ᠣᠳᠣᠨ ᠲᠧᠯᠸᠢᠰ- ᠫᠣ ∙ ᠥᠯᠵᠡᠢᠨᠠᠷᠠᠨОдон телевиз-п ∙ өлзийнаран
1622ᠣᠳᠣᠨ ᠲᠧᠯᠸᠢᠰ
ᠫᠣ ∙ ᠥᠯᠵᠡᠢᠨᠠᠷᠠᠨ
ᠣᠳᠣᠨ ᠲᠧᠯᠸᠢᠰ ᠣᠳᠣᠨ ᠲᠧᠯᠸᠢᠰ
ᠣᠳᠣᠨ ᠳᠡᠭᠡᠷᠡ ᠡᠴᠡ ᠶᠠᠷᠢᠳᠠᠭ ᠭᠡᠨᠡ ᠯᠠᠢ
ᠣᠯᠠᠨ ᠬᠥᠮᠥᠨ ᠪᠠᠢᠳᠠᠭ ᠭᠡᠨᠡ ᠯᠠᠢ
ᠥᠷᠭᠡᠨ ᠲᠦᠮᠡᠨ ᠳ᠋ᠦ᠍ ᠬᠦᠷᠳᠡᠭ ᠭᠡᠨᠡ ᠯᠠᠢ
ᠴᠡᠩᠬᠡᠷ ᠳᠡᠯᠭᠡᠴᠡ ᠪᠡᠷ ᠭᠠᠷᠬᠤ ᠳ᠋ᠤ᠌ ᠪᠠᠨ
ᠴᠡᠴᠡᠨ ᠤᠬᠠᠭᠠᠨ ᠢᠶᠠᠷ ᠭᠠᠷᠳᠠᠭ ᠶᠤᠮ
ᠬᠥᠬᠡ ᠲᠡᠭᠷᠢ ᠡᠴᠡ ᠶᠠᠷᠢᠬᠤ ᠳ᠋ᠤ᠌ ᠪᠠᠨ
ᠬᠥᠮᠥᠨ ᠦ᠌ ᠤᠬᠠᠭᠠᠨ ᠢ᠋ᠶ᠋ᠠᠷ ᠰᠠᠴᠤᠳᠠᠭ ᠶᠤᠮ
ᠲᠡᠭᠷᠢ ᠳ᠋ᠦ᠍ ᠪᠠᠢᠳᠠᠭ ᠣᠳᠣᠳ ᠤᠳ ᠠ᠋
ᠲᠡᠨᠳᠡ ᠶᠠᠭᠠᠬᠢᠵᠤ ᠬᠦᠷᠦᠭᠰᠡᠨ ᠪᠣᠯ?
ᠲᠡᠮᠡᠦᠯᠦᠭᠡᠳ ᠪᠠᠢᠳᠠᠭ ᠬᠥᠯᠥᠭ ᠦᠳ ᠠ᠋
ᠲᠡᠷᠲᠡᠭᠡ ᠳ᠋ᠦ᠍ ᠶᠠᠭᠠᠬᠢᠵᠤ ᠣᠴᠢᠭ᠍ᠰᠠᠨ ᠪᠣᠯ?
ᠳᠠᠭᠠᠭᠤᠯᠢ ᠣᠳᠣᠨ ᠳᠡᠭᠡᠷᠡ ᠡᠴᠡ
ᠳᠠᠶᠠᠩ ᠳᠡᠯᠡᠬᠡᠢ ᠳ᠋ᠦ᠍ ᠶᠠᠷᠢᠳᠠᠭ ᠶᠤᠮ
ᠳᠠᠩᠴᠤ ᠬᠣᠯᠠ ᠶ᠋ᠢᠨ ᠬᠥᠮᠥᠰ ᠢ᠋
ᠲᠠᠩᠳᠠ ᠪᠠᠨ ᠬᠠᠷᠠᠭᠤᠯᠤᠭᠠᠳ ᠪᠠᠢᠳᠠᠭ ᠶᠤᠮ
ᠣᠯᠠᠨ ᠭᠠᠵᠠᠷ ᠤ᠋ᠨ ᠮᠣᠩᠭᠤᠯᠴᠤᠳ
ᠣᠳᠣ ᠬᠥᠯᠭᠡᠯᠡᠭᠡᠳ ᠠᠭᠤᠯᠵᠠᠳᠠᠭ ᠶᠤᠮ
ᠣᠷᠴᠢᠯᠠᠩ ᠤ᠋ᠨ ᠠᠭᠤᠳᠠᠮ ᠲᠠᠯᠠᠪᠠᠢ ᠳᠡᠭᠡᠷᠡ
ᠣᠯᠠᠭᠤᠯᠠ ᠪᠠᠨ ᠪᠣᠯᠣᠭᠠᠳ ᠳᠠᠭᠤᠯᠠᠳᠠᠭ ᠶᠤᠮ
ᠬᠡᠦᠬᠡᠳ ᠪᠠᠭᠠᠴᠤᠳ ᠨᠢ ᠲᠣᠭ᠍ᠯᠠᠵᠤ ᠪᠠᠢᠳᠠᠭ
ᠬᠥᠭᠰᠢᠨ ᠪᠤᠭᠤᠷᠤᠯᠴᠤᠳ ᠨᠢ ᠰᠤᠷᠭᠠᠵᠤ ᠪᠠᠢᠳᠠᠭ
ᠬᠦᠲᠦᠯᠦᠭ᠌ᠴᠢ ᠨᠡᠪᠲᠡᠷᠡᠭᠦᠯᠦᠭᠴᠢ ᠨᠢ ᠶᠠᠷᠢᠵᠤ ᠪᠠᠢᠳᠠᠭ
ᠬᠥᠮᠥᠨ ᠲᠦᠮᠡᠨ ᠨᠢ ᠬᠥᠳᠡᠯᠮᠦᠷᠢᠯᠡᠵᠦ ᠪᠠᠢᠳᠠᠭ
ᠪᠢᠳᠡᠨ ᠦ᠌ ᠦᠵᠡᠬᠦ ᠳᠤᠷᠠᠲᠠᠢ
ᠪᠢᠯᠢᠭ ᠦ᠋ᠨ ᠣᠳᠣᠨ ᠲᠧᠯᠸᠢᠰ ᠪᠠᠢᠨᠠ
ᠮᠠᠨ ᠤ᠋ ᠦᠵᠡᠬᠦ ᠳᠤᠷᠠᠲᠠᠢ
ᠮᠣᠯᠣᠷ ᠡᠷᠳᠡᠨᠢ ᠶ᠋ᠢᠨ ᠨᠡᠪᠲᠡᠷᠡᠭᠦᠯᠭᠡ ᠪᠠᠢᠨᠠ
ᠬᠠᠮᠤᠭ ᠤ᠋ᠨ ᠳᠣᠲᠣᠨᠣ ᠬᠠᠷᠠᠭ᠍ᠳᠠᠳᠠᠭ ᠨᠢ
ᠬᠥᠲᠦᠯᠦᠭ᠌ᠴᠢ ᠨᠡᠪᠲᠡᠷᠡᠭᠦᠯᠦᠭᠴᠢ ᠠᠬᠠ ᠡᠭᠡᠴᠢ ᠨᠠᠷ ᠶᠤᠮ
ᠬᠠᠢᠷᠠᠯᠠᠵᠤ ᠪᠠᠬᠠᠷᠬᠠᠵᠤ ᠰᠣᠨᠣᠰᠬᠤ ᠳᠤᠷᠠᠲᠠᠢ ᠨᠢ
ᠬᠦᠩᠭᠢᠨᠡᠮᠡ ᠢᠷᠠᠭᠤ ᠮᠣᠩᠭᠣᠯ ᠬᠡᠯᠡ ᠶᠦ᠍ᠮ
ᠡᠷᠬᠢᠮ ᠦᠵᠡᠭᠴᠢᠳ ᠠ᠋! ᠭᠡᠳ ᠲᠡᠳᠡ
ᠡᠵᠢ ᠰᠢᠭ ᠳᠣᠲᠣᠨᠣ ᠶᠠᠷᠢᠳᠠᠭ ᠶᠤᠮ
ᠬᠦᠨᠳᠦᠲᠦ ᠦᠵᠡᠭᠴᠢᠳ ᠠ᠋! ᠭᠡᠳ ᠲᠡᠳᠡ
ᠬᠥᠭᠵᠢᠮ ᠰᠢᠭ ᠢᠷᠠᠭᠤ ᠬᠡᠯᠡᠳᠡᠭ ᠶᠦ᠍ᠮ
ᠰᠠᠢᠨ ᠤᠤ? ᠭᠡᠳᠡᠭ ᠮᠣᠩᠭᠣᠯ ᠦᠭᠡ ᠶ᠋ᠢ
ᠰᠠᠢᠬᠠᠨ ᠴᠢᠷᠠᠢ ᠲᠠᠢ ᠬᠡᠯᠡᠳᠡᠭ ᠶᠦ᠍ᠮ
ᠮᠡᠨᠳᠦ ᠤᠤ? ᠭᠡᠳᠡᠭ ᠰᠠᠢᠬᠠᠨ ᠦᠭᠡ ᠶ᠋ᠢ
ᠮᠡᠷᠭᠡᠨ ᠤᠬᠠᠭᠠᠨ ᠲᠠᠢ ᠬᠡᠯᠡᠳᠡᠭ ᠶᠦ᠍ᠮ
ᠴᠡᠪᠡᠷ ᠰᠠᠢᠬᠠᠨ ᠮᠣᠩᠭᠣᠯ ᠬᠡᠯᠡ ᠪᠡᠨ
ᠴᠡᠴᠡᠨ ᠮᠡᠷᠭᠡᠨ ᠶᠠᠷᠢᠳᠠᠭ ᠶᠤᠮ
ᠤᠶᠠᠩᠭᠠ ᠰᠠᠢᠬᠠᠨ ᠮᠣᠩᠭᠣᠯ ᠬᠡᠯᠡ ᠪᠡᠨ
ᠤᠷᠤᠰᠤᠮᠠ ᠲᠣᠳᠣ ᠬᠡᠯᠡᠳᠡᠭ ᠶᠤᠮ
ᠮᠣᠩᠭᠣᠯ ᠬᠡᠯᠡ ᠪᠡᠨ ᠰᠠᠢᠬᠠᠨ ᠶᠠᠷᠢᠪᠠᠯ
ᠮᠣᠷᠢᠨ ᠬᠤᠭᠤᠷ ᠤ᠋ᠨ ᠡᠭᠡᠰᠢᠭ ᠲᠡᠢ ᠭᠡᠵᠦ
ᠳᠡᠭᠡᠷᠡ ᠨᠢ ᠨᠡᠮᠡᠵᠦ ᠬᠡᠯᠡᠶᠡ ᠪᠢᠳᠡ
ᠳᠡᠯᠡᠬᠡᠢ ᠪᠡᠶᠡᠰᠲᠡᠯᠡ ᠳᠠᠭᠤᠯᠠᠶᠠ ᠪᠢᠳᠡ
ᠳᠡᠭᠡᠷᠡ ᠨᠢ ᠨᠡᠮᠡᠵᠦ
ᠳᠡᠭᠡᠷᠡ ᠨᠢ ᠨᠡᠮᠡᠵᠦ
ᠳᠡᠭᠡᠷᠡ ᠨᠢ ᠨᠡᠮᠡᠵᠦ ᠬᠡᠯᠡᠶᠡ ᠪᠢᠳᠡ
ᠳᠡᠯᠡᠬᠡᠢ ᠪᠡᠶᠡᠰᠲᠡᠯᠡ ᠳᠠᠭᠤᠯᠠᠶᠠ ᠪᠢᠳᠡ
ᠪᠠᠶᠠᠷᠯᠠᠯᠠ!
ᠠᠯᠠᠱᠠ ᠪᠠᠷᠠᠭᠤᠨ ᠬᠤᠰᠢᠭᠤᠨ ᠤ᠋ ᠮᠣᠩᠭᠣᠯ ᠪᠠᠭᠠ ᠰᠤᠷᠭᠠᠭᠤᠯᠢ ᠶ᠋ᠢᠨ ᠬᠣᠶᠠᠳᠤᠭᠠᠷ ᠣᠨ ᠤ᠋（1） ᠳ᠋ᠦ᠍ᠭᠡᠷ ᠠᠩᠭᠢ ᠶ᠋ᠢᠨ ᠰᠤᠷᠤᠭ᠍ᠴᠢ ᠠᠵᠠᠨᠠ ᠤᠶᠠᠩᠭᠠᠯᠠᠪᠠ᠃
ᠦᠰᠦᠭ ᠠᠮᠢᠯᠠᠭᠤᠯᠤᠭ᠍ᠰᠠᠨ ᠨᠢ᠄ ᠮᠥᠩᠭᠦᠨᠴᠡᠴᠡᠭ
ᠦᠰᠦᠭ ᠬᠠᠳᠠᠭ᠍ᠰᠠᠨ ᠨᠢ᠄ ᠮᠥᠩᠭᠦᠨᠴᠡᠴᠡᠭ
ᠬᠢᠨᠠᠭᠴᠢ ᠪᠠᠭ᠍ᠰᠢ᠄ ᠮᠥᠴᠢᠷ᠂ ᠰᠡᠷᠭᠦᠯᠡᠩ