ᠦᠵᠡᠨ ᠶᠠᠳᠠᠬᠤᠢ - ᠪᠠᠪᠤᠤ ᠶ᠋ᠢᠨ ᡀᠬᠠᠪᠠᠰᠥ᠋ᠷᠦᠩ - Үзэн ядахуй – Бавуугийн Лхагвасүрэн
615ᠦᠵᠡᠨ ᠶᠠᠳᠠᠬᠤᠢ
ᠣᠢᠯᠠᠭᠠᠭᠳᠠᠬᠤ ᠦᠭᠡᠢ ᠶ᠋ᠢᠨ ᠵᠡᠷᠭᠡᠯᠭᠡ ᠳᠣᠲᠣᠭᠤᠷ ᠢ᠋ᠶ᠋ᠠᠨ ᠤᠷᠤᠰᠬᠠᠭᠰᠠᠨ
ᠣᠨᠢᠰᠣᠭᠠ ᠰᠢᠭ᠋ ᠬᠥᠮᠦᠨ ᠢ᠋ ᠦᠵᠡᠨ ᠶᠠᠳᠠᠨᠠ᠃
ᠢᠯᠡ ᠴᠠᠢᠯᠭᠠᠨ ᠢ᠋ ᠭᠠᠳᠠᠨᠠ ᠪᠠᠨ ᠲᠣᠭᠯᠠᠭᠤᠯᠤᠭᠰᠠᠨ ᠴᠦ᠍
ᠢᠯᠳᠦ ᠳᠣᠲᠣᠷᠠ ᠪᠠᠨ ᠢᠷᠯᠡᠭᠰᠡᠨ ᠬᠥᠮᠦᠨ ᠢ᠋ ᠦᠵᠡᠨ ᠶᠠᠳᠠᠨᠠ᠃
ᠤᠶᠠᠬᠠᠨ ᠠᠮᠠᠨ ᠳ᠋ᠠᠭᠠᠨ《ᠭᠤᠸᠠ ᠬᠥᠭᠡᠷᠦᠬᠦᠢ》 ᠶ᠋ᠢ ᠪᠥᠮᠪᠥᠷᠢᠭᠦᠯᠵᠦ
ᠥᠷᠦᠪᠴᠢ ᠶ᠋ᠢ ᠦᠵᠡᠭᠦᠯᠪᠡᠴᠦ ᠬᠠᠲᠠᠭᠤ ᠰᠡᠳᠬᠢᠯ ᠲᠡᠢ ᠶ᠋ᠢ ᠦᠵᠡᠨ ᠶᠠᠳᠠᠨᠠ᠃
ᠤᠭ ᠠ᠋ᠴᠠ ᠤᠬᠠᠭᠠᠨ ᠤ᠋ ᠴᠥᠪᠥᠳᠡᠯ ᠦᠭᠡᠢ᠂ ᠴᠡᠯᠮᠡᠭᠡ ᠦᠭᠡᠢ ᠠᠲᠠᠯᠠ ᠪᠠᠨ
ᠤᠬᠠᠭᠠᠨᠲᠠᠢ《ᠰᠢ》 ᠶ᠋ᠢ ᠨᠠᠰᠤ ᠪᠠᠷ ᠢ᠋ᠶ᠋ᠠᠨ ᠲᠣᠭᠯᠠᠭᠴᠢ ᠶ᠋ᠢ ᠦᠵᠡᠨ ᠶᠠᠳᠠᠨᠠ᠃
ᠲᠣᠯᠣᠭᠠᠢ ᠶ᠋ᠢᠨ ᠢ᠋ᠶ᠋ᠡᠨ ᠬᠣᠶᠠᠷ ᠲᠠᠯᠠ ᠳ᠋ᠤ᠌ ᠨᠢᠭᠤᠷ ᠲᠠᠢ
ᠶᠡᠬᠡᠰ ᠲᠦ᠍ ᠪᠢᠯᠳᠠᠤᠴᠢ᠂ ᠡᠩ ᠦ᠋ᠨ ᠬᠥᠮᠦᠨ ᠳ᠋ᠦ᠍ ᠬᠡᠷᠴᠡᠭᠡᠢ ᠶ᠋ᠢ ᠦᠵᠡᠨ ᠶᠠᠳᠠᠨᠠ᠃
ᠲᠡᠷᠢᠭᠦᠯᠡᠭᠴᠢ ᠮᠣᠩᠭᠣᠯ ᠴᠢᠰᠤ ᠶ᠋ᠢ ᠪᠤᠵᠠᠷᠯᠠᠵᠤ ᠰᠠᠮᠠᠭᠤᠨ ᠳ᠋ᠤ᠌ ᠢᠳᠡᠭᠡᠰᠢᠭᠰᠡᠨ
ᠲᠡᠪᠴᠢᠶᠡᠷᠢ ᠠᠯᠳᠠᠭᠤᠯ᠂ ᠰᠠᠳᠤᠷ ᠡᠮᠡ ᠶ᠋ᠢ ᠦᠵᠡᠨ ᠶᠠᠳᠠᠨᠠ᠃
ᠠᠯᠳᠠᠭᠠ ᠪᠦᠬᠦᠨ ᠢ᠋ᠶ᠋ᠡᠷ ᠢ᠋ᠶ᠋ᠡᠨ ᠪᠤᠰᠤᠳ ᠤ᠋ᠨ ᠨᠢᠭᠡᠨ ᠠᠳᠠᠯᠢ
ᠠᠮᠢ ᠪᠠᠨ ᠯᠠ ᠳᠥᠩᠭᠡᠵᠦ ᠲᠡᠭᠡᠭᠡᠵᠦ ᠶᠠᠪᠤᠭᠠ
ᠥᠪᠡᠷ ᠢ᠋ ᠪᠡᠨ ᠴᠦ᠍ ᠪᠢ ᠦᠵᠡᠨ ᠶᠠᠳᠠᠨᠠ᠃
ᠦᠰᠦᠭ ᠠᠮᠢᠯᠠᠭᠤᠯᠤᠭᠴᠢ᠄ ᠡᠩᠬᠡᠪᠠᠲᠤ
ᠦᠰᠦᠭ ᠬᠢᠨᠠᠭᠴᠢ᠄ ᠪᠠᠶᠠᠷᠴᠡᠴᠡᠭ