ᠥᠬᠢᠨ ᠵᠠᠶᠠᠭᠠᠨ— ᠬᠠᠢᠷᠠᠲᠤ ᠥᠬᠢᠨ ᠣᠳᠣᠨ ᠳ᠋ᠤ᠌ ᠪᠠᠨ-ᠬᠡᠷᠡᠢᠳ ᠮᠥᠩᠬᠡᠨᠠᠰᠤᠨ Охин заяан— хайрт охин одондоо-Хэрэйд Мөнхнасан
546ᠥᠬᠢᠨ ᠵᠠᠶᠠᠭᠠᠨ— ᠬᠠᠢᠷᠠᠲᠤ ᠥᠬᠢᠨ ᠣᠳᠣᠨ ᠳ᠋ᠤ᠌ ᠪᠠᠨ
ᠵᠣᠬᠢᠶᠠᠭᠴᠢ᠄ ᠬᠡᠷᠡᠢᠳ ᠮᠥᠩᠬᠡᠨᠠᠰᠤᠨ
ᠤᠶᠠᠩᠭᠠᠯᠠᠭᠴᠢ᠄ ᠰᠣᠯᠣᠩᠭᠠ
ᠡᠮᠵᠡᠭ ᠪᠦᠬᠦᠨ ᠢ᠋ ᠠᠪᠴᠤ
ᠡᠨᠡ ᠬᠣᠷᠸᠠ ᠳ᠋ᠤ᠌
ᠡᠩᠬᠦᠷᠡᠢ ᠳᠠᠭᠤᠤ ᠪᠠᠨ ᠳᠠᠭᠤᠷᠢᠰᠤᠭᠤᠯᠵᠤ
ᠥᠬᠢᠨ ᠪᠡᠶᠡ ᠪᠡᠷ ᠵᠠᠶᠠᠭᠠᠵᠤ
ᠡᠩᠭᠡᠷ ᠲᠦ᠍ ᠮᠢᠨᠢ ᠨᠢᠯᠬᠠᠷᠠᠵᠤ
ᠡᠩ ᠦᠭᠡᠢ ᠶᠡᠬᠡ ᠪᠠᠶᠠᠰᠤᠯ ᠢ᠋ᠶ᠋ᠠᠷ
ᠡᠬᠡ ᠪᠣᠯᠭᠠᠨ ᠨᠠᠮᠠᠶ᠋ᠢ ᠳᠡᠭᠡᠳᠦᠯᠡᠵᠦ
ᠡᠰᠡᠷᠸᠠ ᠲᠩᠷᠢ ᠳ᠋ᠦ᠍ ᠣᠳᠣᠨ ᠭᠡᠷᠡᠯᠲᠦᠭᠦᠯᠵᠦ
ᠡᠮᠨᠢᠭ ᠣᠩᠭᠣᠳ ᠢ᠋ᠶ᠋ᠠᠷ ᠨᠠᠮᠠᠶ᠋ᠢ ᠳᠠᠭᠤᠳᠠᠵᠤ
ᠬᠠᠢᠷᠠ ᠶ᠋ᠢᠨ ᠰᠢᠪᠰᠢᠭᠡ ᠦᠶᠡᠷᠯᠡᠭᠦᠯᠵᠦ
ᠬᠠᠨ ᠬᠣᠷᠸᠠ ᠳ᠋ᠤ᠌ ᠵᠠᠶᠠᠭᠠ ᠪᠠᠨ
ᠳᠡᠭᠡᠳᠦᠯᠡᠭᠰᠡᠨ ᠥᠬᠢᠨ ᠮᠢᠨᠢ
ᠬᠦᠢ ᠶ᠋ᠢᠨ ᠮᠢᠨᠢ ᠵᠠᠯᠭᠠᠮᠵᠢ
ᠬᠥᠷᠥᠭ ᠦ᠋ᠨ ᠮᠢᠨᠢ ᠳᠠᠪᠲᠠᠮᠵᠢ
ᠬᠦᠷᠳᠦᠨ ᠽᠠᠮᠪᠤᠯᠢᠩ ᠤ᠋ᠨ ᠠᠯᠳᠠᠷᠠᠢ
ᠬᠦᠷᠬᠦ ᠴᠡᠭᠡᠯ ᠦ᠋ᠨ ᠪᠥᠮᠪᠥᠷᠡᠢ
ᠮᠥᠮᠥ ᠴᠢᠨᠢ ᠴᠢᠮᠠ ᠳ᠋ᠤ᠌ ᠪᠠᠨ
ᠰᠢᠯᠦᠭ ᠬᠡᠯᠡᠵᠦ ᠪᠠᠢᠨᠠ᠂ ᠰᠣᠨᠣᠰᠤᠭᠠᠷᠠᠢ
ᠮᠥᠩᠬᠡ ᠤᠨᠳᠤᠷᠤᠯᠲᠤ ᠬᠠᠢᠷᠠ ᠪᠠᠷ ᠢ᠋ᠶ᠋ᠠᠨ
ᠰᠢᠪᠰᠢᠩᠭᠡᠨ ᠳᠠᠭᠤᠯᠠᠵᠤ ᠪᠠᠢᠨᠠ
ᠳᠠᠭᠤᠤ ᠰᠢᠭ᠋ ᠰᠣᠯᠣᠩᠭᠠᠨ ᠬᠣᠷᠸ᠋ᠠ ᠳ᠋ᠤ᠌
ᠨᠣᠲ ᠰᠢᠭ᠋ ᠤᠶᠠᠩᠭᠠᠷᠠᠵᠤ ᠶᠠᠪᠤᠭᠠᠷᠠᠢ
ᠳᠣᠮᠣᠭ ᠤ᠋ᠨ ᠭᠡᠭᠡᠨ ᠣᠷᠴᠢᠯᠠᠩ ᠳ᠋ᠤ᠌
ᠭᠡᠷᠡᠯ ᠦ᠋ᠨ ᠳᠠᠢᠲᠠᠢ ᠭᠢᠯᠠᠰᠤᠭᠠᠷᠠᠢ
ᠦᠰᠦᠭ ᠠᠮᠢᠯᠠᠭᠤᠯᠤᠭᠴᠢ᠄ᠬᠡᠷᠡᠢᠳ· ᠮᠥᠩᠬᠡᠨᠠᠰᠤᠨ
ᠦᠰᠦᠭ ᠬᠠᠲᠠᠭᠴᠢ᠄ ᠥᠯᠵᠡᠢᠪᠠᠭᠠᠲᠤᠷ
ᠬᠢᠨᠠᠭᠴᠢ᠄ ᠣᠳᠬᠠᠨᠰᠣᠠ