ᠬᠦᠦᠳᠠᠭᠤᠯᠠ -ᠬᠠᠢ ᠬᠤᠸᠠХүүдагула-Хай хуа
262ᠬᠦᠦᠳᠠᠭᠤᠯᠠ
ᠬᠣᠷᠴᠢᠨ ᠠᠷᠠᠳ ᠤ᠋ᠨ ᠳᠠᠭᠤᠤ
ᠠᠷᠠᠳ ᠤ᠋ᠨ ᠳᠠᠭᠤᠴᠢᠨ᠄ ᠬᠠᠢ ᠬᠤᠸᠠ
ᠠᠩᠬᠠᠨ ᠤ᠋ ᠴᠠᠭ ᠲᠤ᠌᠄ ᠬᠦᠦᠳᠠᠭᠤᠯᠠ ᠭᠡᠵᠦ ᠨᠢᠭᠡ ᠰᠠᠢᠬᠠᠨ ᠴᠤ᠌ ᠲᠥᠷᠥᠭᠰᠡᠨ ᠬᠡᠦᠬᠡᠨ ᠪᠠᠢᠵᠤ ᠪᠠᠢᠭᠰᠠᠨ ᠭᠡᠨᠡ ᠃ ᠳᠠᠷᠬᠠᠨ ᠬᠤᠰᠢᠭᠤᠨ ᠤ᠋ ᠨᠠᠮᠵᠢᠯ ᠭᠡᠳᠡᠭ ᠵᠠᠯᠠᠭᠤ ᠲᠠᠢ ᠢᠨᠠᠭ ᠬᠠᠢᠷᠠ ᠲᠠᠢ ᠪᠣᠯᠵᠠᠢ᠃ ᠲᠡᠭᠡᠯᠡ ᠭᠡᠳ ᠶᠠᠭᠠᠬᠢᠨᠠ ᠳᠠ᠂ ᠬᠠᠷᠠᠩᠭᠤᠢ ᠨᠡᠢᠭᠡᠮ ᠦ᠋ᠨ ᠬᠡᠷᠴᠡᠭᠡᠢ ᠶᠣᠰᠣᠨ ᠠ᠋ᠴᠠ ᠪᠣᠯᠤᠭᠠᠳ᠂ᠬᠦᠦᠳᠠᠭᠤᠯᠠ ᠪᠣᠯᠤᠨ ᠨᠠᠮᠵᠢᠯ ᠬᠣᠶᠠᠷ ᠰᠠᠢᠨ ᠳᠤᠷᠠ ᠶ᠋ᠢᠨ ᠤᠷᠤᠭ ᠬᠣᠯᠪᠣᠵᠤ ᠴᠢᠳᠠᠭᠰᠠᠨ ᠦᠭᠡᠢ᠂
ᠴᠢᠩᠭᠢᠭᠡᠳ ᠶᠠᠭᠠᠬᠢᠭᠰᠠᠨ ᠪᠣᠢ? ᠲᠣᠭᠣᠰ ᠤ᠋ᠨ ᠰᠦᠮᠡ ᠶ᠋ᠢᠨ ᠵᠡᠭᠦᠨ ᠲᠠᠯᠠ ᠳ᠋ᠤ᠌ ᠸᠠᠨ ᠳ᠋ᠠᠨ ᠭᠡᠳᠡᠭ ᠨᠢᠭᠡ ᠰᠣᠬᠣᠷ ᠪᠠᠢᠵᠠᠢ᠂ ᠮᠥᠮᠥ ᠠᠪᠤ ᠨᠢ ᠡᠵᠡᠨ ᠮᠡᠳᠡᠵᠦ ᠲᠣᠯᠣᠭᠠᠢ ᠳᠠᠷᠤᠵᠤ ᠪᠠᠢᠭᠠᠳ ᠲᠡᠷᠡ ᠰᠣᠬᠣᠷ ᠲᠠᠢ ᠬᠤᠷᠢᠮᠯᠠᠭᠤᠯᠴᠢᠬᠠᠭᠰᠠᠨ ᠶᠤᠮ ᠰᠢᠦ ᠥᠬᠢᠨ ᠢ᠋ᠶ᠋ᠡᠨ᠁ ᠴᠢᠩᠭᠢᠭᠡᠳ ᠤᠬᠠᠭᠠᠨ ᠰᠠᠨᠠᠭᠠ ᠰᠠᠢᠲᠠᠢ ᠬᠦᠦᠳᠠᠭᠤᠯᠠ ᠬᠡᠦᠬᠡᠨ ᠪᠣᠯᠪᠠᠯ ᠤᠷᠠᠯᠢᠭ ᠲᠥᠷᠥᠭᠰᠡᠨ ᠰᠡᠳᠬᠢᠯ ᠦ᠋ᠨ ᠬᠥᠮᠦᠨ ᠨᠠᠮᠵᠢᠯ ᠬᠡ ᠬᠡ ᠲᠡᠢ ᠪᠡᠨ ᠰᠠᠯᠬᠤ ᠶ᠋ᠢᠨ ᠦᠶᠡ ᠳ᠋ᠦ᠍ ᠪᠡᠨ ᠢᠩᠭᠢᠵᠦ ᠬᠡᠯᠡᠨᠡ᠁
ᠲᠥᠷᠥᠭᠡᠳ ᠲᠡᠭᠡᠭᠰᠡᠨ ᠭᠠᠵᠠᠷ ᠴᠢᠨᠢ ᠬᠦ᠂ ᠬᠦᠦᠳᠠᠭᠤᠯᠠ ᠬᠦ
ᠲᠦᠩ ᠬᠠᠷᠠ ᠮᠣᠳᠣ ᠲᠠᠢ ᠬᠠᠭᠠᠯᠭᠠᠲᠤ ᠶ᠋ᠢᠨ ᠠᠢᠯ ᠠ᠋ ᠬᠦ
ᠲᠣᠭᠯᠠᠭᠠᠳ ᠨᠠᠭᠠᠳᠤᠭᠠᠳ ᠲᠡᠭᠡᠭᠰᠡᠨ ᠭᠠᠵᠠᠷ ᠨᠢ ᠠ ᠬᠦ᠂ ᠬᠦᠦᠳᠠᠭᠤᠯᠠ ᠬᠦ
ᠲᠣᠭᠣᠰ ᠤ᠋ᠨ ᠰᠦᠮᠡ ᠶ᠋ᠢᠨ ᠠᠷᠤ ᠳᠡᠭᠡᠷᠡ ᠴᠠᠭᠠᠨ ᠮᠠᠩᠬᠠ ᠶ᠋ᠢᠨ ᠠᠢᠯ ᠠ᠋ ᠬᠦ
ᠳᠣᠲᠣᠷᠠ ᠠ᠋ᠴᠠ ᠪᠠᠨ ᠰᠠᠨᠠᠭᠠᠳ ᠲᠡᠭᠡᠭᠰᠡᠨ ᠬᠥᠮᠦᠨ ᠢ᠋ ᠨᠢ ᠬᠡᠯᠡᠪᠡᠯ ᠠ᠋ ᠬᠦ᠂ ᠬᠦᠦᠳᠠᠭᠤᠯᠠ ᠬᠦ
ᠳᠠᠷᠬᠠᠨ ᠬᠤᠰᠢᠭᠤᠨ ᠤ᠋ ᠨᠠᠮᠵᠢᠯ ᠭᠡᠭᠡ ᠬᠦ
ᠳᠠᠷᠤᠯᠠᠭᠠᠳ ᠬᠣᠯᠪᠣᠭᠠᠳ ᠲᠡᠭᠡᠭᠰᠡᠨ ᠬᠥᠮᠦᠨ ᠢ᠋ ᠨᠢ ᠬᠡᠯᠡᠪᠡᠯ ᠠ᠋ ᠬᠦ᠂ ᠬᠦᠦᠳᠠᠭᠤᠯᠠ ᠬᠦ
ᠲᠡᠨᠡᠭ ᠠᠳᠤᠭᠤᠰᠤ ᠠᠳᠠᠯᠢ ᠸᠠᠨ ᠳ᠋ᠠᠨ ᠰᠣᠬᠣᠷ ᠠ᠋ ᠬᠦ
ᠤᠤᠭᠤᠭᠠᠳ ᠲᠡᠭᠡᠭᠰᠡᠨ ᠤᠰᠤ ᠶ᠋ᠢ ᠨᠢ ᠬᠡᠯᠡᠪᠡᠯ ᠠ᠋ ᠬᠦ᠂ ᠬᠦᠦᠳᠠᠭᠤᠯᠠ ᠬᠦ
ᠤᠷᠳᠤᠭᠤᠷ ᠢ᠋ᠶ᠋ᠠᠨ ᠤᠷᠤᠰᠴᠤ ᠪᠠᠢᠭᠠ ᠬᠠᠭ ᠤ᠋ᠨ ᠭᠣᠣᠯ ᠠ᠋ ᠬᠦ
ᠤᠴᠠᠷᠠᠭᠠᠳ ᠵᠠᠶᠠᠭᠠᠭᠰᠠᠨ ᠭᠠᠵᠠᠷ ᠨᠢ ᠬᠦ᠂ ᠬᠦᠦᠳᠠᠭᠤᠯᠠ ᠬᠦ
ᠣᠲᠠᠴᠢ ᠶ᠋ᠢᠨ ᠰᠦᠮᠡ ᠶ᠋ᠢᠨ ᠪᠠᠷᠠᠭᠤᠨ ᠳᠡᠭᠡᠷᠡᠬᠢ ᠴᠠᠭᠠᠨ ᠮᠠᠩᠬᠠ ᠶ᠋ᠢᠨ ᠠᠢᠯ ᠠ᠋ ᠬᠦ
ᠳᠠᠰᠤᠯᠴᠠᠭᠠᠳ ᠰᠠᠨᠠᠭᠰᠠᠨ ᠬᠥᠮᠦᠨ ᠢ᠋ ᠨᠢ ᠬᠡᠯᠡᠪᠡᠯ ᠠ᠋ ᠬᠦ᠂ ᠬᠦᠦᠳᠠᠭᠤᠯᠠ ᠬᠦ
ᠳᠠᠷᠬᠠᠨ ᠬᠤᠰᠢᠭᠤᠨ ᠤ᠋ ᠨᠠᠮᠵᠢᠯ ᠭᠡᠭᠡ ᠬᠦ
ᠲᠡᠭᠷᠢ ᠪᠤᠷᠬᠠᠨ ᠳ᠋ᠤ᠌ ᠮᠥᠷᠭᠥᠭᠡᠳ ᠲᠡᠭᠡᠭᠰᠡᠨ ᠬᠥᠮᠦᠨ ᠢ᠋ ᠨᠢ ᠬᠡᠯᠡᠪᠡᠯ ᠠ᠋ ᠬᠦ᠂ ᠬᠦᠦᠳᠠᠭᠤᠯᠠ ᠬᠦ
ᠲᠣᠭᠣᠰ ᠤ᠋ᠨ ᠰᠦᠮᠡ ᠶ᠋ᠢᠨ ᠵᠡᠭᠦᠨ ᠬᠣᠢᠲᠠᠢ ᠸᠠᠨ ᠳ᠋ᠠᠨ ᠰᠣᠬᠣᠷ ᠠ᠋ ᠬᠦ
ᠠᠯᠲᠠ ᠮᠥᠩᠭᠥ ᠶ᠋ᠢ ᠪᠡᠨ ᠬᠡᠷᠡᠭᠯᠡᠭᠰᠡᠨ ᠴᠦ᠍ ᠪᠣᠯᠤᠶᠠ ᠳᠠ ᠬᠦ᠂ ᠬᠦᠦᠳᠠᠭᠤᠯᠠ ᠬᠦ
ᠠᠪᠤ ᠶ᠋ᠢᠨ ᠨᠤᠲᠤᠭ ᠲᠤ᠌ ᠪᠠᠨ ᠠᠪᠤᠭᠠᠳ ᠶᠠᠪᠤᠨᠠ ᠴᠢᠮᠠ ᠪᠠᠨ ᠬᠦ
ᠠᠯᠲᠠ ᠮᠥᠩᠭᠥ ᠶ᠋ᠢ ᠬᠡᠷᠡᠭᠯᠡᠭᠰᠡᠨ ᠦᠭᠡᠢ ᠲᠤᠯᠠᠳᠠ ᠪᠠᠨ ᠬᠦ᠂ ᠬᠦᠦᠳᠠᠭᠤᠯᠠ ᠬᠦ
ᠠᠪᠠᠯᠢ ᠨᠥᠬᠥᠷ ᠸᠠᠨ ᠳ᠋ᠠᠨ ᠰᠣᠬᠣᠷ ᠲᠤ᠌ ᠴᠢᠨᠢ ᠬᠠᠶᠠᠵᠤ ᠥᠭᠭᠦᠭᠡᠳ ᠶᠠᠪᠤᠨᠠ ᠬᠦ
ᠡᠳ᠋ ᠶᠤ᠌ ᠡᠷᠳᠡᠨᠢ ᠶ᠋ᠢ ᠪᠡᠨ ᠵᠠᠷᠤᠵᠤ ᠪᠠᠢᠭᠠᠳ ᠠᠪᠤᠭᠰᠠᠨ ᠶᠤᠮ ᠪᠣᠯ ᠳᠠ ᠬᠦ᠂ ᠬᠦᠦᠳᠠᠭᠤᠯᠠ ᠬᠦ
ᠡᠴᠢᠭᠡ ᠶ᠋ᠢᠨ ᠨᠤᠲᠤᠭ ᠳᠠᠷᠬᠠᠨ ᠬᠤᠰᠢᠭᠤᠨ ᠳ᠋ᠤ᠌ ᠪᠠᠨ ᠳᠠᠭᠠᠭᠤᠯᠤᠭᠠᠳ ᠶᠠᠪᠤᠨᠠ ᠬᠦ
ᠡᠳ᠋ ᠶᠣ᠌ ᠡᠷᠳᠡᠨᠢ ᠶ᠋ᠢ ᠪᠡᠨ ᠵᠠᠷᠤᠭᠰᠠᠨ ᠦᠭᠡᠢ ᠲᠤᠯᠠ ᠳ᠋ᠤ᠌ ᠪᠠᠨ ᠬᠦ᠂ ᠬᠦᠦᠳᠠᠭᠤᠯᠠ ᠬᠦ
ᠡᠯᠵᠢᠭᠡᠨ ᠵᠤᠯᠵᠠᠭᠠ ᠸᠠᠨ ᠳ᠋ᠠᠨ ᠰᠣᠬᠣᠷ ᠲᠤ᠌ ᠥᠭᠭᠦᠭᠡᠳ ᠶᠠᠪᠤᠨᠠ ᠬᠦ
ᠳᠠᠭᠤ ᠶ᠋ᠢᠨ ᠬᠢᠨᠢ ᠵᠢᠭᠦᠷ ᠭᠡᠳᠡᠭ ᠴᠢᠨᠢ ᠬᠣᠶᠠᠷ ᠶᠤᠮ ᠠ᠋ ᠬᠦ᠂ ᠬᠦᠦᠳᠠᠭᠤᠯᠠ ᠬᠦ
ᠲᠠᠮᠤ ᠶ᠋ᠢᠨ ᠡᠭᠦᠳᠡ ᠭᠡᠳᠡᠭ ᠴᠢᠨᠢ ᠭᠠᠭᠴᠠᠬᠠᠨ ᠶᠤᠮ ᠠ᠋ ᠬᠦ
ᠲᠠᠮᠤ ᠶ᠋ᠢᠨ ᠡᠭᠦᠳᠡᠨ ᠳ᠋ᠦ᠍ ᠪᠡᠨ ᠣᠴᠢᠭᠰᠠᠨ ᠤ᠋ ᠰᠡᠭᠦᠯᠡᠷ ᠠ᠋ ᠬᠦ᠂ ᠬᠦᠦᠳᠠᠭᠤᠯᠠ ᠬᠦ
ᠲᠠᠪᠤᠨ ᠲᠥᠷᠥᠯ ᠦ᠋ᠨ ᠡᠷᠡ ᠡᠮᠡ ᠪᠣᠯᠬᠤ ᠪᠠᠷ ᠲᠡᠨᠳᠡ ᠡᠴᠡ ᠭᠤᠶᠤᠶᠠ ᠬᠦ
ᠡᠯᠢᠶᠡ ᠶ᠋ᠢᠨ ᠬᠢᠨᠢ ᠵᠢᠭᠦᠷ ᠭᠡᠳᠡᠭ ᠴᠢᠨᠢ ᠬᠣᠶᠠᠷ ᠶᠤᠮ ᠠ᠋ ᠬᠦ᠂ ᠬᠦᠦᠳᠠᠭᠤᠯᠠ ᠬᠦ
ᠡᠷᠯᠢᠭ ᠲᠠᠮᠤ ᠶ᠋ᠢᠨ ᠡᠭᠦᠳᠡ ᠭᠡᠳᠡᠭ ᠴᠢᠨᠢ ᠭᠠᠭᠴᠠᠬᠠᠨ ᠶᠤᠮ ᠠ᠋ ᠬᠦ
ᠡᠷᠯᠢᠭ ᠦ᠋ᠨ ᠡᠭᠦᠳᠡᠨ ᠳ᠋ᠡᠭᠡᠨ ᠣᠴᠢᠭᠰᠠᠨ ᠤ᠋ ᠰᠡᠭᠦᠯᠡᠷ ᠠ᠋ ᠬᠦ᠂ ᠬᠦᠦᠳᠠᠭᠤᠯᠠ ᠬᠦ
ᠶᠢᠰᠦᠨ ᠲᠥᠷᠥᠯ ᠦ᠋ᠨ ᠡᠷᠡ ᠡᠮᠡ ᠪᠣᠯᠬᠤ ᠪᠠᠷ ᠭᠤᠶᠤᠭᠠᠳ ᠦᠵᠡᠶᠡ ᠬᠦ
ᠲᠠᠪᠤᠨ ᠲᠥᠷᠥᠯ ᠦ᠋ᠨ ᠡᠷᠡ ᠡᠮᠡ ᠪᠣᠯᠬᠤ ᠶ᠋ᠢ ᠭᠤᠶᠤᠭᠠᠳ ᠣᠯᠪᠠᠯ ᠠ᠋ ᠬᠦ᠂ ᠬᠦᠦᠳᠠᠭᠤᠯᠠ ᠬᠦ
ᠲᠠᠩᠰᠤᠭ ᠰᠠᠢᠬᠠᠨ ᠠᠮᠢᠳᠤᠷᠠᠯ ᠢ᠋ᠶ᠋ᠠᠨ ᠲᠠᠪᠠ ᠪᠠᠷ ᠢ᠋ᠶ᠋ᠠᠨ ᠪᠠᠢᠭᠤᠯᠤᠶᠠ
ᠶᠢᠰᠦᠨ ᠲᠥᠷᠥᠯ ᠦ᠋ᠨ ᠡᠷᠡ ᠡᠮᠡ ᠪᠣᠯᠬᠤ ᠶ᠋ᠢ ᠭᠤᠶᠤᠭᠠᠳ ᠣᠯᠪᠠᠯ ᠠ᠋ ᠬᠦ᠂ ᠬᠦᠦᠳᠠᠭᠤᠯᠠ ᠬᠦ
ᠡᠷᠯᠢᠭ ᠦ᠋ᠨ ᠬᠠᠭᠠᠨ ᠶᠤᠸᠠᠨ ᠸᠠᠩ ᠶᠧ ᠳ᠋ᠦ᠍ ᠲᠠᠬᠢᠯ ᠡᠷᠭᠦᠶᠡ ᠬᠣᠶᠠᠭᠤᠯᠠ ᠪᠠᠨ ᠬᠦ
ᠠᠪᠤ ᠶ᠋ᠢᠨ ᠢ᠋ᠶ᠋ᠡᠨ ᠪᠤᠶᠠᠨ ᠳ᠋ᠤ᠌ ᠪᠠᠨ ᠡᠵᠡᠨ ᠨᠢ ᠪᠣᠯᠤᠭᠰᠠᠨ ᠴᠤ᠌ ᠪᠣᠯᠤᠶᠠ ᠳᠠ ᠬᠦ᠂ ᠨᠠᠮᠵᠢᠯ ᠭᠡᠭᠡ ᠬᠦ
ᠠᠯᠲᠠ ᠪᠣᠯᠤᠨ ᠮᠥᠩᠭᠥ ᠪᠡᠷ ᠬᠠᠪᠰᠤᠷᠤᠨᠠ ᠴᠢᠮᠠ ᠪᠠᠨ ᠬᠦ
ᠠᠪᠤ ᠶ᠋ᠢᠨ ᠪᠤᠶᠠᠨ ᠳ᠋ᠤ᠌ ᠪᠠᠨ ᠡᠵᠡᠨ ᠨᠢ ᠪᠢᠰᠢ ᠲᠤᠯᠠᠳᠠ ᠪᠠᠨ ᠨᠠᠮᠵᠢᠯ ᠭᠡᠭᠡ ᠬᠦ
ᠠᠭᠠᠭ ᠤ᠋ᠨ ᠪᠣᠣᠪᠣ ᠪᠠᠷ ᠢ᠋ᠶ᠋ᠠᠨ ᠬᠦᠨᠡᠰᠦ ᠪᠣᠯᠭᠠᠵᠤ ᠥᠭᠭᠦᠨᠡ ᠬᠦ
ᠡᠴᠢᠭᠡ ᠶ᠋ᠢᠨ ᠢ᠋ᠶ᠋ᠡᠨ ᠪᠤᠶᠠᠨ ᠳ᠋ᠤ᠌ ᠪᠠᠨ ᠡᠵᠡᠨ ᠨᠢ ᠪᠣᠯᠤᠭᠰᠠᠨ ᠴᠤ᠌ ᠪᠣᠯᠤᠶᠠ ᠳᠠ ᠬᠦ᠂ ᠨᠠᠮᠵᠢᠯ ᠭᠡᠭᠡ ᠬᠦ
ᠡᠳ᠋ ᠪᠣᠯᠤᠨ ᠡᠷᠳᠡᠨᠢ ᠪᠡᠷ ᠢ᠋ᠶ᠋ᠡᠨ ᠬᠠᠪᠰᠤᠷᠤᠨᠠ ᠴᠢᠮᠠ ᠪᠠᠨ ᠬᠦ
ᠡᠴᠢᠭᠡ ᠶ᠋ᠢᠨ ᠢ᠋ᠶ᠋ᠡᠨ ᠪᠤᠶᠠᠨ ᠳ᠋ᠤ᠌ ᠪᠠᠨ ᠡᠵᠡᠨ ᠨᠢ ᠪᠢᠰᠢ ᠲᠤᠯᠠᠳᠠ ᠪᠠᠨ ᠬᠦ᠂ ᠨᠠᠮᠵᠢᠯ ᠭᠡᠭᠡ ᠬᠦ
ᠡᠷᠡᠬᠡᠢ ᠬᠤᠷᠤᠭᠤᠨ ᠤ᠋ ᠪᠥᠭᠡᠵᠢ ᠪᠡᠨ ᠥᠭᠭᠦᠭᠡᠳ ᠬᠠᠪᠰᠤᠷᠤᠶᠠ ᠴᠢᠮᠠ ᠪᠠᠨ ᠬᠦ
ᠲᠠᠪᠤᠨ ᠥᠩᠭᠡ ᠶ᠋ᠢᠨ ᠫᠢᠶᠣᠣᠲᠡᠢ ᠲᠡᠢ ᠤᠭᠤᠲᠠ ᠯᠠ ᠶᠤᠮ ᠠ᠋ ᠬᠦ᠂ ᠨᠠᠮᠵᠢᠯ ᠭᠡᠭᠡ ᠬᠦ
ᠲᠠᠪᠤᠨ ᠡᠳᠦᠷ ᠲᠠᠪᠤᠨ ᠰᠥᠨᠢ ᠳᠠᠯᠳᠠᠯᠠᠵᠤ ᠪᠠᠢᠭᠠᠳ ᠣᠶᠣᠭᠰᠠᠨ ᠶᠤᠮ ᠠ᠋ ᠬᠦ
ᠲᠠᠪᠤᠨ ᠥᠩᠭᠡ ᠶ᠋ᠢᠨ ᠫᠢᠶᠣᠣᠲᠡᠢ ᠲᠡᠢ ᠤᠭᠤᠲᠠ ᠶ᠋ᠢ ᠠᠪᠠᠴᠢᠬᠤ ᠳ᠋ᠤ᠌ ᠪᠠᠨ ᠬᠦ᠂ ᠨᠠᠮᠵᠢᠯ ᠭᠡᠭᠡ ᠬᠦ
ᠲᠥᠪᠯᠢᠭ ᠲᠥᠷᠥᠭᠰᠡᠨ ᠬᠦᠦᠳᠠᠭᠤᠯᠠ ᠨᠠᠮᠠ ᠶ᠋ᠢ ᠪᠡᠨ ᠰᠠᠨᠠᠭᠠᠳ ᠶᠠᠪᠤ ᠳᠠ ᠬᠦ
ᠨᠠᠢ᠍ᠮᠠᠨ ᠨᠤᠭᠤᠯᠠᠪᠤᠷᠢ ᠲᠠᠢ ᠤᠭᠤᠲᠠ ᠶᠤᠮ ᠠ᠋ ᠬᠦ᠂ ᠨᠠᠮᠵᠢᠯ ᠭᠡᠭᠡ ᠬᠦ
ᠨᠠᠢ᠍ᠮᠠᠨ ᠡᠳᠦᠷ ᠨᠠᠢ᠍ᠮᠠᠨ ᠰᠥᠨᠢ ᠨᠢᠭᠤᠵᠤ ᠪᠠᠢᠭᠠᠳ ᠣᠶᠣᠭᠰᠠᠨ ᠶᠤᠮ ᠠ᠋ ᠬᠦ
ᠤᠬᠠᠭᠠᠨ ᠰᠠᠨᠠᠭᠠ ᠲᠠᠢ ᠬᠦᠦᠳᠠᠭᠤᠯᠠ ᠴᠢᠨᠢ ᠬᠡᠳᠦᠢ ᠰᠠᠢᠨ ᠪᠣᠯᠪᠠᠴᠤ ᠠ᠋ ᠬᠦ᠂ ᠨᠠᠮᠵᠢᠯ ᠭᠡᠭᠡ ᠬᠦ
ᠤᠷᠠᠯᠢᠭ ᠲᠥᠷᠥᠭᠰᠡᠨ ᠭᠡᠭᠡ ᠡᠴᠡ ᠪᠡᠨ ᠰᠠᠯᠪᠠᠯ ᠬᠣᠭᠣᠰᠣᠨ ᠪᠣᠯᠤᠨᠠ ᠬᠦ
ᠠᠷᠢᠭᠤᠨ ᠯᠢᠩᠬᠤᠠ ᠴᠡᠴᠡᠭ ᠨᠢ ᠬᠡᠳᠦᠢ ᠰᠠᠢᠬᠠᠨ ᠪᠣᠯᠪᠠᠴᠤ ᠠ᠋ ᠬᠦ᠂ ᠨᠠᠮᠵᠢᠯ ᠭᠡᠭᠡ ᠬᠦ
ᠠᠷᠪᠠᠨ ᠰᠠᠷᠠ ᠶ᠋ᠢᠨ ᠰᠠᠯᠬᠢᠨ ᠳ᠋ᠤ᠌ ᠵᠤᠯᠭᠠᠷᠠᠬᠤ ᠶᠤᠮ ᠠ᠋ ᠬᠦ
ᠠᠩᠬᠠᠨ ᠤ᠋ ᠲᠥᠷᠥᠯ ᠳ᠋ᠦ᠍ ᠪᠡᠨ ᠢᠷᠦᠭᠡᠯ ᠦᠭᠡᠢ ᠪᠣᠯᠪᠠᠴᠤ ᠠ᠋ ᠬᠦ᠂ ᠨᠠᠮᠵᠢᠯ ᠭᠡᠭᠡ ᠬᠦ
ᠠᠷᠤ ᠶ᠋ᠢᠨ ᠰᠦᠮᠡ ᠳ᠋ᠦ᠍ ᠪᠡᠨ ᠵᠠᠯᠪᠠᠷᠢᠵᠤ ᠯᠠ ᠪᠠᠢᠪᠠᠯ ᠤᠴᠠᠷᠠᠵᠤ ᠯᠠ ᠪᠣᠯᠤᠨᠠ ᠬᠦ
ᠬᠠᠢᠲᠠᠩ ᠯᠢᠩᠬᠤᠠ ᠴᠡᠴᠡᠭ ᠨᠢ ᠬᠡᠳᠦᠢ ᠰᠠᠢᠬᠠᠨ ᠪᠣᠯᠪᠠᠴᠤ ᠠ᠋ ᠬᠦ᠂ ᠨᠠᠮᠵᠢᠯ ᠭᠡᠭᠡ ᠬᠦ
ᠬᠠᠬᠢᠷ ᠡᠪᠦᠯ ᠦ᠋ᠨ ᠬᠦᠢᠲᠡᠨ ᠳ᠋ᠦ᠍ ᠵᠤᠯᠭᠠᠷᠠᠬᠤ ᠶᠤᠮ ᠠ᠋ ᠬᠦ
ᠬᠣᠵᠢᠮ ᠤ᠋ᠨ ᠬᠤᠪᠢ ᠢᠷᠦᠭᠡᠯ ᠨᠢ ᠮᠠᠭᠤ ᠪᠣᠯᠪᠠᠴᠤ ᠠ᠋ ᠬᠦ᠂ ᠨᠠᠮᠵᠢᠯ ᠭᠡᠭᠡ ᠬᠦ
ᠬᠤᠪᠢᠯᠭᠠᠨ ᠪᠤᠷᠬᠠᠨ ᠳ᠋ᠤ᠌ ᠳᠠᠭᠠᠳᠬᠠᠵᠤ ᠪᠠᠢᠪᠠᠯ ᠠᠭᠤᠯᠵᠠᠵᠤ ᠪᠣᠯᠤᠨᠠ ᠃
ᠦᠰᠦᠭ ᠠᠮᠢᠯᠠᠭᠤᠯᠤᠭᠴᠢ᠄ ᠤᠷᠢᠶᠠᠩᠬᠠᠢ ᠨᠠᠷᠠᠨᠮᠠᠨᠳᠠ
ᠬᠢᠨᠠᠭᠴᠢ᠄ ᠵᠠᠯᠭᠠᠬᠦᠦ