ᠪᠤᠶᠠᠨᠲᠤ ᠢᠷᠥᠭᠡᠯ ᠬᠡᠮᠡᠬᠦ ᠰᠤᠳᠤᠷ ᠣᠷᠣᠰᠢᠪᠠБуянт ерөөл хэмээх судар оршив
590ᠪᠤᠶᠠᠨᠲᠤ ᠢᠷᠥᠭᠡᠯ ᠬᠡᠮᠡᠬᠦ ᠰᠤᠳᠤᠷ ᠣᠷᠣᠰᠢᠪᠠ
ᠣᠮ ᠠ ᠬᠣᠩ ᠅
ᠪᠤᠶᠠᠨᠲᠤ ᠢᠷᠥᠭᠡᠯ ᠬᠡᠮᠡᠬᠦ ᠰᠤᠳᠤᠷ ᠣᠷᠣᠰᠢᠪᠠ
ᠠᠷᠪᠠᠨ ᠵᠦᠭ ᠦ᠋ᠨ ᠢᠯᠠᠭᠤᠭᠰᠠᠳ ᠬᠥᠪᠡᠭᠦᠨ ᠯᠤᠭᠡ ᠰᠡᠯᠲᠡ ᠪᠦᠭᠦᠳᠡ ᠳᠡ ᠮᠥᠷᠭᠥᠮᠦ᠃
ᠬᠢᠵᠠᠭᠠᠷ ᠦᠭᠡᠢ ᠠᠮᠢᠲᠠᠨ ᠢ᠋ ᠰᠠᠨᠰᠠᠷ ᠠ᠋ᠴᠠ ᠭᠡᠲᠦᠯᠭᠡᠬᠦ ᠶ᠋ᠢᠨ ᠲᠤᠯᠠ ᠪᠢ ᠃
ᠬᠢᠵᠠᠭᠠᠷ ᠦᠭᠡᠢ ᠠᠷᠢᠯᠤᠭᠰᠠᠨ ᠰᠠᠨᠠᠯ ᠢ᠋ᠶ᠋ᠠᠷ ᠢᠷᠥᠭᠡᠯ ᠲᠠᠯᠪᠢᠮᠤ᠃
ᠬᠤᠳᠠᠯ ᠦᠭᠡᠢ ᠦᠨᠡᠨ ᠭᠤᠷᠪᠠᠨ ᠡᠷᠳᠡᠨᠢ ᠪᠠ ᠬᠦᠴᠦᠨ ᠴᠢᠳᠠᠯ ᠪᠦᠬᠦᠢᠲᠦ᠃
ᠠᠷᠰᠢ ᠨᠠᠷ ᠤ᠋ᠨ ᠬᠦᠴᠦᠨ ᠢ᠋ᠶ᠋ᠡᠷ ᠦᠨᠡᠨ ᠦᠭᠡᠰ ᠪᠦᠲᠦᠭᠡᠬᠦᠶᠡ ᠪᠣᠯᠲᠤᠭᠠᠢ ᠅
ᠬᠠᠮᠤᠭ ᠡᠯᠡ ᠲᠥᠷᠥᠯ ᠪᠣᠯᠤᠨ ᠲᠦᠷᠦᠬᠦᠢ ᠳ᠋ᠦ᠍ᠷ ᠢ᠋ᠶ᠋ᠡᠨ ᠪᠢ ᠃
ᠮᠠᠭᠤᠳᠠᠭᠰᠠᠨ ᠮᠠᠭᠤᠳᠠᠯᠠ ᠪᠤᠷᠤᠭᠤᠲᠠᠨ ᠤᠨᠠᠬᠤᠢ᠃
ᠲᠥᠷᠥᠯ ᠣᠷᠣᠨ ᠪᠦᠭᠦᠳᠡ ᠳ᠋ᠦ᠍ᠷ ᠦᠯᠦ ᠲᠥᠷᠥᠨ ᠴᠢᠯᠥᠭᠡ᠃
ᠤᠴᠠᠷᠠᠯ ᡂᠨ ᠪᠦᠷᠢᠳᠦᠭᠰᠡᠨ ᠬᠥᠮᠦᠨ ᠪᠡᠶᠡ ᠣᠯᠲᠤᠭᠠᠢ ᠅
ᠲᠥᠷᠥᠭᠰᠡᠨ ᠦ᠌ ᠳᠠᠷᠤᠢ ᠠ᠋ᠴᠠ ᠰᠠᠨᠰᠠᠷ ᠳᠠᠬᠢ ᠵᠢᠷᠭᠠᠯ ᠳ᠋ᠤᠷ ᠃
ᠦᠯᠦ ᠲᠣᠷᠤᠨ ᠲᠣᠨᠢᠯᠬᠤᠢ ᠶ᠋ᠢ ᠣᠯᠬᠤ ᠶ᠋ᠢᠨ ᠲᠤᠯᠠ ᠵᠣᠷᠢᠭᠯᠠᠨ᠃
ᠮᠠᠭᠠᠳ ᠭᠠᠷᠬᠤ ᠰᠠᠨᠠᠯ ᠢ᠋ᠶ᠋ᠠᠷ ᠠᠷᠢᠭᠤᠨ ᠤ᠋ ᠡᠷᠢᠯ ᠳ᠋ᠦ᠍ᠷ᠃
ᠬᠢᠴᠢᠶᠡᠩᠭᠦᠢ ᠴᠢᠩᠭᠠᠷᠠᠵᠤ ᠣᠷᠣᠯᠳᠣᠬᠤ ᠪᠣᠯᠲᠤᠭᠠᠢ ᠅
ᠮᠢᠨᠦ ᠮᠠᠭᠠᠳ ᠭᠠᠷᠬᠤ ᠴᠠᠭ ᠲᠤᠷ ᠨᠥᠬᠥᠳ ᠲᠥᠷᠥᠯ ᠡᠳ᠋ ᠲᠠᠸᠠᠷ ᠃
ᠠᠯᠢ ᠵᠦᠢᠯᠲᠡᠨ ᠪᠦᠭᠦᠳᠡᠭᠡᠷ ᠲᠣᠳᠬᠠᠷ ᠦᠭᠡᠢ ᠪᠣᠯᠤᠭᠠᠳ ᠃
ᠵᠣᠬᠢᠯᠳᠤᠬᠤᠢ ᠨᠥᠬᠥᠴᠡᠯ ᠦ᠋ᠳ ᠪᠦᠭᠦᠳᠡᠭᠡᠷ ᠬᠡᠷᠬᠢᠵᠦ ᠃
ᠰᠠᠨᠠᠭᠰᠠᠨ ᠤ᠋ ᠵᠣᠷᠢᠭ ᠢ᠋ᠶ᠋ᠠᠷ ᠪᠦᠲᠦᠬᠦᠶᠡ ᠪᠣᠯᠲᠤᠭᠠᠢ ᠅
ᠮᠠᠭᠠᠳ ᠭᠠᠷᠴᠤ ᠬᠡᠵᠢᠶᠡᠳᠡ ᠠᠮᠢᠳᠤᠷᠠᠨ ᠠᠲᠠᠯᠠ᠃
ᠣᠪᠠᠳᠢᠨᠢ ᠪᠠᠭᠰᠢ ᠨᠠᠷ ᠲᠤᠷ ᠠᠮᠠᠯᠠᠭᠰᠠᠨ ᠶᠣᠰᠣᠭᠠᠷ᠃
ᠴᠠᠭᠠᠵᠠ ᠪᠠ ᠴᠢᠨᠠᠷ ᠠ᠋ᠴᠠ ᠠᠯᠳᠠᠰ ᡂᠨ ᠪᠣᠯᠤᠭᠴᠢ᠃
ᠭᠡᠮ ᠦ᠋ᠳ ᠢ᠋ᠶ᠋ᠡᠷ ᠬᠡᠵᠢᠶᠡ ᠴᠦ᠍ ᠦᠯᠦ ᠬᠦᠷᠬᠦ ᠪᠣᠯᠲᠤᠭᠠᠢ ᠅
ᠠᠷᠢᠭᠤᠨ ᠤ᠋ ᠰᠢᠲᠦᠭᠡᠨ ᠳ᠋ᠦ᠍ᠷ ᠶᠡᠬᠡ ᠬᠥᠯᠭᠡ ᠶ᠋ᠢᠨ ᠶᠣᠰᠣᠨ ᠤ᠋᠃
ᠮᠠᠰᠢ ᠭᠦᠨ ᠪᠠ ᠠᠬᠤᠢ ᠶᠡᠬᠡ ᠬᠡᠳᠦᠢ ᠪᠦᠬᠦ ᠨᠣᠮ ᠤ᠋ᠳ ᠢ᠋ ᠃
ᠠᠮᠢᠲᠠᠨ ᠤ᠋ ᠲᠤᠰᠠ ᠶ᠋ᠢᠨ ᠲᠤᠯᠠ ᠣᠯᠠᠨ ᠪᠡᠷᠬᠡ ᠴᠢᠳᠠᠯ ᠢ᠋ᠶ᠋ᠠᠷ᠃
ᠴᠠᠭᠯᠠᠰᠢ ᠦᠭᠡᠢ ᠭᠠᠯᠠᠪ ᡂᠨ ᠲᠤᠷ ᠬᠢᠴᠢᠶᠡᠬᠦ ᠪᠣᠯᠲᠤᠭᠠᠢ ᠅
ᠡᠰᠢ ᠣᠨᠣᠯ ᠡᠷᠳᠡᠮ ᠢ᠋ᠶ᠋ᠡᠷ ᠦᠨᠳᠦᠰᠦ ᠪᠡᠨ ᠳᠦᠭᠦᠷᠭᠡᠨ ᠃
ᠠᠮᠤᠷᠯᠢᠩᠭᠤᠢ ᠮᠠᠰᠢ ᠤᠰᠬᠠᠯ ᠡᠨᠡᠷᠢᠬᠦᠢ ᠲᠡᠭᠦᠯᠳᠡᠷ᠃
ᠤᠢᠳᠬᠠᠷ ᠦᠭᠡᠢ ᠲᠤᠰᠠ ᠬᠢᠭᠴᠢ ᠪᠦᠲᠦᠭᠡᠯ ᠦ᠋ᠨ ᠵᠣᠷᠢᠭᠲᠤ᠃
ᠡᠷᠬᠢᠮ ᠲᠡᠢᠮᠦ ᠪᠠᠭᠰᠢ ᠨᠠᠷ ᠲᠤᠷ ᠡᠵᠡᠭᠳᠡᠬᠦ ᠪᠣᠯᠲᠤᠭᠠᠢ ᠅
ᠣᠢᠯᠠᠭᠴᠢ ᠪᠠᠷ ᠬᠤᠲᠤᠭᠲᠤ ᠶ᠋ᠢ ᠰᠢᠲᠦᠭᠰᠡᠨ ᠦ᠌ ᠶᠣᠰᠣᠭᠠᠷ ᠃
ᠪᠡᠶᠡ ᠠᠮᠢᠨ ᠡᠳ᠋ ᠲᠣᠷ ᠢ᠋ᠶ᠋ᠠᠨ ᠬᠡᠯᠪᠡᠯᠵᠡᠬᠦ ᠦᠭᠡᠢ ᠪᠡᠷ ᠃
ᠪᠠᠭᠰᠢ ᠶᠤᠭᠠᠨ ᠪᠠᠶᠠᠰᠬᠠᠭᠠᠳ ᠦᠯᠦ ᠪᠠᠶᠠᠰᠬᠠᠬᠤᠢ ᠶ᠋ᠢ᠃
ᠨᠢᠭᠡᠨ ᠭᠱᠠᠨ ᠲᠡᠳᠦᠢᠬᠡᠨ ᠴᠦ᠍ ᠦᠯᠦ ᠬᠢᠬᠦ ᠪᠣᠯᠲᠤᠭᠠᠢ ᠅
ᠭᠦᠨ ᠪᠠ ᠨᠠᠷᠢᠨ ᠲᠦᠷᠪᠡᠯ ᠦᠭᠡᠢ ᠪᠢᠯᠢᠭ ᠲᠤᠢᠯ ᠤ᠋ᠨ ᠤᠳᠬᠠ ᠶ᠋ᠢ ᠃
ᠪᠤᠷᠤᠭᠤ ᠣᠨᠣᠯ ᠭᠬᠢᠷ ᠦ᠋ᠳ ᠢ᠋ᠶ᠋ᠡᠷ ᠭᠤᠲᠤᠭᠤᠯᠤᠯ ᠥᠭᠡᠬᠦ᠃
ᠠᠪᠤᠷᠢᠳᠠ ᠤᠢᠯᠠᠭᠴᠢ ᠳ᠋ᠤᠷ ᠥᠭᠦᠯᠡᠭᠰᠡᠨ ᠶᠣᠰᠣᠭᠠᠷ ᠃
ᠲᠡᠢᠨ ᠬᠦ᠌ ᠨᠠᠳᠤᠷ ᠠᠪᠤᠷᠢᠳᠠ ᠨᠣᠮᠯᠠᠨ ᠠᠬᠤ ᠪᠣᠯᠲᠤᠭᠠᠢ ᠅
ᠱᠠᠭᠵᠠᠮᠤᠨᠢ ᠶ᠋ᠢᠨ ᠲᠠᠭᠠᠯᠠᠯ ᠤ᠋ᠨ ᠤᠳᠬᠠ ᠠ᠋ᠴᠠ ᠨᠢᠴᠤᠵᠤ ᠃
ᠮᠥᠩᠬᠡ ᠬᠢᠭᠡᠳ ᠲᠠᠰᠤᠷᠬᠠᠢ ᠦᠵᠡᠯ ᡂᠨ ᠢ᠋ ᠵᠢᠭᠠᠭᠴᠢ ᠃
ᠪᠤᠶᠠᠨ ᠪᠤᠰᠤ ᠶ᠋ᠢᠨ ᠪᠠᠭᠰᠢ ᠨᠠᠷ ᠪᠠ ᠬᠢᠯᠢᠨᠴᠡᠲᠦ ᠨᠥᠬᠥᠳ ᠦ᠋ᠨ ᠃
ᠡᠷᠬᠡᠰᠢᠯ ᠳ᠋ᠦ᠍ᠷ ᠬᠡᠵᠢᠶᠡ ᠴᠦ᠍ ᠦᠯᠦ ᠣᠳᠬᠤ ᠪᠣᠯᠲᠤᠭᠠᠢ ᠅
ᠠᠷᠢᠯᠤᠭᠰᠠᠨ ᠰᠠᠨᠠᠭᠠᠨ ᠤ᠋ ᠳᠠᠷᠪᠠᠯᠭᠠ ᠪᠠᠨ ᠳᠡᠯᠭᠡᠵᠦ ᠃
ᠰᠤᠯᠠ ᠪᠤᠰᠤ ᠬᠢᠴᠢᠶᠡᠩᠭᠦᠢ ᠶ᠋ᠢᠨ ᠰᠠᠯᠬᠢᠨ ᠢ᠋ᠶ᠋ᠠᠷ ᠬᠥᠳᠡᠯᠵᠦ᠃
ᠭᠤᠷᠪᠠᠨ ᠬᠦᠷᠳᠦ ᠶ᠋ᠢᠨ ᠣᠩᠭᠣᠴᠠ ᠶ᠋ᠢ ᠪᠡᠬᠢᠯᠡᠭᠡᠳ ᠪᠡᠶᠡᠳᠡᠨ ᠃
ᠣᠷᠴᠢᠯᠠᠩ ᠤ᠋ᠨ ᠳᠠᠯᠠᠢ ᠠ᠋ᠴᠠ ᠭᠡᠲᠦᠯᠦᠭᠡᠳ ᠣᠳᠲᠤᠭᠠᠢ ᠅
ᠬᠡᠳᠦᠢ ᠣᠯᠠᠨ ᠰᠣᠨᠣᠰᠤᠭᠴᠢ ᠦᠯᠡᠮᠵᠢᠳᠡ ᠥᠭᠭᠦᠭᠴᠢ ᠃
ᠠᠷᠢᠯᠤᠭᠰᠠᠨ ᠱᠠᠭᠱᠠᠪᠠᠳ ᠲᠤ᠌ ᠰᠢᠨᠵᠢᠯᠡᠬᠦ ᠪᠢᠯᠢᠭ ᠢ᠋ᠶ᠋ᠡᠷ᠃
ᠦᠨᠳᠦᠰᠦ ᠪᠡᠨ ᠦᠯᠡᠮᠵᠢᠳᠡ ᠪᠣᠯᠭᠠᠭᠰᠠᠨ ᠤ᠋ ᠲᠡᠳᠦᠢ ᠳ᠋ᠦ᠍ᠷ ᠃
ᠤᠯᠠᠮ ᠤᠯᠠᠮ ᠣᠮᠣᠭ ᠠ᠋ᠴᠠ ᠬᠠᠭᠠᠴᠠᠬᠤ ᠪᠣᠯᠲᠤᠭᠠᠢ ᠅
ᠤᠬᠠᠭᠠᠨ ᠤ᠋ ᠬᠦᠴᠦᠨ ᠢ᠋ᠶ᠋ᠡᠷ ᠪᠣᠭᠳᠠ ᠨᠣᠮ ᠤ᠋ᠨ ᠤᠳᠬᠠ ᠶ᠋ᠢ ᠃
ᠶᠣᠰᠣᠴᠢᠯᠠᠨ ᠨᠡᠭᠡᠭᠡᠬᠦᠢ ᠳ᠋ᠦ᠍ᠷ ᠪᠤᠰᠤᠳ ᠢ᠋ ᠦᠯᠦ ᠡᠷᠢᠭᠴᠢ᠃
ᠮᠡᠷᠭᠡᠴᠤᠳ ᠤ᠋ᠨ ᠡᠮᠦᠨᠡ ᠡᠴᠡ ᠬᠢᠵᠠᠭᠠᠷ ᠦᠭᠡᠢ ᠨᠣᠮ ᠤ᠋ᠳ ᠲᠤᠷ ᠃
ᠬᠠᠨᠤᠯ ᠦᠭᠡᠢ ᠰᠣᠨᠣᠰᠤᠯᠭᠠ ᠦᠢᠯᠡᠳᠦᠭᠴᠢ ᠪᠣᠯᠲᠤᠭᠠᠢ ᠅
ᠰᠣᠨᠣᠰᠤᠭᠰᠠᠨ ᠤᠳᠬᠠᠰ ᠢ᠋ᠶ᠋ᠠᠨ ᠳᠥᠷᠪᠡᠨ ᠵᠦᠢᠯ ᠦ᠋ᠨ ᠰᠢᠨᠵᠢᠯᠡᠯ ᠪᠡᠷ᠃
ᠡᠳᠦᠷ ᠰᠥᠨᠢ ᠶᠣᠰᠣᠴᠢᠯᠠᠨ ᠮᠠᠰᠢ ᠰᠠᠢᠲᠤᠷ ᠰᠢᠨᠵᠢᠵᠦ ᠃
ᠰᠠᠨᠠᠯᠭᠠ ᠶ᠋ᠢ ᠰᠠᠨᠠᠭᠰᠠᠭᠠᠷ ᠪᠣᠯᠤᠭᠰᠠᠨ ᠤ᠋ ᠰᠢᠨᠵᠢᠯᠡᠯ ᠃
ᠣᠶᠤᠨ ᠢ᠋ᠶ᠋ᠠᠷ ᠰᠡᠵᠢᠭ ᠰᠡᠳᠬᠢᠯ ᠲᠠᠰᠤᠷᠠᠬᠤ ᠪᠣᠯᠲᠤᠭᠠᠢ ᠅
ᠠᠯᠢ ᠴᠠᠭ ᠲᠤᠷ ᠨᠣᠮ ᠤ᠋ᠨ ᠶᠣᠰᠣ ᠰᠠᠨᠠᠭᠰᠠᠭᠠᠷ ᠪᠣᠯᠤᠭᠰᠠᠨ ᠃
ᠣᠶᠤᠨ ᠢ᠋ᠶ᠋ᠠᠷ ᠮᠠᠭᠠᠳ ᠮᠠᠲᠠᠯ ᠣᠯᠳᠠᠨ ᠠᠬᠤᠢ ᠦᠶᠡ ᠳ᠋ᠦ᠍ᠷ ᠃
ᠡᠨᠡ ᠨᠠᠰᠤ ᠶ᠋ᠢᠨ ᠬᠤᠷᠢᠴᠠᠯ ᠢ᠋ ᠲᠠᠰᠤᠯᠠᠭᠴᠢ ᠬᠢᠨᠠᠯ ᠢ᠋ᠶ᠋ᠠᠷ᠃
ᠠᠭᠯᠠᠭ ᠢ᠋ ᠰᠢᠲᠦᠨ ᠶᠣᠰᠣᠴᠢᠯᠠᠨ ᠪᠦᠲᠦᠭᠡᠬᠦ ᠪᠣᠯᠲᠤᠭᠠᠢ ᠅
ᠲᠡᠷᠡ ᠮᠡᠲᠦ ᠭᠤᠷᠪᠠᠨ ᠬᠦᠷᠳᠦ ᠶ᠋ᠢᠨ ᠦᠢᠯᠡᠰ ᠢ᠋ᠶ᠋ᠡᠷ ᠪᠤᠷᠬᠠᠨ ᠤ᠋ ᠃
ᠲᠠᠭᠠᠯᠠᠯ ᠢ᠋ ᠰᠡᠳᠬᠢᠯ ᠳ᠋ᠡᠭᠡᠨ ᠣᠷᠣᠭᠤᠯᠬᠤ ᠦᠶᠡ ᠳ᠋ᠦ᠍ᠷ ᠃
ᠣᠷᠴᠢᠯᠠᠩ ᠳ᠋ᠤᠷ ᠬᠤᠷᠢᠴᠠᠬᠤ ᠡᠨᠡ ᠨᠠᠰᠤ ᠶ᠋ᠢᠨ ᠦᠵᠡᠭᠳᠡᠯ ᠃
ᠠᠮᠠᠷᠠᠲᠠᠯᠠ ᠣᠶᠤᠨ ᠨᠤᠭᠤᠳ ᠦᠯᠦ ᠪᠣᠯᠬᠤ ᠪᠣᠯᠲᠤᠭᠠᠢ ᠅
ᠪᠢ ᠪᠡᠷ ᠮᠢᠨᠦ ᠪᠦᠬᠦᠢ ᠡᠯᠡ ᠬᠠᠮᠤᠭ ᠪᠣᠳᠠᠰ ᠨᠤᠭᠤᠳ ᠲᠤᠷ ᠃
ᠦᠯᠦ ᠲᠣᠷᠬᠤ ᠣᠶᠤᠨ ᠢ᠋ᠶ᠋ᠠᠷ ᠬᠠᠷᠠᠮ ᠢ᠋ᠶ᠋ᠠᠨ ᠳᠠᠷᠤᠭᠠᠳ ᠃
ᠠᠩᠬᠠ ᠡᠳ᠋ ᠦ᠋ᠨ ᠥᠭᠯᠢᠭᠡ ᠪᠡᠷ ᠠᠮᠢᠲᠠᠨ ᠢ᠋ ᠬᠣᠷᠢᠶᠠᠨ᠃
ᠲᠡᠨᠳᠡ ᠡᠴᠡ ᠨᠣᠮ ᠢ᠋ ᠥᠭᠴᠦ ᠬᠠᠩᠭᠠᠬᠤᠶᠠ ᠪᠣᠯᠲᠤᠭᠠᠢ ᠅
ᠶᠠᠮᠪᠠᠷ ᠰᠠᠬᠢᠯ ᠰᠤᠷᠲᠠᠬᠤᠨ ᠤ᠋ ᠥᠴᠦᠬᠡᠨ ᠢ᠋ ᠪᠣᠯᠪᠠᠴᠤ ᠃
ᠮᠠᠭᠠᠳ ᠭᠠᠷᠬᠤ ᠰᠠᠨᠠᠯ ᠢ᠋ᠶ᠋ᠠᠷ ᠪᠣᠳᠢ ᠬᠤᠲᠤᠭ ᠬᠦᠷᠲᠡᠯᠡ ᠃
ᠠᠮᠢᠨ ᠳ᠋ᠠᠭᠠᠨ ᠬᠦᠷᠪᠡᠰᠦ ᠪᠡᠷ ᠲᠠᠯᠪᠢᠯ ᠦᠭᠡᠢ ᠰᠠᠬᠢᠵᠤ ᠃
ᠲᠣᠨᠢᠯᠤᠭᠰᠠᠨ ᠪᠠᠲᠤ ᠴᠢᠮᠡᠭ ᠪᠠᠷᠢᠬᠤᠶᠠ ᠪᠣᠯᠲᠤᠭᠠᠢ ᠅
ᠨᠠᠳᠤᠷ ᠭᠡᠰᠬᠡᠨ ᠳᠡᠯᠡᠳᠦᠭᠡᠳ ᠳᠠᠷᠤᠯᠠᠭᠴᠢ ᠲᠡᠳᠡᠨ ᠢ᠋ ᠃
ᠦᠵᠡᠬᠦ ᠪᠠ ᠰᠣᠨᠣᠰᠬᠤ ᠪᠠ ᠰᠠᠨᠠᠭᠳᠠᠬᠤ ᠦᠶᠡ ᠳ᠋ᠦ᠍ᠷ ᠃
ᠤᠷᠢᠨ ᠠ᠋ᠴᠠ ᠬᠠᠭᠠᠴᠠᠭᠠᠳ ᠵᠢᠴᠢ ᠪᠠᠰᠠ ᠲᠡᠳᠡᠨ ᠦ᠌ ᠃
ᠡᠷᠳᠡᠮ ᠢ᠋ ᠮᠠᠭᠲᠠᠨ ᠬᠦᠯᠢᠴᠡᠩᠭᠦᠢ ᠪᠢᠰᠢᠯᠭᠠᠬᠤ ᠪᠣᠯᠲᠤᠭᠠᠢ ᠅
ᠴᠠᠭᠠᠨ ᠨᠣᠮ ᡂᠨ ᠠᠯᠢ ᠡᠰᠡ ᠣᠯᠤᠭᠰᠠᠨ ᠢ᠋ ᠣᠯᠬᠤ ᠪᠠ᠃
ᠣᠯᠤᠭᠰᠠᠨ ᠢ᠋ ᠳᠡᠭᠡᠷᠡ ᠡᠴᠡ ᠳᠡᠭᠡᠭᠰᠢᠳᠡ ᠥᠰᠬᠦᠢ ᠳ᠋ᠦ᠍ᠷ ᠃
ᠡᠪᠳᠡᠯ ᠪᠣᠯᠬᠤ ᠭᠤᠷᠪᠠᠨ ᠵᠦᠢᠯ ᠦ᠋ᠨ ᠵᠠᠯᠢᠬᠠᠢ ᠶ᠋ᠢ ᠲᠡᠪᠴᠢᠵᠦ᠃
ᠬᠢᠴᠢᠶᠡᠩᠭᠦᠢ ᠬᠢᠴᠢᠶᠡᠯ ᠢ᠋ ᠲᠤᠭᠤᠷᠪᠢᠬᠤ ᠪᠣᠯᠲᠤᠭᠠᠢ ᠅
ᠰᠠᠨᠰᠠᠷ ᠳᠠᠬᠢ ᠣᠨᠢᠰᠣᠲᠤ ᠪᠢᠯᠢᠭ ᠡᠴᠡ ᠬᠠᠭᠠᠴᠠᠨ ᠃
ᠨᠢᠷᠸᠠᠨ ᠳ᠋ᠠᠬᠢ ᠣᠨᠢᠰᠣᠲᠤ ᠡᠨᠡᠷᠢᠬᠦᠢ ᠬᠤᠯᠠᠳᠠᠨ ᠃
ᠣᠯᠠᠩᠭᠢᠨᠠ ᠰᠠᠨᠰᠠᠷ ᠪᠣᠯᠬᠤ ᠠᠮᠤᠷᠯᠢᠯ ᠢ᠋ ᠲᠡᠪᠴᠢᠵᠦ᠃
ᠬᠣᠣᠰᠯᠠᠨ ᠠᠭᠴᠢ ᠰᠠᠮᠠᠳᠢ ᠶ᠋ᠢ ᠪᠢᠰᠢᠯᠭᠠᠬᠤ ᠪᠣᠯᠲᠤᠭᠠᠢ ᠅
ᠳᠠᠯᠠᠢ ᠮᠡᠲᠦ ᠠᠬᠤ ᠶᠣᠰᠣᠨ ᠤ᠋ ᠤᠳᠬᠠᠰ ᠠ᠋ᠴᠠ ᠰᠤᠨᠵᠢᠵᠤ᠃
ᠪᠠᠭᠠ ᠰᠠᠭᠠ ᠬᠣᠭᠣᠰᠣᠨ ᠢ᠋ ᠳᠡᠭᠡᠳᠦ ᠳᠡ ᠪᠠᠷᠢᠭᠴᠢ ᠃
ᠬᠠᠮᠤᠭ ᠪᠤᠷᠤᠭᠤ ᠮᠠᠭᠤ ᠦᠵᠡᠯ ᠣᠭᠣᠭᠠᠲᠠ ᠤᠰᠠᠳᠴᠤ ᠃
ᠬᠠᠮᠤᠭ ᠨᠣᠮ ᡂᠨ ᠬᠣᠭᠤᠰᠤᠨᠠ ᠣᠨᠣᠭᠳᠠᠬᠤ ᠪᠣᠯᠲᠤᠭᠠᠢ ᠅
ᠵᠢᠷᠤᠮ ᠦᠭᠡᠢ ᠰᠡᠳᠬᠢᠯ ᠢ᠋ᠶ᠋ᠡᠷ ᠰᠤᠷᠲᠠᠯ ᠢ᠋ᠶ᠋ᠠᠨ ᠡᠪᠳᠡᠵᠦ ᠃
ᠳᠡᠭᠡᠳᠦᠰ ᠦ᠋ᠨ ᠬᠣᠷᠢᠭ ᠦᠢᠯᠡᠰ ᠡᠴᠡ ᠦᠯᠦ ᠠᠶᠤᠭᠴᠢ᠃
ᠴᠠᠭᠠᠵᠠ ᠪᠠᠨ ᠠᠯᠳᠠᠷᠠᠭᠰᠠᠨ ᠲᠣᠢᠳ ᠤ᠋ᠨ ᠲᠦᠷᠢᠲᠡᠨ ᠢ᠋ ᠃
ᠪᠢ ᠪᠡᠷ ᠪᠦᠷᠢᠨ ᠱᠠᠭᠱᠠᠪᠠᠳ ᠲᠤᠷ ᠨᠡᠢᠯᠡᠭᠦᠯᠬᠦ ᠪᠣᠯᠲᠤᠭᠠᠢ ᠅
ᠦᠨᠡᠨ ᠮᠥᠷ ᠢ᠋ ᠣᠭᠣᠷᠤᠭᠠᠳ ᠪᠤᠷᠤᠭᠤ ᠮᠥᠷ ᠲᠣᠷ ᠣᠷᠣᠭᠴᠢ ᠃
ᠭᠡᠮ ᠦ᠋ᠨ ᠪᠠᠭᠰᠢ ᠬᠢᠯᠢᠨᠴᠡᠲᠦ ᠨᠥᠬᠥᠷ ᡂᠨ ᠲᠤᠷ ᠠᠪᠲᠠᠭᠴᠢ ᠃
ᠠᠯᠢ ᠪᠦᠬᠦᠢ ᠲᠡᠳᠡᠭᠡᠷ ᠢ᠋ ᠪᠢ ᠪᠡᠷ ᠠᠮᠠᠷ ᠭᠢᠯᠪᠠᠷᠠ᠃
ᠢᠯᠠᠭᠤᠭᠰᠠᠳ ᠤ᠋ᠨ ᠵᠢᠷᠤᠮ ᠮᠥᠷ ᠲᠣᠷ ᠵᠣᠬᠢᠶᠠᠬᠤ ᠪᠣᠯᠲᠤᠭᠠᠢ ᠅
ᠪᠢ ᠪᠡᠷ ᠮᠡᠷᠭᠡᠨ ᠭᠤᠷᠪᠠᠨ ᠦᠢᠯᠡ ᠠᠷᠰᠯᠠᠨ ᠤ᠋ ᠳᠠᠭᠤᠨ ᠢ᠋ᠶ᠋ᠠᠷ᠃
ᠪᠤᠷᠤᠭᠤ ᠨᠣᠮᠲᠤ ᠦᠨᠡᠭᠡᠳ ᠦ᠋ᠨ ᠰᠠᠮᠪᠠᠭᠠ ᠶ᠋ᠢ ᠳᠠᠷᠤᠵᠤ ᠃
ᠨᠣᠮᠣᠬᠠᠳᠬᠤᠢ ᠠᠷᠭᠠᠰ ᠢ᠋ᠶ᠋ᠠᠷ ᠳᠠᠭᠠᠭᠤᠯᠤᠨ ᠪᠠᠷᠢᠵᠤ᠃
ᠦᠯᠦ ᠰᠦᠢᠳᠬᠦ ᠱᠠᠰᠢᠨ ᠴᠢᠮᠡᠭ ᠪᠠᠷᠢᠨ ᠠᠬᠤ ᠪᠣᠯᠲᠤᠭᠠᠢ ᠅
ᠠᠯᠢ ᠭᠠᠵᠠᠷ ᠲᠥᠷᠥᠯ ᠠᠪᠴᠤ ᠪᠤᠷᠬᠠᠨ ᠪᠠᠭᠰᠢ ᠶ᠋ᠢᠨ ᠵᠠᠷᠯᠢᠭ ᠤ᠋ᠨ ᠃
ᠷᠠᠰᠢᠶᠠᠨ ᠢ᠋ ᠤᠮᠳᠠᠯᠠᠬᠤ ᠲᠡᠷᠡ ᠴᠠᠭ ᠤ᠋ᠳ ᠪᠦᠷᠢ ᠳ᠋ᠦ᠍ᠷ᠃
ᠢᠵᠠᠭᠤᠷ ᠳᠦᠷᠰᠦ ᠣᠯᠳᠠᠪᠤᠷᠢ ᠡᠷᠬᠡ ᠪᠢᠯᠢᠭ ᠲᠡᠭᠦᠯᠳᠡᠷ ᠃
ᠨᠠᠰᠤᠨ ᠤᠷᠲᠤ ᠡᠮᠭᠡᠭ ᠦᠭᠡᠢ ᠵᠢᠷᠭᠠᠯᠠᠩᠲᠤ ᠪᠣᠯᠲᠤᠭᠠᠢ ᠅
ᠮᠢᠨᠦ ᠪᠡᠶᠡ ᠠᠮᠢᠨ ᠬᠢᠭᠡᠳ ᠡᠳ᠋ᠯᠡᠭᠳᠡᠬᠦᠨ ᠨᠤᠭᠦᠳ ᠲᠣᠷ ᠃
ᠦᠷᠭᠦᠯᠵᠢᠳᠡ ᠬᠥᠨᠥᠭᠡᠬᠦ ᠰᠠᠨᠠᠭᠠᠨ ᠢ᠋ ᠪᠠᠷᠢᠭᠠᠳ ᠃
ᠨᠠᠳᠤᠷ ᠮᠠᠭᠤ ᠥᠭᠦᠯᠡᠭᠴᠢ ᠲᠡᠳᠡᠭᠡᠷ ᠢ᠋ ᠮᠥᠨ ᠬᠦ᠌ ᠪᠢ ᠃
ᠦᠯᠡᠮᠵᠢᠳᠡ ᠡᠬᠡ ᠮᠡᠲᠦ ᠠᠰᠠᠷᠠᠭᠴᠢ ᠪᠣᠯᠲᠤᠭᠠᠢ ᠅
ᠪᠢ ᠪᠡᠷ ᠮᠥᠨ ᠬᠦ᠌ ᠲᠡᠳᠡᠭᠡᠷ ᠢ᠋ ᠥᠨᠢ ᠤᠳᠠᠯ ᠦᠭᠡᠢ ᠪᠡᠷ ᠃
ᠥᠪᠡᠷ ᠡᠴᠡ ᠪᠤᠰᠤᠴᠢᠷ ᠢ᠋ ᠬᠠᠢᠷᠠᠯᠠᠬᠤ ᠪᠣᠳᠢᠴᠢᠳ ᠃
ᠦᠯᠡᠮᠵᠢᠳᠡ ᠠᠷᠢᠯᠤᠭᠰᠠᠨ ᠰᠠᠨᠠᠭᠠᠲᠤ ᠪᠣᠯᠭᠠᠵᠤ᠃
ᠳᠡᠩᠰᠡᠯ ᠦᠭᠡᠢ ᠪᠣᠳᠢ ᠬᠤᠲᠤᠭ ᠥᠭᠭᠦᠨ ᠠᠬᠤ ᠪᠣᠯᠲᠤᠭᠠᠢ ᠅
ᠬᠡᠨ ᠢ᠋ᠶ᠋ᠡᠷ ᠡᠨᠡ ᠢᠷᠥᠭᠡᠯ ᠢ᠋ ᠦᠵᠡᠬᠦ ᠪᠠ ᠰᠣᠨᠣᠰᠬᠤ ᠃
ᠰᠡᠳᠬᠢᠯ ᠳ᠋ᠡᠭᠡᠨ ᠳᠤᠷᠠᠳᠬᠤᠢ ᠶ᠋ᠢ ᠦᠢᠯᠡᠳᠦᠭᠴᠢ ᠲᠡᠳᠡ ᠴᠦ᠍ ᠃
ᠢᠯᠠᠭᠤᠭᠰᠠᠨ ᠬᠥᠪᠡᠭᠦᠳ ᠦ᠋ᠨ ᠠᠬᠤᠢ ᠶᠡᠬᠡ ᠢᠷᠥᠭᠡᠯ ᠃
ᠪᠦᠭᠦᠳᠡ ᠶ᠋ᠢ ᠦᠢᠯᠡᠳᠬᠦᠢ ᠳ᠋ᠦ᠍ᠷ ᠮᠢᠲᠠᠯ ᠦᠭᠡᠢ ᠪᠣᠯᠲᠤᠭᠠᠢ ᠅
ᠦᠯᠡᠮᠵᠢᠲᠦ ᠰᠠᠨᠠᠭᠠᠨ ᠤ᠋ ᠬᠦᠴᠦᠨ ᠢ᠋ᠶ᠋ᠡᠷ ᠪᠦᠲᠦᠭᠡᠨ ᠃
ᠠᠬᠤᠢ ᠶᠡᠬᠡ ᠢᠷᠥᠭᠡᠯ ᠢ᠋ ᠲᠠᠯᠪᠢᠭᠰᠠᠨ ᠤ᠋ ᠬᠦᠴᠦ ᠪᠡᠷ ᠃
ᠢᠷᠥᠭᠡᠯ ᠦ᠋ᠨ ᠪᠠᠷᠠᠮᠢᠳ ᠢ᠋ ᠣᠭᠣᠭᠠᠲᠠ ᠲᠤᠭᠤᠯᠵᠤ ᠃
ᠬᠠᠮᠤᠭ ᠡᠯᠡ ᠠᠮᠢᠲᠠᠨ ᠤ᠋ ᠬᠦᠰᠡᠯ ᠬᠠᠩᠬᠤ ᠪᠣᠯᠲᠤᠭᠠᠢ ᠅᠃ ᠅
ᠰᠤᠳᠤᠷ ᠤᠨ ᠦᠰᠦᠭ ᠢ ᠠᠮᠢᠯᠠᠭᠤᠯᠦᠭ᠍ᠴᠢ ᠄ ᠳᠡᠭᠰᠢᠮᠥ᠋ᠩᠬᠡ
ᠬᠢᠨᠡᠭ᠍ᠴᠢ᠄ ᠬᠡᠢᠮᠦᠷᠢ ᠰᠦᠯᠵᠢᠶᠡ ᠶᠢᠨ ᠱᠠᠰᠢᠨ ᠰᠢᠲᠦᠯᠭᠡ ᠬᠣᠯᠪᠣᠭᠠ