ᠠᠮᠢᠲᠠᠳ ᠬᠡᠷᠬᠢᠨ ᠡᠪᠦᠯᠵᠢᠳᠡᠭ ᠪᠣᠢAmitad kherkhen övöljdög beАмьтад хэрхэн өвөлждөг бэ
546ᠠᠮᠢᠲᠠᠳ ᠬᠡᠷᠬᠢᠨ ᠡᠪᠦᠯᠵᠢᠳᠡᠭ ᠪᠣᠢ
ᠳᠣᠮᠣᠭ ᠦᠯᠢᠭᠡᠷ
ᠰᠢᠷᠭᠤᠯᠵᠢ ᠭᠡᠷ ᠡᠴᠡ ᠪᠡᠨ ᠭᠠᠷᠤᠭᠠᠳ ᠣᠢ ᠪᠠᠷ ᠶᠠᠪᠤᠯᠠ᠃ ᠱᠠᠭᠠᠵᠠᠭᠠᠢ ᠰᠠᠭᠯᠠᠭᠠᠷ ᠮᠣᠳᠣᠨ ᠳᠡᠭᠡᠷᠡ ᠰᠠᠭᠤᠭᠠᠳ ᠱᠠᠭ ᠱᠠᠭ ᠱᠠᠭᠰᠢᠵᠤ ᠪᠠᠢᠪᠠ᠃ ᠰᠢᠷᠭᠤᠯᠵᠢ᠄ ᠱᠠᠭᠠᠵᠠᠭᠠᠢ ᠡᠭᠡᠴᠢ ᠠ᠋ ! ᠬᠤᠨ᠂ ᠬᠠᠷᠢᠶᠠᠴᠠᠢ ᠪᠦᠷ ᠬᠠᠮᠢᠭᠠ ᠶᠠᠪᠤᠴᠢᠬᠠᠭᠰᠠᠨ ᠶᠤᠮ ᠪᠣᠢ? ᠭᠡᠵᠦ ᠠᠰᠠᠭᠤᠪᠠ᠃
ᠱᠠᠭᠠᠵᠠᠭᠠᠢ ᠬᠠᠷᠢᠭᠤ ᠳ᠋ᠤᠨᠢ᠄ ᠲᠩᠷᠢ ᠬᠦᠢᠲᠡᠷᠡᠭᠰᠡᠨ ᠲᠤᠯᠠ ᠲᠡᠳᠡ ᠪᠦᠷ ᠡᠮᠦᠨᠡᠲᠦ ᠣᠷᠣᠨ ᠳ᠋ᠤ᠌ ᠡᠪᠦᠯᠵᠢᠬᠦ ᠪᠡᠷ ᠶᠠᠪᠤᠴᠢᠬᠠᠵᠠᠢ᠃ ᠢᠷᠡᠬᠦ ᠬᠠᠪᠤᠷ ᠬᠠᠷᠢᠵᠤ ᠢᠷᠡᠨᠡ ᠭᠡᠪᠡ᠃
ᠲᠠ ᠶᠠᠭᠠᠬᠢᠭᠠᠳ ᠶᠠᠪᠤᠭᠰᠠᠨ ᠦᠭᠡᠢ ᠪᠣᠢ ᠭᠡᠵᠦ ᠰᠢᠷᠭᠤᠯᠵᠢ ᠤᠬᠤᠴᠢᠯᠠᠨ ᠠᠰᠠᠭᠤᠭᠰᠠᠨ ᠳ᠋ᠤ᠌ ᠪᠢ ᠡᠨᠳᠡ ᠪᠡᠨ ᠡᠪᠦᠯᠵᠢᠨᠡ᠂ ᠪᠢ ᠲᠡᠳᠡᠨ ᠰᠢᠭ᠋ ᠬᠦᠢᠲᠡᠨ ᠡᠴᠡ ᠠᠶᠤᠳᠠᠭ ᠦᠭᠡᠢ ᠰᠢᠦ ᠭᠡᠵᠦ ᠱᠠᠭᠠᠵᠠᠭᠠᠢ ᠬᠠᠷᠢᠭᠤᠯᠤᠯᠠ᠃
ᠰᠢᠷᠭᠤᠯᠵᠢ ᠴᠠᠭᠠᠰᠢ ᠶᠠᠪᠤᠭᠠᠳ ᠮᠡᠯᠡᠬᠡᠢ ᠲᠡᠢ ᠤᠴᠠᠷᠠᠪᠠ᠂ ᠮᠡᠯᠡᠬᠡᠢ ᠠᠬᠠ ᠠ᠋ ᠂ ᠲᠠ ᠪᠠᠰᠠ ᠡᠮᠦᠨᠡᠲᠦ ᠣᠷᠣᠨ ᠳ᠋ᠤ᠌ ᠣᠴᠢᠵᠤ ᠡᠪᠦᠯᠵᠢᠨᠡ ᠤᠤ ᠭᠡᠵᠦ ᠰᠢᠷᠭᠤᠯᠵᠢ ᠰᠠᠨᠠᠭᠠᠰᠢᠷᠠᠨ ᠠᠰᠠᠭᠤᠭᠰᠠᠨ ᠳ᠋ᠤ᠌ ᠮᠡᠯᠡᠬᠡᠢ᠄ ᠦᠭᠡᠢ! ᠦᠭᠡᠢ ! ᠪᠢ ᠡᠨᠳᠡ ᠪᠡᠨ ᠡᠪᠦᠯᠵᠢᠨᠡ ᠭᠡᠪᠡ᠃ ᠰᠢᠷᠭᠤᠯᠵᠢ ᠲᠠ ᠶᠠᠭᠠᠬᠢᠵᠤ ᠡᠪᠦᠯᠵᠢᠬᠦ ᠪᠣᠢ ? ᠭᠡᠰᠡᠨ ᠳ᠋ᠦ᠍ ᠮᠡᠯᠡᠬᠡᠢ ᠪᠢᠳᠡ ᠡᠪᠦᠯ ᠪᠣᠯᠪᠠᠯ ᠭᠠᠵᠠᠷ ᠳᠣᠣᠷᠠ ᠣᠷᠣᠭᠠᠳ ᠬᠥᠳᠡᠯᠬᠦ ᠦᠭᠡᠢ ᠂ ᠢᠳᠡᠬᠦ ᠦᠭᠡᠢ ᠪᠡᠷ ᠢᠷᠡᠬᠦ ᠬᠠᠪᠤᠷ ᠪᠣᠯᠲᠠᠯᠠ ᠤᠨᠲᠠᠨᠠ ᠰᠢᠦ᠂ ᠡᠨᠡ ᠪᠣᠯ ᠪᠢᠳᠡᠨ ᠦ᠌ ᠡᠪᠦᠯᠵᠢᠬᠦ ᠠᠷᠭᠠ ᠶᠤᠮ᠃ ᠬᠥᠮᠦᠰ ᠡᠭᠦᠨ ᠢ᠋ ᠢᠴᠡᠭᠡᠯᠡᠨᠡ ᠭᠡᠳᠡᠭ ᠠ᠋ ᠭᠡᠯᠡ᠃
ᠰᠢᠷᠭᠤᠯᠵᠢ ᠴᠠᠭᠠᠰᠢ ᠶᠠᠪᠤᠭᠠᠳ ᠨᠠᠭᠤᠷ ᠤ᠋ᠨ ᠬᠥᠪᠡᠭᠡᠨ ᠳ᠋ᠦ᠍ ᠤᠰᠤᠨ ᠬᠤᠯᠤᠭᠠᠨᠠ ᠲᠠᠢ ᠠᠭᠤᠯᠵᠠᠪᠠ᠂ ᠤᠰᠤᠨ ᠬᠤᠯᠤᠭᠠᠨᠠ ᠰᠢᠷᠭᠤᠯᠵᠢ ᠶ᠋ᠢ ᠦᠵᠡᠭᠡᠳ ᠂ ᠰᠢᠷᠭᠤᠯᠵᠢ ᠠ᠋ ! ᠪᠢᠳᠡ ᠭᠠᠵᠠᠷ ᠳᠣᠣᠷᠠ ᠰᠢᠨᠡ ᠭᠡᠷ ᠢ᠋ᠶ᠋ᠡᠨ ᠵᠠᠰᠠᠴᠢᠬᠠᠭᠰᠠᠨ ᠰᠢᠦ! ᠣᠷᠣᠵᠤ ᠦᠵᠡᠬᠦ ᠦᠭᠡᠢ ᠶᠣᠣ ᠭᠡᠵᠦ ᠤᠷᠢᠪᠠ᠃ ᠤᠰᠤᠨ ᠬᠤᠯᠤᠭᠠᠨᠠ ᠶ᠋ᠢᠨ ᠰᠢᠨᠡ ᠭᠡᠷ ᠨᠢ ᠭᠠᠵᠠᠷ ᠳᠣᠣᠭᠤᠷ ᠤᠰᠤ ᠤᠷᠤᠭᠤ ᠣᠷᠣᠬᠤ ᠵᠠᠮ ᠲᠠᠢ ᠪᠠᠢᠯᠠ᠃ ᠤᠰᠤᠨ ᠬᠤᠯᠤᠭᠠᠨᠠ ᠡᠨᠡ ᠵᠠᠮ ᠢ᠋ᠶ᠋ᠠᠷ ᠢ᠋ᠶ᠋ᠠᠨ ᠤᠰᠤᠨ ᠳ᠋ᠤ᠌ ᠣᠷᠣᠵᠤ ᠵᠢᠭᠠᠰᠤ ᠠᠩᠨᠠᠨ ᠡᠪᠦᠯᠵᠢᠳᠡᠭ ᠪᠠᠢᠵᠠᠢ᠃ ᠤᠰᠤᠨ ᠬᠤᠯᠤᠭᠠᠨᠠ ᠨᠠᠢᠵᠠ ᠠᠮᠢᠲᠠᠨ ᠪᠦᠭᠦᠳᠡᠭᠡᠷ ᠢ᠋ᠶ᠋ᠡᠨ ᠡᠪᠦᠯᠵᠢᠬᠦ ᠪᠡᠷ ᠪᠠᠵᠠᠭᠠᠵᠤ ᠪᠠᠢᠨᠠ᠃ ᠲᠠᠨ ᠤ᠋ ᠬᠢᠨ ᠬᠦᠨᠡᠰᠦ ᠪᠡᠨ ᠭᠦᠢᠴᠡᠳ ᠨᠥᠭᠡᠴᠡᠯᠡᠭᠰᠡᠨ ᠪᠢᠵᠡ ᠭᠡᠵᠦ ᠬᠠᠯᠠᠮᠵᠢᠯᠠᠨ ᠠᠰᠠᠭᠤᠪᠠ᠃ ᠨᠥᠬᠥᠳ ᠨᠢ ᠠᠯᠢ ᠬᠡᠵᠢᠶᠡᠨᠡᠢ ᠭᠠᠵᠠᠷ ᠳᠣᠣᠷᠠᠬᠢ ᠭᠡᠷ ᠲᠡᠭᠡᠨ ᠮᠠᠰᠢ ᠠᠷᠪᠢᠨ ᠬᠦᠨᠡᠰᠦ ᠪᠡᠯᠡᠳᠬᠡᠭᠰᠡᠨ ᠢ᠋ ᠰᠢᠷᠭᠤᠯᠵᠢ ᠰᠠᠨᠠᠵᠤ ᠣᠯᠤᠭᠠᠳ᠂ ᠲᠡᠢᠮᠦ! ᠲᠡᠢᠮᠦ ! ᠮᠠᠨᠠᠢᠬᠢᠨ ᠪᠦᠷ ᠪᠡᠯᠡᠨ ᠪᠣᠯᠵᠠᠢ᠂ ᠪᠢ ᠣᠳᠣ ᠭᠡᠷ ᠲᠡᠭᠡᠨ ᠬᠠᠷᠢᠵᠤ ᠨᠥᠬᠥᠳ ᠲᠡᠢ ᠪᠡᠨ ᠴᠣᠭ ᠡᠪᠦᠯᠵᠢᠨᠡ ᠭᠡᠳ ᠤᠰᠤᠨ ᠬᠤᠯᠤᠭᠠᠨᠠ ᠨᠠᠢᠵᠠ ᠲᠠᠢ ᠰᠠᠯᠬᠤ ᠶᠣᠰᠣ ᠬᠢᠯᠡ᠃
ᠦᠰᠦᠭ ᠬᠠᠳᠠᠭᠴᠢ᠄ ᠵᠢᠷᠠᠨᠲᠠᠢ
ᠦᠰᠦᠭ ᠠᠮᠢᠯᠠᠭᠤᠯᠤᠭᠴᠢ᠄ ᠤᠤᠭᠠᠨᠵᠢᠳ
ᠬᠢᠨᠠᠭᠴᠢ᠄ ᠳᠠᠯᠠᠨᠲᠠᠢ᠂ ᠵᠢᠷᠠᠨᠲᠠᠢ