ᠮᠠᠷᠺᠣ ᠫᠣᠯᠣ ᠶ᠋ᠢᠨ ᠴᠠᠢ ᠶ᠋ᠢᠨ ᠵᠣᠭᠣᠭМарко Пологийн цайн зоог
416ᠮᠠᠷᠺᠣ ᠫᠣᠯᠣ
1269 ᠣᠨ ᠳ᠋ᠤ᠌ ᠠᠬᠠ ᠳᠡᠭᠦᠦ ᠨᠢᠺᠺᠣᠯᠣ᠂ ᠮᠠᠹᠹᠧᠣ ᠨᠠᠷ ᠸᠧᠨᠧᠼᠢ ᠳ᠋ᠦ᠍ ᠪᠤᠴᠠᠵᠤ ᠢᠷᠡᠭᠡᠳ ᠮᠠᠷᠺᠣ ᠫᠣᠯᠣ ᠲᠠᠢ ᠠᠩᠬᠠ ᠠᠭᠤᠯᠵᠠᠪᠠ᠃ ᠲᠡᠭᠡᠭᠡᠳ 1271 ᠣᠨ ᠤ᠋ ᠰᠡᠭᠦᠯᠡᠷ ᠠᠬᠠ ᠲᠡᠭᠦᠰ 17 ᠨᠠᠰᠤᠲᠠᠢ ᠮᠠᠷᠺᠣ ᠫᠣᠯᠣ ᠶ᠋ᠢᠨ ᠬᠠᠮᠲᠤ ᠠᠽᠢᠶᠠ ᠤᠷᠤᠭᠤ ᠠᠶᠠᠯᠠᠬᠤ ᠪᠠᠷ ᠬᠥᠳᠡᠯᠦᠭᠰᠡᠨ ᠪᠥᠭᠡᠳ ᠬᠣᠵᠢᠮ ᠨᠢ ᠳᠣᠷᠣᠨᠠᠲᠤ ᠶ᠋ᠢᠨ ᠠᠶᠠᠯᠠᠯ ᠳ᠋ᠤ᠌ ᠪᠢᠴᠢᠭᠳᠡᠭᠰᠡᠨ ᠪᠠᠢᠳᠠᠭ᠃ 1295 ᠣᠨ ᠳ᠋ᠤ᠌ 15000 ᠺᠢᠯᠣᠮᠧᠲ᠋ᠷ ᠵᠠᠮ ᠢ᠋ ᠲᠤᠭᠤᠯᠵᠤ ᠡᠳ᠋ ᠪᠠᠶᠠᠯᠢᠭ᠂ ᠡᠷᠳᠡᠨᠢᠰ ᠲᠡᠢ ᠪᠤᠴᠠᠵᠤ ᠢᠷᠡᠪᠡ᠃
ᠲᠡᠳᠡᠨ ᠢ᠋ ᠪᠤᠴᠠᠵᠤ ᠢᠷᠡᠭᠰᠡᠨ ᠡᠴᠡ ᠬᠣᠢᠰᠢ ᠭᠤᠷᠪᠠᠨ ᠵᠢᠯ ᠦ᠋ᠨ ᠳᠠᠷᠠᠭᠠ ᠸᠧᠨᠧᠼ ᠭᠧᠨᠤᠶᠠ ᠲᠠᠢ ᠳᠠᠢᠳᠤᠵᠤ ᠪᠠᠢᠪᠠ᠃ ᠮᠠᠷᠺᠣ ᠫᠣᠯᠣ ᠰᠠᠢᠨ ᠳᠤᠷᠠ ᠪᠠᠷ ᠢ᠋ᠶ᠋ᠠᠨ ᠴᠡᠷᠢᠭ ᠪᠣᠯᠵᠤ᠂ ᠠᠷᠮᠢ ᠳ᠋ᠤ᠌ ᠠᠯᠪᠠ ᠬᠠᠭᠠᠵᠤ ᠪᠠᠢᠭᠰᠠᠨ ᠪᠣᠯᠪᠠᠴᠤ ᠭᠧᠨᠤᠶᠠᠴᠤᠳ ᠲᠤ᠌ ᠣᠯᠵᠠᠯᠠᠭᠳᠠᠭᠰᠠᠨ᠃ᠱᠣᠷᠣᠩ ᠳ᠋ᠤ᠌ ᠬᠣᠷᠢᠭᠳᠠᠭᠰᠠᠨ ᠬᠡᠳᠦᠨ ᠰᠠᠷᠠ ᠳ᠋ᠤ᠌ ᠪᠠᠨ ᠲᠡᠷᠡ ᠪᠡᠷ ᠠᠶᠠᠯᠠᠯ ᠤ᠋ᠨ ᠢ᠋ᠶ᠋ᠠᠨ ᠨᠠᠷᠢᠨ ᠰᠢᠷᠢ ᠶ᠋ᠢᠨ ᠵᠦᠢᠯ ᠢ᠋ ᠪᠢᠴᠢᠵᠦ ᠦᠯᠡᠳᠡᠭᠡᠭᠰᠡᠨ ᠪᠥᠭᠡᠳ ᠡᠭᠦᠨ ᠢ᠋ ᠱᠣᠷᠣᠩ ᠳ᠋ᠤ᠌ ᠬᠣᠷᠢᠭᠳᠠᠵᠤ ᠪᠠᠢᠭᠰᠠᠨ ᠮᠡᠷᠭᠡᠵᠢᠯ ᠦ᠋ᠨ ᠵᠣᠬᠢᠶᠠᠯᠴᠢ ᠷᠦᠰᠲ᠋ᠢᠴᠧᠷᠣ ᠳᠠ ᠫᠢᠰᠠ ᠪᠢᠴᠢᠵᠦ ᠦᠯᠡᠳᠡᠭᠡᠵᠡᠢ᠃ ᠭᠡᠪᠡᠴᠦ ᠫᠢᠰᠠ ᠡᠨᠳᠡ ᠳᠤᠷᠠ ᠮᠡᠳᠡᠨ ᠥᠪᠡᠷ ᠦ᠋ᠨ ᠰᠣᠨᠣᠰᠤᠭᠰᠠᠨ ᠵᠦᠢᠯᠡᠰ᠂ ᠪᠤᠰᠤᠳ ᠠᠨᠧᠺᠳᠣᠲ᠂ ᠬᠢᠲᠠᠳ ᠡᠴᠡ ᠰᠣᠨᠣᠰᠤᠭᠰᠠᠨ ᠶᠠᠷᠢᠭᠠ ᠶ᠋ᠢ ᠨᠡᠮᠡᠵᠦ ᠣᠷᠣᠭᠤᠯᠤᠭᠰᠠᠨ᠃ ᠡᠨᠡᠬᠦ ᠲᠡᠮᠳᠡᠭᠯᠡᠯ ᠨᠢ ᠮᠠᠷᠺᠣ ᠫᠣᠯᠣ ᠶ᠋ᠢᠨ ᠠᠽᠢᠶᠠ ᠲᠢᠪ ᠲᠦ᠍ ᠬᠢᠭᠰᠡᠨ ᠠᠶᠠᠯᠠᠯ ᠤ᠋ᠨ ᠲᠡᠦᠬᠡ ᠪᠣᠯᠬᠤ ᠢᠯᠡ ᠮᠢᠯᠢᠨ ᠨᠡᠷᠡ ᠪᠡᠷ ᠠᠯᠳᠠᠷᠰᠢᠭᠰᠠᠨ ᠪᠥᠭᠡᠳ ᠬᠢᠲᠠᠳ᠂ ᠡᠨᠡᠳᠬᠡᠭ᠂ ᠶᠠᠫᠣᠨ ᠵᠡᠷᠭᠡ ᠠᠯᠤᠰ ᠳᠣᠷᠣᠨᠠᠲᠤ ᠶ᠋ᠢᠨ ᠳᠣᠲᠣᠭᠠᠳᠤ ᠦᠢᠯᠡ ᠠᠵᠢᠯᠯᠠᠭᠠ ᠶ᠋ᠢ ᠴᠣᠭᠴᠠ ᠪᠠᠷ ᠨᠢ ᠬᠠᠷᠠᠭᠤᠯᠤᠭᠰᠠᠨ ᠠᠩᠬᠠᠨ ᠤ᠋ ᠧᠦ᠋ᠷᠣᠫᠠ ᠬᠥᠮᠦᠨ ᠪᠠᠢᠪᠠ ᠃
ᠮᠠᠷᠺᠣ ᠫᠣᠯᠣ 1299 ᠣᠨ ᠤ᠋ 8 ᠳ᠋ᠤᠭᠠᠷ ᠰᠠᠷᠠ ᠳ᠋ᠤ᠌ ᠰᠤᠯᠠᠯᠠᠭᠳᠠᠭᠰᠠᠨ ᠪᠥᠭᠡᠳ ᠸᠧᠨᠧᠼ ᠦ᠋ᠨ ᠲᠥᠪᠡᠳ ᠠᠪᠤ᠂ ᠠᠪᠠᠭᠠ ᠠᠬᠠ ᠬᠣᠶᠠᠷ ᠤ᠋ᠨ ᠢ᠋ᠶ᠋ᠠᠨ ᠬᠤᠳᠠᠯᠳᠤᠵᠤ ᠠᠪᠤᠭᠰᠠᠨ ᠲᠣᠮᠣ ᠬᠠᠷᠰᠢ ᠳ᠋ᠤ᠌ ᠪᠤᠴᠠᠵᠤ ᠢᠷᠡᠪᠡ᠃ ᠡᠨᠡ ᠪᠢᠽᠢᠨ᠋ᠧᠰ ᠦᠷᠭᠦᠯᠵᠢᠯᠡᠭᠦᠯᠦᠨ ᠠᠵᠢᠯᠯᠠᠵᠤ᠂ ᠮᠠᠷᠺᠣ ᠫᠣᠯᠣ ᠤᠳᠠᠯ ᠦᠭᠡᠢ ᠴᠢᠨᠡᠭᠡᠯᠢᠭ ᠬᠤᠳᠠᠯᠳᠤᠭᠠᠴᠢᠳ ᠤ᠋ᠨ ᠡᠩᠨᠡᠭᠡᠨ ᠳ᠋ᠦ᠍ ᠨᠢᠭᠡᠳᠦᠭᠰᠡᠨ᠃ ᠮᠠᠷᠺᠣ ᠫᠣᠯᠣ ᠬᠡᠳᠦᠢ ᠪᠡᠷ ᠡᠺᠰᠫᠧᠳᠢᠼ ᠢ᠋ ᠰᠠᠩᠬᠦᠵᠢᠭᠦᠯᠦᠭᠰᠡᠨ ᠴᠦ᠍ ᠸᠧᠨᠧᠼᠢ ᠶ᠋ᠢ ᠣᠷᠬᠢᠵᠤ ᠶᠠᠪᠤᠭᠰᠠᠨ ᠦᠭᠡᠢ᠃ 1300 ᠣᠨ ᠳ᠋ᠤ᠌ ᠮᠠᠷᠺᠣ ᠫᠣᠯᠣ ᠬᠤᠳᠠᠯᠳᠤᠭᠠᠴᠢᠨ ᠸᠢᠲ᠋ᠠᠯᠧ ᠪᠠᠳᠣᠧᠷ ᠦ᠋ᠨ ᠥᠬᠢᠨ ᠳ᠋ᠣᠨᠤᠲᠠ ᠪᠠᠳᠣᠧᠷ ᠲᠡᠢ ᠭᠡᠷᠯᠡᠵᠦ᠂ ᠹᠠᠨᠲ᠋ᠢᠨᠠ᠂ ᠪᠧᠯᠯᠧᠷᠠ᠂ ᠮᠣᠷᠧᠲ᠋ᠲ᠋ᠠ ᠬᠡᠮᠡᠬᠦ ᠭᠤᠷᠪᠠᠨ ᠥᠬᠢᠨ ᠲᠡᠢ ᠪᠣᠯᠵᠠᠢ᠃
