ᠪᠣᠯᠣᠭ ᠡ ᠪᠦᠲᠦᠭ ᠡ ᠢᠷᠦᠭᠡᠶ᠎ᠡ ᠡБолог аа бүтэг аа ерөөе ᠢᠷᠥᠭᠡᠯ ᠮᠠᠭᠲᠠᠭᠠᠯ

   
Айлссан бүхэн амь нэгдэг
Авсан бүхэн өлзий болог
Алдсан бүхэн сэхээрч ухаараг
Авдар бүхэн алтаар дүүрэг
Ажилласан бүхэн дэвжиж өөдлөг
Анд бүхэн үнэнч байг
Айл бүхэнд хүү охин тэнцүү заяаг
Аав бүхэн амгалантай жаргаг
Амь бүхэн бөх байг
Ажил бүхэн бүтэж яваг
Амьдрал бүхэн дэгжиг
Албан газар бүр хөгжиг
Ард бүхэн тайван байг
Бодол бүхэн боломж байг
Бэрхшээл бүхэн ухаарал байг
Болзоо бүр бүтэж өрнөг
Бодол бүр цэгээлж гийг
Бүсгүй бүр хайрлагдан энхрийсэг
Бөх бүр жудагтай байг
Буян бүхэн буцаж асгараг
Бузар бүхэн арилаг
Голомт бүхэн мандан бадраг
Гэр бүл бүхэн элэг бүтэн байг
Гарз бүхэн хаагдаг
Гол бүхэн харгилаг
Гал бүхэн дэвжиг
Найз бүр нандин байг
Настан бүр эрүүл урт наслаг
Намар бүр налгар байг
Нутаг бүхэн бүтэн байг
Нуур бүхэн цэлэлзэг
Таньсан бүхэн тавилан нийлэг
Тариа бүхэн соёолон найгаг
Түшээ бүр сэтгэлтэй байг
Түмэн олон нүдтэй байг
Тангараг бүхэн цэнэтэй байг
Танил бүхэн найрсаг байг
Тэнгэр бүхэн үүлгүй цэлмэг
Учирсан бүхэн учигаа таниг
Унасан бүхэн гөвөөд босог
Улс төр бүр шударга байг
Үг бүр ерөөл болог
Үйлдэл бүр энэрч байг
Үрс бүхэн энх эрүүл ториног
Үр бүхэн үндэслэж арвижиг
Үйл бүхэн дүүрэг
Өвгөд бүхэн дээдлэгдэг
Өвөл бүр өнөтэй байг
Өрх бүхэн өнөржин дэлгэрэг
Өгсөн бүхэн буян хуруулаг
Зун бүр дэлгэр байг
Зүтгэл бүхэн шимтэй болог
Зөрсөн бүхэн ам нийлэг
Захисан бүхэн заяа тэгшлэг
Ээж бүхэн үрсээрээ бахархаг
Эмгэд бүхэн эрхэмлэгдэг
Эр хүн бүр дээдлэгдэн мандаг
Эх бүхэн энх төрөг
Дээд эс бүхэн дархлагдаг
Дээвэр бүхэн нөмөр байг
Дэнж бүхэн цэцэгтэй байг
Сүрэг бүр өсөн дэвжиг
Саран наран хиргүй байг
Саахалт бүхэн санаа нэг байг
Саран ижий шид дүүрэг
Итгэл бүхэн үнэтэй байг
Ивээл бүхэн нүдээ олог
Цэрэг бүхэн амьд байг
Цэцэг бүхэн дэлгэрч байг
Цөвүүн цаг төгсөг
Цөөвөр сэтгэл саринаг
Зам бүхэн өлзийтэй байг
Заяа бүхэн тэгш байг
Олз бүхэн зөв байг
Олон түмэн амгалан байг
Одот тэнгэр үүлгүй байг
Одонтой ээжүүд дүүрэн байг
Хишиг бүхэн тогтог
Хүсэл бүхэн гэгээн байг
Хайрласан бүхэн ханан жаргаг
Харшилсан бүхэн эвлэж нэгдэг
Хос бүхэн хамтдаа урт наслаг
Хөгшид бүхэн эрүүл энх наслаг
Хань бүхэн дэргэдэхээ дээдлэг
Хамтрагч бүр гар нийлэг
Харсан бүхэн сэтгэл нийлэг
Хүн бүр элэг бүтэн энх яваг
Хавар бүр ханатай байг
Хөршилсөн бүхэн хаяа нийлэг
Хайрхад бүхэн тахигдаг
Хүүхэд бүхэн инээг
Хүн бүхэн жаргаг
Хүж дэлхий амирлаг
Хүмүн засаг цэвэршиг
Хүчит төр мандан бадраг
ХУРАЙ ХУРАЙ ХУРАЙ
УУХАЙ УУХАЙ УУХАЙ
БОЛОГ ЭЭ БҮТЭГ ЭЭ ЕРӨӨЕ ЭЭ #копи
Маш их талархлаа, гялайлаа, гийлээ
Оршихуйг судлахуй бүлэг