ᠠᠢ ᠵᠢᠶᠦ᠋ᠨ ᠪᠠᠭᠰᠢ ᠮᠢᠨᠢ -ᠪᠠᠶᠠᠨ᠌ᠠᠠᠭᠤᠯᠠ Ай жион багш минь-Баян-уул
6654ᠠᠢ ᠵᠢᠶᠦ᠋ᠨ ᠪᠠᠭᠰᠢ ᠮᠢᠨᠢ
ᠵᠣᠬᠢᠶᠠᠭᠴᠢ᠄ ᠪᠠᠶᠠᠨ᠌ᠠᠠᠭᠤᠯᠠ
ᠤᠶᠠᠩᠭᠠᠯᠠᠭᠴᠢ᠄ ᠬᠠᠢᠷᠠ
ᠠᠷᠠᠳ ᠣᠯᠠᠨ ᠳ᠋ᠤ᠌ ᠪᠠᠨ ᠬᠦᠨᠳᠦᠳᠬᠡᠯᠲᠡᠢ
ᠠᠢ ᠵᠢᠶᠦ᠋ᠨ ᠪᠠᠭᠰᠢ ᠪᠠᠨ ᠰᠢᠯᠦᠭᠯᠡᠶᠡ᠂
ᠠᠷᠤ ᠥᠪᠥᠷ ᠲᠦ᠍ ᠪᠡᠨ ᠨᠡᠷᠡᠲᠡᠢ
ᠠᠴᠢᠲᠤ ᠪᠠᠭᠰᠢ ᠪᠠᠨ ᠳᠠᠭᠤᠯᠠᠶᠠ᠃
ᠬᠥᠯ ᠳ᠋ᠦ᠍ ᠣᠷᠣᠭᠰᠠᠨ ᠨᠤᠲᠤᠭ
ᠬᠥᠯᠥᠨ ᠪᠤᠢᠷ ᠢ᠋ ᠨᠢ ᠳᠤᠷᠠᠳᠤᠶᠠ᠂
ᠬᠥᠮᠦᠵᠢᠯ ᠪᠣᠯᠪᠠᠰᠤᠷᠠᠯ ᠳ᠋ᠤ᠌ ᠴᠠᠭᠠᠷᠠᠭᠰᠠᠨ
ᠬᠥᠮᠦᠨ ᠦ᠌ ᠰᠣᠳᠣᠨ ᠭᠡᠵᠦ ᠳᠠᠭᠤᠷᠢᠰᠤᠭᠤᠯᠤᠶᠠ᠃
ᠠᠭᠤᠤ ᠦᠢᠯᠡᠰ ᠦ᠋ᠨ ᠬᠢᠨᠢ ᠠᠴᠢ ᠶ᠋ᠢ
ᠠᠨᠠᠪᠠᠳ ᠳᠠᠯᠠᠢ ᠪᠠᠷ ᠵᠦᠢᠷᠯᠡᠶᠡ᠂
ᠠᠤᠭᠠ ᠵᠦᠢᠯᠡᠰ ᠦ᠋ᠨ ᠬᠢᠨᠢ ᠲᠤᠰᠠ ᠶ᠋ᠢ
ᠠᠯᠫᠠᠰ ᠠᠭᠤᠯᠠ ᠲᠠᠢ ᠠᠳᠠᠯᠢᠳᠬᠠᠶᠠ᠃
ᠪᠣᠰᠤᠭᠠ ᠮᠣᠩᠭᠣᠯ ᠪᠢᠴᠢᠭ ᠲᠦ᠍
ᠪᠣᠭᠳᠠ ᠶ᠋ᠢᠨ ᠰᠦᠨᠡᠰᠦ ᠣᠷᠣᠰᠢᠳᠠᠭ ᠭᠡᠵᠦ
ᠪᠤᠶᠠᠨᠲᠤ ᠮᠣᠩᠭᠣᠯ ᠰᠣᠶᠣᠯ ᠳ᠋ᠤ᠌
ᠪᠤᠭᠤᠷᠤᠯ ᠲᠡᠦᠬᠡ ᠨᠢᠭᠤᠭᠳᠠᠳᠠᠭ ᠭᠡᠵᠦ
ᠠᠮᠢᠨ ᠬᠠᠢᠷᠠᠲᠠᠢ ᠬᠡᠯᠡ ᠪᠡᠨ
ᠠᠷᠠᠳ ᠮᠠᠯᠴᠢᠳ ᠲᠠᠢ ᠪᠠᠨ ᠬᠥᠭᠵᠢᠭᠦᠯᠬᠦ ᠭᠡᠵᠦ᠂
ᠠᠷᠪᠠᠨ ᠨᠠᠢ᠍ᠮᠠᠨ ᠬᠣᠯᠪᠣᠭᠠ ᠶ᠋ᠢ
ᠠᠷᠤ ᠠᠷᠤ ᠠ᠋ᠴᠠ ᠨᠢ ᠪᠠᠢᠭᠤᠯᠵᠠᠢ᠃
ᠬᠠᠢᠯᠵᠤ ᠪᠣᠯᠬᠤ ᠦᠭᠡᠢ ᠰᠣᠶᠣᠯ ᠭᠡᠵᠦ
ᠬᠠᠮᠤᠭ ᠮᠣᠩᠭᠣᠯ ᠲᠠᠢ ᠪᠠᠨ ᠬᠠᠮᠵᠢᠯᠴᠠᠬᠤ ᠭᠡᠵᠦ᠂
ᠬᠣᠷᠢᠨ ᠭᠤᠷᠪᠠᠨ ᠬᠤᠷᠠᠬᠤ ᠶ᠋ᠢ
ᠬᠣᠢᠨᠠ ᠬᠣᠢᠨᠠ ᠠ᠋ᠴᠠ ᠨᠢ ᠠᠮᠢᠯᠠᠭᠤᠯᠵᠠᠢ᠃
ᠭᠤᠷᠪᠠᠨ ᠵᠢᠯ ᠦ᠋ᠨ ᠬᠤᠭᠤᠴᠠᠭᠠᠨ ᠳ᠋ᠤ᠌
ᠭᠤᠢᠪᠢᠵᠤ ᠵᠤᠲᠠᠷᠠᠰᠢ ᠦᠭᠡᠢ ᠵᠢᠳᠬᠦᠭᠰᠡᠨ᠂
ᠭᠠᠳᠠᠭᠠᠳᠤ ᠳᠣᠲᠣᠭᠠᠳᠤ ᠮᠣᠩᠭᠣᠯ ᠢ᠋
ᠭᠡᠭᠡᠭᠳᠡᠭᠦᠯᠦᠯ ᠦᠭᠡᠢ ᠳᠠᠢᠴᠢᠯᠠᠭᠰᠠᠨ᠃
ᠡᠷᠳᠡᠮᠲᠦ ᠪᠠᠭᠰᠢ ᠶ᠋ᠢᠨ ᠢ᠋ᠶ᠋ᠡᠨ ᠪᠣᠳᠣᠯ ᠢ᠋
ᠡᠷᠬᠢᠮᠯᠡᠵᠦ ᠶᠠᠪᠤᠭᠠᠷᠠᠢ ᠬᠥᠮᠦᠰ ᠠ᠋!
ᠡᠭᠡᠳᠡᠷᠡᠭᠡᠨᠲᠦ ᠬᠣᠷᠸᠠ ᠶ᠋ᠢᠨ ᠵᠠᠢ ᠳ᠋ᠤ᠌
ᠡᠷᠴᠢ ᠵᠣᠷᠢᠭ ᠢ᠋ᠶ᠋ᠠᠨ ᠬᠥᠪᠴᠢᠯᠡᠭᠡᠷᠡᠢ!
ᠮᠠᠷᠲᠠᠵᠤ ᠪᠣᠯᠣᠰᠢ ᠦᠭᠡᠢ ᠬᠡᠯᠡ ᠭᠡᠵᠦ
ᠮᠣᠩᠭᠣᠯ ᠲᠦᠮᠡᠨ ᠳ᠋ᠦ᠍ ᠪᠡᠨ ᠰᠠᠨᠠᠭᠤᠯᠳᠠᠭ᠂
ᠮᠠᠷᠭᠠᠰᠢ ᠶ᠋ᠢᠨ ᠲᠥᠯᠥᠭᠡ ᠴᠢᠷᠮᠠᠢ ᠭᠡᠵᠦ
ᠮᠠᠨᠳᠤᠬᠤ ᠨᠠᠷᠠᠨ ᠲᠠᠢ ᠣᠷᠣᠯᠳᠣᠳᠠᠭ᠃
ᠳᠡᠯᠭᠡᠷ ᠮᠣᠩᠭᠣᠯ ᠰᠣᠶᠣᠯ ᠢ᠋ᠶ᠋ᠠᠨ
ᠳᠡᠯᠡᠬᠡᠢ ᠳ᠋ᠦ᠍ ᠰᠠᠴᠤᠬᠤ ᠶ᠋ᠢ ᠵᠣᠷᠢᠭᠰᠠᠨ᠂
ᠳᠡᠭᠡᠳᠦᠰ ᠡᠴᠡ ᠤᠯᠠᠮᠵᠢᠯᠠᠭᠰᠠᠨ ᠪᠢᠴᠢᠭ ᠢ᠋ᠶ᠋ᠡᠨ
ᠳᠡᠯᠭᠡᠵᠦ ᠬᠥᠭᠵᠢᠭᠦᠯᠬᠦ ᠶ᠋ᠢ ᠰᠠᠨᠠᠭᠰᠠᠨ᠃
ᠨᠢᠭᠤᠴᠠ ᠲᠣᠪᠴᠢᠶᠠ ᠲᠠᠢ ᠮᠣᠩᠭᠣᠯ ᠢ᠋ᠶ᠋ᠠᠨ
ᠨᠢᠷᠤᠭᠤᠨ ᠳ᠋ᠤ᠌ ᠪᠠᠨ ᠡᠭᠦᠷᠴᠦ ᠮᠡᠷᠡᠢᠭᠰᠡᠨ᠂
ᠨᠢᠳᠤᠷᠭᠠᠨ ᠳ᠋ᠤ᠌ ᠪᠠᠨ ᠵᠠᠩᠭᠢᠳᠴᠤ ᠤᠷᠢᠶᠠᠯᠠᠭᠰᠠᠨ
ᠨᠤᠭᠤᠷᠠᠰᠢ ᠦᠭᠡᠢ ᠨᠢᠭᠡᠨ ᠵᠢᠳᠬᠦᠯᠲᠡᠨ᠃
ᠰᠤᠳᠤᠷ ᠢ᠋ᠶ᠋ᠠᠨ ᠪᠤᠤ ᠯᠠ ᠮᠠᠷᠲᠠᠶᠠ ᠭᠡᠵᠦ
ᠰᠤᠷᠲᠠᠯᠴᠢᠯᠠᠵᠤ ᠵᠠᠮᠴᠢᠯᠠᠭᠰᠠᠨ ᠲᠤᠭᠴᠢ ᠶᠤᠮ᠂
ᠰᠣᠶᠣᠯ ᠢ᠋ᠶ᠋ᠠᠨ ᠪᠦᠦ ᠯᠡ ᠤᠷᠭᠢᠶᠠ ᠭᠡᠵᠦ
ᠰᠠᠨᠠᠭᠠᠴᠢᠯᠠᠨ ᠵᠢᠳᠬᠦᠭᠰᠡᠨ ᠪᠠᠭᠰᠢᠲᠠᠨ ᠶᠤᠮ᠃
ᠰᠡᠯᠡᠮᠡ ᠳᠠᠯᠠᠢᠭᠰᠠᠨ ᠪᠠᠭᠠᠲᠤᠷ ᠪᠢᠰᠢ ᠴᠦ᠍
ᠦᠵᠦᠭ ᠬᠤᠷᠴᠠᠯᠠᠭᠰᠠᠨ ᠡᠷᠡᠯᠬᠡᠭ ᠶᠤᠮ᠂
ᠰᠡᠳᠬᠢᠯ ᠳ᠋ᠦ᠍ ᠪᠡᠨ ᠲᠠᠮᠢᠷ ᠲᠠᠢ ᠢᠳᠡᠲᠡᠨ ᠶᠤᠮ
ᠦᠰᠦᠭ ᠪᠢᠴᠢᠭ ᠦ᠋ᠨ ᠢ᠋ᠶ᠋ᠡᠨ ᠥᠪᠯᠡᠭᠴᠢ ᠶᠤᠮ ᠠ᠋!
ᠡᠷᠬᠢᠮ ᠦ᠋ᠨ ᠡᠷᠬᠢᠮ ᠪᠠᠭᠰᠢ ᠪᠠᠨ
ᠡᠨᠳᠡ ᠬᠦᠷᠲᠡᠯᠡ ᠪᠢᠴᠢᠶᠡ!
ᠡᠷᠢᠶᠡᠨ ᠬᠣᠷᠸᠠ ᠶ᠋ᠢᠨ ᠵᠠᠢ ᠳ᠋ᠤ᠌
ᠡᠬᠡ ᠬᠡᠯᠡ ᠲᠡᠢ ᠪᠡᠨ ᠦᠯᠡᠳᠡᠶᠡ!
ᠦᠰᠦᠭ ᠠᠮᠢᠯᠠᠭᠤᠯᠤᠭᠴᠢ᠄ ᠪᠠᠶᠠᠨ᠌ᠠᠭᠤᠯᠠ
ᠦᠰᠦᠭ ᠬᠠᠲᠠᠭᠴᠢ᠄ ᠬᠣᠨᠢᠴᠢᠨ ᠪᠦᠰᠡᠭᠦᠢ
ᠵᠢᠷᠤᠭ ᠤᠷᠠᠯᠠᠭᠴᠢ᠄ ᠬᠣᠨᠢᠴᠢᠨ ᠪᠦᠰᠡᠭᠦᠢ
ᠬᠢᠨᠠᠭᠴᠢ᠄ ᠣᠳᠬᠠᠨᠰᠣᠠ