ᠠᠪᠤ ᠨᠢ ᠬᠦᠦ ᠪᠡᠨ ᠳᠠᠭᠠᠭᠤᠯᠵᠤ ᠠᠮᠢᠲᠠᠨ ᠤ᠋ ᠬᠦᠷᠢᠶᠡᠯᠡᠩ ᠳ᠋ᠦ᠍ ᠣᠴᠢᠵᠠᠢ᠃ ᠲᠡᠭᠡᠭᠡᠳ ᠠᠪᠤ ᠨᠢ ᠬᠦᠦ ᠳ᠋ᠡᠭᠡᠨ᠄《ᠴᠢ ᠰᠠᠮᠵᠠ ᠲᠣᠭᠯᠠᠬᠤ ᠶ᠋ᠢ ᠦᠵᠡᠶᠡ ᠭᠡᠵᠦ ᠪᠣᠳᠣᠵᠤ ᠪᠠᠢᠨᠠ ᠤᠤ?》 ᠭᠡᠵᠦ ᠠᠰᠠᠭᠤᠬᠤ ᠳ᠋ᠤ᠌ ᠬᠦᠦ ᠨᠢ᠄《ᠦᠵᠡᠶᠡ ᠭᠡᠵᠦ ᠪᠣᠳᠣᠵᠤ ᠪᠠᠢᠨᠠ》 ᠭᠡᠵᠦ ᠬᠠᠷᠢᠭᠤᠯᠵᠠᠢ᠃ ᠲᠡᠭᠡᠬᠦ ᠳ᠋ᠦ᠍ ᠠᠪᠤ ᠨᠢ ᠢᠳᠡᠬᠦ ᠶᠠᠭᠤᠮᠠ ᠠ᠋ᠴᠠ ᠪᠠᠨ ᠨᠢᠭᠡ ᠬᠡᠰᠡᠭ ᠠᠪᠴᠤ ᠰᠠᠮᠵᠠ ᠶ᠋ᠢᠨ ᠥᠭᠡᠳᠡ ᠳᠡᠭᠡᠭᠰᠢ ᠰᠢᠳᠡᠵᠦ ᠥᠭᠴᠡᠢ᠃ ᠬᠥᠭᠰᠢᠨ ᠰᠠᠮᠵᠠ ᠦᠰᠦᠷᠦᠨ ᠲᠣᠰᠴᠤ ᠠᠪᠤᠭᠠᠳ ᠢᠳᠡᠵᠦ ᠭᠡᠨᠡ᠃ ᠬᠦᠦ ᠨᠢ ᠠᠪᠤ ᠠ᠋ᠴᠠ ᠪᠠᠨ᠄《ᠶᠠᠭᠤᠨ ᠳ᠋ᠤ᠌ ᠵᠠᠪᠠᠯ ᠢᠳᠡᠬᠦ ᠶᠠᠭᠤᠮᠠ ᠪᠠᠨ ᠳᠡᠭᠡᠭᠰᠢ ᠰᠢᠳᠡᠵᠦ ᠥᠭᠳᠡᠭ ᠪᠣᠢ? ᠰᠢᠭᠤᠳ ᠭᠠᠵᠠᠷ ᠬᠠᠶᠠᠭᠠᠳ ᠥᠭᠴᠦ ᠪᠣᠯᠬᠤ ᠦᠭᠡᠢ ᠤᠤ? ᠭᠠᠵᠠᠷ ᠳᠡᠭᠡᠷᠡ ᠡᠴᠡ ᠲᠡᠭᠦᠵᠦ ᠢᠳᠡᠬᠦ ᠨᠢ ᠦᠨᠡᠨ ᠳ᠋ᠡᠭᠡᠨ ᠶᠠᠮᠠᠷ ᠴᠣ ᠵᠥᠷᠢᠶᠡ ᠦᠭᠡᠢ ᠪᠢᠰᠢᠦ?》 ᠭᠡᠬᠦ ᠪᠡᠷ ᠠᠪᠤ ᠨᠢ᠄《ᠲᠡᠨᠡᠭ ᠬᠦᠦ ᠮᠢᠨᠢ ᠠ᠋᠂ ᠬᠡᠷᠪᠡ ᠰᠢᠭᠤᠳ ᠭᠠᠵᠠᠷ ᠬᠠᠶᠠᠵᠤ ᠥᠭᠪᠡᠯ ᠰᠠᠮᠵᠠ ᠪᠠᠰᠠ ᠳᠡᠭᠡᠭᠰᠢ ᠦᠰᠦᠷᠦᠨᠡ ᠤᠤ? ᠴᠢ ᠰᠠᠮᠵᠠ ᠶ᠋ᠢᠨ ᠦᠰᠦᠷᠬᠦ ᠨᠢ ᠬᠡᠳᠦᠢ ᠱᠣᠭ ᠲᠠᠢ ᠪᠠᠢᠬᠤ ᠶ᠋ᠢ ᠣᠯᠵᠤ ᠦᠵᠡᠪᠡᠦ? ᠡᠨᠡ ᠪᠣᠯ ᠳᠠᠷᠤᠢ(ᠰᠠᠮᠵᠠ ᠲᠣᠭᠯᠠᠬᠤ) ᠶᠤᠮ》 ᠭᠡᠵᠡᠢ᠃ ᠰᠡᠷᠡᠯᠵᠢᠨ ᠳᠣᠲᠣᠷᠠ ᠵᠤᠯᠵᠠᠭᠠ ᠰᠠᠮᠵᠠ ᠡᠵᠢ ᠡᠴᠡ ᠪᠡᠨ᠄《ᠡᠵᠢ ᠠ᠋᠂ ᠲᠠ ᠶᠠᠭᠤᠨ ᠳ᠋ᠤ᠌ ᠲᠡᠢᠮᠦ ᠥᠨᠳᠥᠷ ᠦᠰᠦᠷᠴᠦ ᠢᠳᠡᠬᠦ ᠶᠠᠭᠤᠮᠠ ᠠᠪᠴᠤ ᠪᠠᠢᠬᠤ ᠪᠣᠢ? ᠭᠠᠵᠠᠷ ᠤᠨᠠᠭᠰᠠᠨ ᠤ᠋ ᠳᠠᠷᠠᠭᠠ ᠠᠪᠴᠤ ᠢᠳᠡᠪᠡᠯ ᠠᠳᠠᠯᠢᠬᠠᠨ ᠪᠢᠰᠢᠦ?》 ᠭᠡᠵᠦ ᠠᠰᠠᠭᠤᠬᠤ ᠳ᠋ᠤ᠌ ᠬᠥᠭᠰᠢᠨ ᠰᠠᠮᠵᠠ᠄《ᠲᠡᠨᠡᠭ ᠬᠡᠦᠬᠡᠳ ᠮᠢᠨᠢ ᠠ᠋᠂ ᠬᠡᠷᠪᠡ ᠪᠢ ᠥᠨᠳᠥᠷ ᠦᠰᠦᠷᠴᠦ ᠲᠣᠰᠴᠤ ᠠᠪᠬᠤ ᠦᠭᠡᠢ ᠪᠣᠯ ᠲᠡᠷᠡ ᠳᠠᠬᠢᠵᠤ ᠢᠳᠡᠬᠦ ᠶᠠᠭᠤᠮᠠ ᠰᠢᠲᠠᠨᠠ ᠤᠤ?᠂ ᠡᠭᠦᠨ ᠢ᠋ ᠳᠠᠷᠤᠢ( ᠬᠥᠮᠦᠨ ᠲᠣᠭᠯᠠᠬᠤ) ᠭᠡᠳᠡᠭ ᠶᠦᠮ》 ᠭᠡᠵᠦ ᠬᠠᠷᠢᠭᠤᠯᠵᠠᠢ᠃
ᠦᠰᠦᠭ ᠠᠮᠢᠯᠠᠭᠤᠯᠤᠭᠴᠢ᠄ ᠡᠩᠬᠡᠪᠠᠲᠤ
ᠦᠰᠦᠭ ᠬᠢᠨᠠᠭᠴᠢ᠄ ᠪᠠᠶᠠᠷᠴᠡᠴᠡᠭ
183