ᠭᠠᠵᠠᠷ ᠤᠰᠤᠨ ᠤ᠋ ᠰᠠᠩГазар усны сан
491ᠭᠠᠵᠠᠷ ᠤᠰᠤᠨ ᠤ᠋ ᠰᠠᠩ
ᠨᠠᠮᠤ ᠬᠦᠷᠦ ᠭᠡᠭᠡᠨ ᠰᠠᠨᠰᠠᠷ ᠲᠡᠭᠷᠢ ᠮᠠᠩᠭᠤᠰ ᠬᠠᠮᠤᠭ ᠨᠠᠢ᠍ᠮᠠᠨ ᠠᠢᠮᠠᠭᠲᠠᠨ᠃
ᠭᠠᠵᠠᠷ ᠤᠰᠤᠨ ᠤ᠋ ᠡᠵᠡᠳ ᠬᠢᠭᠡᠳ ᠢᠯᠠᠩᠭᠤᠶᠠ ᠡᠨᠳᠡᠬᠢ᠃
ᠡᠨᠡ ᠶᠡᠬᠡ ᠰᠦᠮᠡ ᠬᠡᠢᠳ ᠦ᠋ᠨ ᠰᠢᠳᠠᠷ ᠣᠢᠷᠠ ᠣᠷᠴᠢᠨ ᠤ᠋᠃
ᠨᠠᠭᠤᠷ ᠪᠤᠯᠠᠭ ᠬᠤᠳᠳᠤᠭ ᠬᠢᠭᠡᠳ ᠤᠷᠤᠰᠤᠭᠴᠢ ᠤᠰᠤᠨ ᠪᠠ᠃
ᠠᠭᠤᠯᠠ ᠬᠠᠳᠠ ᠵᠦᠯᠭᠡ ᠲᠠᠯᠠ ᠰᠢᠭᠤᠢ ᠶᠡᠬᠡ ᠮᠣᠳᠣᠨ ᠪᠠ᠃
ᠪᠠᠯᠴᠢᠷ ᠪᠠ ᠶᠡᠬᠡ ᠵᠠᠮ ᠳ᠋ᠤᠷ ᠠᠵᠤ ᠣᠷᠣᠰᠢᠭᠰᠠᠨ ᠲᠡᠭᠷᠢ ᠯᠤᠤᠰ᠃
ᠪᠤᠯᠠᠭ ᠨᠠᠭᠤᠷ ᠤ᠋ᠨ ᠡᠬᠢ ᠬᠢᠭᠡᠳ ᠭᠠᠵᠠᠷ ᠤᠰᠤᠨ ᠤ᠋ ᠡᠵᠡᠳ ᠪᠠ᠃
ᠬᠥᠮᠦᠨ ᠬᠢᠭᠡᠳ ᠪᠦᠳᠢ ᠨᠠᠷ ᠪᠠ ᠵᠦᠢᠯᠳᠡᠨ ᠪᠦᠷᠢ ᠪᠦᠬᠦᠨ ᠳ᠋ᠦ᠍ᠷ᠃
ᠭᠤᠷᠪᠠᠨ ᠴᠠᠭᠠᠨ ᠲᠠᠯᠬᠠ ᠲᠣᠰᠣ ᠲᠡᠷᠢᠭᠦᠯᠡᠨ ᠢᠳᠡᠭᠡᠨ᠃
ᠡᠯᠳᠡᠪ ᠦᠷᠡ ᠵᠢᠮᠢᠰ ᠬᠢᠭᠡᠳ ᠰᠠᠢᠨ ᠤ᠋ ᠦᠨᠦᠷ ᠠᠩᠭᠢᠯᠠᠬᠤ᠃
ᠭᠬᠢᠪ ᠪᠠ ᠲᠣᠷᠭᠠ ᠶ᠋ᠢᠨ ᠵᠦᠢᠯ ᠦ᠋ᠳ ᠬᠢᠭᠡᠳ ᠰᠠᠢᠨ ᠤ᠋ ᠦᠨᠦᠷ ᠠᠩᠬᠢᠯᠵᠤ᠃
ᠮᠣᠳᠣᠨ ᠪᠠ ᠡᠳ᠋ ᠪᠦᠬᠦᠨ ᠦ᠌ ᠡᠯᠳᠡᠪ ᠵᠦᠢᠯ ᠢ᠋ ᠨᠠᠢᠷᠠᠭᠤᠯᠤᠨ ᠲᠦᠯᠡᠭᠰᠡᠨ᠃
ᠤᠲᠤᠭᠠᠨ ᠤ᠋ ᠪᠤᠳᠠᠩ ᠬᠢᠭᠡᠳ ᠣᠭᠲᠠᠷᠭᠤᠢ ᠲᠦᠭᠡᠮᠡᠯ᠃
ᠪᠠᠰᠠ ᠪᠤᠰᠤ ᠢᠯᠡ ᠪᠠᠢᠬᠴᠢᠨ ᠬᠤᠪᠢᠯᠤᠭᠰᠠᠨ ᠲᠠᠬᠢᠯ ᠴᠢᠨᠠᠷ ᠡᠭᠦᠨ ᠢ᠋᠃
ᠪᠠᠶᠠᠰᠬᠤᠯᠠᠩ ᠡᠭᠦᠰᠬᠡᠭᠡᠳ ᠵᠠᠯᠪᠠᠷᠢᠵᠤ ᠳᠠᠬᠢᠮᠦ᠃
ᠰᠠᠢᠲᠤᠷ ᠪᠠᠰᠠ ᠵᠣᠭᠣᠭᠯᠠᠵᠤ ᠮᠠᠨ ᠳ᠋ᠤ᠌ ᠰᠢᠳᠢ ᠰᠣᠶᠣᠷᠬᠠ᠅
ᠪᠢᠳᠡ ᠪᠦᠷᠢᠨ ᠦᠯᠦ ᠮᠡᠳᠡᠨ ᠮᠤᠩᠬᠠᠷᠠᠭᠰᠠᠨ ᠡᠷᠬᠡ ᠪᠡᠷ᠃
ᠲᠠᠨ ᠳ᠋ᠤᠷ ᠬᠣᠣᠷᠯᠠᠯ ᠬᠦᠷᠭᠡᠨ ᠶᠠᠮᠪᠠᠷ ᠭᠡᠮ ᠢ᠋ ᠬᠢᠪᠡᠴᠦ᠃
ᠠᠭᠤᠷ ᠬᠢᠯᠢᠩ ᠭᠦᠷᠦᠨ ᠬᠠᠷᠭᠢᠰ ᠦᠯᠦ ᠦᠢᠯᠡᠳᠦᠨ᠃
ᠭᠠᠩᠳᠠᠬᠤ ᠪᠠ ᠬᠢᠷᠠᠭᠤ ᠬᠢᠭᠡᠳ ᠲᠣᠭᠰᠢᠨ ᠮᠥᠨᠳᠥᠷ ᠣᠷᠣᠬᠤᠢ᠃
ᠠᠶᠤᠩᠭᠠ ᠪᠠ ᠭᠢᠯᠪᠡᠯᠭᠡᠨ ᠪᠠ ᠭᠠᠯ ᠲᠦᠢᠮᠡᠷ ᠪᠣᠯᠬᠤ ᠪᠠ᠃
ᠦᠶᠡᠷ ᠤᠰᠤᠨ ᠭᠠᠷᠬᠤ ᠬᠢᠭᠡᠳ ᠤᠯᠠᠭᠠᠨ ᠰᠠᠯᠬᠢᠨ ᠬᠥᠳᠡᠯᠭᠦᠢ᠃
ᠭᠠᠵᠠᠷ ᠲᠠᠯᠠ ᠡᠪᠳᠡᠷᠡᠵᠦ ᠶᠡᠬᠡ ᠭᠠᠮᠰᠢᠭ ᠪᠣᠯᠬᠤ ᠪᠠ᠃
ᠬᠥᠮᠦᠨ ᠮᠠᠯ ᠳ᠋ᠤᠷ ᠡᠮᠭᠡᠭ ᠪᠣᠯᠤᠨ ᠣᠯᠠᠨ ᠢᠷᠣᠠ ᠪᠣᠯᠬᠤ ᠪᠠ᠃
ᠶᠢᠷᠳᠢᠨᠴᠤᠳᠡᠨ ᠲᠤᠷᠠᠬᠠᠨ ᠪᠣᠯᠤᠨ ᠢᠴᠢᠭᠦᠷᠢ ᠭᠠᠷᠬᠤ ᠪᠠ᠃
ᠮᠠᠯ ᠳ᠋ᠤᠷ ᠴᠢᠨᠣᠠ ᠳᠣᠪᠲᠣᠯᠬᠤ ᠪᠠ ᠲᠡᠷᠢᠭᠦᠲᠡᠨ ᠠᠶᠤᠯᠲᠠᠨ᠃
ᠴᠢᠬᠤᠯᠠ ᠳᠠ ᠬᠥᠨᠦᠭᠡᠭᠴᠢ ᠬᠣᠣᠷ ᠢ᠋ ᠦᠯᠦ ᠦᠢᠯᠡᠳᠦᠨ᠃
ᠬᠤᠷᠠ ᠤᠰᠤᠨ ᠴᠠᠭ ᠲᠤᠷ ᠣᠷᠣᠨ ᠲᠠᠷᠢᠶᠠᠨ ᠢ᠋ᠶ᠋ᠠᠷ ᠳᠡᠯᠭᠡᠷᠡ᠅
ᠮᠠᠯ ᠤ᠋ᠳ ᠦᠰᠦᠨ ᠠᠷᠪᠢᠳᠴᠤ ᠪᠠᠶᠠᠨ ᠰᠠᠢᠨ ᠢ᠋ᠶ᠋ᠠᠷ ᠪᠣᠯᠭᠠᠭᠲᠤᠨ᠃
ᠡᠷᠳᠡᠨᠢᠰ ᠦ᠋ᠨ ᠰᠠᠩ ᠤ᠋ᠨ ᠬᠦᠴᠦᠨ ᠡᠳ᠋ᠯᠡᠯ ᠮᠠᠰᠢ ᠪᠦᠷᠢᠳᠦᠨ᠃
ᠠᠮᠤᠷ ᠪᠠᠶᠠᠷ ᠵᠢᠷᠭᠠᠯᠠᠩ ᠢ᠋ ᠦᠷᠭᠦᠯᠵᠢᠳᠡ ᠬᠦᠷᠲᠡᠭᠡ᠃
ᠡᠨᠡ ᠵᠦᠭ ᠦ᠋ᠨ ᠬᠥᠮᠦᠨ ᠬᠢᠭᠡᠳ ᠬᠥᠮᠦᠨ ᠪᠤᠰᠤ ᠪᠦᠳᠢ ᠨᠠᠷ᠃
ᠠᠯᠢ ᠵᠦᠢᠯᠲᠡᠨ ᠠᠮᠢᠲᠠᠨ ᠢ᠋ᠶ᠋ᠠᠷ ᠠᠮᠤᠷ ᠴᠣᠭ ᠢ᠋ ᠣᠯᠤᠭᠠᠳ᠃
ᠨᠣᠮ ᠤ᠋ᠳ ᠯᠤᠭᠠ ᠵᠣᠬᠢᠯᠳᠤᠵᠤ ᠮᠠᠭᠤ ᠰᠡᠳᠬᠢᠯ ᠵᠠᠰᠠᠷᠠᠨ᠃
ᠢᠯᠠᠭᠤᠭᠰᠠᠨ ᠤ᠋ ᠱᠠᠰᠢᠨ ᠨᠣᠮ ᠤ᠋ᠳ ᠠᠷᠪᠠᠨ ᠵᠦᠭ ᠲᠦ᠍ᠷ ᠪᠠᠳᠠᠷᠠᠨ᠃
ᠯᠠᠮᠠ ᠬᠢᠭᠡᠳ ᠢᠳᠠᠮ ᠭᠤᠷᠪᠠᠨ ᠡᠷᠳᠡᠨᠢᠰ ᠦ᠋ᠨ ᠠᠳᠢᠰᠲᠢᠳ᠃
ᠱᠠᠰᠢᠨ ᠨᠣᠮ ᠤ᠋ᠨ ᠰᠠᠬᠢᠭᠤᠯᠰᠤᠨ ᠴᠢᠳᠠᠯ ᠬᠦᠴᠦᠨ ᠪᠦᠷᠢᠳᠦᠨ᠃
ᠰᠢᠲᠦᠯᠴᠡᠵᠦ ᠪᠠᠷᠢᠯᠳᠤᠭᠰᠠ ᠦᠨᠡᠨ ᠠᠵᠤ ᠲᠡᠭᠦᠨ ᠢ᠋ᠶ᠋ᠡᠷ᠃
ᠰᠠᠢᠨ ᠤ᠋ ᠵᠢᠷᠭᠠᠯ ᠵᠤᠨ ᠤ᠋ ᠶᠡᠬᠡ ᠨᠠᠭᠤᠷ ᠮᠡᠲᠦ ᠠᠷᠪᠢᠵᠢᠨ᠃
ᠳᠡᠯᠭᠡᠷᠡᠬᠦᠢ ᠶ᠋ᠢᠨ ᠥᠯᠵᠡᠢ ᠬᠤᠲᠤᠭ ᠣᠷᠣᠰᠢᠬᠤ ᠪᠣᠯᠲᠤᠭᠠᠢ ᠅ ᠃ ᠅
ᠰᠤᠳᠤᠷ ᠤ᠋ᠨ ᠦᠰᠦᠭ ᠢ᠋ ᠠᠮᠢᠯᠠᠭᠤᠯᠤᠭᠴᠢ ᠄ᠳᠡᠭᠰᠢᠮᠥ᠋ᠩᠬᠡ
ᠬᠢᠨᠠᠭᠴᠢ᠄ᠬᠡᠢᠮᠣᠷᠢ ᠰᠦᠯᠵᠢᠶᠡ ᠶ᠋ᠢᠨ ᠱᠠᠰᠢᠨ ᠰᠢᠲᠦᠯᠭᠡ ᠬᠣᠯᠪᠣᠭᠠ