ᠴᠡᠴᠡᠨ ᠪᠣᠯᠤᠨ ᠯᠠᠪᠠᠢ ᠶ᠋ᠢᠨ ᠦᠯᠢᠭᠡᠷ-ᠳ᠋ᠦᠩᠰᠢᠶᠠᠩ ᠦᠨᠳᠦᠰᠦᠲᠡᠨ ᠦ᠌ ᠤᠷᠠᠨ ᠵᠣᠬᠢᠶᠠᠯ1 Цэцэн болон лавайн үлгэр
463ᠴᠡᠴᠡᠨ ᠪᠣᠯᠤᠨ ᠯᠠᠪᠠᠢ ᠶ᠋ᠢᠨ ᠦᠯᠢᠭᠡᠷ-ᠳ᠋ᠦᠩᠰᠢᠶᠠᠩ ᠦᠨᠳᠦᠰᠦᠲᠡᠨ ᠦ᠌ ᠤᠷᠠᠨ ᠵᠣᠬᠢᠶᠠᠯ1
ᠳ᠋ᠦᠩᠰᠢᠶᠠᠩ ᠦ᠋ᠳ ᠤ᠋ᠨ ᠨᠤᠲᠤᠭᠰᠢᠨ ᠰᠠᠭᠤᠭᠠ ᠭᠠᠷᠤᠳᠢ ᠠᠭᠤᠯᠠᠨ ᠤ᠋ ᠬᠣᠷᠮᠣᠢ ᠳ᠋ᠤ᠌ ᠴᠡᠴᠡᠨ ᠯᠠᠪᠠᠢ ᠭᠡᠳᠡᠭ( ᠰᠠᠢᠷᠭᠠᠯ) ᠭᠠᠵᠠᠷ ᠪᠣᠢ᠃ ᠡᠨᠡ ᠭᠠᠵᠠᠷ ᠲᠣᠭᠣᠷᠢᠭᠠᠳ ᠠᠭᠤᠯᠠ ᠲᠠᠢ᠂ ᠳᠤᠮᠳᠠ ᠪᠠᠨ ᠪᠣᠯ ᠬᠤᠯᠤ ᠶ᠋ᠢᠨ ᠬᠡᠯᠪᠡᠷᠢᠲᠦ ᠵᠢᠵᠢᠭᠬᠡᠨ ᠬᠣᠲᠣᠭᠣᠷ ᠭᠠᠵᠠᠷ ᠮᠥᠨ᠃ ᠡᠪᠦᠭᠡᠳ ᠦ᠋ᠨ ᠬᠡᠯᠡᠬᠦ ᠪᠡᠷ ᠥᠩᠭᠡᠷᠡᠭᠰᠡᠨ ᠳ᠋ᠦ᠍ ᠡᠨᠳᠡ ᠲᠣᠯᠢ ᠮᠡᠲᠦ ᠭᠡᠭᠡᠨ ᠲᠤᠩᠭᠠᠯᠠᠭ ᠨᠠᠭᠤᠷ ᠪᠠᠢᠵᠤ᠂ ᠨᠠᠭᠤᠷ ᠤ᠋ᠨ ᠪᠠᠷᠠᠭᠤᠨ ᠲᠠᠯᠠ ᠶ᠋ᠢᠨ ᠲᠣᠰᠬᠣᠨ ᠳ᠋ᠤ᠌ ᠯᠠᠪᠠᠢ ᠭᠡᠳᠡᠭ ᠠᠵᠢᠯᠴᠢ᠂ ᠪᠠᠭᠠᠲᠤᠷ ᠮᠥᠷᠲᠡᠭᠡᠨ ᠰᠡᠴᠡᠨ ᠰᠡᠷᠭᠦᠯᠡᠩ ᠭᠣᠶᠣ ᠬᠡᠦᠬᠡᠨ ᠪᠠᠢᠵᠠᠢ ᠭᠡᠨᠡ᠃
ᠯᠠᠪᠠᠢ ᠬᠡᠦᠬᠡᠨ ᠶᠠᠮᠠᠷ ᠴᠤ᠌ ᠠᠵᠢᠯ ᠢ᠋ ᠭᠡᠳ ᠪᠦᠷ ᠣᠨᠴᠠ ᠴᠢᠳᠠᠮᠠᠭᠠᠢ ᠬᠢᠵᠦ ᠴᠢᠳᠠᠬᠤ ᠲᠤᠯᠠ ᠠᠪᠤ ᠡᠵᠢ ᠨᠢ ᠲᠤᠢᠯ ᠢ᠋ᠶ᠋ᠠᠷ ᠡᠩᠬᠦᠷᠡᠢᠯᠡᠨ ᠬᠠᠢᠷᠠᠯᠠᠳᠠᠭ ᠪᠠᠢᠪᠠ᠃ ᠨᠣᠶᠠᠨ ᠪᠠᠶᠠᠳ ᠤᠷᠤᠭ ᠭᠤᠶᠤᠬᠤ ᠪᠠᠷ ᠢᠷᠡᠬᠦ ᠳ᠋ᠦ᠍ ᠪᠦᠷ ᠵᠥᠪᠰᠢᠶᠡᠷᠡᠳᠡᠭ ᠦᠭᠡᠢ ᠪᠠᠢᠵᠤ᠄《ᠬᠡᠦᠬᠡᠨ ᠡᠴᠡ ᠮᠢᠨᠢ ᠠᠰᠠᠭᠤᠭᠠᠷᠠᠢ》 ᠭᠡᠳᠡᠭ ᠪᠠᠢᠪᠠ᠃ ᠯᠠᠪᠠᠢ ᠬᠡᠦᠬᠡᠨ ᠲᠡᠳᠡᠨᠦᠰ ᠦ᠋ᠨ ᠨᠡᠷᠡ ᠶ᠋ᠢ ᠨᠢ ᠰᠣᠨᠣᠰᠬᠤ ᠲᠠᠢ ᠵᠡᠷᠭᠡ ᠲᠣᠯᠣᠭᠠᠢ ᠰᠡᠭᠰᠦᠷᠴᠦ ᠬᠥᠮᠥᠰᠬᠡ ᠵᠠᠩᠭᠢᠳᠤᠨ ᠴᠢᠬᠢ ᠪᠡᠨ ᠳᠠᠷᠤᠭᠠᠳ ᠠᠮᠠ ᠪᠠᠨ ᠨᠡᠭᠡᠭᠡᠳᠡᠭ ᠦᠭᠡᠢ᠃
ᠨᠢᠭᠡᠨ ᠡᠳᠦᠷ ᠠᠯᠤᠰ ᠬᠣᠯᠠ ᠠ᠋ᠴᠠ ᠴᠡᠴᠡᠨ ᠭᠡᠳᠡᠭ ᠠᠷᠤᠤᠬᠠᠨ ᠬᠡᠭᠡᠨᠴᠢᠷ ᠮᠥᠷᠲᠡᠭᠡᠨ ᠢᠷᠮᠡᠭᠦᠨ ᠭᠠᠪᠰᠢᠭᠠᠢ ᠵᠠᠯᠠᠭᠤ ᠢᠷᠡᠪᠡ᠃ ᠴᠡᠴᠡᠨ ᠮᠣᠷᠢ ᠤᠨᠤᠵᠤ ᠨᠤᠮᠤ ᠰᠠᠭᠠᠳᠠᠭ ᠢ᠋ᠶ᠋ᠠᠨ ᠡᠭᠦᠷᠦᠨ᠂ ᠲᠣᠬᠣᠢ ᠳ᠋ᠠᠭᠠᠨ ᠨᠢᠭᠡ ᠡᠷᠡᠯᠬᠡᠭ ᠪᠦᠷᠭᠦᠳ ᠠᠪᠴᠤ ᠶᠠᠪᠤᠭᠠ ᠪᠢᠯᠡ᠃
ᠬᠤᠷᠴᠠ ᠰᠡᠷᠭᠦᠯᠡᠩ ᠴᠡᠴᠡᠨ ᠵᠠᠯᠠᠭᠤ ᠬᠡᠷᠬᠢᠨ ᠤᠷᠤᠭ ᠭᠤᠶᠤᠬᠤ ᠶ᠋ᠢ ᠮᠡᠳᠡᠵᠦ ᠪᠠᠢᠬᠤ ᠶᠤᠮ᠃ ᠲᠡᠷᠡ ᠮᠣᠷᠢᠨ ᠠ᠋ᠴᠠ ᠪᠠᠨ ᠪᠠᠭᠤᠨ᠂ ᠯᠠᠪᠠᠢ ᠶ᠋ᠢᠨ ᠬᠣᠨᠢ ᠪᠡᠯᠴᠢᠵᠦ ᠪᠠᠢᠭᠠ ᠵᠦᠯᠭᠡᠨ ᠳ᠋ᠦ᠍ ᠢᠷᠡᠭᠡᠳ᠂ ᠬᠣᠯᠠ ᠶ᠋ᠢᠨ ᠠᠭᠤᠯᠠ ᠶ᠋ᠢ ᠪᠠᠷᠠᠯᠠᠭᠰᠠᠨ ᠢ᠋ᠶ᠋ᠠᠨ ᠪᠦᠷᠭᠦᠳ ᠢ᠋ᠶ᠋ᠡᠨ ᠲᠠᠯᠪᠢᠵᠤ ᠶᠠᠪᠤᠭᠤᠯᠤᠭᠰᠠᠨᠠ᠂ ᠥᠨᠥᠬᠢ ᠪᠦᠷᠭᠦᠳ ᠬᠣᠶᠠᠷ ᠴᠢᠨᠳᠠᠭᠠ ᠪᠠᠷᠢᠵᠤ ᠠᠪᠴᠢᠷᠠᠪᠠ᠃ ᠴᠡᠴᠡᠨ ᠵᠠᠯᠠᠭᠤ ᠲᠠᠤᠯᠠᠢ ᠶ᠋ᠢ ᠯᠠᠪᠠᠢ ᠶ᠋ᠢᠨ ᠬᠥᠯ ᠳᠣᠣᠷᠠ ᠲᠠᠯᠪᠢᠯᠠ᠃ ᠭᠡᠪᠡᠴᠦ ᠯᠠᠪᠠᠢ ᠣᠢᠰᠢᠶᠠᠭᠰᠠᠨ ᠴᠤ᠌ ᠦᠭᠡᠢ᠃ ᠶᠠᠭ ᠡᠨᠡ ᠦᠶᠡᠰ ᠲᠦ ᠬᠥᠬᠡ ᠣᠭᠲᠠᠷᠭᠤᠢ ᠳ᠋ᠤ᠌ ᠨᠢᠭᠡ ᠮᠥᠷ ᠬᠣᠩᠭᠣᠷ ᠭᠠᠯᠠᠭᠤ ᠭᠠᠩᠭᠠᠷ ᠭᠣᠩᠭᠣᠷ ᠳᠣᠩᠭᠣᠳᠤᠭᠰᠠᠭᠠᠷ ᠨᠢᠰᠦᠨ ᠭᠠᠷᠤᠯᠠ᠃ ᠴᠡᠴᠡᠨ ᠳᠣᠣᠷᠠ ᠪᠠᠨ ᠨᠤᠮᠤ ᠬᠥᠪᠴᠢᠯᠡᠨ ᠤᠭᠰᠠᠷᠠᠭᠠ ᠪᠠᠷ ᠭᠤᠷᠪᠠ ᠬᠠᠷᠪᠤᠭᠰᠠᠨᠠ ᠭᠤᠷᠪᠠᠨ ᠬᠣᠩᠭᠣᠷ ᠭᠠᠯᠠᠭᠤ ᠯᠠᠪᠠᠢ ᠶ᠋ᠢᠨ ᠬᠠᠵᠠᠭᠤ ᠳ᠋ᠤ᠌ ᠤᠨᠠᠴᠢᠬᠠᠪᠠ᠃ ᠯᠠᠪᠠᠢ ᠮᠥᠨ ᠯᠡ ᠣᠢᠰᠢᠶᠠᠭᠰᠠᠨ ᠴᠤ᠌ ᠦᠭᠡᠢ᠃ ᠪᠠᠭᠠ ᠤᠳᠠᠭᠠᠳ ᠯᠠᠪᠠᠢ ᠭᠡᠨᠡᠳᠲᠡ ᠪᠣᠰᠴᠤ ᠵᠣᠭᠰᠣᠭᠠᠳ ᠰᠠᠨᠳᠤᠷᠴᠤ ᠳᠥᠷᠪᠡᠨ ᠵᠦᠭ ᠢ᠋ ᠬᠠᠷᠠᠨᠠ᠃ ᠴᠡᠴᠡᠨ ᠪᠡᠶᠡ ᠡᠷᠭᠢᠨ ᠦᠵᠡᠪᠡᠯ᠂ ᠬᠣᠨᠢᠨ ᠰᠥᠷᠦᠭ ᠨᠢ ᠳᠥᠷᠪᠡᠨ ᠲᠠᠰᠢ ᠪᠤᠲᠠᠷᠠᠭᠠᠳ᠂ ᠨᠢᠭᠡ ᠪᠣᠷᠣ ᠴᠢᠨᠣᠠ ᠶᠠᠭ ᠠᠭᠤᠯᠠ ᠶ᠋ᠢᠨ ᠪᠠᠯ ᠠ᠋ᠴᠠ ᠨᠠᠰᠢ ᠢᠷᠡᠯᠡ᠃ ᠲᠡᠷᠡ ᠳᠣᠣᠷᠠ ᠪᠠᠨ ᠮᠣᠷᠢᠨ ᠳ᠋ᠠᠭᠠᠨ ᠠᠯᠠᠪᠬᠢᠨ ᠮᠣᠷᠳᠠᠭᠠᠳ ᠨᠢᠰᠬᠦ ᠮᠡᠲᠦ ᠪᠡᠷ ᠴᠢᠨᠣᠠ ᠶ᠋ᠢᠨ ᠵᠦᠭ ᠳᠠᠪᠬᠢᠭᠤᠯᠬᠤ ᠳ᠋ᠤ᠌ ᠥᠨᠥᠬᠢ ᠴᠢᠨᠣᠠ ᠪᠡᠶᠡ ᠡᠷᠭᠢᠨ ᠪᠤᠷᠤᠭᠤᠯᠠᠨ ᠳᠤᠲᠠᠭᠠᠪᠠ᠃ ᠴᠡᠴᠡᠨ ᠰᠠᠯᠤᠯ ᠦᠭᠡᠢ ᠨᠡᠬᠡᠮᠵᠢᠯᠡᠨ ᠤᠳᠠᠭᠰᠠᠨ ᠴᠤ᠌ ᠦᠭᠡᠢ ᠴᠢᠰᠤ ᠨᠥᠵᠢ ᠭᠣᠭᠣᠵᠢᠭᠤᠯᠤᠨ ᠦᠬᠦᠭᠰᠡᠨ ᠴᠢᠨᠣᠠ ᠶ᠋ᠢ ᠠᠪᠤᠭᠠᠳ ᠢᠷᠡᠪᠡ᠃ ᠬᠡᠦᠬᠡᠨ ᠣᠳᠣ ᠠᠮᠠ ᠨᠡᠭᠡᠭᠡᠬᠦ ᠪᠣᠯᠤᠭᠰᠠᠨ ᠪᠠᠢᠯᠭᠦᠢ ᠭᠡᠵᠦ ᠴᠡᠴᠡᠨ ᠪᠣᠳᠣᠨᠠ᠃ ᠭᠡᠲᠡᠯᠡ ᠯᠠᠪᠠᠢ ᠬᠡᠦᠬᠡᠨ ᠴᠡᠴᠡᠨ ᠢ᠋ ᠨᠢᠭᠡ ᠬᠠᠷᠠᠵᠤ᠂ ᠰᠠᠨᠠᠭᠠ ᠰᠡᠳᠬᠢᠯ ᠢ᠋ᠶ᠋ᠡᠨ ᠰᠠᠢᠬᠠᠨ ᠢᠯᠡᠳᠬᠡᠵᠦ ᠴᠢᠳᠠᠳᠠᠭ ᠬᠣᠣᠰ ᠨᠢᠳᠦ ᠪᠡᠨ ᠲᠣᠷᠮᠣᠯᠵᠠᠭᠤᠯᠵᠤ ᠠᠪᠤᠭᠠᠳ᠂ ᠦᠭᠡ ᠳᠠᠭᠤᠨ ᠦᠭᠡᠢ ᠪᠡᠷ ᠬᠣᠨᠢᠳ ᠢ᠋ᠶ᠋ᠠᠨ ᠳᠠᠭᠤᠨ ᠶᠠᠪᠤᠪᠠ᠃
ᠴᠡᠴᠡᠨ ᠤᠷᠮᠠ ᠬᠤᠭᠤᠷᠴᠤ ᠭᠣᠮᠣᠳᠠᠪᠠ᠃ ᠭᠡᠪᠡᠴᠦ ᠪᠣᠳᠣᠨ ᠪᠣᠳᠣᠭᠰᠠᠭᠠᠷ ᠭᠡᠨᠡᠳᠲᠡ᠄《ᠤᠤᠬᠠᠢ ᠳᠠ᠂ ᠯᠠᠪᠠᠢ ᠨᠠᠮᠠᠶ᠋ᠢ ᠬᠠᠷᠪᠤᠵᠤ ᠨᠠᠮᠨᠠᠬᠤ ᠶ᠋ᠢ ᠯᠡ ᠮᠡᠳᠡᠭᠡᠳ ᠠᠵᠢᠯ ᠬᠥᠳᠡᠯᠮᠦᠷᠢ ᠬᠢᠵᠦ ᠴᠢᠳᠠᠬᠤ ᠦᠭᠡᠢ ᠭᠡᠵᠦ ᠭᠣᠯᠣᠭᠰᠠᠨ ᠪᠠᠢᠬᠠ》 ᠭᠡᠵᠦ ᠤᠬᠠᠵᠤ ᠣᠯᠪᠠ᠃ ᠲᠡᠭᠡᠭᠡᠳ ᠴᠡᠴᠡᠨ᠂ ᠯᠠᠪᠠᠢ ᠬᠡᠦᠬᠡᠨ ᠦ᠌ ᠭᠡᠷ ᠲᠦ ᠣᠴᠢᠭᠠᠳ ᠠᠵᠢᠯ ᠬᠠᠪᠰᠤᠷᠬᠤ ᠭᠡᠵᠦ ᠬᠣᠶᠠᠷ ᠨᠠᠰᠤᠲᠠᠨ ᠳ᠋ᠤ᠌ ᠳᠠᠬᠢᠨ ᠳᠠᠪᠲᠠᠨ ᠭᠤᠶᠤᠭᠰᠠᠨ ᠳ᠋ᠤ᠌᠂ ᠯᠠᠪᠠᠢ ᠶ᠋ᠢᠨ ᠠᠪᠤ ᠡᠵᠢ ᠨᠢ ᠪᠠᠶᠠᠷᠲᠠᠢ ᠪᠠᠷ ᠵᠥᠪᠰᠢᠶᠡᠷᠡᠪᠡ᠃
ᠬᠠᠪᠤᠷ ᠪᠣᠯᠬᠤ ᠳ᠋ᠤ᠌᠂ ᠴᠡᠴᠡᠨ ᠵᠡᠭᠡᠲᠦᠦ ᠡᠭᠦᠷᠦᠭᠡᠳ ᠶᠠᠷᠢ ᠶᠢᠰᠦᠨ ᠡᠳᠦᠷ ᠦ᠋ᠨ ᠠᠲᠠᠷ ᠬᠠᠭᠠᠯᠪᠤᠷᠢᠯᠠᠭᠠᠳ ᠪᠤᠭᠤᠳᠠᠢ ᠲᠠᠷᠢᠵᠠᠢ᠃
ᠵᠤᠨ ᠪᠣᠯᠤᠯᠠ᠂ ᠪᠤᠭᠤᠳᠠᠢ ᠪᠣᠯᠪᠠᠰᠤᠷᠠᠯᠠ᠃ ᠴᠡᠴᠡᠨ ᠶᠢᠰᠦᠨ ᠮᠢᠩᠭᠠ ᠶᠢᠰᠦᠨ ᠵᠠᠭᠤᠨ ᠪᠣᠭᠣᠵᠢ ᠪᠤᠭᠤᠳᠠᠢ ᠦᠭᠲᠡᠭᠡᠵᠦ ᠣᠪᠣᠭᠠᠯᠠᠪᠠ᠃
ᠨᠠᠮᠤᠷ ᠲᠤᠨᠢ ᠴᠡᠴᠡᠨ ᠪᠤᠯᠤ ᠬᠥᠯᠦᠭᠡᠳ ᠶᠢᠰᠦᠨ ᠡᠳᠦᠷ ᠶᠢᠰᠦᠨ ᠰᠥᠨᠢ ᠦᠳᠦᠷᠮᠠ ᠠᠪᠤᠭᠠᠳ ᠶᠢᠰᠦᠨ ᠳ᠋ᠠᠨ ᠶᠢᠰᠦᠨ ᠳ᠋ᠧᠦ ᠪᠤᠭᠤᠳᠠᠢ ᠤᠨᠠᠭᠠᠵᠤ ᠯᠠᠪᠠᠢ ᠶ᠋ᠢᠨ ᠶᠢᠰᠦᠨ ᠬᠥᠮᠥᠷᠭᠡ ᠶ᠋ᠢ ᠳᠦᠭᠦᠷᠭᠡᠪᠡ᠃
ᠯᠠᠪᠠᠢ ᠶ᠋ᠢᠨ ᠠᠪᠤ ᠡᠵᠢ ᠴᠡᠴᠡᠨ ᠢ᠋ ᠲᠣᠭᠣᠵᠤ ᠴᠢᠩ ᠰᠡᠳᠬᠢᠯ ᠡᠴᠡ ᠪᠡᠨ ᠪᠠᠶᠠᠷᠯᠠᠨᠠ᠃ ᠳᠠᠬᠢᠨ ᠯᠠᠪᠠᠢ ᠬᠡᠦᠬᠡᠨ ᠢ᠋ ᠬᠠᠷᠠᠪᠠᠯ᠂ ᠲᠡᠷᠡ ᠰᠠᠨᠠᠭᠠ ᠰᠡᠳᠬᠢᠯ ᠢ᠋ᠶ᠋ᠡᠨ ᠰᠠᠢᠬᠠᠨ ᠢᠯᠡᠳᠬᠡᠵᠦ ᠴᠢᠳᠠᠳᠠᠭ ᠬᠣᠣᠰ ᠨᠢᠳᠦ ᠪᠡᠨ ᠴᠡᠴᠡᠨ ᠦ᠌ ᠵᠦᠭ ᠬᠣᠶᠠᠷᠲᠠ ᠲᠤᠷᠮᠤᠯᠵᠠᠭᠤᠯᠵᠤ ᠠᠪᠤᠭᠠᠳ ᠥᠭᠡᠷᠡ ᠶᠠᠭᠤ ᠴᠤ᠌ ᠳᠤᠤᠭᠠᠷᠤᠭᠰᠠᠨ ᠦᠭᠡᠢ᠃
ᠯᠠᠪᠠᠢ ᠬᠡᠦᠬᠡᠨ ᠦ᠌ ᠰᠠᠨᠠᠭᠠ ᠶ᠋ᠢ ᠤᠬᠠᠵᠤ ᠶᠠᠳᠠᠭᠰᠠᠨ ᠴᠡᠴᠡᠨ ᠵᠠᠯᠠᠭᠤ ᠡᠳᠦᠷ ᠲᠣᠷᠰᠢ ᠤᠷᠤᠭᠤ ᠴᠢᠷᠠᠢᠯᠠᠭᠠᠳ ᠪᠤᠬᠢᠨᠢᠳᠣᠵᠤ ᠪᠠᠢᠯᠠ᠃ ᠨᠢᠭᠡ ᠤᠳᠠᠭᠠ ᠯᠠᠪᠠᠢ ᠤᠰᠤ ᠳᠠᠮᠨᠠᠵᠤ ᠣᠴᠢᠬᠤ ᠳ᠋ᠤ᠌ ᠴᠡᠴᠡᠨ ᠵᠠᠯᠠᠭᠤ ᠵᠠᠮ ᠢ᠋ ᠨᠢ ᠲᠣᠰᠤᠭᠠᠳ᠄《ᠯᠠᠪᠠᠢ ᠲᠡᠭᠦᠤᠳᠠᠢ ᠮᠢᠨᠢ ᠠ᠋᠂ ᠴᠢᠨᠦ ᠰᠠᠨᠠᠭᠠ ᠶ᠋ᠢ ᠪᠢ ᠶᠡᠷᠦ ᠣᠯᠬᠤ ᠦᠭᠡᠢ ᠪᠠᠢᠨᠠ᠃ ᠴᠢ ᠴᠣᠬᠣᠮ ᠬᠡᠵᠢᠶᠡ ᠨᠠᠳᠠ ᠭᠠᠷᠬᠤ ᠪᠠᠨ ᠠᠮᠠᠯᠳᠠᠬᠤ ᠶᠤᠮ ᠳᠠ?》 ᠭᠡᠵᠦ ᠠᠰᠠᠭᠤᠬᠤ ᠳ᠋ᠤ᠌:
《ᠴᠡᠴᠡᠨ ᠠᠬᠠ ᠮᠢᠨᠢ᠂ ᠬᠠᠷᠪᠤᠵᠤ ᠨᠠᠮᠨᠠᠬᠤ ᠪᠠ ᠠᠵᠢᠯ ᠬᠥᠳᠡᠯᠮᠦᠷᠢ ᠶ᠋ᠢᠨ ᠠᠯᠢᠨ ᠳᠤᠨᠢ ᠴᠤ᠌ ᠲᠠ ᠦᠨᠡᠬᠡᠷ ᠮᠡᠷᠭᠡᠵᠢᠵᠡᠢ᠃ ᠭᠡᠪᠡᠴᠦ ᠦᠨᠡᠨ ᠰᠡᠳᠬᠢᠯ ᠡᠴᠡ ᠪᠡᠨ ᠨᠠᠮᠠᠶ᠋ᠢ ᠰᠠᠨᠠᠵᠤ ᠬᠠᠢᠷᠠᠯᠠᠬᠤ ᠡᠰᠡᠬᠦ ᠶ᠋ᠢ ᠪᠢ ᠮᠡᠳᠡᠬᠦ ᠦᠭᠡᠢ ᠪᠠᠢᠭᠰᠠᠭᠠᠷ》 ᠭᠡᠳ ᠨᠠᠭᠤᠷ ᠤ᠋ᠨ ᠬᠥᠪᠡᠭᠡᠨ ᠦ᠌ ᠬᠤᠯᠤᠰᠤ ᠪᠠ ᠤᠳᠠ ᠶ᠋ᠢ ᠵᠢᠭᠠᠵᠤ᠄《ᠴᠢ ᠬᠡᠷᠪᠡ ᠬᠡᠵᠢᠶᠡ ᠡᠨᠡ ᠬᠤᠯᠤᠰᠤ ᠪᠠ ᠤᠳᠠ ᠶ᠋ᠢ ᠴᠢᠮᠠ ᠲᠠᠢ ᠬᠠᠮᠲᠤ ᠪᠠᠷ ᠠᠮᠠ ᠨᠡᠭᠡᠭᠡᠵᠦ ᠦᠭᠡ ᠬᠡᠯᠡᠭᠦᠯᠵᠦ ᠴᠢᠳᠠᠪᠠᠯ ᠪᠢ ᠨᠠᠰᠤ ᠪᠠᠷ ᠢ᠋ᠶ᠋ᠠᠨ ᠴᠢᠨᠦ ᠬᠠᠨᠢ ᠪᠣᠯᠤᠶᠠ》 ᠭᠡᠵᠦ ᠬᠡᠯᠡᠭᠡᠳ᠂ ᠨᠢᠳᠦ ᠪᠡᠨ ᠭᠤᠷᠪᠠᠨᠲᠠ ᠲᠤᠷᠮᠤᠯᠵᠠᠭᠤᠯᠤᠭᠠᠳ ᠤᠰᠤ ᠪᠠᠨ ᠳᠠᠮᠨᠠᠭᠠᠳ ᠶᠠᠪᠤᠪᠠ᠃
《ᠬᠠᠷᠠᠯᠠ᠂ ᠡᠨᠡ ᠴᠢᠨᠢ ᠲᠩᠷᠢ ᠳ᠋ᠦ᠍ ᠭᠠᠷᠬᠤ ᠠ᠋ᠴᠠ ᠪᠠᠰᠠ ᠪᠡᠷᠬᠡ ᠪᠠᠢᠨᠠ》 ᠭᠡᠳ ᠴᠡᠴᠡᠨ ᠵᠠᠯᠠᠭᠤ᠂ ᠯᠠᠪᠠᠢ ᠬᠡᠦᠬᠡᠨ ᠦ᠌ ᠬᠡᠯᠡᠬᠦ ᠶ᠋ᠢ ᠰᠣᠨᠣᠰᠤᠭᠠᠳ ᠮᠡᠯᠡᠷᠡᠨ ᠰᠠᠭᠤᠵᠤ ᠲᠤᠩ ᠵᠣᠪᠠᠵᠤ ᠭᠤᠲᠠᠷᠠᠨᠠ᠃ ᠲᠡᠷᠡ ᠰᠠᠯᠬᠢᠨ ᠤ᠋ ᠠᠶᠠ ᠪᠠᠷ ᠨᠠᠢᠭᠤᠯᠵᠠᠬᠤ ᠬᠤᠯᠤᠰᠤ ᠪᠠ ᠤᠳᠠ ᠶ᠋ᠢ ᠬᠠᠷᠠᠵᠤ᠂ ᠪᠤᠳᠤᠨ ᠪᠣᠳᠣᠭᠰᠠᠭᠠᠷ᠂ ᠭᠡᠡᠨᠤᠨᠲᠡ ᠰᠡᠬᠡᠭᠡᠷᠡᠭᠡᠳ᠂ ᠰᠠᠪᠬᠠ ᠶ᠋ᠢᠨ ᠴᠢᠨᠡᠭᠡᠨ ᠪᠦᠳᠦᠭᠦᠨ ᠬᠤᠷᠤᠭᠤᠨ ᠴᠢᠨᠡᠭᠡᠨ ᠤᠷᠲᠤ ᠬᠣᠶᠠᠷ ᠬᠤᠯᠤᠰᠤ ᠶ᠋ᠢ ᠵᠡᠷᠭᠡᠴᠡᠭᠦᠯᠤᠨ ᠤᠶᠠᠭᠰᠠᠨ ᠬᠣᠢᠨᠠ ᠵᠢᠷᠭᠤᠭᠠᠨ ᠵᠢᠵᠢᠭ ᠨᠦᠬᠡ ᠭᠠᠷᠭᠠᠪᠠ᠃ ᠪᠠᠰᠠ ᠤᠳᠠ ᠶ᠋ᠢᠨ ᠨᠠᠮᠠᠭᠠ ᠶ᠋ᠢᠨ ᠭᠣᠣᠯ ᠢ᠋ ᠨᠢ ᠠᠪᠴᠤ ᠬᠠᠯᠢᠰᠤ ᠶ᠋ᠢ ᠨᠢ ᠵᠢᠭᠳᠡᠯᠡᠭᠰᠡᠨ ᠪᠢᠰᠬᠢᠭᠦᠷ ᠦ᠋ᠨ ᠠᠮᠠᠨ ᠳᠡᠭᠡᠷᠡ ᠲᠠᠭᠠᠷᠠᠭᠤᠯᠵᠤ ᠬᠡᠯᠡ ᠪᠣᠯᠭᠠᠪᠠ᠃ ᠢᠩᠭᠢᠭᠡᠳ ᠬᠥᠩᠭᠡᠬᠡᠨ ᠭᠡᠭᠴᠢ ᠦᠯᠢᠶᠡᠭᠰᠡᠨᠡ ᠡᠠᠶᠠᠲᠠᠢ ᠰᠠᠢᠬᠠᠨ ᠳᠠᠭᠤᠤ ᠭᠠᠷᠤᠨᠠ᠃ ᠳ᠋ᠦᠩᠰᠢᠶᠠᠩ ᠦ᠋ᠳ ᠤ᠋ᠨ
ᠠᠷᠠᠳ ᠤ᠋ᠨ ᠬᠥᠭᠵᠢᠮ《ᠮᠢᠮᠢ》 ᠶ᠋ᠢ ᠡᠨᠡ ᠮᠡᠲᠦ ᠪᠡᠷ ᠵᠣᠬᠢᠶᠠᠵᠤ ᠭᠠᠷᠭᠠᠯᠠ᠃
ᠣᠷᠴᠢᠯᠠᠩ ᠳᠡᠯᠡᠬᠡᠢ ᠳ᠋ᠦ᠍ ᠬᠣᠣᠰ ᠦᠭᠡᠢ ᠭᠤᠤᠠ ᠰᠡᠷᠭᠦᠯᠡᠩ ᠯᠠᠪᠠᠢ ᠬᠡᠦᠬᠡᠨ ᠡᠢᠮᠦ ᠨᠢᠭᠡ ᠬᠦᠴᠢᠷ ᠰᠡᠳᠦᠪ ᠢ᠋ᠶ᠋ᠡᠷ ᠠᠮᠠᠷᠠᠭ ᠤ᠋ᠨ ᠢ᠋ᠶ᠋ᠠᠨ ᠣᠶᠤᠨ ᠪᠢᠯᠢᠭ ᠪᠠ ᠴᠢᠩ ᠰᠡᠳᠬᠢᠯ ᠢ᠋ ᠲᠡᠩᠰᠡᠵᠦ ᠦᠵᠡᠵᠡᠢ᠃
ᠬᠥᠮᠦᠨ ᠦ᠌ ᠶᠢᠷᠲᠢᠨᠴᠦ ᠳ᠋ᠦ᠍ ᠡᠷᠳᠡᠮ ᠴᠢᠳᠠᠪᠤᠷᠢ ᠪᠠᠷ ᠢ᠋ᠶ᠋ᠠᠨ ᠰᠢᠯᠭᠠᠷᠠᠭᠰᠠᠨ ᠡᠷᠬᠢᠮ ᠴᠤᠤᠲᠤ ᠴᠡᠴᠡᠨ ᠵᠠᠯᠠᠭᠤ ᠨᠡᠭᠡᠷᠡᠨ《ᠮᠢᠮᠢ》 ᠭᠡᠳᠡᠭ ᠭᠠᠢᠬᠠᠮᠰᠢᠭᠲᠤ ᠪᠢᠰᠢᠬᠢᠭᠦᠷ ᠢ᠋ ᠵᠣᠬᠢᠶᠠᠵᠤ ᠠᠶᠠᠲᠠᠢ ᠰᠠᠢᠬᠠᠨ ᠳᠠᠭᠤᠤ ᠪᠠᠷ ᠢ᠋ᠶ᠋ᠠᠨ ᠥᠪᠡᠷ ᠦ᠋ᠨ ᠢᠨᠠᠭ ᠰᠡᠳᠬᠢᠯ ᠢ᠋ᠶ᠋ᠡᠨ ᠢᠯᠡᠳᠬᠡᠪᠡ᠃
ᠣᠷᠣᠢ ᠶ᠋ᠢᠨ ᠲᠤᠩᠭᠠᠯᠠᠭ ᠰᠠᠷᠠ ᠠᠭᠠᠷ ᠲᠤ᠌ ᠮᠠᠨᠳᠤᠨ ᠣᠷᠴᠢᠨ ᠲᠣᠭᠣᠷᠢᠨ ᠨᠠᠮ ᠰᠡᠯᠡᠭᠦᠦ ᠪᠣᠯᠬᠤ ᠳ᠋ᠤ᠌ ᠴᠡᠴᠡᠨ ᠵᠠᠯᠠᠭᠤ ᠨᠠᠭᠤᠷ ᠤ᠋ᠨ ᠬᠥᠪᠡᠭᠡᠨ ᠳ᠋ᠦ᠍《ᠮᠢᠮᠢ》 ᠪᠡᠨ ᠦᠯᠢᠶᠡᠵᠦ ᠢᠩᠭᠢᠵᠦ ᠳᠠᠭᠤᠯᠠᠨᠠ᠄
ᠲᠣᠯᠢ ᠮᠡᠲᠦ ᠨᠠᠭᠤᠷ ᠤ᠋ᠨ ᠤᠰᠤᠨ ᠳ᠋ᠤ᠌
ᠲᠤᠩᠭᠠᠯᠠᠭ ᠰᠠᠷᠠᠨ ᠤ᠋ ᠰᠡᠭᠦᠳᠡᠷ ᠬᠠᠷᠠᠭᠳᠠᠨᠠ᠃
ᠨᠠᠭᠤᠷ ᠤ᠋ᠨ ᠬᠥᠪᠡᠭᠡᠨ ᠦ᠌ ᠨᠣᠭᠣᠭᠠᠨ ᠵᠦᠯᠭᠡ ᠶ᠋ᠢ
ᠨᠠᠮᠤᠷ ᠤ᠋ᠨ ᠲᠤᠩᠭᠠᠯᠠᠭ ᠰᠠᠷᠠ ᠭᠡᠷᠡᠯᠲᠦᠭᠦᠯᠦᠨᠡ᠃
ᠰᠡᠳᠬᠢᠯ ᠵᠢᠷᠦᠬᠡᠨ ᠦ᠌ ᠲᠣᠯᠢ ᠳ᠋ᠤ᠌ ᠮᠢᠨᠢ
ᠰᠡᠴᠡᠨ ᠠᠮᠠᠷᠠᠭ ᠤ᠋ᠨ ᠳᠦᠷᠢ ᠲᠣᠳᠣᠷᠠᠨᠠ
ᠨᠠᠮᠢᠯᠵᠠᠬᠤ ᠬᠤᠯᠤᠰᠤ ᠤᠳᠠ ᠶ᠋ᠢᠨ ᠨᠠᠮᠠᠭᠠ ᠪᠠᠷ
ᠨᠠᠰᠤᠨ ᠤ᠋ ᠬᠦᠰᠡᠯ ᠢ᠋ᠶ᠋ᠡᠨ ᠢᠯᠡᠳᠬᠡᠶᠡ ᠪᠢ᠃
ᠯᠠᠪᠠᠢ ᠬᠡᠦᠬᠡᠨ ᠴᠡᠴᠡᠨ ᠦ᠌《ᠮᠢᠮᠢ》 ᠦᠯᠢᠶᠡᠨ ᠳᠠᠭᠤᠤ ᠳᠠᠭᠤᠯᠠᠵᠤ ᠪᠠᠢᠬᠤ ᠶ᠋ᠢ ᠰᠣᠨᠣᠰᠤᠭᠠᠳ᠂ ᠪᠠᠶᠠᠷ ᠪᠠᠬᠠᠷᠤᠯ ᠢ᠋ᠶ᠋ᠠᠨ ᠳᠠᠷᠤᠵᠤ ᠶᠠᠳᠠᠨ᠂ ᠵᠢᠭᠦᠷ ᠤᠷᠭᠤᠭᠰᠠᠨ ᠮᠡᠲᠦ ᠪᠡᠷ ᠴᠡᠴᠡᠨ ᠦ᠌ ᠬᠠᠵᠠᠭᠤ ᠳ᠋ᠤ᠌ ᠭᠦᠶᠦᠨ ᠣᠴᠢᠯᠠ᠃
ᠡᠭᠦᠨ ᠡᠴᠡ ᠬᠣᠢᠰᠢ ᠬᠣᠶᠠᠭᠤᠯᠠ ᠪᠠᠨ ᠰᠡᠳᠬᠢᠯ ᠰᠠᠨᠠᠭᠠ ᠨᠡᠢᠯᠡᠵᠦ ᠵᠣᠯ ᠵᠢᠷᠭᠠᠯᠲᠠᠢ ᠪᠠᠷ ᠠᠮᠢᠳᠤᠷᠠᠵᠤ ᠡᠬᠢᠯᠡᠪᠡ᠃
《ᠴᠠᠭ ᠴᠠᠭ ᠢ᠋ᠶ᠋ᠠᠷ ᠢ᠋ᠶ᠋ᠠᠨ ᠪᠠᠢᠳᠠᠭ ᠦᠭᠡᠢ᠂ ᠴᠠᠬᠢᠯᠳᠠᠭ ᠬᠥᠬᠡ ᠪᠡᠷ ᠢ᠋ᠶ᠋ᠡᠨ ᠪᠠᠢᠳᠠᠭ ᠦᠭᠡᠢ》 ᠭᠡᠵᠦ ᠶᠡᠷᠦ ᠶ᠋ᠢᠨ ᠦᠭᠡᠨ ᠳ᠋ᠦ᠍ ᠬᠡᠯᠡᠳᠡᠭ ᠪᠢᠯᠡ᠃ ᠳᠡᠮᠡᠢ ᠤᠳᠠᠯ ᠦᠭᠡᠢ ᠲᠡᠳᠡ ᠭᠡᠨᠡᠳᠲᠡ ᠶ᠋ᠢᠨ ᠭᠠᠢ ᠪᠠᠷᠴᠢᠳ ᠲᠤ᠌ ᠲᠠᠭᠠᠷᠠᠯᠳᠤᠪᠠ᠃
ᠬᠡᠳᠦᠢ ᠵᠢᠯ ᠦ᠋ᠨ ᠡᠮᠦᠨᠡ ᠪᠠᠢᠭᠰᠠᠨ ᠢ᠋ ᠪᠦᠦ ᠮᠡᠳᠡ᠃ ᠡᠨᠡᠬᠦ ᠬᠥᠯ ᠦᠭᠡᠢ ᠨᠠᠭᠤᠷ ᠲᠤ᠌ ᠨᠢᠭᠡᠨ ᠠᠷᠵᠠᠭ ᠮᠠᠩᠭᠤᠰ ᠰᠠᠭᠤᠵᠤ ᠪᠠᠢᠵᠠᠢ᠃ ᠳᠣᠯᠣᠭᠠᠨ ᠲᠣᠯᠣᠭᠠᠢ ᠨᠠᠢ᠍ᠮᠠᠨ ᠭᠠᠷ ᠲᠠᠢ ᠡᠨᠡ ᠠᠮᠢᠲᠠᠨ ᠶᠠᠭᠤ ᠦᠵᠡᠪᠡᠯ ᠶᠠᠭᠤ ᠶ᠋ᠢ ᠰᠢᠭᠦᠷᠦᠭᠡᠳ ᠠᠪᠳᠠᠭ᠃ ᠮᠠᠩᠭᠤᠰ ᠤ᠋ᠨ ᠬᠣᠣᠷ ᠬᠥᠨᠥᠭᠡᠯ ᠡᠴᠡ ᠵᠠᠢᠯᠠᠰᠬᠢᠬᠦ ᠶ᠋ᠢᠨ ᠲᠥᠯᠥᠭᠡ᠂ ᠰᠠᠢᠨ ᠰᠠᠨᠠᠭᠠᠲᠠᠢ ᠤᠯᠤᠰ ᠣᠳ ᠵᠢᠯ ᠵᠢᠯ ᠦ᠋ᠨ ᠨᠠᠮᠤᠷ ᠤ᠋ᠨ ᠬᠤᠷᠢᠶᠠᠯᠲᠠ ᠶ᠋ᠢᠨ ᠳᠠᠷᠠᠭᠠ ᠳᠥᠴᠢ ᠶᠢᠰᠦᠨ ᠵᠢᠩᠨᠡᠭᠦᠷ ᠴᠠᠭᠠᠨ ᠭᠤᠯᠢᠷ ᠤ᠋ᠨ ᠪᠣᠣᠪᠣ᠂ ᠵᠢᠷᠠᠨ ᠳᠥᠷᠪᠡᠨ ᠲᠠᠪᠠᠭ ᠬᠠᠭᠠᠷᠢᠮᠠᠯ ᠢ᠋ ᠨᠠᠭᠤᠷ ᠲᠤ᠌ ᠬᠠᠶᠠᠬᠤ ᠶ᠋ᠢᠨ ᠬᠠᠮᠲᠤ ᠪᠠᠰᠠ ᠦᠬᠡᠷ ᠬᠣᠨᠢ ᠠᠯᠠᠵᠤ ᠳᠠᠬᠢᠳᠠᠭ᠃ ᠦᠭᠡᠢ ᠪᠣᠯ ᠲᠡᠷᠡᠬᠦ ᠠᠮᠢᠲᠠᠨ ᠮᠥᠨᠳᠥᠷ ᠪᠠᠭᠤᠯᠭᠠᠵᠤ ᠲᠠᠷᠢᠶᠠ ᠲᠥᠮᠥᠰᠥ ᠶ᠋ᠢ ᠰᠦᠢᠳᠬᠡᠬᠦ ᠪᠠ ᠡᠰᠡᠬᠦᠯᠡ ᠬᠠᠷᠠ ᠰᠠᠯᠬᠢ ᠳᠡᠭᠳᠡᠭᠡᠵᠦ ᠬᠥᠮᠦᠨ ᠢ᠋ ᠨᠠᠭᠤᠷ ᠲᠤ᠌ ᠬᠡᠢᠰᠬᠡᠨ ᠣᠷᠣᠭᠤᠯᠵᠤ᠂ ᠲᠤᠢᠯ ᠤ᠋ᠨ ᠶᠡᠬᠡ ᠭᠠᠢ ᠭᠠᠮᠰᠢᠭ ᠤᠴᠠᠷᠠᠭᠤᠯᠳᠠᠭ᠃
ᠨᠢᠭᠡᠨ ᠡᠳᠦᠷ᠂ ᠰᠠᠢᠬᠠᠨ ᠬᠤᠷᠢᠮᠯᠠᠭᠰᠠᠨ ᠴᠡᠴᠡᠨ ᠯᠠᠪᠠᠢ ᠬᠣᠶᠠᠭᠤᠯᠠ ᠲᠠᠷᠢᠶᠠᠨ ᠠ᠋ᠴᠠ ᠪᠠᠨ ᠢᠷᠡᠵᠦ ᠦᠵᠡᠬᠦ ᠳ᠋ᠦ᠍᠂ ᠠᠪᠤ ᠡᠵᠢ ᠨᠢ ᠤᠰᠤᠨ ᠨᠢᠳᠦᠯᠡᠭᠡᠳ ᠰᠡᠭᠦᠷᠡᠰᠦ ᠠᠯᠲᠠᠨ ᠰᠠᠭᠤᠵᠤ ᠪᠠᠢᠪᠠ᠃ ᠡᠷᠡ ᠡᠮᠡ ᠬᠣᠶᠠᠭᠤᠯᠠ ᠪᠠᠨ ᠬᠡᠳᠦᠢ ᠤᠬᠤᠴᠢᠯᠠᠵᠤ ᠠᠰᠠᠭᠤᠭᠠᠳ ᠲᠡᠳᠡ ᠰᠠᠶᠢ ᠤᠴᠢᠷ ᠶᠠᠪᠤᠳᠠᠯ ᠢ᠋ ᠬᠡᠯᠡᠵᠦ ᠥᠭᠪᠡ᠃ ᠤᠤᠯ ᠨᠢ ᠯᠠᠪᠠᠢ ᠬᠡᠦᠬᠡᠨ ᠢ᠋ ᠮᠠᠩᠭᠤᠰ ᠦᠵᠡᠵᠦ ᠲᠣᠭᠣᠭᠰᠠᠨ ᠲᠤᠯᠠ ᠡᠨᠡ ᠥᠷᠯᠥᠭᠡ ᠬᠠᠷᠠ ᠰᠠᠯᠬᠢᠨ ᠬᠤᠪᠢᠯᠵᠤ ᠭᠡᠷ ᠲᠤᠨᠢ ᠢᠷᠡᠭᠡᠳ᠄ ᠭᠤᠷᠪᠠᠨ ᠡᠳᠦᠷ ᠦ᠋ᠨ ᠳᠣᠲᠣᠷᠠ ᠬᠡᠷᠪᠡ ᠯᠠᠪᠠᠢ ᠶ᠋ᠢ ᠨᠠᠭᠤᠷ ᠲᠤ᠌ ᠬᠦᠷᠭᠡᠵᠦ ᠥᠭᠬᠦ ᠦᠭᠡᠢ ᠪᠣᠯ ᠠᠭᠤᠯᠠᠨ ᠤ᠋ ᠨᠠᠭᠠᠨᠠ ᠴᠠᠭᠠᠨᠠᠬᠢ ᠠᠢᠯ ᠲᠣᠰᠬᠣᠨ ᠨᠤᠭᠤᠳ ᠢ᠋ ᠦᠨᠡᠰᠦᠨ ᠲᠣᠪᠷᠠᠭ ᠪᠣᠯᠭᠠᠨᠠ ᠭᠡᠵᠦ ᠦᠭᠡ ᠦᠯᠡᠳᠡᠭᠡᠭᠰᠡᠨ ᠪᠢᠯᠡ᠃
ᠴᠡᠴᠡᠨ ᠯᠠᠪᠠᠢ ᠬᠣᠶᠠᠷ ᠡᠭᠦᠨ ᠢ᠋ ᠰᠣᠨᠣᠰᠤᠭᠠᠳ ᠬᠡᠬᠦᠳᠡᠭ ᠴᠡᠭᠡᠵᠢᠨ ᠳ᠋ᠦ᠍ᠨᠢ ᠬᠢᠯᠢᠩ ᠦ᠋ᠨ ᠭᠠᠯ ᠳᠦᠷᠡᠯᠵᠡᠨᠡ᠃ ᠬᠣᠶᠠᠭᠤᠯᠠ ᠪᠠᠨ ᠤᠷᠢᠳᠠᠪᠡᠷ ᠬᠣᠶᠠᠷ ᠨᠠᠰᠤᠲᠠᠨ ᠢ᠋ ᠲᠠᠢᠳᠬᠤᠷᠠᠭᠤᠯᠵᠤ ᠳᠠᠷᠠᠭᠠ ᠪᠠᠷ ᠠᠷᠭᠠ ᠪᠣᠳᠣᠪᠠ᠃ ᠨᠢᠭᠡ ᠡᠳᠦᠷ ᠥᠩᠭᠡᠷᠡᠯᠡ᠂ ᠠᠷᠭᠠ ᠪᠣᠳᠣᠵᠤ ᠣᠯᠤᠭᠰᠠᠨ ᠦᠭᠡᠢ᠂ ᠬᠣᠶᠠᠷ ᠡᠳᠦᠷ ᠥᠩᠭᠡᠷᠡᠲᠡᠯᠡ ᠮᠥᠨ ᠯᠡ ᠭᠠᠷ ᠢ᠋ᠶ᠋ᠠᠨ ᠨᠤᠬᠤᠯᠠᠵᠤ ᠪᠠᠢᠪᠠ᠃ ᠭᠤᠷᠪᠠᠳᠤᠭᠠᠷ ᠥᠷᠯᠥᠭᠡ ᠨᠢ ᠡᠷᠡᠯᠬᠡᠭ ᠪᠠᠭᠠᠲᠤᠷᠯᠢᠭ ᠴᠡᠴᠡᠨ ᠵᠠᠯᠠᠭᠤ ᠨᠤᠮᠤ ᠠᠭᠰᠠᠵᠤ ᠵᠢᠳᠠ ᠪᠠᠨ ᠪᠠᠷᠢᠵᠤ ᠬᠠᠢᠷᠠᠲᠤ ᠪᠦᠷᠭᠦᠳ ᠢ᠋ᠶ᠋ᠡᠨ ᠠᠪᠤᠭᠠᠳ᠂ ᠬᠣᠶᠠᠷ ᠨᠠᠰᠤᠲᠠᠨ ᠪᠣᠯᠤᠨ ᠯᠠᠪᠠᠢ ᠲᠠᠢ ᠠᠶᠠᠷᠯᠠᠬᠤ ᠳ᠋ᠠᠭᠠᠨ᠄ ᠮᠠᠩᠭᠤᠰ ᠲᠠᠢ ᠦᠬᠦᠵᠦ ᠰᠡᠬᠡᠬᠦ ᠪᠡᠨ ᠦᠵᠡᠯᠴᠡᠵᠦ ᠶᠠᠭᠠᠬᠢᠭᠰᠠᠨ ᠴᠤ᠌ ᠡᠨᠡᠬᠦ ᠮᠢᠩᠭᠠᠨ ᠵᠢᠯ ᠦ᠋ᠨ ᠬᠣᠣᠷ ᠤ᠋ᠨ ᠦᠨᠳᠦᠰᠦ ᠶ᠋ᠢ ᠠᠷᠢᠯᠭᠠᠨᠠ ᠭᠡᠪᠡ᠃ ᠯᠠᠪᠠᠢ ᠡᠭᠦᠨ ᠢ᠋ ᠰᠣᠨᠣᠰᠤᠭᠠᠳ ᠬᠣᠨᠢᠨ ᠨᠣᠣᠰᠣ ᠪᠠᠷ ᠨᠡᠬᠡᠭᠰᠡᠨ ᠪᠦᠰᠡ ᠪᠡᠨ ᠭᠠᠷᠭᠠᠵᠤ ᠡᠷᠡ ᠨᠥᠬᠥᠷ ᠲᠡᠭᠡᠨ ᠴᠢᠩᠭᠠᠬᠠᠨ ᠪᠦᠰᠡᠯᠡᠵᠦ ᠥᠭᠭᠦᠭᠡᠳ᠂ ᠲᠣᠷᠮᠣᠭᠣᠷ ᠬᠣᠣᠰ ᠨᠢᠳᠦ ᠪᠡᠷ ᠢ᠋ᠶ᠋ᠡᠨ ᠬᠠᠢᠷᠠᠲᠤ ᠬᠣᠩᠭᠣᠷ ᠢ᠋ᠶ᠋ᠠᠨ ᠰᠢᠷᠳᠡᠬᠦ ᠨᠢ ᠶᠠᠭ ᠯᠠ ᠬᠠᠢᠷᠠᠲᠤ ᠨᠥᠬᠥᠷ ᠮᠢᠨᠢ᠂ ᠲᠠ ᠮᠠᠩᠭᠤᠰ ᠲᠠᠢ ᠲᠡᠮᠡᠴᠡᠯᠳᠦᠭᠡᠳ ᠬᠡᠷᠪᠡ ᠡᠨᠳᠡᠯ ᠭᠠᠷᠪᠠᠯ᠂ ᠡᠬᠡᠨᠡᠷ ᠴᠢᠨᠢ ᠯᠠᠪᠲᠠᠢ ᠮᠠᠩᠭᠤᠰ ᠲᠠᠢ ᠠᠮᠢ ᠴᠥᠯᠡᠨ ᠲᠡᠮᠡᠴᠡᠨᠡ᠂ ᠶᠠᠭᠠᠬᠢᠭᠰᠠᠨ ᠴᠤ᠌ ᠲᠠᠨ ᠤ᠋ ᠪᠠᠨ ᠨᠡᠷᠡ ᠠᠯᠳᠠᠷ ᠢ᠋ ᠭᠤᠲᠤᠭᠠᠬᠤ ᠦᠭᠡᠢ ᠭᠡᠵᠦ ᠬᠡᠯᠡᠵᠦ ᠪᠠᠢᠭᠠ ᠰᠢᠭ᠋ ᠪᠢᠯᠡ᠃
ᠯᠠᠪᠠᠢ ᠠ᠋ᠴᠠ ᠰᠠᠯᠵᠤ ᠴᠡᠴᠡᠨ ᠨᠠᠭᠤᠷ ᠤ᠋ᠨ ᠬᠥᠪᠡᠭᠡᠨ ᠳ᠋ᠦ᠍ ᠢᠷᠡᠭᠡᠳ᠄《ᠲᠦᠮᠡᠨ ᠨᠢᠭᠦᠯᠲᠦ ᠮᠠᠩᠭᠤᠰ ᠠ᠋᠂ ᠠᠶᠤᠬᠤ ᠦᠭᠡᠢ ᠪᠣᠯ ᠭᠠᠷᠴᠤ ᠢᠷᠡ᠂ ᠮᠥᠬᠥᠯ ᠦ᠋ᠨ ᠡᠳᠦᠷ ᠴᠢᠨᠢ ᠪᠣᠯᠵᠠᠢ》 ᠭᠡᠵᠦ ᠬᠠᠰᠬᠢᠷᠠᠪᠠ᠃ ᠮᠠᠩᠭᠤᠰ ᠤᠰᠤᠨ ᠣᠷᠳᠣᠨ ᠳ᠋ᠠᠭᠠᠨ ᠰᠣᠨᠣᠰᠤᠭᠠᠳ ᠬᠠᠳᠠᠭᠠᠨᠠᠲᠠᠯᠠ ᠢᠨᠢᠶᠡᠵᠦ᠄《ᠡᠨᠡ ᠵᠥᠨᠥᠭ ᠠᠮᠢᠲᠠᠨ ᠨᠠᠳᠠ ᠲᠠᠢ ᠥᠰᠢᠶᠠᠯᠳᠦᠬᠦ ᠭᠡᠨᠡ᠃ ᠪᠢ ᠲᠡᠭᠦᠨ ᠦ᠌ ᠠᠷᠠᠰᠤ ᠶ᠋ᠢ ᠱᠠᠭᠠᠯᠤᠭᠠᠳ ᠮᠢᠬᠠ ᠶ᠋ᠢ ᠨᠢ ᠵᠠᠭᠤᠰᠢ ᠪᠣᠯᠭᠠᠶᠠ》 ᠭᠡᠳ ᠤᠰᠤᠨ ᠠ᠋ᠴᠠ ᠪᠤᠯᠲᠠᠢᠨ ᠭᠠᠷᠪᠠ᠃ ᠥᠰᠢᠶᠡ ᠲᠡᠢ ᠬᠥᠮᠦᠨ ᠳᠠᠪᠠᠭᠠᠨ ᠳᠡᠭᠡᠷᠡ᠂ᠥᠷᠢ ᠲᠡᠢ ᠬᠥᠮᠦᠨ ᠵᠡᠭᠡᠯᠢ ᠳᠡᠭᠡᠷᠡ ᠭᠡᠭᠴᠢ ᠪᠡᠷ᠂ᠴᠡᠴᠡᠨ ᠵᠠᠯᠠᠭᠤ ᠮᠠᠩᠭᠤᠰ ᠢ᠋ ᠦᠵᠡᠮᠡᠭᠴᠡ ᠨᠤᠮᠤ ᠪᠠᠨ ᠬᠥᠪᠴᠢᠯᠡᠨ ᠤᠭᠰᠠᠷᠠᠭᠠ ᠪᠠᠷ ᠶᠢᠰᠦ ᠬᠠᠷᠪᠤᠪᠠ᠃ ᠭᠡᠪᠡᠴᠦ ᠮᠠᠩᠭᠤᠰ ᠲᠡᠮᠦᠷ ᠭᠠᠷ ᠭᠠᠤᠯᠢᠨ ᠬᠢᠮᠤᠰᠤ ᠪᠠᠷ ᠢ᠋ᠶ᠋ᠠᠨ ᠰᠤᠮᠤ ᠶ᠋ᠢ ᠨᠢ ᠬᠠᠯᠠᠬᠠᠯᠠᠵᠤ ᠠᠪᠤᠪᠠ᠃ ᠴᠡᠴᠡᠨ ᠴᠡᠭᠡᠵᠢ ᠳᠡᠯᠪᠡᠷᠡᠮᠡ ᠠᠭᠤᠷᠯᠠᠵᠤ᠂ ᠪᠦᠷᠭᠦᠳ ᠢ᠋ᠶ᠋ᠡᠨ ᠲᠠᠯᠪᠢᠨ ᠶᠠᠪᠤᠭᠤᠯᠵᠤ ᠨᠢᠳᠦ ᠶ᠋ᠢ ᠨᠢ ᠰᠣᠬᠣᠯᠠᠭᠤᠯᠬᠤ ᠭᠡᠪᠡ᠃ ᠪᠦᠷᠭᠦᠳ ᠭᠠᠯ ᠴᠠᠬᠢᠯᠠᠬᠤ ᠮᠡᠲᠦ ᠢᠳᠡᠷᠡᠭᠦᠨ ᠰᠦᠷᠲᠡᠢ᠂ ᠱᠠᠯᠠᠮᠠᠭ ᠪᠤᠰᠢᠭᠤ ᠰᠢᠭᠦᠷᠦᠨ ᠣᠷᠣᠭᠰᠠᠨᠠ᠂ ᠥᠨᠥᠬᠢ ᠮᠠᠩᠭᠤᠰ ᠭᠠᠷ ᠢ᠋ᠶ᠋ᠠᠨ ᠰᠡᠷᠪᠡᠢᠨ ᠪᠦᠷᠭᠦᠳ ᠦ᠋ᠨ ᠬᠦᠵᠦᠭᠦᠦ ᠶ᠋ᠢ ᠪᠠᠵᠠᠬᠤ ᠭᠡᠪᠡ᠃ ᠡᠨᠡ ᠲᠠᠰᠢᠷᠠᠮ ᠢ᠋ᠶ᠋ᠠᠷ ᠴᠡᠴᠡᠨ ᠤᠷᠲᠤ ᠵᠢᠳᠠ ᠪᠠᠨ ᠮᠠᠩᠭᠤᠰ ᠤ᠋ᠨ ᠴᠡᠭᠡᠵᠢ ᠵᠢᠷᠦᠬᠡ ᠳ᠋ᠦ᠍ᠨᠢ ᠬᠦᠴᠦᠲᠡᠢ ᠬᠠᠳᠬᠤᠪᠠ᠃ ᠤᠰᠤᠨ ᠤ᠋ ᠮᠠᠩᠭᠤᠰ ᠮᠠᠭᠤᠬᠠᠢ ᠭᠡᠭᠴᠢ ᠠᠷᠬᠢᠷᠠᠨ ᠬᠠᠰᠬᠢᠷᠠᠪᠠ᠃ ᠴᠡᠭᠡᠵᠢ ᠨᠢ ᠨᠢᠭᠡᠨᠲᠡ ᠰᠢᠷᠬᠠᠲᠤᠴᠢᠬᠠᠭᠰᠠᠨ ᠪᠠᠢᠪᠠ᠃ ᠭᠡᠪᠡᠴᠦ ᠴᠡᠴᠡᠨ ᠪᠠᠰᠠ ᠳᠡᠩᠳᠡᠭᠦᠦ ᠬᠦᠴᠦᠯᠡᠭᠰᠡᠨ ᠡᠴᠡ ᠪᠣᠯᠵᠤ ᠬᠥᠯ ᠠᠯᠳᠠᠵᠤ ᠭᠦᠨ ᠨᠠᠭᠤᠷ ᠲᠤ᠌ ᠤᠨᠠᠴᠢᠪᠠ᠃
ᠦᠳᠡ ᠶ᠋ᠢᠨ ᠦᠶᠡ ᠪᠡᠷ ᠰᠢᠷᠬᠠᠲᠤᠭᠰᠠᠨ ᠪᠦᠷᠭᠦᠳ ᠭᠡᠷ ᠲᠡᠭᠡᠨ ᠨᠢᠰᠴᠦ ᠢᠷᠡᠨ ᠯᠠᠪᠠᠢ ᠶ᠋ᠢᠨ ᠬᠥᠯ ᠳᠣᠣᠷᠠ ᠰᠠᠪᠠᠵᠤ ᠤᠨᠠᠭᠠᠳ ᠭᠤᠨᠢᠭ ᠲᠠᠢ ᠪᠠᠷ ᠦᠬᠦᠪᠡ᠃ ᠯᠠᠪᠠᠢ ᠬᠡᠷᠡᠭ ᠤᠴᠢᠷ ᠤ᠋ᠨ ᠮᠠᠭᠤ ᠪᠣᠯᠤᠭᠰᠠᠨ ᠢ᠋ ᠮᠡᠳᠡᠭᠡᠳ᠂ ᠴᠡᠴᠡᠨ ᠢ᠋ᠶ᠋ᠠᠨ ᠰᠠᠨᠠᠵᠤ ᠳᠤᠷᠠᠰᠤᠨ ᠥᠪᠡᠷ ᠦ᠋ᠨ ᠡᠷᠬᠡ ᠦᠭᠡᠢ ᠮᠡᠭᠰᠢᠨ ᠤᠬᠢᠯᠠᠨᠠ᠃ ᠡᠨᠡ ᠦᠶᠡᠰ ᠭᠡᠨᠡᠳᠲᠡ ᠬᠠᠷᠠ ᠰᠠᠯᠬᠢ ᠬᠠᠤᠭᠢᠨ ᠢᠷᠡᠵᠦ ᠨᠢᠳᠤᠷᠭᠠᠨ ᠴᠢᠨᠡᠭᠡ ᠴᠢᠯᠠᠭᠤ ᠪᠠᠷ ᠡᠭᠦᠳᠡ ᠴᠣᠩᠬᠣ ᠶ᠋ᠢ ᠨᠢ ᠨᠢᠭᠤᠷ ᠨᠢᠳᠦ ᠦᠭᠡᠢ ᠨᠢᠭᠡ ᠵᠡᠷᠭᠡ ᠪᠠᠯᠪᠠᠴᠢᠭᠠᠳ᠂ ᠬᠡᠦᠬᠡᠨ ᠢ᠋ ᠬᠥᠯ ᠦᠭᠡᠢ ᠨᠠᠭᠤᠷ ᠲᠤ᠌ ᠬᠡᠢᠰᠬᠡᠨ ᠠᠪᠠᠴᠢᠪᠠ᠃
ᠯᠠᠪᠠᠢ ᠬᠡᠦᠬᠡᠨ ᠢ᠋ ᠪᠤᠯᠢᠶᠠᠵᠤ ᠠᠪᠴᠢᠷᠠᠭᠰᠠᠨ ᠬᠣᠢᠨᠠ᠂ ᠮᠠᠩᠭᠤᠰ ᠬᠡᠳᠦᠢᠪᠡᠷ ᠲᠣᠷᠭᠠ ᠳᠤᠷᠳᠤᠩ ᠡᠮᠦᠰᠦᠭᠰᠡᠨ ᠭᠣᠶᠣ ᠠᠭᠡ ᠪᠣᠯᠤᠨ ᠬᠤᠪᠢᠯᠤᠭᠰᠠᠨ ᠪᠣᠯᠪᠠᠴᠤ ᠴᠡᠭᠡᠵᠢᠨ ᠦ᠌ ᠬᠢᠨ ᠰᠢᠷᠬᠠ ᠨᠢ ᠲᠡᠭᠦᠨ ᠢ᠋ ᠠᠢᠬᠤᠪᠲᠤᠷ ᠶᠡᠬᠡ ᠵᠣᠪᠠᠭᠠᠵᠤ ᠪᠠᠢᠪᠠ᠃ ᠭᠡᠪᠡᠴᠦ ᠯᠠᠪᠠᠢ ᠶ᠋ᠢᠨ ᠳᠠᠭᠢᠨᠢ ᠮᠡᠲᠦ ᠴᠡᠪᠡᠷᠬᠡᠨ ᠰᠠᠢᠬᠠᠨ ᠥᠩᠭᠡ ᠵᠢᠰᠦ ᠶ᠋ᠢ ᠦᠵᠡᠭᠡᠳ ᠠᠷᠠᠭᠠᠨ ᠰᠢᠯᠦᠰᠦ ᠪᠡᠨ ᠠᠯᠲᠠ ᠳᠡᠯᠢᠮ ᠭᠣᠭᠣᠵᠢᠭᠤᠯᠤᠨᠠ᠃ ᠲᠡᠷᠡ ᠴᠡᠭᠡᠵᠢ ᠪᠡᠨ ᠪᠠᠷᠢᠵᠤ ᠬᠢ ᠬᠢ ᠬᠠ ᠬᠠ ᠭᠡᠭᠰᠡᠭᠡᠷ ᠯᠠᠪᠠᠢ ᠶ᠋ᠢᠨ ᠬᠠᠵᠠᠭᠤ ᠳ᠋ᠤ᠌ ᠢᠷᠡᠵᠦ ᠡᠯᠳᠡᠪ ᠦ᠋ᠨ ᠦᠭᠡ ᠡᠭᠦᠰᠬᠡᠨ ᠵᠢᠭᠤᠷᠠᠵᠤ᠂ ᠯᠠᠪᠠᠢ ᠶ᠋ᠢ ᠡᠬᠡᠨᠡᠷ ᠢ᠋ᠶ᠋ᠡᠨ ᠪᠣᠯᠭᠠᠬᠤ ᠭᠡᠵᠦ ᠣᠷᠣᠯᠳᠣᠨᠠ᠃ ᠯᠠᠪᠠᠢ ᠲᠡᠭᠦᠨ ᠢ᠋ ᠦᠵᠡᠩᠭᠦᠲᠡ ᠬᠢᠯᠢᠩ ᠦ᠋ᠨ ᠭᠠᠯ ᠪᠠᠳᠠᠷᠠᠵᠤ᠄《 ᠴᠢ ᠮᠢᠨᠦ ᠪᠡᠶᠡ ᠶ᠋ᠢ ᠪᠤᠯᠢᠶᠠᠵᠤ ᠠᠪᠴᠢᠷᠠᠭᠰᠠᠨ ᠴᠤ᠌ ᠰᠡᠳᠬᠢᠯ ᠢ᠋ ᠮᠢᠨᠢ ᠪᠤᠯᠢᠶᠠᠨ ᠠᠪᠴᠢᠷᠠᠵᠤ ᠲᠡᠢᠯᠡᠬᠦ ᠦᠭᠡᠢ!》 ᠭᠡᠳ ᠳᠠᠬᠢᠨ ᠳᠤᠤᠭᠠᠷᠠᠬᠤ ᠦᠭᠡᠢ ᠪᠣᠯᠵᠤ᠂ ᠦᠬᠦᠭᠰᠡᠨ ᠡᠷᠡ ᠨᠥᠬᠥᠷ ᠪᠠ ᠠᠷᠤ ᠳ᠋ᠠᠭᠠᠨ ᠦᠯᠡᠳᠡᠭᠰᠡᠨ ᠠᠪᠤ ᠡᠵᠢ ᠪᠡᠨ ᠰᠠᠨᠠᠵᠤ ᠮᠥᠷᠥᠭᠡᠳᠦᠨᠡ᠃ ᠨᠢᠭᠡ ᠯᠡ ᠰᠥᠨᠢ ᠶ᠋ᠢᠨ ᠲᠤᠷᠰᠢ ᠴᠢᠷᠠᠢ ᠨᠢ ᠲᠤᠷᠠᠵᠤ ᠨᠢᠳᠦ ᠨᠢ ᠬᠣᠩᠬᠣᠶ᠋ᠢᠴᠢᠬᠠᠪᠠ᠃ ᠮᠠᠩᠭᠤᠰ ᠠᠷᠭᠠ ᠪᠠᠨ ᠪᠠᠷᠠᠬᠤ ᠳ᠋ᠠᠭᠠᠨ ᠱ᠌ᠢᠷᠦ ᠮᠠᠨᠤ ᠡᠷᠳᠡᠨᠢ ᠬᠠᠰ ᠵᠡᠷᠭᠡ ᠪᠡᠨ ᠭᠠᠷᠭᠠᠵᠤ ᠯᠠᠪᠠᠢ ᠶ᠋ᠢ ᠠᠮᠠ ᠨᠡᠭᠡᠭᠡᠯᠭᠡᠬᠦ ᠭᠡᠰᠡᠨ ᠪᠣᠯᠪᠠᠴᠤ ᠯᠠᠪᠠᠢ ᠮᠥᠨ ᠯᠡ ᠳᠡᠰ ᠳᠤᠤᠭᠠᠷᠠᠬᠤ ᠦᠭᠡᠢ᠃
ᠮᠠᠩᠭᠤᠰ ᠳᠠᠬᠢᠨ ᠨᠢᠭᠡ ᠬᠤᠯᠤ ᠭᠠᠷᠭᠠᠵᠤ᠄《 ᠮᠢᠨᠦ ᠡᠨᠡ ᠬᠤᠯᠤ ᠳ᠋ᠤ᠌ ᠡᠨᠡ ᠲᠣᠮᠣ ᠨᠠᠭᠤᠷ ᠢ᠋ ᠪᠠᠭᠲᠠᠭᠠᠵᠤ ᠪᠠᠢᠨᠠ᠂ ᠬᠡᠷᠪᠡ ᠴᠢ ᠨᠠᠳᠠ ᠲᠠᠢ ᠤᠷᠤᠭᠯᠠᠬᠤ ᠶ᠋ᠢ ᠵᠥᠪᠰᠢᠶᠡᠷᠡᠬᠦ ᠯᠡ ᠶᠦ᠍ᠮ ᠪᠣᠯ ᠪᠢ ᠡᠨᠡ ᠬᠤᠯᠤ ᠪᠠᠨ ᠴᠢᠮᠠ ᠳ᠋ᠤ᠌ ᠥᠭᠴᠢᠶᠡ᠃ ᠭᠡᠪᠡᠴᠦ ᠴᠢ ᠶᠠᠭᠠᠬᠢᠭᠰᠠᠨ ᠴᠤ᠌ ᠠᠮᠠᠰᠠᠷ ᠢ᠋ ᠨᠢ ᠠᠪᠴᠤ ᠪᠣᠯᠬᠤ ᠦᠭᠡᠢ》 ᠭᠡᠵᠦ ᠯᠠᠪᠠᠢ ᠳ᠋ᠤ᠌ ᠬᠡᠯᠡᠪᠡ᠃ ᠬᠤᠯᠤ ᠶ᠋ᠢᠨ ᠨᠢᠭᠤᠴᠠ ᠶ᠋ᠢ ᠣᠯᠵᠤ ᠦᠬᠦᠭᠰᠡᠨ ᠨᠥᠬᠥᠷ ᠦ᠋ᠨ ᠢ᠋ᠶ᠋ᠡᠨ ᠥᠰᠢᠶᠡ ᠶ᠋ᠢ ᠠᠪᠬᠤ ᠶ᠋ᠢᠨ ᠲᠥᠯᠥᠭᠡ ᠯᠠᠪᠠᠢ ᠬᠡᠦᠬᠡᠨ ᠭᠡᠨᠡᠳᠲᠡ ᠠᠷᠭᠠ ᠪᠣᠳᠣᠵᠤ ᠣᠯᠤᠭᠠᠳ᠂ ᠠᠯᠪᠠ ᠪᠠᠷ ᠢᠨᠢᠶᠡᠰᠬᠢᠭᠡᠳ᠄《 ᠬᠤᠯᠤ ᠶ᠋ᠢᠨ ᠠᠮᠠᠰᠠᠷ ᠢ᠋ ᠶᠠᠭᠤᠨ ᠳ᠋ᠤ᠌ ᠨᠡᠭᠡᠭᠡᠵᠦ ᠪᠣᠯᠬᠤ ᠦᠭᠡᠢ ᠪᠣᠢ?》 ᠭᠡᠮᠡᠨ ᠠᠰᠠᠭᠤᠪᠠ᠃ ᠯᠠᠪᠠᠢ ᠶ᠋ᠢᠨ ᠢᠨᠢᠶᠡᠬᠦ ᠳᠦᠷᠢ ᠲᠡᠢ ᠪᠣᠯᠤᠭᠰᠠᠨ ᠢ᠋ ᠦᠵᠡᠭᠡᠳ ᠮᠠᠩᠭᠤᠰ ᠤᠴᠢᠷ ᠦᠭᠡᠢ ᠪᠠᠶᠠᠷᠯᠠᠵᠤ᠄《 ᠬᠤᠯᠤ ᠶ᠋ᠢᠨ ᠠᠮᠠᠰᠠᠷ ᠪᠣᠯ ᠨᠠᠭᠤᠷ ᠤ᠋ᠨ ᠵᠡᠭᠦᠨ ᠲᠠᠯᠠ ᠶ᠋ᠢᠨ ᠪᠠᠰᠢᠶᠠᠨ ᠠᠮᠠᠰᠠᠷ ᠮᠥᠨ᠂ ᠡᠨᠡ ᠠᠮᠠᠰᠠᠷ ᠢ᠋ ᠠᠪᠤᠭᠰᠠᠭᠠᠷ ᠪᠦᠬᠦ ᠨᠠᠭᠤᠷ ᠤ᠋ᠨ ᠤᠰᠤ ᠳᠠᠷᠤᠢ ᠪᠠᠰᠢᠶᠠᠨ ᠠᠮᠠᠰᠠᠷ ᠢ᠋ ᠰᠡᠲᠡᠯᠦᠭᠡᠳ ᠲᠤᠤ ᠾᠧ ᠭᠣᠣᠯ ᠳ᠋ᠤ᠌ ᠣᠷᠣᠵᠤ ᠳᠠᠬᠢᠨ ᠬᠠᠲᠤᠨ ᠭᠣᠣᠯ ᠢ᠋ᠶ᠋ᠠᠷ ᠳᠡᠮᠵᠢᠵᠦ ᠵᠡᠭᠦᠨ ᠳᠠᠯᠠᠢ ᠳ᠋ᠤ᠌ ᠣᠷᠣᠬᠤ ᠪᠣᠯᠤᠨᠠ᠃ ᠢᠩᠭᠢᠭᠡᠳ ᠰᠡᠲᠡᠷᠡᠵᠦ ᠭᠠᠷᠤᠭᠰᠠᠨ ᠨᠠᠭᠤᠷ ᠤ᠋ᠨ ᠤᠰᠤ ᠪᠠ ᠤᠷᠪᠠᠵᠤ ᠬᠥᠷᠪᠡᠭᠰᠡᠨ ᠴᠢᠯᠠᠭᠤᠨ ᠳ᠋ᠤ᠌ ᠪᠢᠳᠡ ᠬᠣᠶᠠᠷ ᠶᠠᠭᠤ ᠴᠤ᠌ ᠦᠯᠡᠳᠡᠬᠦ ᠦᠭᠡᠢ ᠪᠣᠯᠤᠨᠠ ᠰᠢᠦ》ᠭᠡᠵᠦ ᠬᠤᠯᠤ ᠶ᠋ᠢᠨ ᠠᠮᠠᠰᠠᠷ ᠤ᠋ᠨ ᠨᠢᠭᠤᠴᠠ ᠶ᠋ᠢ ᠵᠠᠳᠠᠷᠠᠭᠤᠯᠪᠠ᠃
《 ᠤᠤᠬᠠᠢ᠂ ᠡᠢᠮᠦ ᠶᠦ᠍ᠮ ᠦᠦ? ᠲᠡᠢᠮᠦ ᠪᠣᠯ ᠬᠤᠯᠤ ᠪᠠᠨ ᠨᠠᠳᠠ ᠥᠭ᠂ ᠪᠢ ᠦᠵᠡᠵᠦ ᠰᠣᠨᠢᠷᠬᠠᠶᠠ》 ᠭᠡᠵᠦ ᠯᠠᠪᠠᠢ ᠢᠨᠢᠶᠡᠨ ᠬᠡᠯᠡᠨᠡ᠃ ᠮᠠᠩᠭᠤᠰ᠂ ᠯᠠᠪᠠᠢ ᠶ᠋ᠢᠨ ᠡᠢᠮᠦ ᠰᠠᠢᠬᠠᠨ ᠢᠨᠢᠶᠡᠬᠦ ᠶ᠋ᠢ ᠦᠵᠡᠭᠡᠳ ᠬᠦᠰᠡᠵᠦ ᠰᠠᠨᠠᠭᠰᠠᠨ ᠬᠡᠷᠡᠭ ᠨᠢ ᠬᠦᠴᠦ ᠣᠷᠣᠭᠰᠠᠨ ᠦᠭᠡᠢ ᠪᠡᠷ ᠰᠠᠢᠬᠠᠨ ᠣᠷᠣᠭᠰᠠᠨ ᠦᠭᠡᠢ ᠪᠡᠷ ᠪᠦᠲᠦᠪᠡ ᠭᠡᠵᠦ ᠪᠣᠳᠣᠭᠠᠳ ᠶᠠᠭᠠᠷᠠᠵᠤ ᠬᠤᠯᠤ ᠪᠠᠨ ᠭᠠᠷᠭᠠᠵᠤ ᠯᠠᠪᠠᠢ ᠳ᠋ᠤ᠌ ᠥᠭᠪᠡ᠃ ᠯᠠᠪᠠᠢ ᠬᠤᠯᠤ ᠶ᠋ᠢ ᠲᠣᠰᠴᠤ ᠠᠪᠬᠤ ᠲᠠᠢ ᠵᠡᠷᠭᠡ ᠰᠢᠳᠦ ᠪᠡᠷ ᠢ᠋ᠶ᠋ᠡᠨ ᠬᠦᠴᠦ ᠮᠡᠳᠡᠨ ᠵᠠᠭᠤᠵᠤ ᠠᠮᠠᠰᠠᠷ ᠢ᠋ ᠨᠢ ᠨᠡᠭᠡᠭᠡᠪᠡ᠃ ᠮᠠᠩᠭᠤᠰ ᠦᠵᠡᠭᠡᠳ ᠨᠢᠳᠦ ᠨᠢ ᠣᠷᠣᠢ ᠪᠠᠷ ᠢ᠋ᠶ᠋ᠠᠨ ᠭᠠᠷᠲᠠᠯᠠ ᠠᠶᠤᠵᠤ ᠶᠠᠭᠠᠷᠠᠨ ᠪᠤᠯᠢᠶᠠᠨ ᠠᠪᠬᠤ ᠭᠡᠰᠡᠨ ᠪᠣᠯᠪᠠᠴᠤ ᠠᠮᠵᠢᠬᠤ ᠦᠭᠡᠢ ᠪᠣᠯᠪᠠ᠃ ᠬᠦᠷᠭᠡᠮᠡᠭᠴᠡ ᠠᠮᠠᠰᠠᠷ ᠠ᠋ᠴᠠ ᠨᠢ ᠬᠠᠷᠠ ᠠᠭᠤᠷ ᠪᠠᠭᠠᠭᠢᠵᠤ ᠭᠠᠷᠤᠨ ᠭᠱᠠᠨ ᠵᠠᠭᠤᠷᠠ ᠤᠰᠤᠨ ᠣᠷᠳᠣᠨ ᠨᠠᠰᠢ ᠴᠠᠰᠢ ᠬᠡᠯᠪᠡᠯᠵᠡᠨ᠂ ᠪᠦᠬᠦ ᠨᠠᠭᠤᠷ ᠤ᠋ᠨ ᠤᠰᠤ ᠬᠦᠷᠴᠢᠭᠢᠨᠡᠭᠰᠡᠭᠡᠷ ᠵᠡᠭᠦᠨᠰᠢ ᠦᠶᠡᠷᠯᠡᠵᠦ᠂ ᠮᠠᠩᠭᠤᠰ ᠪᠠᠰᠠ ᠤᠰᠤᠨ ᠳ᠋ᠤ᠌ ᠠᠮᠢ ᠪᠠᠨ ᠠᠯᠳᠠᠭᠠᠳ ᠳᠠᠬᠢᠵᠤ ᠬᠥᠮᠦᠨ ᠢ᠋ ᠬᠣᠣᠷᠯᠠᠵᠤ ᠴᠢᠳᠠᠬᠤ ᠦᠭᠡᠢ ᠪᠣᠯᠪᠠ᠃ ᠰᠠᠢᠨ ᠰᠠᠨᠠᠭᠠ ᠲᠠᠢ ᠯᠠᠪᠠᠢ ᠬᠡᠦᠬᠡᠨ ᠡᠭᠦᠨ ᠡᠴᠡ ᠬᠣᠢᠰᠢ ᠪᠠᠰᠠ ᠰᠤᠷᠠᠭ ᠴᠢᠮᠡᠭᠡ ᠦᠭᠡᠢ ᠪᠣᠯᠤᠭᠰᠠᠨ ᠪᠢᠯᠡ᠃
ᠨᠠᠭᠤᠷ ᠤ᠋ᠨ ᠤᠰᠤ ᠠᠷᠢᠯᠤᠭᠰᠠᠨ ᠬᠣᠢᠨᠠ ᠡᠨᠡ ᠬᠣᠶᠠᠷ ᠭᠠᠵᠠᠷ ᠲᠡᠭᠰᠢ ᠲᠠᠯᠠ ᠪᠣᠯᠪᠠ᠃ ᠠᠵᠢᠯᠴᠢ ᠬᠥᠳᠡᠯᠮᠦᠷᠢᠴᠢ ᠲᠠᠷᠢᠶᠠᠴᠢᠳ ᠡᠨᠳᠡ ᠠᠵᠤ ᠲᠥᠷᠥᠬᠦ ᠪᠣᠯᠤᠭᠰᠠᠨ ᠪᠥᠭᠡᠳ ᠴᠡᠴᠡᠨ ᠯᠠᠪᠠᠢ ᠶ᠋ᠢᠨ ᠨᠡᠷᠡ ᠪᠡᠷ ᠡᠨᠡ ᠭᠠᠵᠠᠷ ᠢ᠋ᠶ᠋ᠠᠨ ᠨᠡᠷᠡᠢᠳᠪᠡ᠃ ᠲᠡᠷᠡ ᠦᠶᠡ ᠳ᠋ᠦ᠍᠂ ᠡᠨᠳᠡ ᠦᠵᠡᠮᠵᠢᠲᠦ ᠰᠠᠢᠬᠠᠨ ᠠᠭᠤᠯᠠ ᠤᠰᠤ ᠲᠠᠢ ᠮᠥᠷᠲᠡᠭᠡᠨ ᠲᠠᠷᠢᠶᠠ ᠲᠥᠮᠥᠰᠥ ᠶ᠋ᠢᠨ ᠤᠷᠭᠤᠴᠠ ᠰᠠᠢᠲᠠᠢ ᠪᠠᠢᠪᠠ᠃
ᠦᠰᠦᠭ ᠠᠮᠢᠯᠠᠭᠤᠯᠤᠭᠴᠢ ᠄ ᠲᠣᠭᠲᠠᠭᠤᠨ᠂ ᠮᠢᠬᠤᠸᠠᠷ᠂ ᠣᠳᠬᠠᠨᠴᠡᠴᠡᠭ ᠂ ᠪᠥᠷᠢᠠᠴᠠᠴᠡᠭ᠂ ᠣᠶᠤᠨᠴᠢᠮᠡᠭ᠂ ᠨᠠᠷᠠᠨᠲᠣᠭᠣᠰ᠂ ᠠ᠊· ᠴᠠᠭᠠᠨ
ᠬᠢᠨᠠᠭᠴᠢ ᠪᠠᠭᠰᠢ᠄ ᠣᠳᠬᠠᠨᠰᠣᠠ᠂ ᠲᠣᠳᠣᠭᠡᠷᠡᠯ᠂ ᠣᠳᠬᠠᠨᠴᠡᠴᠡᠭ᠂ ᠲᠣᠭᠲᠠᠭᠤᠨ᠂ ᠮᠢᠬᠤᠸᠠᠷ