ᠡᠪᠦᠯ - ᠪᠠ᠊· ᠴᠣᠯᠮᠣᠨӨвөл-Б·Цолмон
895 ᠪᠠ᠊· ᠴᠣᠯᠮᠣᠨ
ᠠᠭᠤᠳᠠᠮ ᠲᠠᠯᠠ ᠮᠥᠩᠭᠥᠨ ᠴᠠᠭᠠᠨ
ᠴᠠᠰᠤᠨ ᠬᠥᠨᠵᠢᠯᠡ ᠪᠡᠨ ᠬᠤᠴᠢᠵᠤ ᠨᠥᠮᠥᠷᠦᠨᠡ
ᠠᠳᠤᠭᠤ ᠮᠠᠯ ᠨᠥᠮᠥᠷᠢ ᠳ᠋ᠦ᠍ᠨᠢ ᠪᠥᠭᠡᠮᠨᠡᠷᠡᠨ
ᠴᠠᠩ ᠤ᠋ᠨ ᠰᠠᠭᠰᠤᠷᠭᠠ ᠪᠠᠨ ᠰᠢᠯᠭᠡᠭᠡᠵᠦ ᠵᠣᠭᠰᠣᠨᠠ
ᠬᠥᠪᠬᠦ ᠡᠭᠦᠯᠡᠰ ᠦ᠋ᠨ ᠪᠠᠷᠠᠭᠠᠨ ᠰᠡᠭᠦᠳᠡᠷ
ᠬᠥᠪᠴᠢ ᠣᠢ ᠶ᠋ᠢ ᠬᠠᠶᠠᠨ ᠪᠦᠷᠬᠦᠨᠡ
ᠬᠠᠢᠷᠬᠠᠨ ᠠᠭᠤᠯᠠᠰ ᠴᠠᠰᠤᠨᠡ ᠰᠦᠮᠪᠦᠷᠯᠡᠵᠦ
ᠬᠠᠨ ᠣᠷᠭᠢᠯ ᠨᠢ ᠬᠠᠶᠠ ᠬᠠᠷᠠᠭᠳᠠᠨᠠ
ᠬᠠᠩᠭᠠᠢ ᠭᠣᠪᠢ ᠪᠠᠷ ᠬᠣᠨᠢᠳ ᠳᠠᠷᠬᠠᠨ
ᠴᠠᠰᠤ ᠮᠠᠯᠲᠠᠨ ᠪᠡᠯᠴᠢᠭᠡᠷᠯᠡᠵᠦ ᠢᠳᠡᠰᠢᠯᠡᠨᠡ
ᠬᠣᠯᠠᠬᠢ ᠪᠠᠷᠠ ᠳ᠋ᠤ᠌ ᠨᠢᠳᠦ ᠭᠢᠯᠠᠯᠵᠠᠨ
ᠴᠠᠭᠠᠨ ᠬᠡᠯᠲᠡᠰ ᠡᠩ ᠴᠠᠢᠷᠠᠨᠠ
ᠨᠠᠷᠠᠨ ᠲᠣᠭᠣᠨᠣᠲᠤ ᠮᠣᠩᠭᠣᠯ ᠭᠡᠷ ᠡᠴᠡ
ᠨᠠᠢᠷ ᠤ᠋ᠨ ᠳᠠᠭᠤᠤ ᠲᠠᠢ ᠷᠠᠳᠢᠣ᠋ ᠰᠣᠨᠣᠷᠳᠠᠨᠠ
ᠰᠠᠷᠠᠨ ᠳᠡᠭᠡᠪᠦᠷ ᠲᠡᠢ ᠢᠰᠡᠭᠡᠢ ᠥᠷᠥᠭᠡᠨ ᠡᠴᠡ
ᠰᠠᠭᠠᠯᠢ ᠶ᠋ᠢᠨ ᠦᠨᠦᠷᠲᠡᠢ ᠠᠷᠠᠵᠠ ᠰᠡᠩᠭᠢᠨᠡᠨᠡ
ᠱᠥᠯᠥ ᠤᠤᠭᠤᠭᠰᠠᠨ ᠠᠢᠯ ᠤ᠋ᠨ ᠬᠠᠰᠢᠶᠠᠨ ᠳᠡᠭᠡᠷᠡ
ᠰᠦᠷᠦᠭ ᠱᠠᠭᠠᠵᠠᠭᠠᠢ ᠠᠷᠠᠰᠤ ᠳᠦᠢᠯᠡᠨᠡ
ᠰᠡᠯᠡᠭᠦᠨ ᠣᠲᠣᠷ ᠲᠤ᠌ ᠬᠣᠲᠠᠴᠢ ᠨᠣᠬᠠᠢ
ᠰᠡᠷᠡᠮᠵᠢ ᠠᠪᠤᠨ ᠠᠯᠤᠰ ᠵᠦᠭ ᠬᠣᠷᠭᠣᠭᠣᠨᠠ
ᠬᠥᠯᠳᠡᠭᠦᠰᠦ ᠲᠥᠪᠬᠢᠨᠡᠭᠦᠯᠦᠭᠰᠡᠨ ᠭᠡᠷ ᠦ᠋ᠨ ᠡᠵᠡᠨ
ᠬᠥᠮᠡᠢ ᠬᠦᠩᠭᠢᠨᠡᠭᠦᠯᠵᠦ ᠠᠷᠤᠭ ᠢ᠋ᠶ᠋ᠠᠨ ᠬᠥᠮᠥᠷᠢᠨᠡ
ᠬᠦᠯᠦᠭ ᠰᠠᠢᠪᠤᠷᠯᠠᠭᠤᠯᠤᠭᠰᠠᠨ ᠵᠣᠴᠢᠳ ᠪᠠᠭᠤᠯᠴᠠᠵᠤ
ᠬᠦᠬᠦᠷ ᠰᠣᠯᠢᠯᠴᠠᠵᠤ ᠬᠠᠳᠠᠭ ᠢ᠋ᠶ᠋ᠠᠷ ᠮᠡᠨᠳᠦᠴᠢᠯᠡᠨᠡ
ᠵᠡᠷᠭᠡᠯᠡᠳᠡᠭᠡ ᠠᠢᠯ ᠤ᠋ᠨ ᠠᠵᠢᠯᠴᠢ ᠪᠦᠰᠡᠭᠦᠢᠴᠦᠳ
ᠵᠠᠢᠳᠠᠰᠤ ᠰᠠᠪᠠᠯᠠᠭᠠᠳ ᠵᠣᠭᠣᠭ ᠳᠡᠯᠭᠡᠨᠡ
ᠬᠣᠪᠣᠩ ᠳᠤᠭᠤᠢᠯᠠᠭᠰᠠᠨ ᠪᠤᠭᠤᠷᠤᠯ ᠨᠠᠰᠤᠲᠠᠳ ᠬᠠᠭᠤᠴᠢ
ᠦᠯᠢᠭᠡᠷ ᠬᠦᠦᠷᠨᠢᠵᠦ ᠪᠠᠶᠠᠰᠤᠯᠴᠠᠨᠠ
ᠭᠤᠨᠠᠨ ᠡᠪᠡᠷ ᠬᠥᠯᠳᠡᠬᠦ ᠡᠪᠦᠯ ᠢ᠋ᠶ᠋ᠡᠷ ᠴᠦ᠍
ᠭᠤᠸᠠᠯᠢᠭ ᠬᠡᠦᠬᠡᠨᠴᠦᠳ ᠮᠢᠨᠢ ᠳᠡᠪᠡᠯ ᠤᠷᠠᠯᠠᠨᠠ
ᠵᠢᠬᠡᠭᠦᠨ ᠵᠢᠩ ᠵᠤᠳ ᠰᠢᠭᠤᠷᠭᠠᠨ ᠴᠤ᠌
ᠵᠠᠯᠠᠭᠤᠰ ᠭᠠᠳᠠᠨᠠᠬᠢ ᠠᠢᠯ ᠳ᠋ᠤ᠌ ᠰᠢᠭᠤᠷᠬᠠᠢᠯᠠᠨᠠ
ᠦᠰᠦᠭ ᠠᠮᠢᠯᠠᠭᠤᠯᠤᠭᠴᠢ᠄ ᠰᠠᠴᠠᠡᠭᠡᠷᠠᠯ
ᠬᠢᠨᠠᠭᠴᠢ ᠪᠠᠭᠰᠢ᠄ ᠤᠳᠤᠨᠳᠤᠶᠠᠭᠠ