ᠱᠠᠰᠢᠨ ᠪᠠᠳᠠᠷᠠᠩᠭᠤᠢ ᠬᠡᠮᠡᠬᠦ ᠰᠤᠳᠤᠷ ᠣᠷᠣᠰᠢᠪᠠШашин бадрангуй хэмээх судар оршив
947ᠱᠠᠰᠢᠨ ᠪᠠᠳᠠᠷᠠᠩᠭᠤᠢ ᠬᠡᠮᠡᠬᠦ ᠰᠤᠳᠤᠷ ᠣᠷᠣᠰᠢᠪᠠ
ᠣᠮ ᠠ ᠬᠣᠩ ᠅
ᠠᠮᠢᠲᠠᠨ ᠤ᠋ ᠲᠤᠯᠠ ᠡᠷᠲᠡ ᠪᠢ᠃ᠠᠯᠢ ᠪᠡᠷᠬᠡ ᠵᠦᠢᠯ ᠢ᠋ ᠡᠳ᠋ᠯᠡᠭᠡᠳ᠃
ᠠᠮᠤᠭᠤᠯᠠᠩ ᠶᠤᠭᠠᠨ ᠥᠭᠪᠡᠢ ᠊ᠢᠡ᠃ᠠᠯᠳᠠᠷ ᠱᠠᠰᠢᠨ ᠥᠨᠢ ᠪᠠᠳᠠᠷᠠ ᠅
ᠡᠮᠬᠡᠭᠳᠡᠨ ᠦ᠌ ᠲᠤᠯᠠ ᠡᠷᠲᠡ ᠪᠢ᠃ᠡᠮ ᠪᠠ ᠲᠡᠵᠢᠭᠡᠯ ᠢ᠋ ᠥᠭᠭᠦᠭᠡᠳ᠃
ᠥᠭᠡᠬᠦᠨ ᠢ᠋ ᠢᠪᠡᠭᠡᠪᠡᠢ ᠊ᠢᠡ᠃ᠥᠨᠢ ᠤᠷᠲᠤ ᠱᠠᠰᠢᠨ ᠪᠠᠳᠠᠷᠠ ᠅
ᠡᠮᠡ ᠪᠠ ᠥᠬᠢᠨ ᠦᠷᠡᠰ ᠬᠥᠪᠡᠭᠦᠨ᠃ᠡᠳ᠋ ᠮᠠᠯ ᠵᠠᠭᠠᠨ ᠲᠡᠷᠭᠡᠨ ᠡᠷᠳᠡᠨᠢ ᠃
ᠡᠷᠬᠢᠮ ᠪᠣᠳᠢ ᠶᠤᠭᠠᠨ ᠥᠭᠪᠡᠢ ᠊ᠢᠡ᠃ᠡᠭᠦᠷᠢᠳᠡ ᠱᠠᠰᠢᠨ ᠪᠠᠳᠠᠷᠠ ᠅
ᠪᠤᠷᠬᠠᠨ ᠪᠠᠷᠳᠢᠩᠭᠠᠪᠣᠳ ᠰᠢᠷᠡᠸᠩ᠃ᠪᠣᠭᠳᠠ ᠡᠴᠢᠭᠡ ᠡᠬᠡ ᠠᠷᠰᠢ ᠨᠠᠷ ᠃
ᠪᠦᠭᠦᠳᠡ ᠶ᠋ᠢ ᠳᠠᠬᠢᠨ ᠠᠪᠠᠢ ᠊ᠢᠡ᠃ᠪᠦᠷᠢᠨ ᠱᠠᠰᠢᠨ ᠥᠨᠢ ᠪᠠᠳᠠᠷᠠ᠅
ᠣᠯᠠᠨ ᠮᠢᠩᠭᠠᠨ ᠲᠦᠮᠡᠨ ᠭᠠᠯᠠᠪ ᠲᠤᠷ᠃ᠣᠨᠴᠠ ᠡᠯᠳᠡᠪ ᠵᠣᠪᠠᠯ ᠦᠵᠡᠭᠡᠳ ᠃
ᠣᠨᠣᠯ ᠪᠣᠳᠢ ᠡᠷᠢᠨ ᠠᠪᠠᠢ ᠊ᠢᠡ᠃ᠣᠬᠢ ᠱᠠᠰᠢᠨ ᠥᠨᠢ ᠪᠠᠳᠠᠷᠠ᠅
ᠪᠢ ᠪᠡᠷ ᠲᠥᠷᠥ ᠶᠣᠰᠣ ᠱᠠᠭᠱᠠᠪᠠᠳ᠃ᠪᠡᠷᠬᠡ ᠴᠢᠳᠠᠯ ᠥᠨᠢ ᠰᠢᠲᠦᠭᠡᠳ᠃
ᠪᠠᠰᠠ ᠪᠣᠷᠠᠬᠤᠨ ᠳᠠᠬᠢᠨ ᠠᠪᠠᠢ ᠊ᠢᠡ᠃ᠪᠠᠲᠤ ᠱᠠᠰᠢᠨ ᠥᠨᠢ ᠪᠠᠳᠠᠷᠠ᠅
ᠴᠢᠳᠠᠯ ᠬᠢᠴᠢᠶᠡᠯ ᠢ᠋ᠶ᠋ᠡᠷ ᠪᠠᠲᠤᠳᠠᠨ᠃ᠴᠢᠨᠠᠳᠤᠰ ᠢ᠋ ᠮᠠᠭᠠᠳ ᠳᠠᠷᠤᠵᠤ᠃
ᠴᠢᠪᠠᠯ ᠠ᠋ᠴᠠ ᠭᠡᠲᠦᠯᠭᠡᠪᠡᠢ ᠊ᠢᠡ᠃ᠴᠢᠩᠳᠠ ᠱᠠᠰᠢᠨ ᠥᠨᠢ ᠪᠠᠳᠠᠷᠠ ᠅
ᠨᠢᠭᠡᠮᠦᠰᠦᠨ ᠲᠡᠰᠬᠦᠢ ᠪᠢᠰᠢᠯᠭᠠᠯ᠃ᠨᠢᠰᠸᠠᠨᠢᠰᠳᠦ ᠴᠥᠪ ᠦ᠋ᠨ ᠲᠡᠳᠡᠨ ᠦ᠌᠃
ᠨᠢᠭᠦᠯ ᠬᠣᠣᠷ ᠢ᠋ ᠬᠦᠯᠢᠴᠡᠪᠡᠢ ᠊ᠢᠡ᠃ᠨᠢᠭᠲᠠ ᠱᠠᠰᠢᠨ ᠥᠨᠢ ᠪᠠᠳᠠᠷᠠ ᠅
ᠰᠠᠨᠠᠯ ᠴᠢᠳᠠᠯ ᠳᠦᠷᠰᠦᠨ ᠥᠭᠡᠬᠦ᠃ᠰᠠᠮᠠᠳᠢ ᠶ᠋ᠢ ᠭᠠᠩᠭᠠ ᠶ᠋ᠢᠨ ᠲᠣᠭᠠᠲᠠᠨ᠃
ᠰᠠᠢᠲᠤᠷ ᠪᠢᠰᠢᠯᠭᠠᠭᠰᠠᠨ ᠠᠮᠤᠢ ᠊ᠢᠡ᠃ᠱᠠᠰᠢᠨ ᠥᠨᠢ ᠤᠷᠲᠤ ᠪᠠᠳᠠᠷᠠ ᠅
ᠪᠡᠯᠭᠡ ᠪᠢᠯᠢᠭ ᠣᠯᠬᠤ ᠶ᠋ᠢᠨ ᠲᠤᠯᠠ ᠪᠢ᠃ᠪᠡᠷᠬᠡ ᠠᠭᠯᠠᠭ ᠣᠢ ᠳ᠋ᠤᠷ ᠣᠷᠣᠰᠢᠨ ᠃
ᠪᠢᠴᠢᠭ ᠱᠠᠰᠲᠢᠷ ᠦᠵᠡᠨ ᠠᠪᠠᠢ ᠊ᠢᠡ᠃ᠪᠢᠯᠢᠭ ᠱᠠᠰᠢᠨ ᠥᠨᠢ ᠪᠠᠳᠠᠷᠠ ᠅
ᠡᠨᠡᠷᠢᠵᠦ ᠮᠢᠬᠠ ᠴᠢᠰᠤᠨ ᠪᠠ᠃ᠡᠯᠳᠡᠪ ᠲᠡᠵᠢᠭᠡᠯ ᠢ᠋ ᠥᠭᠭᠦᠭᠡᠳ᠃
ᠦᠶᠡ ᠮᠥᠴᠡᠰ ᠢ᠋ᠶ᠋ᠡᠨ ᠥᠭᠪᠡᠢ ᠊ᠢᠡ᠃ᠦᠨᠡᠨ ᠨᠣᠮ ᠤ᠋ᠨ ᠶᠣᠰᠣᠨ ᠠᠷᠪᠢᠵᠢᠨ ᠅
ᠠᠮᠢᠲᠠᠨ ᠤ᠋ ᠨᠢᠭᠦᠯᠲᠦ ᠶ᠋ᠢ ᠪᠢ᠃ᠠᠰᠠᠷᠠᠯ ᠳ᠋ᠤᠷ ᠲᠣᠳᠣ ᠰᠤᠷᠭᠠᠭᠠᠳ᠃
ᠠᠩᠭᠢ ᠭᠤᠷᠪᠠᠨ ᠬᠥᠯᠭᠡᠨ ᠥᠭᠪᠡᠢ ᠊ᠢᠡ᠃ᠠᠷᠪᠢᠳᠲᠤᠭᠠᠢ ᠨᠣᠮ ᠤ᠋ᠨ ᠥᠭᠯᠢᠭᠡ ᠅
ᠠᠷᠭᠠ ᠪᠢᠯᠢᠭ ᠢ᠋ᠶ᠋ᠡᠷ ᠡᠷᠲᠡ ᠪᠢ ᠃ᠠᠯᠢ ᠮᠠᠭᠤ ᠦᠵᠡᠯ ᠢ᠋ ᠠᠷᠢᠯᠭᠠᠨ᠃
ᠠᠷᠢᠯᠤᠭᠰᠠᠨ ᠦᠵᠡᠯ ᠥᠭᠪᠡᠢ ᠊ᠢᠡ᠃ᠠᠪᠤᠷᠢᠳᠠ ᠨᠣᠮ ᠤ᠋ᠳ ᠠᠷᠪᠢᠵᠢᠨ ᠅
ᠬᠤᠷᠢᠶᠠᠬᠤ ᠳᠥᠷᠪᠡᠨ ᠪᠣᠳᠠᠰ ᠢ᠋ᠶ᠋ᠠᠷ᠃ᠬᠤᠷᠴᠠ ᠨᠢᠰᠸᠠᠨᠢᠰ ᠢ᠋ ᠰᠥᠨᠥᠭᠡᠨ ᠃
ᠬᠣᠣᠷᠲᠤ ᠭᠡᠮ ᠢ᠋ ᠢᠯᠠᠭᠤᠪᠠᠢ ᠊ᠢᠡ᠃ᠬᠤᠲᠤᠭ ᠨᠤᠭᠤᠳ ᠥᠨᠢ ᠠᠲᠤᠭᠠᠢ ᠅
ᠦᠵᠡᠯ ᠪᠤᠷᠤᠭᠤ ᠲᠡᠷᠰ ᠨᠣᠮᠲᠠᠨ ᠢ᠋᠃ᠦᠵᠡᠯ ᠮᠠᠭᠤ ᠠ᠋ᠴᠠ ᠭᠡᠲᠦᠯᠭᠡᠨ ᠃
ᠦᠨᠡᠨ ᠦᠵᠡᠯ ᠬᠢᠵᠦ ᠥᠭᠪᠡᠢ ᠊ᠢᠡ᠃ᠦᠷᠡ ᠰᠠᠳᠤᠨ ᠨᠤᠲᠠ ᠪᠢᠰᠢᠷᠡ᠃
ᠥᠨᠢ ᠤᠷᠲᠤ ᠱᠠᠰᠢᠨ ᠪᠠᠳᠠᠷᠠ ᠅
ᠨᠣᠮ ᠤ᠋ᠨ ᠬᠠᠭᠠᠨ ᠪᠣᠭᠳᠠ ᠽᠤᠩᠺᠠᠪᠠ ᠶ᠋ᠢᠨ᠃
ᠨᠣᠮ ᠤ᠋ᠨ ᠶᠣᠰᠣᠨ ᠮᠠᠰᠢ ᠠᠷᠪᠢᠳᠤᠨ ᠃
ᠨᠣᠮ ᠤ᠋ᠨ ᠲᠦᠢᠳᠬᠡᠷ ᠢᠷᠸᠠᠰ ᠠᠮᠤᠷᠯᠢᠨ᠃
ᠨᠣᠮ ᠤ᠋ᠨ ᠨᠠᠢᠷᠠᠯ ᠲᠡᠭᠦᠰ ᠪᠣᠯᠲᠤᠭᠠᠢ ᠅
ᠥᠪᠡᠷ ᠪᠤᠰᠤᠳ ᠭᠤᠷᠪᠠᠨ ᠴᠠᠭ ᠤ᠋ᠳ ᠤ᠋ᠨ ᠃
ᠦᠢᠯᠡᠳᠦᠭᠴᠢ ᠬᠣᠶᠠᠷ ᠴᠢᠭᠤᠯᠭᠠᠨ ᠪᠡᠷ᠃
ᠦᠯᠡᠮᠵᠢᠳᠦ ᠪᠣᠭᠳᠠ ᠡᠷᠳᠡᠨᠢ ᠶ᠋ᠢᠨ᠃
ᠦᠨᠡᠨ ᠱᠠᠰᠢᠨ ᠥᠨᠢ ᠪᠠᠳᠠᠷᠠ ᠅
ᠠᠮᠤᠷ ᠲᠤᠰᠠ ᠭᠠᠷᠬᠤᠢ ᠶ᠋ᠢᠨ ᠭᠠᠭᠴᠠ ᠤᠭ᠃
ᠠᠯᠲᠠᠨ ᠱᠠᠰᠢᠨ ᠥᠨᠢ ᠣᠷᠣᠰᠢᠨ ᠃
ᠠᠯᠢ ᠱᠠᠰᠢᠨ ᠬᠢᠭᠴᠢ ᠪᠣᠭᠳᠠᠰ ᠤ᠋ᠨ᠃
ᠠᠮᠢᠨ ᠨᠠᠰᠤᠨ ᠪᠠᠲᠤ ᠪᠣᠯᠲᠤᠭᠠᠢ ᠅ ᠃ ᠅
ᠰᠤᠳᠤᠷ ᠤ᠋ᠨ ᠦᠰᠦᠭ ᠢ᠋ ᠳᠡᠭᠰᠢᠮᠥ᠋ᠩᠬᠡ ᠠᠮᠢᠯᠠᠭᠤᠯᠪᠠ᠃
ᠬᠢᠨᠠᠯᠲᠠ ᠬᠢᠭᠰᠡᠨ ᠨᠢ《ᠬᠡᠢᠮᠣᠷᠢ》 ᠰᠦᠯᠵᠢᠶᠡ ᠶ᠋ᠢᠨ《ᠱᠠᠰᠢᠨ ᠰᠢᠲᠦᠯᠭᠡ》 ᠬᠣᠯᠪᠣᠭᠠ᠃