ᠪᠣᠷᠣᠭᠠ – ᠪᠠᠪᠤᠤ ᠶ᠋ᠢᠨ ᡀᠬᠠᠪᠠᠰᠥ᠋ᠷᠦᠩ Бороо – Бавуугийн Лхагвасүрэн
727ᠪᠣᠷᠣᠭᠠ
ᠠᠷᠤ ᠶ᠋ᠢᠨ ᠠᠭᠤᠯᠠᠨ ᠳᠡᠭᠡᠷᠡ ᠵᠠᠩᠭᠢᠷᠠᠭᠰᠠᠨ
ᠡᠭᠦᠯᠡᠨ ᠦ᠌ ᠰᠡᠭᠦᠳᠡᠷ ᠢᠷᠡᠬᠦ ᠳ᠋ᠦ᠍
ᠠᠷᠭᠠᠯ ᠤ᠋ᠨ ᠪᠦᠲᠡᠭᠡᠯᠭᠡ ᠳᠡᠷᠪᠡᠯᠵᠡᠪᠡ᠃
ᠰᠡᠵᠢᠭᠦᠷ ᠢ᠋ ᠨᠢ ᠴᠢᠯᠠᠭᠤ ᠪᠠᠷ ᠳᠠᠷᠤᠬᠤ ᠠ᠋ᠴᠠ᠁
ᠡᠨᠡᠭᠦᠬᠡᠨ ᠲᠤᠯᠤᠭᠠᠳ ᠤ᠋ᠨ ᠳᠡᠭᠡᠭᠦᠷ
ᠪᠣᠷᠣᠭᠠ ᠰᠠᠭᠠᠷᠠᠯᠳᠤᠭᠠᠳ
ᠡᠮᠡᠭᠡᠯ ᠦ᠋ᠨ ᠣᠯᠣᠩᠴᠣᠭ ᠰᠠᠮᠪᠠᠢᠪᠠ᠃
ᠰᠠᠩᠬᠠᠶᠤᠤ ᠭᠥᠯᠢᠮ ᠢ᠋ ᠨᠢ ᠰᠢᠭᠤᠬᠤ ᠠ᠋ᠴᠠ᠁
ᠶᠡᠬᠡ ᠬᠦᠯᠢᠶᠡᠭᠰᠡᠨ ᠪᠣᠷᠣᠭᠠᠨ ᠤ᠋ ᠡᠮᠦᠨᠡ
ᠲᠩᠷᠢ ᠠᠮᠢᠰᠬᠤᠭᠠ ᠳᠠᠷᠤᠬᠤ ᠳ᠋ᠤ᠌
ᠡᠯᠢᠶᠡᠨ ᠦ᠌ ᠦᠷᠭᠦᠭᠡᠯᠭᠡ ᠱᠣᠯᠪᠣᠢᠪᠠ᠃
ᠳᠡᠯᠭᠡᠭᠡᠲᠡᠢ ᠠᠭᠠᠷᠤᠤᠯ ᠢ᠋ᠶ᠋ᠠᠨ ᠣᠷᠣᠭᠤᠯᠬᠤ ᠠ᠋ᠴᠠ᠁
ᠬᠠᠯᠠᠭᠤᠨ ᠲᠩᠷᠢ ᠶ᠋ᠢ ᠢᠷᠡᠨ ᠭᠢᠯᠪᠠᠭᠠ
ᠴᠠᠬᠢᠨ ᠬᠠᠯᠢᠭᠤᠨ ᠲᠠᠯᠠ ᠶ᠋ᠢᠨ ᠡᠪᠡᠰᠦ ᠰᠥᠭᠥᠳᠪᠡ᠃
ᠡᠷᠦᠬᠡ ᠪᠡᠨ ᠬᠣᠰᠢᠭᠤᠯᠳᠠᠬᠤ ᠠ᠋ᠴᠠ᠁
ᠪᠣᠷᠣᠭᠠ ᠰᠠᠷᠠᠴᠢᠭᠰᠠᠨ ᠣᠷᠣᠨ ᠵᠠᠢ ᠳ᠋ᠤ᠌
ᠰᠠᠭᠠᠬᠠᠯᠲᠠ ᠶ᠋ᠢᠨ ᠳᠡᠷᠡᠨ ᠦ᠌ ᠬᠢ ᠮᠢᠨᠢ
ᠬᠠᠷᠠᠭᠳᠠᠬᠤ ᠪᠠᠨ ᠪᠠᠢᠪᠠ᠃
ᠭᠡᠷ ᠲᠡᠭᠡᠨ ᠣᠷᠣᠬᠤ ᠠ᠋ᠴᠠ᠁
2010 ᠣᠨ ᠥᠨᠵᠢᠭᠦᠯ᠂ ᠲᠠᠯᠠ ᠶ᠋ᠢᠨ ᠪᠣᠷᠣ
ᠦᠰᠦᠭ ᠠᠮᠢᠯᠠᠭᠤᠯᠤᠭᠴᠢ᠄ ᠡᠩᠬᠡᠪᠠᠲᠤ
ᠦᠰᠦᠭ ᠬᠢᠨᠠᠭᠴᠢ᠄ ᠪᠠᠶᠠᠷᠴᠡᠴᠡᠭ