ᠬᠡᠦᠬᠡᠳ ᠢ᠋ᠶ᠋ᠡᠷ ᠢ᠋ᠶ᠋ᠡᠨ ᠪᠠᠢᠬᠤ ᠰᠠᠢᠬᠠᠨ-ᠬᠡᠷᠡᠢᠳ ᠮᠥᠩᠬᠡᠨᠠᠰᠤᠨХүүхдээрээ байх сайхан-Хэрэйд Мөнхнасан
793ᠬᠡᠦᠬᠡᠳ ᠢ᠋ᠶ᠋ᠡᠷ ᠢ᠋ᠶ᠋ᠡᠨ ᠪᠠᠢᠬᠤ ᠰᠠᠢᠬᠠᠨ
—ᠠᠯᠲᠠ ᠪᠠᠷ ᠰᠣᠯᠢᠬᠤ ᠦᠭᠡᠢ ᠬᠠᠷᠠᠬᠠᠨ ᠪᠠᠭᠠ ᠨᠠᠰᠤ
ᠠᠯᠳᠠᠵᠤ ᠪᠣᠯᠬᠤ ᠦᠭᠡᠢ ᠬᠠᠢᠷᠠᠨ ᠪᠠᠯᠴᠢᠷ ᠴᠠᠭ
ᠵᠣᠬᠢᠶᠠᠭᠴᠢ᠄ ᠬᠡᠷᠡᠢᠳ ᠮᠥᠩᠬᠡᠨᠠᠰᠤᠨ
ᠤᠶᠠᠩᠭᠠᠯᠠᠭᠴᠢ᠄ ᠠᠰᠠᠨᠠ᠂ ᠠᠯᠢᠶᠠ
ᠬᠤᠷᠠᠭᠠ ᠲᠤᠭᠤᠯ ᠲᠠᠢ ᠪᠠᠨ ᠨᠣᠴᠣᠯᠳᠤᠨ
ᠬᠤᠷᠤᠳ ᠪᠢᠰᠢᠯᠠᠭ ᠬᠤᠪᠢᠶᠠᠯᠴᠠᠨ
ᠬᠣᠨᠢᠨ ᠤ᠋ ᠪᠠᠨ ᠪᠡᠯᠴᠢᠭᠡᠷ ᠲᠦ᠍ ᠳᠡᠷᠪᠡᠵᠦ
ᠬᠣᠩᠭᠣᠷ ᠡᠵᠢ ᠳ᠋ᠦ᠍ ᠪᠡᠨ ᠡᠷᠬᠡᠯᠡᠨ
ᠬᠡᠦᠬᠡᠳ ᠢ᠋ᠶ᠋ᠡᠷ ᠢ᠋ᠶ᠋ᠡᠨ ᠪᠠᠢᠬᠤ ᠰᠠᠢᠬᠠᠨ
ᠬᠣᠭᠣᠷᠮᠠᠭ᠂ ᠲᠣᠰᠣ᠂ ᠥᠷᠥᠮᠡ᠂ᠴᠥᠷᠮᠡ
ᠭᠣᠭᠣᠳ᠂ ᠳᠠᠭᠠᠨᠠ᠂ ᠲᠡᠮᠡᠭᠡᠨ ᠬᠥᠬᠥ
ᠠᠪᠤ ᠶ᠋ᠢᠨ ᠶᠠᠷᠢᠳᠠᠭ 《ᠪᠠᠯᠭᠠᠨᠰᠠᠩ》
ᠠᠬᠠ ᠪᠠᠨ ᠠᠶᠤᠯᠭᠠᠳᠠᠭ ᠵᠣᠷᠢᠭᠠᠷ ᠵᠠᠩ
ᠠᠷᠤ ᠠ᠋ᠴᠠ ᠴᠤᠪᠤᠷᠠᠬᠤ ᠳᠡᠭᠦᠦ ᠨᠠᠷ ᠤ᠋ᠨ ᠪᠠᠷᠠ
ᠠᠶᠤᠬᠤ ᠮᠠᠲᠠᠯ ᠦᠭᠡᠢ ᠬᠥᠭᠡᠷᠦᠦ ᠪᠣᠳᠣᠯ
ᠬᠡᠦᠬᠡᠳ ᠢ᠋ᠶ᠋ᠡᠷ ᠢ᠋ᠶ᠋ᠡᠨ ᠪᠠᠢᠬᠤ ᠰᠠᠢᠬᠠᠨ
ᠥᠩᠭᠡ ᠲᠡᠢ ᠪᠦᠬᠦᠨ ᠢ᠋ ᠡᠮᠦᠰᠴᠦ
ᠲᠣᠯᠢ ᠦᠭᠡᠢ ᠴᠦ᠍ ᠭᠡᠰᠡᠨ
ᠰᠡᠭᠦᠳᠡᠷ ᠢ᠋ᠶ᠋ᠡᠨ ᠬᠠᠷᠠᠨ ᠪᠠᠶᠠᠰᠬᠤ
ᠥᠭᠡᠳᠡᠷᠡᠭ ᠠᠮᠢᠳᠤᠷᠠᠯ ᠳ᠋ᠤ᠌ ᠪᠠᠨ ᠴᠠᠳᠴᠤ
ᠲᠣᠭᠠ ᠮᠡᠳᠡᠬᠦ ᠦᠭᠡᠢ ᠴᠦ᠍ ᠭᠡᠰᠡᠨ
ᠲᠤᠭᠤᠯ ᠢ᠋ᠶ᠋ᠠᠨ ᠵᠢᠰᠦ ᠪᠡᠷ ᠨᠢ ᠲᠠᠨᠢᠴᠢᠬᠠᠳᠠᠭ
ᠬᠡᠦᠬᠡᠳ ᠢ᠋ᠶ᠋ᠡᠷ ᠢ᠋ᠶ᠋ᠡᠨ ᠪᠠᠢᠬᠤ ᠰᠠᠢᠬᠠᠨ
ᠰᠢᠨᠡᠯᠡᠶᠡ ᠭᠡᠳ ᠴᠠᠭᠠᠨ ᠰᠠᠷᠠ ᠪᠠᠨ ᠬᠦᠯᠢᠶᠡᠴᠢᠬᠡᠭᠰᠡᠨ
ᠰᠢᠬᠢᠷ ᠲᠦ ᠭᠣᠷᠢᠯᠠᠨ ᠠᠪᠤ ᠶ᠋ᠢᠨ ᠢ᠋ᠶ᠋ᠡᠨ ᠪᠠᠷᠠ ᠶ᠋ᠢ ᠬᠠᠷᠠᠴᠢᠬᠠᠭᠰᠠᠨ
ᠨᠠᠭᠠᠳᠤᠮ ᠳ᠋ᠤ᠌ ᠰᠢᠨᠤᠨ ᠨᠠᠷᠠᠨ ᠰᠢᠷᠭᠠᠯ ᠢ᠋ᠶ᠋ᠠᠷ ᠪᠣᠷᠣᠯᠠᠴᠢᠬᠠᠭᠰᠠᠨ
ᠨᠠᠷᠭᠢᠯ ᠬᠥᠭᠡᠷᠦᠦ ᠣᠢ ᠲᠣᠢᠨ ᠦᠭᠡᠢ ᠳᠡᠮᠡᠢᠷᠡᠴᠢᠬᠡᠭᠰᠡᠨ
ᠦᠨᠡᠨ ᠬᠤᠳᠠᠯ ᠢ᠋ ᠮᠡᠳᠡᠬᠦ ᠴᠦ᠍ ᠦᠭᠡᠢ
ᠤᠢᠳᠬᠠᠷ ᠭᠤᠨᠢᠭ ᠢ᠋ ᠤᠬᠠᠬᠤ ᠴᠤ᠌ ᠦᠭᠡᠢ
ᠮᠣᠷᠢ ᠭᠡᠪᠡᠯ ᠪᠤᠷᠭᠠᠰᠤ ᠵᠠᠢᠳᠠᠯᠠᠴᠢᠬᠠᠭᠰᠠᠨ
ᠮᠣᠲ᠋ᠣᠷ ᠭᠡᠪᠡᠯ ᠠᠮᠠ ᠪᠠᠷ ᠢ᠋ᠶ᠋ᠠᠨ ᠫᠠᠷᠴᠢᠭᠢᠨᠠᠴᠢᠬᠠᠭᠰᠠᠨ
ᠬᠡᠦᠬᠡᠳ ᠢ᠋ᠶ᠋ᠡᠷ ᠢ᠋ᠶ᠋ᠡᠨ ᠪᠠᠢᠬᠤ ᠳᠠᠩᠴᠤ ᠰᠠᠢᠬᠠᠨ ᠁
ᠦᠰᠦᠭ ᠠᠮᠢᠯᠠᠭᠤᠯᠤᠭᠴᠢ᠄ᠬᠡᠷᠡᠢᠳ· ᠮᠥᠩᠬᠡᠨᠠᠰᠤᠨ
ᠦᠰᠦᠭ ᠬᠠᠲᠠᠭᠴᠢ᠄ ᠥᠯᠵᠡᠢᠪᠠᠭᠠᠲᠤᠷ
ᠬᠢᠨᠠᠭᠴᠢ᠄ ᠣᠳᠬᠠᠨᠰᠣᠠ