ᠡᠷᠡᠮᠰᠢᠯ – ᠱ᠂ ᠭᠦᠷᠦᠪᠠᠽᠠᠷ Эрэмшил - Ш᠂ Гүрбазар
391ᠡᠷᠡᠮᠰᠢᠯ
ᠰᠡᠳᠬᠢᠯ ᠡᠮᠵᠡᠭᠯᠡᠨ ᠭᠤᠨᠢᠵᠤ ᠶᠠᠪᠤᠬᠤ ᠦᠶᠡ ᠳ᠋ᠡᠭᠡᠨ ᠬᠥᠮᠦᠨ
ᠰᠡᠷᠭᠦᠯᠡᠩ ᠵᠣᠯᠪᠣᠭᠠ ᠲᠠᠢ ᠪᠠᠢ ᠭᠡᠵᠦ
ᠥᠪᠡᠷ ᠲᠡᠭᠡᠨ ᠬᠡᠯᠡᠵᠦ ᠴᠢᠳᠠᠳᠠᠭ ᠦᠭᠡᠢ ᠶᠦᠮ ᠪᠢᠯᠡ
ᠡᠢᠮᠦ ᠴᠠᠭ ᠲᠤ ᠰᠠᠢᠨ ᠬᠥᠮᠦᠰ ᠣᠯᠠᠨ ᠯᠠ ᠳᠠ
ᠢᠨᠢᠶᠡᠬᠦ ᠪᠡᠨ ᠮᠠᠷᠲᠠᠭᠰᠠᠨ ᠶᠤᠮ ᠰᠢᠭ᠋ ᠴᠢᠷᠠᠢ ᠳ᠋ᠠᠭᠠᠨ
ᠬᠠᠢᠷᠠ ᠡᠪᠦᠷᠯᠡᠭᠰᠡᠨ ᠬᠥᠮᠦᠰ ᠵᠥᠩᠳᠡᠭᠡᠨ ᠯᠡ ᠳᠡ
ᠪᠤᠷᠤᠭᠤ ᠦᠭᠡᠢ ᠦᠭᠡᠨ ᠳ᠋ᠦ᠍ᠨᠢ
ᠪᠣᠳᠣᠯ ᠵᠥᠭᠡᠯᠡᠷᠡᠨ ᠤᠶᠠᠷᠠᠵᠤ ᠰᠠᠭᠤᠯᠠ ᠴᠦ᠍
ᠪᠤᠰᠤᠳ ᠤ᠋ᠨ ᠦᠭᠡ ᠪᠡᠷ ᠳᠤᠷᠠᠯᠠᠵᠤ
ᠪᠣᠯᠳᠠᠭ ᠦᠭᠡᠢ ᠰᠢᠭ᠂ ᠬᠡᠴᠡᠭᠦᠦ ᠯᠡ ᠶᠦᠮ ᠪᠢᠯᠡ
ᠰᠢᠯᠲᠠᠭᠠᠨ ᠦᠭᠡᠢ ᠬᠡᠨ ᠨᠢᠭᠡ ᠨᠢ ᠨᠠᠮᠠᠶ᠋ᠢ ᠦᠷᠦ ᠡᠪᠡᠳᠪᠡᠯ
ᠰᠢᠨᠠᠯᠤᠯ ᠮᠢᠨᠢ ᠵᠣᠪᠠᠯᠠᠩ ᠪᠣᠯᠵᠤ ᠬᠥᠨᠳᠡᠭᠦᠷᠯᠡᠨᠡ
ᠦᠷᠦ ᠡᠪᠡᠳᠬᠦᠯᠬᠦ ᠴᠢᠨᠢ ᠠᠷᠭᠠᠳᠠᠭᠤᠯᠬᠤ ᠠ᠋ᠴᠠ ᠴᠦ᠍ ᠬᠡᠴᠡᠭᠦᠦ
ᠥᠪᠡᠷ ᠲᠡᠭᠡᠨ ᠭᠣᠮᠣᠳᠠᠬᠤ ᠮᠢᠨᠢ ᠤᠯᠠᠮ ᠶᠡᠬᠡᠰᠳᠡᠭ ᠶᠦᠮ
ᠵᠢᠷᠦᠬᠡ ᠬᠦᠨᠳᠦᠷᠡᠲᠡᠯᠡ ᠭᠣᠮᠣᠳᠠᠭᠠᠭᠰᠠᠨ ᠬᠡᠨ ᠨᠢᠭᠡ ᠨᠢ ᠬᠠᠷᠢᠨ
ᠵᠥᠷᠢᠭᠡᠳ ᠥᠩᠭᠡᠷᠡᠬᠦ ᠠᠭᠱᠠᠨ ᠢ᠋ᠶ᠋ᠠᠨ ᠴᠦ᠍ ᠪᠣᠯᠪᠠ ᠤᠶᠠᠷᠠᠵᠤ ᠬᠠᠷᠠᠪᠠᠯ
ᠡᠵᠢ ᠪᠡᠨ ᠠᠶᠤᠯᠭᠠᠭᠰᠠᠨ ᠬᠡᠦᠬᠡᠳ ᠰᠢᠭ
ᠳᠣᠲᠣᠷᠠ ᠪᠠᠨ ᠵᠢᠭᠠᠬᠠᠨ ᠤᠬᠢᠯᠠᠴᠢᠬᠠᠭᠠᠳ
ᠡᠷᠭᠢᠭᠡᠳ ᠴᠠᠭᠠᠰᠢ ᠠᠯᠬᠤᠬᠤ ᠳ᠋ᠠᠭᠠᠨ
ᠥᠪᠡᠷ ᠢ᠋ ᠪᠡᠨ ᠬᠠᠷᠢᠨ ᠱᠣᠣᠯᠠᠳᠠᠭ ᠯᠠ ᠶᠤᠮ ᠳᠠ᠃
ᠦᠰᠦᠭ ᠠᠮᠢᠯᠠᠭᠤᠯᠤᠭᠴᠢ᠄ ᠡᠩᠬᠡᠪᠠᠲᠤ
ᠦᠰᠦᠭ ᠬᠢᠨᠠᠭᠴᠢ᠄ ᠪᠠᠶᠠᠷᠴᠡᠴᠡᠭ