ᠪᠢ ᠪᠠᠭᠰᠢ ᠬᠥᠮᠦᠨ-ᠬᠡᠷᠡᠢᠳ ᠮᠥᠩᠬᠡᠨᠠᠰᠤᠨБи багш хүн-Хэрэйд Мөнхнасан
882ᠪᠢ ᠪᠠᠭᠰᠢ ᠬᠥᠮᠦᠨ
ᠵᠣᠬᠢᠶᠠᠭᠴᠢ᠄ ᠬᠡᠷᠡᠢᠳ ᠮᠥᠩᠬᠡᠨᠠᠰᠤᠨ
ᠤᠶᠠᠩᠭᠠᠯᠠᠭᠴᠢ᠄ ᠰᠣᠯᠣᠩᠭᠠ
ᠠᠪᠤ ᠶ᠋ᠢᠨ ᠢ᠋ᠶ᠋ᠡᠨ ᠠᠭᠤᠳᠠᠮ ᠬᠠᠢᠷᠠ ᠶ᠋ᠢ ᠵᠠᠯᠭᠠᠮᠵᠢᠯᠠᠭᠰᠠᠨ
ᠪᠢ᠂ ᠪᠠᠭᠰᠢ ᠬᠥᠮᠦᠨ
ᠡᠵᠢ ᠶ᠋ᠢᠨ ᠢ᠋ᠶ᠋ᠡᠨ ᠡᠨᠡᠷᠢᠯ ᠠᠭᠤᠴᠢ ᠶ᠋ᠢ ᠤᠯᠠᠮᠵᠢᠯᠠᠭᠰᠠᠨ
ᠪᠢ᠂ ᠪᠠᠭᠰᠢ ᠬᠥᠮᠦᠨ
ᠨᠤᠲᠤᠭ ᠤ᠋ᠨ ᠢ᠋ᠶ᠋ᠠᠨ ᠰᠤᠨᠤᠮᠠ ᠲᠦᠷᠡᠯᠭᠡ ᠶ᠋ᠢ ᠬᠦᠯᠢᠶᠡᠭᠰᠡᠨ
ᠪᠢ ᠂ ᠪᠠᠭᠰᠢ ᠬᠥᠮᠦᠨ
ᠡᠬᠡ ᠰᠣᠶᠣᠯ ᠤ᠋ᠨ ᠢ᠋ᠶ᠋ᠠᠨ ᠲᠥᠯᠥᠭᠡ ᠭᠡᠵᠦ ᠳᠦᠷᠡᠯᠵᠡᠭᠰᠡᠨ
ᠪᠢ᠂ ᠪᠠᠭᠰᠢ ᠬᠥᠮᠦᠨ
ᠬᠠᠷᠮᠠᠨ ᠳ᠋ᠤ᠌ ᠮᠥᠩᠭᠥ ᠦᠭᠡᠢ ᠡᠴᠡ
ᠪᠢ ᠵᠣᠪᠠᠬᠤ ᠦᠭᠡᠢ
ᠬᠠᠷᠠᠭᠠᠨ ᠳ᠋ᠤ᠌ ᠰᠤᠷᠤᠭᠴᠢ ᠮᠢᠨᠢ ᠦᠭᠡᠢ ᠡᠴᠡ
ᠪᠢ ᠠᠶᠤᠨᠠ
ᠬᠠᠯᠠᠭᠤᠨ ᠳ᠋ᠤ᠌ ᠠᠩᠭᠠᠬᠤ ᠠ᠋ᠴᠠ
ᠪᠢ ᠬᠠᠯᠢᠷᠠᠬᠤ ᠦᠭᠡᠢ
ᠬᠠᠵᠠᠭᠤ ᠳ᠋ᠤ᠌ ᠮᠢᠨᠢ ᠰᠤᠷᠤᠭᠴᠢ ᠦᠭᠡᠢ ᠡᠴᠡ
ᠪᠢ ᠰᠦᠷᠳᠡᠨᠡ
ᠪᠢ᠂ ᠪᠠᠭᠰᠢ ᠬᠥᠮᠦᠨ
ᠵᠢᠷᠤᠭ ᠤ᠋ᠨ ᠪᠢᠳᠦᠷᠶᠡᠨ ᠲᠠᠯᠠ ᠳ᠋ᠤ᠌ ᠪᠠᠨ
ᠵᠦᠢᠯ ᠦ᠋ᠨ ᠴᠡᠴᠡᠭ ᠠᠯᠠᠭᠯᠠᠭᠤᠯᠵᠤ
ᠵᠢᠳᠬᠦᠯ ᠦ᠋ᠨ ᠮᠥᠩᠭᠥᠨ ᠥᠨᠳᠥᠷ ᠲᠦ᠍ ᠪᠡᠨ
ᠵᠦᠭ ᠦ᠋ᠨ ᠡᠷᠪᠡᠬᠡᠢ ᠪᠦᠵᠢᠭᠯᠡᠭᠦᠯᠦᠭᠰᠡᠨ
ᠪᠢ᠂ ᠪᠠᠭᠰᠢ ᠬᠥᠮᠦᠨ
ᠭᠣᠶᠣᠯ ᠨᠠᠳᠠ ᠳ᠋ᠤ᠌ ᠬᠡᠷᠡᠭ ᠦᠭᠡᠢ
ᠰᠤᠷᠤᠭᠴᠢ ᠶ᠋ᠢᠨ ᠮᠢᠨᠢ ᠰᠣᠳᠣᠨ ᠢᠷᠡᠭᠡᠳᠦᠢ ᠮᠢᠨᠦ ᠭᠣᠶᠣᠯ
ᠮᠠᠭᠲᠠᠭᠠᠯ ᠨᠠᠳᠠ ᠳ᠋ᠤ᠌ ᠴᠢᠬᠤᠯᠠ ᠦᠭᠡᠢ
ᠰᠤᠷᠤᠭᠴᠢ ᠶ᠋ᠢᠨ ᠮᠢᠨᠢ ᠦᠢᠯᠡᠰ ᠦ᠋ᠨ ᠭᠢᠯᠪᠠᠭᠠ ᠮᠢᠨᠦ ᠱᠠᠩᠨᠠᠯ
ᠪᠢ᠂ ᠪᠠᠭᠰᠢ ᠬᠥᠮᠦᠨ
ᠵᠠᠭᠤᠨ ᠵᠠᠭᠤᠨ ᠬᠦᠰᠡᠯ ᠢ᠋ᠶ᠋ᠡᠨ
ᠵᠣᠷᠢᠭ ᠤ᠋ᠨ ᠪᠠᠢᠭᠠᠯᠢ ᠳ᠋ᠤ᠌ ᠪᠠᠨ ᠤᠷᠭᠤᠭᠤᠯᠵᠤ
ᠵᠦᠩ ᠪᠡᠯᠭᠡ ᠶ᠋ᠢᠨ ᠭᠠᠨᠳᠠᠷᠢᠰᠤᠨ ᠢ᠋ᠶ᠋ᠠᠨ
ᠬᠣᠢᠴᠢ ᠦᠶᠡ ᠳ᠋ᠦ᠍ ᠪᠡᠨ ᠰᠢᠪᠰᠢᠭᠰᠡᠨ
ᠪᠢ᠂ ᠪᠠᠭᠰᠢ ᠬᠥᠮᠦᠨ
ᠵᠣᠬᠢᠶᠠᠭᠴᠢ᠄ ᠬᠡᠷᠡᠢᠳ ᠮᠥᠩᠬᠡᠨᠠᠰᠤᠨ
ᠤᠶᠠᠩᠭᠠᠯᠠᠭᠴᠢ᠄ ᠰᠣᠯᠣᠩᠭᠠ
ᠬᠢᠨᠠᠭᠴᠢ᠄ ᠣᠳᠬᠠᠨᠰᠣᠠ