ᠲᠩᠷᠢᠯᠢᠭ ᠵᠠᠶᠠᠭᠠᠨ ᠤ ᠬᠤᠷᠤᠢ -ᠮᠠᠨᠳᠤᠬᠤ ᠪᠠᠭᠰᠢ ᠶ᠋ᠢᠨ ᠤᠷᠠᠨ ᠪᠢᠴᠢᠯᠭᠡ
436ᠲᠩᠷᠢᠯᠢᠭ ᠵᠠᠶᠠᠭᠠᠨ ᠤ ᠬᠤᠷᠤᠢ
ᠨᠠᠷᠠᠨ ᠡᠷᠭᠢᠬᠦ ᠪᠤᠶᠠᠨᠲᠤ ᠲᠠᠯᠠ ᠶ᠋ᠢᠨ ᠢ᠋ᠶ᠋ᠡᠨ ᠠᠭᠤᠳᠠᠮ ᠠ᠋ᠴᠠ ᠳᠠᠭᠤᠳᠠᠩᠬᠠᠨ ᠬᠤᠷᠤᠢᠯᠠᠶᠠ ᠂
ᠰᠠᠷᠠᠨ ᠮᠠᠨᠳᠤᠬᠤ ᠪᠤᠭᠤᠷᠤᠯ ᠠᠭᠤᠯᠠᠰ ᠤ᠋ᠨ ᠢ᠋ᠶ᠋ᠠᠨ ᠥᠨᠳᠥᠷ ᠡᠴᠡ ᠲᠠᠯᠠᠯᠠᠩᠬᠠᠨ ᠬᠤᠷᠤᠢᠯᠠᠶᠠ᠃
ᠲᠩᠷᠢ ᠨᠢ ᠠᠮᠠᠷᠠᠬᠤ ᠴᠡᠩᠬᠡᠷ ᠨᠠᠭᠤᠷ ᠤ᠋ᠨ ᠢ᠋ᠶ᠋ᠠᠨ ᠭᠦᠨ ᠡᠴᠡ ᠬᠦᠰᠡᠩᠭᠡᠨ ᠬᠤᠷᠤᠢᠯᠠᠶᠠ ᠂
ᠭᠠᠵᠠᠷ ᠵᠢᠷᠭᠠᠬᠤ ᠬᠣᠩᠭᠣᠷᠬᠠᠨ ᠴᠡᠴᠡᠭᠡᠰ ᠦ᠋ᠨ ᠳᠡᠯᠪᠢ ᠡᠴᠡ ᠰᠢᠪᠰᠢᠩᠬᠡᠨ ᠬᠤᠷᠤᠢᠯᠠᠶᠠ᠃
ᠬᠤᠷᠤᠢ ᠬᠤᠷᠤᠢ
ᠬᠥᠬᠡ ᠲᠩᠷᠢ ᠶ᠋ᠢᠨ ᠵᠠᠶᠠᠭᠠᠨ ᠤ᠋ ᠬᠡᠢᠮᠣᠷᠢ ᠰᠦᠯᠳᠡ ᠪᠠᠳᠠᠷᠠᠲᠤᠭᠠᠢ᠂
ᠬᠦᠯᠦᠭ ᠨᠢ ᠬᠤᠷᠳᠤᠨ ᠮᠢᠨᠦ ᠥᠪᠥᠷ ᠮᠣᠩᠭᠣᠯ ᠬᠡᠰᠢᠭ ᠪᠤᠶᠠᠨ ᠳᠡᠯᠭᠡᠷᠡᠲᠦᠭᠡᠢ᠃
ᠠᠯᠳᠠᠯᠠᠨ ᠳᠡᠯᠭᠡᠬᠦ ᠥᠯᠵᠡᠢᠲᠦ ᠬᠠᠳᠠᠭ ᠤ᠋ᠨ ᠢ᠋ᠶ᠋ᠠᠨ ᠠᠮᠠ ᠪᠠᠷ ᠢᠷᠦᠭᠡᠩᠬᠡᠨ ᠬᠤᠷᠤᠢᠯᠠᠶᠠ᠂
ᠠᠶᠠᠭᠠᠯᠠᠨ ᠳᠡᠭᠡᠵᠢᠯᠡᠬᠦ ᠠᠷᠢᠭᠤᠨ ᠰᠦᠨ ᠦ᠌ ᠪᠡᠨ ᠰᠠᠴᠤᠯᠢ ᠪᠠᠷ ᠮᠢᠯᠢᠶᠠᠩᠬᠠᠨ ᠬᠤᠷᠤᠢᠯᠠᠶᠠ᠃
ᠡᠰᠡᠨᠢᠨ ᠳᠦᠷᠡᠯᠵᠡᠬᠦ ᠠᠯᠲᠠᠨ ᠲᠤᠯᠭᠠᠨ ᠤ᠋ ᠪᠠᠨ ᠭᠠᠯ ᠢ᠋ᠶ᠋ᠠᠷ ᠰᠦᠵᠦᠭᠯᠡᠩᠬᠡᠨ ᠬᠤᠷᠤᠢᠯᠠᠶᠠ᠂
ᠠᠶᠠᠯᠠᠨ ᠳᠠᠭᠤᠯᠠᠬᠤ ᠢᠷᠠᠭᠤᠬᠠᠨ ᠳᠠᠭᠤᠨ ᠤ᠋ ᠪᠠᠨ ᠡᠬᠡᠰᠢᠭ ᠢ᠋ᠶ᠋ᠡᠷ ᠳᠠᠭᠤᠯᠠᠩᠬᠠᠨ ᠬᠤᠷᠤᠢᠯᠠᠶᠠ᠃
ᠬᠤᠷᠤᠢ ᠬᠤᠷᠤᠢ
ᠬᠥᠬᠡ ᠲᠩᠷᠢ ᠶ᠋ᠢᠨ ᠵᠠᠶᠠᠭᠠᠨ ᠤ᠋ ᠠᠰᠢᠳᠠ ᠢᠷᠦᠭᠡᠯ ᠣᠷᠣᠰᠢᠲᠤᠭᠠᠢ᠂
ᠬᠦᠰᠡᠯ ᠦ᠋ᠨ ᠰᠠᠢᠬᠠᠨ ᠮᠢᠨᠦ ᠠᠷᠠᠳ ᠲᠦᠮᠡᠨ ᠠᠮᠤᠷ ᠮᠡᠨᠳᠦ ᠵᠢᠷᠭᠠᠲᠤᠭᠠᠢ᠂
ᠬᠤᠷᠤᠢ ᠬᠤᠷᠤᠢ
ᠬᠥᠬᠡ ᠲᠩᠷᠢ ᠶ᠋ᠢᠨ ᠵᠠᠶᠠᠭᠠᠨ ᠤ᠋ ᠠᠰᠢᠳᠠ ᠢᠷᠦᠭᠡᠯ ᠣᠷᠣᠰᠢᠲᠤᠭᠠᠢ᠂
ᠬᠦᠰᠡᠯ ᠦ᠋ᠨ ᠰᠠᠢᠬᠠᠨ ᠮᠢᠨᠦ ᠠᠷᠠᠳ ᠲᠦᠮᠡᠨ ᠠᠮᠤᠷ ᠮᠡᠨᠳᠦ ᠵᠢᠷᠭᠠᠲᠤᠭᠠᠢ᠂
ᠠᠮᠤᠷ ᠮᠡᠨᠳᠦ ᠵᠢᠷᠭᠠᠲᠤᠭᠠᠢ᠃
ᠦᠰᠦᠭ ᠠᠮᠢᠯᠠᠭᠤᠯᠤᠭᠴᠢ᠄ ᠨᠠᠷᠠᠨᠲᠣᠭᠣᠰ
ᠬᠢᠨᠠᠭᠴᠢ᠄ ᠤᠤᠭᠠᠨᠵᠢᠳ