᠁ ᠪᠠᠢᠳᠠᠭ᠁ - ᠪᠠᠪᠤᠤ ᠶ᠋ᠢᠨ ᡀᠬᠠᠪᠠᠰᠥ᠋ᠷᠦᠩ ᠁ Байдаг ᠁ – Бавуугийн Лхагвасүрэн
357᠁ ᠪᠠᠢᠳᠠᠭ ᠁
— ᠠᠴᠢ ᠬᠦᠦ ᠬᠠᠰᠠᠷ ᠤ᠋ᠨ ᠬᠠᠰᠤᠢ ᠳ᠋ᠤ᠌
ᠨᠠᠷᠠ ᠪᠣᠭᠣᠨᠢ ᠲᠠᠢ
ᠰᠥᠨᠢ ᠤᠷᠲᠤ ᠲᠠᠢ
ᠥᠷᠥᠨᠡ— ᠲᠡᠨᠳᠡ ᠠᠴᠢ ᠮᠢᠨᠢ ᠪᠠᠢᠳᠠᠭ᠃
ᠰᠥᠨᠢ ᠪᠣᠭᠣᠨᠢ ᠲᠠᠢ
ᠨᠠᠷᠠ ᠤᠷᠲᠤ ᠲᠠᠢ
ᠳᠣᠷᠣᠨᠠ— ᠡᠨᠳᠡ ᠡᠪᠦᠭᠡ ᠨᠢ ᠪᠠᠢᠳᠠᠭ᠃
ᠪᠢᠳᠡ ᠬᠣᠶᠠᠷ ᠤ᠋ᠨ ᠳᠤᠮᠳᠠ
ᠣᠷᠣᠢ ᠳ᠋ᠠᠭᠠᠨ ᠪᠣᠳᠣᠯ ᠰᠢᠭ᠋ ᠮᠠᠨᠠᠨ ᠲᠠᠢ
ᠣᠯᠠᠨ ᠣᠯᠠᠨ ᠠᠭᠤᠯᠠ ᠪᠠᠢᠳᠠᠭ᠃
ᠪᠢᠳᠡ ᠬᠣᠶᠠᠷ ᠤ᠋ᠨ ᠳᠤᠮᠳᠠ
ᠰᠠᠨᠠᠬᠤ ᠳ᠋ᠠᠭᠠᠨ ᠤᠬᠢᠯᠠᠭᠰᠠᠨ ᠨᠢᠯᠪᠤᠰᠤ ᠰᠢᠭ᠋
ᠰᠠᠯᠠᠭᠠᠯᠠᠭᠰᠠᠨ ᠣᠯᠠᠨ ᠮᠥᠷᠡᠨ ᠪᠠᠢᠳᠠᠭ᠃
ᠪᠢᠳᠡ ᠬᠣᠶᠠᠷ ᠤ᠋ᠨ ᠳᠤᠮᠳᠠ
ᠰᠠᠨᠠᠭᠠ ᠠᠯᠳᠠᠬᠤ ᠠᠮᠢᠰᠬᠤᠭᠠᠨ ᠠ᠋ᠴᠠ ᠡᠬᠢᠯᠡᠭᠰᠡᠨ
ᠰᠡᠪᠰᠢᠶᠡ ᠬᠣᠩᠭᠣᠷ ᠰᠠᠯᠬᠢᠨ ᠪᠠᠢᠳᠠᠭ᠃
ᠪᠢᠳᠡ ᠬᠣᠶᠠᠷ ᠤ᠋ᠨ ᠳᠤᠮᠳᠠ
ᠰᠡᠳᠬᠢᠯ ᠬᠡᠮᠡᠭᠴᠢ ᠰᠥᠨᠢᠵᠢᠨ ᠲᠢᠭᠯᠡᠭᠰᠡᠨ
ᠰᠡᠷᠡᠵᠦ ᠦᠷᠭᠦᠭᠡᠮᠡᠷ ᠦᠭᠡᠢ ᠵᠡᠭᠦᠳᠦ ᠪᠠᠢᠳᠠᠭ᠃
ᠨᠠᠷᠠ ᠪᠣᠭᠣᠨᠢ ᠲᠠᠢ
ᠰᠥᠨᠢ ᠤᠷᠲᠤ ᠲᠠᠢ
ᠥᠷᠥᠨᠡ— ᠲᠡᠨᠳᠡ ᠠᠴᠢ ᠮᠢᠨᠢ ᠪᠠᠢᠳᠠᠭ᠃
ᠰᠥᠨᠢ ᠪᠣᠭᠣᠨᠢ ᠲᠠᠢ
ᠨᠠᠷᠠ ᠤᠷᠲᠤ ᠲᠠᠢ
ᠳᠣᠷᠣᠨᠠ— ᠡᠨᠳᠡ ᠡᠪᠦᠭᠡ ᠨᠢ ᠪᠠᠢᠳᠠᠭ᠃
ᠮᠣᠩᠭᠣᠯ ᠤ᠋ᠨ ᠮᠢᠨᠢ ᠥᠴᠥᠭᠡᠳᠦᠷ ᠡᠴᠡ
ᠥᠷᠥᠨᠡ ᠶ᠋ᠢᠨ ᠥᠨᠥᠳᠥᠷ ᠡᠬᠢᠯᠡᠳᠡᠭ᠁
ᠮᠢᠨᠦ ᠥᠴᠥᠭᠡᠳᠦᠷ ᠡᠴᠡ
ᠴᠢᠨᠦ ᠥᠨᠥᠳᠥᠷ ᠡᠬᠢᠯᠡᠳᠡᠭ᠁
ᠦᠷᠡ ᠮᠢᠨᠢ᠃
2011 ᠣᠨ
ᠦᠰᠦᠭ ᠠᠮᠢᠯᠠᠭᠤᠯᠤᠭᠴᠢ᠄ ᠡᠩᠬᠡᠪᠠᠲᠤ
ᠦᠰᠦᠭ ᠬᠢᠨᠠᠭᠴᠢ᠄ ᠪᠠᠶᠠᠷᠴᠡᠴᠡᠭ