ᠮᠢᠨᠦ ᠲᠩᠷᠢᠯᠢᠭ ᠮᠣᠩᠭᠣᠯ - ᠭᠦᠩᠭᠠᠷ Миний тэнгэрлэг монгол – Гүнгар
1242ᠮᠢᠨᠦ ᠲᠩᠷᠢᠯᠢᠭ ᠮᠣᠩᠭᠣᠯ
— ᠭᠦᠩᠭᠠᠷ
ᠳᠡᠭᠡᠭᠰᠢ ᠪᠡᠨ ᠡᠷᠭᠦᠭᠰᠡᠨ ᠭᠤᠷᠪᠠᠨ ᠰᠦᠯᠳᠡ ᠲᠡᠢ ᠬᠦᠴᠦᠲᠦ ᠮᠣᠩᠭᠣᠯ
ᠳᠡᠭᠡᠳᠦ ᠰᠢᠲᠦᠭᠡᠨ ᠡᠴᠡ ᠴᠢᠩᠭᠢᠰ ᠤᠳᠤᠮ ᠲᠠᠢ ᠲᠩᠷᠢᠯᠢᠭ ᠮᠣᠩᠭᠣᠯ
ᠳᠡᠯᠭᠡᠷ ᠬᠣᠷᠸᠠ ᠳ᠋ᠤ᠌ ᠮᠣᠷᠢᠲᠠᠨ ᠵᠠᠶᠠᠭᠠ ᠲᠠᠢ ᠬᠡᠢᠮᠣᠷᠢᠯᠢᠭ ᠮᠣᠩᠭᠣᠯ
ᠲᠡᠭᠰᠢᠬᠡᠨ ᠵᠢᠷᠭᠠᠬᠤ ᠨᠠᠷᠠᠯᠠᠭ ᠢᠪᠡᠭᠡᠯ ᠲᠡᠢ ᠲᠠᠢᠪᠤᠩᠬᠠᠨ ᠮᠣᠩᠭᠣᠯ ᠠ᠋!
ᠥᠨᠢᠳᠡ ᠶ᠋ᠢᠨ ᠭᠠᠵᠠᠷ ᠠ᠋ᠴᠠ ᠡᠯᠪᠡᠷᠢᠯ ᠡᠬᠡ ᠲᠡᠢ ᠤᠶᠠᠬᠠᠨ ᠮᠣᠩᠭᠣᠯ
ᠥᠭᠡᠳᠡ ᠪᠡᠨ ᠮᠠᠨᠳᠤᠭᠰᠠᠨ ᠬᠡᠢᠮᠣᠷᠢ ᠯᠤᠩᠳᠠ ᠲᠠᠢ ᠰᠦᠷᠯᠢᠭ ᠮᠣᠩᠭᠣᠯ
ᠦᠯᠢᠭᠡᠷ ᠳᠠᠭᠤᠤ ᠶ᠋ᠢᠨ ᠤᠤᠭᠠᠯ ᠡᠬᠡᠰᠢᠭ ᠲᠡᠢ ᠥᠷᠯᠥᠭ ᠮᠣᠩᠭᠣᠯ
ᠥᠯᠥᠭᠡᠢ ᠨᠤᠲᠤᠭ ᠲᠤ ᠪᠠᠨ ᠬᠠᠢᠷᠠ ᠶᠡᠬᠡ ᠲᠡᠢ ᠥᠮᠴᠢᠷᠬᠡᠨ ᠮᠣᠩᠭᠣᠯ ᠠ᠋!
ᠶᠢᠷᠲᠢᠨᠴᠦ ᠶ᠋ᠢᠨ ᠡᠯᠢᠭᠡᠨ ᠦ᠌ ᠪᠣᠰᠤᠭᠠ ᠪᠢᠴᠢᠭ ᠲᠡᠢ ᠰᠣᠶᠣᠯᠵᠢᠭᠰᠠᠨ ᠮᠣᠩᠭᠣᠯ
ᠡᠷᠬᠡᠰ ᠲᠩᠷᠢ ᠡᠴᠡ ᠵᠠᠶᠠᠭᠠ ᠨᠢᠭᠡᠲᠡᠢ ᠪᠤᠶᠠᠨᠲᠤ ᠮᠣᠩᠭᠣᠯ
ᠡᠵᠡᠨ ᠪᠣᠭᠳᠠ ᠶ᠋ᠢᠨ ᠵᠣᠷᠢᠭ ᠡᠷᠴᠢᠯᠡᠭᠰᠡᠨ ᠪᠠᠭᠠᠲᠤᠷᠯᠢᠭ ᠮᠣᠩᠭᠣᠯ
ᠢᠯᠠᠭᠤᠭᠰᠠᠨ ᠲᠡᠦᠬᠡ ᠡᠴᠡ ᠣᠴᠢ ᠪᠠᠳᠠᠷᠠᠭᠠᠭᠰᠨ ᠭᠠᠪᠢᠶᠠᠲᠤ ᠮᠣᠩᠭᠣᠯ ᠠ᠋!
ᠬᠠᠳᠠᠭ ᠳᠡᠭᠡᠷᠡ ᠪᠡᠨ ᠢᠷᠦᠭᠡᠯ ᠢ᠋ᠶ᠋ᠡᠨ ᠰᠢᠩᠭᠡᠭᠡᠭᠰᠡᠨ ᠤᠷᠠᠯᠢᠭᠴᠢᠨ ᠮᠣᠩᠭᠣᠯ
ᠬᠠᠳᠠᠨ ᠳᠡᠭᠡᠷᠡ ᠪᠡᠨ ᠦᠰᠦᠭ ᠢ᠋ᠶ᠋ᠡᠨ ᠰᠡᠢᠯᠦᠭᠰᠡᠨ ᠪᠣᠰᠤᠭᠠ ᠮᠣᠩᠭᠣᠯ
ᠠᠯᠠᠭᠠᠨ ᠳᠡᠭᠡᠷᠡ ᠪᠡᠨ ᠬᠠᠳᠠᠭ ᠢ᠋ᠶ᠋ᠠᠨ ᠨᠠᠮᠢᠷᠠᠭᠤᠯᠤᠭᠰᠠᠨ ᠤᠶᠠᠬᠠᠨ ᠮᠣᠩᠭᠣᠯ
ᠠᠮᠠᠨ ᠳᠡᠭᠡᠷᠡ ᠪᠡᠨ ᠢᠷᠦᠭᠡᠯ ᠢ᠋ᠶ᠋ᠡᠨ ᠳᠡᠭᠡᠳᠦᠯᠡᠭᠰᠡᠨ ᠵᠥᠩᠨᠡᠯᠲᠦ ᠮᠣᠩᠭᠣᠯ ᠠ᠋!
ᠣᠩᠭᠣᠨ ᠪᠠᠢᠭᠠᠯᠢ ᠲᠠᠢ ᠪᠠᠨ ᠵᠣᠬᠢᠴᠠᠨ ᠠᠮᠢᠳᠤᠷᠠᠭᠰᠠᠨ ᠡᠶᠡᠯᠰᠡᠭ ᠮᠣᠩᠭᠣᠯ
ᠣᠭᠲᠠᠷᠭᠤᠢ ᠶ᠋ᠢᠨ ᠣᠳᠣᠳ ᠢ᠋ᠶ᠋ᠠᠷ ᠮᠠᠯ ᠢ᠋ᠶ᠋ᠠᠨ ᠵᠦᠢᠷᠯᠡᠭᠰᠡᠨ ᠪᠠᠶᠠᠨ ᠮᠣᠩᠭᠣᠯ
ᠲᠠᠪᠤᠨ ᠡᠷᠳᠡᠨᠢ ᠶ᠋ᠢᠨ ᠪᠤᠶᠠᠨ ᠬᠤᠷᠠᠭᠰᠠᠨ ᠲᠠᠩᠰᠤᠭ ᠮᠣᠩᠭᠣᠯ
ᠲᠠᠷᠠᠭ ᠠᠢᠷᠠᠭ ᠤ᠋ᠨ ᠰᠢᠮᠡ ᠪᠢᠯᠬᠠᠷᠠᠭᠰᠠᠨ ᠵᠢᠷᠭᠠᠯᠲᠤ ᠮᠣᠩᠭᠣᠯ ᠠ᠋!
ᠲᠣᠭᠣᠨᠣᠲᠤ ᠪᠠᠭᠤᠷᠢ ᠪᠠᠷ ᠨᠤᠲᠤᠭ ᠢ᠋ᠶ᠋ᠠᠨ ᠲᠠᠮᠠᠭᠠᠯᠠᠭᠰᠠᠨ ᠨᠡᠭᠦᠳᠡᠯᠴᠢᠨ ᠮᠣᠩᠭᠣᠯ
ᠲᠣᠭᠣᠭᠠ ᠲᠠᠢ ᠰᠦ ᠪᠡᠷ ᠰᠡᠳᠬᠢᠯ ᠢ᠋ᠶ᠋ᠡᠨ ᠰᠦᠯᠡᠭᠰᠡᠨ ᠴᠠᠢᠯᠭᠠᠨ ᠮᠣᠩᠭᠣᠯ
ᠲᠤᠯᠭᠠᠲᠤ ᠭᠠᠯ ᠢ᠋ᠶ᠋ᠠᠷ ᠭᠣᠯᠣᠮᠲᠠ ᠪᠠᠨ ᠪᠠᠳᠠᠷᠠᠭᠠᠭᠰᠨ ᠥᠭᠡᠳᠡᠷᠬᠡᠭ ᠮᠣᠩᠭᠣᠯ
ᠲᠤᠭᠤᠷᠠᠢᠲᠤ ᠬᠦᠯᠦᠭ ᠢ᠋ᠶ᠋ᠡᠷ ᠳᠡᠯᠡᠬᠡᠢ ᠶ᠋ᠢ ᠳᠣᠩᠰᠣᠯᠭᠠᠭᠰᠠᠨ ᠠᠯᠳᠠᠷᠲᠤ ᠮᠣᠩᠭᠣᠯ ᠠ᠋!
ᠡᠷᠭᠢᠬᠦ ᠮᠠᠷᠭᠠᠰᠢ ᠳ᠋ᠤ᠌ ᠲᠡᠦᠬᠡ ᠪᠡᠨ ᠬᠠᠨᠳᠢᠪᠯᠠᠭᠰᠠᠨ ᠠᠭᠤᠤ ᠮᠣᠩᠭᠣᠯ
ᠡᠬᠡ ᠬᠡᠯᠡ ᠪᠡᠷ ᠢ᠋ᠶ᠋ᠡᠨ ᠦᠨᠳᠦᠰᠦᠲᠡᠨ ᠢ᠋ᠶ᠋ᠡᠨ ᠮᠠᠨᠳᠤᠭᠤᠯᠤᠭᠰᠠᠨ ᠴᠡᠴᠡᠨ ᠮᠣᠩᠭᠣᠯ
ᠡᠵᠡᠨ ᠬᠠᠩᠭᠠᠢ ᠳ᠋ᠤ᠌ ᠬᠠᠷᠠᠭᠠ ᠪᠠᠨ ᠳᠡᠯᠡᠭᠰᠡᠨ ᠨᠠᠯᠠᠭᠠᠷ ᠮᠣᠩᠭᠣᠯ
ᠡᠰᠡᠨᠢᠬᠦ ᠬᠣᠷᠸᠠ ᠳ᠋ᠤ᠌ ᠪᠤᠶᠠᠨ ᠢ᠋ᠶ᠋ᠠᠨ ᠡᠳ᠋ᠯᠡᠭᠰᠡᠨ ᠳᠡᠯᠡᠬᠡᠢ ᠮᠣᠩᠭᠣᠯ ᠠ᠋!
ᠦᠰᠦᠭ ᠠᠮᠢᠯᠠᠭᠤᠯᠤᠭᠴᠢ᠄ ᠭᠦᠩᠭᠠᠷ
ᠬᠢᠨᠠᠭᠴᠢ᠄ ᠠᠯᠲᠠᠨᠴᠢᠮᠡᠭ