ᠲᠣᠨᠢᠯ – ᠪᠠᠪᠤᠤ ᠶ᠋ᠢᠨ ᡀᠬᠠᠪᠠᠰᠥ᠋ᠷᠦᠩ Тонил – Бавуугийн Лхагвасүрэн
193 ᠪᠠᠪᠤᠤ ᠶ᠋ᠢᠨ ᡀᠬᠠᠪᠠᠰᠥ᠋ᠷᠦᠩ
— ᠡᠪᠦᠭᠡ ᠨᠠᠮᠠᠶ᠋ᠢ ᠡᠪᠦᠷᠲᠦᠯᠡᠵᠦ ᠤᠨᠲᠠᠭᠰᠠᠨ ᠦᠭᠡᠢ᠁ ᠭᠡᠵᠦ
ᠥᠪᠡᠷ ᠡᠴᠡ ᠮᠢᠨᠢ ᠥᠨᠳᠥᠷ ᠠᠮᠢ ᠬᠤᠪᠢᠶᠠᠭᠰᠠᠨ
ᠠᠴᠢ ᠬᠦᠦ ᠮᠢᠨᠢ ᠲᠤᠨᠢᠪᠠ᠃
— ᠠ᠋ ᠬᠦᠦ ᠮᠢᠨᠢ!
ᠡᠷᠡ ᠤᠯᠤᠰ ᠤ᠋ᠨ ᠬᠠᠢᠷᠠ
ᠨᠢᠯᠠᠭᠤᠨ ᠪᠠᠢᠳᠠᠭ ᠦᠭᠡᠢ ᠶᠦᠮ᠁
ᠡᠷᠡᠴᠦᠦᠯ ᠭᠡᠳᠡᠭ ᠴᠢᠨᠢ
ᠠᠭᠤᠯᠠ ᠬᠣᠲᠣᠢᠲᠠᠯᠠ ᠪᠢᠲᠡᠭᠦᠦ ᠰᠠᠨᠠᠵᠤ
ᠤᠰᠤ ᠰᠢᠷᠭᠢᠲᠡᠯᠡ
ᠳᠣᠲᠣᠭᠰᠢ ᠪᠠᠨ ᠤᠬᠢᠯᠠᠵᠤ ᠶᠠᠪᠤᠳᠠᠭ ᠶᠤᠮ᠁
ᠡᠪᠦᠭᠡ ᠨᠢ ᠬᠦᠦ ᠳ᠋ᠡᠭᠡᠨ ᠬᠠᠢᠷᠠᠲᠠᠢ ᠪᠠᠢᠯ ᠦᠭᠡᠢ ᠶᠠᠭᠠᠬᠢᠪᠠ!
ᠥᠰᠬᠦ ᠲᠣᠭᠠᠯᠠᠩ ᠳ᠋ᠤ᠌ ᠴᠢᠨᠢ ᠥᠪᠡᠷ ᠢ᠋ ᠪᠡᠨ ᠬᠣᠷᠣᠭᠠᠵᠤ ᠬᠠᠢᠷᠠᠯᠠᠳᠠᠭ᠃
ᠬᠠᠵᠠᠭᠤ ᠳ᠋ᠠᠭᠠᠨ ᠲᠡᠪᠡᠷᠢᠭᠡᠳ ᠤᠨᠲᠠᠬᠤ ᠨᠢ ᠪᠢᠲᠡᠭᠡᠢ ᠬᠡᠯᠡ
ᠬᠠᠪᠢᠷᠭᠠᠨ ᠴᠠᠭᠠᠨᠠ ᠪᠠᠨ ᠲᠡᠭᠡᠭᠡᠵᠦ ᠶᠠᠪᠤᠮᠠᠷ ᠰᠠᠨᠠᠭᠳᠠᠳᠠᠭ᠃
— ᠠ᠋ ᠮᠢᠨᠦ ᠬᠦᠦ!
ᠡᠨᠡ ᠡᠷᠢᠶᠡᠨ ᠬᠣᠷᠸᠠ ᠳ᠋ᠤ᠌ ᠴᠢᠨᠢ
ᠤᠷᠭᠤᠭᠰᠠᠨ ᠮᠣᠳᠣᠨ ᠠ᠋ᠴᠠ ᠪᠠᠨ ᠵᠢᠮᠢᠰ ᠨᠢ ᠭᠣᠶᠣ
ᠤᠨᠠᠭᠰᠠᠨ ᠮᠣᠳᠣᠨ ᠠ᠋ᠴᠠ ᠪᠠᠨ ᠦᠯᠡᠳᠡᠭᠡᠰᠡ ᠨᠢ ᠣᠯᠠᠨ ᠪᠠᠢᠳᠠᠭ ᠶᠤᠮ᠃
ᠮᠢᠨᠦ ᠬᠦᠦ!᠁
ᠦᠰᠦᠭ ᠠᠮᠢᠯᠠᠭᠤᠯᠤᠭᠴᠢ᠄ ᠡᠩᠬᠡᠪᠠᠲᠤ
ᠦᠰᠦᠭ ᠬᠢᠨᠠᠭᠴᠢ᠄ ᠪᠠᠶᠠᠷᠴᠡᠴᠡᠭ