ᠪᠠᠭᠠ ᠵᠠᠨᠠᠮᠠ - ᠴᠠᠭᠠᠨᠪᠠᠷᠰБага занама-Цагаанбар
774ᠪᠠᠭᠠ ᠵᠠᠨᠠᠮᠠ
ᠬᠣᠷᠴᠢᠨ ᠦᠯᠢᠭᠡᠷᠲᠦ ᠠᠷᠠᠳ ᠤᠨ ᠳᠠᠭᠤᠤ
ᠴᠠᠭᠠᠨᠪᠠᠷᠰ ᠳᠠᠭᠤᠯᠠᠨᠠ
ᠯᠧᠪᠴᠢᠨ ᠤᠩᠰᠠᠳ ᠳᠣᠯᠣᠭᠠᠬᠠᠨ ᠨᠠᠰᠤᠲᠠᠢ ᠯᠠᠮᠠ ᠪᠣᠯᠵᠠᠢ ᠭᠡᠨᠡ᠂ ᠠᠷᠪᠠᠨ ᠨᠠᠢ᠍ᠮᠠᠨ ᠨᠠᠰᠤᠨ ᠳᠡᠭᠡᠷᠡ ᠪᠡᠨ ᠤᠮᠵᠠᠳ ᠪᠣᠯᠴᠢᠬᠠᠭᠰᠠᠨ ᠶᠤᠮ ᠠ᠋ ᠂ ᠠᠷᠤ ᠥᠪᠥᠷ ᠠᠢᠯ ᠢ᠋ᠶ᠋ᠠᠷ ᠨᠣᠮ ᠤᠩᠰᠢᠵᠤ ᠲᠣᠭᠣᠷᠢᠵᠤ ᠪᠠᠢᠭᠰᠠᠭᠠᠷ ᠂ ᠠᠩᠭᠠ ᠵᠠᠨᠠᠮᠠ ᠶ᠋ᠢᠨ ᠳ᠋ᠦ᠍ ᠨᠢᠭᠡ ᠡᠳᠦᠷ ᠤᠩᠰᠢᠴᠢᠬᠠᠵᠠᠢ ᠭᠡᠨᠡ ᠃ ᠠᠩᠭᠠ ᠵᠠᠨᠠᠮᠠ ᠶ᠋ᠢ ᠦᠵᠡᠭᠡᠳ ᠦᠨᠡᠬᠡᠷ ᠲᠣᠭᠣᠵᠠᠢ ᠰᠢᠦ᠂ ᠯᠠᠮᠠ ᠬᠥᠮᠦᠨ ᠡᠮᠡ ᠠᠪᠴᠤ ᠪᠣᠯᠬᠤ ᠦᠭᠡᠢ ᠶᠦᠮ ᠴᠢᠨᠢ ᠂ ᠵᠠᠨᠠᠮᠠ ᠶ᠋ᠢ ᠬᠠᠮᠢᠭᠠ ᠦᠭᠭᠦᠭᠰᠡᠨ ᠪᠣᠢ ᠭᠡᠬᠦᠯᠡ ᠳᠠᠷᠬᠠᠨ ᠬᠤᠰᠢᠭᠤᠨ ᠤ᠋ ᠳᠤᠭᠤᠯᠵᠢ ᠳ᠋ᠤ᠌ ᠥᠭᠴᠢᠬᠡᠵᠡᠢ ᠭᠡᠨᠡ᠃ ᠢᠩᠭᠢᠬᠦᠯᠡ ᠡᠭᠦᠨ ᠢ᠋ ᠪᠣᠳᠣᠵᠤ ᠪᠠᠢᠭᠰᠠᠭᠠᠷ ᠬᠡᠢ ᠰᠣᠯᠢᠶᠠ ᠲᠠᠢ ᠪᠣᠯᠤᠭᠰᠠᠨ ᠶᠤᠮ ᠠ᠋᠃ ᠨᠣᠮ ᠢ᠋ᠶ᠋ᠠᠨ ᠡᠬᠢᠯᠡᠨᠡ ᠭᠡᠳ ᠴᠠᠩ ᠬᠠᠪᠢᠷᠬᠤ ᠳ᠋ᠤ᠌ ᠪᠠᠨ ᠳᠤᠬᠤ ᠪᠠᠷ ᠨᠢ ᠨᠢᠭᠡ ᠬᠠᠪᠢᠷᠴᠠᠢ ᠭᠡᠨᠡ᠃ ᠣᠯᠠᠨ ᠬᠤᠸᠠᠷᠠᠭ ᠦᠵᠡᠭᠡᠳ ᠦᠨᠡᠬᠡᠷ ᠢᠨᠢᠶᠡᠯᠴᠡᠵᠡᠢ᠃ ᠢᠴᠢᠬᠦ ᠳ᠋ᠦ᠍ ᠪᠡᠨ ᠠᠯᠲᠠᠨ ᠰᠢᠷᠡᠭᠡᠲᠦ ᠶ᠋ᠢᠨ ᠠᠭᠤᠯᠠᠨ ᠳᠡᠭᠡᠷᠡ ᠪᠡᠨ ᠭᠠᠷᠤᠭᠠᠳ 《ᠠᠩᠭᠠ ᠵᠠᠨᠠᠮᠠ ᠮᠢᠨᠢ ᠦᠵᠡᠭᠳᠡᠬᠦ ᠦᠭᠡᠢ ᠶᠦ᠍ᠮ ᠪᠣᠯ ᠤᠤ ? 》ᠭᠡᠳ ᠦᠵᠡᠵᠦ ᠪᠠᠢᠭᠰᠠᠭᠠᠷ ᠳᠠᠭᠤᠯᠠᠴᠢᠬᠠᠵᠠᠢ ᠭᠡᠨᠡ᠃
ᠠᠯᠲᠠᠨ ᠤ᠋ ᠰᠢᠷᠡᠭᠡᠲᠦ ᠶ᠋ᠢᠨ ᠠᠭᠤᠯᠠᠨ ᠤ᠋ ᠳᠡᠭᠡᠷᠡ ᠪᠡᠨ
ᠠᠯᠬᠤᠭᠠᠳ ᠭᠠᠷᠤᠭᠠᠳ ᠣᠴᠢᠬᠤᠯᠠᠢ ᠳᠠ ᠬᠦᠢ
ᠠᠬᠤᠤ ᠶᠠ ᠰᠠᠢᠬᠠᠨ ᠬᠦᠢ ᠠᠯᠲᠠᠨ ᠤ᠋ ᠰᠢᠷᠡᠭᠡᠲᠦ ᠮᠢᠨᠢ
ᠦᠵᠡᠭᠳᠡᠵᠦ ᠪᠠᠢᠮᠠᠷ ᠰᠠᠨᠠᠭᠳᠠᠨᠠ ᠬᠦᠢ
ᠠᠯᠲᠠᠨ ᠰᠢᠷᠡᠭᠡᠲᠦ ᠶ᠋ᠢᠨ ᠠᠭᠤᠯᠠᠨ ᠳᠡᠭᠡᠷᠡ ᠡᠴᠡ ᠪᠡᠨ
ᠠᠯᠬᠤᠭᠠᠳ ᠪᠠᠭᠤᠭᠠᠳ ᠢᠷᠡᠬᠦᠯᠡᠷ ᠳᠡ
ᠸᠠᠰᠢ᠂ ᠶᠠᠭᠠᠬᠢᠪᠠ ᠳᠠ ᠬᠦᠢ
ᠠᠩᠭᠠ ᠪᠠᠭᠠ ᠵᠠᠨᠠᠮᠠ ᠭᠣᠯᠣᠣ ᠶ᠋ᠢᠨ
ᠭᠠᠬᠠᠢ ᠪᠠᠨ ᠯᠣᠣᠯᠣᠳᠠᠬᠤ ᠨᠢ ᠰᠣᠨᠣᠰᠳᠠᠨᠠ
ᠲᠡᠷᠡ ᠠ᠋᠂ ᠲᠡᠷᠡ ᠠ᠋ ᠂ ᠲᠡᠨᠳᠡ ᠳᠣᠣᠷᠠ ᠪᠠᠢᠨᠠ ᠬᠦᠢ
ᠮᠧᠩᠭᠡᠵᠦ ᠬᠡᠯᠡᠨᠡᠷᠡᠨ (ᠢᠩᠭᠢᠵᠦ ᠬᠡᠯᠡᠮᠡᠭᠴᠡ ) ᠠᠯᠲᠠᠨ ᠰᠢᠷᠡᠭᠡᠲᠦ ᠶ᠋ᠢᠨ ᠠᠭᠤᠯᠠᠨ ᠠ᠋ᠴᠠ ᠪᠠᠭᠤᠵᠤ ᠠᠰᠬᠠᠨ ᠬᠣᠢᠰᠢ ᠪᠠᠨ ᠭᠦᠶᠦᠵᠡᠢ ᠰᠢᠦ᠃ ᠰᠢᠭᠤᠳ ᠱᠣᠩᠬᠣᠷ ᠤ᠋ᠨ ᠰᠦᠮᠡ ᠳ᠋ᠦ᠍ ᠪᠡᠨ ᠬᠦᠷᠴᠦ ᠢᠷᠡᠭᠡᠳ᠂ ᠰᠦᠮᠡ ᠳ᠋ᠦ᠍ ᠪᠡᠨ ᠪᠠᠰᠠ ᠣᠷᠣᠭᠰᠠᠨ ᠦᠭᠡᠢ ᠶᠦᠮ ᠠ᠋᠃ ᠠᠭᠤᠯᠠᠨ ᠣᠷᠣᠢ ᠳᠡᠭᠡᠷᠡ ᠨᠢ ᠭᠦᠶᠦᠵᠦ ᠭᠠᠷᠤᠭᠠᠳ《 ᠣᠳᠣ ᠣᠢᠷᠠ ᠪᠣᠯᠵᠠᠢ ᠪᠢᠵᠡ》 ᠭᠡᠳ ᠳᠠᠭᠤᠯᠠᠴᠢᠬᠠᠵᠠᠢ ᠭᠡᠨᠡ᠃
ᠱᠣᠩᠬᠣᠷ ᠤ᠋ᠨ ᠶᠡᠬᠡ ᠠᠭᠤᠯᠠᠨ ᠤ᠋ ᠳᠡᠭᠡᠷᠡ ᠪᠡᠨ
ᠰᠢᠪᠲᠤ ᠯᠠ ᠭᠦᠶᠦᠭᠡᠳ ᠭᠠᠷᠬᠤᠯᠠᠷ ᠳᠠ ᠬᠦᠢ
ᠴᠣᠬᠣᠮ ᠬᠦ᠌ ᠰᠠᠢᠬᠠᠨ ᠠᠯᠲᠠᠨ ᠰᠢᠷᠡᠭᠡᠲᠦ ᠮᠢᠨᠢ
ᠦᠵᠡᠭᠳᠡᠵᠦ ᠪᠠᠢᠮᠠᠷ ᠰᠠᠨᠠᠭᠳᠠᠨᠠ ᠬᠦᠢ
ᠱᠣᠩᠬᠣᠷ ᠤ᠋ᠨ ᠶᠡᠬᠡ ᠠᠭᠤᠯᠠᠨ ᠳᠡᠭᠡᠷᠡ ᠡᠴᠡ
ᠰᠢᠪᠲᠤᠷᠠᠭᠠᠳ ᠪᠠᠭᠤᠭᠠᠳ ᠢᠷᠡᠬᠦᠯᠡᠷ ᠳᠡ
ᠸᠠᠰᠢ ᠂ ᠶᠠᠭᠠᠬᠢᠪᠠ ᠳᠠ ᠬᠦᠢ
ᠥᠬᠢᠨ ᠪᠠᠭᠠ ᠵᠠᠨᠠᠮᠠ ᠭᠤᠯᠤᠤ ᠶ᠋ᠢᠨ
ᠡᠯᠵᠢᠭᠡ ᠪᠡᠨ ᠳᠣᠢᠳᠠᠬᠤ ᠨᠢ ᠰᠣᠨᠣᠰᠳᠠᠨᠠ ᠬᠦᠢ
ᠲᠡᠷᠡ ᠠ᠋᠂ ᠲᠡᠷᠡ ᠠ᠋᠂ ᠲᠡᠨᠳᠡ ᠳᠣᠣᠷᠠ ᠪᠠᠢᠨᠠ ᠬᠦᠢ
ᠮᠧᠩᠵᠦ ᠬᠡᠯᠡᠨᠡᠷᠡᠨ (ᠢᠩᠭᠢᠵᠦ ᠬᠡᠯᠡᠮᠡᠭᠴᠡ ) ᠱᠣᠩᠬᠣᠷ ᠤ᠋ᠨ ᠠᠭᠤᠯᠠᠨ ᠠ᠋ᠴᠠ ᠪᠠᠭᠤᠭᠠᠳ ᠵᠡᠭᠦᠨᠰᠢ ᠭᠠᠷᠤᠭᠠᠳ ᠭᠦᠶᠦᠵᠡᠢ ᠰᠢᠦ ! ᠭᠦᠶᠦᠵᠦ ᠪᠠᠢᠲᠠᠯᠠ ᠯᠤᠤ ( ᠶᠡᠬᠡ ) ᠰᠠᠯᠬᠢ ᠬᠥᠳᠡᠯᠦᠭᠡᠳ ᠵᠠᠮ ᠪᠥᠭᠯᠡᠷᠡᠵᠡᠢ᠂ ᠵᠠᠮ ᠢ᠋ᠶ᠋ᠠᠨ ᠡᠷᠢᠭᠡᠳ ᠭᠦᠶᠦᠵᠦ ᠪᠠᠢᠲᠠᠯᠠ ᠂ ᠬᠣᠶᠠᠷ ᠮᠠᠯᠴᠢᠨ ᠠᠪᠤ ᠲᠠᠭᠠᠷᠠᠵᠠᠢ ᠰᠢᠦ ᠂ ᠬᠣᠶᠠᠭᠤᠯᠠ ᠪᠠᠨ ᠳᠦᠯᠡᠢ ᠬᠥᠮᠦᠨ ᠲᠠᠭᠠᠷᠠᠭᠰᠠᠨ ᠪᠠᠢᠨᠠ ᠰᠢᠲᠠ ᠂ ᠠᠷᠤ ᠳ᠋ᠤ᠌ ᠨᠢ ᠢᠷᠡᠭᠡᠳ 《ᠠᠮᠤᠷ ᠡᠷᠢᠵᠦ ᠪᠠᠢᠨᠠ 》ᠭᠡᠬᠦ ᠳ᠋ᠦ᠍ 《ᠠᠩᠬᠠᠨ ᠰᠠᠢ ᠭᠠᠷᠴᠤ ᠢᠷᠡᠵᠡᠢ ᠠ᠋》 ᠭᠡᠨᠡ ᠂《 ᠮᠡᠨᠳᠦ ᠤᠤ 》 ᠭᠡᠬᠦᠯᠡᠷ《ᠮᠥᠨᠥᠬᠡᠨ ᠰᠠᠢ ᠭᠠᠷᠴᠤ ᠢᠷᠡᠵᠡᠢ》 ᠭᠡᠳ ᠬᠡᠷᠡᠯᠳᠦᠴᠢᠬᠡᠬᠦ ᠠᠯᠳᠠᠵᠠᠢ ᠂ ᠯᠠᠮᠠ ᠣᠳᠣ ᠳᠦᠯᠡᠢ ᠭᠡᠰᠡᠨ ᠢ᠋ ᠰᠠᠢ ᠮᠡᠳᠡᠵᠡᠢ ᠂ ᠤᠷᠢᠲᠠᠢ ᠨᠢ ᠭᠠᠷᠴᠤ ᠢᠷᠡᠭᠡᠳ ᠠᠮᠤᠷ ᠡᠷᠢᠭᠡᠳ ᠠᠰᠠᠭᠤᠵᠤ ᠪᠠᠢᠨᠠ᠂ 《 ᠲᠤᠭᠤᠯᠵᠢ ᠳ᠋ᠤ᠌ ᠣᠴᠢᠬᠤ ᠵᠠᠮ ᠬᠠᠮᠢᠭᠠᠭᠤᠷ ᠪᠠᠢᠨᠠ ᠪᠣᠢ ! ᠪᠢ ᠲᠥᠭᠡᠷᠢᠴᠢᠬᠡᠭᠡᠳ ᠪᠠᠢᠨᠠ 》 ᠭᠡᠬᠦ ᠳ᠋ᠦ᠍ ᠂ 《 ᠬᠠᠢ ! ᠯᠠᠮᠠ ᠬᠤᠸᠠᠷᠠᠭ ᠬᠥᠮᠦᠨ ᠪᠠᠢᠭᠠᠳ ᠶᠠᠭᠤᠨ ᠠ᠋ᠴᠠ ᠴᠤ᠌ ᠠᠶᠤᠬᠤ ᠦᠭᠡᠢ ᠶᠦᠮ 》᠂ ᠵᠡᠭᠦᠨ ᠤᠷᠲᠤ ᠦᠵᠡᠭᠳᠡᠵᠦ ᠪᠠᠢᠬᠤ ᠬᠣᠶᠠᠷ ᠪᠤᠲᠠ ᠶ᠋ᠢ ᠵᠢᠭᠠᠭᠠᠳ 《 ᠣᠴᠢ ᠠ᠋᠂ ᠪᠦᠦ ᠣᠴᠢ ᠭᠡᠬᠦ ᠳ᠋ᠦ᠍ ᠯᠤᠤ ( ᠶᠡᠬᠡ ) ᠵᠠᠮ ᠲᠠᠢ ᠶᠤᠮ᠃ ᠮᠠᠨ ᠤ᠋ ᠳᠠᠷᠬᠠᠨ ᠬᠣᠰᠢᠭᠤ ᠪᠠ ᠤᠷᠲᠤ ᠬᠤᠰᠢᠭᠤᠨ ᠳ᠋ᠤ᠌ ᠪᠤᠭ ᠡᠯᠳᠡᠩ ᠰᠢᠦ !》ᠭᠡᠬᠦ ᠳ᠋ᠦ᠍ 《ᠠᠶᠤᠬᠤ ᠦᠭᠡᠢ 》 ᠭᠡᠳ ᠭᠦᠶᠦᠭᠡᠳ ᠶᠠᠪᠤᠭᠠᠳ ᠥᠭᠴᠡᠢ ᠂ ᠪᠤᠲᠠᠨ ᠤᠭ ᠲᠤ᠌ ᠬᠦᠷᠦᠭᠡᠳ ᠣᠴᠢᠬᠤ ᠳ᠋ᠤ᠌ ᠬᠣᠶᠠᠷ ᠲᠡᠮᠡᠭᠡ ᠬᠡᠪᠲᠡᠵᠦ ᠪᠠᠢᠭᠰᠠᠨ ᠶᠤᠮ ᠠ᠋ ᠂ ᠪᠠᠭᠠ ᠠ᠋ᠴᠠ ᠪᠠᠨ ᠯᠠᠮᠠ ᠪᠣᠯᠤᠭᠰᠠᠨ ᠪᠣᠯᠬᠣᠷ ᠲᠡᠭᠦᠨ ᠢ᠋ ᠣᠯᠵᠤ ᠦᠵᠡᠭᠰᠡᠨ ᠦᠭᠡᠢ ᠂ ᠲᠡᠮᠡᠭᠡ ᠭᠡᠳᠡᠭ ᠶᠠᠭᠤᠮᠠ ᠪᠣᠯ ᠬᠥᠮᠦᠨ ᠢ᠋ ᠦᠵᠡᠪᠡᠯ ᠥᠯᠢᠢᠬᠦ ᠯᠡ ᠳᠤᠷᠠᠲᠠᠢ᠂ ᠤᠷᠲᠤ ᠠ᠋ᠴᠠ ᠨᠢ ᠥᠯᠢᠢᠭᠡᠳ ᠲᠡᠭᠡᠬᠦᠯᠡᠷ ᠣᠳᠣ ᠠᠶᠤᠴᠢᠬᠠᠵᠠᠢ ᠰᠢᠦ ᠂ 《 ᠪᠤᠭ ᠡᠯᠳᠡᠩ ᠭᠡᠰᠡᠨ 》 《ᠶᠠᠭ ᠲᠠᠭᠠᠷᠠᠵᠠᠢ》 ᠂ 《 ᠪᠣᠰᠤᠭᠠ ᠪᠠᠷ ᠢ᠋ᠶ᠋ᠠᠨ ᠨᠠᠳᠠ ᠳ᠋ᠤ᠌ ᠬᠣᠶᠠᠷ ᠭᠤᠷᠪᠠ ᠪᠠᠷ ᠲᠠᠭᠠᠷᠠᠨᠠ ᠤᠤ ᠳᠠ?》 《 ᠪᠤᠷᠬᠠᠨ ᠳ᠋ᠤ᠌ ᠪᠠᠨ ᠵᠠᠯᠪᠠᠷᠢᠵᠤ ᠪᠠᠢᠭᠠᠳ ᠠᠮᠢ ᠪᠠᠨ ᠭᠠᠷᠤᠶᠠ ! 》 ᠭᠡᠳ ᠮᠠᠩᠨᠠᠢ ᠳᠡᠭᠡᠷᠡ ᠪᠡᠨ ᠵᠠᠯᠪᠠᠷᠢᠭᠠᠳ ᠮᠢᠳᠠᠢᠵᠤ ᠵᠣᠭᠰᠣᠭᠠᠳ ᠳᠠᠭᠤᠯᠠᠴᠢᠬᠠᠵᠠᠢ ᠭᠡᠨᠡ᠃
ᠬᠣᠷᠴᠢᠨ ᠤ᠋ ᠭᠠᠵᠠᠷ ᠤ᠋ᠨ ᠬᠦᠢ ᠬᠣᠣᠷᠲᠠᠢ ᠮᠠᠶᠤᠤ ᠨᠢ
ᠠᠶᠤᠮᠠᠷ ᠠᠶᠤᠮᠠᠷ ᠠᠶᠤᠵᠠᠢ ᠶᠠ
ᠬᠦᠵᠦᠭᠦᠦ ᠶ᠋ᠢᠨ ᠬᠢᠨᠢ ᠥᠨᠳᠥᠷ ᠭᠡᠳᠡᠭ ᠨᠢ ᠳᠡ
ᠬᠡᠳᠦᠨ ᠠᠯᠲᠠ ᠴᠤ᠌ ᠪᠠᠢᠬᠤ ᠶᠤᠮ ᠪᠢᠵᠡ ᠬᠦᠢ
ᠬᠡᠦᠬᠡᠨ ᠪᠠᠭᠠ ᠵᠠᠨᠠᠮᠠ ᠴᠢᠮᠠ ᠶ᠋ᠢ ᠪᠡᠨ ᠬᠦᠰᠡᠵᠦ ᠰᠠᠨᠠᠶᠠ ᠭᠡᠭᠰᠡᠭᠡᠷ ᠠ᠋
ᠸᠠᠰᠢ᠂ ᠪᠠᠷᠠᠯᠠ ᠰᠢᠦ ᠬᠦᠢ
ᠬᠣᠷᠴᠢᠨ ᠭᠠᠵᠠᠷ ᠤ᠋ᠨ ᠬᠣᠣᠷᠲᠠᠢ ᠮᠠᠶᠤᠤ ᠳ᠋ᠤ᠌ ᠨᠢ
ᠪᠠᠷᠢᠭᠳᠠᠬᠤ ᠳᠡᠭᠡᠷᠡ ᠪᠡᠨ ᠲᠤᠯᠵᠤ ᠪᠠᠢᠨᠠ
ᠪᠤᠷᠬᠠᠨ᠂ ᠪᠤᠷᠬᠠᠨ ᠂ ᠵᠠᠨᠠᠮᠠ ᠮᠢᠨᠢ ᠠᠪᠤᠷᠠ ᠠ᠋ !ᠬᠦᠢ
ᠢᠩᠭᠢᠵᠦ ᠬᠡᠯᠡᠭᠡᠳ ᠬᠣᠢᠰᠢ ᠪᠠᠨ ᠤᠬᠤᠷᠢᠵᠠᠢ ᠰᠢᠦ ᠂ ᠦᠵᠡᠵᠦ ᠪᠠᠢᠭᠰᠠᠭᠠᠷ ᠨᠠᠭᠤᠢ ᠵᠠᠢᠳᠠᠭᠰᠠᠨ ᠳᠡᠭᠡᠷᠡ ᠪᠡᠨ ᠂ 《ᠣᠳᠣ ᠨᠢᠭᠡ ᠪᠠᠭᠠ ᠵᠠᠯᠪᠠᠷᠢᠶᠠ 》 ᠭᠡᠳ ᠳᠠᠭᠤᠯᠠᠴᠢᠬᠠᠵᠠᠢ ᠭᠡᠨᠡ᠃
ᠳᠠᠷᠬᠠᠨ ᠬᠤᠰᠢᠭᠤᠨ ᠤ᠋ ᠳᠠᠪᠠᠭᠤ ᠪᠤᠵᠠᠭᠠᠢ ᠮᠠᠶᠤᠤ ᠨᠢ
ᠠᠶᠤᠮᠠᠷ ᠠᠶᠤᠮᠠᠷ ᠠᠶᠤᠵᠠᠢ ᠶᠠ ᠬᠦᠢ
ᠲᠠᠯᠤᠨ ᠤ᠋ ᠬᠢᠨᠢ ᠦᠵᠦᠭᠦᠷ ᠢ᠋ ᠨᠢ ᠳᠠᠭᠠᠭᠠᠳ
ᠳᠠᠪᠠᠭᠤ ᠬᠣᠶᠠᠷ ᠪᠣᠣᠶᠤᠤ ᠲᠠᠢ ᠬᠦᠢ
ᠳᠠᠪᠠᠭᠤ ᠴᠤ᠌ ᠲᠥᠷᠥᠭᠰᠡᠨ ᠵᠠᠨᠠᠮᠠ ᠴᠢᠮᠠ ᠶ᠋ᠢ ᠪᠡᠨ
ᠳᠠᠭᠠᠵᠤ ᠨᠡᠬᠡᠬᠦ ᠭᠡᠭᠰᠡᠭᠡᠷ ᠠ᠋
ᠸᠠᠰᠢ ᠂ ᠪᠠᠷᠠᠯᠠ ᠰᠢᠦ ᠬᠦᠢ
ᠳᠠᠷᠬᠠᠨ ᠬᠤᠰᠢᠭᠤᠨ ᠤ᠋ ᠳᠠᠪᠠᠭᠤ ᠪᠤᠵᠠᠭᠠᠢ ᠮᠠᠶᠤᠤ ᠳ᠋ᠤ᠌ ᠨᠢ
ᠪᠠᠷᠢᠭᠳᠠᠬᠤ ᠳᠡᠭᠡᠷᠡ ᠲᠤᠯᠵᠤ ᠪᠠᠢᠨᠠ
ᠪᠤᠷᠬᠠᠨ ᠪᠤᠷᠬᠠᠨ ᠵᠠᠨᠠᠮᠠ ᠮᠢᠨᠢ ᠠᠪᠤᠷᠠ ᠠ᠋! ᠬᠦᠢ
ᠤᠬᠤᠷᠢᠭᠰᠠᠭᠠᠷ ᠪᠠᠢᠭᠠᠳ ᠭᠣᠳ ᠭᠠᠷᠤᠭᠠᠳ ᠳᠤᠲᠠᠭᠠᠵᠠᠢ᠃
ᠦᠰᠦᠭ ᠠᠮᠢᠯᠠᠭᠤᠯᠤᠭᠰᠠᠨ ᠨᠢ᠄ ᠭᠠᠸᠠ
ᠦᠰᠦᠭ ᠬᠠᠲᠠᠭᠰᠠᠨ ᠨᠢ ᠄ ᠭᠠᠸᠠ
ᠬᠢᠨᠠᠭᠴᠢ ᠪᠠᠭᠰᠢ ᠄ᠢᠷᠡᠭᠡᠳᠦᠢ
ᠪᠢᠴᠢᠯᠭᠡ ᠵᠢᠷᠤᠭ ᠨᠠᠢᠷᠠᠭᠤᠯᠤᠭᠰᠠᠨ ᠨᠢ ᠄ ᠣᠯᠬᠣᠨᠤᠳ ᠠᠶᠤᠰᠢ