ᠪᠠᠶᠠᠡᠦ᠌ᠨᠳᠦᠷ ᠮᠢᠨᠢ- ᠰᠠᠴᠠᠨᠴᠤᠭᠲᠤБаян-Өндөр минь-Сэцнцогт
975
ᠪᠠᠶᠠᠡᠦ᠌ᠨᠳᠦᠷ ᠮᠢᠨᠢ
ᠰᠠᠴᠠᠨᠴᠤᠭᠲᠤ
ᠨᠠᠷᠠᠨ ᠮᠠᠨᠳᠤᠬᠤ ᠵᠦᠭ ᠲᠡᠭᠡᠨ ᠬᠠᠬᠢᠷ ᠤ᠋ᠨ ᠵᠥᠭᠡᠯᠡᠨ ᠮᠢᠷᠠᠯᠵᠠᠭᠠ ᠲᠠᠢ
ᠰᠠᠷᠠᠨ ᠲᠡᠷᠭᠡᠯᠡᠬᠦ ᠲᠡᠭᠷᠢ ᠳ᠋ᠡᠭᠡᠨ ᠠᠪᠠᠭᠠ ᠶ᠋ᠢᠨ ᠰᠦᠷᠯᠢᠭ ᠪᠠᠷᠠ ᠲᠠᠢ
ᠠᠽᠢᠶᠠ ᠶ᠋ᠢᠨ ᠠᠪᠤᠷᠭᠤ ᠶ᠋ᠢ ᠪᠦᠪᠡᠢᠯᠡᠭᠰᠡᠨ ᠡᠷᠲᠡᠨ ᠦ᠌ ᠬᠣᠲᠠ ᠶ᠋ᠢᠨ ᠪᠠᠭᠤᠷᠢ ᠲᠠᠢ
ᠠᠷᠭᠤᠮᠠᠭ ᠬᠦᠯᠦᠭ ᠢ᠋ ᠰᠢᠯᠭᠠᠭᠰᠠᠨ ᠥᠷᠭᠡᠨ ᠲᠠᠯᠠ ᠲᠠᠢ ᠮᠠᠨᠢᠲᠦ ᠮᠢᠨᠢ ᠠ᠋
ᠰᠦᠮᠡᠢᠬᠦ ᠠᠯᠤᠰ ᠤ᠋ᠨ ᠪᠠᠷᠠ ᠳ᠋ᠤ᠌ ᠬᠡᠰᠢᠭᠨᠡᠮᠡᠭᠴᠢ ᠨᠢ ᠵᠡᠷᠭᠡᠯᠭᠡᠨᠲᠦᠭ᠌ᠰᠡᠨ
ᠰᠦᠮᠡ ᠶ᠋ᠢᠨ ᠠᠭᠤᠳᠠᠮ ᠲᠠᠯᠠ ᠨᠢ ᠰᠦᠷᠦᠭ ᠦ᠋ᠨ ᠨᠡᠭᠦᠳᠡᠯ ᠢ᠋ᠶ᠋ᠡᠷ ᠪᠢᠯᠬᠠᠭᠰᠠᠨ
ᠨᠠᠭᠠᠳᠤᠮ ᠤ᠋ᠨ ᠤᠷᠢᠶᠠ ᠳᠠᠭᠤᠷᠢᠰᠤᠭᠰᠠᠨ ᠪᠥᠬᠡ ᠶ᠋ᠢᠨ ᠲᠣᠷᠭᠠᠨ ᠥᠯᠥᠭᠡᠢ ᠲᠡᠢ
ᠨᠠᠪᠴᠢᠰ ᠤ᠋ᠨ ᠥᠩᠭᠡ ᠪᠡᠷ ᠠᠯᠠᠭᠯᠠᠭᠰᠠᠨ ᠨᠠᠯᠠᠭᠠᠷ ᠳᠡᠨᠵᠢ ᠲᠡᠢ ᠳᠠᠷᠬᠠᠨ ᠮᠢᠨᠢ ᠠ᠋
ᠪᠤᠯᠠᠭ ᠤ᠋ᠨ ᠤᠷᠤᠰᠬᠠᠯ ᠭᠤᠷᠴᠢᠭᠢᠨᠠᠭᠰᠠᠨ ᠢᠷᠵᠠᠭᠠᠢ ᠶ᠋ᠢᠨ ᠢᠭᠴᠤ ᠪᠤᠷᠭᠠᠰᠤ ᠲᠠᠢ
ᠪᠤᠶᠠᠨᠲᠤ ᠬᠡᠰᠢᠭ ᠦ᠋ᠳ ᠪᠥᠮᠪᠥᠯᠵᠡᠭᠰᠡᠨ ᠬᠠᠮᠠᠷ ᠤ᠋ᠨ ᠠᠭᠤᠵᠢᠮ ᠬᠥᠨᠳᠡᠢ ᠲᠡᠢ
ᠪᠠᠭᠤᠳᠠᠯ ᠨᠡᠭᠦᠳᠡᠯ ᠦ᠋ᠨ ᠠᠶᠠᠯᠠᠯ ᠢ᠋ᠶ᠋ᠠᠷ ᠵᠤᠰᠠᠯᠠᠩ ᠡᠪᠦᠯᠵᠢᠶᠡ ᠬᠣᠯᠪᠣᠭᠰᠠᠨ
ᠪᠠᠬᠠᠷᠤᠯᠲᠣ ᠪᠠᠶᠠᠬᠤᠨᠳᠤᠷ ᠤ᠋ᠨ ᠢ᠋ᠶ᠋ᠠᠨ ᠳᠠᠭᠤᠯᠠᠯ ᠰᠢᠷᠤᠩᠬᠠᠢᠯᠠᠬᠰᠠᠨ ᠰᠢᠷᠠᠪᠣᠲᠠ ᠠ᠋
ᠪᠤᠭᠤᠷᠤᠯ ᠮᠠᠨᠠᠨ ᠬᠦᠳᠡᠩᠲᠦᠭᠰᠡᠨ ᠬᠠᠷᠠᠳᠤᠭᠴᠢᠨ ᠤ᠋ ᠲᠠᠬᠢᠯᠭᠠ ᠲᠠᠢ
ᠪᠠᠷᠠ ᠠᠯᠤᠰ ᠠ᠋ᠴᠠ ᠲᠦᠩᠬᠦᠢᠯᠴᠡᠭᠰᠡᠨ ᠭᠥᠯᠢᠭᠡᠷ ᠬᠠᠨ ᠤ᠋ ᠣᠷᠭᠢᠯ ᠲᠠᠢ
ᠤᠰᠤᠨ ᠤ᠋ ᠲᠤᠩᠭᠠᠯᠠᠭ ᠮᠢᠷᠠᠯᠵᠠᠭᠰᠠᠨ ᠬᠠᠬᠢᠷ ᠤ᠋ᠨ ᠳᠡᠭᠡᠳᠦ ᠡᠬᠢ ᠲᠡᠢ
ᠤᠤᠭᠠᠯ ᠰᠠᠭᠤᠭᠠᠯᠢ ᠨᠤᠲᠤᠭ ᠲᠠᠢ ᠠᠷᠢᠭᠤᠨ ᠲᠠᠭᠰᠢᠨ ᠪᠠᠶᠠᠪᠤᠯᠠᠭ ᠠ᠋
ᠳᠡᠪᠡᠯ ᠦ᠋ᠨ ᠨᠣᠭᠣᠭᠠᠨ ᠲᠡᠷᠯᠢᠭ ᠰᠢᠭ ᠮᠣᠢᠯ ᠂ ᠬᠤᠰᠤᠨ ᠣᠢ ᠨᠤᠭᠤᠳ
ᠳᠡᠯᠭᠡᠷ ᠵᠤᠨ ᠳ᠋ᠠᠭᠠᠨ ᠪᠣᠯᠵᠣᠭᠠᠨ ᠲᠠᠢ ᠬᠥᠨᠳᠡᠯᠡᠨ ᠂ ᠠᠢᠷᠠᠭᠠᠨᠲᠦ ᠶ᠋ᠢᠨ ᠵᠤᠰᠠᠯᠠᠩ
ᠳᠡᠭᠡᠳᠦ ᠡᠴᠡ ᠡᠷᠭᠦᠯᠲᠡ ᠲᠠᠬᠢᠯᠭᠠ ᠲᠠᠢ ᠬᠣᠰᠣᠲᠠᠢ ᠴᠠᠭᠠᠨᠥᠨᠳᠥᠷ ᠬᠠᠨ ᠨᠤᠭᠤᠳ
ᠳᠡᠯᠡᠬᠡᠢ ᠶ᠋ᠢᠨ ᠥᠪ ᠢ᠋ᠶ᠋ᠡᠷ ᠲᠡᠮᠳᠡᠭᠯᠡᠭᠳᠡᠭᠰᠡᠨ ᠨᠡᠭᠦᠳᠡᠯ ᠰᠣᠶᠣᠯ ᠲᠠᠢ ᠲᠠᠯᠢᠨᠬᠤᠸᠠ
ᠬᠥᠨᠳᠡᠢ ᠬᠥᠨᠳᠡᠢ ᠡᠴᠡ ᠪᠡᠨ ᠪᠤᠯᠠᠭ ᠲᠠᠢ ᠬᠥᠬᠡ ᠤᠰᠤᠨ ᠤ᠋ ᠳᠡᠨᠵᠢ ᠲᠡᠢ
ᠬᠥᠭᠡᠰᠦᠷᠡᠬᠦ ᠠᠢᠷᠠᠭ ᠤ᠋ᠨ ᠱᠤᠤᠭᠢᠶᠠᠨ ᠰᠢᠭ᠋ ᠰᠦᠵᠢ ᠶ᠋ᠢᠨ ᠥᠷᠭᠡᠨ ᠤᠷᠤᠰᠬᠠᠯ ᠲᠠᠢ
ᠬᠥᠮᠦᠨ ᠠᠷᠠᠳ ᠢ᠋ᠶ᠋ᠠᠨ ᠪᠠᠶᠠᠰᠬᠠᠭᠰᠠᠨ ᠦᠨᠡᠭᠡᠲᠦ ᠶ᠋ᠢᠨ ᠰᠠᠢᠬᠠᠨ ᠵᠤᠭᠠᠴᠠᠯ ᠲᠠᠢ
ᠬᠥᠭᠵᠢᠯ ᠵᠢᠷᠭᠠᠯ ᠢ᠋ᠶ᠋ᠠᠨ ᠬᠤᠷᠤᠢᠯᠠᠭᠰᠠᠨ ᠰᠢᠨᠡ ᠪᠠᠶᠠᠨᠴᠠᠭᠠᠨ ᠠᠢᠯ ᠮᠢᠨᠢ ᠠ᠋
ᠰᠤᠮᠤᠨ ᠬᠤᠷᠳᠤᠴᠠᠲᠤ ᠵᠠᠰᠠᠮᠠᠯ ᠡᠭᠦᠳᠡᠨ ᠡᠴᠡ ᠨᠢ ᠰᠤᠨᠤᠯᠵᠠᠭᠠᠳ
ᠰᠠᠢᠨ ᠡᠭᠦᠯᠳᠡᠷ ᠦ᠋ᠨ ᠦᠬᠡᠷ ᠥᠷᠭᠡᠨ ᠬᠠᠰᠢᠶᠠ ᠶ᠋ᠢ ᠨᠢ ᠳᠦᠭᠦᠷᠭᠡᠭᠰᠡᠨ
ᠪᠠᠶᠠᠨ ᠰᠦᠷᠦᠭ ᠦ᠋ᠨ ᠵᠤᠰᠠᠯᠠᠩ ᠨᠢ ᠭᠤᠷᠪᠠᠨ ᠳᠠᠪᠠᠭᠠ ᠶ᠋ᠢ ᠥᠭᠰᠥᠵᠦ
ᠪᠠᠶᠠᠵᠢᠯ ᠪᠠᠬᠠᠳᠤᠯ ᠤ᠋ᠨ ᠬᠠᠷᠭᠤᠢ ᠲᠠᠢ ᠰᠢᠪᠠᠷᠲᠠᠢ ᠥᠨᠢᠷ ᠭᠠᠴᠠᠭᠠ ᠮᠢᠨᠢ ᠠ᠋
ᠮᠢᠷᠠᠯᠵᠠᠬᠤ ᠭᠣᠣᠯ ᠤ᠋ᠨ ᠳᠡᠨᠵᠢ ᠨᠢ ᠬᠥᠭᠵᠢᠮ ᠦ᠋ᠨ ᠠᠶᠠᠰ ᠲᠠᠢ ᠢᠷᠠᠭᠤᠬᠠᠨ
ᠮᠠᠩᠬᠠᠨ ᠨᠤᠲᠤᠭ ᠤ᠋ᠨ ᠬᠠᠢᠯᠠᠰᠤ ᠨᠢ ᠨᠤᠲᠤᠭ ᠤ᠋ᠨ ᠡᠵᠡᠳ ᠢ᠋ᠶ᠋ᠡᠨ ᠰᠢᠭ ᠰᠦᠷᠯᠢᠭᠬᠡᠨ
ᠮᠠᠩᠯᠠᠢ ᠢᠳᠡᠲᠡᠨ ᠢ᠋ ᠪᠦᠪᠡᠢᠯᠡᠳᠡᠭ ᠬᠠᠳᠠᠨ ᠲᠡᠭᠡᠭ ᠦ᠋ᠨ ᠥᠯᠥᠭᠡᠢ ᠲᠡᠢ
ᠮᠢᠩᠭᠠᠨᠴᠣᠭᠲᠤ ᠠᠬᠠ ᠶ᠋ᠢᠨ ᠨᠠᠭᠠᠳᠴᠤ ᠥᠰᠦᠭᠰᠡᠨ ᠬᠠᠢᠯᠠᠰᠤᠲᠠᠢ ᠬᠠᠳᠠᠨ᠋ᠠᠷᠤ ᠮᠢᠨᠢ ᠠ᠋
ᠠᠯᠲᠠᠨ ᠤᠯᠤᠰ ᠤ᠋ᠨ ᠤᠨᠠᠭᠤᠯᠢ ᠨᠢ ᠲᠡᠦᠬᠡ ᠶ᠋ᠢ ᠬᠦᠦᠷᠨᠢᠨ ᠲᠤᠭᠤᠯᠵᠤ
ᠠᠯᠲᠠᠨᠬᠤᠸᠠ ᠶ᠋ᠢᠨ ᠲᠤᠯᠤᠭᠠᠳ ᠪᠠᠶᠠᠵᠢᠯ ᠬᠤᠷᠤᠢᠯᠠᠨ ᠳᠠᠯᠠᠯᠤᠭᠰᠠᠨ
ᠬᠠᠬᠢᠷ ᠰᠦᠵᠢ ᠶ᠋ᠢᠨ ᠤᠷᠤᠰᠬᠠᠯ ᠣᠯᠣᠮ ᠨᠡᠢᠯᠡᠭᠦᠯᠦᠨ ᠬᠣᠰᠢᠭᠤᠷᠬᠠᠭᠠᠳ
ᠬᠠᠷᠠᠬᠣᠰᠢᠭᠤ ᠶ᠋ᠢᠨ ᠠᠷᠤ ᠂ ᠳᠣᠮᠣᠭ ᠤ᠋ᠨ ᠰᠠᠢᠬᠠᠨ ᠬᠡᠷᠡᠮ ᠮᠢᠨᠢ ᠠ᠋
ᠠᠪᠤ ᠶ᠋ᠢᠨ ᠳᠤᠯᠠᠭᠠᠬᠠᠨ ᠡᠩᠭᠡᠷ ᠰᠢᠭ ᠮᠠᠩᠬᠠᠲᠤ ᠶ᠋ᠢᠨ ᠵᠥᠭᠡᠯᠡᠨ ᠨᠥᠮᠥᠷᠢ ᠲᠡᠢ
ᠠᠯᠤᠰ ᠤ᠋ᠨ ᠵᠡᠷᠭᠡᠯᠭᠡᠨ ᠳ᠋ᠦ᠍ ᠴᠠᠢᠯᠵᠠᠬᠤ ᠤᠷᠤᠰᠬᠠᠯ ᠴᠠᠭᠠᠬᠠᠭᠲᠠ ᠶ᠋ᠢᠨ ᠮᠢᠷᠠᠯᠵᠠᠭᠠᠨ ᠲᠠᠢ
ᠠᠯᠲᠠ ᠂ ᠣᠭᠣᠷᠴᠣᠭ ᠢ᠋ᠶ᠋ᠠᠨ ᠲᠦᠰᠢᠭᠰᠡᠨ ᠰᠢᠪᠠᠭᠲᠤ ᠶ᠋ᠢᠨ ᠪᠠᠶᠠᠨ ᠠᠢᠯ ᠲᠠᠢ
ᠠᠳᠤᠭᠤ ᠤᠷᠭᠠᠯᠠᠵᠤ ᠳᠠᠪᠬᠢᠭᠤᠯᠳᠠᠭ ᠬᠥᠪ ᠦ᠋ᠨ ᠰᠠᠢᠬᠠᠨ ᠲᠠᠯᠠ ᠲᠠᠢ ᠠᠷᠤ ᠬᠥᠪ ᠮᠢᠨᠢ ᠠ᠋
2025 .5 .18
ᠦᠰᠦᠭ ᠠᠮᠢᠯᠠᠭᠤᠯᠤᠭᠴᠢ᠄ ᠤᠷᠢᠶᠠᠩᠬᠠᠢ ᠨᠠᠷᠠᠨᠮᠠᠨᠳᠠ
ᠬᠢᠨᠠᠭᠴᠢ᠄ ᠬᠠᠷᠭᠠᠨᠠ᠂ ᠭᠠᠷᠮᠠ