ᠨᠢᠭᠡᠨ ᠨᠣᠮ ᠲᠠᠪᠴᠠᠩ ᠦ᠋ᠨ ᠡᠳᠦᠷ ᠦ᠋ᠨ ᠲᠡᠮᠳᠡᠭᠯᠡᠯ ᠡᠴᠡ – 39 Нэгэн ном тавцан үн өдөр үн тэмдэглэлээс – 39
274 ᠨᠢᠭᠡ ᠺᠣᠮᠫᠠᠨᠢ ᠥᠨᠳᠥᠷ ᠴᠠᠯᠢᠩ ᠢ᠋ᠶ᠋ᠠᠷ ᠪᠣᠷᠣᠯᠠᠭᠤᠯᠭᠠ ᠶ᠋ᠢᠨ ᠠᠵᠢᠯᠴᠢᠨ ᠡᠯᠰᠡᠭᠰᠡᠨ ᠭᠡᠨᠡ᠃ ᠵᠠᠷ ᠢ᠋ᠶ᠋ᠠᠨ ᠨᠡᠢᠲᠡᠯᠡᠮᠡᠭᠴᠡ ᠲᠤᠩ ᠣᠯᠠᠨ ᠬᠥᠮᠦᠰ ᠢᠷᠡᠵᠦ ᠨᠡᠷᠡ ᠮᠡᠳᠡᠭᠦᠯᠵᠡᠢ᠃ ᠺᠣᠮᠫᠠᠨᠢ ᠶ᠋ᠢᠨ ᠵᠠᠬᠢᠷᠤᠯ ᠠ᠋ᠴᠠ ᠲᠡᠳᠡᠭᠡᠷ ᠬᠥᠮᠦᠰ ᠲᠦ᠍ ᠨᠢᠭᠡ ᠡᠭᠦᠷᠭᠡ ᠲᠤᠰᠢᠶᠠᠵᠠᠢ᠃ ᠳᠠᠷᠤᠢ ᠯᠠᠮᠠ ᠨᠠᠷ ᠲᠤ ᠰᠠᠮ ᠬᠤᠳᠠᠯᠳᠤᠨᠠ᠃ ᠠᠷᠪᠠ ᠬᠣᠨᠣᠭ ᠤ᠋ᠨ ᠳᠣᠲᠣᠷᠠ ᠬᠡᠨ ᠦ᠌ ᠬᠢᠨ ᠬᠤᠳᠠᠯᠳᠤᠭᠰᠠᠨ ᠨᠢ ᠠᠷᠪᠢᠨ ᠪᠣᠯ ᠲᠡᠭᠦᠨ ᠢ᠋ ᠬᠡᠷᠡᠭᠯᠡᠨᠡ ᠭᠡᠵᠡᠢ᠃ ᠡᠭᠦᠨ ᠢ᠋ ᠰᠣᠨᠣᠰᠤᠭᠰᠠᠨ ᠣᠯᠠᠩᠬᠢ ᠬᠥᠮᠦᠰ《ᠭᠡᠵᠢᠭᠡ ᠦᠭᠡᠢ ᠯᠠᠮᠠ ᠬᠥᠮᠦᠨ ᠳ᠋ᠦ᠍ ᠰᠠᠮ ᠬᠤᠳᠠᠯᠳᠤᠨᠠ ᠭᠡᠳᠡᠭ ᠴᠢᠨᠢ ᠨᠢᠭᠦᠯ ᠲᠡᠢ ᠠᠵᠢᠯ》 ᠭᠡᠵᠦ ᠳᠤᠷᠠ ᠦᠭᠡᠢ ᠨᠢ ᠬᠦᠷᠴᠦ ᠶᠠᠪᠤᠭᠰᠠᠨ ᠭᠡᠨᠡ᠃ ᠬᠠᠮᠤᠭ ᠰᠡᠭᠦᠯ ᠳ᠋ᠦ᠍ ᠨᠢ ᠠ᠂ ᠠ᠋᠂ ᠢ ᠭᠤᠷᠪᠠᠨ ᠬᠥᠮᠦᠨ ᠦᠯᠡᠳᠡᠵᠡᠢ᠃
ᠠᠷᠪᠠ ᠬᠣᠨᠣᠭ ᠤ᠋ᠨ ᠳᠠᠷᠠᠭᠠ ᠡᠨᠡ ᠭᠤᠷᠪᠠᠨ ᠬᠥᠮᠦᠨ ᠢᠷᠡᠭᠡᠳ ᠰᠠᠮ ᠬᠤᠳᠠᠯᠳᠤᠭᠰᠠᠨ ᠠᠷᠭᠠ ᠪᠠᠨ ᠶᠠᠷᠢᠵᠠᠭᠠᠵᠠᠢ᠃
ᠠ᠄《 ᠪᠢ ᠨᠢᠭᠡ ᠰᠠᠮ ᠬᠤᠳᠠᠯᠳᠤᠭᠰᠠᠨ》 ᠭᠡᠵᠡᠢ᠃ ᠠ ᠡᠬᠢᠯᠡᠭᠡᠳ ᠣᠯᠠᠨ ᠰᠦᠮᠡ ᠳ᠋ᠦ᠍ ᠣᠴᠢᠵᠤ ᠰᠠᠮ ᠢ᠋ᠶ᠋ᠠᠨ ᠬᠤᠳᠠᠯᠳᠤᠭᠰᠠᠨ ᠴᠢᠨᠢ ᠯᠠᠮᠠ ᠨᠠᠷ ᠲᠡᠳᠡᠨ ᠢ᠋ ᠳᠣᠷᠣᠮᠵᠢᠯᠠᠵᠤ ᠪᠠᠢᠨᠠ ᠭᠡᠳ ᠠᠭᠤᠷ ᠨᠢ ᠬᠦᠷᠴᠦ ᠲᠡᠭᠦᠨ ᠢ᠋ ᠵᠣᠳᠣᠵᠤ ᠬᠠᠷᠢᠶᠠᠨ ᠬᠥᠭᠡᠭᠡᠨ ᠶᠠᠪᠤᠭᠤᠯᠵᠠᠢ᠃ ᠠᠷᠭᠠ ᠪᠠᠨ ᠪᠠᠷᠠᠭᠰᠠᠨ ᠲᠡᠷᠡ ᠭᠡᠷ ᠲᠡᠭᠡᠨ ᠬᠠᠷᠢᠬᠤ ᠪᠠᠷ ᠶᠠᠪᠤᠵᠤ ᠪᠠᠢᠬᠤ ᠳ᠋ᠤ᠌ ᠭᠣᠣᠯ ᠤ᠋ᠨ ᠬᠥᠪᠡᠭᠡᠨ ᠳ᠋ᠦ᠍ ᠨᠢᠭᠡ ᠯᠠᠮᠠ ᠲᠣᠯᠣᠭᠠᠢ ᠪᠠᠨ ᠮᠠᠭᠠᠵᠢᠨ ᠰᠠᠭᠤᠵᠤ ᠪᠠᠢᠵᠠᠢ᠃ ᠲᠡᠭᠡᠭᠡᠳ ᠲᠡᠷᠡ ᠬᠥᠮᠦᠨ ᠭᠡᠨᠡᠳᠲᠡ ᠨᠢᠭᠡ ᠤᠬᠠᠭᠠᠨ ᠲᠥᠷᠥᠭᠳᠡᠵᠦ ᠲᠡᠷᠡ ᠯᠠᠮᠠ ᠳ᠋ᠤ᠌ ᠣᠴᠢᠵᠤ ᠥᠪᠡᠷ ᠦ᠋ᠨ ᠰᠠᠮ ᠢ᠋ᠶ᠋ᠠᠨ ᠮᠠᠭᠲᠠᠭᠰᠠᠨ ᠳ᠋ᠤ᠌ ᠲᠡᠷᠡ ᠯᠠᠮᠠ ᠨᠢᠭᠡ ᠶ᠋ᠢ ᠠᠪᠴᠠᠢ᠃
ᠠ᠋ ᠬᠥᠮᠦᠨ ᠬᠠᠷᠢᠨ ᠠᠷᠪᠠᠨ ᠰᠠᠮ ᠬᠤᠳᠠᠯᠳᠤᠭᠰᠠᠨ ᠪᠠᠢᠨᠠ᠃ ᠠ᠋ ᠬᠡᠳᠦᠨ ᠡᠳᠦᠷ ᠶᠠᠪᠤᠵᠤ ᠰᠦᠮᠡ ᠶ᠋ᠢᠨ ᠬᠣᠷᠢᠶᠠᠨ ᠳ᠋ᠤ᠌ ᠪᠠᠢᠴᠠᠭᠠᠯᠲᠠ ᠬᠢᠭᠡᠳ ᠨᠢᠭᠡ ᠵᠦᠢᠯ ᠦ᠋ᠨ ᠶᠠᠭᠤᠮᠠ ᠶ᠋ᠢ ᠣᠯᠵᠤ ᠮᠡᠳᠡᠵᠡᠢ᠃ ᠰᠦᠮᠡ ᠳ᠋ᠦ᠍ ᠢᠷᠡᠳᠡᠭ ᠮᠥᠷᠭᠥᠯᠴᠢᠳ ᠦ᠋ᠨ ᠳᠣᠲᠣᠷᠠ ᠨᠢᠭᠡ ᠪᠦᠯᠦᠭ ᠤᠷᠲᠤ ᠭᠡᠵᠢᠭᠡ ᠲᠡᠢ ᠬᠥᠮᠦᠰ ᠭᠠᠳᠠᠨᠠ ᠪᠤᠷᠬᠠᠨ ᠳ᠋ᠤ᠌ ᠮᠥᠷᠭᠥᠬᠦ ᠦᠶᠡ ᠳ᠋ᠦ᠍ ᠰᠠᠯᠬᠢᠨ ᠭᠠᠷᠪᠠᠯ ᠭᠡᠵᠢᠭᠡ ᠶ᠋ᠢ ᠨᠢ ᠦᠯᠢᠶᠡᠭᠡᠳ ᠥᠷᠪᠡᠢᠯᠭᠡᠭᠡᠳ ᠪᠠᠢᠳᠠᠭ ᠶᠤᠮ ᠪᠠᠢᠨᠠ᠃ ᠲᠡᠭᠡᠭᠡᠳ ᠡᠨᠡ ᠬᠥᠮᠦᠨ ᠰᠦᠮᠡ ᠶ᠋ᠢ ᠵᠠᠬᠢᠷᠤᠭᠴᠢ ᠳᠠ ᠯᠠᠮᠠ ᠶ᠋ᠢ ᠡᠷᠢᠵᠦ ᠣᠴᠢᠭᠠᠳ ᠣᠯᠵᠤ ᠦᠵᠡᠭᠰᠡᠨ ᠤᠴᠢᠷ ᠢ᠋ᠶ᠋ᠠᠨ ᠬᠡᠯᠡᠭᠡᠳ ᠵᠠᠯᠭᠠᠭᠠᠳ᠄《ᠪᠤᠷᠬᠠᠨ ᠳ᠋ᠤ᠌ ᠮᠥᠷᠭᠥᠬᠦ ᠬᠥᠮᠦᠨ ᠭᠡᠵᠢᠭᠡ ᠦᠰᠦ ᠪᠡᠨ ᠰᠡᠭᠰᠡᠢᠯᠭᠡᠭᠡᠳ ᠮᠠᠭᠤᠬᠠᠢ ᠪᠠᠢᠨᠠ᠃ ᠪᠤᠷᠬᠠᠨ ᠳ᠋ᠤ᠌ ᠬᠦᠨᠳᠦᠳᠬᠡᠯ ᠦᠭᠡᠢ ᠪᠠᠢᠨᠠ᠃ ᠲᠡᠢᠮᠦ ᠡᠴᠡ ᠮᠥᠷᠭᠥᠯᠴᠢᠳ ᠦ᠋ᠨ ᠮᠥᠷᠭᠥᠯ ᠬᠢᠬᠦ ᠭᠠᠵᠠᠷ ᠲᠤ ᠨᠢᠭᠡ ᠰᠠᠮ ᠪᠡᠯᠡᠳᠬᠡᠭᠡᠳ ᠲᠠᠯᠪᠢᠴᠢᠬᠠᠪᠠᠯ ᠵᠦᠭᠡᠷ ᠶᠦᠮ》 ᠭᠡᠵᠦ ᠬᠡᠯᠡᠵᠡᠢ᠃ ᠲᠡᠭᠡᠭᠡᠳ ᠰᠦᠮᠡ ᠶ᠋ᠢᠨ ᠵᠠᠬᠢᠷᠤᠭᠴᠢ ᠳᠠ ᠯᠠᠮᠠ ᠠᠷᠪᠠᠨ ᠰᠠᠮ ᠬᠤᠳᠠᠯᠳᠤᠨ ᠠᠪᠴᠠᠢ᠃
ᠢ ᠬᠥᠮᠦᠨ ᠬᠠᠷᠢᠨ ᠨᠢᠭᠡ ᠯᠡ ᠳᠡᠭᠡᠷᠡ ᠮᠢᠩᠭᠠᠨ ᠰᠠᠮ ᠬᠤᠳᠠᠯᠳᠤᠭᠠᠳ ᠺᠣᠮᠫᠠᠨᠢ ᠶ᠋ᠢᠨ ᠵᠠᠬᠢᠷᠤᠯ ᠢ᠋ ᠭᠠᠢᠬᠠᠰᠢᠷᠠᠭᠤᠯᠵᠠᠢ᠃ ᠢ ᠬᠥᠮᠦᠨ ᠬᠡᠳᠦᠨ ᠡᠳᠦᠷ ᠶᠠᠪᠤᠵᠤ ᠮᠥᠷᠭᠥᠯᠴᠢᠳ ᠣᠯᠠᠨ ᠪᠠᠢᠳᠠᠭ ᠨᠢᠭᠡ ᠰᠦᠮᠡ ᠶ᠋ᠢ ᠣᠯᠵᠤ ᠰᠦᠮᠡ ᠶ᠋ᠢ ᠬᠠᠮᠢᠶᠠᠷᠤᠭᠴᠢ ᠳᠠ ᠯᠠᠮᠠ ᠲᠠᠢ ᠠᠭᠤᠯᠵᠠᠵᠠᠢ᠃ ᠲᠡᠭᠡᠭᠡᠳ ᠲᠡᠷᠡ ᠬᠥᠮᠦᠨ ᠯᠠᠮᠠ ᠳ᠋ᠤ᠌᠄《ᠡᠨᠳᠡ ᠢᠷᠡᠵᠦ ᠪᠠᠢᠭᠠ ᠮᠥᠷᠭᠥᠯᠴᠢᠳ ᠪᠦᠬᠦᠨ ᠴᠥᠮ ᠦᠨᠡᠨᠴᠢ ᠰᠦᠰᠦᠭᠲᠡᠨ ᠪᠣᠯᠬᠣᠷ ᠲᠡᠳᠡᠨ ᠦ᠌ ᠥᠭᠯᠢᠭᠡ ᠶ᠋ᠢᠨ ᠬᠠᠷᠢᠭᠤ ᠳ᠋ᠤ᠌ ᠨᠢᠭᠡ ᠤᠳᠬᠠ ᠠᠭᠤᠯᠭᠠ ᠲᠠᠢ ᠪᠡᠯᠡᠭ ᠬᠦᠷᠭᠡᠵᠦ ᠳᠤᠷᠠᠰᠬᠠᠯ ᠪᠣᠯᠭᠠᠪᠠᠯ ᠵᠣᠬᠢᠰᠲᠠᠢ ᠪᠢᠰᠢ ᠤᠤ? ᠨᠠᠳᠠ ᠳ᠋ᠤ᠌ ᠨᠢᠭᠡ ᠪᠦᠯᠦᠭ ᠰᠠᠮ ᠪᠠᠢᠨᠠ᠂ ᠲᠠ ᠲᠡᠳᠡᠭᠡᠷ ᠰᠠᠮ ᠳᠡᠭᠡᠷᠡ(ᠪᠤᠶᠠᠨ ᠠᠷᠪᠢᠵᠢᠭᠤᠯᠬᠤ ᠰᠠᠮ) ᠭᠡᠳᠡᠭ ᠦᠰᠦᠭ ᠰᠡᠢᠯᠦᠭᠡᠳ ᠬᠦᠷᠭᠡᠪᠡᠯ ᠶᠠᠮᠠᠷ ᠪᠣᠢ?》 ᠭᠡᠵᠦ ᠰᠠᠨᠠᠭᠤᠯᠭᠠ ᠭᠠᠷᠭᠠᠭᠰᠠᠨ ᠳ᠋ᠤ᠌ ᠵᠠᠬᠢᠷᠤᠭᠴᠢ ᠳᠠ ᠯᠠᠮᠠ ᠶᠡᠬᠡ ᠪᠠᠶᠠᠷᠯᠠᠵᠤ ᠲᠡᠭᠦᠨ ᠡᠴᠡ ᠮᠢᠩᠭᠠᠨ ᠰᠠᠮ ᠬᠤᠳᠠᠯᠳᠤᠨ ᠠᠪᠤᠭᠰᠠᠨ ᠭᠡᠨᠡ᠃
ᠦᠰᠦᠭ ᠠᠮᠢᠯᠠᠭᠤᠯᠤᠭᠴᠢ᠄ ᠡᠩᠬᠡᠪᠠᠲᠤ
ᠦᠰᠦᠭ ᠬᠢᠨᠠᠭᠴᠢ᠄ ᠪᠠᠶᠠᠷᠴᠡᠴᠡᠭ