ᠴᠠᠭ ᠤᠨ ᠴᠠᠭᠠᠨ ᠰᠢᠪᠠᠭᠤ ᠪᠤᠶᠤ ᠵᠡᠯᠡᠨ ᠦ ᠰᠢᠯᠦᠭ - ᠱ᠂ ᠭᠦᠷᠦᠪᠠᠽᠠᠷ Цагийн цагаан шувуу буюу зэлний шүлэг - Ш᠂ Гүрбазар
326 ᠴᠠᠭ ᠤ᠋ᠨ ᠴᠠᠭᠠᠨ ᠰᠢᠪᠠᠭᠤ ᠵᠡᠭᠦᠳᠦᠨ ᠳ᠋ᠦ᠍ ᠵᠡᠯᠡᠯᠡᠬᠦ ᠶ᠋ᠢᠨ ᠴᠠᠭ ᠲᠤ
ᠴᠠᠢ ᠶ᠋ᠢᠨ ᠢ᠋ᠶ᠋ᠡᠨ ᠳᠡᠭᠡᠵᠢ ᠶ᠋ᠢ ᠡᠷᠭᠦᠵᠦ ᠶᠠᠪᠤᠭᠰᠠᠨ ᠡᠵᠢ ᠶ᠋ᠢᠨ ᠮᠢᠨᠢ ᠪᠤᠶᠠᠨ ᠪᠠᠢᠯᠭᠦᠢ
ᠦᠷᠡ ᠶ᠋ᠢᠨ ᠢ᠋ᠶ᠋ᠡᠨ ᠦᠷᠡ ᠶ᠋ᠢ ᠦᠵᠡᠬᠦ ᠬᠣᠷᠸᠠ ᠶ᠋ᠢᠨ ᠵᠢᠷᠭᠠᠯ ᠢ᠋ ᠲᠣᠰᠴᠤ
ᠡᠭᠦᠳᠡᠨ ᠦ᠌ ᠰᠢᠷᠠ ᠢᠰᠡᠭᠡᠢ ᠡᠴᠡ ᠪᠡᠨ ᠦᠨᠡᠭᠡ ᠬᠠᠢᠴᠢᠯᠠᠵᠤ ᠪᠢ ᠡᠪᠦᠭᠡ ᠪᠣᠯᠤᠯᠠ
ᠬᠠᠴᠠᠷ ᠳᠡᠭᠡᠷᠡ ᠪᠡᠨ ᠰᠢᠬᠢᠷ ᠵᠢᠷᠤᠭᠰᠠᠨ
ᠬᠠᠯᠲᠠᠷ ᠵᠢᠭᠡ ᠮᠢᠨᠢ
ᠠᠯᠲᠠᠨ ᠳᠣᠮᠣᠭ ᠨᠠᠳᠠ ᠪᠠᠷ ᠡᠰᠬᠡᠭᠦᠯᠦᠭᠰᠡᠨ
ᠠᠮᠢᠨ ᠴᠡᠩᠬᠡᠷ ᠦᠷᠭᠦᠯᠵᠢᠯᠡᠯ ᠮᠢᠨᠢ
ᠰᠠᠷᠠ ᠬᠬᠢᠷᠲᠦᠬᠦ ᠳ᠋ᠦ᠍ ᠳᠡᠷᠭᠡᠳᠡ ᠴᠢᠨᠢ ᠦᠯᠢᠭᠡᠷ ᠵᠣᠬᠢᠶᠠᠬᠤ ᠶ᠋ᠢᠨ ᠲᠤᠯᠠ
ᠡᠪᠦᠭᠡ ᠨᠢ ᠤᠬᠠᠭᠠᠨ ᠲᠠᠢ ᠪᠠᠢᠬᠤ ᠠ᠋ᠴᠠ ᠠᠷᠭᠠ ᠦᠭᠡᠢ ᠨᠢ
ᠰᠠᠨᠠᠭᠠᠨ ᠤ᠋ ᠴᠤᠯᠪᠤᠭᠤᠷ ᠠᠳᠬᠤᠲᠠᠯᠠ ᠴᠢᠨᠢ
ᠥᠨᠳᠥᠷ ᠰᠡᠭᠦᠳᠡᠷ ᠢ᠋ᠶ᠋ᠡᠷ ᠢ᠋ᠶ᠋ᠡᠨ ᠨᠥᠮᠥᠷᠬᠦ ᠡᠴᠡ ᠠᠷᠭᠠ ᠦᠭᠡᠢ ᠨᠢ
ᠠᠭᠤᠯᠠ ᠶ᠋ᠢᠨ ᠰᠠᠯᠬᠢᠨ ᠳ᠋ᠤ᠌ ᠲᠠᠭᠠᠷᠠᠭᠤᠯᠬᠤ ᠦᠭᠡᠢ ᠭᠡᠵᠦ
ᠳᠡᠪᠡᠯ ᠳ᠋ᠡᠭᠡᠨ ᠠᠰᠠᠬᠤ ᠠ᠋ᠴᠠ ᠴᠦ᠍ ᠠᠷᠭᠠ ᠦᠭᠡᠢ ᠨᠢ
ᠤᠬᠠᠭᠠᠨ ᠰᠠᠭᠤᠲᠠᠯᠠ ᠴᠢᠨᠢ ᠡᠪᠦᠭᠡ ᠨᠢ
ᠳᠡᠷᠭᠡᠳᠡ ᠴᠢᠨᠢ ᠪᠠᠢᠬᠤ ᠠ᠋ᠴᠠ ᠠᠷᠭᠠ ᠦᠭᠡᠢ ᠨᠢ
ᠪᠤᠷᠬᠠᠨ ᠠ᠋ᠴᠠ ᠨᠠᠰᠤ ᠭᠤᠶᠤᠭᠰᠠᠨ
ᠭᠤᠶᠤᠯᠭᠠᠴᠢᠨ ᠪᠠᠢᠬᠤ ᠠ᠋ᠴᠠ ᠴᠦ᠍ ᠠᠷᠭᠠ ᠦᠭᠡᠢ ᠨᠢ
ᠪᠣᠯᠵᠤ ᠯᠠ ᠥᠭᠪᠡᠯ ᠬᠥᠮᠦᠨ ᠳ᠋ᠦ᠍ ᠣᠴᠢᠬᠤ ᠶ᠋ᠢ ᠨᠢ ᠴᠦ᠍ ᠬᠦᠷᠲᠡᠯᠡ ᠦᠵᠡᠬᠦ ᠰᠠᠨ ᠭᠡᠵᠦ
ᠪᠤᠶᠠᠨ ᠤ᠋ ᠨᠠᠢ᠍ᠮᠠᠨ ᠲᠠᠷᠨᠢ ᠶ᠋ᠢ ᠰᠢᠪᠡᠨᠡᠵᠦ ᠰᠠᠭᠤᠬᠤ ᠠ᠋ᠴᠠ ᠠᠷᠭᠠ ᠦᠭᠡᠢ ᠨᠢ
ᠴᠠᠭ ᠤ᠋ᠨ ᠴᠠᠭᠠᠨ ᠰᠢᠪᠠᠭᠤ ᠶ᠋ᠢ
ᠵᠤᠯᠠᠢ ᠳᠡᠭᠡᠷᠡ ᠨᠢ ᠡᠷᠭᠢᠯᠳᠦᠭᠦᠯᠦᠨ
ᠵᠢᠭᠡ ᠶ᠋ᠢᠨ ᠢ᠋ᠶ᠋ᠡᠨ ᠲᠥᠯᠥᠭᠡ ᠡᠪᠦᠭᠡ ᠨᠢ
ᠵᠡᠯᠡᠯᠡᠵᠦ ᠪᠠᠢᠬᠤ ᠠ᠋ᠴᠠ ᠠᠷᠭᠠ ᠦᠭᠡᠢ ᠨᠢ᠃
ᠦᠰᠦᠭ ᠠᠮᠢᠯᠠᠭᠤᠯᠤᠭᠴᠢ᠄ ᠡᠩᠬᠡᠪᠠᠲᠤ
ᠦᠰᠦᠭ ᠬᠢᠨᠠᠭᠴᠢ᠄ ᠪᠠᠶᠠᠷᠴᠡᠴᠡᠭ