣᠷᠣᠨ ᠤ᠋ ᠪᠦᠲᠦᠭᠡᠨ ᠪᠠᠢᠭᠤᠯᠤᠯᠲᠠ ᠳ᠋ᠤ᠌
ᠡᠶᠡ ᠡᠪ ᠢ᠋ ᠲᠡᠷᠢᠭᠦᠨ ᠪᠣᠯᠭᠠᠵᠤ
ᠡᠩᠬᠡ ᠮᠡᠨᠳᠦ ᠡᠰᠡᠨᠢᠨ ᠬᠥᠭᠵᠢᠵᠦ
ᠡᠯᠢᠭᠡ ᠪᠦᠲᠦᠨ ᠢ᠋ ᠨᠢᠭᠲᠠ ᠪᠠᠷᠢᠮᠲᠠᠯᠠᠵᠤ
ᠡᠷᠢᠨ ᠴᠠᠭ ᠲᠤ᠌ ᠨᠠᠢᠷᠰᠠᠭ ᠵᠣᠬᠢᠴᠠᠵᠤ
ᠡᠷᠬᠢᠮ ᠬᠦᠰᠡᠯ ᠢ᠋ᠶ᠋ᠡᠨ ᠯᠠᠪᠳᠠᠭᠤᠨ ᠪᠡᠶᠡᠯᠡᠭᠦᠯᠦᠶᠦ
ᠠᠯᠤᠰ ᠣᠢᠷᠠ ᠶ᠋ᠢᠨ ᠲᠠᠨᠢᠯ ᠪᠤᠰᠤ
ᠤᠭᠰᠠᠭᠠ ᠭᠠᠷᠤᠯ ᠤ᠋ᠨ ᠨᠢᠭᠡ ᠳ᠋ᠦ᠍ ᠨᠡᠢᠴᠡᠵᠦ
ᠠᠩᠬᠠᠨ ᠤ᠋ ᠠᠭᠤᠯᠵᠠᠯᠲᠠ ᠪᠠᠷ ᠪᠠᠭᠤᠴᠠ ᠪᠣᠯᠭᠠᠵᠤ
ᠠᠬᠢᠭᠠᠳ ᠤᠴᠠᠷᠠᠬᠤ ᠶ᠋ᠢᠨ ᠰᠠᠭᠤᠷᠢ ᠪᠣᠯᠭᠠᠵᠤ
ᠠᠷᠢᠭᠤᠨ ᠴᠠᠳᠢᠭ ᠢ᠋ᠶ᠋ᠠᠨ ᠪᠦᠷᠢᠨ ᠣᠢᠯᠠᠭᠠᠵᠤ ᠠᠭᠤᠳᠠᠮ
ᠨᠤᠲᠤᠭ—《 ᠰᠢᠷᠤᠳ》 ᠢ᠋ᠶ᠋ᠠᠨ ᠬᠠᠮᠠᠭᠠᠯᠠᠶᠤ
ᠬᠣᠪᠳᠣᠭᠯᠠᠨ ᠢᠷᠡᠬᠦ ᠬᠠᠷᠢ ᠶ᠋ᠢᠨ ᠳᠠᠢᠰᠤᠨ ᠳ᠋ᠤ᠌
《ᠬᠣᠪᠬᠠᠢᠯᠠᠨ》 ᠬᠤᠪᠠᠭᠯᠠᠨ ᠶᠠᠪᠤᠭᠤᠯᠬᠤ ᠶ᠋ᠢ ᠮᠡᠷᠭᠡᠨ ᠰᠠᠨᠠᠭᠠᠴᠢᠯᠠᠵᠤ
ᠬᠣᠷᠴᠢᠨ ᠨᠤᠲᠤᠭ ᠢ᠋ᠶ᠋ᠠᠨ ᠪᠠᠲᠤ ᠰᠠᠬᠢᠵᠤ
ᠬᠣᠯᠠ ᠣᠢᠷᠠ ᠶ᠋ᠢᠨ ᠥᠯᠥᠨ ᠰᠢᠨᠤᠯ ᠳ᠋ᠤ᠌
ᠬᠤᠷᠴᠠ ᠰᠢᠷᠦᠭᠦᠨ ᠴᠣᠬᠢᠯᠲᠠ ᠥᠭᠴᠦ
ᠬᠠᠢᠷᠠᠲᠤ ᠡᠬᠡ ᠣᠷᠣᠨ ᠢ᠋ᠶ᠋ᠠᠨ ᠰᠠᠬᠢᠶᠤ᠂
ᠰᠠᠬᠢᠶᠤ᠂ ᠰᠠᠬᠢᠶᠤ
ᠬᠠᠢᠷᠠᠲᠤ ᠡᠬᠡ ᠣᠷᠣᠨ ᠢ᠋ᠶ᠋ᠠᠨ ᠰᠠᠬᠢᠶᠤ᠂
ᠰᠠᠬᠢᠶᠤ᠂ ᠰᠠᠬᠢᠶᠤ!
ᠬᠠᠮᠤᠭ ᠣᠯᠠᠨ ᠲᠠᠢ ᠪᠠᠨ ᠪᠦᠯᠬᠦᠮᠳᠡᠶᠦ᠂
ᠪᠦᠯᠬᠦᠮᠳᠡᠶᠦ᠂ ᠪᠦᠯᠬᠦᠮᠳᠡᠶᠦ!
ᠬᠠᠢᠷᠠᠲᠤ ᠡᠬᠡ ᠣᠷᠣᠨ ᠢ᠋ᠶ᠋ᠠᠨ ᠬᠠᠮᠠᠭᠠᠯᠠᠶᠤ᠂
ᠬᠠᠮᠠᠭᠠᠯᠠᠶᠤ᠂ ᠬᠠᠮᠠᠭᠠᠯᠠᠶᠤ!
ᠬᠠᠮᠲᠤ ᠶ᠋ᠢᠨ ᠴᠣᠭᠴᠠ ᠪᠣᠯᠤᠶᠤ᠂ ᠪᠣᠯᠤᠶᠤ᠂ ᠪᠣᠯᠤᠶᠤ!
ᠬᠠᠢᠷᠠᠲᠤ ᠡᠬᠡ ᠣᠷᠣᠨ ᠢ᠋ᠶ᠋ᠠᠨ ᠬᠥᠭᠵᠢᠭᠦᠯᠦᠨ
ᠮᠠᠨᠳᠤᠭᠤᠯᠤᠶᠤ᠂ ᠮᠠᠨᠳᠤᠭᠤᠯᠤᠶᠤ᠂ ᠮᠠᠨᠳᠤᠭᠤᠯᠤᠶᠤ!
ᠬᠣᠰᠢᠭᠤ ᠨᠤᠲᠤᠭ ᠢ᠋ᠶ᠋ᠠᠨ ᠪᠦᠲᠦᠭᠡᠨ
ᠪᠠᠢᠭᠤᠯᠤᠶᠤ᠂ ᠪᠠᠢᠭᠤᠯᠤᠶᠤ᠂ ᠪᠠᠢᠭᠤᠯᠤᠶᠤ!
ᠪᠣᠳᠣᠯᠭᠠᠲᠤ ᠴᠢᠨ ᠸᠠᠩ ᠤ᠋ᠨ ᠨᠤᠲᠤᠭ ᠸᠠᠩ ᠤ᠋ᠨ ᠬᠤᠷᠢᠶᠠᠨᠠ
ᠬᠥᠬᠡᠭᠴᠢᠨ ᠮᠣᠭᠠᠢ ᠵᠢᠯ ᠦ᠋ᠨ ᠵᠤᠨ ᠤ᠋ ᠲᠤᠢᠯ ᠡᠳᠦᠷᠡ
ᠦᠰᠦᠭ ᠠᠮᠢᠯᠠᠭᠤᠯᠤᠭᠴᠢ᠄ ᠲᠣᠳᠣᠭᠡᠷᠡᠯ
ᠬᠢᠨᠠᠭᠴᠢ ᠪᠠᠭᠰᠢ᠄ ᠠᠷᠢᠭᠤᠨ᠂ ᠵᠢᠩᠯᠢᠨ᠌ᠬᠤᠸᠠᠷ᠂ ᠣᠳᠬᠠᠨ᠌ᠰᠣᠡ᠃