ᠡᠷᠳᠡᠨᠢ ᠨᠣᠶᠠᠨ ᠬᠤᠲᠤᠭᠲᠤ ᠶ᠋ᠢᠨ ᠰᠤᠷᠭᠠᠯ ᠰᠢᠯᠦᠭ-ᠴᠢᠷᠢᠨᠵᠢᠳЭрдэн ноён хутагтын сургаал шүлэг-Чрнзид
1421ᠡᠷᠳᠡᠨᠢ ᠨᠣᠶᠠᠨ ᠬᠤᠲᠤᠭᠲᠤ ᠶ᠋ᠢᠨ ᠰᠤᠷᠭᠠᠯ ᠰᠢᠯᠦᠭ
ᠤᠶᠠᠩᠭᠠᠯᠠᠭᠴᠢ᠄ ᠴᠢᠷᠢᠨᠵᠢᠳ ᠴᠢᠷᠢᠨ
ᠣᠮ ᠰᠠᠢᠨ ᠠᠮᠤᠭᠤᠯᠠᠩ ᠪᠣᠯᠲᠤᠭᠠᠢ!
ᠤᠷᠭᠤᠵᠤ ᠭᠠᠷᠬᠤ ᠨᠠᠷᠠ ᠶ᠋ᠢ
ᠭᠠᠷ ᠲᠤ᠌ ᠪᠠᠨ ᠪᠠᠷᠢᠵᠤ ᠪᠣᠯᠬᠤ ᠦᠭᠡᠢ
ᠤᠷᠢᠳᠤ ᠶ᠋ᠢᠨ ᠬᠢᠭᠰᠡᠨ ᠨᠢᠭᠦᠯ ᠢ᠋
ᠪᠡᠶᠡ ᠪᠡᠷ ᠲᠡᠪᠴᠢᠬᠦ ᠦᠭᠡᠢ ᠴᠢᠳᠠᠬᠤ ᠦᠭᠡᠢ
ᠱᠠᠲᠤ ᠶ᠋ᠢ ᠥᠨᠳᠥᠷ ᠪᠠᠢᠭᠤᠯᠪᠠᠴᠤ
ᠰᠠᠨᠰᠠᠷ ᠢ᠋ ᠳᠠᠪᠠᠵᠤ ᠳᠡᠢᠯᠬᠦ ᠦᠭᠡᠢ
ᠰᠢᠮᠳᠠᠭᠠᠳ ᠮᠡᠬᠡ ᠶ᠋ᠢ ᠰᠤᠷᠪᠠᠴᠤ
ᠡᠷᠯᠢᠭ ᠢ᠋ ᠬᠠᠭᠤᠷᠴᠤ ᠴᠢᠳᠠᠬᠤ ᠦᠭᠡᠢ
ᠪᠠᠶᠠᠨ ᠪᠠᠶᠠᠨ ᠭᠡᠪᠡᠴᠦ
ᠪᠠᠷᠠᠭᠳᠠᠭᠠᠳ ᠢᠷᠡᠬᠦ ᠨᠢ ᠲᠦᠷᠭᠡᠨ
ᠪᠠᠨᠳᠢᠳᠠ ᠳᠣᠮᠪᠣ ᠶ᠋ᠢᠨ ᠷᠠᠰᠢᠶᠠᠨ
ᠰᠢᠷᠭᠢᠰᠢ ᠦᠭᠡᠢ ᠰᠢᠮᠡᠭᠦᠷ ᠲᠡᠢ
ᠨᠣᠶᠠᠨ ᠨᠣᠶᠠᠨ ᠭᠡᠪᠡᠴᠦ
ᠨᠤᠲᠤᠭ ᠵᠠᠭᠤᠷᠠ ᠪᠠᠨ ᠬᠦᠨᠳᠦᠲᠡᠢ
ᠨᠣᠮ ᠲᠠᠢ ᠯᠠᠮᠠ ᠶ᠋ᠢᠨ ᠱᠠᠪᠢ ᠨᠠᠷ
ᠭᠠᠵᠠᠷ ᠪᠣᠯᠭᠠᠨ ᠳ᠋ᠤ᠌ ᠬᠦᠨᠳᠦᠲᠡᠢ
ᠬᠠᠲᠠᠴᠢᠬᠠᠭᠰᠠᠨ ᠲᠣᠭᠣᠷᠢᠮ ᠠ᠋ᠴᠠ
ᠰᠢᠪᠠᠭᠤ ᠪᠣᠯᠭᠠᠨ ᠵᠠᠢᠯᠠᠨᠠ
ᠬᠠᠲᠠᠭᠤ ᠬᠠᠷᠭᠢᠰ ᠬᠥᠮᠦᠨ ᠡᠴᠡ
ᠬᠥᠮᠦᠨ ᠪᠦᠬᠦᠨ ᠵᠠᠢᠯᠠᠨᠠ
ᠰᠠᠢᠨ ᠭᠡᠰᠡᠨ ᠮᠣᠷᠢᠨ ᠳ᠋ᠤ᠌ ᠨᠢ
ᠰᠠᠷᠠ ᠶ᠋ᠢᠨ ᠠᠶᠠᠨ ᠬᠡᠳᠦᠢ ᠪᠣᠢ
ᠰᠠᠨᠸᠠᠷ ᠢ᠋ᠶ᠋ᠠᠨ ᠰᠠᠬᠢᠭᠰᠠᠨ ᠭᠡᠯᠦᠩ ᠳ᠋ᠦ᠍ ᠨᠢ
ᠰᠠᠨᠰᠠᠷ ᠤ᠋ᠨ ᠦᠵᠦᠭᠦᠷ ᠬᠡᠳᠦᠢ ᠪᠣᠢ
ᠡᠳ᠋ ᠮᠥᠩᠭᠥ ᠪᠡᠷ ᠪᠠᠶᠠᠨ ᠪᠣᠯᠪᠠᠴᠤ
ᠡᠨᠡ ᠠᠮᠢ ᠶ᠋ᠢ ᠰᠣᠯᠢᠨ ᠰᠠᠭᠤᠵᠤ ᠪᠣᠯᠳᠠᠭ ᠦᠭᠡᠢ
ᠡᠷᠳᠡᠮ ᠨᠣᠮ ᠢ᠋ᠶ᠋ᠠᠷ ᠪᠠᠶᠠᠨ ᠪᠣᠯᠪᠠᠴᠤ
ᠡᠴᠦᠰ ᠦ᠋ᠨ ᠭᠠᠯᠪᠠ ᠶ᠋ᠢ ᠰᠣᠯᠢᠨ ᠰᠠᠭᠤᠵᠤ ᠪᠣᠯᠳᠠᠭ ᠦᠭᠡᠢ
ᠦᠶᠡᠷ ᠦ᠋ᠨ ᠤᠰᠤ ᠢᠷᠡᠵᠦ ᠭᠡᠮ
ᠡᠭᠦᠳᠡᠨ ᠭᠡᠮᠡᠨ ᠬᠣᠢᠮᠣᠷ ᠤᠤ?
ᠦᠬᠦᠯ ᠦ᠋ᠨ ᠡᠵᠡᠨ ᠢᠷᠡᠵᠦ ᠭᠡᠮ
ᠡᠪᠦᠭᠡᠨ ᠭᠡᠮᠡᠨ ᠵᠠᠯᠠᠭᠤ ᠤᠤ?
ᠠᠮᠢᠳᠤ ᠶᠠᠪᠤᠭᠠ ᠬᠥᠮᠦᠨ ᠨᠢ
ᠠᠯᠲᠠᠨ ᠮᠥᠩᠭᠥᠨ ᠴᠢᠮᠡᠭ ᠲᠡᠢ
ᠠᠮᠢ ᠨᠢ ᠲᠤᠯᠤᠭᠠᠳ ᠢᠷᠡᠪᠡᠯ
ᠲᠡᠷᠡ ᠶᠠᠭᠤᠨ ᠤ᠋ ᠬᠡᠷᠡᠭ ᠪᠣᠢ
ᠭᠡᠮ ᠪᠡᠶᠡ ᠪᠡᠨ ᠲᠡᠪᠴᠢᠬᠦ ᠦᠭᠡᠢ
ᠭᠡᠯᠦᠩ ᠭᠡᠰᠦᠯ ᠳ᠋ᠦ᠍ ᠳᠤᠷᠠᠯᠠᠨᠠ ᠤᠤ?
ᠭᠡᠭᠡᠨ ᠤᠬᠠᠭᠠᠨ ᠤ᠋ ᠲᠣᠯᠢᠨ ᠳ᠋ᠤ᠌
ᠭᠡᠮ ᠪᠦᠬᠦᠨ ᠴᠢᠨᠢ ᠢᠯᠡᠬᠡᠨ
ᠴᠣᠬᠣᠮ ᠨᠡᠷᠡ ᠶ᠋ᠢ ᠰᠣᠨᠣᠰᠤᠭᠠ ᠦᠭᠡᠢ ᠪᠡᠷ
ᠴᠣᠷᠵᠢ ᠭᠦᠦᠰᠢ ᠳ᠋ᠦ᠍ ᠳᠤᠷᠠᠯᠠᠨᠠ ᠤᠤ?
ᠴᠣᠬᠣᠷ ᠴᠠᠭᠠᠰᠤ ᠰᠡᠬᠦᠭᠰᠡᠨ ᠦᠭᠡᠢ ᠪᠣᠯ
ᠴᠢᠨᠠᠷ ᠦᠭᠡᠢ ᠬᠣᠭᠣᠰᠣᠨ!
ᠦᠵᠦᠮ ᠰᠠᠮᠪᠤᠤ ᠴᠡᠴᠡᠭ ᠭᠡᠳᠡᠭ
ᠥᠭᠡᠯᠡᠢ ᠠ᠋ᠴᠠ ᠪᠠᠨ ᠦᠵᠡᠮᠵᠢ
ᠡᠪᠳᠡᠷᠡᠴᠢᠬᠡᠭᠰᠡᠨ ᠰᠠᠨᠸᠠᠷ ᠤ᠋ᠳ
ᠨᠠᠮᠠ ᠶ᠋ᠢ ᠱᠣᠣᠯᠠᠭᠠᠳ ᠶᠠᠭᠠᠬᠢᠨᠠ ᠳᠠ
ᠠᠰᠬᠠ ᠨᠢᠰᠭᠡ ᠬᠠᠳᠠᠨ ᠳ᠋ᠤ᠌ ᠨᠢ
ᠲᠠᠬᠢᠶᠠ ᠮᠣᠭᠠᠢ ᠶᠠᠭᠠᠬᠢᠨᠠ ᠳᠠ
ᠲᠠᠨ ᠤ᠋ ᠵᠡᠷᠭᠡ ᠶ᠋ᠢᠨ ᠮᠤᠩᠬᠠᠭ ᠨᠢ
ᠨᠠᠮᠠ ᠶ᠋ᠢ ᠱᠣᠣᠯᠠᠭᠠᠳ ᠶᠠᠭᠠᠬᠢᠨᠠ ᠳᠠ
ᠬᠥᠬᠡᠷᠡᠭᠴᠢ ᠮᠥᠩᠭᠥᠨ ᠲᠩᠷᠢ ᠭᠡᠵᠦ
ᠡᠪᠦᠯ ᠵᠤᠨ ᠦᠭᠡᠢ ᠨᠠᠷᠠᠨ ᠰᠠᠷᠠᠨ ᠴᠢᠮᠡᠭ ᠲᠡᠢ
ᠨᠠᠰᠤᠨ ᠤ᠋ ᠪᠠᠭᠠ ᠠ᠋ᠴᠠ ᠬᠣᠯᠪᠣᠭᠳᠠᠭᠰᠠᠨ
ᠨᠠᠢ᠍ᠮᠠᠨ ᠲᠦᠮᠡ ᠳᠥᠷᠪᠡᠨ ᠮᠢᠩᠭᠠᠨ ᠨᠢᠰᠸᠠᠨᠢᠰ ᠵᠠᠩᠴᠢᠭ ᠪᠣᠢ
ᠢᠳᠡᠭᠡᠨ ᠤᠮᠳᠠᠭᠠᠨ ᠬᠣᠶᠠᠷ ᠪᠣᠯ
ᠢᠵᠢᠯᠢ ᠶᠦ᠍ᠭᠡᠨ ᠳᠠᠭᠠᠨᠠ
ᠡᠨᠡ ᠰᠢᠯᠦᠭ ᠮᠠᠨᠢ᠂ ᠡᠷᠳᠡᠨᠢ ᠶ᠋ᠢᠨ ᠰᠢᠯᠦᠭ ᠮᠠᠨᠢ
ᠡᠷᠳᠡᠨᠢ ᠶ᠋ᠢᠨ ᠨᠣᠶᠠᠨ ᠬᠤᠲᠤᠭᠲᠤ ᠶ᠋ᠢᠨ ᠠᠷᠪᠢᠨ ᠰᠢᠯᠦᠭ ᠮᠠᠨᠢ᠃
ᠠᠯᠢᠶᠠ ᠬᠥᠮᠦᠨ ᠰᠣᠨᠣᠰᠪᠠᠯ
ᠠᠮᠠᠨ ᠵᠤᠭᠠ ᠪᠣᠯᠭᠠ!
ᠠᠷᠢᠬᠢᠴᠢ ᠬᠥᠮᠦᠨ ᠰᠣᠨᠣᠰᠪᠠᠯ
ᠬᠤᠨᠳᠠᠭᠠᠨ ᠵᠤᠭᠠ ᠪᠣᠯᠭᠠ!
ᠦᠭᠡᠢᠭᠦᠦ ᠬᠥᠮᠦᠨ ᠰᠣᠨᠣᠰᠪᠠᠯ
ᠣᠯᠬᠤ ᠶ᠋ᠢᠨ ᠮᠥᠷ ᠢ᠋ ᠣᠯᠤᠭ!
ᠦᠬᠦᠭᠰᠡᠨ ᠬᠥᠮᠦᠨ ᠰᠣᠨᠣᠰᠪᠠᠯ
ᠪᠤᠴᠠᠬᠤ ᠶ᠋ᠢᠨ ᠮᠥᠷ ᠢ᠋ ᠣᠯᠤᠭ!
ᠦᠰᠦᠭ ᠠᠮᠢᠯᠠᠭᠤᠯᠤᠭᠴᠢ᠄ ᠠᠯᠲᠠᠨᠴᠡᠴᠡᠭ
ᠦᠰᠦᠭ ᠬᠠᠲᠠᠭᠴᠢ᠄ ᠠᠯᠲᠠᠨᠴᠡᠴᠡᠭ
ᠮᠠᠲ᠋ᠧᠷᠢᠶᠠᠯ ᠬᠠᠩᠭᠠᠭᠴᠢ᠄ ᠲᠩᠷᠢ ᠡᠵᠢ
ᠬᠢᠨᠠᠭᠴᠢ᠄ ᠣᠳᠬᠠᠨᠰᠣᠠ