ᠭᠤᠷᠪᠠᠨ ᠲᠣᠷᠣᠢ -ᠮᠠᠮᠤᠤ -Гурван торой
814ᠭᠤᠷᠪᠠᠨ ᠲᠣᠷᠣᠢ
ᠡᠷᠲᠡ ᠤᠷᠢᠳᠤ ᠶ᠋ᠢᠨ ᠴᠠᠭ ᠲᠦ ᠠᠬᠠ ᠳᠡᠭᠦᠦ ᠭᠤᠷᠪᠠᠨ ᠲᠣᠷᠤᠢ ᠠᠮᠢᠳᠤᠷᠠᠳᠠᠭ ᠪᠠᠢᠵᠠᠢ᠃ ᠭᠤᠷᠪᠠᠭᠤᠯᠠ ᠪᠠᠨ ᠠᠳᠠᠯᠢᠬᠠᠨ ᠶᠠᠭᠠᠬᠠᠨ ᠢᠨᠢᠶᠡᠳᠦ ᠲᠡᠢ ᠮᠤᠰᠬᠢᠷᠠᠭᠰᠠᠨ ᠰᠡᠭᠦᠯ ᠲᠡᠢ ᠠᠵᠢ᠃ ᠲᠤᠷᠤᠢ ᠨᠤᠭᠤᠳ ᠦ᠋ᠨ ᠨᠡᠷᠡ ᠶ᠋ᠢ ᠨᠢᠫ ᠨᠢᠫ᠂ ᠨᠤᠫ ᠨᠤᠫ᠂ ᠨᠠᠫ ᠨᠠᠫ ᠭᠡᠳᠡᠭ ᠪᠠᠢᠵᠠᠢ᠃ ᠲᠡᠭᠡᠭᠡᠳ ᠵᠤᠨᠵᠢᠨ ᠢ᠋ᠶ᠋ᠠᠨ ᠡᠪᠡᠰᠦᠨ ᠳᠡᠭᠡᠷᠡ ᠥᠩᠬᠦᠷᠢᠯᠳᠦᠨ ᠨᠠᠷᠠᠨ ᠳ᠋ᠤ᠌ ᠪᠡᠶᠡ ᠪᠡᠨ ᠡᠭᠡᠭᠡᠵᠦ ᠬᠡᠪᠲᠡᠳᠡᠭ ᠪᠠᠢᠪᠠ᠃ ᠭᠡᠪᠡᠴᠦ ᠬᠦᠢᠲᠡᠨ ᠨᠠᠮᠤᠷ ᠬᠦᠷᠦᠭᠡᠳ ᠢᠷᠡᠯᠡ᠃ 《ᠣᠳᠣ ᠡᠪᠦᠯ ᠦ᠋ᠨ ᠲᠤᠬᠠᠢ ᠪᠣᠳᠤᠬᠤ ᠴᠠᠭ ᠪᠣᠯᠤᠭᠰᠠᠨ ᠪᠠᠢᠨᠠ᠂ ᠳᠤᠯᠠᠭᠠᠬᠠᠨ ᠪᠠᠢᠰᠢᠩ ᠪᠠᠷᠢᠭᠠᠳ ᠪᠦᠭᠦᠳᠡᠭᠡᠷ ᠢ᠋ᠶ᠋ᠡᠨ ᠲᠡᠨᠳᠡ ᠪᠡᠨ ᠬᠠᠮᠲᠤ ᠳ᠋ᠤ᠌ ᠪᠠᠨ ᠠᠮᠢᠳᠤᠷᠠᠶᠠ》ᠭᠡᠵᠦ ᠨᠠᠫ ᠨᠠᠫ ᠬᠡᠯᠡᠪᠡ᠃
— ᠲᠡᠭᠡᠲᠡᠯᠡ《 ᠦ᠂ ᠦᠭᠡᠢ ᠰᠢᠦ︾ᠭᠡᠵᠦ ᠨᠢᠫ ᠨᠢᠫ᠂ ᠨᠤᠫ ᠨᠤᠫ ᠬᠣᠶᠠᠷ ᠠᠭᠤᠷᠯᠠᠯᠠ᠃ 《ᠡᠪᠦᠯ ᠪᠣᠯᠲᠠᠯᠠ ᠬᠠᠮᠢᠭᠠ ᠴᠤ᠌ ᠪᠠᠢᠭᠰᠠᠨ ᠶᠤᠮ᠂ ᠠᠮᠵᠢᠨᠠ ᠰᠢᠲᠠ》ᠭᠡᠬᠦ ᠳ᠋ᠦ᠍ ᠨᠢ
—《ᠬᠦᠰᠡᠭᠰᠡᠨ ᠢ᠋ᠶ᠋ᠡᠷ ᠢ᠋ᠶ᠋ᠡᠨ ᠪᠣᠯ ᠳ᠋ᠠ ᠂ ᠲᠡᠭᠡᠪᠡᠯ ᠪᠢ ᠥᠪᠡᠷ ᠢ᠋ᠶ᠋ᠡᠨ ᠥᠪᠡᠷᠲᠡᠭᠡᠨ ᠪᠠᠢᠰᠢᠩ ᠪᠠᠷᠢᠵᠤ ᠡᠬᠢᠯᠡᠯᠡ》ᠭᠡᠵᠦ ᠨᠠᠫ ᠨᠠᠫ ᠲᠡᠳᠡᠨ ᠳ᠋ᠦ᠍ ᠬᠡᠯᠡᠵᠡᠢ ᠭᠡᠨᠡ᠃
ᠬᠠᠷᠢᠨ ᠨᠢᠫ ᠨᠢᠫ᠂ ᠨᠤᠫ ᠨᠤᠫ ᠬᠣᠶᠠᠷ ᠤᠷᠢᠳ ᠦ᠋ᠨ ᠠᠳᠠᠯᠢ ᠡᠷᠬᠡᠯᠡᠯᠳᠦᠨ ᠨᠠᠭᠠᠳᠤᠭᠰᠠᠭᠠᠷ ᠯᠠ ᠪᠠᠢᠯᠠ᠃ ᠢᠩᠭᠢᠭᠡᠳ ᠵᠠᠮ ᠦ᠋ᠨ ᠬᠠᠵᠠᠭᠤ ᠶ᠋ᠢᠨ ᠲᠣᠮᠣ ᠤᠰᠤᠨ ᠱᠠᠯᠪᠠᠭ ᠢ᠋ ᠬᠥᠯᠳᠡᠵᠦ ᠡᠬᠢᠯᠡᠬᠦ ᠳ᠋ᠦ᠍ ᠠᠬᠠ ᠳᠡᠭᠦᠦ ᠬᠣᠶᠠᠷ ᠠᠵᠢᠯ ᠳ᠋ᠤ᠌ ᠪᠠᠨ ᠤᠷᠤᠵᠠᠢ᠃ ᠨᠤᠫ ᠨᠤᠫ ᠥᠪᠡᠷᠲᠡᠭᠡᠨ ᠰᠦᠷᠡᠯ ᠢ᠋ᠶ᠋ᠡᠷ ᠬᠤᠷᠳᠣᠬᠠᠨ ᠰᠢᠭ᠋ ᠪᠠᠢᠰᠢᠩ ᠪᠠᠷᠢᠴᠢᠬᠠᠪᠠ᠃ ᠨᠢᠫ ᠨᠢᠫ ᠴᠦ᠍ ᠪᠠᠰᠠ ᠥᠪᠡᠷᠲᠡᠭᠡᠨ ᠪᠠᠢᠰᠢᠩ ᠪᠠᠷᠢᠬᠤ ᠪᠠᠷ ᠰᠢᠢᠳᠴᠡᠢ ᠭᠡᠨᠡ᠃ ᠰᠦᠷᠡᠯ ᠢ᠋ᠶ᠋ᠡᠷ ᠪᠢᠰᠢ ᠬᠠᠷᠢᠨ ᠮᠥᠴᠢᠷ ᠢ᠋ᠶ᠋ᠡᠷ ᠂ ᠤᠷᠤᠢ ᠢᠷᠡᠬᠦ ᠳ᠋ᠦ᠍ ᠪᠠᠢᠰᠢᠩ ᠨᠤᠭᠤᠳ ᠨᠢ ᠪᠡᠯᠡᠨ ᠪᠣᠯᠴᠢᠬᠠᠭᠰᠠᠨ ᠪᠠᠢᠯᠠ᠃ 《ᠨᠠᠫ ᠨᠠᠫ ᠳᠡᠭᠡᠷᠡ ᠣᠴᠢᠵᠠᠭᠠᠶᠠ》ᠭᠡᠵᠦ ᠨᠤᠫ ᠨᠤᠫ ᠰᠠᠨᠠᠯ ᠭᠠᠷᠭᠠᠪᠠ᠃ 《ᠲᠡᠭᠦᠨ ᠦ᠌ ᠪᠠᠷᠢᠭᠰᠠᠨ ᠪᠠᠢᠰᠢᠩ ᠶᠠᠮᠠᠷ ᠪᠣᠯᠤᠭᠰᠠᠨ ᠪᠣᠯ᠂ ᠶᠡᠬᠡ ᠰᠣᠨᠢᠷᠬᠠᠯᠲᠠᠢ ᠪᠠᠢᠨᠠ》᠃ ᠬᠠᠷᠢᠨ ᠨᠠᠫ ᠨᠠᠫ ᠶᠠᠭᠠᠷᠠᠯ ᠦᠭᠡᠢ ᠪᠡᠷ ᠴᠢᠯᠠᠭᠤ ᠪᠠᠷ ᠪᠠᠲᠤ ᠪᠡᠬᠢ ᠨᠠᠢᠳᠠᠪᠤᠷᠢᠲᠠᠢ ᠪᠠᠢᠰᠢᠩ ᠪᠠᠷᠢᠭᠰᠠᠨ ᠪᠠᠢᠯᠠ᠃ ᠲᠡᠷᠡ ᠴᠢᠨᠣᠠ ᠶ᠋ᠢ ᠤᠷᠤᠭᠤᠯᠬᠤ ᠦᠭᠡᠢ ᠶ᠋ᠢᠨ ᠲᠤᠯᠠᠳᠠ ᠵᠠᠮᠤᠭ ᠦ᠋ᠨ ᠲᠦᠭᠵᠢᠶᠡ ᠲᠡᠢ ᠬᠦᠨᠳᠦ ᠬᠠᠭᠠᠯᠭᠠ ᠬᠢᠭᠰᠡᠨ ᠪᠠᠢᠯᠠ᠃ 《ᠲᠡᠭᠦᠨ ᠦ᠌ ᠴᠢᠨᠣᠠ ᠠ᠋ᠴᠠ ᠬᠡᠴᠢᠨᠡᠭᠡᠨ ᠶᠡᠬᠡ ᠠᠶᠤᠳᠠᠭ ᠢ᠋ ᠬᠠᠷᠠᠭᠠᠴᠢ》ᠭᠡᠵᠦ ᠨᠢᠫ ᠨᠢᠫ ᠬᠡᠯᠡᠭᠡᠳ ᠠᠬᠠ ᠳᠡᠭᠦᠦ ᠬᠣᠶᠠᠷ ᠨᠢ ᠱᠤᠤᠯᠠᠨ ᠬᠥᠬᠥᠷᠥᠯᠳᠦᠵᠦ ᠭᠡᠨᠡ᠃ ᠲᠡᠳᠡ ᠮᠠᠰᠢ ᠶᠡᠬᠡ ᠴᠢᠮᠡᠭᠡ ᠱᠤᠤᠭᠢᠶᠠᠨ ᠭᠠᠷᠤᠭᠰᠠᠨ ᠲᠤᠯᠠ ᠨᠠᠷᠠᠰᠤᠨ ᠮᠣᠳᠣᠨ ᠳᠣᠣᠷᠠ ᠤᠨᠲᠠᠵᠤ ᠪᠠᠢᠭᠰᠠᠨ ᠦᠯᠦᠰᠬᠦᠯᠡᠩ ᠴᠢᠨᠣᠠ ᠰᠡᠷᠡᠴᠢᠬᠡᠵᠡᠢ᠃ 《ᠡᠨᠳᠡ ᠶᠠᠮᠠᠷ ᠭᠡᠭᠴᠢ ᠶ᠋ᠢᠨ ᠴᠢᠨᠣᠠ ᠪᠠᠢᠬᠤᠪ ᠳ᠋ᠠ》ᠭᠡᠵᠦ ᠭᠠᠬᠠᠢ ᠶ᠋ᠢᠨ ᠲᠣᠷᠤᠢ ᠨᠤᠭᠤᠳ ᠬᠦᠭᠵᠢᠯᠳᠦᠵᠦ᠍ ᠪᠠᠢᠭᠰᠠᠨ ᠢ᠋ᠶ᠋ᠠᠨ ᠰᠢᠳᠦ ᠪᠡᠨ ᠢᠷᠵᠠᠢᠯᠭᠠᠨ ᠠᠮᠠ ᠪᠠᠨ ᠠᠩᠭᠠᠢᠭᠰᠠᠨ ᠵᠢᠩᠬᠢᠨᠢ ᠠᠮᠢᠳᠤ ᠴᠢᠨᠣᠠ ᠲᠠᠢ ᠲᠤᠯᠭᠠᠷᠠᠪᠠ᠃ ᠲᠣᠷᠤᠢ ᠨᠤᠭᠤᠳ ᠠᠶᠤᠭᠰᠠᠨ ᠳ᠋ᠤ᠌ ᠪᠠᠨ ᠴᠢᠷᠠᠯᠠᠨ ᠵᠢᠭᠤᠲᠠᠯᠠ᠃
— ᠨᠢᠫ ᠨᠢᠫ ᠥᠪᠡᠷ ᠦ᠋ᠨ ᠢ᠋ᠶ᠋ᠡᠨ ᠰᠦᠷᠡᠯ ᠦ᠋ᠨ ᠪᠠᠢᠰᠢᠩ ᠳ᠋ᠤ᠌ ᠲᠦᠷᠦᠭᠦᠯᠡᠨ ᠬᠦᠶᠦᠵᠦ ᠤᠷᠤᠭᠠᠳ ᠬᠠᠭᠠᠯᠭᠠ ᠪᠠᠨ ᠬᠠᠭᠠᠪᠠ᠃ 《ᠠᠯᠢᠪ ᠬᠠᠭᠠᠯᠭᠠ ᠪᠠᠨ ᠨᠡᠬᠡᠭᠡ !》ᠭᠡᠵᠦ ᠴᠢᠨᠣᠠ ᠠᠷᠬᠢᠷᠠᠯᠠ᠃ 《ᠨᠡᠭᠡᠭᠡᠬᠦ ᠦᠭᠡᠢ》ᠭᠡᠵᠦ ᠨᠢᠫ ᠨᠢᠫ ᠬᠤᠷᠬᠢᠷᠠᠵᠠᠢ ᠭᠡᠨᠡ᠃
— ᠲᠡᠭᠡᠬᠦ ᠪᠡᠷ ᠨᠢ ᠴᠢᠨᠣᠠ ᠬᠠᠮᠤᠭ ᠬᠦᠴᠦ ᠪᠡᠷ ᠢ᠋ᠶ᠋ᠡᠨ ᠫᠦ᠋ ᠭᠡᠳ ᠦᠯᠢᠶᠡᠴᠢᠬᠡᠵᠡᠢ ᠭᠡᠨᠡ᠃ ᠳᠡᠭᠡᠪᠦᠷ ᠦ᠋ᠨ ᠬᠢᠨᠢ ᠰᠦᠷᠡᠯ ᠬᠤᠭᠤᠯᠠᠷᠠᠵᠤ ᠬᠠᠨᠠ ᠨᠢ ᠴᠡᠴᠡᠷᠡᠵᠦ ᠡᠬᠢᠯᠡᠯᠡ᠃ ᠲᠡᠭᠡᠭᠡᠳ ᠪᠠᠢᠰᠢᠩ ᠨᠢ ᠨᠤᠷᠠᠴᠢᠬᠠᠵᠠᠢ ᠭᠡᠨᠡ᠃
— ᠬᠠᠷᠢᠨ ᠨᠢᠫ ᠨᠢᠫ ᠵᠢᠭᠤᠲᠠᠨ᠂ ᠨᠤᠫ ᠨᠤᠫ ᠦ᠋ᠨ ᠪᠠᠢᠰᠢᠩ ᠳ᠋ᠤ᠌ ᠬᠦᠷᠴᠦ ᠢᠷᠡᠭᠡᠳ᠂ ᠲᠡᠭᠡᠭᠡᠳ ᠠᠬᠠ ᠳᠡᠭᠦᠦ ᠬᠣᠶᠠᠷ ᠬᠠᠭᠠᠯᠭᠠ ᠪᠠᠨ ᠲᠦᠭᠵᠢᠪᠡ ᠃ ᠴᠢᠨᠣᠠ ᠲᠣᠷᠤᠢ ᠨᠤᠭᠤᠳ ᠢ᠋ ᠵᠠᠯᠢᠳᠠᠬᠤ ᠪᠠᠷ ᠰᠢᠢᠳᠴᠦ ᠂ ᠲᠡᠷᠡ ᠬᠣᠨᠢᠨ ᠠᠷᠠᠰᠤ ᠨᠦᠮᠦᠷᠦᠭᠡᠳ ᠬᠠᠭᠠᠯᠭᠠ ᠶ᠋ᠢ ᠨᠢ ᠠᠶᠠᠷᠬᠠᠨ ᠲᠣᠭᠰᠢᠪᠠ᠃ 《ᠬᠡᠨ ᠪᠣᠢ?》ᠭᠡᠵᠦ ᠠᠶᠤᠭᠰᠠᠨ ᠲᠤᠷᠤᠢ ᠨᠤᠭᠤᠳ ᠠᠶᠤᠭᠠ ᠦᠭᠡᠢ ᠳᠦᠷᠢ ᠡᠰᠬᠡᠪᠡ᠃ 《ᠥ᠂ ᠪᠢ ᠪᠢ᠂ ᠬᠦᠭᠡᠷᠦᠬᠦᠢ ᠵᠢᠵᠢᠭᠬᠡᠨ ᠬᠣᠨᠢ ᠪᠠᠢᠨᠠ᠂ ᠪᠢ ᠲᠦᠭᠡᠷᠡᠴᠢᠬᠡᠯᠡ᠂ ᠨᠠᠮᠠ ᠶ᠋ᠢ ᠬᠤᠨᠤᠭᠤᠯᠤᠭᠠᠴᠢ》ᠭᠡᠵᠦ ᠴᠢᠨᠣᠠ ᠭᠢᠶᠡᠨᠡᠨ ᠬᠡᠯᠡᠪᠡ᠃ ᠦᠨᠡᠮᠰᠢᠭᠰᠡᠨ ᠲᠤᠷᠤᠢ ᠨᠤᠭᠤᠳ ᠬᠠᠭᠠᠯᠭᠠ ᠪᠠᠨ ᠵᠢᠭᠠᠬᠠᠨ ᠨᠡᠭᠡᠭᠡᠲᠡᠯᠡ ᠠᠶᠤᠮᠰᠢᠭ ᠲᠠᠢ ᠰᠢᠳᠦ ᠲᠡᠢ ᠲᠣᠮᠣ ᠠᠮᠠ ᠶ᠋ᠢ ᠣᠯᠵᠤ ᠬᠠᠷᠠᠯᠠ᠃ ᠠᠬᠠ ᠳᠡᠭᠦᠦ ᠬᠣᠶᠠᠭᠤᠯᠠ ᠬᠠᠭᠠᠯᠭᠠ ᠪᠠᠨ ᠠᠷᠠᠢ ᠭᠡᠵᠦ ᠬᠠᠭᠠᠵᠤ ᠠᠮᠵᠢᠪᠠ᠃
— ᠴᠢᠨᠣᠠ ᠮᠠᠰᠢ ᠶᠡᠬᠡ ᠠᠭᠤᠷᠯᠠᠨ ᠫᠦ᠋ ᠭᠡᠳ ᠦᠯᠢᠶᠡᠵᠦ ᠡᠬᠢᠯᠡᠯᠡ᠃ ᠪᠠᠢᠰᠢᠩ ᠭᠠᠩᠬᠤᠵᠤ ᠪᠠᠢᠭᠰᠠᠨ ᠢ᠋ᠶ᠋ᠠᠨ ᠨᠤᠷᠠᠴᠢᠬᠠᠵᠠᠢ ᠭᠡᠨᠡ᠃
— ᠲᠣᠷᠤᠢ ᠨᠤᠭᠤᠳ ᠨᠠᠫ ᠨᠠᠫ ᠦ᠋ᠨ ᠪᠠᠢᠰᠢᠩ ᠤᠷᠤᠭᠤ ᠭᠦᠶᠦᠴᠢᠬᠡᠯᠡ᠃ ᠨᠠᠫ ᠨᠠᠫ ᠲᠡᠳᠡᠨ ᠢ᠋ ᠪᠠᠢᠰᠢᠩ ᠳ᠋ᠤ᠌ ᠪᠠᠨ ᠤᠷᠤᠭᠤᠯᠤᠭᠠᠳ᠂ ᠬᠠᠭᠠᠯᠭᠠ ᠪᠠᠨ ᠵᠠᠮᠤᠭ ᠦ᠋ᠨ ᠴᠤᠤᠵᠢ ᠪᠠᠷ ᠲᠦᠭᠵᠢᠪᠡ ᠃ ᠴᠢᠨᠣᠠ ᠬᠠᠭᠠᠯᠭᠠ ᠶ᠋ᠢ ᠲᠣᠭᠰᠢᠪᠠ᠃
— ᠲᠡᠭᠡᠬᠦ ᠳ᠋ᠦ᠍ ᠨᠢ ᠨᠠᠫ ᠨᠠᠫ ᠲᠠᠢᠪᠤᠩ ᠢ᠋ᠶ᠋ᠠᠷ ᠄《ᠬᠡᠨ ᠪᠣᠢ?》ᠭᠡᠵᠦ ᠠᠰᠠᠭᠤᠬᠤ ᠳ᠋ᠤ᠌᠂ 《ᠣᠳᠤᠬᠠᠨ ᠬᠠᠭᠠᠯᠭᠠ ᠪᠠᠨ ᠨᠡᠬᠡᠭᠡ》ᠭᠡᠵᠦ ᠴᠢᠨᠣᠠ ᠪᠦᠳᠦᠭᠦᠯᠢᠭ ᠢ᠋ᠶ᠋ᠡᠷ ᠪᠠᠷᠬᠢᠷᠠᠪᠠ᠃
— ᠬᠡᠩ᠂ ᠦᠭᠡᠢ ᠰᠢᠦ ᠭᠡᠬᠦ ᠳ᠋ᠦ᠍ ᠨᠢ ᠴᠢᠨᠣᠠ ᠬᠠᠭᠠᠯᠭᠠ ᠶ᠋ᠢ ᠬᠦᠴᠦᠲᠡᠢ ᠰᠡᠭᠰᠦᠴᠢᠵᠦ᠍ ᠡᠬᠢᠯᠡᠪᠡ᠃ ᠬᠠᠭᠠᠯᠭᠠ ᠨᠢ ᠨᠡᠭᠡᠭᠡᠭᠳᠡᠭᠰᠡᠨ ᠦᠭᠡᠢ᠃ ᠴᠢᠨᠣᠠ ᠠᠭᠠᠷ ᠢ᠋ ᠲᠣᠮᠣ ᠭᠡᠭᠴᠢ ᠨᠢ ᠰᠤᠷᠤᠭᠠᠳ ᠦᠯᠢᠶᠡᠪᠡ᠃ ᠭᠡᠪᠡᠴᠦ ᠪᠠᠢᠰᠢᠩ ᠪᠠᠢᠷᠢᠨ ᠠ᠋ᠴᠠ ᠪᠠᠨ ᠬᠥᠳᠡᠯᠦᠭᠰᠡᠨ ᠴᠦ᠍ ᠦᠭᠡᠢ᠃ ᠴᠢᠨᠣᠠ ᠳᠡᠭᠡᠪᠦᠷ ᠳᠡᠭᠡᠷᠡᠬᠢ ᠲᠣᠮᠣ ᠶᠠᠨᠳᠦᠩ ᠢ᠋ ᠨᠢ ᠭᠡᠨᠡᠳᠲᠡ ᠣᠯᠵᠤ ᠬᠠᠷᠠᠭᠠᠳ《ᠠ ᠬᠠ》ᠭᠡᠵᠦ ᠪᠠᠶᠠᠷᠯᠠᠭᠠᠳ ᠮᠥᠯᠬᠥᠨ ᠣᠷᠤᠯᠠ᠃ ᠭᠡᠪᠡᠴᠦ ᠤᠬᠠᠭᠠᠨᠲᠠᠢ ᠨᠠᠫ ᠨᠠᠫ ᠤᠰᠤ ᠪᠤᠴᠠᠯᠭᠠᠵᠤ ᠪᠠᠢᠭᠰᠠᠨ ᠲᠣᠭᠣᠭᠠᠨ ᠤ᠋ ᠪᠠᠨ ᠲᠠᠭ ᠢ᠋ ᠨᠢ ᠠᠪᠴᠢᠬᠠᠪᠠ᠃ ᠶᠠᠨᠳᠦᠩ ᠴᠡᠪᠡᠷᠯᠡᠭᠴᠢ ᠰᠢᠭ᠌ ᠬᠠᠷᠠ ᠥᠩᠭᠡ ᠲᠡᠢ ᠴᠢᠨᠣᠠ ᠪᠤᠴᠠᠯᠵᠤ ᠪᠣᠢ ᠣᠰᠤᠨ ᠳ᠋ᠤ᠌ ᠰᠢᠭᠤᠳ ᠤᠨᠠᠴᠢᠬᠠᠵᠠᠢ ᠭᠡᠨᠡ᠃ ᠲᠦᠯᠡᠭᠳᠡᠭᠰᠡᠨ ᠴᠢᠨᠣᠠ ᠵᠡᠷᠯᠢᠭ ᠢ᠋ᠶ᠋ᠡᠷ ᠤᠬᠢᠯᠠᠨ ᠳᠡᠭᠡᠪᠦᠷ ᠳᠡᠭᠡᠷᠡ ᠪᠤᠴᠠᠵᠤ ᠭᠠᠷᠤᠭᠠᠳ ᠲᠡᠨᠳᠡ ᠠ᠋ᠴᠠ ᠪᠠᠨ ᠥᠩᠬᠥᠷᠢᠨ ᠪᠠᠭᠤᠭᠠᠳ ᠵᠢᠭᠤᠲᠠᠵᠠᠢ ᠭᠡᠨᠡ᠃
—ᠭᠤᠷᠪᠠᠨ ᠲᠣᠷᠤᠢ ᠰᠠᠨᠠᠭᠠ ᠮᠠᠭᠤᠲᠤ ᠴᠢᠨᠣᠠ ᠶ᠋ᠢ ᠡᠢᠨ ᠬᠦ᠌ ᠬᠠᠰᠢᠷᠠᠭᠠᠭᠠᠳ᠂ ᠡᠪ ᠲᠡᠢ ᠨᠠᠢᠷ ᠲᠠᠢ ᠠᠮᠢᠳᠤᠷᠠᠵᠤ᠂ ᠠᠮᠤᠷ ᠰᠠᠢᠬᠠᠨ ᠳ᠋ᠤ᠌ ᠪᠠᠨ ᠵᠢᠷᠭᠠᠵᠠᠢ ᠭᠡᠨᠡ᠃
ᠦᠰᠦᠭ ᠠᠮᠢᠯᠠᠭᠤᠯᠤᠭᠴᠢ ᠂ ᠬᠠᠲᠠᠭᠴᠢ ᠄ ᠾᠦᠩ ᠸᠧᠢ
ᠬᠢᠨᠠᠯᠲᠠ ᠄ ᠰᠡᠴᠡᠨᠴᠢᠮᠡᠭ᠂ ᠮᠤᠩᠭᠤᠯ ᠰᠦᠨᠡᠰᠦ᠃