ᠬᠥᠭᠰᠢᠳ - ᠸᠠᠴᠢᠷᠪᠠᠲᠤ ᠶ᠋ᠢᠨ ᠳᠠᠰᠢᠪᠠᠯᠪᠠᠷ Хөгшид - Очирбатын Дашбалбар
245ᠬᠥᠭᠰᠢᠳ
ᠬᠠᠪᠤᠷ ᠤ᠋ᠨ ᠨᠠᠷᠠᠨ ᠳ᠋ᠤ᠌ ᠨᠢᠷᠤᠭᠤ ᠪᠠᠨ ᠡᠭᠡᠭᠡᠵᠦ
ᠬᠠᠷᠠᠪᠠᠰᠤ ᠵᠢᠷᠭᠠᠯ ᠢ᠋ ᠬᠠᠨᠲᠠᠯᠠ ᠡᠳ᠋ᠯᠡᠵᠦ
ᠬᠥᠬᠡ ᠲᠩᠷᠢ ᠶ᠋ᠢᠨ ᠳᠣᠣᠷᠠ ᠶᠠᠷᠢᠯᠴᠠᠵᠤ ᠰᠠᠭᠤᠭᠠ
ᠬᠥᠭᠰᠢᠴᠦᠦᠯ᠂ ᠦᠵᠡᠵᠦ ᠥᠩᠭᠡᠷᠡᠭᠦᠯᠦᠭᠰᠡᠨ ᠬᠣᠷᠸᠠ ᠳ᠋ᠤ᠌ ᠪᠠᠨ ᠵᠢᠷᠭᠠᠯᠲᠠᠢ!
ᠮᠥᠩᠭᠥ ᠶ᠋ᠢ ᠮᠡᠳᠡᠨᠡ᠂ ᠮᠥᠩᠬᠡ ᠪᠤᠰᠤ ᠬᠣᠷᠸᠠ ᠦᠨᠡ ᠦᠭᠡᠢ ᠶ᠋ᠢ ᠴᠦ᠍ ᠮᠡᠳᠡᠨᠡ
ᠮᠥᠰᠥ ᠴᠢᠨᠠᠷ ᠢ᠋ ᠬᠤᠳᠠᠯᠳᠤᠵᠤ ᠠᠪᠴᠤ ᠪᠣᠯᠬᠤ ᠦᠭᠡᠢ ᠶ᠋ᠢ ᠴᠦ᠍ ᠮᠡᠳᠡᠨᠡ
ᠠᠯᠢᠪᠠ ᠶᠠᠭᠤᠮᠠ ᠪᠦᠬᠦᠨ ᠬᠠᠭᠤᠴᠢᠷᠠᠵᠤ᠂ ᠠᠷᠢᠯᠵᠤ ᠪᠠᠢᠳᠠᠭ ᠢ᠋ ᠮᠡᠳᠡᠨᠡ
ᠠᠷᠢᠭᠤᠨ ᠰᠡᠳᠬᠢᠯ᠂ ᠲᠩᠷᠢ ᠳ᠋ᠦ᠍ ᠭᠠᠭᠴᠠᠬᠠᠨ ᠨᠠᠷᠠ ᠰᠢᠭ᠋ ᠦᠯᠡᠳᠡᠳᠡᠭ ᠢ᠋ ᠮᠡᠳᠡᠨᠡ
ᠠᠯᠳᠠᠷ ᠨᠡᠷᠡ ᠶ᠋ᠢ ᠮᠡᠳᠡᠨᠡ᠂ ᠠᠭᠱᠠᠨ ᠵᠠᠭᠤᠷᠠ ᠶ᠋ᠢᠨ ᠬᠣᠯᠪᠣᠭᠠ ᠶ᠋ᠢ ᠮᠡᠳᠡᠨᠡ
ᠠᠯᠠᠭᠠ ᠪᠣᠯᠤᠭᠰᠠᠨ ᠬᠣᠢᠨᠠ ᠪᠦᠬᠦ ᠶᠠᠭᠤᠮᠠ ᠥᠪᠡᠷ ᠲᠦ᠍ ᠬᠠᠮᠢᠶᠠ ᠦᠭᠡᠢ ᠶ᠋ᠢ ᠮᠡᠳᠡᠨᠡ
ᠠᠷᠢᠯᠵᠤ ᠭᠠᠩᠳᠠᠭᠰᠠᠨ ᠤ᠋ ᠲᠥᠯᠥᠭᠡ ᠬᠠᠷᠠᠮᠰᠠᠵᠤ ᠭᠤᠨᠢᠬᠤ ᠶ᠋ᠢ ᠴᠦ᠍ ᠮᠡᠳᠡᠨᠡ
ᠠᠮᠢᠳᠤ ᠶ᠋ᠢᠨ ᠵᠢᠷᠭᠠᠯ ᠢ᠋ ᠬᠣᠷᠸᠠ ᠳ᠋ᠤ᠌ ᠶᠠᠭᠤ ᠪᠠᠷ ᠰᠣᠯᠢᠬᠤ ᠦᠭᠡᠢ ᠶ᠋ᠢ ᠮᠡᠳᠡᠨᠡ
ᠨᠡᠷᠡ ᠲᠥᠷᠥ ᠶ᠋ᠢ ᠮᠡᠳᠡᠨᠡ᠂ ᠨᠢᠩᠵᠢᠨ ᠰᠡᠳᠬᠢᠯ ᠢ᠋ ᠮᠡᠳᠡᠨᠡ
ᠨᠢᠭᠡ ᠶ᠋ᠢᠨ ᠢ᠋ᠶ᠋ᠡᠨ ᠲᠥᠯᠥᠭᠡ ᠦᠬᠦᠵᠦ ᠪᠣᠯᠬᠤ ᠠᠭᠱᠠᠨ ᠢ᠋ ᠮᠡᠳᠡᠨᠡ
ᠬᠡᠷᠡᠭ ᠲᠡᠢ ᠴᠠᠭ ᠲᠤ᠌ ᠬᠤᠳᠠᠯ ᠬᠡᠯᠡᠬᠦ ᠶ᠋ᠢ ᠮᠡᠳᠡᠨᠡ
ᠬᠡᠷᠡᠭ ᠦᠭᠡᠢ ᠴᠠᠭ ᠲᠤ᠌ ᠳᠠᠭᠤ ᠦᠭᠡᠢ ᠲᠡᠪᠴᠢᠬᠦ ᠶ᠋ᠢ ᠴᠦ᠍ ᠮᠡᠳᠡᠨᠡ
ᠠᠶᠠ᠂ ᠬᠥᠭᠰᠢᠳ
ᠠᠮᠢᠲᠠᠨ ᠤ᠋ ᠬᠣᠷᠸᠠ ᠶ᠋ᠢ ᠦᠵᠡᠵᠦ᠂ ᠪᠦᠬᠦᠨ ᠢ᠋ ᠲᠤᠭᠤᠯᠤᠭᠰᠠᠨ ᠳ᠋ᠠᠭᠠᠨ
ᠠᠮᠢᠳᠤ ᠬᠣᠢᠴᠢ ᠶ᠋ᠢᠨ ᠢ᠋ᠶ᠋ᠡᠨ ᠲᠥᠯᠥᠭᠡ᠂ ᠡᠭᠡᠯ ᠪᠡᠶᠡ ᠪᠡᠨ ᠵᠣᠯᠢᠬᠤ ᠶ᠋ᠢ ᠶᠠᠭᠤᠬᠠᠨ ᠳ᠋ᠤ᠌ ᠴᠤ᠌ ᠡᠰᠡ ᠰᠠᠨᠠᠨᠠ᠃
ᠭᠡᠭᠡᠨ ᠴᠡᠩᠬᠡᠷ ᠡᠳᠦᠷ ᠲᠡᠳᠡ᠂ ᠲᠩᠷᠢ ᠶ᠋ᠢᠨ ᠳᠣᠣᠷᠠ
ᠭᠡᠷᠡᠯᠲᠦ ᠨᠠᠷᠠᠨ ᠤ᠋ ᠪᠦᠯᠢᠶᠡᠨ ᠢᠯᠴᠢ ᠶ᠋ᠢ ᠪᠡᠶᠡ ᠳ᠋ᠡᠭᠡᠨ ᠰᠢᠩᠭᠡᠭᠡᠨᠡ
ᠠᠯᠢᠪᠠ ᠶᠠᠭᠤᠮᠠᠨ ᠳ᠋ᠤ᠌ ᠲᠡᠭᠡᠭᠡᠳ ᠬᠠᠯᠠᠭᠤᠨ ᠢᠯᠴᠢᠲᠦ ᠰᠡᠳᠬᠢᠯ ᠢ᠋ᠶ᠋ᠡᠷ ᠬᠠᠨᠳᠤᠵᠤ
ᠠᠯᠠᠭᠠ ᠪᠣᠯᠬᠤ ᠶ᠋ᠢᠨ ᠴᠠᠭ ᠲᠠᠭᠠᠨ ᠨᠠᠷᠠᠨ ᠳᠤᠯᠠᠭᠠᠨ ᠢ᠋ᠶ᠋ᠠᠨ ᠪᠢᠳᠡᠨ ᠳ᠋ᠦ᠍ ᠦᠯᠡᠳᠡᠭᠡᠨᠡ᠃
ᠠᠶᠠ᠂ ᠬᠥᠭᠰᠢᠳ
ᠬᠡᠦᠬᠡᠳ ᠮᠡᠲᠦ ᠠᠷᠢᠭᠤᠬᠠᠨ᠂ ᠭᠡᠨᠡᠨ ᠲᠤᠩᠭᠠᠯᠠᠭ ᠪᠣᠯᠤᠯᠲᠠᠢ ᠴᠤ᠌
ᠠᠮᠢᠳᠤᠷᠠᠯ ᠢ᠋ ᠨᠢᠴᠦᠭᠦᠨ ᠢ᠋ᠶ᠋ᠡᠷ ᠨᠢ ᠬᠠᠷᠠᠵᠤ᠂ᠬᠠᠲᠠᠭᠤ ᠰᠢᠷᠦᠭᠦᠨ ᠢ᠋ᠶ᠋ᠡᠷ ᠰᠢᠭᠦᠨᠡ᠃
ᠠᠵᠤ ᠲᠥᠷᠥᠬᠦ ᠶ᠋ᠢᠨ ᠦᠨᠡᠨ ᠢ᠋ ᠴᠠᠭ ᠴᠠᠭ ᠲᠤᠨᠢ ᠲᠣᠭᠠᠴᠢᠨᠠ
ᠠᠮᠢᠳᠤ ᠶ᠋ᠢᠨ ᠵᠢᠷᠭᠠᠯ ᠢ᠋ ᠪᠤᠰᠤᠳ ᠲᠤ᠌ ᠦᠢᠯᠡᠳᠦᠭᠰᠡᠨ ᠰᠠᠢᠨ ᠦᠢᠯᠡ ᠪᠡᠷ ᠴᠡᠩᠨᠡᠨᠡ᠃
ᠡᠳᠦᠷ ᠬᠣᠨᠣᠭ ᠤ᠋ᠨ ᠡᠷᠢᠬᠡᠨ ᠬᠡᠯᠬᠢᠶᠡ ᠶ᠋ᠢ ᠳᠡᠮᠡᠢ ᠬᠡᠳᠦ ᠲᠣᠭᠠᠯᠠᠯ ᠦᠭᠡᠢ
ᠥᠨᠳᠥᠷ ᠨᠠᠰᠤᠨ ᠤ᠋ ᠲᠩᠷᠢ ᠡᠴᠡ ᠳᠠᠭᠤ ᠦᠭᠡᠢ ᠬᠠᠢᠷᠠ ᠪᠠᠨ ᠵᠦᠩ ᠰᠣᠪᠢᠩ ᠳ᠋ᠤ᠌ ᠰᠢᠩᠭᠡᠭᠡᠨᠡ!