ᠵᠢᠷᠣᠭᠠ ᠮᠣᠷᠢᠨ ᠤ᠋ ᠴᠣᠯᠠЖороо морны цол
1400ᠵᠢᠷᠣᠭᠠ ᠮᠣᠷᠢᠨ ᠤ᠋ ᠴᠣᠯᠠ
ᠵᠠ
ᠳᠣᠶᠢ ᠲᠠᠪᠠᠭ ᠨᠢ ᠪᠣᠲᠠᠷᠠᠰᠬᠢᠵᠤ
ᠲᠤᠭ ᠰᠡᠭᠦᠯ ᠨᠢ ᠰᠠᠭᠰᠠᠰᠬᠢᠨᠡ
ᠲᠣᠭᠣᠰ ᠤ᠋ᠨ ᠵᠢᠭᠦᠷ ᠳᠡᠯᠭᠡᠰᠬᠢᠵᠤ
ᠲᠣᠭᠣᠰᠣ ᠮᠠᠨᠠᠨ ᠰᠤᠭᠤᠨᠠᠭᠯᠠᠨᠠ
ᠭᠠᠷᠠᠬᠠᠨ ᠬᠠᠵᠠᠭᠠᠷ ᠳᠤᠯᠠᠰᠬᠢᠵᠦ
ᠭᠠᠨᠵᠤᠭᠠ ᠭᠥᠯᠢᠮ ᠳᠡᠪᠢᠰᠬᠢᠨᠠ
ᠭᠠᠷᠤᠳᠢ ᠶ᠋ᠢᠨ ᠬᠦᠵᠦᠭᠦᠦ ᠰᠤᠨᠤᠰᠬᠢᠵᠤ
ᠭᠠᠩ ᠲᠤᠭᠤᠷᠠᠢ ᠬᠢᠯᠠᠰᠬᠢᠨᠡ
ᠪᠦᠭᠲᠦᠷᠡᠭᠡ ᠰᠠᠢᠲᠠᠢ ᠵᠢᠷᠣᠭᠠ ᠮᠣᠷᠢ
ᠪᠥᠮᠪᠥᠭᠡ ᠠᠳᠠᠯᠢ ᠪᠥᠮᠪᠥᠯᠵᠡᠨᠡ
ᠪᠥᠮᠪᠥᠭᠡ ᠠᠳᠠᠯᠢ ᠪᠥᠮᠪᠥᠯᠵᠡᠭᠡᠳ
ᠪᠥᠵᠥᠩ ᠠᠳᠠᠯᠢ ᠰᠦᠮᠪᠦᠯᠵᠡᠨᠠ
ᠬᠠᠮᠤᠭᠠ ᠰᠠᠢᠲᠠᠢ ᠵᠢᠷᠣᠭᠠ ᠮᠣᠷᠢ
ᠬᠠᠨᠳᠠᠭᠠᠢ ᠠᠳᠠᠯᠢ ᠬᠠᠢᠪᠠᠯᠵᠠᠨᠠ
ᠬᠠᠨᠳᠠᠭᠠᠢ ᠠᠳᠠᠯᠢ ᠬᠠᠢᠪᠠᠯᠵᠠᠭᠠᠳ
ᠴᠢᠨᠳᠠᠭᠠ ᠠᠳᠠᠯᠢ ᠲᠠᠢᠪᠠᠯᠵᠠᠨᠠ
ᠤᠭ ᠲᠥᠷᠥᠯ ᠨᠢ ᠤᠷᠭᠤᠭᠠ ᠵᠢᠷᠣᠭᠠ
ᠤᠯᠠᠮ ᠬᠣᠢᠨᠠ ᠪᠠᠨ ᠱᠤᠩᠭᠤᠭᠠ ᠵᠢᠷᠣᠭᠠ
ᠤᠷᠤᠭᠤ ᠭᠠᠵᠠᠷ ᠤᠷᠤᠰᠤᠮᠠ ᠵᠢᠷᠣᠭᠠ
ᠤᠰᠤᠨ ᠲᠠᠯᠠᠮᠠᠨ ᠤᠷᠠᠨ ᠵᠢᠷᠣᠭᠠ
ᠠᠭᠤᠯᠠ ᠬᠠᠢᠷᠬᠠᠨ ᠳᠠᠢᠪᠤᠮᠠ ᠵᠢᠷᠣᠭᠠ
ᠤᠰᠤ ᠮᠥᠷᠡᠨ ᠴᠠᠯᠭᠢᠮᠠ ᠵᠢᠷᠣᠭᠠ
ᠤᠷᠠᠨ ᠲᠣᠭᠣᠰ ᠪᠥᠵᠢᠭᠯᠡᠮᠡ ᠵᠢᠷᠣᠭᠠ
ᠤᠨᠲᠠᠬᠤ ᠨᠣᠢᠷᠠᠨ ᠳ᠋ᠤ᠌ ᠵᠡᠭᠦᠳᠦᠯᠡᠮᠡ ᠵᠢᠷᠣᠭᠠ
ᠬᠠᠵᠠᠭᠤ ᠳᠡᠭᠡᠭᠦᠷ ᠬᠠᠢᠪᠤᠭᠠ ᠵᠢᠷᠣᠭᠠ
ᠬᠠᠷᠪᠤᠭᠰᠠᠨ ᠰᠤᠮᠤ ᠰᠢᠭ᠋ ᠬᠤᠷᠳᠤᠨ ᠵᠢᠷᠣᠭᠠ
ᠥᠭᠡᠳᠡ ᠭᠠᠵᠠᠷ ᠡᠯᠭᠦᠭᠡ ᠵᠢᠷᠣᠭᠠ
ᠡᠪᠡᠰᠦᠨ ᠲᠣᠯᠣᠭᠠᠢ ᠨᠠᠢᠭᠤᠮᠠ ᠵᠢᠷᠣᠭᠠ
ᠳᠡᠨᠵᠢᠨ ᠳᠡᠭᠡᠭᠦᠷ ᠳᠡᠭᠳᠡᠮᠡ ᠵᠢᠷᠣᠭᠠ
ᠳᠡᠷᠡᠰᠦᠨ ᠲᠣᠯᠣᠭᠠᠢ ᠬᠡᠪᠲᠡᠮᠡ ᠵᠢᠷᠣᠭᠠ
ᠰᠦᠷᠦᠭ ᠦ᠋ᠨ ᠴᠢᠮᠡᠭ ᠬᠣᠪᠣᠷ ᠵᠢᠷᠣᠭᠠ
ᠰᠡᠭᠦᠳᠡᠷ ᠵᠢᠷᠤᠭ ᠲᠤ᠌ ᠭᠠᠷᠭᠠᠮᠠ ᠵᠢᠷᠣᠭᠠ
ᠨᠠᠢ᠍ᠮᠠᠨ ᠭᠠᠨᠵᠤᠭᠠ ᠪᠣᠰᠣᠮᠠ ᠵᠢᠷᠣᠭᠠ
ᠨᠠᠪᠴᠢᠲᠤ ᠳᠡᠯᠡᠬᠡᠢ ᠪᠡᠶᠡᠰᠦᠮᠡ ᠵᠢᠷᠣᠭᠠ
ᠨᠢᠯᠬᠠ ᠬᠡᠦᠬᠡᠳ ᠢᠨᠢᠶᠡᠮᠡ ᠵᠢᠷᠣᠭᠠ
ᠨᠠᠰᠤᠲᠠᠢ ᠬᠥᠮᠦᠰ ᠤᠶᠠᠷᠠᠮᠠ ᠵᠢᠷᠣᠭᠠ
ᠭᠠᠵᠠᠷ ᠤ᠋ᠨ ᠬᠥᠷᠥᠰᠥ ᠡᠷᠢᠶᠡᠯᠵᠡᠮᠡ ᠵᠢᠷᠣᠭᠠ
ᠭᠠᠨᠳᠢ ᠮᠣᠳᠣ ᠱᠤᠤᠭᠢᠮᠠ ᠵᠢᠷᠣᠭᠠ
ᠭᠠᠯᠪᠠ ᠶ᠋ᠢᠨ ᠠᠮᠢᠲᠠᠨ ᠭᠠᠢᠬᠠᠮᠠ ᠵᠢᠷᠣᠭᠠ
ᠭᠠᠩᠭᠠᠩ ᠠᠵᠠᠢ ᠳᠠᠭᠤᠯᠠᠮᠠ ᠵᠢᠷᠣᠭᠠ
ᠬᠤᠷᠠᠭᠰᠠᠨ ᠬᠥᠮᠦᠰ ᠭᠠᠢᠬᠠᠯᠴᠠᠨ
ᠬᠤᠷᠤᠭᠤ ᠭᠠᠷᠭᠠᠨ ᠱᠠᠭᠰᠢᠯᠴᠠᠨ
ᠰᠠᠭᠠᠯᠢ ᠶ᠋ᠢᠨ ᠳᠡᠭᠡᠵᠢ ᠪᠡᠨ ᠡᠷᠭᠦᠯᠴᠡᠨ
ᠰᠠᠢᠬᠠᠨ ᠠᠯᠳᠠᠷ ᠢ᠋ ᠨᠢ ᠮᠠᠭᠲᠠᠯᠴᠠᠨᠠ᠃
ᠦᠰᠦᠭ ᠬᠠᠳᠠᠭᠴᠢ᠄ ᠪᠣᠷᠵᠢᠭᠢᠨ ᠠᠵᠠᠵᠠᠶᠠᠭᠠ
ᠤᠩᠰᠢᠭᠴᠢ᠄ ᠠᠨᠠᠷ
ᠦᠰᠦᠭ ᠠᠮᠢᠯᠠᠭᠤᠯᠤᠭᠴᠢ ᠄ ᠪᠠᠶᠠᠡᠠᠡᠭᠤᠯᠠ
ᠵᠢᠯᠣᠭᠣᠳᠤᠭᠰᠠᠨ ᠪᠠᠭᠰᠢ᠄ ᠭᠠᠪᠢᠶᠠᠲᠤ
ᠬᠢᠨᠠᠭᠴᠢ ᠄ ᠠᠯᠲᠠᠨᠴᠡᠴᠡᠭ