ᠥᠭᠡᠳᠡᠢ ᠲᠥᠪ ᠤᠨ ᠲᠠᠯᠠ ᠶᠢ ᠲᠦᠪᠰᠢᠳᠬᠡᠭᠰᠡᠨ-ᠳᠠᠯᠠᠢ ᠶᠢᠨ ᠮᠣᠩᠭᠣᠯ ᠲᠡᠦᠬᠡ ᠶᠢᠨ ᠥᠷᠥᠭᠡӨгэдэй төвийн талыг төвшитгөсөн
868ᠥᠭᠡᠳᠡᠢ ᠬᠠᠭᠠᠨ
1229 ᠣᠨ ᠴᠢᠩᠭᠢᠰ ᠬᠠᠭᠠᠨ ᠤ᠋ ᠠᠯᠲᠠᠨ ᠤᠷᠤᠭ ᠤ᠋ᠨ ᠦᠷᠡ ᠠᠴᠢᠨᠠᠷ ᠪᠣᠯᠤᠨ ᠵᠢᠴᠢ ᠨᠣᠶᠠᠳ ᠲᠦᠰᠢᠮᠡᠳ ᠬᠡᠷᠦᠯᠦᠨ ᠭᠣᠣᠯ ᠤ᠋ᠨ ᠬᠥᠳᠡᠭᠡ ᠠᠷᠠᠯ ᠳ᠋ᠤ᠌ ᠬᠤᠷᠠᠯᠳᠠᠢ ᠬᠤᠷᠠᠯᠳᠤᠵᠤ᠂ ᠴᠢᠩᠭᠢᠰ ᠬᠠᠭᠠᠨ ᠤ᠋ ᠭᠡᠷᠢᠶᠡᠰ ᠵᠠᠷᠯᠢᠭ ᠢ᠋ ᠵᠢᠷᠤᠮᠯᠠᠨ ᠭᠤᠲᠠᠭᠠᠷ ᠬᠥᠪᠡᠭᠦᠨ ᠥᠭᠡᠳᠡᠢ ᠶ᠋ᠢ ᠶᠡᠬᠡ ᠣᠷᠣ ᠰᠠᠭᠤᠯᠭᠠᠪᠠᠢ᠃ ᠥᠪᠡᠷ ᠦ᠋ᠨ ᠡᠴᠢᠭᠡ ᠴᠢᠩᠭᠢᠰ ᠬᠠᠭᠠᠨ ᠤ᠋ ᠡᠬᠢᠯᠡᠭᠦᠯᠦᠭᠰᠡᠨ ᠪᠠᠢᠯᠳᠤᠨ ᠳᠠᠭᠠᠭᠤᠯᠤᠯᠲᠠ ᠶ᠋ᠢ ᠦᠷᠭᠦᠯᠵᠢᠯᠡᠭᠦᠯᠦᠭᠰᠡᠨ ᠪᠥᠭᠡᠳ ᠲᠤᠬᠠᠢ ᠶ᠋ᠢᠨ ᠦᠶᠡ ᠳ᠋ᠦ᠍ ᠶᠠᠪᠤᠭᠳᠠᠭᠰᠠᠨ ᠮᠣᠩᠭᠣᠯᠴᠤᠳ ᠤ᠋ᠨ ᠧᠦ᠋ᠷᠣᠫᠠ ᠳ᠋ᠠᠬᠢ ᠳᠣᠪᠲᠣᠯᠭᠠᠨ᠂ ᠬᠢᠲᠠᠳ ᠳᠠᠬᠢ ᠮᠣᠩᠭᠣᠯ ᠤ᠋ᠨ ᠪᠠᠢᠯᠳᠤᠨ ᠳᠠᠭᠠᠭᠤᠯᠤᠯᠲᠠ ᠶ᠋ᠢᠨ ᠦᠶᠡ ᠪᠡᠷ ᠳᠡᠯᠡᠬᠡᠢ ᠶ᠋ᠢᠨ ᠭᠠᠵᠠᠷ ᠤ᠋ᠨ ᠵᠢᠷᠤᠭ ᠳᠡᠭᠡᠷᠡ ᠮᠣᠩᠭᠣᠯ ᠤ᠋ᠨ ᠡᠵᠡᠨᠲᠦ ᠭᠦᠷᠦᠨ ᠪᠠᠷᠠᠭᠤᠨ ᠪᠣᠯᠤᠨ ᠡᠮᠦᠨᠡ ᠵᠦᠭ ᠲᠦ᠍ ᠠᠯᠤᠰᠯᠠᠭᠳᠠᠭᠰᠠᠨ ᠬᠡᠮᠵᠢᠶᠡᠨ ᠳ᠋ᠦ᠍ ᠬᠦᠷᠦᠭᠰᠡᠨ᠃ ᠴᠢᠩᠭᠢᠰ ᠬᠠᠭᠠᠨ ᠤ᠋ ᠦᠶᠡ ᠳ᠋ᠦ᠍ ᠥᠭᠡᠳᠡᠢ ᠨᠢ ᠡᠴᠢᠭᠡ ᠶ᠋ᠢᠨ ᠢ᠋ᠶ᠋ᠡᠨ ᠪᠤᠰᠤᠳ ᠬᠥᠪᠡᠭᠦᠳ ᠦ᠋ᠨ ᠠᠳᠠᠯᠢ ᠬᠢᠲᠠᠳ᠂ ᠢᠷᠡᠨ᠂ ᠲᠥᠪ ᠠᠽᠢᠶᠠ ᠳ᠋ᠠᠬᠢ ᠮᠣᠩᠭᠣᠯ ᠤ᠋ᠨ ᠴᠡᠷᠢᠭ ᠦ᠋ᠨ ᠠᠶᠠᠨ ᠲᠡᠢᠨ ᠳ᠋ᠦ᠍ ᠢᠳᠡᠪᠬᠢᠲᠡᠢ ᠣᠷᠣᠯᠴᠠᠭᠰᠠᠨ ᠶᠤᠮ᠃ ᠮᠥᠨ ᠣᠨ᠂ ᠥᠭᠡᠳᠡᠢ ᠬᠠᠭᠠᠨ ᠠᠯᠪᠠᠨ ᠭᠤᠪᠴᠢᠭᠤᠷ ᠤ᠋ᠨ ᠰᠢᠨᠡ ᠳᠦᠷᠢᠮ ᠢ᠋ ᠪᠦᠬᠦ ᠤᠯᠤᠰ ᠲᠤ᠌ ᠲᠣᠭᠲᠠᠭᠠᠨ ᠬᠡᠷᠡᠭᠵᠢᠭᠦᠯᠪᠡᠢ᠃ ᠲᠡᠭᠦᠨᠡ ᠲᠣᠭᠲᠠᠭᠰᠠᠨ ᠨᠢ᠄ ᠮᠣᠩᠭᠣᠯᠴᠤᠳ ᠵᠠᠭᠤᠨ ᠠᠳᠤᠭᠤᠨ ᠠ᠋ᠴᠠ ᠨᠢᠭᠡ ᠠᠳᠤᠭᠤ᠂ ᠵᠠᠭᠤᠨ ᠦᠬᠡᠷ ᠡᠴᠡ ᠨᠢᠭᠡ ᠦᠬᠡᠷ᠂ ᠵᠠᠭᠤᠨ ᠬᠣᠨᠢᠨ ᠠ᠋ᠴᠠ ᠨᠢᠭᠡ ᠬᠣᠨᠢ ᠶ᠋ᠢ ᠠᠯᠪᠠᠨ ᠳ᠋ᠤ᠌ ᠲᠤᠰᠢᠶᠠᠨᠠ᠃ ᠪᠠᠰᠠ ᠠᠬᠠ ᠳᠡᠭᠦᠦ ᠴᠢᠭᠤᠯᠪᠠᠰᠤ ᠥᠭᠯᠢᠭᠡ ᠰᠣᠶᠣᠷᠬᠠᠯ ᠥᠭᠬᠦ ᠭᠡᠮᠡᠨ ᠤᠯᠤᠰ ᠤ᠋ᠨ ᠰᠠᠩ ᠪᠠᠢᠭᠤᠯᠵᠤ᠂ ᠡᠳ᠋ ᠠᠭᠤᠷᠰᠤᠨ᠂ ᠰᠦᠬᠡᠰ᠂ ᠬᠥᠷ ᠨᠤᠮᠤᠳ᠂ ᠬᠤᠶᠠᠭ ᠵᠡᠪᠡ ᠵᠡᠷᠭᠡ ᠶ᠋ᠢ ᠰᠠᠩ ᠳ᠋ᠤ᠌ ᠣᠷᠣᠭᠤᠯᠤᠨ᠂ ᠵᠦᠭ ᠵᠦᠭ ᠡᠴᠡ ᠪᠠᠯᠭᠠᠴᠢᠨ ᠠᠮᠤᠴᠢᠨ ᠢᠯᠭᠠᠵᠤ ᠰᠠᠭᠢᠭᠤᠯᠪᠠᠢ᠃ ᠠᠯᠪᠠᠨ ᠡᠯᠴᠢᠨ ᠦ᠌ ᠨᠠᠰᠢ ᠴᠠᠰᠢ ᠵᠣᠷᠴᠢᠬᠤ ᠳ᠋ᠤ᠌ ᠳᠥᠭᠥᠮ ᠢᠯᠳᠠᠷ ᠤ᠋ᠨ ᠲᠤᠰᠠᠳᠠ ᠥᠷᠲᠡᠭᠡ ᠵᠠᠮ ᠪᠠᠢᠭᠤᠯᠤᠨ᠂ ᠮᠢᠩᠭᠠ ᠪᠦᠷᠢ ᠡᠴᠡ ᠵᠠᠮᠴᠢᠨ ᠤᠯᠠᠭᠠᠴᠢᠨ ᠲᠠᠲᠠᠪᠠ᠃ ᠪᠠᠰᠠ ᠡᠷᠦᠬᠡ ᠪᠡᠷ ᠨᠢᠭᠡᠴᠢ ᠪᠣᠯᠭᠠᠭᠰᠠᠨ᠂ ᠬᠥᠮᠦᠨ ᠠᠮᠠ ᠪᠠᠷ ᠨᠢᠭᠡᠴᠢ ᠪᠣᠯᠭᠠᠭᠰᠠᠨ ᠭᠠᠢᠯᠢ ᠶ᠋ᠢᠨ ᠳᠦᠷᠢᠮ ᠢ᠋ ᠬᠢᠲᠠᠳ ᠣᠷᠣᠨ ᠪᠣᠯᠤᠨ ᠪᠠᠷᠠᠭᠤᠨ ᠣᠷᠣᠨ ᠳ᠋ᠤ᠌ ᠲᠤᠰ ᠲᠤᠰ ᠲᠣᠭᠲᠠᠭᠠᠨ ᠬᠡᠷᠡᠭᠵᠢᠭᠦᠯᠪᠡᠢ᠃ 1230 ᠣᠨ ᠳᠣᠯᠣᠳᠤᠭᠠᠷ ᠰᠠᠷᠠ ᠳ᠋ᠤ᠌ ᠥᠭᠡᠳᠡᠢ ᠬᠠᠭᠠᠨ ᠠᠨᠤ ᠲᠤᠯᠤᠢ ᠯᠤᠭᠠ ᠠᠯᠲᠠᠨ ᠤᠯᠤᠰ ᠢ᠋ ᠪᠡᠶᠡ ᠪᠡᠷ ᠳᠠᠢᠯᠠᠬᠤ ᠪᠠᠷ ᠮᠣᠷᠳᠠᠵᠤ᠂ ᠬᠠᠲᠤᠨ ᠭᠣᠣᠯ ᠢ᠋ ᠭᠠᠲᠤᠯᠤᠨ ᠹᠧᠩ ᠰᠢᠶᠠᠩ ᠬᠣᠲᠠ ᠶ᠋ᠢ ᠪᠠᠢᠯᠳᠤᠪᠠᠢ᠃ 1231 ᠣᠨ ᠤ᠋ ᠨᠠᠮᠤᠷ᠂ ᠥᠭᠡᠳᠡᠢ ᠬᠠᠭᠠᠨ ᠢ᠋ᠶ᠋ᠠᠷ ᠤᠯᠤᠰ ᠤ᠋ᠨ ᠲᠥᠪ ᠵᠠᠰᠠᠭ ᠤ᠋ᠨ ᠵᠠᠬᠢᠷᠭᠠ ᠊᠊᠊᠊᠊᠊᠊᠊᠊᠊᠊᠊᠊᠊᠊ ᠲᠥᠪ ᠪᠢᠴᠢᠭ ᠦ᠋ᠨ ᠬᠣᠷᠢᠶᠠ ᠶ᠋ᠢ ᠡᠭᠦᠰᠬᠡᠨ ᠪᠠᠢᠭᠤᠯᠤᠭᠠᠳ᠂ ᠬᠢᠳᠠᠨ ᠬᠥᠮᠦᠨ ᠢᠯᠡ ᠴᠦᠰᠠᠢ ᠶ᠋ᠢ ᠵᠦᠩ ᠱᠥᠥ ᠯᠢᠩ ᠦ᠋ᠨ ᠲᠤᠰᠢᠶᠠᠯ ᠳ᠋ᠤ᠌ ᠲᠦᠰᠢᠵᠦ᠂ ᠨᠢᠮᠬᠠ ᠵᠤᠩᠱᠠᠨ ᠢ᠋ ᠪᠠᠷᠠᠭᠤᠨ ᠭᠠᠷᠤᠨ ᠤᠯᠤᠰ ᠤ᠋ᠨ ᠲᠤᠰᠠᠯᠠᠭᠴᠢ᠂ ᠴᠢᠩᠭ᠋ᠠᠢ ᠶ᠋ᠢ ᠵᠡᠭᠦᠨ ᠭᠠᠷᠤᠨ ᠤᠯᠤᠰ ᠤ᠋ᠨ ᠲᠤᠰᠠᠯᠠᠭᠴᠢ ᠶ᠋ᠢᠨ ᠲᠤᠰᠢᠶᠠᠯ ᠳ᠋ᠤ᠌ ᠲᠤᠰ ᠲᠤᠰ ᠲᠣᠮᠢᠯᠠᠪᠠᠢ᠃ ᠮᠥᠨ ᠣᠨ ᠤ᠋ ᠠᠷᠪᠠᠨ ᠰᠠᠷᠠ ᠳ᠋ᠤ᠌ ᠥᠭᠡᠳᠡᠢ ᠬᠠᠭᠠᠨ ᠢ᠋ᠶ᠋ᠠᠷ ᠠᠯᠲᠠᠨ ᠤᠯᠤᠰ ᠤ᠋ᠨ ᠾᠧ ᠵᠦᠩ ᠹᠤ᠋ ᠬᠣᠲᠠ ᠶ᠋ᠢ ᠪᠠᠢᠯᠳᠤᠨ ᠠᠪᠪᠠᠢ᠃ ᠰᠡᠯᠲᠡ ᠬᠣᠷᠴᠢ ᠭᠠᠤᠯᠢ ᠤᠯᠤᠰ ᠤ᠋ᠨ ᠳᠥᠴᠢ ᠭᠠᠷᠤᠢ ᠬᠣᠲᠠ ᠶ᠋ᠢ ᠪᠠᠢᠯᠳᠤᠨ ᠠᠪᠴᠤ ᠪᠤᠴᠠᠵᠤ ᠢᠷᠡᠪᠡᠢ᠃ 1232 ᠣᠨ ᠤ᠋ ᠭᠤᠲᠠᠭᠠᠷ ᠰᠠᠷᠠ ᠳ᠋ᠤ᠌ ᠥᠭᠡᠳᠡᠢ ᠬᠠᠭᠠᠨ ᠨᠠᠠᠵᠢᠩ ᠬᠡᠮᠡᠬᠦ ᠡᠮᠦᠨᠡᠲᠦ ᠨᠡᠢᠰᠯᠡᠯ （ᠣᠳᠣᠬᠢ ᠾᠧᠨᠠᠨ ᠤ᠋ ᠺᠠᠢ ᠹᠧᠩ） ᠢ᠋ ᠪᠦᠰᠡᠯᠡᠨ ᠪᠠᠢᠯᠳᠤᠭᠤᠯᠪᠠᠢ᠃ ᠮᠥᠨ ᠣᠨ ᠤ᠋᠂ ᠲᠤᠯᠤᠢ ᠥᠭᠡᠳᠡᠢ ᠬᠠᠭᠠᠨ ᠯᠤᠭᠠ ᠤᠮᠠᠷᠠᠰᠢ ᠪᠤᠴᠠᠭᠠᠳ᠂ ᠵᠠᠮ ᠤ᠋ᠨ ᠭᠣᠳᠣᠰ ᠲᠤᠯᠤᠢ ᠨᠠᠰᠤ ᠨᠥᠭᠴᠢᠪᠡᠢ᠃ ᠪᠠᠰᠠ ᠮᠥᠨ ᠣᠨ ᠳ᠋ᠤ᠌ ᠠᠯᠲᠠᠨ ᠤᠯᠤᠰ ᠤ᠋ᠨ ᠡᠵᠡᠨ ᠨᠠᠠᠵᠢᠩ ᠬᠡᠮᠡᠬᠦ ᠡᠮᠦᠨᠡᠲᠦ ᠨᠡᠢᠰᠯᠡᠯ ᠡᠴᠡ ᠪᠤᠷᠤᠭᠤᠯᠠᠨ ᠳᠤᠲᠠᠭᠠᠵᠤ᠂ ᠬᠦᠢ ᠳᠧ᠂ ᠼᠠᠢ ᠵᠧᠦ ᠳ᠋ᠦ᠍ ᠬᠦᠷᠪᠡᠢ᠃ 1233 ᠣᠨ ᠳ᠋ᠤ᠌ ᠮᠣᠩᠭᠣᠯ ᠴᠡᠷᠢᠭ ᠠᠯᠲᠠᠨ ᠤᠯᠤᠰ ᠤ᠋ᠨ ᠨᠠᠠᠵᠢᠩ ᠪᠠᠯᠭᠠᠰᠤᠨ ᠢ᠋ ᠪᠠᠢᠯᠳᠤᠨ ᠠᠪᠴᠤ ᠲᠡᠨᠳᠡ ᠡᠴᠡ ᠬᠦᠢ ᠳᠧ᠂ ᠼᠠᠢ ᠵᠧᠦ ᠶ᠋ᠢ ᠪᠦᠰᠡᠯᠡᠨ ᠪᠠᠢᠯᠳᠤᠪᠠᠢ᠃ 1234 ᠣᠨ ᠳ᠋ᠤ᠌ ᠮᠣᠩᠭᠣᠯ ᠴᠡᠷᠢᠭ ᠮᠧᠩ ᠬᠦᠩ ᠢ᠋ᠶ᠋ᠡᠷ ᠤᠳᠤᠷᠢᠳᠤᠭᠤᠯᠤᠭᠰᠠᠨ ᠰᠥᠩ ᠤᠯᠤᠰ ᠤ᠋ᠨ ᠴᠡᠷᠢᠭ ᠲᠡᠢ ᠬᠠᠮᠲᠤᠷᠠᠨ ᠽᠠᠢ ᠵᠧᠦ ᠶ᠋ᠢ ᠪᠦᠰᠡᠯᠡᠨ ᠪᠠᠢᠯᠳᠤᠭᠰᠠᠨᠠ᠂ ᠠᠯᠲᠠᠨ ᠤᠯᠤᠰ ᠤ᠋ᠨ ᠬᠠᠭᠠᠨ ᠪᠡᠶᠡ ᠪᠡᠨ ᠬᠣᠣᠷᠯᠠᠵᠤ ᠦᠬᠦᠪᠡᠢ᠃ ᠳᠤᠮᠳᠠᠳᠤ ᠤᠯᠤᠰ ᠤ᠋ᠨ ᠤᠮᠠᠷᠠᠲᠤ ᠬᠡᠰᠡᠭ ᠲᠦ᠍ ᠵᠠᠭᠤ ᠠᠷᠪᠠᠨ ᠨᠢᠮᠡᠨ ᠵᠢᠯ ᠲᠥᠷᠥ ᠤᠯᠠᠷᠢᠭᠰᠠᠨ ᠵᠦᠷᠴᠢᠨ ᠠᠯᠲᠠᠨ ᠤᠯᠤᠰ ᠮᠣᠩᠭᠣᠯ ᠤ᠋ᠨ ᠴᠣᠬᠢᠯᠲᠠ ᠳᠣᠣᠷᠠ ᠲᠥᠷᠥ ᠮᠥᠬᠥᠪᠡᠢ᠃ ᠪᠠᠰᠠ ᠮᠥᠨ ᠣᠨ ᠤ᠋ ᠳᠠᠯᠠᠨ ᠳᠠᠪᠠᠰ ᠨᠡᠷᠡᠲᠦ ᠭᠠᠵᠠᠷᠠ ᠬᠠᠭᠠᠨ ᠤ᠋ ᠣᠷᠳᠣᠰ ᠪᠠᠭᠤᠳᠠᠯᠯᠠᠵᠤ᠂ ᠣᠯᠠᠨ ᠨᠣᠶᠠᠳ ᠲᠦᠰᠢᠮᠡᠳ ᠦ᠋ᠨ ᠬᠤᠷᠠᠯᠳᠠᠢ ᠪᠣᠯᠪᠠᠢ᠃ 1235 ᠣᠨ ᠂ ᠥᠭᠡᠳᠡᠢ ᠬᠠᠭᠠᠨ ᠵᠠᠷᠯᠢᠭ ᠪᠠᠭᠤᠯᠭᠠᠵᠤ ᠮᠣᠩᠭᠣᠯ ᠤ᠋ᠨ ᠡᠵᠡᠨᠲᠦ ᠤᠯᠤᠰ ᠤ᠋ᠨ ᠨᠡᠢᠰᠯᠡᠯ ᠬᠠᠷᠠ ᠬᠣᠷᠣᠮ ᠬᠣᠲᠠ ᠶ᠋ᠢ ᠴᠣᠭᠴᠠᠯᠠᠭᠤᠯᠪᠠᠢ᠃ᠪᠠᠰᠠ ᠮᠥᠨ ᠣᠨ᠂ ᠥᠭᠡᠳᠡᠢ ᠬᠠᠭᠠᠨ ᠠᠯᠲᠠᠨ ᠤᠷᠤᠭ ᠪᠣᠯᠤᠨ ᠨᠣᠶᠠᠳ ᠲᠦᠰᠢᠮᠡᠳ ᠦ᠋ᠨ ᠬᠤᠷᠠᠯᠲᠠᠢ ᠶ᠋ᠢ ᠬᠤᠷᠠᠯᠳᠤᠵᠤ᠂ ᠥᠷᠥᠨᠡ ᠳᠠᠰᠢ ᠲᠠᠢᠯᠬᠤ ᠶᠠᠪᠤᠳᠠᠯ ᠢ᠋ ᠵᠥᠪᠯᠡᠨ ᠲᠣᠭᠲᠠᠪᠠᠢ᠃ 1236 ᠣᠨ ᠳ᠋ᠤ᠌ ᠵᠥᠴᠢ ᠶ᠋ᠢᠨ ᠬᠥᠪᠡᠭᠦᠨ ᠪᠠᠲᠤ ᠶᠡᠬᠡ ᠴᠡᠷᠢᠭ ᠢ᠋ ᠶᠡᠷᠦᠩᠬᠡᠢᠯᠡᠨ ᠵᠠᠬᠢᠷᠴᠤ ᠥᠷᠥᠨᠡ ᠲᠡᠰᠢ ᠳᠠᠢᠯᠠᠭᠠᠳ᠂ ᠪᠣᠭᠠᠷ ᠭᠢᠪᠴᠠᠭᠴᠤᠳ ᠢ᠋ ᠡᠷᠬᠡᠰᠢᠶᠡᠨ ᠠᠪᠪᠠᠢ᠃ ᠪᠠᠰᠠ ᠮᠥᠨ ᠣᠨ ᠥᠭᠡᠳᠡᠢ ᠬᠠᠭᠠᠨ ᠤ᠋ ᠬᠥᠪᠡᠭᠦᠨ ᠬᠥᠳᠡᠨ ᠡᠮᠦᠨᠡᠲᠦ ᠰᠥᠩ ᠤᠯᠤᠰ ᠤ᠋ᠨ ᠴᠧᠩᠳᠦ᠋ ᠬᠣᠲᠠ ᠶ᠋ᠢ ᠪᠠᠢᠯᠳᠤᠨ ᠠᠪᠪᠠᠢ᠃ 1237 ᠣᠨ ᠪᠠᠷᠠᠭᠤᠨᠰᠢ ᠳᠠᠢᠯᠠᠭᠰᠠᠨ ᠮᠣᠩᠭᠣᠯ ᠴᠡᠷᠢᠭ ᠣᠷᠣᠰ ᠤ᠋ᠨ ᠵᠡᠭᠦᠨ ᠬᠣᠢᠲᠤ ᠬᠡᠰᠡᠭ ᠲᠦ᠍ ᠳᠣᠪᠲᠣᠯᠤᠨ ᠣᠷᠣᠭᠠᠳ ᠲᠡᠨᠳᠡᠬᠢ ᠶ᠋ᠢᠨ ᠣᠯᠠᠨ ᠬᠣᠲᠠ ᠪᠠᠯᠭᠠᠳ ᠢ᠋ ᠡᠵᠡᠯᠡᠨ ᠠᠪᠪᠠᠢ᠃ 1238 ᠣᠨ᠂ ᠥᠭᠡᠳᠡᠢ ᠬᠠᠭᠠᠨ ᠬᠠᠷᠢᠶᠠᠲᠤ ᠣᠯᠠᠨ ᠴᠥᠯᠭᠡ᠂ ᠰᠢᠯᠲᠦᠭᠡᠨ ᠳ᠋ᠦ᠍ ᠰᠢᠯᠭᠠᠭᠤᠯᠢ ᠶ᠋ᠢ ᠶᠠᠪᠤᠭᠳᠠᠭᠤᠯᠵᠤ ᠬᠢᠲᠠᠳ ᠤ᠋ᠨ ᠪᠢᠴᠢᠭᠲᠡᠨ ᠡᠴᠡ ᠳᠥᠷᠪᠡᠨ ᠮᠢᠩᠭᠠ ᠪᠥᠭᠡᠳ ᠭᠤᠴᠢᠨ ᠬᠥᠮᠦᠨ ᠢ᠋ ᠰᠤᠩᠭ᠋ᠤᠨ ᠣᠯᠪᠠᠢ᠃ 1240 ᠣᠨ᠂ ᠪᠠᠲᠤ ᠶ᠋ᠢᠨ ᠳᠠᠢᠯᠠᠭᠰᠠᠨ ᠮᠣᠩᠭᠣᠯ ᠴᠡᠷᠢᠭ ᠣᠷᠣᠰ ᠤ᠋ᠨ ᠺᠢᠶᠸᠧ ᠬᠣᠲᠠ ᠶ᠋ᠢ ᠡᠵᠡᠯᠡᠨ ᠠᠪᠪᠠᠢ᠃ ᠪᠠᠰᠠ ᠮᠥᠨ ᠣᠨ ᠤ᠋ ᠮᠣᠩᠭᠣᠯ ᠤ᠋ᠨ ᠪᠢᠴᠢᠭ ᠦ᠋ᠨ ᠵᠣᠬᠢᠶᠠᠯ ᠤ᠋ᠨ ᠭᠠᠢᠬᠠᠮᠰᠢᠭᠲᠤ ᠪᠦᠲᠦᠭᠡᠯ 《ᠮᠣᠩᠭᠣᠯ ᠤ᠋ᠨ ᠨᠢᠭᠤᠴᠠ ᠲᠣᠪᠴᠢᠶᠠᠨ》 ᠵᠣᠬᠢᠶᠠᠭᠳᠠᠪᠠᠢ᠃ 1241 ᠣᠨ ᠤ᠋ ᠳᠥᠷᠪᠡᠨ ᠰᠠᠷᠠ ᠳ᠋ᠤ᠌ ᠥᠭᠡᠳᠡᠢ ᠬᠠᠭᠠᠨ ᠥᠳᠥᠬᠦ ᠬᠤᠯᠠᠨᠠ ᠨᠠᠰᠤᠨ ᠡᠴᠦᠰ ᠪᠣᠯᠪᠠᠢ᠂ ᠬᠠᠭᠠᠨ ᠰᠠᠭᠤᠷᠢᠨᠠ ᠠᠷᠪᠠᠨ ᠭᠤᠷᠪᠠᠨ ᠵᠢᠯ ᠪᠣᠯᠪᠠᠢ᠃ ᠮᠥᠨ ᠣᠨ ᠳ᠋ᠤ᠌ ᠥᠭᠡᠳᠡᠢ ᠬᠠᠭᠠᠨ ᠤ᠋ ᠨᠢ᠋ᠮᠠᠯᠵᠢ ᠬᠠᠲᠤᠨ （ᠳᠦᠷᠭᠡᠨᠡ） ᠮᠣᠩᠭᠣᠯ ᠤ᠋ᠨ ᠲᠥᠷᠥ ᠶ᠋ᠢ ᠮᠡᠳᠡᠪᠡ᠃ ᠪᠠᠰᠠ ᠮᠥᠨ ᠣᠨ ᠤ᠋ ᠪᠠᠲᠤ ᠶ᠋ᠢᠨ ᠳᠠᠢᠴᠢᠯᠠᠭᠰᠠᠨ ᠮᠣᠩᠭᠣᠯ ᠴᠡᠷᠢᠭ ᠦᠷᠭᠦᠯᠵᠢᠯᠡᠨ ᠪᠠᠷᠠᠭᠤᠨᠰᠢ ᠡᠡᠶᠡᠯᠡᠨ᠂ ᠵᠡᠭᠦᠨ ᠧᠦ᠋ᠷᠣᠫᠠ ᠶ᠋ᠢᠨ ᠤᠯᠤᠰ ᠣᠷᠣᠨ ᠢ᠋ ᠳᠠᠢᠯᠠᠨ ᠳᠣᠪᠲᠣᠯᠪᠠᠢ᠃ 1242 ᠣᠨ᠂ᠥᠭᠡᠳᠡᠢ ᠬᠠᠭᠠᠨ ᠤ᠋ ᠨᠠᠰᠤ ᠨᠥᠭᠴᠢᠭᠰᠡᠨ ᠮᠡᠳᠡᠭᠡ ᠪᠠᠲᠤ ᠶ᠋ᠢᠨ ᠲᠡᠨᠳᠡ ᠤᠯᠠᠮᠵᠢᠯᠠᠭᠳᠠᠨ ᠭᠦᠷᠦᠭᠰᠡᠨᠡ᠂ ᠪᠠᠲᠤ ᠶᠡᠬᠡ ᠴᠡᠷᠢᠭ ᠢ᠋ ᠠᠪᠴᠤ ᠵᠡᠭᠦᠨᠰᠢ ᠡᠭᠡᠪᠡᠢ᠃ ᠪᠠᠰᠠ ᠮᠥᠨ ᠣᠨ ᠳ᠋ᠤ᠌ ᠴᠢᠩᠭᠢᠰ ᠬᠠᠭᠠᠨ ᠤ᠋ ᠳᠡᠳ᠋ ᠬᠥᠪᠡᠭᠦᠨ ᠴᠠᠭᠠᠲᠠᠢ ᠨᠠᠰᠤ ᠪᠠᠷᠠᠪᠠᠢ᠃1243 ᠣᠨ ᠵᠥᠴᠢ ᠶ᠋ᠢᠨ ᠬᠥᠪᠡᠭᠦᠨ ᠪᠠᠲᠤ ᠪᠠᠷᠠᠭᠤᠨᠰᠢ ᠠᠶᠠᠯᠠᠭᠰᠠᠨ ᠲᠡᠢᠨ ᠢ᠋ ᠲᠡᠭᠦᠰᠬᠡᠭᠡᠳ᠂ ᠮᠥᠨ ᠣᠨ ᠤ᠋ ᠸᠣᠯᠭᠠ ᠮᠥᠷᠡᠨ ᠦ᠌ ᠳᠡᠷᠭᠡᠳᠡ ᠠᠯᠲᠠᠨ ᠤᠷᠲᠤ ᠬᠠᠭᠠᠨᠲᠤ ᠤᠯᠤᠰ ᠢ᠋ ᠪᠠᠢᠭᠤᠯᠪᠠᠢ᠃ ᠠᠯᠲᠠᠨ ᠤᠷᠲᠤ ᠬᠠᠭᠠᠨᠲᠤ ᠤᠯᠤᠰ ᠢ᠋ ᠲᠡᠦᠬᠡᠨᠡ ᠪᠠᠰᠠ ᠬᠢᠪᠴᠠᠭ ᠬᠠᠭᠠᠨᠲᠤ ᠤᠯᠤᠰ ᠭᠡᠮᠡᠨ ᠨᠡᠷᠡᠯᠡᠳᠡᠭ ᠴᠦ᠍ ᠪᠣᠢ᠃ 1244 ᠣᠨ ᠴᠢᠩᠭᠢᠰ ᠬᠢᠭᠡᠳ ᠥᠭᠡᠳᠡᠢ ᠬᠠᠭᠠᠨ ᠤ᠋ ᠲᠥᠷᠥ ᠳ᠋ᠦ᠍ ᠭᠤᠴᠢ ᠰᠢᠬᠠᠮ ᠵᠢᠯ ᠵᠢᠳᠬᠦᠭᠰᠡᠨ ᠵᠦᠩ ᠱᠥ ᠯᠢᠩ ᠲᠦᠰᠢᠮᠡᠯ ᠢᠯᠡ ᠴᠦᠰᠠᠢ （1190 ᠊᠊᠊᠊᠊᠊᠊᠊᠊᠊᠊᠊᠊᠊᠊ 1244） ᠮᠥᠨ ᠣᠨ ᠳ᠋ᠤ᠌ ᠨᠠᠰᠤ ᠪᠠᠷᠠᠵᠤᠬᠤᠢ᠃ 1246 ᠣᠨ （ᠤᠯᠠᠭᠴᠢᠨ ᠮᠣᠷᠢᠨ ᠵᠢᠯ᠂ ᠡᠮᠦᠨᠡᠲᠦ ᠰᠥᠩ ᠤᠯᠤᠰ ᠤ᠋ᠨ ᠴᠦᠨ ᠶᠢᠤ ᠶ᠋ᠢᠨ ᠵᠢᠷᠭᠤᠳᠤᠭᠠᠷ ᠣᠨ）᠄ ᠮᠥᠨ ᠣᠨ ᠤ᠋ ᠳᠣᠯᠣᠭᠠᠨ ᠰᠠᠷᠠ ᠳ᠋ᠤ᠌ ᠴᠢᠩᠭᠢᠰ ᠬᠠᠭᠠᠨ ᠤ᠋ ᠠᠯᠲᠠᠨ ᠤᠷᠤᠭ ᠤ᠋ᠨ ᠦᠷᠡ ᠠᠴᠢᠨᠠᠷ ᠪᠣᠯᠤᠨ ᠲᠥᠷᠥ ᠶ᠋ᠢᠨ ᠨᠣᠶᠠᠳ ᠲᠦᠰᠢᠮᠡᠳ ᠲᠠᠮᠢᠷ ᠤ᠋ᠨ ᠭᠣᠣᠯ ᠤ᠋ᠨ ᠳᠡᠷᠭᠡᠳᠡᠬᠢ ᠰᠢᠷᠠ ᠣᠷᠳᠤᠨᠠ ᠬᠤᠷᠠᠯᠳᠠᠢ ᠪᠣᠯᠵᠤ ᠰᠢᠨᠡ ᠬᠠᠭᠠᠨ ᠡᠷᠭᠦᠬᠦ ᠶ᠋ᠢ ᠵᠥᠪᠯᠡᠨ ᠡᠶᠡᠯᠳᠡᠪᠡᠢ᠃ ᠨᠢ᠋ᠮᠡᠯᠵᠢ ᠬᠠᠲᠤᠨ ᠥᠭᠡᠳᠡᠢ ᠬᠠᠭᠠᠨ ᠤ᠋ ᠵᠠᠷᠯᠢᠭ ᠢ᠋ ᠭᠦᠵᠢᠷᠯᠡᠨ᠂ ᠥᠪᠡᠷᠦᠨ ᠠᠬᠠᠮᠠᠳ ᠬᠥᠪᠡᠭᠦᠨ ᠬᠥᠶᠦᠭ ᠢ᠋ ᠡᠷᠬᠡ ᠶ᠋ᠢᠨ ᠬᠦᠴᠦᠨ ᠢ᠋ᠶ᠋ᠡᠷ ᠶᠡᠬᠡ ᠣᠷᠣ ᠰᠠᠭᠤᠯᠭᠠᠪᠠᠢ᠃ ᠮᠥᠨ ᠣᠨ ᠤ᠋᠂ ᠢᠲ᠋ᠠᠯᠢ ᠬᠥᠮᠦᠨ ᠫᠠᠯᠨᠣ᠊ ᠺᠠᠷᠫᠢᠨ ᠷᠣᠮ ᠤ᠋ᠨ ᠱᠠᠰᠢᠨ ᠤ᠋ ᠪᠠᠪ ᠤ᠋ᠨ ᠳᠠᠭᠠᠭᠠᠯᠭᠠᠪᠤᠷᠢ ᠪᠠᠷ ᠮᠣᠩᠭᠣᠯ ᠤ᠋ᠨ ᠡᠵᠡᠨᠲᠦ ᠤᠯᠤᠰ ᠤ᠋ᠨ ᠨᠡᠢᠰᠯᠡᠯ ᠬᠠᠷᠠ ᠬᠣᠷᠣᠮ ᠬᠤᠳᠠᠨᠠ ᠬᠦᠷᠦᠯᠴᠡᠨ ᠢᠷᠡᠭᠡᠳ ᠬᠥᠶᠦᠭ ᠬᠠᠭᠠᠨᠠ ᠪᠠᠷᠠᠭᠠᠳᠠᠵᠤ ᠵᠣᠯᠭᠠᠵᠤ ᠪᠯᠠᠮᠠ ᠶ᠋ᠢᠨ ᠪᠢᠴᠢᠭ ᠢ᠋ ᠡᠷᠭᠦᠪᠡᠢ᠃ ᠪᠠᠰᠠ ᠮᠥᠨ ᠣᠨ ᠳ᠋ᠤ᠌ ᠣᠷᠣᠰ ᠤ᠋ᠨ ᠴᠸᠷᠨᠢᠺᠦᠧ ᠶ᠋ᠢᠨ ᠬᠦᠩ ᠮᠠᠢ᠌ᠺᠧᠷ ᠨᠡᠢᠰᠯᠡᠯ ᠬᠠᠷᠠ ᠬᠣᠷᠣᠮ ᠬᠣᠲᠠᠨ ᠳ᠋ᠤ᠌ ᠢᠷᠡᠵᠦ ᠭᠦᠶᠦᠭ ᠬᠠᠭᠠᠨᠠ ᠪᠠᠷᠠᠭᠠᠳᠠᠵᠤ ᠵᠤᠯᠭᠤᠪᠠᠢ᠃ ᠡᠡᠷᠮᠸᠨᠢᠶᠡ᠂ ᠭ᠍ᠷᠦᠼᠢᠨ ᠦ᠌ ᠸᠠᠩ ᠨᠠᠷ ᠪᠠᠰᠠ ᠲᠤᠰᠬᠠᠢ ᠡᠯᠴᠢᠨ ᠲᠣᠮᠢᠯᠠᠨ ᠭᠦᠶᠦᠭ ᠬᠠᠭᠠᠨᠠ ᠦᠨᠡᠲᠦ ᠪᠡᠯᠡᠭ ᠪᠠᠷᠢᠪᠠᠢ᠃
