ᠨᠢᠭᠡᠨ ᠨᠣᠮ ᠲᠠᠪᠴᠠᠩ ᠦ᠋ᠨ ᠡᠳᠦᠷ ᠦ᠋ᠨ ᠲᠡᠮᠳᠡᠭᠯᠡᠯ ᠡᠴᠡ – 51 Нэгэн ном тавцан үн өдөр үн тэмдэглэлээс – 51
219 ᠪᠢ ᠲᠡᠭᠦᠨ ᠳ᠋ᠦ᠍᠄
《ᠬᠤᠪᠢᠶᠠᠯᠴᠠᠬᠤ ᠪᠣᠯ ᠨᠢᠭᠡ ᠪᠠᠶᠠᠷ ᠪᠠᠶᠠᠰᠤᠯ ᠲᠠᠢ ᠤᠴᠢᠷ ᠶᠤᠮ ᠰᠢᠦ》 ᠭᠡᠰᠡᠨ ᠳ᠋ᠦ᠍ ᠲᠡᠷᠡ᠄
《ᠬᠤᠪᠢᠶᠠᠯᠴᠠᠬᠤ ᠨᠢ ᠶᠠᠭᠤ ᠶᠤᠮ ᠪᠣᠢ?》 ᠭᠡᠯᠡ᠃ ᠪᠢ ᠬᠠᠷᠢᠭᠤ ᠳ᠋ᠤ᠌ ᠨᠢ᠄
《ᠥᠪᠡᠷ ᠦ᠋ᠨ ᠳᠤᠷᠠᠲᠠᠢ ᠵᠦᠢᠯ ᠢ᠋ᠶ᠋ᠡᠨ ᠭᠠᠷᠭᠠᠵᠤ ᠣᠯᠠᠨ ᠲᠠᠢ ᠬᠠᠮᠲᠤ ᠢᠳᠡᠬᠦ ᠶ᠋ᠢ ᠵᠢᠭᠠᠵᠤ ᠪᠠᠢᠨᠠ》 ᠭᠡᠰᠡᠨ ᠳ᠋ᠦ᠍ ᠲᠡᠷᠡ᠄
《ᠪᠢ ᠭᠠᠭᠴᠠᠭᠠᠷ ᠢ᠋ᠶ᠋ᠠᠨ ᠢᠳᠡᠬᠦ ᠳᠤᠷᠠᠲᠠᠢ》 ᠭᠡᠯᠡ᠃ ᠲᠡᠭᠦᠨ ᠳ᠋ᠦ᠍ ᠣᠯᠠᠨ ᠶᠣᠰᠣ ᠤᠴᠢᠷ ᠶᠠᠷᠢᠭᠰᠠᠨ ᠴᠤ᠌ ᠡᠨᠡ ᠵᠠᠩ ᠢ᠋ᠶ᠋ᠠᠨ ᠬᠠᠯᠠᠬᠤ ᠦᠭᠡᠢ ᠬᠡᠪ ᠢ᠋ᠶ᠋ᠡᠷ ᠢ᠋ᠶ᠋ᠡᠨ ᠪᠠᠢᠯᠠ᠃
ᠲᠡᠷᠡ ᠬᠡᠰᠡᠭ ᠬᠤᠭᠤᠴᠠᠭᠠᠨ ᠳ᠋ᠤ᠌ ᠮᠢᠨᠦ ᠬᠦᠦ ᠰᠢᠳᠦ ᠰᠣᠯᠢᠬᠤ ᠪᠣᠯᠤᠭᠰᠠᠨ ᠪᠠᠢᠯᠠ᠃ ᠪᠢ ᠲᠡᠭᠦᠨ ᠳ᠋ᠦ᠍᠄
《ᠣᠯᠠᠨ ᠢ᠋ᠶ᠋ᠠᠷ ᠢ᠋ᠶ᠋ᠠᠨ ᠢᠳᠡᠪᠡᠯ ᠠᠮᠲᠠᠲᠠᠢ᠂ ᠭᠠᠭᠴᠠᠭᠠᠷ ᠢᠳᠡᠪᠡᠯ ᠰᠢᠳᠦ ᠤᠨᠠᠳᠠᠭ ᠰᠢᠦ》 ᠭᠡᠵᠦ ᠬᠡᠯᠡᠭᠰᠡᠨ ᠳ᠋ᠦ᠍ ᠲᠡᠷᠡ《ᠰᠢᠳᠦ ᠤᠨᠠᠴᠢᠬᠠᠪᠠᠯ ᠬᠠᠷᠢᠨ ᠮᠠᠭᠤᠬᠠᠢ ᠪᠣᠯᠴᠢᠬᠠᠨᠠ》 ᠭᠡᠵᠦ ᠪᠣᠳᠣᠭᠰᠠᠨ ᠠ᠋ᠴᠠ ᠳᠠᠬᠢᠵᠤ ᠢᠳᠡᠬᠦ ᠶᠠᠭᠤᠮᠠ ᠨᠢᠭᠤᠬᠤ ᠪᠠᠨ ᠪᠠᠢᠴᠢᠬᠠᠪᠠ᠃
ᠨᠢᠭᠡ ᠡᠳᠦᠷ ᠪᠢ ᠭᠡᠷ ᠲᠦ᠍ ᠪᠡᠨ ᠨᠠᠢᠵᠠ ᠪᠠᠨ ᠵᠠᠯᠠᠵᠤ ᠬᠣᠭᠣᠯᠠ ᠢᠳᠡᠭᠦᠯᠵᠦ ᠪᠠᠢᠬᠤ ᠳ᠋ᠤ᠌ ᠮᠢᠨᠦ ᠬᠦᠦ ᠭᠡᠨᠡᠳᠲᠡ ᠳᠣᠲᠣᠷᠠ ᠭᠡᠷ ᠡᠴᠡ ᠮᠢᠨᠦ ᠠᠷᠪᠠᠨ ᠵᠢᠯ ᠬᠠᠳᠠᠭᠠᠯᠠᠭᠰᠠᠨ ᠠᠷᠢᠬᠢ ᠶ᠋ᠢ ᠠᠪᠴᠢᠷᠠᠭᠠᠳ᠄
《ᠰᠠᠢᠨ ᠶᠠᠭᠤᠮᠠ ᠶ᠋ᠢ ᠨᠠᠢᠵᠠ ᠲᠠᠢ ᠪᠠᠨ ᠬᠤᠪᠢᠶᠠᠯᠴᠠᠬᠤ ᠶᠣᠰᠣᠲᠠᠢ》 ᠭᠡᠯᠡ᠃ ᠡᠨᠡ ᠪᠠᠢᠳᠠᠯ ᠳ᠋ᠤ᠌ ᠮᠢᠨᠦ ᠨᠢᠭᠤᠷ ᠤᠯᠠᠢᠯᠠ᠃
ᠪᠢᠳᠡ ᠬᠡᠦᠬᠡᠳ ᠢ᠋ ᠪᠢᠲᠡᠭᠡᠢ ᠬᠤᠪᠢᠨᠴᠢᠷ ᠪᠠᠢ ᠭᠡᠵᠦ ᠰᠤᠷᠭᠠᠬᠤ ᠳ᠋ᠠᠭᠠᠨ ᠥᠪᠡᠷ ᠢ᠋ᠶ᠋ᠡᠨ ᠦᠨᠡᠨᠬᠦ ᠥᠭᠭᠢᠶᠡᠮᠦᠷᠴᠢ ᠪᠠᠢᠵᠤ ᠴᠢᠳᠠᠭᠰᠠᠨ ᠤᠤ?
ᠦᠰᠦᠭ ᠠᠮᠢᠯᠠᠭᠤᠯᠤᠭᠴᠢ᠄ ᠡᠩᠬᠡᠪᠠᠲᠤ
ᠦᠰᠦᠭ ᠬᠢᠨᠠᠭᠴᠢ᠄ ᠪᠠᠶᠠᠷᠴᠡᠴᠡᠭ