ᠡᠵᠢ ᠶ᠋ᠢ ᠪᠡᠨ ᠪᠢ ᠵᠡᠭᠦᠳᠦᠯᠡᠳᠡᠭ-ᠬᠡᠷᠡᠢᠳ ᠮᠥᠩᠬᠡᠨᠠᠰᠤᠨЭэжийгээ би зүүдэлдэг-Хэрэйд Мөнхнасан
834ᠡᠵᠢ ᠶ᠋ᠢ ᠪᠡᠨ ᠪᠢ ᠵᠡᠭᠦᠳᠦᠯᠡᠳᠡᠭ
ᠵᠣᠬᠢᠶᠠᠭᠴᠢ᠄ ᠬᠡᠷᠡᠢᠳ · ᠮᠥᠩᠬᠡᠨᠠᠰᠤᠨ
ᠤᠶᠠᠩᠭᠠᠯᠠᠭᠴᠢ᠄ ᠰᠣᠯᠤᠩᠭᠠ
ᠡᠵᠢ ᠶ᠋ᠢ ᠪᠡᠨ ᠪᠢ ᠵᠡᠭᠦᠳᠦᠯᠡᠳᠡᠭ
ᠡᠮᠵᠢᠶᠡᠷᠢ ᠭᠣᠶᠣᠯ ᠲᠠᠢ ᠳᠡᠪᠡᠯ ᠳ᠋ᠦ᠍ ᠮᠢᠨᠢ
ᠰᠢᠯᠪᠢ ᠬᠠᠲᠠᠵᠤ ᠪᠠᠢᠨᠠ ᠭᠡᠵᠦ ᠵᠡᠭᠦᠳᠦᠯᠡᠳᠡᠭ
ᠡᠭᠡᠵᠡᠭᠡᠢ ᠰᠢᠬᠠᠳᠠᠭ ᠭᠠᠷ ᠢ᠋ᠶ᠋ᠠᠷ ᠨᠢ
ᠢᠯᠪᠢᠭᠦᠯᠵᠦ ᠪᠠᠢᠨᠠ ᠭᠡᠵᠦ ᠵᠡᠭᠦᠳᠦᠯᠡᠳᠡᠭ
ᠰᠤᠷᠭᠠᠭᠤᠯᠢ ᠠ᠋ᠴᠠ ᠪᠤᠴᠠᠬᠤᠢ ᠨᠠᠮᠠ ᠪᠠᠨ
ᠰᠠᠷᠠᠪᠴᠢᠯᠠᠵᠤ ᠪᠠᠢᠨᠠ ᠭᠡᠵᠦ ᠵᠡᠭᠦᠳᠦᠯᠡᠳᠡᠭ
ᠰᠤᠮᠤᠨ ᠠ᠋ᠴᠠ ᠭᠡᠷ ᠬᠦᠷᠬᠦ ᠵᠥᠷᠢᠭ ᠢ᠋ᠶ᠋ᠡᠷ
ᠬᠠᠮᠲᠤ ᠳ᠋ᠤ᠌ ᠪᠠᠨ ᠶᠠᠪᠤᠨᠠ ᠭᠡᠵᠦ ᠵᠡᠭᠦᠳᠦᠯᠡᠳᠡᠭ
ᠡᠵᠢ ᠶ᠋ᠢ ᠪᠡᠨ ᠪᠢ ᠵᠡᠭᠦᠳᠦᠯᠡᠳᠡᠭ ᠠ᠋
ᠰᠠᠷᠠ ᠲᠠᠢ ᠭᠡᠭᠡ ᠶ᠋ᠢ ᠡᠨᠳᠡᠭᠦᠷᠡᠭᠡᠳ
ᠰᠠᠢᠬᠠᠨ ᠲᠠᠨ ᠢ᠋ ᠪᠡᠨ ᠢᠷᠡᠯᠡ ᠭᠡᠵᠦ ᠵᠡᠭᠦᠳᠦᠯᠡᠳᠡᠭ
ᠰᠠᠷᠠ ᠦᠭᠡᠢ ᠲᠦᠨᠡᠷ ᠢ᠋ᠶ᠋ᠡᠷ ᠭᠠᠭᠴᠠᠭᠠᠷᠳᠠᠭᠠᠳ
ᠰᠠᠨᠠᠨ ᠰᠠᠨᠠᠨ ᠢᠷᠡᠭᠡᠴᠢ ᠭᠡᠵᠦ ᠵᠡᠭᠦᠳᠦᠯᠡᠳᠡᠭ
ᠠᠨᠢᠪᠴᠢᠬᠤ ᠣᠳᠣᠳ ᠢ᠋
ᠠᠭᠠᠷ ᠲᠡᠭᠷᠢ ᠳ᠋ᠦ᠍ ᠨᠢ ᠡᠷᠬᠡᠯᠡᠭᠦᠯᠦᠨ ᠪᠠᠢᠵᠤ ᠵᠡᠭᠦᠳᠦᠯᠡᠳᠡᠭ
ᠠᠶᠠᠨ ᠤ᠋ ᠰᠢᠪᠠᠭᠤᠳ ᠢ᠋
ᠠᠯᠥᠰᠷᠠᠨ ᠵᠢᠵᠢᠭᠷᠡᠲᠡᠯᠡ ᠡᠤᠶᠠᠷᠠᠨ ᠪᠠᠢᠵᠤ ᠵᠡᠭᠦᠳᠦᠯᠡᠳᠡᠭ
ᠡᠵᠢ ᠶ᠋ᠢ ᠪᠡᠨ ᠪᠢ ᠵᠡᠭᠦᠳᠦᠯᠡᠳᠡᠭ ᠠ᠋
ᠬᠣᠯᠠ ᠠ᠋ᠴᠠ ᠢᠷᠡᠯᠡ ᠥᠬᠢᠨ ᠮᠢᠨᠢ ᠭᠡᠵᠦ
ᠲᠤᠯᠭᠠᠨ ᠳ᠋ᠤ᠌ ᠪᠠᠨ ᠠᠷᠭᠠᠯ ᠨᠡᠮᠡᠬᠦ ᠶᠦ᠍ᠮ
ᠠᠬᠢᠭᠠᠳ ᠪᠤᠤ ᠶᠠᠪᠤᠭᠠᠷᠠᠢ ᠭᠡᠵᠦ
ᠠᠯᠠᠭ ᠨᠢᠳᠦ ᠨᠢ ᠰᠢᠪᠡᠨᠡᠬᠦ ᠶᠦ᠍ᠮ
ᠶᠡᠬᠡ ᠪᠡᠷᠬᠡ ᠡᠴᠡ ᠨᠡᠭᠦᠵᠦ ᠬᠠᠷᠠᠭᠳᠠᠨᠠ
ᠡᠩᠭᠡᠷ ᠦ᠋ᠨ ᠬᠢᠨᠢ ᠲᠣᠪᠴᠢ ᠮᠥᠯᠲᠥᠷᠡᠵᠦ ᠦᠵᠡᠭᠳᠡᠨᠡ
ᠡᠵᠢ ᠠ᠋᠂ ᠪᠢ ᠲᠠᠨ ᠢ᠋ ᠪᠡᠨ ᠵᠡᠭᠦᠳᠦᠯᠡᠵᠦ ᠪᠠᠢᠨᠠ
ᠦᠷ ᠰᠤᠪᠤᠷᠠᠬᠤ ᠶ᠋ᠢᠨ ᠵᠡᠷᠭᠡᠳᠡ
ᠥᠮᠥᠯᠵᠡᠵᠦ ᠪᠢ ᠰᠡᠷᠡᠬᠦ ᠶᠦ᠍ᠮ
ᠥᠷᠯᠥᠭ ᠪᠤᠭᠤᠷᠤᠯ ᠡᠵᠢ ᠶ᠋ᠢ ᠪᠡᠨ
ᠥᠩᠭᠡᠷᠡᠦ ᠰᠦᠷᠡᠬᠡᠢ ᠰᠠᠨᠠᠬᠤ ᠶᠤᠮ
ᠦᠨᠡᠭᠡᠨ ᠬᠠᠷᠠᠩᠭᠤᠢ ᠠ᠋ᠴᠠ
ᠦᠨᠢᠶᠡᠨ ᠵᠡᠯᠡ ᠬᠦᠷᠲᠡᠯᠡ
ᠡᠵᠢ ᠶ᠋ᠢᠨ ᠮᠢᠨᠢ ᠮᠥᠷ ᠠᠯᠠᠭᠠ ᠪᠠᠢᠨᠠ
ᠦᠨᠡᠨ ᠦ᠌ ᠲᠡᠭᠷᠢ ᠡᠴᠡ
ᠦᠰᠦᠨ ᠪᠤᠭᠤᠷᠤᠯ ᠪᠣᠯᠲᠠᠯᠠ
ᠡᠵᠢ ᠶ᠋ᠢᠨ ᠮᠢᠨᠢ ᠪᠠᠷᠠ ᠣᠢᠷᠠᠬᠠᠨ ᠪᠠᠢᠨᠠ
ᠪᠤᠷᠤᠭᠤ ᠴᠤ᠌ ᠪᠣᠯᠤᠭ
ᠡᠵᠢ ᠮᠢᠨᠢ ᠨᠠᠮᠠ ᠪᠠᠨ ᠵᠥᠪᠳᠥᠭᠡᠨ ᠪᠠᠢᠵᠤ ᠰᠠᠨᠠᠳᠠᠭ
ᠪᠤᠷᠬᠠᠨ ᠪᠣᠯᠤᠭᠰᠠᠨ ᠴᠤ᠌ ᠶᠠᠭᠠᠬᠢᠬᠤᠪ
ᠡᠵᠢ ᠶ᠋ᠢ ᠪᠡᠨ ᠪᠢ ᠠᠮᠢᠯᠠᠭᠤᠯᠤᠨ ᠪᠠᠢᠵᠤ ᠵᠡᠭᠦᠳᠦᠯᠡᠳᠡᠭ ᠠ᠋
ᠡᠵᠢ ᠠ᠋ ᠪᠢ ᠲᠠᠨ ᠢ᠋ ᠪᠡᠨ ᠵᠡᠭᠦᠳᠦᠯᠡᠵᠦ ᠪᠠᠢᠨᠠ
ᠡᠩᠭᠡᠷ ᠲᠦ ᠴᠢᠨᠢ ᠨᠢᠯᠬᠠᠷᠠᠨᠠ ᠭᠡᠮᠡᠨ ᠵᠡᠭᠦᠳᠦᠯᠡᠵᠦ ᠪᠠᠢᠨᠠ
ᠦᠰᠦᠭ ᠠᠮᠢᠯᠠᠭᠤᠯᠤᠭᠴᠢ᠄ ᠬᠡᠷᠡᠢᠳ· ᠮᠥᠩᠬᠡᠨᠠᠰᠣᠨ
ᠥᠰᠥᠭ ᠬᠠᠲᠠᠭᠴᠢ᠄ ᠦᠯᠵᠡᠢᠪᠠᠭᠠᠲᠤᠷ
ᠬᠢᠨᠠᠭᠴᠢ᠄ ᠣᠳᠬᠠᠨᠰᠣᠠ